#روايه أحببتها_ولكن
#الفصل_السابع_والثامن عشر
هادي بقلق:مالك يا فرح
فرح بقلق:خالتي هي وبنتها جايين
هادي:ياشيخه حرام عليكي خضتيني وفيها ايه يعني
فرح بحزن:وفيها كتير يا هادي خالتي مش بتحبني شايفه بنتها احسن مني ف كل حاجه عشان بنتها حلوة شويه واكملت بهمس ولو شافتك هتحاول تاخدك مني
هادي:ايه لو شافتني ايه انا مش فاهم حاجه ممكن تفهميني
فرح:لو شافوك هتحاول تاخدك مني
هادي سكت وضحك جامد وحضنها:بطلي هبل تاخد مين هو انا عيل
فرح بدموع:خالتي ديما بتعاملني وحش وبتقول كلام يوجعني وكل يتكلم عليا حلو تحاول تطلعني وحشه ولما تلاقيك مز كده هتسلط بنتها عليك
هادي فهم حزنها وراح مسح دموعها:طب انا هسأل وانتي تجاوبي
هادي:انا بحب مين ومن انا صغير
فرح:انا
هادي:وايه الي خلاني اسافر عشان اجيب فلوس وعشان يكون ليا اسم
فرح:عشان تتقدملي
هادي:مين الي ممكن اموت نفسي عشانها وانتي شوفتي بعنيكي
فرح:انا
هادي:شوفتي انتي بتجاوبي بنفسك يبقي اي واحده تقف قدامي اسيبك عشانها انتي هبله يا فرح
فرح:ما هي بصراحه احلي مني
هادي:لو هي اجمل بنت علي وجه الارض مش هحب غيرك وخليكي واثقه فيا وف حبي ليكي
فرح:انا واثقه فيك اكتر من نفسي
هادي:بس دة انا الي عايزة
فرح حضنته جامد وبصتله بكل برأة:انا بحبك اوي يا هادي
هادي:يالهووي علي البرائه الي هتقتلني ف يوم من الايام دي وراح شد خدودها وانا كمان بحبك يا عيون هادي ننام بقي عشان نروح بكرة عند مامتك
فرح ف نفسها:ربنا يستر علي بكرة
وف الصباح استيقظ هادي قبل فرح ودخل الحمام وطلع لابس بدله كوحلي كانت غايه ف الجمال عليه
هادي رايح يصحي فرح:حببتي فرحتي
فرح بنعاس:خمس دقايق
هادي ضحك علي منظرها وراح باس راسها:يلا يا قلبي عشان اوصلك عند مامتك واروح المستشفي اخلص شغل واجي
فرح قامت بسرعه:مش لازم تيجي
هادي بصلها:فرح احنا قولنا ايه خلي عندك ثقه ف نفسك وبقولك تاني انا مش هبص غير ليكي ولا هحب غيرك
فرح:ماشي خلاص هقوم اهو
وبالفعل لبست فرح وهادي وصلها وراح علي المستشفي
فرح:ماما هو ايه الي جابهم
مامت فرح:معرفش يا بنتي اكيد جاين لمصلحه انا مش مطمنه
فرح:ولا انا
وبعد نصف ساعه الباب خبط
فرح بتوتر:اكيد هما دول
مامت فرح:انا رايحه افتح
فرح:يارب استرها
خالت فرح"اسماهان":ازيك يا اختي
مامت فرح:الحمدلله يا اسماهان اتفضلي
سهر بنت خالت فرح:هاي انطي
مامت فرح بتقزز:ازيك يا سهر
ودخلو
سهر بخبث:ازيك يا فرح عامله ايه
فرح:الحمدلله
اسماهان:ازيك
فرح:الحمدلله
اسماهان:انا سمعت انك اتجوزتي دة حقيقي
مامت فرح:ايوة وحامل
اسماهان بصدمه:ازاي واحنا منعرفش
مامت فرح:جت سريع معلش
سهر بتكبر:جوزك دة شغال ايه
فرح:دكتور جراحه قلب نفس تخصصي وصاحب مستشفي هديه للقلب
سهر بخبث:حلو أوي
فرح خافت من نظرتها
سهر:امال فين كريم
مامت فرح:كريم ف الشركه مهو الي مسك الشركات وكاتب كتابه علي ميار صحبه فرح
اسماهان بصدمه:احنا مش كنا متفقين ان سهر لكريم
مامت فرح:كريم بيحبها مقدرش ارفض
وقعدو فترة يسألو اسئله كتير ومامت فرح بترد بثقه وفرح متوترة والباب خبط وفرح خافت لانها عرفت انه هادي
دخل هادي لقي بنت بتبصله بطريقه مش كويسه وست كبيرة بس شكلها خبيث وهادي فهمهم من نظراتهم راح تجاهل الكل وراح ناحيه فرح وباس خدودها:انا جيت يا قلبي وايده علي بطنها المنفوخه شويه
اسماهان:مش تعرفينا
مامت فرح:هادي دي اختي ودي بنتها سهر ودة هادي جوز فرح
سهر:ازيك يا هادي
هادي ببرود:اهلا
وراح قعد جنب فرح وبيشاكل فيها بمرح وسهر هتموت من الغيظ لانها اعجبت بهادي بشدة
اسماهان بغيظ:احترم وجودنا شويه يا دكتور هادي
هادي ببرود:هو انا بعمل حاجه انا مع مراتي يعني براحتي ولا ايه
مامت فرح:براحتك يا حبيبي اوضه فرح فوق لو عايز تطلع تريح شويه لو تعبان
هادي بكل جرأة:مش بعرف انام غير ف حضن فرح
فرح اتكسفت وحطت وشها ف حضنه
الخدامه:الاكل جاهز
فرح نست من حولها:الله انا جعانه أوي
هادي ضحك بكل صوته:يلا يا حببتي عشان تاكلي طيب
فرح:متتريقش عليا ما انا باكل عشان ابنك بردو
هادي:عيوني ليكوا يلا
مامت فرح مشت مبسوطه والباقي متغاظ
علي السفرة فرح كانت بتاكل وهادي كان بيأكلها ويجبلها ويحط ف الطبق بتاعها
والكل كان قاعد هيطق ماعدا مامت فرح فرحانه
كريم دخل مرة واحده:ااه الخيانه بتجري ف دمكوا بتاكلوا من غيري اايه دة خالتو اسماهان
اسماهان:ازيك يا كريم
سهر:ازيك يا كيمو
كريم بتجاهل:ازيك
كريم:حبيبي مشرفنا والله
هادي:حبيبي
كريم:منورانا وربنا يا فرح وباس خدها
وقعد ياكل معاهم
كريم بمرح:خبي دراعك يا هادي لفرح تاكله
هادي:ملكش فيه يارخم كلي براحتك يا قلبي
فرح بصتله وطلعت لسانها
كريم بضحك:ماشي ليكي حق
سهر باستفزاز:ايوة يا فرح حاولي متاكليش كتير عشان جسمك ميبقاش تخين أوي وجوزك يبص برا
هادي ببرود:اولا هي تاكل براحتها لانها حامل اجبلها اكل تاني غير دة لو عايزة ثانيا موضوع تبقي تخينه رفيعه مش بيفرق معايا ثالثا بتاعت اني ابص برة دة مستحيل ابص غير علي
فرحتي وبس ورابعا بقي واخيرا حضرتك ملكيش دخل بيها تاكل متاكلش ميخصكيش تتخن ترفع بردو حاجه متخصكيش وبعد كده بص لفرح لقاها بصاله ومبتسمه جدا
هادي:شبعتي يا حببتي
فرح بابتسامه:الحمدلله
راح مطلع من جيبه شوكلاطه:خدي جبتهالك وانا مروح
فرح:الله انا بحب النوع دة
هادي:بس تعالي نغسل ادينا الاول وابقي شوفيها واخد فرح وراح يغسل اديهم
اسماهان بغضب:عجبك الي قالوا
مامت فرح:الصراحه عندو حق وقامت
وكريم كان مبسوط جدا من رد صاحبه
سهر:والله ماشي والله لاخدك ليا واخليك تسيب المعفنه دي
#الفصل_الثامن_عشر
بعد ما فرح وهادي غسلو اديهم وقعدو ف الصالون وقعدو كلهم ف الصالون
فرح:الله يا هادي طعمها حلو أوي دوق جميله أوي
هادي:بالهنا والشفا ليكي انا مش عايز
فرح:طب لو عشان خاطري
هادي:حاضر واخد حته هادي
كريم:انا عايز حته
فرح:خد وعطته حته
فرح وهي بتاكل الشوكلاطه بهدلت بوقها
هادي ضحك:متجوز طفله انا راح ماسح بوقها بصباعه وكلها الله حلوة الشكولاته دي فعلا
فرح بخجل:انت قليل الادب
هادي ضحك
اسماهان:لو خلصتي فقرة المياصه بتاعتك قوليلنا وانت بطل تعاملها زي الاطفال الستات عايزة الراجل الي مسيطر انت كده هتعودها علي الدلع
هادي ببرود:اولا تتدلع عليا براحتها واني بعاملها زي الاطفال لاني بعتبرها بنتي لانها بنتي الاولي ف حياتي وحتت الراجل المسيطر دي هو لازم الراجل عشان يبقي راجل يضرب ويشخط ف مراته يبقي حضرتك فاهمه غلط وبعدين تتعود
علي الدلع براحتها لما مبقاش انا الي تدلع عليه امال مين الي تدلع عليه وبعدين انتي وبنتك بتدخلوا فينا ليه أوي كده
اسماهان معرفتش ترد عليه
هادي:يلا يا حببتي عشان نروح
مامت فرح:ما تنامو هنا انهاردة ف اوضته فرح وكريم يديك حاجه من عندو
هادي:ماشي يلا يا ف.. ايه دة دي نامت
كريم:هي كده بتنام وسطنا وكنت ديما اشلها اوديها اوضتها
هادي بضحك مجنونه وباس راسها وراح شالها:تصبحو علي خير
اسماهان وسهر قامو بغيظ لاوضتهم
كريم:هادي دة مصيبه
مامت فرح بضحك:يستاهلوا هادي هو الي عارف يتصرف معاهم
كريم:عندك حق اروح ادي بجامه لهادي
وصعد كريم وخبط علي اوضته فرح
فتح هادي الباب:نعم
كريم:خد
هادي:تمام ماشي
كريم:دافع عن فرح كده دايما عشان زمان كانو احيانا بيقو السبب ف ان فرح تنام عايطه
هادي:انا مش هسكتلهم اي اي حد يغلط فيها هنسفه من علي وش الارض مش هسكتلهم عشان كلامهم زفت خالص
كريم:تمام تصبح علي خير
هادي:وانت من اهله
دخل هادي الاوضه لقي فرح صحت:حببتي صحيتي
فرح بابتسامه:ااه صحيت
هادي:هغير وهاجي ثانيه
وبالفعل غير هادي هدومه وقعد جنب فرح علي السرير
هادي:حبيبي صحي ليه
فرح:انا مبسوطه
هادي:ربنا يفرحك اكتر بس ليه
فرح:بسببك شكرا علي انك بدافع عني وواقف معايا شكرا
هادي:اولا مفيش واحدة بتشكر جوزها ثانيا لو انا مش هبقي ف ضهرك مين هيكون ف ضهرك اكيد انا ف مش اي كلمه منهم تزعلك خليكي قويه وردي عليهم تمام
فرح:حاضر تصبح علي خير
هادي:وانت من اهل الخير ديما يا قلبي واخدها ف حضنه ونامو
ف الصباح استيقظ هادي ولبس بدله من عند كريم رمادي كانت جميله
فرح:صباح الخير
هادي صباح القمر وباسها علي جبينها احلي صباح دة ولا ايه
فرح بكسوف:بس يا هادي
هادي ضحك:ماشي راح قرب من بطنها وحط ايده عليها وقال حبيبه بابا عامله ايه
فرح:وانت ايش عرفك انها بنت
هادي:انا حاسس انها بنت وانا عايزها بنت
فرح:يعني لو جه ولد مش هتحبه
هادي:لاء طبعا الي يجيبه ربنا حلو بس انا نفسي ف بنت جميله زيك كده
فرح:وتبقي واخده لو عنيك القمر دي
هادي:انا بتعاكس ولا ايه
فرح:اصل لون عنيك جميله أوي أوي ونفسي كل عيالي يبقو لون عنيك
هادي ضحك:ماشي يا اختي يلا ننزل نفطر
فرح:ايوة انا جعانه
هادي:عارف يلا يا حببتي
وبالفعل نزلوا وهادي كانو متجاهل وجودهم اصلا وبيأكل فرح
كريم:انا رايح لبابا انهاردة سويسرا عشان هنمضي علي ورق هناك عشان يقعد بقا هنقعد اسبوع وهاخد معايا ميار
مامت فرح:ماشي خلي بالك من نفسك
كريم:ان شاء الله هادي اللبس بتاعي براحتك ادخل اوضتي ونقي الي يعجبك تمام
هادي:تمام
كريم:يلا سلام
مشي كريم
هادي:انا اكلت الحمدلله هروح انا ومش هأخر يا حببتي
فرح:ماشي يا حبيبي ابقي هاتلي معاك شوكلاته زي بتاعت امبارح
هادي باس خدودها:من عيوني ابقي نامي شويه عشان متتعبيش
فرح:حاضر
قام وهادي وراح الشغل
راحت سهر قربت منها وقالت ف ودنها:افرحي بيه عشان لما اخده متبقيش تزعلي جوزك عايز واحده ست زي كده مش طفله زيك وهتشوفي وضحكت وسابتها
فرح طلعت اوضتها وقعدت علي السرير هو حقيقي هادي ممكن يسبني عشان حركاتها لاء هادي بيحبني بأي وضع بس ممكن يزهق مني بسبب حركاتي لاء هادي مش كده اوف ونامت من التفكير
وجه الليل وصحت لقت نفسها بليل وبصت ف الساعه لقت هادي قرب يجي راحت قامت فتحت الدولاب وطلعت فستان جميل جدا بس قصير وبتشوف نفسها قدام المرايه وفجأة اتفتح الباب
فرح وهي بتحاول تداري نفسها:ه هااادي
هادي وهو بيبصلها بإعجاب:ايه القمر دة
فرح بكسوف:ثانيه هغيره
هادي شدها:تغيري ايه انا جوزك بردو ف عادي يعني بس ايه القمر دة
فرح:يعني انا قمر بده لكن ببجامه لاء صح
هادي:ايه الي خلاكي تقولي كده
فرح بتوتر:مفيش
هادي:مش بتعرفي تكدبي قولي بقي
فرح بدموع:سهر قالتلي انك ممكن تزهق من لبسي وحركاتي الطفوليه وانك عايز ست بمعني الكلمه زيها وانها هتاخدك مني
هادي راح ماسح دموعها وتنهد:حببتي قبل كده قولتلك انا عمري ما ابوصلها ابدا ثانيا انا بعشق حركاتك الطفوليه دي بحسك بنتي وبحب برأتك انا مش بحب الست الي شايفه
نفسها كبيرة دي لاء انا عايز طفولتك ابدا وموضوع اني ازهق دة مستحيل ان الواحد يزهق من روحه ومش هقول كده تاني
فرح بصتله بسعادة وحضنته جامد
هادي بخبث ومرح:بس بردو ميمنعش انك قمر الصراحه
فرح اتكسفت جامد:بس بقي يا هادي
هادي بضحك:لسه بتتكسفي مني
فرح اتكسفت اكتر:علي فكرة انت رخم
هادي بصدمه:انا رخم بقي كده طب تعالي
فرح بصوت عالي:خلاص اسفه عااااا خلاص اسفه
هادي:وربنا ابدا وراح شالها وحطها علي السرير بقي انا رخم تحبي اوريكي الرخامه علي أصولها
فرح ببرائه:انا فرح حبيبتك بردو
هادي:بتضعفيني يعني بالنظرة دي
فرح بضحك:ااه
هادي:ماشي راح اخدها ف حضنه
فرح:مكنش فيه حد تحت لما جيت
هادي بتوتر:ااه مكنش فيه حد يلا نامي
وبالفعل نامت فرح وهادي افتكر الي حصل معاه لما جه من شويه