🖤: البارت الثالث عشر
روايه حب الرعد
بقلم منه غريب
رعد. :مطلوب منك انك تمثلي اني ميت ومش عايش
وكمان في حاجه هتكون خطر شويه بس انا متاكد انك قدها ونص
نظرت له فريده وقالت :انا مش مرتاحه لك يا رعد قول
رعد :هتدخلي قصر اسماعيل المنياوي
فريده بصدمه :نعممممم
لا طبعا انت هتوديني للموت يا رعد
انا كنت عارفه أن آخرتي علي ايدك
رعد :اكتمي يا فريده اكتمي
صداع
اسمعي للاخر
انتي هتدخلي القصر وهتجيبي الولد من جوه
وهتطلعي والباقي عليا انا
فريده :ومين قالك اني هوافق
قرب رعد من فريده وقال بهمس :طب علشان خاطر رعد حبيبك
فريده بتوتر وخوف :طب خلاص اللي انت عاوزه
وفجاه خبط الباب خبطات متتاليه
زينب من الخارج:فريده يا بنتي افتحي
فريده بخوف. يا لهوي خالتي اتصرف يا رعد .
رعد بتوتر :ا
هششش اسكتي خالص
انا هستخبي في الدولاب
وانتي اتصرفي عادي خالص
تمام يا فيري
وفجاه قبل رعد فريده من خدها وغادر
فريده بخجل:حيوان
دخلت زينب. قالت بحزن :تعالي يا بنتي علشان تأكلي
فريده بصراخ :ومين ليه نفس ياكل ورعد مش موجود في وسطيناا
اهااا يا رعد
رعد من الداخل :والنبي جادعه بتعرف تمثل
زينب ببكاء :اومال هنموت نفسنا تعالي كولي يا بنتي هتموتي من غير الاكل بقالك تلات ايام مأكلتيش
فريده مصطنعه البكاء :مليش نفس يا خالتي
روحي انتي
زينب ؛خلاص هبعتلك آلاكل هنا
وغادرت زينب المكان
وطلع رعد وصفق بيده وقال :ايه دا يا فنانه لا حلوه
تنفعي
فريده :ايه رايك ممثله جامده انا
رعد :طبعا جامده
فريده بخجل:رعد عيب
رعد :ما بلاش كلمه رعد منك دي لحسن بتخلي الواحد هيغمي عليه
طب بصي علشان الباب بيخبط انا همشي دلوقت وهبقا اجيلك تاني ماشي
يلا باي يا موزتي
فريده بحب :والله بحبك يا رعد
رعد بغمزه :وانا كمان بحبك
فريده بخجل:يا بايخ
يا لهوي ايه يا بت المحنن دا
[: البارت الرابع عشر
جاء اليوم الثاني
يحمل معه الكثير من الأحداث
في المخزن الخاص بي رعد
الشخص بصراخ:عاوزين مني ايه نزلوني بقا
دخل رعد بكل هيبه ووقار وقال. انت فاكر اللي يدخل ملعب الرعد بيطلع منه تاني
هذا الشخص هو الحارس الخاص بي اسماعيل المنياوي
يدعي سالم
سالم بصراخ :انت عايش لا انت موت قدامي
رعد بضحكه خبيثه:انت فاكر أن نهايتي هتكون بالسهولة دي
وكمان علي ايد اسماعيل
لا عيب عليك دا انت اشتغلت عندي شهر كامل يعني عارف مين هو رعد الانصاري
سالم بخوف :انت عاوز مني ايه انا مليش دعوه اسماعيل بيه هو اللي خطط ل كل حاجه
جلس رعد أمامه وقال بخبث :عاوز منك طلب صغنن خالص
ودا هيقل من مده العقوبه بتاعتك
سالم بخوف مما اتي :طلب ايه
رعد بخبث:هقولك
في قصر الانصاري
فريده محدثه نفسها :طب انا لو نزلت ل جدي هقوله ايه انا خايفه اوي من دخول قصر المنياوي
دخل الجد عليها وقال :طول ما انا لسه عايش متخافيش
جريت فريده وحضنت جدها وقالت :رعد طلع عايش وانت ساكت يا جدي ليه مقولتش
ضحك الجد وقال :علشان عارفك
لو عرفتي أن رعد عايش كنتي هتبهدلي الدنيا .وهتبوظي الخطه اللي بقالنا شهور بنستعد ليها
فريده :طب ليه انا اللي هخش قصر المنياوي
الجد :لانك أمان لينا
وللولد
انتي هتدخلي لمده صغيره خالص
ورعد معاكي والحراس وكل حاجه تمام متخفيش
فريده :مش هخاف طول ما انتم معايا
عند رعد
رعد بخبث:كده فهمت
سالم. بس الموضوع دا خطر اوي
رعد :لا عيب انا عارف انك الدراع اليمين ل اسماعيل
علشان كده واثق انك هتعملها
سالم :تحت امرك بكره هخلص كل حاجه
ابتسم رعد وقال :هو دا الكلام
والله نهايتك قربت يا ابن المنياوي
في قصر المنياوي
تجوب جميله الغرفه ذهبا وأيبا
جميله بخوف :انا قلقانه رعد مات لكن لسه الدوامه منتهتش
وهياخد ابني مني
والحرب هتقوم علي اسماعيل
وانا لازم اهرب
جاء صوت من خلفها
عرفته هي جيدا
رعد من خلفها :تؤتؤ تهربي فين بس يا جميله هانم المنياوي
طب ورعد هينتقم من مين
جميله بصراخ :انت لالالا
انت ميت انا بيتهيألي
رعد كتم صوتها وقال :ميت ازي وبتكلم
هو قعدتك مع المنياوي خلاص خلت دماغك لحست
جميله بخوف :انت ازي عايش
رعد :تدبير القدر بقا هتقولي ايه
الخلاصه يا جميله
انا ليا عندك امانه تخصني
وانتي اللي يخصك انك تهربي مش كده
أومأت جميله برأسه وقالت :رعد ارجوك تعالا نرجع زي الاول
وانا مستعده اعيش خدامه تحت رجلك بس ابني لا يا رعد
مش هتعرف تعوض الابن عن أمه
ولو جبت مين
امسكها رعد من يدها بأحكام وقال بغضب وصوت جهوري :لا هينسي أمه لما يلاقي ام احسن منها
وانتي زباله يا جميله زيك زي المنياوي
بعتيني علشان الفلوس
وان الاوان كل حاجه ترجع مكانها
انا هاخد ابني وهسفرك بره ل اهلك
دا الاتفاق
جميله بخوف :خلاص موافقه المهم اني اخرج من هنا
رعد بخبث:كده تمام في حد هيجي بكره ياخد الولد وهيهربك وانتي تسمعي كل حاجه هتتقال وتنفذي كل حاجه فاهمه
جميله :فاهمه والله فاهمه
رعد :تبعي اهلك علشان نفسك
انا ماشي باي يا جميله هانم
غادر رعد
وبقيت جميله تبكي علي حب عمرها الذي ضاع في غمضه عين