بقلم :ناديه ستارز
البارت :الأول
جين: أنا هأجر قاتل يقتلني
مريم: ناكل بطاطس
جين: حخليه يقتلني بدل ما أقتل نفسي وأموت كافره
مريم: يبقى نشرب بيبسي
جين: مرات أبويا مش هتسبني في حالي وأنا تعبت من الحياه دي
مريم:هو بس علشان الجو حر فأنتِ مهيسه شويه
جين: يا حبيبتي متخليش أخر أيامي تكون بينا مشاكل علشان ميشكوش فيكِ أنك أنتِ إلي قتلاني
مريم:حسن الخاتمه حتاكل منك حته
جين:أنا دلوقتي حروح البيت مريم أنتِ حتوحشيني أوي
مريم: محسساني أنك رايحه مش جايه
جين: مش جايز أكون رقاصه من وراكِ وأتمسك أداب وأخدلي خمسه خمناشر سنه سجن مع الأشغال الشاقه
مريم: أنتِ مبتعرفيش تقفي دقيقتين علشان ترقصي روحي طريقك كله ميكروباصات وتكاتك
جين: طب حضن الوداع طب
مريم: ولا بوسه
جين: بكره تيجي عند قبري وتبكي وتبكي وتبكي
مريم:طب سيبي حق المناديل
جين: أنا رايحه بيتي أيه إلي يخليني أقعد مع معقده زيك
مريم: أنا أه إلي كنت بقول قبري وقاتل وموت أمشي من هنا
جين: تفتكري أسعار القاتلين وصلت كام
مريم:معرفش على حسب الشخص
جين: هروح أعرف وأقولك
مريم:غوري بقى سيبيني أتفرج على المسلسل
جين: وأنتِ من اهل الخير يا حبيبتي
بعد ساعه
جين:أيه التجمع إلي هناك دا لتسأل ست كبيره موجوده
هو ليه التجمع دا يا حاجه
الست:بيقولو أن في بنت أتقتلت
جين:معرفوش مين إلي قتلها
الست: سمعت الناس بتقول ياختشي
جين:يا أيه
الست: يا أختشي
جين:ماشي كملي
الست:سمعتهم بقى بيقولو أن البنت دي أجرت قاتل يقتلها من موقع أسمو أسمو
جين: ها أسمو أيه
الست:أسمو T.K.M
أحد الناس:لا حول الله يارب دي مش أول تحصل أيجار قاتل
شخص آخر: حتى البوليس ومباحث الانترنت مش عارفين يوصلو لحاجه باين عليها منظمه كبيره
لترجع جين إلي منزلها تحت تفكيرها الكبير
جين وهي تدلف إلي منزلها الإيجار:أنا بموت في المخاطره والمغامره فيها أيه لما أجرب.وبعدين مش هموت نفسي يعني هجرب بس وممكن كمان أتعاون مع الشرطه ويقبضو عليهم وكدا خدمت الوطن .
لتمسك الاب توب الخاص بها وتبحث عن أسم الموقع
كويس أوي لقيتو بس مش حدخل على الموقع دلوقتي حعمل كل أحتياطات البيت والبخاخه السحريه معايا والبصل والفلفل والتوم والخل وحبل الغسيل ومشابك الغسيل وشبشب الحمام والمكسنه وسلك الشاحن
أنا كدا بقيت فأمان أما أدخل على الموقع
في مكان آخر
في غرفه متسعه مظلمه تمتلئ بأجهزه الحاسوب
أحد الرئساء ويدعى ملحم: في كتير طلبات علينا بس نحنا لازم ننتبه أكتر من هيك الضباط عيونهم بكل مكان
رئيس أخر ويدعى إيوان: نحن بأسبوع واحد بس قدرنا نجمع أتنين مليون دولار بس ضروري بدنا ننتبه أكثر من هيك يا أما رح ننحبس
أحد الجالسين على الحاسوب نزار:يا جماعه في عمليه دخول غريبه
ملحم:يمكن أحد رجال الشرطى
نزار:لا لما شى حدَ بيدخل على الموقع بنعرف موقعه وبياناته كِلها وبيانات عيلته لكن هيدا الشخص أغرب شخص دخل لهلأ
ملحم:أطبعلنا بياناته كِلها ورح نشوفها
نزار:هي بنت
ملحم:رح ننطرك عقبال ما تطبع البيانات
عند جين
جين:يالهوي أحيه أيه إلي بيحصل في الاب توب دا
تم تحميل البيانات بنجاح.
جين:بيانات أيه دي كمان يكونوش هكر ولا أيه
سيتم تحويلك إلي أحد العملاء
جين:هما أزي عارفين يكتبو كدا على الشاشه أنا خايفه أوي أنا مالي ومال المغامره دي ياربِ
ثم تنظر تجد الشاشه سمراء ومكتوب عدة أسأله ومتروك مكان للأجابه
１- من تريد أن تقتل
ج:أنا
２- أترك اليوم والساعه الذي سيتم القتل بها
ج:بعد يومين في الصباح الباكر
３- أفضل طريقه لدخول المنزل
شباك المطبخ
وبعد أن جاوبت
المبلغ :١٠٠ الف جنيه
ويتم تحويل نصف المبلغ قبل البدء
جين:يالهوي ١٠٠ الف ليه موت وخراب ديار بدل ما أموت بالميت الف ما أطلع الجونه أحسن
لتأخذ الاب وتحطه تحت السرير وتأخذ ثيابها وتلبس في الخارج
بعد أن أنتهت من اللبس
جين:والله قمر يا جين دا لو القاتل شافك يقتل نفسه من جمالك.
لتتصل على صديقها ليث
جين:لثوث صديقي أنت فين
ليث:في الشغل ليه
جين:مكانك سبعتاشر دقيقه وهتلاقيني أدامك
ليث:وأنتِ منتظمه أوي في مواعيدك
جين:طول عمري
ليث:متتأخريش بدل ما أمشي وأسيبك زي القطه النونو أيدا دي قفلت في وشي
وبعد سبعه وأربعون دقيقه
جين تفتح الباب على ليث وتدخل
جين:أطلبلي ليمون بالنعناع بسرعه بقيت كتكوت فطسان
ليث بسخريه :مواعيدك ثابته أوي
جين: المواصلات أركب هليكوبتر يعني جيالك في حاجه مهمه يا حضرة الظابط
ليث:أيه هي يا حضرة المحاميه
جين: سمعت عن موقع T.k.m
ليث:ومين ميعرفهوش دا قالب العالم كله
جين:حلو وإلي يخليك تقبض على حد منهم وليك الترقيه
ليث:دا أنا أشكر أمه
جين:أمي متوفيه
ليث:لا دا أنا أطلبلك مانجا وتحكيلي بهداوه
وبعد أن سردت له كل شئ
جين:وبس كدا دي حاجه حصلت
ليث:يخربيتك يا جين أيه إلي هببتيه دا أنتِ يعتبرني كدا مقتوله أكيد دلوقتي مراقبينك وتاني حاجه مينفعش تستخدمي الاب تاني زمانهم هكرو
جين:متزعقش كدا وبعدين أنا خايفه لوحدي ها هتساعدني
ليث:أه أكيد هساعدك بس مش علشانك علشان الترقيه
جين:واطي طب وال٥٠ الف إلي لازم أحولهم هاتهم من الدوله
ليث:كانت الدوله حاسبت ليَّ على كوبايه الشاي إلي بشربها
جين: تعالى نروح للمسؤول الكبير ونحكيله وأكيد هيساعدنا لأني مش حدفع حاجه من جيبي
ليث:أنجري أدامي
جين:مالي أيدك منه ولا حيقرطسنا في الأخر
ليث:إلي أعرفه إني حعمل منك أنتِ قرطاس مكنتش صحوبيه دي إلي مابينا
لواء حسنين:أيه الصوت العالي دا
ليث:أحنا أسفين يا فندم بس في موضوع محتاجين حضرتك فيه
لواء: اتفضل أتكلم
ليقول له كل شئ
لواء: بس دي مخاطره كبيره
جين:بس حضرتك تقدرو من ورا المخاطره دي تقبضو عليه ومنه توصللهم
لواء: أنا موافق بس دي على مسؤليه ليث
ليث ببرطمه:كل حاجه ليث ليث لو الحرب العالميه قامت هيقولو ليث السبب
لواء:قولت حاجه
ليث:قولت حاضر يا فندم
جين: طب حضرتك الخمسين الف أيه نظامهم
حسنين:ما تدفعيهم
جين:مش دي الدوله بتدفعها
حسنين:لا وأقعدي هنا ساكته لحد ما بقيت الظباط يتجمعو علشان نشوف الخطه المناسبه
جين:ماشي
بعد وقت قليل
في غرفه الأجتماعات
حسنين: أنا جمعتكم في الوقت دا علشان الموقع إلي عامل قلبان لو قدرنا نمسك واحد منهم حيوصلنا للباقي
أحد الضباط:ودي حنعملها أزاي يا فندم
ليشاور حسنين على جين
حسنين:الأنسه جين حتساعدنا القاتل طبها حنستبعد دخوله من الباب وجين قالتله أن الأنسب شباك المطبخ فالأحتمال الأكبر أنو يدخل من الشباك أنتو حتروحو مش على أساس أنكم ظباط أنتو حتتنكرو وحتبقو قبليها بيوم موجودين في الشقه مستخبيين وعساكرنا وبقيت القوات حتبقى منتشره في الشارع إلي موجود في بيتها والشوارع المجاوره وحنبقى متابعين الكاميرات إلي في الشوارع من بليل لأن الأحتماليه أنو ينفذ الصبح بدري وأغلب جرائم القتل إلي حصلت حصلت مابين الساعه ٣ ل٧ الصبح في أي أسأله
ليث:طب وحنمسكو أزاي يا فندم
حسنين:حنبقى مراقيب السطوح إلي جمب البيت ومداخل ومخارج البيت بس لازم حد يروح النهارده البيت متنكر علشان يعرف أنسب الأماكن إلي حتستخبو فيها فين
ليث:طب والقاتل مش يمكن ينفذ على طول وبعدها نمسكه بس يحصل لجين ضرر
حسنين:حتبقى لابسه واقي
أحد الظباط:ولو قطع رقبتها
جين وهي تمسك رقبتها بخوف:هي فيها رقبه لا خلاص شوفولكم حد غيري مع السلامه أنا
حسنين بزعيق:أقعدي
جين:حاضر يا فندم
حسنين: كل جرائم القتل إلي حصلت بيبقو واخدين أبره بنج قبليها وبعدها ٥ طلقات لحد ما يتأكدو أنو مات أو بيدولو حقنه هوا أو حقنه سامه وعلى حسب توقعاتي بيخيرو الشخص الأول يموت بأنهي طريقه
جين:فيهم الخير
حسنين:حنستظرف
جين وهي تميل على ليث:هو ماله مش طايقني ليع
ليث:لأنو بيكره الأغبياء
جين:علشان كدا بيكرهك
ليث:أنا مؤدب ومش حرد
جين: لأنك جبان يا جبان يا جبان
حسنين: صوتك عالي يا أنسه
جين:هو حضرتك مش طايقني ليه
حسنين:الأجابه ليث قالها
جين بغضب:أنا ماشيه وممكن أختفي ومتعرفوش ليَّ طريق بس أنا محترمه فمش حعمل كدا
وحاجه أخيره مش حدفع الخمسين الف من جيبي هاتهم من الدوله
ليث:عن أذنك يا فندم
لواء:أستنى خد الخمسين الف أدهملها باين عليها مجنونه وتبوظ كل حاجه تعملها
جين:سمعتك سمعت حضرتك وقلبي مش مسامحك في مواطنه مصريه لو ماتت بعد يومين مش مسمحاك
ليث: أمشي يا جين من هنا بدل ما يبيتك في الحبس
اللواء:حوديك معاها
ليث:طول عُمرك جايا معايا بخراب
جين:زعقلي بقى زعقلي علشان أعيط وأنا نفسي أعيط وأتهمكم بالخطف
اللواء: برااااا
جين:خلقه ضيق أوي أوي
ليث:يعني مش أنتِ إلي عصبتيه
جين:لا خالص وهو أنا أتكلمت أصلا
ليث:يعنى الراجل ممسكش قلبه وقال خرجو المستفزه دي من وشي
جين:دا بيقول على الدبانه
ليث:حسبي الله في كل ظالم
جين:أمين يارب أنا هروح أخي لله في لله أحول الفلوس للقتله الذي لا يوجد في قلوبهم رحمه ولا ضمير ولا أنسانيه
ليث:سلام أختي لله في لله جين هل تحبين أن أوصلك
جين:لا أخي لا أحب أن أتعبك سوف أخذ أي شئ
ليث:العفو أختي يالا في داهيه شيفانا في أيام الجاهليه
جين:لا في أيام المماليك سلاممم
ليث بضحك:مجنونه بس هبله
في مكان آخر عند ملحم
ملحم:إيوان أنا قريت ملف البنت بدك تقراه
إيوان:لا ما بدي قلي أنت ياه
ملحم: أسمها جين مصريه عمرها ٢٣ سنه أتخرجت السنه الماضيه من كِليه أسمها حقوق بتطلع منها محاميه أمها ماتت من ٥ سنين وبعدها بسنه أبوها أتزوج ومن سنتين أبوها أتوفى ومرات أبوها طردتها وأخدت البيت إلي بيملكه والدها وطردتها منه وهي الست بتحاول تتخلص منها بكل الطرق لما كان بدها حقها
إيوان:وقالت التنفيذ أمتى
ملحم:بعد يومين
إيوان:راقبلي بيتها أمنيح هدول اليومين وأعرفلي بأخر فتره مين كانت بتقابل وبتكلم ووريني هيك صورتها
ملحم:ليش
إيوان:يمكن أستخسرها بالموت وننتفع بيها
ملحم:خود هي مجموعه صور كانت على الاب تبعها
إيوان:عيونها سود وعندها غمازه واحده بخدها اليمين مانها كتير بيضه قمحاويه عجبتني وقت التنفيذ أخطفوها وهاتوها لهون
ملحم:بدك نجيبها لبنان هي مخاطره بحياتنا كبيره وأطلع عليها مانها حلوه بهي الدرجه
إيوان:أنا قولت أنها عجبتني خلص الحكي بعد يومين البنت بتكون عندي
ملحم:مين بدو يسوي العمليه هي المره
إيوان:إكس
ملحم: بس أنت بتعرف أنو ما بيحب ينزل مصر
إيوان:هينزل لازم ينزل محدش غيرو رح يسوي العمليه
_______________________
في مكان آخر أول مره نذهب إليه
_البنت دي مش سهله أبداً ومستحيل تسبني بعد ما أخدت البيت
-الموضوع خلص يا حبيبتي متخافيش كدا
_لا لا هي مش حتسبني أنا عارفه دي ساكته بقالها شهور أكيد ناويه تخلص مني
-يبقى أحنا ألي نخلص منها
_طب عندك إلي يعمل كدا ولا حنتمسك
-عيب عليكِ أنتِ مع الضبع
_ بحبك يا ضبعي
-هو بخبث:وأنا بحبك أكتر يا قلب ضبعك
عند مريم:يا حبيبي بقولك دي مريضه نفسيه بتقولي عايزه تأجر قاتل يقتلها
: برضو لازم أنتقم منها
مريم: أنت لسه مش ناسي القلم إلي هي أدتهولك وسط الجامعه
:متعصبنيش زياده
مريم: وهو أنا قولت حاجه غلط مش دا إلي حصل
: أقبلي يا مريم أنا مش ناقص حرقة دم
مريم :ما أنت إلي بتعمل في نفسك كدا وبتهين نفسك لتكمل بحقد قولتلك كذا مره الحل أيه لو حطيت أيدك في أيدي ومرات أبوها معانا كدا بقينا أيد واحده ولما نعرف مكان دهب أمها هنبقى أسرع من مرات أبوها وناخده ونهرب أنا وأنت ونتجوز
: أنا موافق كلمي مرات أبوها ونتقابل ونشوف حنعمل أيه معاها
مريم:هكلمها وأقولها نتقابل كلنا في البيت عندها الساعه ٨
: ماشي سلام
مريم بخبث شديد:وهو أنت مفكرني بتاعت حب وكلام فارغ لا أوصل بس للدهب وبعدها أبيعه وأفتح شركه كبيره وأبقى سيده أعمال وأتجوز راجل غني وتكمل بضحك وباي باي حبيبي باي بااااااي
لتدق على رقم مرات والده جين
مرات والدتها وتدعى إنتصار:عايزه أيه يا مريم مش كفايه إلي حصل بسببك أخر مره كنا حننكشف
مريم: قصدك كنتِ حتتكشفي المهم أنا جيالك النهارده الساعه تمانيه أنا وحد تاني حبهرك
إنتصار:مش مرتحالك يا بنت بطني
مريم:طب وطي صوتك بس لحد يسمعك ويعرفو أنك مخلفه يا م ا م ا ماما والله خساره فيكِ الكلمه دي
إنتصار:حد قالك إني عايزه يعرف خليهم كدا حلوين
مريم:وأنا كدا مرتاحه جهزي نفسي مش ناقصه كلام كتير مع السلامه
عيني عليكِ يا جين حقيقي أنتِ الوحيده إلي الصعبانه عليا كلنا كدا عليا حبقي أطلعلك من الفلوس جنيه صدقه على روحك ومرات أبوكي طلقه واحده في الدماغ كفايه عليها وتبدء بالضحك بجنون مجدداً
بعد أن وصلت جين إلي منزلها
الاب توب لتجري أول شئ على غرفتها وتنزل تحت السرير تأخذ الاب وتفتحه تجد رساله موجوده بتهديد إن تم أخبار الشرطه أو أي شخص
ستتعرض لأبشع أنواع العذاب وبعدها تجد رساله أخرى بطريقه دفع الفلوس وهي
جين وهي تقرأ:ستقومين بأخذ الفلوس ولفها في ست أكياس من اللون السوداء وطويها في ورق من الجورنان وتأخذينها وتقومي بحطها في سله القمامه الأقرب لمنزلك في تمام الساعة سابعه صباحاً
وبعد أن تنتهي من القراءه تأخذ الاب وتحطه مره أخرى تحت السرير
جين وهي تحدث نفسها : دلوقتي لو أنا نزلت حيشكو فيَّ لأنهم أكيد مراقبيني أحسن حاجه أستنى كام ساعه وأنزل للسوبر ماركت إلي تحت البيت وأكلمه طب حكلمه أزاي ممكن يكونو مراقبين تليفوني امممم لقيتها حاخد تليفون عم محمود بأذن الله هيوافق .
نذهب إلي بيت أسود في أسود لا يوجد بهِ سوى بعض النور القليل
ننظر نجد رجل في بدايه الثلاثينات يجلس على أحد الكراسي متوجهه إليه بعض الضوء البسيط ينظر إلي الورق الذي أمامه ليعلن هاتفه عن وصول مكالمه
ملحم:نحنَ بحاجه لألك في عمليه
إكس:في إي بلد وأيه تفاصيلها
ملحم:مصر وقبل أن يكمل كلامه يقاطعه إكس وهو يقول
إكس:مش هنزل مصر
ملحم:الرئيس طالبك أنت
إكس :قوله إكس مبيعدش الكلمه مرتين
ملحم:هو بدو ياك أنت أي ليكو جاي
إيوان:٥ مليون وبتعمل هي العمليه
إكس:موافق أيمتى التنفيذ
إيوان:بعد يومين
إكس:حجهز نفسي تكون فلوسك جهزت
إيوان:موافق وكِل شي جاهز لسفرك
إكس:أبعت كل تفاصيل العمليه والمعلومات
إيوان: إيوان طول الوقت جاهز
بعد عدة ساعات نزلت جين إلي السوبر ماركت ولحسن حظها لم يكن يوجد أحد
جين:عم محمود عايزه موبايلك أعمل مكالمه
محمود:أتفضلي يا بنتي
جين:شكراً يا عمو لتطلع المذكره التي تكتب بها كل الأرقام وتتصل على رقم ليث
ليث:الو مين
جين:مش وقتو يا ليث أسمعني كويس في أحتمال أنهم يكونو
عرفو يوصلو لموبايلي فمتكلمنيش عليه نهائي دلوقتي أسمع وتسرد إليه ما شافته على الشاشه
ليث:متخافيش أحنا معاكِ في كل حته أياكي تخافي يا جين
جين:لا لا انا مش خايفه
ليث:برافو هي دي جين القويه
جين: أنا حعملها على نفسي من الخوف
ليث: أنا أسف إني بكلمك
جين:في أحتمال إني أكون متراقبه في أي مكان أنزله فخلي بالك
ليدلف إلي المحل شخص غريب لتقول سريعاً أه يا حبيبتي أنا كويسه لا عم محمود مش
مزعلني في حاجه بس هو غلى سعر الجبنه التركي أتنين جنيه
طب سلام يا حبيبتي لتعطى التليفون إلي محمود وتقول له:بنت حضرتك زي السكر ربنا يخليها وتدفع الحساب
وتغادر سريعاً تحت نظرات عم محمود المستغربه والشخص الذي دخل المتابعها من البدايه
لتدخل إلي شقتها وتظل تردد جين أنتِ قويه أنتِ قويه متخفيش لتحس أن الشقه
كان يوجد فيها شئ غريب لتقول:أكيد دخلوها وأنا تحت وعرفو الموقع من الاب توب طب ممكن يكون ركبو
كاميرات طب كدا الظباط حييجو أزاي أنا كلمه رعب صغيره عليا دا أنا لو بتفرج على فيلم رعب مش حبقي كدا
لتدخل وتشغل التلفاز وكأن شئ لم يحدث وتحاول أن تتصرف بطبيعتها لحد ما
الساعه الثامنه عند مريم
عند مريم ذهبت هي وشخص يدعي أحمد إلي شقه إنتصار
لتمد إنتصار يدها لمريم لتقول لا مش قادره أرفع أيدي وأسلم
لتنزل إنتصار يدها بأحراج
وتقول:أتفضلو من هنا
ليذهبو ورائها وبعد أن قعدو تقول مريم: أحنا مش جايين هنا علشان نضيع وقت أحنا
جايين ندمر جين كل واحد ليه سبب مختلف عن التاني بس الأنتقام واحد لو حطينا أيدينا في أيد بعض جين ممكن تنهي
حياتها بأيديها مش حيبقى ليها وجود بس محتاجين الخطه الصح في الوقت الصح والمكان الصح والناس الصح
إنتصار:أنا محتاجه أخلص منها في أقرب وقت بدل ما هلاقي نفسي مطروده في الشارع
مريم:ميهمنيش
إنتصار:ميهمكيش أزاي مش أنا أم
لتقاطعها مريم وهي تقول :أم جين يعتبر مرات أبوها مش حنكدب على بعض
إنتصار :أنا مرات أبوها دا أنا كنت ونعمه الأم
مريم:أنتِ هتقوليلي
أحمد:أنا ورايا مواعيد ياريت تخلصوني عندكو خطه
مريم بخبث:أكيد أومال حقعد القعده دي حاطه أيدي على خدي أسمعو بقى
بعد أن قالت الخطه
إنتصار:دا أنتِ دماغك سم عفارم على دماغك
أحمد:الفكره حلوه مش وحشه التنفيذ أمتى
مريم:بعد يومين من النهارده
أحمد هيبقى الساعه كام
مريم:هيبقى الصبح بدري
أحمد':ولو أتكشفنا
إنتصار: مش حيحصل حنبقى عاملين حسابنا كويس أوي أحمد:طب والشخص دا حنجيبو منين
مريم:متقلقوش من دا عندي إلي حيخلصلنا الخطه دي
_________________
عند إكس يجهز لمعاد طيارته ويأخذ كل الورق الذي سيحتاجه وينظر إلي مسدس ويقول
:شكلي حستخدمك بعد كل السنين دي وشكلي برضو حرجع لحيل المطارات بتاعت زمان .
وبعد أن خلص كل شئ
يأخذ شنطته ويقفل نور المنزل المنزل ويقفل الباب ويذهب بالعربيه إلي المطار وبعد أن خلص كل الأجراءات جاء معاد
الطياره ركب وأخذ في هذا الوقت يسترجع جميع ذكرياته ومتاعبه وكيف وصل إلي هذا الحال وهذه المكانه.
وبعد عدة ساعات ليست قليله فاق من هذه الدوامه على صوت المضيفه وهي تصحيه
المضيفه :أستاذ إكس أستاذ إكس فيق نحنَ وصلنا
إكس في داخله:بدأنا شغلنا على دوشه
وبعد أن هبطت الطائره في أرض مصر
ينزل منها إكس وبعد أن أخذ أغراضه خرج وجد لقى عربيه سوداء تنتظر
إكس:مين إلي باعتك
السواق:السيد إيوان
إكس:يالا وديني الفندق
السواق:تحت أمرك يا فندم
ووهما في طريق لقو تفتيش على الطريق
السواق:حضرتك معاك أي ممنوعات علشان داخلين على لجنه .
إكس:مش إكس إلي يتفتش
وجاء دورهم في التفتيش: الشنط دي حتتفتش
إكس:تمام
بعد أن فتشو لم يجدو أي شئ
إكس:نقدر نمشي
الضابط:وسع الطريق يا عسكري منك ليه
وبعد أن ذهب إلي الفندق رتب شنطته وأوراقه كان يحطها في
خزنه والخزنه وضعها بجانب سريره ثم بعدها أبدل ثيابه وذهب في نوم
عند جين ووهي بتقلب في التلفاز وجدت مقطع من في رعب فخافت بشده وقلبت القناه ولكن كانت
القناه معلقه وفجأه صوت التليفزيون ظل يعلى
أنا مش بخاف ولا حخاف دا فيلم مجرد فيلم.
وتنام مكنها إلي أن يأتي الصباح على الجميع
تنزل الساعه ٧ صباحا بعد أن أخذت الفلوس وترميها داخل سله القمامه وتلاحظ أن يوجد عامل يقف
بعيد يتابع هذا في صمت وشكله لا يدل على هذا
ثم بعدها تذهب إلي بيتها وتمسك الاب توب وتجد مكتوب
تم وصول المبلغ بنجاح الرجاء أنتظار غداً القاتل من الساعه الثالثه إلي السابعه صباحاً
وتحطه تحت السرير .
بعد أن فطرت
أيه الملل دا أنا أتخنقت أوي أعمل أيه بقى فطار وفطرت أكل وأكلت ترويق وروقت مسح ومسحت كنيس وكنست
ماذا أفعل مره ثانيه خلاص أنا هلعب لودو لحد ما ييجي ليث وأتعارك معاه
هو أنا معنديش حد أنكد عليه ليه طب أعيط قبل ما أموت أنا أحسن حاجه أعملها إني أخرج من البيت النحس دا الحمد لله
انو إيجار دا شؤم عليا مش أنا إلي نحس
عند إكس صحى أخد شاور وفطر ولبس وكل دا مكنش قرأ ملف جين قرأ كل حاجه عنها بعد ما أنتهى وحط مسدسه من جوا بحيس أنو ميبنش تحسبن لأي وضع
إكس:أنا لازم أروح أشوف البيت بنفسي وأعرف حدخل أمتى وأخرج أمتى ومنين دي
عمليه مهمه والأهم لازم أعرف هما عايزينها ضروري ليه أكيد البنت وراها حاجه كبيره علشان يخلوني أنا إلي أجبها
تنزل جين تتمشي حول البيت وإكس يتجهه إلي عنوان منزل جين
جين:أنا لو موت فلازم أموت وأنا مشهيصه نفسي ومدلعاها فحشتري كل حاجة أنا بحبها وموت وخراب ديار عادشي كلو علشان كرشي حبيب قلبي
جين:لو سمحت عايزه بطيخه حمرا مسكره كبيره وكيلو بطيخ أحمر وكيلو مانجا وكيلو بر بص
هات من كل فاكهه كيلو أنا هموت فلازم أموت وأنا مش حارمه نفسي من حاجه
آآآآه يا صغنننه يا جين شايله كل دا على أيدك متزعليش يا روحي ولا وتزعلي يالا على
السوبر ماركت كل ما حتضعفى أفتكري أنك حتموتي ووهي ماشيه تخبط تخبط في
إكس : البيوت كتيره أوي ياترى هي أنهي عماره ااااااه
البارت:الثاني2
بقلم:ناديه ستارز
تبدأ الحلقه بعد أن خبطت جين في أحد
جين: يا أعمي هو أنت لابس الكمامه على مناخيرك ولا عينك يا جاموسه يا خنزير
يا صغنن ولا صغنن أيه بحجمك دا دا أنا إلي الصغننه كدا توقعني في
الطين يا حمار أنا والفاكهة
إكس في داخله دي هي العمليه المطلوبه وأنا هقدر أستحمل
لسانها لحد ما أوصلها ليهم طب أقتلها ولا أدبحها
ليمشي إكس قبل أن يتجمعو الناس على صوتها
جين:الخاين الغشاش مشي وسابني قبل حتى ما يقومني
أحد الستات:قومي يابنتي
بدل قعدتك في الطين وخدي دي خمسه جنيه هاتي من أي حد بتاع منظفات ديتول أستحمي بيه رِحتك قلبت معدتي
وتغادر الست
جين:بقى أنا أنااا جين الفاشونيستا يتقالي كدا والله أشوفك تاني وحعمل في أيدك ساعه
متروحش أبداً طب مينفعش أخد الفاكهه من الطين أغسلها
بخل وليمون وكأن شئ لم يحدث؟
أنا حروح بيتي أحسن أيدا أيه الريحه القذره دي بقى أنا إلي أغلى برفيوم عندي بخمسين جنيه يحصل فيَّ كدا أنا هنقع نفسي في كلور ربع ساعه أه بنتنا ريحتها قمر من يومها.
بعد أن ذهبت إلي بيتها تحت كُساح وهشهشه العظام وتخبيط الركب
البواب:أيدا ياست هانم ايه إلي بهدلك كدا متلعبيش مع الأطفال تاني حضرتك كبرتي ميصحش كدا
جين:حتى أنت يا عمو مكنوش طين يعني دلوقتي أنضف وأبقى ولا هيفاء وهبي في جمالي بس أنا إلي مليش مزاج
ثم دلفت إلي شقتها وأخذت حمام مدته ساعتين وبعدها لبست وسكين كير وهير كير والخ..
ياه عليا وعلى جمالي دا أنا الممثلين يغيرو مني
ثم يدق الباب تنظر إلي العين السحريه تجد.
_____________________
بعد أن رجع إكس إلي الفندق
إكس بعصبيه ويكسر كل شئ يقابله:بقى أنا إكس حتت عيله أد أحفادي تهزقني كدا عُمر محد أسترجي يعملها هي تعملها ودي حعرف أستحملها أزاي من غير ما أعملها حاجه
ليرن هاتفه بأسم إيوان
إكس: بترن ليه
إيوان:شو في ليش هيك عم تحكي أعدل حديثك معي(اللباني حياكل مني حته)
إكس:أنطق
إيوان:التنفيذ بكره جهزت حالك
إكس:هو أنا حجهز شنطة هدومي مش في خطة عاملينها مع بعض يبقى متتصلش كتير وتقرفني ولو الطياره مجتش في معادها بكره حقتلها مش هضحي بحياتي
ويغلق الخط في وجهه
إيوان: كيف بيسترجي يحكي معيي هيك (مراد بيك لا تتركني هيك)
ملحم:خلاص أهدى يا زلمي بس نجيب هي البنت لهون نخلص منو
إيوان:لا ما بدي أقتلو هلأ
ملحم:حيرتني معك شو بدك تسوي
إيوان:رح سوي فتوش
ملحم:هلأ هيدا وقت أكل شو هل ولدنة تبعك(ولدنة:تصرفات ولاد)
إيوان:أنقلع لبرا شوف كم وصلنا على الموقع
ملحم:أنقلعت
_________________
عند مريم تقابل شخص في منزل قديم
مريم بقرف:يعني كل السرق إلي بتسرقها دي ومش عارف تقعد في بيت أحسن من دا شويه
حرنكش:جرا أيه يا أنسه قولي السبوبه وخلصينا ورانا مصالح
مريم:تعرف تدخل بيت على مواسير
حرنكش:أنتِ بتشتميني يا أنسه في بيتي دا شغلي أكيد حعملها
مريم:خد الكاميرا دي حتحطها في الحمام في جهه تبقى جيباه كله
حرنكش:وأنا إلي كنت فكرك مؤدبه
مريم:أحترم نفسك تاني حاجه حوصفلك مكان في الشقه حتجبلي منو صندوق
حرنكش:وهو الصندوق دا في أيه
مريم:ميخصكش حديك على دا كلو ٥ الاف جنيه وتنفذلي بكره
حرنكش:والله يا مدام أنا راجل مهم وورايا ناس حاجزه بالأوردر بس وماله أبعتيلي العنوان
مريم:حكتبهولك في ورقه خليها معاك أي غلطه حزعلك وإن أتقفشت سيرتي متجيش
حرنكش:عيب يا هانم أنتِ بتتعاملي مع حرنكش
مريم وهي تقوم خد دا عربون الفين جنيه لما تخلص ليك الباقي
حرنكش:منتحرمش من يدك ياهانم
مريم:حقولك بليل على المعاد تكون جاهز في أي وقت
حرنكش:أوامرك يا هانم
وتغادر مريم.
مريم بعد أن ذهبت إلي منزلها أخبرت أحمد وانتصار أن معاد العمليه بعد أسبوع وحجزت طياره بعد يومين إلي المانيا
مريم:بكره أخد الدهب بس لازم أبقى في مكان فيه ناس كتير علشان يبقو شاهدين معايا أنا عرفت حروح فين
______________
في شقه إنتصار
إنتصار:كدا برضو يا ضبعي متجليش كل دا
الضبع:سامحيني يا حبيبتي الجزاره واخده كل وقتي
إنتصار: سامحتك يا ضبعي هيهيهيهي
الضبع:تعرفي يا إنتصار
إنتصار:لا معرفش محدش عرفني
الضبع بخبث:أنا معرفش أزاي البنت جين قدرت تعمل معاكي كدا يعني المفروض في سن أمها وبتشك فيكي إنك زورتي الورق وتجرجرك في المحاكم أخس عليها خاينه للعشره
إنتصار:طول عمري ونعمه مرات الأب معاها معرفش كرهتني ليه كدا كنت بخليها تقوم بكل شغل البيت وأضربها بسبب ومن غير سبب يالا منها لله
الضبع:دا أنتِ رحيمه تيجي نشوف مراتات الأبهات التانين إلي بيحرقو
إنتصار:دا أنا غلبانه هي مرتين ولا خمس مرات إلي حرقتها
الضبع:ربنا يكرمك ويزيد الطيبه فيكي يا حبيبتي
إنتصار:أمين يا حبيبي.
الضبع:سمعت من الناس إن أمها عندها دهب يخليكي أغني واحده في العالم
إنتصار:يا حسرتي وهو فين دا قلبت البيت حته حته ومفيش حاجه حتى البنت وأبوها ولا يعرفو حاجه عن الموضوع وأنا إلي أتخدعت على الفاضي
الضبع:ربنا يسامحهم بقى ولا تزعلي نفسك أبداً قومي بقى أعمليلنا من أيدك دي عصير ليمون وتعالي
إنتصار:حاضر يا ضبوعتي
بعد أن خرجت
الضبع وهو يتف :ضبوعتي نسوان أخر الزمن أوصل بس للي أنا عايزه وبعدها أقطعك زي اللحمه إلي بقطعها .
___________________
جين تجد ليث تفتح سريعا :لثوثي أدخل أدخل وحشني بقالي كتير مشوفتكش لتقرب عليه وتهمس مش قولتلك متجيش أحتمال مركبين كاميرات يا حمار لتعلي صوتها أقلع جذمتك برا يا جزمه لسه كانسه أمبارح
ليث:حاضر يا دبش بدل ما تحلفي عليا والكلام بتاع الضيوف دا
جين:لا ميصحش يا جدع أنت واحد مننا
ليث:منكم مين
جين:واحد أنا اتنين خفه دمي تلاته طيبتي أربعه هزاري خمسه كليتي سته مدرستي سبعه
ليث:والله ما أنتِ مكمله
جين:علشان أنت حلفت بس يوه أنت لسه واقف على الباب ليه
ليث:مستنى إلي معندهاش دم تحس وتبعد من على الباب
جين:أتنيل
ليث:بمناسبه إني جيت عايز أسألك سؤال
جين:أرغي
ليث:أيه أكتر حاجه بتحبيها في سياده الرائد
جين:آآآآه عليه واحده يابنااااااي آآآآه بتوديني في داهيه
ليث:كدا أنا أطمنت أنك جين
جين: وأنت شاكك فيَّ ولا أيه
ليث: لا طبعاً أشك فيكي هو أنا أقدر بس النضافه دي كلها أول مره تحصل
جين:شايفني كنت معفنه قبل كدا يعني ما تعدل نفسك
ليث: سكت أتكتمت بيقولو في حاجه أسمها إكرام الضيف
جين:أنت مش ضيف أنت من أهل البيت عايز تعمل حاجه أعملها لنفسك
ليث:قومي البسي
جين:حتخطفني
ليث:لا
جين:حتقتلني
ليث:لا
جين:حتى
ليث:حرجع في كلامي وأقول نقعد فيالا البسي أخر مره
جين:يا عم أعتبرني لابسه خمسايه وراجعه
يأخذ ليث جوله في الشقه في محاوله لاكتشاف شئ ولكن لم يتوصل لشئ
بقالي سته وعشرين دقيقه مستني في تأخير تاني
جين:خلاص جيت كفايه نواح
ليث:أحلويتي لا الصرف الباين
جين:أحلف يعني ماسك الهالات وماسك التبييض فارقين عامل نتيجه
ليث:طبعا
جين:تشكر
ليث: بعد كل دا وتشكر أدامي
جين:أسك الباب طاااه
ليث:طاه طب مفيش حد سارف كل دا ويقول كدا
جين:أنا حاخد كورس من أم عطوه أنقلش بتدي أنقلش روعه ولا أخد عند أم زحمبله بتدي بقى أنجلش على أصوله رأيك أخد أنقلش ولا أنجلش
ليث:مياه بسكر هموت منك
جين:متوتش أستنى أكلني الأول
ليث:مفيش نزول وأتفضلي أدخلي بيتك
جين: مش بعد ما لبست الفستان وحطيت زبده الكاكاو تقولي كدا هننزل يا ليث
ليث:مش حتنزلي يا جين وكلامي إلي هيمشي
__________
بعد ساعه
ليث: تطلبي أيه
جين:أي حاجه مش على زوقك
ليث: أنا جتلك البيت مش حباً فيكي أتهدي بقى وخلينا نشوف حنتصرف أزاي
جين:لو هما مركبين كاميرات فأكيد دلوقتي زمانهم بيعرفو كل حاجه عنك وبيركبو تليفونك
لو لقيت حد ماشي وراك أو حاجه غريبه في البيت مش هتموت غالباً هما يس بيتأكدو أنهم في أمان مني ففي الحاله دي الخطه حتتغير لأنهم أكيد مراقبيني جوا البيت
ليث: ممكن برا البيت وعاوزين يعرفو معلومات عني
جين: كل حاجه ممكن بص معرفش بقى لو موت بعد الشر أدخل أوضتي هتلاقي التسريحه جمب الباب سيبها أدخل على الدولاب حتلاقي الدولاب الشمال سيبو حتلاقي الدولاب إلي في النص سيبو حتلاقي أيه
ليث: الدولاب اليمين أسيبو
جين:لااا هتلاقي الحته الشمال
ليث: أسيبها
جين:أخرس لحد ما أخلص كلامي حتدخل عليها حتلاقي ظرف كبير طويل عريض
ليث: دي ثروتك كلها صح
جين: لا كاتبه فيها وصيتي ومسجلاها عند المحاميه جين أي أسأله نو طب كويس
ليث: وأنتِ هتموتي أمتى
جين: الأعمار بيد الله يا ولدي
ليث: ونعم بالله يا أمي
جين تنظر إلي باب المحل تجد الشخص الذي خبط بها بالصباح :يا نهار أسود أيه إلي جاب
دا هنا كويس أنو جاء بس هو في الحالتين لابس كمامه سودا حعرفو منين بس هي هي العنين أنا لازم أروح ليث هروح الحمام وأجي
ليث:في داهيه
ثم تذهب تجاه طاولت هذا شخص ولكن.
_________________
عند إكس
إكس:أنا مش حفضل قاعد كدا لحد الفجر ما ييجي لازم اشوف البيت كويس وأعرف حدخل منين الغبيه مخلتنيش أعرف أشوف ويكمل بضحك بقى دي منظر واحده عايزه قاتل يقتلها دي أكيد بتخاف من الأفلام
الرعب أو حتى الأكشن نفسي أشوف شكلها وهي أدامي ومفكراني حقتلها أومال لو عرفت إني حخطفها حتعمل أيه أكيد حتضربني بالطماطم
ليتصل عليه ملحم ويرد عليه
إكس:مش كل شويه حد يقرفني هي مره واحده إلي تكلموني
ملحم:ما تعصب الطياره رح يوصل على البيت الساعه سته بمعنى بدك توصل على بيتها الساعه سته إلا ربع
إكس:طيب سلام
ملحم:يعني علشان مافي غيرو فهيك بيعمل بس تخلص هي العمليه وأخلص منو هاد بيشكل خطر كبير عليا
أحد الاشخاص: أستاذ تعا بسرعه في مشكله
ملحم:عندكم إيوان روحولو شو هاد الواحد ما بيعرف يسترخي شوي
: قال نيجي لعندك
ملحم:انلقع وأنا رح أجي وراك
ملحم:ليكني أجيت شو في
نزار:أطلع بهي الصوره
ملحم:شو فيها صوره عاديه
نزار:لا هيدا ضابط
ملحم:أعطيني معلومات عنو وشو صار بأخر أسبوع بحياته
نزار:أوامرك أستاذ
ملحم:لازم إيوان يعرف بيالي صار
نزار:في مشكله تانيه
ملحم:قول
نزار:لما أسسنا هيدا الموقع كنا جايبين ألف قاتل محترف من حول العالم الموقع بيكبر كتير كل يوم والطلبات بتزيد
ملحم:هي أخبار حلوه
نزار:المشكله أنو الألف مانهم مكفيين
ملحم:دور وهات
نزار:ما عم الاقي ويالي بلاقيه بيطلب أسعار كتير عاليه أضعاف المبلغ يالي نحنا بنطلبو من الشخص المقتول
ملحم:خلاص أنا بدبرها
نزار:بأسرع وقت لأننا عم نخسر كتير زبائن
ليدخل عليهم إيوان ويقول :أنا لقيت الحل
ملحم:خبرنا
إيوان: نحن عندنا الف رح حنوزعهم بالدول الأكثر طلباً وأكس موجود في مصر يقدر ينفذ عمليات كتير
ملحم:بس هو رح يوصل البنت لهون بكره
إيوان:مو مهم هو والبنت بنشوفلهم مكان أمن بعيد عن عيون الضباط ويقعد في مصر كام يوم لحد ما نلاقى قاتلين أكتر
ملحم:أمنيحه أتصل فيه وخبره
إيوان:لا رح نفاجأه
ملحم:ليش
إيوان:لأنو مارح يوافق نزار شوف أمن مكان وخلي الطياره تنزل عليه ووقتها نقولو
ملحم:متل ما بدك
إيوان:نزار حد من إلي بيراقب البنت شاق شي غريب أو حس بشي
نزار:لا بس هي اليوم كانت اليوم مع ضابط بس من المعلومات هو صديقها من زمان
إيوان:أعرفلي كل شي عنو
نزار:بهكرو
___________________
إكس يستعد للنزول ويخرج من الفندق بأكمله وذهب تجاه منزل جين
إكس:أدخل دلوقتي من الباب الرئيسي لا ممكن تبقى موجوده وتفضحني كدا أنسب طريقه المواسير إلي بطلع على المطبخ
طلع على المواسير لحد ما وصل لشباك مطبخها ودخل البيت
إكس:هي مؤكد مش في البيت أنا واثق أن في حاجه غلط شكلها ميوحيش أنها عايزه تموت نفسها دي أكيد بتخاف من الصرصار الصغير فلما تشوف قاتل لازم أعرف أيه الحكايه ليخرج هاتفه ويرن على أحد أصدقائه
إكس:محتاجك في خدمه
_أنا موجود دايماً
:قابلني في الكافيه حبعتلك عنوانه
_ماشي سلام
ويخرج من البيت قبل أن تعود جين
ذهب إلي الكافيه وجد جين
إكس:هو يوم مش معدي بس أكيد مش حتعرفني لأنها مشافتنيش هي جايه نحيتي ليه معقول عرفتني
ولكن جين قررت أن لا تروحله وتنتقم منو بطريقه تانيه
جين:الله عليا وعلى أفكاري بس حجيب منين طين دلوقتي خلاص أنا أراقبه وأعرف عنوان بيته وأجيبله رقاصه وأقول لأمه أن دي مراته وأجيب صبي رقاصه وأقولها أنو أبنو يااه على أفكاري أنا أصلاً حفيدة نيوتن
ليث:مروحتيش ليه
جين:قلبي لم يريد مني ان أتركك وحدك
ليث:بتغيري عليا
جين:لا خايفه الاقي البنات عاملين حفله عليك
ليث:أطفحي أطفحي
جين:هو فين الواقي
ليث:نسيته
جين:ولما أموت حتيجي عند قبري وتقول سامحيني يا جين علشان نسيته أعمل فيك أيه ممكن أموت دلوقتي بسببك أقتلك حدخل السجن أدبحك حاخد إعدام أدفنك حاخد فيك ثواب أعمل فيك أيه
ليث:هاتيلي كوكاكولا
جين:لا البيبسي أحلى
ليث:لا الكوكاكولا
جين:حنتعارك أنت بتتعارك معايا أنت بتزعقلي ناقص تلطشني قلمين قوم روحني
ليث:هل أنتِ حبيبتي
جين:لا
ليث:خطيبتي
جين:لا
ليث:مراتي
جين:ولا أعرفك أنت مين
ليث:طب بتنكدي عليا ليه نكدت القطه على الكلب
جين: حسبي الله فيك يا مفتري بتفتري عليا طب قوم بقى بدل ما البسك مصيبه وأقول أنك مبتصرفش عليا أنا وأولادي
ليث: اراهنك على ربع جنيه مخروم أنك لو قعدتي مع القاتل خمس ثواني حتخليه يقتل نفسه أظن أننا مش مشكله نيجي أنتِ كدا كدا حطفشيه من العالم
جين:دا أنا نسمه عارف كدا لمسه الهوا لما يلمس وشك هو دا أنا شوفت حد زيي كيوت
ليث:أه عارف لمسه الهوا إلي قبل القلم
جين:روحني ضغطي حيوطى منك
ليث: يالا قومي أنتِ لزقتي في الكرسي
جين:قومت وديني بقى عند مريم
ليث:مش قولتلك كتير أبعدي عنها مش مرتحلها
جين:وأنا مرتحلها وهي طيبه مش زي ما أنت فاكرها
ليث:براحتك أنتِ إلي حتتعبي
___________
إكس:اتأخرت ليه
أحد الأشخاص ويدعى كابوني:السكه وبعدين جايبني مكان مكشوف ليه دا غلط علينا
إكس:بالعكس دا الصح المهم شايف البنت إلي لابسه زهري هناك
كابوني:أه مالها
إكس:أنا عندي المعلومات عنها بس شاكك فيها أعرفلي مين إلي معاها وقابلت مين من الظباط من أول ما اتأسس الموقع
كابوني:هو أنت متكلف بيها
إكس:أه بس مش قتل
كابوني: هو إيوان لسه مبطلش الشغل التاني
إكس:ملناش دعوه المهم الحاجه تيجي بليل أنا همشي
كابوني:تبقي زورني
إكس: كل ما أجي مصر حشوفك
كابوني:لما تجيها بقى أنت مبتحبهاش أي مكان في أي ذكرى ولو بسيطه بتبعد عنو واجه الذكريات أحسن ما تبعد سلام
إكس:معاه حق بس الهروب حلو البس قناع أسود ولا ماسك أسود وأنا رايح أخطفها سؤال محتاج تفكير
إكس
لينظر إلي التي تنادي عليه يجدها
عند مريم تكلم حرنكش
مريم:أنت تنفذلي بليل أكون أخدتها برا البيت
حرنكش:أنتِ تؤمري يا هانم
مريم:أنت تعرفني
حرنكش:ولا شوفتك قبل كدا يا هانم
مريم:وتبقى شوفلنا حته تديلي الحاجه فيها بدل بيتك المقرف دا
حرنكش:أجيلك البيت يا هانم
مريم:لا أنت عايز تقفشنا أنا هشوف النهارده مكان مناسب وأقولك عليه يالا غور
حرنكش:عنيفه أوي الهانم دي
ليدق الباب عند مريم
مريم:خلاص جايه أيه شويه والباب حيتكسر
لتفتح الباب
مريم:إنتصار إيه إلي جابك
إنتصار:مش من على الباب مش حدخليني
مريم:أدخلي
إنتصار:أنا عايزه فلوس
مريم: وأنا أجبلك منين وأديكي ليه أصلاً
إنتصار:متنسيش إني أمك في الأول والأخر
مريم:نفسي بتموع عليا من كدا فبلاش الجو دا حديكي ميت جنيه إحسان ليكي وعلشان أنا طيبه غير كدا مش عايزه أشوفك تاني
إنتصار:مش مهم هاتي وخلاص
مريم:خدي ومتجليش كتير مش عايزه حد يعرف أنك أمي
إنتصار:مستعره مني
مريم:اااااوف خدي الباب في أيدك
إنتصار:حقول أيه ما أنتِ تربييتي
مريم:يعني أنا مش جيباه من برا
إنتصار: بجحه زي أمك
بعد أن خرجت يكلمها أحمد
مريم:هي نقصاك أنت كمان لترق صوتها وترد
أحمد:برن بقالي كتير
مريم برقه:معلش يا أحمد مسمعتش
أحمد:مش مهم خلاص ركبتي الكاميرا
مريم:لا لسه ما أنا قولتلك بعد أسبوع
أحمد:ماشي يا مريم فاضيه تجيلي البيت
مريم:لا مشغوله جداً
أحمد:طيب سلام
مريم: عيل لازق معرفش كنت بحبك على أيه بلا قرف
_________________
عند أحمد وصديقه
أحمد:أنا مخنوق أوي عايز أفك
مؤمن:أمجد عامل حتت سهره هو وبقيت الشله أنما إيه حندخلها زيرو ذنوب حنخرج منها زيرو حسنات
أحمد:لا مليش في الجو دا
مؤمن:يا عم تعالى نجرب هي جت علينا ما كلو مجرب دا حتى السجاير ببلاش
أحمد: نوعها أيه
مؤمن:هي بالنعناع
أحمد:خلاص تعالى نروح وأهو نفك شويه
مؤمن:كان أيه لزمتها الفرهده من بدري
أحمد:حتعرف تسوق ولا حنعمل حادثه
مؤمن:متخفش مني
بعد أن وصلو إلي المكان المطلوب
أحمد:لا بقولك أيه تعالى نرجع الولا أركان غلس وحيفضل يبرد وأنا حتعارك معاه
مؤمن:كلنا معاك يا صديقي
أركان:أيدا مش دا الولد إلي متعلم عليه
أه هو
ما تيجو نحفل عليه يا شباب وأهو نتسلي شويه
يالا
أركان: أزيك يالي متعلم عليك
أحمد:طول ما خلقتك بعيده عني أنا كويس
أركان:غسلت وشك الأول مطرح القلم ولا نقول القلمه
مؤمن:خلاص يا أركان خد شلتك وأمشي
أركان:أنا أقف في الحته إلي تعجبني
أحمد:تعالي نمشي يا عم بلاش قرف
أمجد:كبرتو الموضوع يا شباب أستمتعو مفيش مشيان
أحمد:علشانك بس
أركان: لا علشان لقيت أكل وشرب ببلاش
أحمد:شوفت مش حفضل أكتر من كدا
أمجد وهو يغمز لأركان:أمسحها فيَّ المره دي وخد دي حبايه حتروق دماغك خالص
أحمد:مخدرات دي ولا أيه
أمجد:أطلاقاً دا برشامة صداع خد دي المياه
أحمد:شكراً
أمجد: العفو أستمتع بالحفله
أحمد:مفعولها سحري قضت على الصداع أوبااا على المزه إلي هناك دي وذهب تجاها ولكن.
_________________
جين بعد أن روحت: ياااااه فعلاً من خرج من داره يتقل مقداره وِحش البيت يعني ما هو
حلو أهو الناس إلي بتحب تخرج من بيوتها بتعملها أزاي لتنظر في المطبخ تجد
يالهوتاااااي الحقوناااااي ياناااااااس أيه إلي جاب الفار على الشباك فين المصيداااااهههه فكان الفار واقف على شباك المطبخ
جين: أنا لازم أجيب مكنسة وأهشه بيها أو أزقه يقع لتجيب مكنسه وتمسك طرفها وتزقه يقع الفار
حقيقي أنا كل شويه بنبهر بذكائي بس أنا كنت قافله الشباك أتفتح أزاي يمكن نسيت
ليدق باب منزلها
البواب:في أيه ياست هانم كنتي بتصرخي ليه
جين:لا دا فار يا عمو
البواب:طب أخرجهولك
جين: أنا زقيته وقعتوو فضل ينزل ينزل لحد ما وقع على راسو مات
البواب:ربنا يعينك على الفران عن أذنك
جين:أذنك معاك هو ماله دا مستغرب ليه إني أتخلصت من الفار هو أناا يبان عليا أني جبانه للدرجه دي أنا حروح أكل
____________________
عند ليث:أيدا دا الموبايل كان لسه تمانين في الميه لحق قل تلاتين في الميه أزاي وموبايلي
كان معايا طول الوقت ومتصورتش في صور وفيديوهات غريبه ليَّ وبطئ ليه كدا ليترك الهاتف في المنزل ويذهب إلي اللواء حسنين
ليث:ممكن أدخل يا فندم
اللواء:أدخل يا ليث
ليث:أنا تلفوني أتهكر
اللواء:وأنت جيلي علشان كدا
ليث:لا يا فندم بس تلفوني أتهكر بعد ما قابلت جين على طول
اللواء:وأيه إلي يخليك تقابلها يا غبي
ليث:قولت أقابلها برا البيت يا فندم علشان أشوف لو حاجه حصلت تاني
اللواء:خلاص أنا حتصرف سيب تليفونك
ليث:في البيت
اللواء:روح هاته وتعالي
ليث:أوامرك يا فندم
ليذهب إلي منزله يجده منقلب وكل شئ في غير مكانه والموبايل مش موجود
ليث:أه يا ولاد الحراميه دا أنتو تسرقو كبدتي وفشتي ولا تسرقو الموبايل عيني عليك
يا لثاثيو ملحقتش تتصور بالسناب طب حتى فلتر الكلب أنا راضي لينظر أمامه يجد ورقه مكتوب فيها