روايه:قاتلي المتأجر
البارت:التاني والثالث
بقلم:ناديه ستارز
تبدأ الحلقه بعد أن خبطت جين في أحد
جين: يا أعمي هو أنت لابس الكمامه على مناخيرك ولا عينك يا جاموسه يا خنزير
يا صغنن ولا صغنن أيه بحجمك دا دا أنا إلي الصغننه كدا توقعني في
الطين يا حمار أنا والفاكهة
إكس في داخله دي هي العمليه المطلوبه وأنا هقدر أستحمل
لسانها لحد ما أوصلها ليهم طب أقتلها ولا أدبحها
ليمشي إكس قبل أن يتجمعو الناس على صوتها
جين:الخاين الغشاش مشي وسابني قبل حتى ما يقومني
أحد الستات:قومي يابنتي
بدل قعدتك في الطين وخدي دي خمسه جنيه هاتي من أي حد بتاع منظفات ديتول أستحمي بيه رِحتك قلبت معدتي
وتغادر الست
جين:بقى أنا أنااا جين الفاشونيستا يتقالي كدا والله أشوفك تاني وحعمل في أيدك ساعه
متروحش أبداً طب مينفعش أخد الفاكهه من الطين أغسلها
بخل وليمون وكأن شئ لم يحدث؟
أنا حروح بيتي أحسن أيدا أيه الريحه القذره دي بقى أنا إلي أغلى برفيوم عندي بخمسين جنيه يحصل فيَّ كدا أنا هنقع نفسي في كلور ربع ساعه أه بنتنا ريحتها قمر من يومها.
بعد أن ذهبت إلي بيتها تحت كُساح وهشهشه العظام وتخبيط الركب
البواب:أيدا ياست هانم ايه إلي بهدلك كدا متلعبيش مع الأطفال تاني حضرتك كبرتي ميصحش كدا
جين:حتى أنت يا عمو مكنوش طين يعني دلوقتي أنضف وأبقى ولا هيفاء وهبي في جمالي بس أنا إلي مليش مزاج
ثم دلفت إلي شقتها وأخذت حمام مدته ساعتين وبعدها لبست وسكين كير وهير كير والخ..
ياه عليا وعلى جمالي دا أنا الممثلين يغيرو مني
ثم يدق الباب تنظر إلي العين السحريه تجد.
_____________________
بعد أن رجع إكس إلي الفندق
إكس بعصبيه ويكسر كل شئ يقابله:بقى أنا إكس حتت عيله أد أحفادي تهزقني كدا عُمر محد أسترجي يعملها هي تعملها ودي حعرف أستحملها أزاي من غير ما أعملها حاجه
ليرن هاتفه بأسم إيوان
إكس: بترن ليه
إيوان:شو في ليش هيك عم تحكي أعدل حديثك معي(اللباني حياكل مني حته)
إكس:أنطق
إيوان:التنفيذ بكره جهزت حالك
إكس:هو أنا حجهز شنطة هدومي مش في خطة عاملينها مع بعض يبقى متتصلش كتير وتقرفني ولو الطياره مجتش في معادها بكره حقتلها مش هضحي بحياتي
ويغلق الخط في وجهه
إيوان: كيف بيسترجي يحكي معيي هيك (مراد بيك لا تتركني هيك)
ملحم:خلاص أهدى يا زلمي بس نجيب هي البنت لهون نخلص منو
إيوان:لا ما بدي أقتلو هلأ
ملحم:حيرتني معك شو بدك تسوي
إيوان:رح سوي فتوش
ملحم:هلأ هيدا وقت أكل شو هل ولدنة تبعك(ولدنة:تصرفات ولاد)
إيوان:أنقلع لبرا شوف كم وصلنا على الموقع
ملحم:أنقلعت
_________________
عند مريم تقابل شخص في منزل قديم
مريم بقرف:يعني كل السرق إلي بتسرقها دي ومش عارف تقعد في بيت أحسن من دا شويه
حرنكش:جرا أيه يا أنسه قولي السبوبه وخلصينا ورانا مصالح
مريم:تعرف تدخل بيت على مواسير
حرنكش:أنتِ بتشتميني يا أنسه في بيتي دا شغلي أكيد حعملها
مريم:خد الكاميرا دي حتحطها في الحمام في جهه تبقى جيباه كله
حرنكش:وأنا إلي كنت فكرك مؤدبه
مريم:أحترم نفسك تاني حاجه حوصفلك مكان في الشقه حتجبلي منو صندوق
حرنكش:وهو الصندوق دا في أيه
مريم:ميخصكش حديك على دا كلو ٥ الاف جنيه وتنفذلي بكره
حرنكش:والله يا مدام أنا راجل مهم وورايا ناس حاجزه بالأوردر بس وماله أبعتيلي العنوان
مريم:حكتبهولك في ورقه خليها معاك أي غلطه حزعلك وإن أتقفشت سيرتي متجيش
حرنكش:عيب يا هانم أنتِ بتتعاملي مع حرنكش
مريم وهي تقوم خد دا عربون الفين جنيه لما تخلص ليك الباقي
حرنكش:منتحرمش من يدك ياهانم
مريم:حقولك بليل على المعاد تكون جاهز في أي وقت
حرنكش:أوامرك يا هانم
وتغادر مريم.
مريم بعد أن ذهبت إلي منزلها أخبرت أحمد وانتصار أن معاد العمليه بعد أسبوع وحجزت طياره بعد يومين إلي المانيا
مريم:بكره أخد الدهب بس لازم أبقى في مكان فيه ناس كتير علشان يبقو شاهدين معايا أنا عرفت حروح فين
______________
في شقه إنتصار
إنتصار:كدا برضو يا ضبعي متجليش كل دا
الضبع:سامحيني يا حبيبتي الجزاره واخده كل وقتي
إنتصار: سامحتك يا ضبعي هيهيهيهي
الضبع:تعرفي يا إنتصار
إنتصار:لا معرفش محدش عرفني
الضبع بخبث:أنا معرفش أزاي البنت جين قدرت تعمل معاكي كدا يعني المفروض في سن أمها وبتشك فيكي إنك زورتي الورق وتجرجرك في المحاكم أخس عليها خاينه للعشره
إنتصار:طول عمري ونعمه مرات الأب معاها معرفش كرهتني ليه كدا كنت بخليها تقوم بكل شغل البيت وأضربها بسبب ومن غير سبب يالا منها لله
الضبع:دا أنتِ رحيمه تيجي نشوف مراتات الأبهات التانين إلي بيحرقو
إنتصار:دا أنا غلبانه هي مرتين ولا خمس مرات إلي حرقتها
الضبع:ربنا يكرمك ويزيد الطيبه فيكي يا حبيبتي
إنتصار:أمين يا حبيبي.
الضبع:سمعت من الناس إن أمها عندها دهب يخليكي أغني واحده في العالم
إنتصار:يا حسرتي وهو فين دا قلبت البيت حته حته ومفيش حاجه حتى البنت وأبوها ولا يعرفو حاجه عن الموضوع وأنا إلي أتخدعت على الفاضي
الضبع:ربنا يسامحهم بقى ولا تزعلي نفسك أبداً قومي بقى أعمليلنا من أيدك دي عصير ليمون وتعالي
إنتصار:حاضر يا ضبوعتي
بعد أن خرجت
الضبع وهو يتف :ضبوعتي نسوان أخر الزمن أوصل بس للي أنا عايزه وبعدها أقطعك زي اللحمه إلي بقطعها .
___________________
جين تجد ليث تفتح سريعا :لثوثي أدخل أدخل وحشني بقالي كتير مشوفتكش لتقرب عليه وتهمس مش قولتلك متجيش أحتمال مركبين كاميرات يا حمار لتعلي صوتها أقلع جذمتك برا يا جزمه لسه كانسه أمبارح
ليث:حاضر يا دبش بدل ما تحلفي عليا والكلام بتاع الضيوف دا
جين:لا ميصحش يا جدع أنت واحد مننا
ليث:منكم مين
جين:واحد أنا اتنين خفه دمي تلاته طيبتي أربعه هزاري خمسه كليتي سته مدرستي سبعه
ليث:والله ما أنتِ مكمله
جين:علشان أنت حلفت بس يوه أنت لسه واقف على الباب ليه
ليث:مستنى إلي معندهاش دم تحس وتبعد من على الباب
جين:أتنيل
ليث:بمناسبه إني جيت عايز أسألك سؤال
جين:أرغي
ليث:أيه أكتر حاجه بتحبيها في سياده الرائد
جين:آآآآه عليه واحده يابنااااااي آآآآه بتوديني في داهيه
ليث:كدا أنا أطمنت أنك جين
جين: وأنت شاكك فيَّ ولا أيه
ليث: لا طبعاً أشك فيكي هو أنا أقدر بس النضافه دي كلها أول مره تحصل
جين:شايفني كنت معفنه قبل كدا يعني ما تعدل نفسك
ليث: سكت أتكتمت بيقولو في حاجه أسمها إكرام الضيف
جين:أنت مش ضيف أنت من أهل البيت عايز تعمل حاجه أعملها لنفسك
ليث:قومي البسي
جين:حتخطفني
ليث:لا
جين:حتقتلني
ليث:لا
جين:حتى
ليث:حرجع في كلامي وأقول نقعد فيالا البسي أخر مره
جين:يا عم أعتبرني لابسه خمسايه وراجعه
يأخذ ليث جوله في الشقه في محاوله لاكتشاف شئ ولكن لم يتوصل لشئ
بقالي سته وعشرين دقيقه مستني في تأخير تاني
جين:خلاص جيت كفايه نواح
ليث:أحلويتي لا الصرف الباين
جين:أحلف يعني ماسك الهالات وماسك التبييض فارقين عامل نتيجه
ليث:طبعا
جين:تشكر
ليث: بعد كل دا وتشكر أدامي
جين:أسك الباب طاااه
ليث:طاه طب مفيش حد سارف كل دا ويقول كدا
جين:أنا حاخد كورس من أم عطوه أنقلش بتدي أنقلش روعه ولا أخد عند أم زحمبله بتدي بقى أنجلش على أصوله رأيك أخد أنقلش ولا أنجلش
ليث:مياه بسكر هموت منك
جين:متوتش أستنى أكلني الأول
ليث:مفيش نزول وأتفضلي أدخلي بيتك
جين: مش بعد ما لبست الفستان وحطيت زبده الكاكاو تقولي كدا هننزل يا ليث
ليث:مش حتنزلي يا جين وكلامي إلي هيمشي
__________
بعد ساعه
ليث: تطلبي أيه
جين:أي حاجه مش على زوقك
ليث: أنا جتلك البيت مش حباً فيكي أتهدي بقى وخلينا نشوف حنتصرف أزاي
جين:لو هما مركبين كاميرات فأكيد دلوقتي زمانهم بيعرفو كل حاجه عنك وبيركبو تليفونك
لو لقيت حد ماشي وراك أو حاجه غريبه في البيت مش هتموت غالباً هما يس بيتأكدو أنهم في أمان مني ففي الحاله دي الخطه حتتغير لأنهم أكيد مراقبيني جوا البيت
ليث: ممكن برا البيت وعاوزين يعرفو معلومات عني
جين: كل حاجه ممكن بص معرفش بقى لو موت بعد الشر أدخل أوضتي هتلاقي التسريحه جمب الباب سيبها أدخل على الدولاب حتلاقي الدولاب الشمال سيبو حتلاقي الدولاب إلي في النص سيبو حتلاقي أيه
ليث: الدولاب اليمين أسيبو
جين:لااا هتلاقي الحته الشمال
ليث: أسيبها
جين:أخرس لحد ما أخلص كلامي حتدخل عليها حتلاقي ظرف كبير طويل عريض
ليث: دي ثروتك كلها صح
جين: لا كاتبه فيها وصيتي ومسجلاها عند المحاميه جين أي أسأله نو طب كويس
ليث: وأنتِ هتموتي أمتى
جين: الأعمار بيد الله يا ولدي
ليث: ونعم بالله يا أمي
جين تنظر إلي باب المحل تجد الشخص الذي خبط بها بالصباح :يا نهار أسود أيه إلي جاب
دا هنا كويس أنو جاء بس هو في الحالتين لابس كمامه سودا حعرفو منين بس هي هي العنين أنا لازم أروح ليث هروح الحمام وأجي
ليث:في داهيه
ثم تذهب تجاه طاولت هذا شخص ولكن.
_________________
عند إكس
إكس:أنا مش حفضل قاعد كدا لحد الفجر ما ييجي لازم اشوف البيت كويس وأعرف حدخل منين الغبيه مخلتنيش أعرف أشوف ويكمل بضحك بقى دي منظر واحده عايزه قاتل يقتلها دي أكيد بتخاف من الأفلام
الرعب أو حتى الأكشن نفسي أشوف شكلها وهي أدامي ومفكراني حقتلها أومال لو عرفت إني حخطفها حتعمل أيه أكيد حتضربني بالطماطم
ليتصل عليه ملحم ويرد عليه
إكس:مش كل شويه حد يقرفني هي مره واحده إلي تكلموني
ملحم:ما تعصب الطياره رح يوصل على البيت الساعه سته بمعنى بدك توصل على بيتها الساعه سته إلا ربع
إكس:طيب سلام
ملحم:يعني علشان مافي غيرو فهيك بيعمل بس تخلص هي العمليه وأخلص منو هاد بيشكل خطر كبير عليا
أحد الاشخاص: أستاذ تعا بسرعه في مشكله
ملحم:عندكم إيوان روحولو شو هاد الواحد ما بيعرف يسترخي شوي
: قال نيجي لعندك
ملحم:انلقع وأنا رح أجي وراك
ملحم:ليكني أجيت شو في
نزار:أطلع بهي الصوره
ملحم:شو فيها صوره عاديه
نزار:لا هيدا ضابط
ملحم:أعطيني معلومات عنو وشو صار بأخر أسبوع بحياته
نزار:أوامرك أستاذ
ملحم:لازم إيوان يعرف بيالي صار
نزار:في مشكله تانيه
ملحم:قول
نزار:لما أسسنا هيدا الموقع كنا جايبين ألف قاتل محترف من حول العالم الموقع بيكبر كتير كل يوم والطلبات بتزيد
ملحم:هي أخبار حلوه
نزار:المشكله أنو الألف مانهم مكفيين
ملحم:دور وهات
نزار:ما عم الاقي ويالي بلاقيه بيطلب أسعار كتير عاليه أضعاف المبلغ يالي نحنا بنطلبو من الشخص المقتول
ملحم:خلاص أنا بدبرها
نزار:بأسرع وقت لأننا عم نخسر كتير زبائن
ليدخل عليهم إيوان ويقول :أنا لقيت الحل
ملحم:خبرنا
إيوان: نحن عندنا الف رح حنوزعهم بالدول الأكثر طلباً وأكس موجود في مصر يقدر ينفذ عمليات كتير
ملحم:بس هو رح يوصل البنت لهون بكره
إيوان:مو مهم هو والبنت بنشوفلهم مكان أمن بعيد عن عيون الضباط ويقعد في مصر كام يوم لحد ما نلاقى قاتلين أكتر
ملحم:أمنيحه أتصل فيه وخبره
إيوان:لا رح نفاجأه
ملحم:ليش
إيوان:لأنو مارح يوافق نزار شوف أمن مكان وخلي الطياره تنزل عليه ووقتها نقولو
ملحم:متل ما بدك
إيوان:نزار حد من إلي بيراقب البنت شاق شي غريب أو حس بشي
نزار:لا بس هي اليوم كانت اليوم مع ضابط بس من المعلومات هو صديقها من زمان
إيوان:أعرفلي كل شي عنو
نزار:بهكرو
___________________
إكس يستعد للنزول ويخرج من الفندق بأكمله وذهب تجاه منزل جين
إكس:أدخل دلوقتي من الباب الرئيسي لا ممكن تبقى موجوده وتفضحني كدا أنسب طريقه المواسير إلي بطلع على المطبخ
طلع على المواسير لحد ما وصل لشباك مطبخها ودخل البيت
إكس:هي مؤكد مش في البيت أنا واثق أن في حاجه غلط شكلها ميوحيش أنها عايزه تموت نفسها دي أكيد بتخاف من الصرصار الصغير فلما تشوف قاتل لازم أعرف أيه الحكايه ليخرج هاتفه ويرن على أحد أصدقائه
إكس:محتاجك في خدمه
_أنا موجود دايماً
:قابلني في الكافيه حبعتلك عنوانه
_ماشي سلام
ويخرج من البيت قبل أن تعود جين
ذهب إلي الكافيه وجد جين
إكس:هو يوم مش معدي بس أكيد مش حتعرفني لأنها مشافتنيش هي جايه نحيتي ليه معقول عرفتني
ولكن جين قررت أن لا تروحله وتنتقم منو بطريقه تانيه
جين:الله عليا وعلى أفكاري بس حجيب منين طين دلوقتي خلاص أنا أراقبه وأعرف عنوان بيته وأجيبله رقاصه وأقول لأمه أن دي مراته وأجيب صبي رقاصه وأقولها أنو أبنو يااه على أفكاري أنا أصلاً حفيدة نيوتن
ليث:مروحتيش ليه
جين:قلبي لم يريد مني ان أتركك وحدك
ليث:بتغيري عليا
جين:لا خايفه الاقي البنات عاملين حفله عليك
ليث:أطفحي أطفحي
جين:هو فين الواقي
ليث:نسيته
جين:ولما أموت حتيجي عند قبري وتقول سامحيني يا جين علشان نسيته أعمل فيك أيه ممكن أموت دلوقتي بسببك أقتلك حدخل السجن أدبحك حاخد إعدام أدفنك حاخد فيك ثواب أعمل فيك أيه
ليث:هاتيلي كوكاكولا
جين:لا البيبسي أحلى
ليث:لا الكوكاكولا
جين:حنتعارك أنت بتتعارك معايا أنت بتزعقلي ناقص تلطشني قلمين قوم روحني
ليث:هل أنتِ حبيبتي
جين:لا
ليث:خطيبتي
جين:لا
ليث:مراتي
جين:ولا أعرفك أنت مين
ليث:طب بتنكدي عليا ليه نكدت القطه على الكلب
جين: حسبي الله فيك يا مفتري بتفتري عليا طب قوم بقى بدل ما البسك مصيبه وأقول أنك مبتصرفش عليا أنا وأولادي
ليث: اراهنك على ربع جنيه مخروم أنك لو قعدتي مع القاتل خمس ثواني حتخليه يقتل نفسه أظن أننا مش مشكله نيجي أنتِ كدا كدا حطفشيه من العالم
جين:دا أنا نسمه عارف كدا لمسه الهوا لما يلمس وشك هو دا أنا شوفت حد زيي كيوت
ليث:أه عارف لمسه الهوا إلي قبل القلم
جين:روحني ضغطي حيوطى منك
ليث: يالا قومي أنتِ لزقتي في الكرسي
جين:قومت وديني بقى عند مريم
ليث:مش قولتلك كتير أبعدي عنها مش مرتحلها
جين:وأنا مرتحلها وهي طيبه مش زي ما أنت فاكرها
ليث:براحتك أنتِ إلي حتتعبي
___________
إكس:اتأخرت ليه
أحد الأشخاص ويدعى كابوني:السكه وبعدين جايبني مكان مكشوف ليه دا غلط علينا
إكس:بالعكس دا الصح المهم شايف البنت إلي لابسه زهري هناك
كابوني:أه مالها
إكس:أنا عندي المعلومات عنها بس شاكك فيها أعرفلي مين إلي معاها وقابلت مين من الظباط من أول ما اتأسس الموقع
كابوني:هو أنت متكلف بيها
إكس:أه بس مش قتل
كابوني: هو إيوان لسه مبطلش الشغل التاني
إكس:ملناش دعوه المهم الحاجه تيجي بليل أنا همشي
كابوني:تبقي زورني
إكس: كل ما أجي مصر حشوفك
كابوني:لما تجيها بقى أنت مبتحبهاش أي مكان في أي ذكرى ولو بسيطه بتبعد عنو واجه الذكريات أحسن ما تبعد سلام
إكس:معاه حق بس الهروب حلو البس قناع أسود ولا ماسك أسود وأنا رايح أخطفها سؤال محتاج تفكير
إكس
لينظر إلي التي تنادي عليه يجدها
عند مريم تكلم حرنكش
مريم:أنت تنفذلي بليل أكون أخدتها برا البيت
حرنكش:أنتِ تؤمري يا هانم
مريم:أنت تعرفني
حرنكش:ولا شوفتك قبل كدا يا هانم
مريم:وتبقى شوفلنا حته تديلي الحاجه فيها بدل بيتك المقرف دا
حرنكش:أجيلك البيت يا هانم
مريم:لا أنت عايز تقفشنا أنا هشوف النهارده مكان مناسب وأقولك عليه يالا غور
حرنكش:عنيفه أوي الهانم دي
ليدق الباب عند مريم
مريم:خلاص جايه أيه شويه والباب حيتكسر
لتفتح الباب
مريم:إنتصار إيه إلي جابك
إنتصار:مش من على الباب مش حدخليني
مريم:أدخلي
إنتصار:أنا عايزه فلوس
مريم: وأنا أجبلك منين وأديكي ليه أصلاً
إنتصار:متنسيش إني أمك في الأول والأخر
مريم:نفسي بتموع عليا من كدا فبلاش الجو دا حديكي ميت جنيه إحسان ليكي وعلشان أنا طيبه غير كدا مش عايزه أشوفك تاني
إنتصار:مش مهم هاتي وخلاص
مريم:خدي ومتجليش كتير مش عايزه حد يعرف أنك أمي
إنتصار:مستعره مني
مريم:اااااوف خدي الباب في أيدك
إنتصار:حقول أيه ما أنتِ تربييتي
مريم:يعني أنا مش جيباه من برا
إنتصار: بجحه زي أمك
بعد أن خرجت يكلمها أحمد
مريم:هي نقصاك أنت كمان لترق صوتها وترد
أحمد:برن بقالي كتير
مريم برقه:معلش يا أحمد مسمعتش
أحمد:مش مهم خلاص ركبتي الكاميرا
مريم:لا لسه ما أنا قولتلك بعد أسبوع
أحمد:ماشي يا مريم فاضيه تجيلي البيت
مريم:لا مشغوله جداً
أحمد:طيب سلام
مريم: عيل لازق معرفش كنت بحبك على أيه بلا قرف
_________________
عند أحمد وصديقه
أحمد:أنا مخنوق أوي عايز أفك
مؤمن:أمجد عامل حتت سهره هو وبقيت الشله أنما إيه حندخلها زيرو ذنوب حنخرج منها زيرو حسنات
أحمد:لا مليش في الجو دا
مؤمن:يا عم تعالى نجرب هي جت علينا ما كلو مجرب دا حتى السجاير ببلاش
أحمد: نوعها أيه
مؤمن:هي بالنعناع
أحمد:خلاص تعالى نروح وأهو نفك شويه
مؤمن:كان أيه لزمتها الفرهده من بدري
أحمد:حتعرف تسوق ولا حنعمل حادثه
مؤمن:متخفش مني
بعد أن وصلو إلي المكان المطلوب
أحمد:لا بقولك أيه تعالى نرجع الولا أركان غلس وحيفضل يبرد وأنا حتعارك معاه
مؤمن:كلنا معاك يا صديقي
أركان:أيدا مش دا الولد إلي متعلم عليه
أه هو
ما تيجو نحفل عليه يا شباب وأهو نتسلي شويه
يالا
أركان: أزيك يالي متعلم عليك
أحمد:طول ما خلقتك بعيده عني أنا كويس
أركان:غسلت وشك الأول مطرح القلم ولا نقول القلمه
مؤمن:خلاص يا أركان خد شلتك وأمشي
أركان:أنا أقف في الحته إلي تعجبني
أحمد:تعالي نمشي يا عم بلاش قرف
أمجد:كبرتو الموضوع يا شباب أستمتعو مفيش مشيان
أحمد:علشانك بس
أركان: لا علشان لقيت أكل وشرب ببلاش
أحمد:شوفت مش حفضل أكتر من كدا
أمجد وهو يغمز لأركان:أمسحها فيَّ المره دي وخد دي حبايه حتروق دماغك خالص
أحمد:مخدرات دي ولا أيه
أمجد:أطلاقاً دا برشامة صداع خد دي المياه
أحمد:شكراً
أمجد: العفو أستمتع بالحفله
أحمد:مفعولها سحري قضت على الصداع أوبااا على المزه إلي هناك دي وذهب تجاها ولكن.
_________________
جين بعد أن روحت: ياااااه فعلاً من خرج من داره يتقل مقداره وِحش البيت يعني ما هو
حلو أهو الناس إلي بتحب تخرج من بيوتها بتعملها أزاي لتنظر في المطبخ تجد
يالهوتاااااي الحقوناااااي ياناااااااس أيه إلي جاب الفار على الشباك فين المصيداااااهههه فكان الفار واقف على شباك المطبخ
جين: أنا لازم أجيب مكنسة وأهشه بيها أو أزقه يقع لتجيب مكنسه وتمسك طرفها وتزقه يقع الفار
حقيقي أنا كل شويه بنبهر بذكائي بس أنا كنت قافله الشباك أتفتح أزاي يمكن نسيت
ليدق باب منزلها
البواب:في أيه ياست هانم كنتي بتصرخي ليه
جين:لا دا فار يا عمو
البواب:طب أخرجهولك
جين: أنا زقيته وقعتوو فضل ينزل ينزل لحد ما وقع على راسو مات
البواب:ربنا يعينك على الفران عن أذنك
جين:أذنك معاك هو ماله دا مستغرب ليه إني أتخلصت من الفار هو أناا يبان عليا أني جبانه للدرجه دي أنا حروح أكل
____________________
عند ليث:أيدا دا الموبايل كان لسه تمانين في الميه لحق قل تلاتين في الميه أزاي وموبايلي
كان معايا طول الوقت ومتصورتش في صور وفيديوهات غريبه ليَّ وبطئ ليه كدا ليترك الهاتف في المنزل ويذهب إلي اللواء حسنين
ليث:ممكن أدخل يا فندم
اللواء:أدخل يا ليث
ليث:أنا تلفوني أتهكر
اللواء:وأنت جيلي علشان كدا
ليث:لا يا فندم بس تلفوني أتهكر بعد ما قابلت جين على طول
اللواء:وأيه إلي يخليك تقابلها يا غبي
ليث:قولت أقابلها برا البيت يا فندم علشان أشوف لو حاجه حصلت تاني
اللواء:خلاص أنا حتصرف سيب تليفونك
ليث:في البيت
اللواء:روح هاته وتعالي
ليث:أوامرك يا فندم
ليذهب إلي منزله يجده منقلب وكل شئ في غير مكانه والموبايل مش موجود
ليث:أه يا ولاد الحراميه دا أنتو تسرقو كبدتي وفشتي ولا تسرقو الموبايل عيني عليك
يا لثاثيو ملحقتش تتصور بالسناب طب حتى فلتر الكلب أنا راضي لينظر أمامه يجد ورقه مكتوب فيها
روايه:قاتلي المتأجر
البارت:الثالث
بقلم:ناديه ستارز
عند ليث
ينظر أمامه يجد ورقة مكتوب بها
المره دي تليفونك إلي أتهكر وبيتك إلي باظ أبعد عن الT.k.m بدل ما تتقتل ودا أول وأخر تحذير.
ليث:كدا كل حاجتي أتعرفت الموضوع مش موضوع قتل في حاجه أكبر بكتير.
لازم سياده اللواء يعرف ليأخذ الورقه ي
طويها في جيبه ويذهب إليه
ووهو داخل القسم يخبط في بنت
البنت:أنا أسفه منتبتهتش
لتخرج وتطلع هاتفها وترن على أحد الأرقام وتقول:كلو تمام
ليث يفتح الباب
اللواء:في أيه يا ليث مش تخبط
ليث:مفيش وقت يا فندم ويسرد إليه كل ما حدث
اللواء:طب وريني الورقه
ليفتش في جيوبه:مش لاقيها ليتذكر البنت وهي خبطت في جمبه بدل من أمامه مع أنهم في نفس الأتجاه
ليث:يا ولاد ال* دي عصابه جوا وبرا مصر
اللواء:طب تعالى وريني البيت
ليث:أوامرك يا فندم
ليذهبو إلي بيت ليث
يفتح الباب يجد كل شئ في مكانه ومرتب
ليث:لا لا أكيد في حاجة غلط زي ما دخلو المره الأولى وبوظو الشقه دخلو تاني ورتبوها علشان حضرتك متشكش
اللواء:أنت في أجازه مفتوحه يا ليث الظاهر عقلك اللاوعيي مأثر عليك
ليث:يافندم بس
اللواء:مفيش بس إلي قولته يتنفذ
ليث:طب وجين والكاميرات إلي أكيد حطوها جوا البيت
اللواء:عادي مش لازم نبقى معاها جوا البيت خد دا زرار أدهولها تحطو في ودانها و أول ما تحس بخطر تدوس عليه نهجم
ليث:بس دا جهاز تجسس
اللواء:علشان نسمع
ليث:بس يا فندم دول مش عايزنها للقتل أنا متأكد
اللواء:الدليل فين
ليث:الورقه تليفوني البيت
اللواء: الورقه وملهاش وجود تليفونك سلامة النظر عندك على الترابيزه البيت زي الفل فين الأدله دي يا حضره الظابط ريح دماغك سلام
بعد أن خرج اللواء
تليفوني رجع يااااه البُعد عنك أوحش من القلقاس أخيراً هتصور بفلتر الكلب طب وجين دول ممكن يخطفوها مش مهم أتصور الأول وبعدها هروحلها
____________________
عند إكس
ينظر إلي التي تنادي عليه يجدها طليقة إيوان
لتذهب إليه وتحتضنه وسن:هاي إكس
إكس:أهلاً وسن
وسن:نزلت مصر ليه
إكس:شغل وأنتِ
وسن:نفس الشغل
إكس:بتحبي الدم جداً
وسن بقرب:وبحب العب لعبه xo أكتر
إكس:بكسبك دايماً
وسن:الواحد من كتر ما بيكسب ممكن يفتكر أنو مستحيل يخسر والأعتقاد دا بيكلف كتير لأنو في لحظه هيخسر كلو
إكس:كلام مقنع بس لازم أمشي
وسن:هشوفك
إكس:معرفش ويغادر المكان
ويذهب إلي الفندق
ويتصل على ملحم
إكس: أبعتلها رساله إن الشخص حيوصل الساعه ٣ الفجر
ملحم:هيك في تلت ساعات فرق
إكس:عارف بس التنفيذ في معاده نفذ إلي قولته وأديني المعلومات إلي أنت جبتها عن الولد إلي كان معاها
ملحم:هلأ رح أبعتهم لألك .
يفتح إكس الاب على الكاميرات ويتذكر كيف زرعها في البيت
Flash back
بعد أن كلم كابوني نظر في الصالون وجد نضاره رجالي
إكس:هي معندهاش أخوات وأهلها مبيسألوش فيها والبنت أصلا محدش يثق فيها بلسانها إلي محتاج قتله هحتاج أراقبها كويس
ليطلع من جيبه كاميرا صغيره الحجم
إكس:ودي أحطها فين علشان متشوفهاش لقيتها هحطها في النجفه دا هيبقى آمن
ليخرج من المنزل
Back
إكس:هو أنا لسه هراقب لا معنديش خُلق
ليقاطعه صوت رنين هاتفه وكان كابوني
كابوني:ملف تاريخ حياتها بين أيدي
إكس:ومخلصو قبل الوقت لا تتحسد طب تعالي
كابوني:تمام جاي.
___________
كابوني:خد الملف متطلبش مني حاجة تاني
إكس:أطلب من مين
كابوني:ولا حد الطلب لغير الله مذله
إكس:طب تعالي أقعد نشكي لبعض همومنا
كابوني:الشكوى لغير الله مذله
إكس:لا برا بقى الواحد مش ناقص
كابوني:سلام يا صاحبي
إكس:غور في داهيه
كابوني:بتحبني أوي
إكس:طبعاً
________
إكس: دهب قيمته حوالي بأتنين مليون جنيه دول أكيد بقو من الأثار طب ما أنا حاخد الخمسه مليون وممكن أخد الاتنين مليون عليهم وأعمل عمليه بتلاته مليوووون في نفس أسبوع وكدا أنا جمعت عشره مليون بس الغبيه التانيه لو حصل حاجة بسببها والله لقتلها. ليكمل قراءه ووقف عند ليث وقرأ كل شئ يخصه
إكس:دا نفس الشخص إلي كان معاها في الكافيه راحته بعد ما سجلت في الموقع على طول يبقى أكيد هي قالتله على كل حاجة وأكيد عاملين خطه مع بعض لازم أعمل أي حاجة تبوظ خطتهم بس أعرف أيه هي الأول معايا حل واحد .
ليمسك هاتفه وينظر إلي الملف الذي أرسله ملحم عن ليث ويقول : لو هما عارفين أن ليث عارف أكيد حيكتبو بس لو مش مكتوب يبقو بدأو المراقبه من بعدها وميعرفوش دا أحنا حيتعملنا حتت كمين حيقطعو وراكنا والله يا واد يا إكس عليك شويه حكم أحكم من الحكماء القاتل الفرفوش رزق.
حان وقت اللعب
ليأخذ هاتفه ويذهب إلي كابوني
_____________
عند جين
أنا قاعده بقالي كتير وأتخنقت ولسه فاضل ساعات كتير على الأكشن وأحساس الرعب لازم أسلي نفسي في الوقت دا لتتذكر وتقول الله يخربيتك يا ليث بسببك نسيت أراقب أبو كمامه لا مهو أنا مموتش قبل ما أنتقم جين حان وقت الأنتقام بس هل من رقاصة ومن صبي رقاصة علشان الخطه تكمل طب لو أمه متوفيه بااااس أنا لقيتها العبايه السمرا تخلي أي حد يشك في هويتشي وبالشين كدا العمليه كملت والطفل حاخد أي طفل برئ من الشارع ياه عليكي يا جين المفروض كنت أشتغل في أمن الدوله بذكائي الخارق دا
الخطه رقم واحد هروح الكافيه وأشوف الكاميرات وممكن يكون نزل الكمامه وكدا أعرف شكلو بقى أنا الكل يشمت فيَ أهو الواحد يتسلى بدل القاعده
لتلبس جين عبايه سمراء وتذهب إلي الكافيه
جين للعامل :لو سمحت هو ممكن توديني غرفه المراقبه
العامل:وهو أي حد يقول عايز يدخل ندخلو هي ملاهي يا مدام
جين في سرها مدام كمان منك لله يا أبو كمامه
جين ببكاء مصطنع:أهئ أهئ ما هو أنت لو تعرف إلي حصلي مش هتقول كدا أنا عايزه أشوف الكاميرات لأن من كام ساعه جاه واحد هنا ودا جوزي حبيبي أهئ أهئ
العامل:ما تخلصينا يا مدام عندنا شغل
جين:عمل حادثه ويا حبه عين عيني بقى كل شويه بشخصيه شكل ويتوه مني ولازم الحقو بدل ما المره دي يقلب قاتل ويقتل حد وذنبو في رقبتك
العامل صعبت عليه جين :خلاص تعالي هوديكي المكان إلي كل كاميرات الشارع فيه
جين:ربنا يعلي مراكبك يا سعات البيه وأشوفك صاحب الكافيه
جين وهي ماشيه وراه :طب والله أنا أنفع ممثله ومخترعه لا لا المفروض أروح مركز الأبحاث العلماء يعملو عليا تجارب وأختبارات علشان ذكائي الخارق دا
العامل:هي دي الأوضه .
جين في سرها أه بحب المغامرات بس مش لدرجة الأوض أهم حاجه أن وصفه الرشاشه المتعميه معايا
ليدخلو للغرفه ويجدو بها شخص واحد والغرفه كانت مليئه بالكاميرات بطول الشارع
العامل:عامر أصحى يا راجل
جين:خد الرشاش دا شممه كدا
أعااااااا عفريتاااه أنتِ الجنيه العاشقه متلبسنيش
جين:يا عم غور بكرشك دا هو مين يبصلك أصلاً
يعني مش حتخليني أنتحر في الأخر بس أزاي أنا نمت أنا عُمري ما نمت هنا قبل كدا
جين:يا أستاذ العامل شوف صاحبك أنا أتخنقت
العامل:أنشف كدا دي تبعي عايزك تفوق وترجع بالكاميرات شويه لورا من كام ساعه يا أنسه
جين:ساعتين
عامر:رجعت أربع ساعات حسرع شويه وأنتِ شوفي عايزه تعرفي أيه
جين:طيب سرع شويه طب خلاص وريني الكاميرات إلي في الكافيه طب رجع الكاميرات للصبح في حدود الساعه عشره حداشر
عامر:أما نشوف أخرتها أهو .
جين:هو حد بيبقى معاك هنا
عامر:لا
جين:طب كان في حد هنا أو حد جالك
عامر:مفيش غيري
جين:طيب شكراً
جين بعد أن ذهبت إلي منزلها
أزاي مش موجود خالص حتى لما وقعني مفيش حد والكافيه الكل موجود ماعدا هو والشخص إلي معاه معقول يكون هو دا وبيراقبني هو الموضوع دخل في الجد ليه أنا أخري أكل مصاصه بالمستيكه هو أنا ينفع أعرف أهرب وكأن شئ لم يكن
ليدق باب منزلها
جين:أكيد الحمار ليث
ليث:دقيقتين عقبال ما تفتحي الباب
جين:أدخل مش فيقالك
ليث:تعالي أدخل أيه البسي وأنا هستناك
جين:أنا لابسه يالا
ليث:بالعباية السمرا
جين:أه هي هنروح ولا أدخل
ليث:أنجري أدامي
جين:أصبر أقفل الباب كدا
ليث:قفلته
جين:في موضوع مهم عايزه أقوله وأنا متراقبه
ليث: وأنا كذلك ومينفعش نتكلم في العربيه لأني مش ضامنهم يكونو بيتجسسو عليا منها ولا لا
جين:هنعمل أيه
ليث: حنركب العربيه عادي بس أتكلمي في مواضيع عادي مش الموضوع بتاعك
جين:طب وبعدها هنروح فين
ليث: هنسيب العربيه قبل القسم بشويه وحندخل القسم من باب تاني غير الباب الرئيسي دا آمن مكان
جين:طب أمشي يالا
جين:ليث فاضل كتير ونوصل أنا أتخنقت
ليث:لا مش كتير أتخنقتي من أيه من نشر الغسيل ولا غسيل المواعين
جين:من قلة الكلام
ليث:أتكملي
جين:هو أنا ممكن أموت
ليث:حسبي الله ونعم الوكيل
جين:طب لو ملحقتو اااه بتقرصني ليه
ليث:دي ناموسه كانت على أيدك بفصعها بموتهااا
جين:الله يرحمها نرجع لموضوعنا
ليث:اللهم إن كان أبتلاء فأجعله في ميزان حسناتي
جين:هو لو حصل يعني وق
ليث:وصلنااااااا
جين:وصلنا أيه أحنا مش في القس
ليث:يارب كدا كتير يارب الغباء دا مش هعرف أستحملو
جين: أنت متعصب مني ليه أنا أتكلمت أصلاً
ليث:أنزلي يا جين بدل طلقة واحده في راسك وأبقى كدا خلصت البشرية منك
جين: منك لله أنا مش مسامحه قلبي مش مسامح
ليث:أمشي وأنت حاطه العبايه في بوقك وأنتِ من أمتى أصلاً بتلبسي عبايات
جين:لما نوصل هحكيلك هات موبايلك
ليث:والله ميحصل
جين:عايزه أتصور
ليث:أتصوري بموبايلك أنا مال موبايلي
جين:هنتعارك في الشارع علشان مجرد خمسه عشرين ألف وعشره صوره أخس عليك
ليث:طب هاتي موبايلك أتصور
جين:لا
ليث:صوره واحده
جين:ولا ربع صوره أنا رجلي وجعتني مش هنوصل
ليث:وصلنا خلاص ما أنتِ لو أنسانه نشيطه وبتمشي كل يوم لكن أزاي السرير عندك أهم من حياتك
جين: ليث أنت مبتعرفش تمشي أزيد من خمس خطوات .
ليث:أنا إلي عندي كُساح والغضروف وهشهشه عظام ومفاصلك رايحه في داهية
جين:شكراً للحقيقه المُره
ليث:أدخلي وصلنا
جين:أحكي بقى من أول ما سبتك حصلك أيه من بعدي
ليث:هو أحنا كنا مخطوبين وسبتيني لأني خونتك وجايه تشمتي فيَ بعد ما هي خانتني
جين:هي مين
ليث:إلي خونتيني معاها
جين:معلش دا بيبقى تأثير عدم النوم نرجع للجد بقى أحكي كل حاجه
ليسرد إليها ليث ما حدث معهو
جين:أتأكد أن هما ممسحوش السناب علشان نتصور
ليث:متعصبنيش
جين:هما أكيد مش بيعملو كدا مع أي حد بيدخل الموقع بس في أحتمال أن هما يخطفوني ويكونو مافيا أو تجارة أعضاء
ليث:السؤال هنا أشمعنا أنتِ
جين:لأني جمر وأكيد شافوني حبوني وأتخدعو في أعضائي وميعرفوش الوكسه وإني مبمشيش من غير مسكناتشششي
ليث:أحنا في كارثه وأنتِ بتهزري
جين:أومال عايزني أتخطف وأنا مبوزه ليه يعني
ليث: جين روحي أتخطفي وأنتِ بعيده عني
جين:المهم دلوقتي أسمع دي
ليث: أتعاركتي مع حد
جين:مش بالظبط هحكيلك
لتحكي إليه كل ما حدث مع إكس وغرفه المراقبة
جين:بس كدا دا كل إلي حصل مع أبو كمامه سودا
ليث: أشمعنا أبو كمامه سودا
جين:علشان على طول لابس كمامه سودا بس في حاجه أهم
ليث:'أنتِ يعني محتاجه أذن علشان تتكلمي ما تقولي على طول
جين:أنت بتزعقلي دلوقتي بتزعقلي بعديها تضربني
ليث: أنا أسف أنطقييييييي
جين: بتحب العنف أوي المهم الشخص إلي فب أوضه الكاميرات أستغرب أنو نام وقال أنو منامش قبل كدا في الأوضه وجينا نصحيه مكنش بيصحى في البدايه
ليث:طب وصحى أزاي
جين:دا مش سؤال يتسأل أحنا في مصيبه المهم شممتو من الرشاش إلي مبيفضاش
ليث:تاني لا تاني أيه تلتاشر أرحميني بقى أنتِ أتعملك خمس محاضر بسبب الرشاش أعمل فيكي أيه
جين:ما خلاص بقى دا حمايه للنفس يا ظالمني طول عمرك ظالم ومفتري
ليث: أنا شاكك أن أبو كمامه سودا هو الشخص إلي متكلف بيكي
جين:نفس الشك
ليث: طب والحل أيه
جين:أنت مع جين عيب عليك الحل هو
______________
عند أحمد
ذهب أحمد تجاه الفتاه ولكن أستوقفه صديقه مؤمن
مؤمن:أيه رايح فين
أحمد:رايح للبنت إلي هناك دي
مؤمن:مينفعش في بنات كتير شوفلك أي واحده إلا دي
أحمد:ليه يعني أنا عايز دي
مؤمن:تبع أركان
أحمد: مش حاخد إلا دي
مؤمن:أنا مش عايز مشاكل بقولك أيه يالا نمشي
أحمد:حبيت الحفله أمشي أنت لو عايز
مؤمن:مش هسيبك لوحدك مش شايف نظراتهم ليك عامله أزاي تعالى نمشي أحسن أنا خوفت
أحمد:مش أنا إلي أخاف أيدا دول جايين علينا تعالى نخلع أحسن
مؤمن:أجري بس بالراحه علشان ميحسوش وبرستيجنا وسط الحفله
أحمد:مفيش وقت أجراااي
أركان:أجرو وراه هاتو
ليركبو العربيه سريعاً ويسكو عليهم
مؤمن:شغل العربيه قبل ما يمسكك
أحمد:ولا يعرف يلمسني هي العربيه أخر سرعتها على الميه ليه
مؤمن:أشكر ربنا بس دي أول مره يعملها
أحمد:غيران مني ومفروس
مؤمن:ليه هو أنت فيك حاجه عدله علشان يغير منك
أحمد:كُلي أمكانيات
مؤمن:طب نزلني هنا على جمب لأني مش واثق فيك
أحمد:شعرك حلو أوي يا سارة
مؤمن:أنا حالق زيرو جاه منين الشعر لا لا الواد دا مش مظبوط نزلني هنا بقولك بدل ما أصوت وألم الناس
أحمد:حقولهم أنك أنتِ إلي خطفاني يا سارة
مؤمن:سارة مين أنت شربت إيه أنت وقفت العربيه ليه دا أسمه فعل فاضح في الطريق العام
طب أنت بتقرب مني ليه طاااب ليرجع مؤمن إلي الخلف حتى التصق في الأزاز
ليخبط أحد على الأزاز
لينزل أحمد الأزاز ويقول:مياده الطباله
مؤمن:يخربيتك دا الظابط
الظابط: أنزلي أنت وهو
أحمد:نزلتلك ياروح الروحي
الظابط:خدهملي يا عسكري على البوكس
مؤمن:منك لله أتقبض علينا بسببك
أحمد:خلاص يا ساره هبقى أصلح غلطتي وأشربك مياه
بعد وقت
حطهم في الحجز وأتوصى على الولا أبو شعر
أوامرك ياباشا
أدخل أنت وهو
أحمد:أنا عايز أروح عند ماما
÷أنا ماما
مؤمن:كدا الليله كملت
_________________
عند إنتصار
تذهب إلي المحامي الخاص بها
إنتصار:في أيه جبتني على وشي ليه
المحامي ويدعى فاروق : بقيت الفلوس الفين أنا مش أرشي وأزور وفي الأخر مخدش أتعابي
إنتصار:خلاص أصبر عليا كام شهر
فاروق:لا الأعمار بيد الله أنتِ تديني السلسلة إلي في رقبتك أحسن من الفضيحه
إنتصار:بس دي تمنها أكتر
فاروق:فوايد حق الأنتظار
إنتصار:طب أدهوملك فلوس هتعمل أيه بيها خليهالي
فاروق:أقلعيها
إنتصار:حااضر لتقلع السلسلة خدها
فاروق:حلو كدا كل ما أحتاج هقولك
إنتصار:إيه تحتاج دي الباقي من الفلوس خلاص
فاروق:تديني ولا أروح لبنت جوزك على البيت والإمضاء وكل حاجه
إنتصار:ما أنت هتروح معايا مش هروح لوحدي
فاروق:أنا محامي بقالي ستاشر سنه يعني بلعب بالقانون
إنتصار:أنا همشي ومش هاجي تاني وأياك تكلمني ولا أشوفك في طريقي تاني
لتغادر المكان
فاروق:أطلع خلاص مشيت
ضبع:حلو خد الفين جنيه أهم وهات السلسلة عايزك تقشطها على الأخر وفي الأخر تمضيها على ورق البيت
فاروق:عيوني يا معلم ضبع دا أنا لحم كتافي من خيرك
ويغادر الضبع هو الأخر
فاروق: قال الفين على سلسلة تساوي عشرين الف أديتو سلسلة نفس الشكل بس مضروبه وإلي معايا الأصليه
ليتذكر أنها كانت دائما تلبس هذه السلسلة وعندما طلب الضبع السلسلة عمل سلسلة نفس الشكل ولكن غير أصليه
_______________
إنتصار:بقى أنا إنتصار يتاخد مني حاجه لوي دراع أنا هوريه مين هي إنتصار دا أنا إنتصار إلي بتنتصر دايماً
ليدق باب البيت وكان ضبع
ضبع:عامله أيه يا حبيبتي
إنتصار:كويسه بشوفتك يا حبيبي
ضبع:فين سلسلتك دا أنتِ بتحبيها أوي
إنتصار:في الدولاب جوا قولت علشان الحسد ومحدش يقول إني غنية
ضبع:أعمليلي بقى كوبايه شاي لأني مصدع
إنتصار: حاضر
ليدخل ضبع الغرفه بهدوء ويبدأ بالتدوير على أوراق المنزل
ضبع:حطاهم فين الجزمه دي
إنتصار:بدور على إيه يا ضبع
________________
عند إكس وكابوني
كابوني:مش قولتلك متطلبش مني حاجة تاني ورايا حاجات كتشير أوي لسه في تنضيف بشره وماسك لشعري علشان ينعم
إكس ينظر إليه بقرف
كابوني:أعمل حسابك في الماسك
إكس: لا مش وقته عايزك تدخل جوا القسم تجبلي ظابط ضميره سابه في بيته عايز أعرف إيه الخطه إلي عملوها علشان الحق أتصرف متبقاش غير شويه ساعات
كابوني:هحاول
إكس:لا مفيش تحاول روح دلوقتي وأنا هستناك هنا
كابوني:شايفني في أيدي العصايه السحريه يا عم أتهلي في خطتك
إكس: معاك ساعتين وتكون هنا
كابوني:علشان أنت صديقي فمش هرد هعرف الحوار وأجي خد بالك من البيت وأفديه بأمعائك
بعد مرور أربع ساعات
إكس:لا لا فيك الخير والله لسه فاكر تيجي
كابوني:عقبال ما لقيت وأتنكرت وعرفت المعلومات والخطه
إكس:طب أحكي كل حاجه
كابوني: كلمت واحد حبيبي جابلي معلومات عن كل الظباط إلي في القسم إلي أنت قولت عليه كلهم ضميرهم سابقهم بخطوتين ماعدا واحد ضميره وقلبه الدكتور وقت ولادته نسى يخدهم من بطن أمه قولت الأول أتأكد إذا كان موجود معاهم وقتها ولا لا فخليت حد يعرفلي كل حاجه عنو اليوم دا وحضر الخطه بالأمارة كان موجود ليث وجين
إكس:وقفت ليه
كابوني:باخد نفسي
إكس:أخدته طب كمل بقى
كابوني:ليسرد إليه خطة اللواء حسنين
إكس:يا جزم يعنى لولا إنهم شكو في الكاميرات كان زمانك جايبلي عيش وحلاوة تعرف الخطة إلي حعملها ححتاج مساعده مين
كابوني: أنا طبعاً مع إني مشغول بس هساعدك
إكس:أنا مجبتش سيرتك ولا أتكلمت لسه أنا هحتاج وسن
كابوني: دا بجد
إكس: أنت شايف أيه
كابوني:دي بترن عليك
إكس:بنجيب في سيرة القط نلاقيه بينط
كابوني:رد
إكس: بلاقيها ملزقه فبفكر أغير
كابوني:قولها تستحمى وكدا التلزيق هيروح
إكس: وجهت نظر تحترم بس برضو هحتاجك معايا
كابوني:روح قابلها وأنا معاك دايماً
إكس:هذه هي الصداقه
كابوني: مين قال كدا أنا هاخد مليون مش كفايه التعب إلي تعبتو والمصاريف
إكس:كل مره بتأكدلي إني أخترت الصديق صح
كابوني:شكراً
ليتصل إكس على وسن
وسن:هاي إكس أخبارك أيه
إكس:كويس وأنتِ
وسن:كويسه بوجودك
إكس في داخله:لا حول الله يارب عامله زي الغراء لما بيلزق في الأيد
إكس:فاضيه لأني عايز أشوفك
وسن:أه تعالى على البيت هبعتلك اللوكيشن على الواتس هستناك
إكس:مش حتأخر
وسن:بخاف أقعد لوحدي متتأخرش يا حبيبي
كابوني بضحك:الله يكون في عونك روحلها وخد قبليها حبيتين مهدء
إكس:هروح أنا
كابوني:المهدء متنساش
_________
وسن:دي أول مره ييجي لازم أبقى أحلى من القمر فيها البس إيه ياترى الفستان الأحمر القصير هيبقى حلو وشعري أظن وهو مفرود هيبقى أحلى وطبعاً الميكب كدا أنا جاهزه
الشموع على السفره والأكل وكل حاجة جاهزه
جه لتنظر لنفسيها مره أخرى في المرآه وتفتح الباب
إكس:شكلي جيت في وقت مش مناسب ممكن أستناكي هنا لحد ما تلبسي
وسن بإحراج:ألبس إيه ما أنا لابسه أهو
إكس:مبصتش العتب على النظر.
وسن:ولا يهمك أدخل
إكس:محتاجك معايا في حاجه
وسن:'أنا تحن أمرك قولي الأول تشرب أيه ولا ناكل أحسن
إكس:مش مهمين الأول نتكلم في الشغل
وسن:قول المهمه والخطه
إكس:المهمه إنتِ طبعاً عرفاها بس تختلف إن دي خطف والبوليس عارف كل حاجة ومجهز خطته وأنا عرفت الخطة دي وسن:قولهالي كدا
بعد أن قال لها خطه الشرطه
إكس:هي دي خطتهم لكن خطتي أنا إني لازم أشتت دماغهم ومداخل الشارع والشوارع إلي جمبيها علشان كدا هحتاجك
وسن:وخطتك أنت إيه
إكس:أسمعي.
________________
عند إيوان
يدخل غرفة مظلمه لا يوجد بها سوى فتاه مربوطة
إيوان:عملت أكتر حاجة أنتِ بتكرهيها القتل فاضل شويه وقت أجمع فلوس تانيه من الموقع ووقتها حدبسها فيكي أنتِ وملحم ويعدموكم يقتلوكم أكون أنا برا الموضوع الخيانه بتوجع بس تمنها أكبر من أي حاجة وفوقي كدا لسه المشوار طويل.