الحلو المسموم ♥️
الفصل:السابع والثامن والتاسع والعشرون
قرب يوسف منها بحنية وحاول🙈بصت هي للناحية التانية بقرف وكانها شافت منظر مقرف وقف بسرعة وبصلها بعصبيه بعدين طلع برة ورزع الباب جرحت كبرياءه داست علي رجولته قللة من قيمته ده كان كل تفكيره اول ما شافوه اخواته وسليم بالحاله دي جريو عليه
الاء بخوف:لؤة كويسة
يوسف:اه جهزو نفسكم هنرجع انهاردة القاهرة *وسابهم ومشي جري وراه سليم عشان يلحقه بصت اسراء والاء لبعض ودخلو ل لؤة لقوها منهارة عياط قربو منها وحضنوها
الاء بدموع:انا اسفة والله العظيم نسيت سامحيني
لؤة:مش زعلانه منك انتي ملكيش ذنب
اسراء:اومال مالك بتعيطي ليه حاجه وجعاكي
لؤة:لاء بس من الخضة مش اكتر انا دلوقتي هبقي كويسه بس سبوني لوحدي شويه*وقامت الاء واسراء واتنهدوا وطلعو عند يوسف عمال يضرب بايده ف الشجرة كانه بيلعب ملاكمه وايده تنزف جامد اللحم ابتدي بتسلخ
يوسف: جبته لنفسك كان مفروض تصبر لحد ما تجيك تحت رجليك بنت شوارعية حطت رجلها علي رقبتك عشان غبي*وفضل يصرخ جه سليم علي صوته وأول ما شاف منظره اتفزع وجري عليه كتفه من ورا وشده بعيد عن الشجر
يوسف:سيبني ملكش دعوه سبنييي*بيقولها بزعيق وصراخ
سليم:اهدي شويه وانا هسيبك عشان خاطر مامتك اهدي بس وفهمني
يوسف بعصبية:افهمك ايييه بعد ال عملته ده كله عشانها بعد ما حبيتها وحاولت أقرب شوية قرفت مني انا يوسف سعيد القناوي حتت بت شوارعية تعمل معايا كده انا ال غلطان *كررها كتير بألم ونحيب وزعيق سليم بيحاول يهديه بعد عشر دقايق كانو قعدين ف العربية وحدهم بصله سليم
سليم: اسمع ي يوسف انا مش عارف اجبهالك ازاي بس انت لازم تقعد وتحكي معاها لازم تعرف مالها يمكن هي مش مستعده للحياه دي يمكن في حاجة تاني ف دماغها
يوسف بزعيق: ولو مش بتحبني وقتها ادفن نفسي عشان ارتاح دي مش بتطيقني مشفتش كانت قرفانه مني ازاي الشوارعية *فضل علي هذا الحال لحد ما البنات جم ومعاهم لؤة ساندينها ركبو كلهم ورا ولؤة ورا يوسف واسراء جنبها اتحرك يوسف
الاء بخوف:ايه الشاش ال علي ايدك ده ي يوسف حصل ايه*مردش عليها شاورلها سليم بعنيه انها تسكت وفعلا سكتت اما يوسف كان ماشي
بالعربية بسرعة بصو كلهم لبعض بس لؤة كانت ف عالم تاني صراع مش هينتهي بين عقلها وبين قلبها (بيقولو لولا القلب لم يكن متمردا لما وضع في قفص/انا من رأيي/انه اتحط ف قفص عشان الناس الغلط متخدهوش زي مثلا لما يكون معاك حاجة غاليه اووي بتحطها ف صندوق وتقفل عليها بمفتاح واي مفتاح غير ال معاك ميفتحهووش كذالك القلب مش اي حد بيدخله يعني القفص حماية ليه ) رجعو الشالية نزل يوسف
وراح علي اوضته وابتدي يلم حاجته كذالك البنات وسليم الاء واسراء مش فاهمين حاجة بس حسو ان يوسف ولؤة متخانقين ساعة الا الكل كان جاهز ركبو العربية وروحو لحد ما وصلو القصر محدش فتح بقه الساعة كانت عشرة بالليل نزلو البنات وسليم كمان خلي يوسف الخدم ياخدو الشنط وبعدين بعربيته اختفي مسح سليم بايده علي وشه
الاء بخوف:سليم مال يوسف ايه معصبه كده
سليم بحنية:متشغلوش بالكم انتو روحو نامو تعبتو من السفر وانتي ي لؤة بالذات ارتاحي كويس *دخلو القصر كل واحده طلعت علي اوضتها وردت الباب ونامت لؤة مجاهاش نوم قعده مرعوبه مش هيعديلها ال حصل غروره يمنعه الساعة بقت ٣ حست بيه مثلت انها نايمه دخل وولع النور اتعدلت وبصتله كالعادة سكران قامت من السرير بص يوسف للباب
وطلع مفتاح وقفله وراح اتحركت هي جنب التسريحه راح ناحية البلكونة وقفل الباب بالمفتاح بردو الظاهر ان الازاز مبيتكسرش لؤة قلبها وقع منها من كتر الخوف خايفة تنهار ف اي لحظه تماسكت بصت لباب الحمام وبصله هو جريت بس سبقها وحط ايده علي الاوكرة قبلها ووقف قصدها عينه ضلمه
جسمها اتنفض رجعت لورا نفسها بيضيق قفل باب الحمام بالمفتاح وحط المفتاح ف جيبه وقرب عليها جريت هي تاني عند التسريحة بتدور علي اي حاجة تدافع بيها ملقتش كسرت ازاز المراية باديها ومسكت ازازاه محستش بالدم ولا الازاز ال ف اديها ضحك يوسف باستفزاز
يوسف:دلوقتي بقينا زي بعض *ورفع ايده ال ملفوف عليها الشاش مخدتش بالها من الصبح انه متعور
لؤة بخوف: يوسف متقربش انت سكران مش حاسس بحاجة ارجوك اهدي انت وعدتني فاكر
*يوسف وهو بيقرب منها وهي رافعة الازاز ف وشه
يوسف بسخرية وصوته كفحيح الافعي :مش فاكر ايه هتقتليني
*قرب اكتر لؤة ضهرها لصق ف الحيط دموعها نازلة بصت عليه وحطت الازاز علي رقبتها اول ما شاف يوسف كده وقف وشه اتغير
يوسف: شليها متبقيش جبانه انا بخوفك مش اكتر *مش شايفه مش سامعه مش حاسة كانها ف عالم تاني نزفت قطرتين من الدم بسبب الازازة
يوسف بفزع:خلاااااااص طالع والله العظيم طالع *طلع مفاتيحه وجري ناحية الباب وفتحه ورمالها المفاتيح وطلع ورد الباب وحط ودنه عليه وكتم نفسه دقيقة وسمع صوت ازاز
بيتكسر قلبه بيدق جامد من الفزع لحد ما سمع صوت خطواطها جايه نحية الباب وقفلت الباب بالمفتاح قعد ف الارض وضهره للباب واتنفس براحة والم في نفس الوقت ودموعه نازلة
فضل سهران لحد ما الفجر أذن قلبه واجعه كان زمانه دلوقتي بيصلي معاها سمع صوت خطوات وفتحت الباب بالمفتاح اول ما حس بكده وقف شافته هي اول ما فتحت الباب وكانت هتقفله بس كان اسرع منها وزق الباب ودخل بصتله برعب وفزع رجعت لورا بصلها يوسف بألم
يوسف: متخفيش انا مش هقربلك انا بس هاخد دش عشان افوق ونصلي سوا ممكن بقا *اتنهدت وهزت راسها طلع غياره ودخل الحمام خد دوش واتوضي طلع كانت لؤة لمت الازاز
ولبست الاسدال وصلو بعد الصلاة جاب علبة الاسعافات وضمد جرح اديها وحط مرهم علي جرح رقبتها وبعدين قرأو قرآن كالعاده ولا كإن كان فيه حاجة خلصو قرايه وقفلو المصحف مسك يوسف راس لؤة وباسها واعتذرلها وفهمها انه بس بيردلها ال عملته فيه الصبح
لؤة بحزن:معلش ي يوسف مقصدش والله انا بس نفسيتي تعبانه شوية
يوسف: لا انتي مخبيه حاجة شايف حبك ليا ف عينك بس قدام الحب ده سور كبير من الخوف خايفة من ايه ي لؤة مني
لؤة:لا طبعا مش منك بس انا ببص لقدام شويه يعني شوفت ماما وبابا جوازاتهم منفعتش وإحنا ال شلنا الهم مش عاوزة حياتنا تفشل ويكون مابينا أطفال هبقي بظلم نفسي وبظلمهم*اتنهد يوسف براحة وحمد ربنا ف سره ان ده السبب مطلعش سبب تاني يعني انها ممكن تكون متعلقه بحد غيره بصلها بسعاده
يوسف:خدي وقتك علي العموم بعد امتحاناتك هنشهر جوازنا يعني فرح وفستان ابيض وزفة
لؤة بضحك: يعني نكتب الكتاب ونعيش سوا ونقعد مع بعض أوضة واحد سرير واحد وبعديها ب اربع شهور نعمل فرح
يوسف:وكل عيد جوازنا فرح ي لؤة
لؤة بكسوف:طب روح نام انا هنزل اعمل اكل عشان جعانه *وسابته وطلعت اتأكدت انه طفي النور ونام ونزلت تحت قربت علي المكتبه لقت النور والع والمكتب مقفول ومفيش صوت خمنت ان سعيد جوه عشان ام يوسف اتنهدت وطلعت تاني ودخلت الجناح وراحت علي اوضتها ودخلت وردت الباب ونامت حس بيها يوسف واتنهد ونام ........صحيت الصبح علي صوت كركبة
يوسف بحب:صباح الخير ده انا فصلت المنبه عشان متصحيش
لؤة باستغراب :ليه مفيش محاضرة .
يوسف بضحك:شكلك لسه نايمة هما ف الرحلة ي هانم وقدامهم اسبوع عشان ييجوا يعني اسبوع اجازه يلا عديلي بلاط القصر بلاطة بلاطة بدل ما انتي قعده فاضية:*قالها بضحك شوحت عليه المخده وطلع لبرة وهي بتضحك
لؤة بحب:بارد اووف بس مز
يوسف من بره:سمعتك ي منجاية*حطت وشها علي المخده وصرخت نزل يوسف جري علي السلالم وهو فرحان ركب عربيته وراح لشغله بصت لؤة ف الساعة لقتها سبعة ونص نزلت بسرعة المطبخ لقت فيروز بتعمل اكل
لؤة:صباح الخير
فيروز:صباح النور ي لؤة اخبار الرحلة
لؤة:كويسة انبسطنا لو روحنا تاني هاخدك معانا
فيروز بحنية:تسلميلي يا قلبي اروح انا بقا اصل اسراء هانم صحيت بدري وتعبانه شوية ف هوديلها الفطار
لؤة:ليه الف سلامه عليها مالها
فيروز:الظاهر انها استهوت هناك تفطر بس واديها علاجها واشربها سوايل دافية وتبقي فل ان شاء الله
لؤة:ان شاء الله وانا افطر وهروحلها *ودعو بعض خدت لؤة طبق شوربة من التلاجة ودفتها ونص كوباية عصير برتقال وراحت ناحية المكتبة ودخلت من غير ما حد ياخد باله وراحت لمكانها المعهود خبطت ودخلت وردت الباب
لؤة:صباح الخير ي ماما انا جيت معلش اصلي طلعنا انا ويوسف والاء واسراء وسليم رحلة للغردقة مطولناش وجينا اتوحشتيني صح *قعدت لؤة جنبها وحطت الصنية علي السرير
وحطت اديها تحتها ورفعتها بالراحة وشربتها نص طبق الشوربة وبعديها بعشر دقايق بعد ما حكت معاها علي المرجان المنور والحاجات الحلوة ال عاشتها هناك ومقالبها ف يوسف شربتها نص كوباية العصير *بصتبها بفرحة
لؤة:ماشاء الله انتي الدور ده احسن بكتير ان شاء الله ديما
ام يوسف:لؤ لو
لؤة بصدمه:انتي ابتديتي تحكي تاني الحمد لله عمو سعيد هيفرح اووي لما يعرف كده
ام يوسف وهي بتحاول والدموع نازلة :لااااا:قالتها من قلبها بألم بصتلها لؤة باستغراب وحزن
لؤة:خلاص مش هقله حاضر ولا هجبله سيرة انتي بس اتحسني وقوليله بنفسك *غمضت ام يوسف عنيها براحة حست لؤة انها لازم تمشي ودعتها وطلعت وخرجت برة المكتبه وهي وبتقفل الباب
الاء:كنتي بتعملي ايه ي لؤة*لؤة وقعت الصنيه بفزع واتكسر كل ال عليها
الاء:اسفة والله مقصدش اخضك بس النور مطفي وانتي بتتسحبي زي الحرامية وبعدين انتي كان معاكي اكل جوه
لؤة وهي بتفكر:اصل انا بحب افطر ف المكتبه كتب كتير عجبتي بقراها
الاء بشك:النور مطفي
لؤة بمبرر: ما الشباك ال جوة منور وانا بحب النور القليل عشان بحس بالهدوء اكتر
الاء:انتي زي يوسف ديما بيقولي كده صحيح مال يوسف ايه حصل بينكم مشاكل ولا حاجة
لؤة:لا طبعا مشاكل ايه ربنا ما يجيب مشاكل ويلا شكلك هتروحي تفطري انا عاوزه اروح اخد دوش
الاء:طيب اشوفك بعدين *وطلعت لؤة جري لفوق ودخلت اوضتها وردت الباب وعلي السرير اترمت
لؤة:ده انا كنت هعك الدنيا بس ربنا سترها انا بس عشان طولت عندها ربنا يستر المرة ال جايه
الحلو المسموم ♥️
الفصل:الثامن والعشرون
مسكت لؤة موبايلها ورنت علي إيمان
ايمان:الووو بالواطية والندله فينك ي جزمة مش قولتي انك ف شرم
لؤة بضحك:لسانك طول يبت وهتبقى شوارعية زيي
إيمان بفخر: اهو الواحد بيتعلم *وفضلو يضحكو قالتلها انهم اضطرو يروحو عشان فيه مشكله ف الشغل مع يوسف محبتش تقولها علي الحصل يعني حست انه مينفعش
ايمان بضيق: اسكتي ي لؤة امير مطلع عيني دي فسحة منيله بستين نيله
لؤة بضحك: هما مش سافرو بعد الخطوبه بيومين ايه حصل
إيمان بحزن: من وقت ما عرف اني طالعة الرحلة وهو متعصب ورافض وبابا لما عرف انه رافض أصر يطلعني حاجزلي شالية جنب مكان الرحلة وجايب حراس وخدم معايا بس سي امير مش عاجبة قبل ماترني كان بيكلمني ولما قولتله انك بترني قالي ربع ساعة وهرن تاني ودي فسحتي مبختلطش بحد ومبطلعش كتير الواحد زهق ي شيخة طب اتفضلي ملناش خمس دقايق وبيرن اهو
لؤة بلؤم:ضفيه للمكالمة هعدلهولك
إيمان بفرح:شالله يخليكي ليا يارب
لؤة بضحك:انتي هتشحتي يبت *ضافت إيمان امير للمكالمة
امير:كل ده بترطي انت والزفته لؤي ليه كنتو بتحكو في ايه
لؤي بجعير:جرا ايه ي امير بتغلط فيا هي حصلت طب ايه رايك معندناش بنات للجواز كل واحد يغور ف حاله وال عندك اعملو
امير بخضة وخوف:انتي معانا ي لؤة انا انا مقصدش حقك عليا بس يعني يرضيكي تطلع رحلات من غير رضايا
لؤة: نعم يخويا من غير إيه رضاك دي حي الله خطوبة ملكش حكم عليها ليه
إيمان بضيق:خلاص ي لؤة كفاية
لؤة:نعم يختي مش انتي ال كنتي بتقولي ربهولي تصدقي انا غلطانه ولعو ف بعض
امير بضحك:خلاص ي حجة هدي أعصابك المهم اخبارك انتي ويوسف ايه وصلي كلام من تحت كده انكم سوا ف شرم ومقضيينها
لؤة بزهول:ايمااان الكلب وحيات امك لما اشوفك
إيمان بخضة: امير انت زبالة
لؤة بغيظ :والله انتو الاتنين ازبل من بعض سلام *وقفلت ف وشهم وابتسمت كلامه احرجها متعرفش ليه قامت بملل من السرير وطلعت ف البلكونه بصت للعصافير ال ف قفصهم
لؤة:ازيك ي سمسم اومال فين سمسمة *استغربت فتحت العش لاقتها قعده علي بيض
لؤة بفرح: الف مبروك يتربو ف عزكم ادخلكم بقا جوة عشان الجو بيسقع ف البلكونه وكده البيض ممكن يبوظ *مسكت القفص براحة وحطته علي الكوميدينو جنب السرير
لؤة:انزل بقا اجيب حاجة من المكتبه اقرا فيها واعمل حاجة أكلها *طلعت لؤة وردت الباب ونزلت علي المطبخ فتحت التلاجة طلعت جبنه وحشت ساندوتش وخدته ف طبق وطلعت راحت نحيه المكتبه فتحت الباب ودخلت ولعت الانوار وراحت ناحية روايه جذبت انتباها اول مره تدخل هنا ومسكت الكتاب
لؤة: وسقطت بين يدي الشيطان همم عنوان يلفت الانتباه طيب يلا بينا بقا لفوق * طلعت للجناح وفتحت باب الاوضة وردته وراحت علي السرير قعدت وسندت ضهرها لورا وفتحت الرواية وفضلت تقرأ فيها وهي بتفطر خدها الوقت لحد الضهر ما اذن فاقت لؤة من الرواية بتعب
لؤة:الله أكبر الله أعظم حالا الضهر اذن اااه ي ضهري بس الرواية ممتعة وشيطان ده حساه انسان كويس بس كالعاده الناس بتحكم بالمظاهر اقوم اتوضي *قامت من السرير
واتوضت وطلعت من الحمام لقت الخدم خدو التسريحة وطلعو الظاهر يوسف هيغير المراية ال اتكسرت اتنهدت وبصت لاديها ال عليها شاش بحزن راحت صلت الضهر ودعت شوية قامت وشالت سجاده الصلاة ومسكت موبايلها واطمنت علي مامتها ومامتها عزمتها هي ويوسف علي العشا بكرة بالليل وودعتها وقفلت الفون عند محمد
مامته: ي محمد ي زفت الطين
محمد بنرفزة:جاي ي ماما طب اقفل معاكي ي إسراء وهشوف ماما علي العموم سلميلي علي لؤة
اسراء بكسوف:غوور ي محمد انت غاوي فضايح *وقفلت ف وشه ضحك محمد وطلع عند مامته
ام محمد: عارف لو يوسف شم خبر هيهد الدنيا علي راسك وراسها بعدين البت صغيرة خليها تشوف مصلحتها
محمد: انا مش معطلها دلوقتي اجازة وأول ما تدخل المدارس هيبقي فيه وضع تاني بعدين يوسف مين ده ال يهد عليا الدنيا*قالها بسخرية كدابة
مامته:طب ي فالح ياللي مفيش زيك اتنين انزل هات الطلبات دي عشان لؤة ويوسف هيجو يتعشو عندنا بكرة
محمد:طب متكلمي لؤة واقنعيها تجيب اسراء*وطت مامته ومسكت الشبشب كان هو وصل للباب وطلع جري
ام محمد:هتجيلي جلطة بسببك ي بعيد ربنا يكرمك زي ما كرم اختك واشوفك احسن باش مهندس ف الدنيا
*رجع يوسف من الشغل وطلع علي الجناح علي طول فتح باب الاوضة بعد ما خبط ودخل ورد الباب لقي لؤة قعده علي السرير وماسكه كتاب ومندمجه محستش بيه قرب منها وهي بردو محستش بيه اخد نفس عشان ناويلها
لؤة:انسي مبتخضش بالطريقة دي
يوسف وهو بيطلع زفير : أعوذ بالله منك المهم بصي جبتلك ايه *بصت لؤة لقت بوكس كبير شويه مفتح علي الجنب فتحتين استغربت
لؤة:اي ده ي يوسف*لفاهولها حطته علي حجرها وفكت الشريط ال حولية وشالت الغطا بفضول وابتسمت بفرح وبصتله
لؤة:قطة ي يوسف
يوسف: عجبتك
لؤة بفرح وهي بتشيلها: اووي دي احلي حاجة عملتها انا بحب القطط والكلاب بردو
يوسف بضحك: الظاهر متربية معاهم ي شوارعية مش هقول غير كده *يصتله لؤة بغيظ وحطت القطة جنبها ووقفت علي السرير وبصتله بانتقام وهي بتشمر كم اديها
لؤة:انا هوريك الشوارعية ال متربية مع الكلاب هتعمل ايه *تراجع يوسف وهو مبتسم بشك نطت لؤة عليه ووقعته ومسكته من شعرة وفضلت تخبط راسه ف السجاده
يوسف بالم:ااه يمفترية قومي مش قادر اخد نفسي همموت راااسيي والله العظيم انا لو بمد ايدي علي ستات كنت هريتك ضرب
لؤة بضحك وهي بتقوم وبتقومه مسك اديها وقام
يوسف اتنهد وبصلها:كان ممكن تموتيني بسهوله امبارح ليه معملتيش كده انتي كنتي هتإذي نفسك
لؤة بشرود:صدقني معرفش انا سالت نفسي السؤال ده مليون مرة بردو معرفش *اتنهدت وبصتله ب توتر
لؤة:يوسف ممكن سؤال
يوسف بضحك:لا مش ممكن مبقبلش ب اقل من مليون سؤال
لؤة:انت فاكر يوم جنازة مامتك ايه حصل
يوسف بحزن قعد علي السرير وقعدت لؤة جنبه
يوسف:ماما بعد ما ولدت بيومين الاء تعبت اووي ومقدرتش تتحرك خدها بابا للمستشفي وفضل غايب ٥ ايام رجع وهو مهموم اول ما شافني حضني وفضل يعيط انا اترعبت وبصتله بخوف وألم
يوسف:بابي فين ماما مجبتهاش ليه معاك *بصلي بدموع وعياط وخدني من ايدي لبره لقيت ناس كتير لابسين اسود ومتجمعين حولين حاجة بصيت ل بابا وسبت ايده وجريت للحاجة دي لقيته كفن حاولت افتحه كنت عاوز احضنها واقولها لييه انا لسة صغير كل صحابي عندهم ام الا انا هتسبيني طب والنونو مين هياخد باله منها ويراعيها خدوني
بعيد وانا بصرخ وانادي عليها *نزلت دموعه حاسس ان اليوم ده كان امبارح امه كانت ديما بتراعيه وبتلعب معاه وبتنومه ف حضنها لسة فاكر حواديتها قامت لؤة من جنبه وراحت عند البلكونه وفضلت تعيط حاسة بالذنب مش قادرة تعمل حاجة جه يوسف وحضنها
يوسف:ربنا يرحمها ويغفر لها زمانها دلوقتي ف مكان احسن من هنا*كانت بتعيط بحرقة عاوزة تقله امك ف قبرها عايشة تحتيك قاعده بين اربع حطان لوحدها اكتفت بأنها خبت وشها ف صدره وعيطت بحرقة ونحيب وعدي اليوم هوا وجه
الليل الساعة ٩ قعده لؤة جنب يوسف علي السرير وهو بيقلب ف الفيس بصتله
لؤة:يوسف ماما عزمانا بكره علي العشا فاضي نروح سوا *قالتها بارتباك رد عليها ببرود
ومن غير ما يدي اهتمام للموضوع ولا يبصلها
يوسف: مش فاضي ورايا شغل كتير *هزت لؤة راسها بألم الموضوع ده كان مهم جدا بالنسبالها ده ال هيبين انه مش مستعر منها وهيكمل معاها بس الظاهر ان الموازين اتقلبت
قامت لؤة من سريرها بحزن وطلعت من الاوضه وراحت الاوضة بتاعت الضيوف وقفلت الباب وجريت علي الحمام وردت الباب وقعدت ف الارض وفضلت تعيط بحرقة متعرفش كد ايه من الوقت عدي قامت وغسلت وشها ونشفته طلعت من الحمام وخرجت برة الاوضة وراحت اوضتها لقته نام وطفي
النور وكذالك هي دخلت ونامت صحيت الصبح بصت ملقتهوش بصت ف الساعة لقتها ١٠ كشرت بوشها قامت عضمها متكسر ودخلت الحمام مع غيارها وخدت دوش واتوضت وصلت شالت سجادة الصلاة ونزلت لتحت ودخلت المطبخ الخدم ف كل حته شغالين ونجوي هانم وصحبتها قاعده والاء واسراء طالعين نازلين مينفعش تروح لمامت يوسف هتتمسك اتنهدت ودخلت المطبخ شمت ريحة كيك
لؤة بنهم: فيروز فيه ريحة كيك
فيروز بضحك:ايوة اقطعلك
لؤة بفرحة:اه ونبي وكوباية شاي ي شيخة *ضحكت فيروز وطلعت الكيكه من الفرن وقطعت قطعتين لحد ما مية الشاي غلت وحطتلها قدامها علي الطربيزه اكلت لؤة بنهم وهي كل ما تدوق قطمه تغمض عنيها بتلذذ بطعم الكيك
لؤة :هما بياكلو كيك وشاي زينا عادي كده
فيروز بضحك:لا ده الخدم نفسهم هفتهم علي كيك قولت اعمل ونفطر بيها
لؤة بغيظ:تعرفي انا نفسي اشربهم شوربه كوارع *وفضلو يضحكو وحكو سوا عرفت لؤة ان فيروز بباها متوفي وهما ناس علي كد حالها ومعاه اخوات صغيرين وبتشتغل عشان تصرف عليهم ومعاها دبلوم تجارة ولسة متختبطش خلصو حكاوي وضحك وطلعت لؤة لاوضتها ودخلت تكمل روايتها بعد ساعة دخل يوسف
يوسف:كل ده نوم انا عرفت من فيروز انك لسه فاطرة من ساعة
لؤة بحزن:كنت تعبانه شوية مش اكتر
يوسف :تمم الف سلامه *وسابها ودخل الحمام يغير بعد ما اخد غياره نزلت دموع لؤة مش عارفه سببها عدي اليوم الساعة بقت سبعة بالليل جهزت لؤة ولبست فستان ازرق ساده سك وعليه شال طويل لحد بعد الوسط وطرحه سيموني وجزمة سوده ونزلت لتحت ركبت العربية وقبل ما تتحرك كان يوسف قاعد جنبها
يوسف:اتحرك*بصت عليه ببدله سوده أنيقة وشكله شيك
لؤة بذهول :انت جاي معايا
يوسف بابتسامةجذابه:يعني حماتي عزماني وارفض مش دي الأصول *حضنته بفرحة وشكرته طفي يوسف النور عشان السواق معاهم
لؤة بدموع وهي حضناه:كنت فكراك بتستعر مني ومن ناسي *طبطب يوسف علي ضهرها
يوسف:انا عمري مستعريت منك ولا هيحصل مهما حصل *وصلو لأول الشارع نزلت لؤة مع يوسف وهو ماسك اديها الكل باصص عليها وبيهمس لبعضه وصل يوسف للبيت وخبطت لؤة فتح محمد
محمد:مين طيب جاي جاااي *اول ما فتح لؤة حضنته
محمد:عرفتك من خبيطك علي الباب*شدها يوسف من قفاها وفضل ماسكها وباصصلها بغيرة وهي زي الفار المبلول ف ايده
محمد بضحك:والله العظيم أخوها مش غريب
ام لؤة بفرح:انتو جيتو اتفضلو واقفين ليه علي الباب *حضنتها لؤة
لؤة بدموع:وحشتيني ي ماما
مامتها بنفس الشعور وزياده حبتين:وانتي يبنت الجزمة البيت من غيرك ملووش حس
محمد بتمثيل مصطنع:اهي اهي مش قادر الدمعة فرت من عيني يلا ياقوم كلاب بطني اكلت بعضيها من الجوع انتو مش غربة اتفضلو *ضحكو عليه ودخلو قعدو علي سفرة صغيرة البيت نضيف جابت لؤة ومامتها الاكل
يوسف باستغراب:لمين الاكل ده كله هو حد تاني جه
محمد بضحك:ده امي من امبارح بتعمل ف الاكل كان الريس جاي يزورنا*بصتله امه بتحذير وسكت كل ما تشتهيه الأنفس علي السفرة الصغيرة الكل اكل ويوسف مش قادر يمشي من كتر ال أكله
يوسف بضحك:حماتي ليا مكان هبات عندكو انهارده ينفع
ام لؤة بفرحة :ان مشالتكش الارض اشيلك فوق دماغي
يوسف بأدب:تسلميلي
لؤة:اوضتي فاضية نبات فيها انهارده*قام يوسف وغسل ايده وودته لؤة لاوضتها وراحت تساعد مامتها دخل يوسف الاوضة ضيقة خالص يدوبك سرير وسط ودولاب صغير وطربيزة صغيرة عليها كتب كتير فوقيها وتحتها واضح انها للمذاكرة فتح الكتب ملقاش حاجة مهمة بس ال لفت نظره اجنده جلد تحت الطربيزة فوقيها كتب بس باينه بردو مد ايده واتلفاها
يوسف باستغراب: (مذكراتي ) هي لؤة بتكتب مذكرات
الحلو المسموم ♥️
الفصل:التاسع والعشرون
دخلت لؤة الاوضة حس بيها يوسف شال المزكرات ورا ضهره تحت جاكت البدلة من غير ما تحس فتحت لؤة الدولاب وطلعت بجامه بيتي ليها وكانت هتطلع مسكها من اديها ودخلها
يوسف: لاء دي بجامه بنص كم شوفيلك حاجة بكم وطرحه
لؤة بغيظ: يوسف مفيش غيرنا ف البيت محدش غريب بيدخل
يوسف بهدوء:خلي الليلة تعدي بدل ما نرجع القصر نفذي كلامي *رمت لؤة البجامه ف وشه وفتحت الدولاب تاني طلعت عباية بيتي ف كيس جديده بكم وخدت طرحة وراحت أوضة مامتها تغير اول ما طلعت رد يوسف الباب وفتح المذكرة
"عائلتي- حياتي -اصدقائي- جليس قلبي" ده كان فهرس ف اول الاجندة لفت انتباهه جليس قلبي فضل يدور ف الاجندة عشان يجيب الصفحة ال فيها العنوان ده عاوز يقراها من البداية لكن لؤة خبطت شال المذكرات تاني وفتحت الباب ودخلت عباية بيتي جل اسود ف احمر ماسكه على الجسم وحطي طرحتها عادي وشعرها نازل منها من ورا بصلها بغيظ ودخلها وطلع لبرة ف الصالة وشاف محمد بيسمع التلفزيون مسكه من قفاه وخده لباب الشقة وفتح الباب وطلعه
محمد باستغراب:في اي ي ابو لهب عملت ايه انا
يوسف بتشفي:هتبات برة انهاردة مش عاوز اشوف وشك
محمد بحزن:ياخي ده انا مصدقت لؤة جات ندردش سوا تعمل فيا كده *رزع يوسف الباب ف وشه وضحك ضحكته الشريرة وبص وراه لقي ام لؤة ولؤة واقفين متغاظين ومربعين اديهم يوسف بوجه بريئ
يوسف:هو أصر انه يطلع وانا كنت ماسك فيه بس مرديش *قالها بتمثيل فضلو يضحكو كلهم
مامتها بسعادة:روحي انتي شوفي جوزك ليكون عاوز حاجة
لؤة بنفي:ماما هساعدك شوية هو مش محتاج حاجة
يوسف بلؤم:لا محتاج
لؤة بغيظ:عاوز ايه
يوسف ببرائة:عاوز انام
لؤة بغيظ: روح اتلقح علي السرير يعني هشيلك لحد هناك ولا الطريق يتوه
مامتها بحزم:يبت ي جزمه ي مقصوفه الرقبه انا مربتكيش علي كده غوري شوفي جوزك ايه ناقصه *دخلت لؤة الاوضة وهي متغاظة دخل يوسف وراها وقفل الباب وقلع جزمته وجاكت البدلة والساعة ونام علي السرير اخده كله بصتله لؤة بغيظ
لؤة:ي سلاااام السرير مش هيكفينا هروح انام ف أوضة محمد *شدها يوسف من دراعها ونومها ف حضنه لؤة اتحرجت حاولت تبعد بس مقدرتش مقيضها بدراعه
يوسف:اتخمدي بقا عشان انا تعبان ومسمعش صوت شخيرك الليلة دي بس *قامت لؤة بغيظ وضربته علي قلبه بقوة
يوسف:اااه ي مفترية حرام عليكي ال بتعمليه فيا
لؤة:بقا انا بشخرر وانا نايمة ي يوسف طب بسيطه هروح انا عند ماما *شدها تاني وبايده طفا النور جنبه وناموا مرتاحين... صحيو الصبح فطروا وودعوا مامت لؤة ومحمد وروحو القصر
عدي السبوع هوا وابتدت المحاضرات تاني شدت لؤة حيلها ف المذاكرة بمساعدة يوسف بقو قريبين جدا من بعض كل طلباتها مجابة مش بيزعلها لؤة منسيتش ام يوسف ديما بتروحلها وبتهتم بيها ف السر كمان قدرت تحرك اطرافها وده فرح لؤة
وشككها ف سعيد ف نفس الوقت عدي شهرين واسبوع كمان لؤة اقتنعت انها فعلا بتحب يوسف وانها لازم تدي نفسها فرصة...طلع الصبح رن المنبه قامت لؤة مفزوعة
لؤة بخوف:الامتحااان
يوسف بضحك وهو بيلبس جزمته
يوسف:اتهدي بقا لسه فاضل ساعة *قامت لؤة فاطه وجريت علي الحمام وبعدين رجعت تاني للدولاب نسيت هدومها وجريت علي الحمام ورزعت الباب فضل يضحك يوسف وقام لبس جاكت البدله وساعته وسرح شعره طلعت هي لابسه متلهوجه لفت الطرحة لبست الجزمة وخدت ورق الماده وهي متوترة وهتعيط
لؤة بقلق:ملحقتش اراجع تاني
يوسف بضحك:انا سمعتلك الماده ٤٤مرة من امبارح اخر مره سمعتيها من ساعتين
لؤة:نمت وصحيت مش فاكرة حاجة
يوسف بحب:انا هوصلك نراجعهم سوا
لؤة وهي بتشده من اديه لبرة:طب يلا بلاش تضييع وقت عشان منتاخرش *نزلو وركبو العربية ومشيو وطول الطريق تسمع وهو بيساعدها اول ما وصلو الكلية ونزلت سابت الورق ف العربية وابتدت تقرأ قرآن عشان تهدي مسك يوسف اديها بيطمنها ودخل بيها القاعة ال هي فيها كان هو ال هيقف عليها ف اللجنه وواحده ست كبيرة ساعتين من التوتر يوسف بيعدي جنبها بيطمنها
يوسف:خلص الوقت محدش يتحرك *وابتدي يلم الورق اول ماخلص قالها تستناه لحد ما يسلم الامتحانات ويجي وفعلا بعد عشر دقايق جه وخدها وروحو استمر هذا الحال لمدة شهر بحاله لحد اخر يوم خلصت فيه هما وخارجين من اللجنه
لؤة بفرحة:أخيرا هاخد الاجازة ده انا نسيت طعم النوم بسبب الامتحانات
يوسف بضحك:متنسيش بعد بكرة فرحنا*وابتسامة وغمزة كفيله انها تكسفها وتخليها تسكت اول ما وصلو للقصر جريت لؤة علي السرير فوق ف اوضتها واترمت عليه بعد لحظات دخل وراها يوسف وضحك علي منظرها
لؤة بغيظ:اضحك براحتك بس من غير صوت عشان عاوزه انام وحياة ابوك ومحدش يصحيني بس لو طولت ابقو اطمنو عليا من بعيد وبردو محدش يصحيني *قالتها وهي بتتاوب ونامت قفل يوسف الستاير وضلم الاوضة وغطاها وباس راسها وخرج مبسوط ورد الباب وراه .....
يوم الفرح بقا لابسة لؤة الفستان الأبيض ف أحسن كوافير ف مصر ال هو للمشاهير باصة ف المراية إيمان وراها حضناها بدموع
ايمان:عشت وشفتك بالابيض ي جعفر
لؤة بعياط:كفاية مش انتي وماما عليا ده لسة الاء واسراء وفيروز قارفيني *قربت مامتها وحضنهتها وباست راسها جه اخوها ببدله سوده أنيقة حضنها وباس راسها ومسك اديها
محمد:يلا يختي ابو لهب كفر كل ال معاه برة كانه يحبة عيني اول مرة يشوفك بس الله يسهلو*وضحك وغمزلها اتكسفت لؤة الكل بيزغرد خدها محمد لبرة فتحو الباب سجاده حمرا مفروشة علي السلالم والكاميرات بتصور الحراس مانعين
الناس نزلت لؤة بفستانها الابيض الطويل المطرز وإيمان ومامتها واسراء شايلين ديل وطرحت الفستان قرب يوسف ببدلة بيضة وكرافته سوده استغربت لؤة حتي ف الأبيض وسيم مسك اديها من محمد وبص ف عنيها الزرقة
يوسف بعشق:شايف البحر وانا وسطه
لؤة:وانا شايفة امان العمر كله *خدها ف حضنه اتمني لو الوقت يقف دموعه نازله بعدها عنه وباس راسها وخدها لعربيته دخلت ولمت الفستان وقفلت الباب ركب يوسف من الباب التاني جنبها واتحركت العربية
يوسف:ايه حاسة بإيه
لؤةبفرحة: مبسوطه مطمنه انا بثق فيك ي يوسف اوعي ف يوم تخون ثقتي دي *يوسف خدها ف حضنه وباس راسها
يوسف:ان شالله اموت متقطع لو عملت كده
لؤة بشهيق:بعد الشر عليك متقولش كده *وصلو القاعة ودخلو معازيم كتير اضواء اكتر متسلطة عليهم مشيو لحد المكان ال بيرقصو فيه ورقصو علي اغنيه هادية محسينش بكل ال حوليهم وكأنهم وحديهم عند سليم
سليم بغيظ:طب اخوكي ده مفيش ابرد منه كان خلي فرحنا انا وانتي النهاردة بالمرة كان زماني واخدك ف حضني كده
الاء بضحك:خلاص ي سلومتي محنا مخطوبين بعدين كلها اسبوعين ونتجوز *سكت سليم وربع ايده زي الأطفال ضحكت الاء علية عند محمد
محمد بزهول:ايه الحلاوة دي بالزمة انتي تقربي ل ابو لهب ال هناك ده
اسراء بضحك:اه ي بارد ده مش بس اخويا لاء وابويا وحبيبي وكل دنيتي
محمد بغيرة :نعم يختي وانا ايه شوال جوافة جنبك
اسراء بضحك:منتا باقي الحجات التانية
محمد بغضب: وانتي سبتيلي ايه يحسرتها اختك ولا مامتك*فضلت اسراء تضحك علية عند البوفية فيروز لابسة فستان سوارية تحفه وطرحة قصيرة لؤة جابتهم واصرت انها تحضر حاسة انها مخنوقة مش مكانها ومش متعوده قعده بتشرب عصير قرب جلال ياخد ميه وبصلها وصفر
جلال:الجميل لوحده ليه
فيروز بغيظ:حاجة متخصكش خليك ف حالك
جلال بضحك:شرسة نوعي المفضل انا جلال *مد ايده عشان يتعرف عليها مسلمتش وبصتله بقرف من فوق لتحت ومشت
جلال بفضول:اروح ولا مروحش لا بس تستاهل*وهنا حكاية جديده 🌚 بعد ساعة خد يوسف لؤة ومشيو
لؤة:ليه بدري كده ي يوسف
يوسف:عشان طيارتنا مسافرين
لؤة باستغراب:لفين
يوسف بابتسامه:شهر العسل ف شرم *بصت لؤة من الشباك بكسوف ضحك يوسف عليها وكملو طريقهم عدا شهرين لؤة ف ألاوضة السرية مع مامت يوسف بقت بتحكي وبتتحرك
لؤة بفرحة:حمدالله بسلامتك ي ماما انتي خلاص بقيتي تمم مش كفاية بقا انا ليا عندك خبر تحفة
ام يوسف بضحك:قولي ي لؤة
لؤة بفرحة :انا حامل *خدتها ام يوسف بالحضن ودموعها نازله
ام يوسف بحزن:لؤة جه الوقت ال تعرفي فيه الحقيقة بما انك فرد من العيلة
لؤة باستغراب:حقيقة ايه ي ماما
مامت يوسف بحزن: سعيد هو ال عمل فيا كل ده انا كنت كويسة هو وصلني لهنا
لؤة بصدمه وفزع:ايييه ليية دا انتي ام عياله
ام يوسف:عشان انا ليا نص الشركات ال معاه تاني يوم ولدت فيه الاء دخلت عليا واحده من الخدم وقالتلي حد بعتلك ده وادتني ظرف ومشت استغربت ومسكت الظرف وفتحته لقيت صور ل سعيد مع بنات اتصدمت بكيت بحرقة ولما جه
وواجهته بالصور حاول يبرر غلطه بس انا مدتهوش فرصة قلتله احنا هنطلق وكل واحد يروح ف حاله طبعا مقدرش يتخلي عن الشركات ال بأسمي ال ورثاها من بابا الله يرحمه وقال لنفسه حتي لو موتني ف الشركات دي هتبقي من حق
الاولاد قال انا اسيبها عايشة بس مش عايشة واخد المكسب لحد ما يجي وقتها وبعدين عيالي تاخد الشركات دي بعد ما يكون نهبها وده ال حصل حطني هنا ودفن جثة غيري برة قدام الناس ويوسف حبسني من غير اكل ولا مية لحد ما
غمرت صحيت لقيت نفسي مربوطه ومن هنا وصلت انا للجثه الحية ال شوفتيها بقا يجي يديني كام حقنه علي قد ما اعيش مش اكتر ومن وقتها وانا بقيت ذي المشلولة لا اكل ولا مية
لكن انتي لما جيتي كل حاجة اتغيرت بفضلك انا هقوم وهاخد ولادي ف حضني تاني *لؤة بتعيط وبتشهق مش مصدقه ال سمعته حضنتها مامت يوسف وقعدت تطبطب بدموع عشان تهديها فجأة لقو سعيد قدام باب الاوضة
سعيد:هتوحشوني اووي *ورد الباب وقفله جريت لؤة ومامت يوسف وفضلو يخبطو علي الباب ويصرخو مفيش فايده
لؤة:لا ونبي انا حااااامل هتبقي جد ارحم ال ف بطني عشان خاطر يوسف ي يووووسف*ومامته قاعدة على الأرض بتعيط
لؤة بعياط:الحقنااا ي يوسف الحقنااا* فضلت تصرخ لحد ما الدنيا ضلمت ولفت بيها ووقعت ف الارض مغمي عليها
صحي يوسف من نومه قلقان بص ف تليفونه لقي الساعة خمسة
يوسف بنعاس: لؤي قومي الفجر إذن من بدري *مد ايده جنبه ملقهاش ولع النور وقعد بص حوليه مش قاعده
يوسف بصوت عالي:لؤة انتي ف الحمام...ي لؤي*قام بص ف الحمام ودور ف الجناح مش قعده
يوسف بقلق:تلقيها نزلت المطبخ عارفها مفجوعة *نزل بكسل للمطبخ لقاه ضلمه ولع النور مفيش حد راح ناحية المكتبه لقي النور والع اطمن وفتح الباب بغيظ
يوسف: طبعا صليتي الفجر من غيري ي ؟؟بابا انت هنا *قالها باستغراب وخوف
سعيد بابتسامه وهو قاعد علي المكتب:خير ي حبيبي محتاج حاجة
يوسف بخوف:مشفتش لؤة
سعيد باستغراب :لاء هتروح فين ف الوقت ده
يوسف برعب:هطلع اشوفها عند اسراء*طلع يجري علي السلم مش من عوايدها تروح عند حد ف الوقت ده خبط جامد علي أوضة اسراء بعد نص دقيقة فتحت بنعاس
يوسف بلهفة:لؤة عندك جوه
اسراء باستغراب:لاء ايه هيجيبها ف الوقت ده *الدنيا وقفت دقيقة حوليه جري ينده ف القصر كله بزعيق وصراخ عليها
دخل الاوض كلها بيجري والارض ال تحتيه بتجري الكل صحي علي صراخه الكل بيدور ملهاش أثر دي كانت إجابة الخدم بعد ما دورو معاه يوسف ف نص القصر
يوسف بصراخ:يعني ايييه انت ي زفت لؤة هانم طلعت من القصر من بعد الساعة ١٢
الحارس بخوف:لاء ي فندم محدش دخل ولا طلع من بعد الساعة ١٠ غير سعيد بيه *راح جري لاوضة الكاميرات ال حولين القصر فحصها كلها لقي كاميرا مش شغالة بتاعت الجنينه ال بيدخلوا منها الخدم وقع يوسف كل ال كان علي الطربيزة وطلع برة الاوضة مسك راسه بإديه الاتنين وبعدين
قعد يكسر ويضرب ف كل حاجة حوليه اتحول لوحش ثائر مش شايف قدامه الكل أتراجع بعيد عنه سعيد بيمثل الحزن وبيحاول يهديه اسراء ومامتها وفيروز بيعيطو بعد عشر دقايق هدي يوسف شويه طلع موبايله ورن علي سليم
سليم بنعاس:ياخي ارحم اهلي كفاية بقا
يوسف بدموع وصوت مبحوح :لؤة ملهاش أثر ي سليم
سليم بخضة:ايه انا مش فاهم حاجة يعني إيه ملهاش أثر خمس دقايق واكون عندك *قفل السكه وقام بسرعة يلبس
الاء بنعس:رايح فين دلوقتي ي سليم
سليم بخوف:قومي البسي بسرعة وتعالى معايا لؤة الظاهر اتخطفت
الاء بفزع:ايييه ازاي ده احنا جايين سوا من عند الدكتور امبارح بالليل
سليم باستغراب:دكتور لييه وساعة كام
الاء بحزن: الساعة ٩ دخلنا البيت و .. لؤة حامل *ف القصر بعت يوسف حراسة يقلبو القاهرة كلم محمد وعرف انها مش موجوده عنده طلع أخوها يدور مع باقي الحراس*يوسف بزعيق مع ظابط
يوسف:تهدولي السما علي الارض وتجبوها فاهم مسمعش منك غير كلمه لقناها
الظابط برعب:تحت امرك ي بيه *وخرج ينفد بجلده دخلت الاء وسليم القصر جريت الاء علي أخوها وحضنته بدموع
الاء بعياط:مسبتها معاك الساعة تسعة ي يوسف ايه حصل
يوسف بدموع:مش عارف نامت ف حضني امبارح الساعة ١٢ صحيت من نص ساعة ملقتهاش
الاء بتوتر:هي قالتلك حاجة امبارح
يوسف بلهفة: حاجت ايه *سكتت بصت لسليم شاورلها تسكت مسكها يوسف بقوة من دراعها وهز فيها بعد ما شاف تلميحات سليم ليها
يوسف بصراخ:انطقييي حاجة اييه
الاء برعب وعياط:لؤة حامل ف شهرين*حس الدنيا لفت بيه هو ده ال كان ناقص مسك راسه شوية بعدين طلع خد مفاتيح عربيته ونزل مشي بسرعة جري وراه سليم ملحقهوش ركب
عربيته ومشي وراه الكل بيعيط ويدعي ان ربنا يرجعها بالسلامه عند لؤة مامت يوسف حاطة راسها علي رجليها وبتخبط براحة علي وشها بتحاول تفوقها وهي بتعيط
مامت يوسف:لؤة يبنتي قومي انتي اقوي من كده ان شاء الله ربنا مش هيسيبنا خلي ايمانك بالله اكتر من كده انا واثقة ان يوسف هيلقينا فوقي بقا عشان خاطري وخاطر ال ف بطنك
*ابتدت لؤة تفوق بصت لام يوسف بدموع وفضلت تعيط حضنتها ام يوسف وفضلت تعيط زيها وحدهم ف أوضة مدفونه محدش حاسس بيهم ولا سامعهم غير ربنا وكفي بالله وكيلا🥺♥️