روايةالحلو المسموم
الفصل:الاول والثاني
بقلم ايمان هشام
ام لؤة:يبت يزفته قومي الساعة بقت تسعة يامقصوفه الرقبة
لؤة:إيه تسعة يلهووي اتاخرت الدكتور مش هيدخلني*وقامت فاطه ومخضوضه من علي السرير بصت ف الساعة لقتها سبعة اتغاظت اوي
لؤة:اوووف ي ماما ده لسه الساعة سبعة
ام لؤة:منتي عبال ما تفطري وتكوي هدومك وتلبسي تكون جات ٨ونص ولا لازم تزنقي نفسك زي كل مرة
لؤة:طب هنام نص ساعة بس وصحيني
ام لؤة:قومي بدل ما اجيلك بالشبشب وافوقك علي الصبح*قامت لؤة بكل غضب ووقفت جنب الدولاب وطلعت
هدومها وركنتهم علي السرير وانسحبت لبرة ف الصالة ملقتش مامتها عرفت انها ف المطبخ اتسحبت براحة لما وصلت ولقتها
قعده ف الارض وبتحشي محاشي بس مدياها ضهرها اتسحبت لحد ما وقفت وراها ووطت جنب ودنها
لؤة:ماماااااا
ام لؤة:بسم الله الرحمن الرحيم يبت الجزمة ودني باظت والله لما اقوملك لؤة:عشان تصحيني بدري تاني*وفضلت تضحك وامها متغاظة وهتفرقع
لؤة:بس ايه المحشي ال علي اول الصبح ده
ام لؤة: جارتنا ال فوقينا طلبتهم مني عشان بنتهم أنغام جيلها عريس وهتحاسبني عليهم بس متجبيش سيرة لابوكي لو عرف
هياخد الفلوس ويصرفها علي الهباب ال بيشربو*هزت لؤة راسها بحزن واتنهدت وراحت اتوضت وصلت وكوت هدومها ودورت علي جزمتها
لؤة:يووه انا نسيت ما اخيطك ونبي ي شيخة كملي معايا السنه خلاص هانت كلها شهرين انا عارفة كتر خير دي تالت
سنه ليكي استحملي بقا*وجابت علبه الخياطة وخيطت الجزمة ال كلها متخيطة من كتر القطع ال فيها ولبست هدومها وجهزت
لؤة:ماما محتاجة حاجة
ام لؤة:معاكي فلوس
لؤة:اه الحمد لله
ام لؤة:طب خدي بالك من نفسك ومتمشيش لوحدك ربنا
معاكي*وطلعت لؤة من بيتهم ال في منطقة عشوائية وهي وماشية ف الشارع تكتك عمال يزمر وراها جابت آخرها وبصت لؤة:في ايه علي الصبح انت غاوي مشاكل ولا ايه
أخوها محمد:بس ي هبلة ده انا
لؤة:محمد ايه صحاك بدري ماما مجبتليش سيرة انك نزلت
لؤة:طب اركبي عشان اوصلك
لؤة:والله اخويا الجدع ال مفيش منه*وركبت وهي فرحانه واخوها بيضحك ومشي بيها
محمد:مقولتليش ليه يجزمة انك محتاجة فلوس لؤة:مين قالك اني محتاجة فلوس
محمد:ملكيش دعوة بقا الدكتور يصقتك ف مادته وتقديرك يبوظ وتعب السنين يروح عشان ٢٠٠ جنيه
لؤة:وهجيبها منين ي محمد اديك شايف يدوبك ال بتجيبه علي فلوس ماما ال بتشتغل بيهم بيأكلونا عيش حاف والباقي مصاريف لكليتي
محمد:طب انتي معاكي كام
لؤة:١٢٠ جنيه
محمد:وانا معايا ٥٠ لو كنتي قولتيلي كنت اتصرفت من بدري انا سهران من امبارح بلف عشانك هاا عدي الجمايل
لؤة:ربنا يخليك ليا ي اخويا وميحرمنيش منك ابدا
محمد:طب انزلي يختي الدلع ده وقت المصلحة بس
لؤة:كده بردو ي محمااااه بس هموت واعرف مين قالتلك*نزلت وبصلها بضحك ومشي دخلت لؤة الكلية ورنت علي صحبتها لؤة:الو ي ايمان
انتي فين انا وصلت الكليه ايمان:انا ف الكافيه وايه حصل جيتي بدري انهارده..الو الو قفلت الحيوانه*دخلت لؤة الكافيه كان زحمه اووي دورت علي ايمان مش شيفاها شافت ايمان لؤة ورفعت اديها وشورتلها شافتها لؤة وراحت عندها ايمان:بتقفلي ف وشي يجزمه
لؤة:منتي عارفه ال فيها معييش رصيد وانا قولتك ابقي اقفلي ورني عليا
ايمان:معلش ي لؤة نسيت المهم مسمعتيش ال حصل
لؤة:إيه فاتني ده كلهم ٣ ايام ال غبتهم
ايمان:دكتور معتز ال هو عزيز ال بيدينا اسباني محجوز ف المستشفي وباين عليه بيودع
لؤة:ياما انت كريم يارب اخيرا بعد ما جمعتله فلوس الكتاب
ايمان:يشيخه حرام عليكي الراجل بيموت ادعيله
لؤة:ربنا يسهله ده طلع عيني ونشف ريقي ف المصاريف السنادي ٧٠٠جنيه كتب وملازم ليه وفلاخر ال دفع بس يجيب امتياز والباقي ال مدفعش يبقا ضاض جيم بيسلم عليه ده مفتري يلا ربنا يتولانا برحمته
ايمان:طب معرفتيش مين الدكتور الجديد
لؤة:ولا عاوزة اعرف خليني اتصدم يتري هياخد كام
ايمان:لا ده مبياخدش كتير فلوس رمزية وال مش هيقدر مش مشكله
لؤة:أنبي بتتكلمي جد روحي ربنا يكرمك
ايمان:بيت اتلمي حساكي هتشحتي
لؤة:ههههههههه من الفرحة الفلوس ال معايا بتاعت الدكتور معتز اللهي يطول قعدته ف المستشفي هجيب بيها كوتشي جديد
ايمان:طب اسمعي التقيله
لؤة:قولي اصدميني
ايمان:الدكتور اسمه يوسف وصغير ف السن وعسول اووي ووسيم جدا كل بنات الجامعة اتهبلو عليه وبيقولو انه مريش
لؤة:ايوة يعني هستفاد ايه انا بكل ده
إيمان:لا ولا حاجة خليكي خايبه كده
لؤة:يلا عشان ندخل قبله بدل ما نقف علي الباب
ايمان:تمم يلا وقامو هما الاتنين ماشيين لقاعة المحاضرة بتاعت دكتور يوسف
لؤة:مالك ي ايمان حساكي مضايقة لتكوني زعلانه علي دكتور معتز
ايمان:ايوة طبعا زعلانه عليه هو مهما عمل انسان بردو بس مش ده الموضوع
لؤة:اشجيني حصل ايه
ايمان:واحد بارد بيغلس عليا من امبارح ف الكليه وصديته اكتر من مرة ومفيش فايده
لؤة:لا بسيطة بعد المحاضرة اظبطهولك وافردي بقا عشان اليوم يعدي كده*بصتلها ايمان وابتسمت بفرح
الفصل:الثاني
بقلم ايمان هشام
ايمان بنت محترمه وبسيطه اووي ومن عيله غنيه بباها رجل أعمال كبير ف مصر وقلبها ابيض اتعرفت علي لؤة رغم ان
لسانها طويل لكن محترمة وطيبه وده ال خلاهم اتمسكو ببعض رغم اختلاف الطبقات
لؤة:إيه ي ماما مكاني يحلوة قومي ورينا عرض كتافك
جوري:ايه الأسلوب البيئة ده انتي مش معقوله
لؤة:ايوة يختشي انا بنت محصلتش غوري من وشي وقولي يصبح صبح*قامت البنت من الدور الأول من قدام ف المدرج وهي بتبصلها بقرف زي باقي القسم بتاعها البنات شايفينها سوقيه اووي
جوري:ازاي واحده زيها تتدخل كليه السن دي منظرها زي الشحاتيين
هايدي الشحاتين ليهم منظر عنها انتي شوفتي حاجة بس عشان انتي جديده مش عرفاها*وفضلو يضحكو هايدي وشلتها بتوشوشو عليها لؤة عارفة ان الكلام عليها بس مطنشاهم كفاية انهم مقدروش ينطقوا قدامها القاعة مش مليانه كالعاده لان الطلبه ال دافعين فلوس معتز مكبرين دماغهم ومش شايلين هم الساعة تسعة الا خمس دقايق دخل الدكتور يوسف لؤة كانت بتقرا ف كتاب معتز فاقت علي همهمه البنات ونكزت ايمان
لؤة:إيه
ايمان:الدكتور جه*بصت لؤة وافأفت
يوسف:صباح الخير انا دكتور يوسف هدرسلكم اللغة الإسبانية نظامي ثابت مبعترفش بالاجابات للمشابهه يعني لو حصل غش هعرف وهشيلك المادة ٢ الغياب ممنوع غبت محاضرة متشرفنيش تاني وكمان هتشيل الماده ٣ الانتباه ودي اهم نقطة بعد الحضور يعني لو مش مركز همسح بكرامتك الارض وهطردك و هبوظ تقديرك اما موضوع الكتب ف انا ماشي بنظام ملازم ميسر للهيتابع معايا اول بأول والفلوس رمزية وال مش هيقدر مش مشكله اهم حاجة يلتزم بقوانيني ونبتدي بقا من اول آخر جزئية وقف عندها دكتور معتز مين متابع وعارف *بصو لبعضهم مش عارفين رفعت لؤة اديها وسلمته الكشكول
يوسف:تمم انتو خلصتو اغلب المنهج ودي حاجة مش مبشرة لان اللغة دي صعبة شويه ومحتاجة وقت اكتر من كده هنشرح انهارده قاعدة الوحده التالته ركزو معايا*وبدأ يوسف يشرح والكل مندمج منهم خايف ومنهم دايب ومنهم عشان مستقبله لحد ما خلص
يوسف:اي سؤال ...تمم اشوفكم المحاضرة ال جاية وصحيح هسأل ف ال خدناه انهاردة وهعاقب*استغربو هيعاقب غريبه جريت هايدي ورا الدكتور
هايدي:يدكتور دكتور يوسف:ايوة آنسة-انا الليدر بتاعت القسم
يوسف:تمم وايه المطلوب
هايدي:رقم حضرتك عشان اقدر اتواصل معاك لو فيه حاجة
يوسف:لو فيه حاجة جديده انا بنفسي هبلغكم*وسابها ومشي ولعت هايدي وكان منظرها زفت قدام شلتها
جوري:تتعوض ي هايدي معلش
هايدي:صبره عليا اما وريته وخليته يجري ورايا زي الكلب مبقاش هايدي الدمنهوري*عند لؤي بعد ما طلعو من المحاضرة لؤة:بصراحة ي ايمان شرحة تحفة وبسيط خالص
ايمان:يختي انا مركزتش ف الشرح كد ما ركزت عليه خايفة لاسرح وينفخني القعده كلها وانا مرعوبة ليهزئني
لؤة:هههه ده مبيعضش بس صريح ذيادة يلا بينا عاوزة طعمية
ايمان:هنمشي ده كله
لؤة:معلش يختي المشي رياضة*عند يوسف ركب عربيته الجيب وطلع علي الشركه بتاعت بباه
يوسف:اسماء ابعتيلي كل أوراق المناقصات بتاعت الاسبوع ده علي مكتبي حالا وفنجان قهوة ساده
أسماء:حاضر ي فندم *دخل يوسف مكتبه ال بيطل علي النيل وقعد علي كرسيه وهو مصدع رن موبايله
يوسف:الو ي آلاء
الاء:حبيب قلبي وحشتني
يوسف:يبقي فيه مصيبة
الاء:عروستك عندنا ونجوي هانم مستضيفاها وبتسأل عليك
يوسف: طمنتيني مش جاي انهاردة وابقي بلغي كل ال عندك
الاء:طب انا نجوي هانم قالتلي كلميه بس وقوليله يجي عشان حاجة ضرورية ومتجبيش سيرة سالي
يوسف:انا البت دي مش بطيقها بابا ونجوي زفت عايزين يلبسوني وخلاص
الاء:اي يلبسوك دي وبعدين فين البنت ال بتطيقها اساسا وبعدين دي بباها صاحب اكبر شركات الغزل والنسيج ف مصر وهي جميلة
يوسف:ملزقة ورخمة ومدلوقة ومايعة اووي
الاء بغيظ:يسلام غور ي يوسف سلام*قفل يوسف موبايله واتنهد مش عارف يطلع من المصيبه دي ازاي