#حب_يفوق_السحر 😂😂
بقلم روضه جمال
الفصل الثالث
فهد مازال بيدور على الشيخ مسعود ولكن مش قادر يوصله واللى شاغله انه بيدور على اخوه
فى مكان آخر وبالأخص فى اوضتى
بعد ما صحيت من النوم بعد ساعه ( ده لو كنت نامت اصلا من الرعب 😂😂😂 )
انا قاعده فى اوضتى وبفكر انا هعمل ايه وهعمل اللى ليث قال عليه ولالا بدأت افكر فى الكلام اللى ليث قاله
فلاش باك________
روضه....ارجوك اتكلم فهمنى طب اعمل ايه دلوقتى حتى المكان مقطوع مفيهوش حد فتحت شنطتى وطلعت الكحول وبدأت افوق فيه واحط منه على الجرح
فاق ولكن كان باين عليه انه خلاص بيطلع اخر أنفاسه
ليث : اااسمعينى
روضه .....الحمد لله قولى فيه ايه فهمنى
ليث : انا ليث الصقر اخويا فهد الصقر اشهر طبيب نفسي وكمان رجل اعمال وبيحب الاتنين روحيله وقوليله يسامحنى وانه يحمى نفسه وأن الشيخ مسعود هو السبب فى ............
روضه .... لا متموتش
ليث : ..............
وانتهت حياه ليث وهو معاه اسرار كتير مجهوله وانا مش عارفه اعمل ايه قررت ارن على الشرطه
برغم أن ليث رفض خرجت من المكان المهجور واقرب مكان فيه محل رنيت منه على الشرطه والاسعاف وقولت على جريمه القتل
باااك ________
........ياترى وصلولهم ولا لسه ومين الشيخ مسعود ده وليه ليث عاوز أخوه يسامحه وايه اصلا إللى خلاه يروح مكان مهجور زى ده ياربي انا دماغى تعبتنى بقا
روضه لنفسها .....خلاص احنا ندور على فهد ده يمكن هو يعرف ايه حكايه ليث والشيخ مسعود
.........خلاص انا هنام دلوقتى عشان مش هقدر انزل كده
نمت وبعد شويه حسيت بحاجه غريبه فى لاوضه وكان هوا دافى بدأت احس بخوف جوايا قررت اقوم واشوف ايه ده انصدمت من اللى شوفته وكأنى اتشليت عن الحركه
فى مكان آخر _________
محمد رن على فهد
فهد .....الو يا محمد
محمد ......الو يا فهد بيه احنا لقينا ليث بيه
فهد بفرحه ..... الحمد لله هو فين ادينى الكلب ده لما اشوف كان مختفى فين
محمد بحزن ...... فهد بيه لقينا جثه ليث بيه
فهد بغضب الصقر ...... اذاى لقيتو جثته اذاى انتو فين
محمد ...... احنا فى المكان ***** فى بيت مهجور
فهد .....انا جاى حالا
قفل التليفون وخرج وهو مش شايف من كتر الغضب والحزن اللى جواه وساق عربيته باقصي سرعه
وصل فهد للبيت المهجور لقي جثه اخوه ولكن كانت ملامحه مش واضحه وجثه أحمد قعد على ركبته وحط ايده على وشه وبيصرخ باسم اخوه محمد قرب منه وحاول يواسي صاحبه
محمد :خلاص يا فهد المهم نعرف مين عمل كده فيهم و احمد وليث خلاص ماتوا
فهد : عندك حق يا محمد انا لازم اجيب حق اخويا
وقرب من ليث وباسه وقاله والله يا ليث ما هرتاح الا لما اجيب حقك يا اعز حاجه فى حياتى اوعدك انى مش هسيب حقك لو فيها موتى
فهد ومحمد وهما خارجين شافوا الكلب اللى كان مع ليث
فلاش باك _______
ليث .... فهودى
فهد .... ما تنشف يا ابنى ايه فهودى دى وبعدين شكلك محتاج حاجه
ليث .... احبك وانت فاهمنى يا شق
فهد .... انجز قول عاوز ايه عشان خارج
ليث .... احم احم
فهد .... انجز ياعم انت وبعدين انت تروح الشركه النهارده عشان انا ورايا شغل كتير فى المستشفي
ليث .... انا جبت كلب وأقسم بالله هخليه فى الجنينه مش هدخله
فهد .... ليث انا قولت كلاب متدخلش البيت فاهم
ليث .... انا م شفاهمك يا اخى مش عاوزنى اجيب كلب وانت مربي نمور
فهد .... انا حر يا اخى خلاص هاته بس خليه بره وابعده عن النمور بتوعى
ليث بغمزه .... احبك انا كده
فهد وهو يبتسم على طفوله اخو ... طب يلا يا حلو على الشركه
باك ________
فهد وهو بيبص لمحمد مش ده الكلب بتاع ليث
محمد .... ايوا بس ده شكله مات
فهد .... بص كده على رجله واضح أن حد كان هنا غير القاتل
محمد .... استنى تقصد اللى ربطله رجله كده وشكلها كانت بنت
راح فهد اخد الشريطه اللى كان مربوط بيها رجل الكلب وخرج فهد ومحمد والاسعاف خدت الجثث عشان يتدفنوا فى الوقت ده فهد تفكيره مشلول بمعنى الكلمه
___________
شوفت قط اسود اتصدمت ومن الصدمه منطقتش كأنى اتشليت حطيت إيدى على عيني وفركت عينى جامد فتحت تانى والمره دى اتصدمت بمعنى الكلمه
بدأت اتكلم بتلعثم من الصدمه : ا اانت جيت اذاى
مجهول = ابتسم وقعد على طرف السرير
....... رد عليا هو مش المفروض انك مت
ليث : انا كويس مفيش حاجه
....... اذاى انا سايباك مكنش فيك الروح وبلغت الشرطه انا مش فاهمه حاجه
ليث : المهم انتى اخبارك ايه
استغربت سؤاله وهدوئه فى الكلام وملامح وشه وكان محصلوش اي حاجه
رديت عليه وانا فى زهول : الحمد لله انت جيت اذاى
ليث : من الشباك
فضلت اتكلم معاه وانا مستغربه حاجات كتير وأغلب كلامه بس بحاول اتكلم وكان مفيش حاجه
ليث : نامى انتى وهبقي اجيلك تانى
....... انزل واطمن انك نزلت وبعدها هطفى النور وانام
ليث : لا نامى الاول
استغربت لاصراره انى انام واغطى وشي وسمعت الكلام وبالفعل روحت رقدت وغطيت وشي كمان وحسيت أن النور انطفى بشيل الغطى من على وشي لقيت القط الاسود لتانى مره واختفى فجأه انا اترعبت بمعنى الكلمه وغطيت وشي وفضلت أقرأ قرآن لحد ما نمت
تليفونى رن الساعه كانت حوالى خمسه الصبح
روضه ..... الو
= ..........
روضه ..... خلاص اقابلك على العصر
البارت الرابع #حب_يفوق_السحر
تليفونى رن الساعه كانت خمسه الصبح رديت
روضه .... الو
= .........
روضه .... خلاص اقابلك على العصر
قفلت التليفون وقمت دخلت الحمام وصليت وبعدها قولت هنام شويه روحت نمت ولكن سمعت صوت ماما بتنادى
الام .... ياروضه
حاولت اتكلم طبيعى عشان مقلقش حد عليا .... نعم يا ماما
الام ....مالك فيكى ايه م شعلة طبيعتك كده
روضه ....ما انا حلوه اهو ياقمر انتى 😚وبوستها من خدها وكملت كلامى انا هكمل نوم وصحيح انا خارجه العصر
الام .... راحه فين يا اخره صبرى
روضه .... صبرى مين يا حجه نهار اسوح 😳😂😂😂
الام ...امشي يابت من هنا الحق عليا انى خوفت عليكى
سيبت ماما ودخلت نمت صحيت الضهر مكنش ليا نفس من الأكل روحت الحمام اتوضى وطلعت وقفت قدام المرايه الف الطرحه عشان اصلى سمعت صوت خبط بره بصيت اشوف فى
ايه ملقتش حاجه واتفاجئت اذاى صورتى متحركتش وفى لحظه لقيت الصوره اتعدلت تانى استغفرت ربنا وروحت اصلي خلصت وطلعت اكلم ماما لأنها أصرت انى اكل
بعد ما اكلت رجعت اوضتى تانى لقيته قاعد على السرير
ليث ... عامله ايه
....بخير والحمد لله انت كويس
ليث .... اها تمام
....طب انت ليه بتيجى من الشباك يا ابنى وبعدين غلط اصلا
ليث .... يا ستى استنى مش انتى بتساعدينى وبعدين انا كمان بساعدك
..... وبتساعدني فى ايه بقا (بزمجره زى الاطفال )
ليث .... انا الوحيد اللى عارف حالك متشقلب ليه وانا بردوا الوحيد اللى اقدر اساعدك
..... وهتساعدنى اذاى بقا
ليث .... هقولك بعدين
..... يلا ياعم العصر قرب وانا نازله
طلع ليث من عندى ونفس الهوا الدافى اللى ليظهر اول ما بييجى ويختفى معاه وكمان القط الاسود والغريبه بقا انو كل لما بيكون ماشي لازم انا يا اطلع من الاوضه مش فاهمه ليه مش عاوزنى اشوفه وايه حكايه خيالى اللى فى المرايه ده كمان ياربى ليه كل ده بيحصل
روضه جمال
_____________
محمد .... فهد يا فهد
فهد .... عاوز ايه يا محمد
محمد .... تعالى نطلع شويه
فهد ..... لا يا محمد مش هخرج بس اعرف مين عمل كده
محمد .... طب تعالى بس
فهد ..... ده انت زنان زى ليث يا اخى يلا
محمد .... الله يرحمه طب انا هطلع البس
(محمد عايش مع ليث من زمان )
فهد .... وانا كمان
طلع محمد عشان يغير وفهد كمان
فى اوضه فهد
قاعد فهد على طرف السرير وماسك الشريطه
.... ياترى بتاع مين دى وكمان ايه اللى يودى بنت مكان زى ده وايه علاقتها باخويا وشافت جريمه القتل ولالا لازم الاقى البنت دى بأى طريقه وقام لبس وخرج هو ومحمد
فهد .... هتودينا فين
محمد ....هنروح مطعم على النيل
فهد .... انا عارف انك بتحب البحر وعندك استعداد تموت غريق من كتر حبك له
محمد ..... خلاص بقا يا صاحبي شويه وهنوصل اهو
__________
قولت لماما انى هخرج وطلعت
الام .... متتأخريش
..... حاضر يا ماما
روحت المطعم طلبت قهوه وفضلت مستنيه
فهد دخل نفس المطعم اللى فيه روضه ومحمد كان بيركن العربيه بره محمد دخل المطعم وخبط فى بنت جميله
محمد ....مش تفتحى
البنت .... انت اللى اعمى
محمد .... انتى اتجننتى اذاى تقولى كده
البنت .... اوعى ياعم كده مش فايقالك
محمد .... يابنت المجنونه
البنت ..... المجنونه دى تبقي امك ( قالتها وهى بتجرى )
دخل محمد وهو متضايق وغضب الدنيا فيه
فهد ..... ايه يا ابنى مالك
محمد .... بنت مجنونه هزقتنى 😠
فهد .... تعيش وتاخد غيرها خلاص ياعم شكلك زعلتها
محمد .... ماهى حلوه لو مش طوله لسانها تخيل طلعتلى لسانها وهى بتجرى
فهد وهو بيضحك .... شكلها مجنونه غير نبره صوته وملامح جاده وقال نتكلم فى المهم
على تربيزه تانيه
لقيت اسماء صاحبه عمرى جت وبتجرى وشكلها عامله مصيبه
اسماء .... روضه حبيبتى خبينى
..... عامله مصيبه ايه تانى
اسماء .... احم ولا حاجه يا صاحبي بس شتمت واحد 😂😂😂قالت كده وهى بتضحك
..... صبرنى يارب يعنى جاى تسمعنى ولا تجلطنى دى
كان قدامنا تربيزه فيها شابين ومن نظرات أسماء عرفت ان ده إللى شتمته
اسماء .... ها يا ستى ايه بقا مالك فيكى ايه
..... بصي انا هحكيلك كل حاجه ولكن محدش يعرف يا اسماء
وبدأت احكيلها وهى فى زهول وفاتحه بوقها من الصدمه وواضح أن كان فى ناس مركزين علينا وواحد بيضحك عليها
محمد وفهد شربوا قهوه بس وفهد رفض ياكل
فى مكان آخر ________________
بقيت اشوف القط الاسود كتير وبدأت تظهرلى حاجات مرعبه وفى يوم كنت نايمه على السرير الساعه كانت فى فى حدود ١٢ بالليل حسيت بهوا بس مش دافى بقا لا ده كان سخن اوى وفجأه لقيت نفسي مرميه من على السرير وكان حد هو اللى
شدنى بفتح عينى وانا مرعوبه (دى كلمه مرعوبه شويه ) بفتح عينى براحه وانا ماسكه ضهرى مكان ما وقعت واول ما فتحت وبصيت قدامى فضلت ارجع لورا لحد ما خبط فى التسريحه وبصرخ باعلى صوت فيا ولكن صوتى مش طالع مش عارفه اذاى
روضه جمال
___________
فهد قاعد فى اوضه المكتب خبطت الباب ودخلت سعاد ( سعاد الداده و هى اللى مربيه فهد وليث )
فهد : تعالى يا سعاد
سعاد : جبتلك القهوه يافهد بيه
فهد : متعمليش اكل
سعاد : ليه بس يا ابنى بقالك يومين مأكلتش حاجه
فهد : مليش نفس لأى حاجه
سعاد : يا ابنى اذا كنت فاكر انك بقله الاكل هتجيب حق اخوك وابوك تبقي غلطان عشان تقدر ترجع حقهم لازم تكون قوى والكل يترعب لما يسمع اسمك
فهد : ان شاء الله خير وهجيب حقهم
سعاد : انا هعمل اكل لحد ما تيجى
دخل محمد لقي داده سعاد
محمد : اذيك يا داده
سعاد : بخير يا ابنى الحمد لله اعملك قهوه يا ابنى
محمد : ياه يا داده هو فى احلى من قهوتك
سعاد : تسلم يا ابنى عن اذنكم عاوزين حاجه تانيه
فهد ومحمد : تسلمى
محمد : بتفكر فى ايه
فهد : فى موت ليث وبابا وحاسس ان الشيخ مسعود له ايد فى الموضوع
محمد : يمكن هو اللى قتلهم
فهد : كده حساب الشيخ مسعود زاد معايا اوى
محمد : احنا لازم نعرف السر اللى خلى الشيخ مسعود اسمه يتذكر فى العيله دى كتير
فهد : انا لازم الاقيه بأى طريقه
محمد : انا موزع رجاله فى كل مكان عشان يعرفوا طريقه واول ما يعرفوا المكان يبلغونى علطول
فهد : المهم انه ميعرفش ان حد بيدور عليه بس اعرف طريقه وانا هموته بإيدى
محمد : لا طبعا احنا الاول نجمع عنه كل المعلومات وكمان نحاول نمسك حاجه عليه ونعرف سر موت فاروق بيه وليث
فهد : عندك حق يا محمد انا طالع وهتأخر بره
محمد : هتروح عند كنز
فهد : اها هقعد معاها شويه
محمد : تمام يا فهد بيه
فهد : يا ابنى قولتلك طول ما احنا لوحدنا وبره الشغل اسمى فهد وبس
محمد بإبتسامه : ماشي يا فهد وانا كمان خارج شويه
طلع فهد وراح المكان اللى شبه بيريحه وقعد قدامها وسكت شويه وقالها شوفتى بيحصلى ايه يا كنز ياريتك بتتكلمى كنتى هونتى عليا شويه
( كنز دى النمره الام وبتحب فهد جدا استغربتوا طبعا انه رايح يشتيكى للنمره )
كنز حركت راسها على كتفه وكأنها بتواسيه
روضه جمال
________
خرج محمد بالعربيه وراح عند البحر مكان ما بيطلع كل احزانه وهو رايح تجاه البحر شاف بنت شكلها متضايقه اوى وصوتها مسموع وكأنها بتعيط
محمد ... طب اروح اساعدها دى ولا ايه ولا تكون بلسانين زى المجنونه اللى شوفتها الصبح
قرب منها وهى كانت بتعيط بكلمات مش مفهومه وهو قرب منها
محمد .... يا انسه اقدر اساعدك
البنت .... ياعم روح مش نقصاك انت كمان
محمد .... تصدقى انا غلطان انى عبرتك اصلا
البنت .... بقولك ايه ياعم انت امشي احسنلك وخاف على نفسك
محمد .... ولو ممشيتش هتعملى ايه يعنى
البنت ..... انا هعرفك اقدر اعمل ايه قامت البنت ولفت وشها للمحمد
محمد ..... هو انتى
البنت ..... هو انت
والاتنين فى صوت واحد