روايةغرام احفاد الشيطان
الفصل الثاني عشر
بقلم سماء احمد
🥀🥀🥀🥀🥀🥀🥀🥀🥀🥀
كانت تحمل شنطتها وتجري لقد تأخرت علي المحاضرة فخبطت بشاب ووقع اغراضها
روح : اسفه
الشاب : ولا يهمك
نظرت له وابتسمت بمجامله ثم تركته وذهبت لجامعتها وحضرت محاضراتها واتجهت لجامعة جيدان فتعلم ان أوس سيأتي اليوم وكانت سعيدة انها ستراه ولحظها خبطت بنفس الشاب مرة اخري
روح : اسف....
الشاب : انا اللي اسف
روح : انت
الشاب بابتسامه وهو يمد يده : جهاد
روح وهي تسلم عليه : روح.... استني اسمك غريب اوي
جهاد : ايه اللي غريب فيه عادي جدا
نظرت له واومأت برأسها
روح : انتي طالب هنا
جهاد : ايوة سنه رابعه وانتي
روح بمرح : لا انا هبقي ظابط مش مجرد محاسبه
جهاد رافعا حاجبه : ليه الغلط ده بس
روح : ههههههه اسفين يا عم دا حتي التجارة بتلم الحلوين ودي معروفه
جهاد : اعتبر دي معاكسه
روح : هههههههه في اعتراض
جهاد وهو يؤدي التحيه العسكريه : اسفين يا حضرة الظابط
روح : ايوه كدة..... تعالي بقي اعرفك علي اصحابي
جهاد : تمام
وذهبوا سويا فلمحت جيدان وأوس وأحمد واتجهت لهم
روح : هاااي
نظروا لها ورحب بها أحمد وجيدان اما اوس ابتسم فقط فبادلته الابتسامة
روح : اعرفكم علي صديقي هنا كمان جهاد
جيدان : جهاد الفلسطيني اهلا
نظرت له روح قائله : فلسطيني
جهاد بابتسامه : عشان تعرفي ان اسمي عادي
أوس بضيق : اقعدوا بقاا
نظرت له روح ولمحت غيرته فابتسمت ودت لو تحضنه من السعادة ماذا يعني ايحمل مشاعر اتجاهها مثلما تفعل
فتحت عيناها وجلست علي السرير بحزن ومسحت علي وجهها ثم اتجهت للحمام واخذت شاور وارتدت ملابسها واتجهت لعملها فطلبها اللواء
روح : نعم يافندم
اللواء : روح في قضية جديدة ودا الملف
اخذته واتجهت لمكتبها لتشرع بعمل جديد
********************
في شقة عين
كانوا اربعتهم يجلسوا سويا في الصباح علي الإفطار عين ورؤي يجهزوا للعمل لأن عدي اخبر عين ان تعمل معه حتي يتقربوا ورؤي التي اخبرها الياس بالرجوع اما لين فقررت الجلوس مع عدي الصغير وحياة للجامعة التي لم تذهب اليها منذ زمن
عين : هتعملي ايه يا لين
لين بحزن : ولا اي حاجة هخلي بابا يبعت جواز سفر تاني لأن لازم اسافر ل أريام
حياة : يا لين انتي كنتي عايزة حبه وخلاص خدتيه رجعيه بقي فهميه
لين : اقوله ايه يا حياة اقوله انا مراتك ومخلفه منك بنت يلا نرجع لبنتنا اللي لسه عندها ست شهور
رؤي : الموضوع مش سهل يا حياة لازم يفتكر
حياة : طيب وانتي
رؤي : انا انا خلاص بقفل اهو الوقتي الياس الشرقاوي بيحبني ودا هدفي الأول التاني انه يعرف اني بريئه واني كويسه مش وحشه
عين : ودا ازاي بقي
رؤي : هخليه يتمم جوازنا من غير ما يعرف اني مراته
عين وحياة ولين بصراخ : ايه
رؤي : مش هيعرف غير كدة
عين : عارفه هتبقي بالنسبه ليه ايه
رؤي : هبقي بنت ليل لحد ما ينهي اللي هيبدأه
حياة : مين قالك كدة هتفضلي طول عمرك بنت ليل بالنسبة ليه حتي لو كنتي لسه بنت
رؤي وهي تقف : انا خلاص قررت وهنفذ قريب وابعد
حياة : وانا كمان لازم ابعد خلاص أسعد هيخطب
لين : بقولكم ايه...... ايه رأيكم اسفركم معايا نسافر لندن
حياة : وحور...... اقولك انا موافقه
رؤي : وانا موافقه
لين : بعد فرح عين تنهوا الوضع
رؤي وحياة : تمام
نظروا لعين ليجدوها تبكي بصمت وهي تسمع لما يقولوا فحضنوها
*************
في قصر الشرقاوي
كانت تجلس بجناحها ويقف امامها يزن والطبيب يشرع بعمله في فك الشاش
يزن : ياقوت متقلقيش انا عايزك في ايه حاله ميهمنيش شكلك
اومأت برأسها وهي خائفه ان يكون اصاب شكلها شئ فانتهي الطبيب من الشاش ليتصنم يزن مكانه يتمني لو كان بوجهها تشوهات كان افضل بينما هي فتحت عيناها واخذت مرآة ولمست وجهها
ياقوت بصدمة : دي مش انا اكيد مش انا مين دي
الطبيب : دي كانت......
ياقوت بصراخ : مين دي
يزن وهو يحضنها : ياقوت اهدي
دفعته وبدأت تصرخ وهي تمسك لياقته
ياقوت بصراخ : مين دي رد عليا انت السبب كله منك اكيد انت اللي عملت فيا كدة انا بكرهك رجعلي وشي يااااارب ماااااماااااا الحقيني وشيييي اااااه ياااارب
الطبيب : امسكها نديها مهدئ ممكن تروح فيها
مسكها يزن وهي تصرخ بينما اعطوها مهدئ فوقعت بين يديه حملها ووضعها علي السرير
يزن بعصبيه : مين المتخلف اللي عمل عملية التجميل
الطبيب : انا وغيرت من شكلها لأن هي كانت عايزه كدة
لكمة يزن بقوة صارخا : خدت اذن بده رد عليا..... انت مطرود ومش هسمح لمستشفي تشغلك بررررة
خرج الطبيب خوفا من بطشه ولأنه اخطأ لأنه وجب ان يأخذ امضاء موافقه من المريضه او احد اقاربها اما يزن فكان سيجن وجلس بجانبها يحضنها خائف مما سيحدث لكنه وعد نفسه ان يدفع كل ما يملك حتي تعود كما كانت
******************
في شركة الياس وعدي
وصلت عين وأختها الي الشركة واشارت رؤي لها علي مكتب عدي ثم ذهبت لمكتبها
عين للسكرتيرة : ممكن اكلم عدي بيه
السكرتيرة بأدب : اقوله مين
عين : عين
السكرتيرة بابتسامه : اتفضلي يا مدام هو مستني حضرتك جوا
اومأت برأسها ودخلت فوجدته منهك بالعمل اغلقت الباب ووقفت تتأمله بابتسامه اما هو فرفع عينه واعادها ثم استوعب ووقف فضحكت
عين : ههههههه شكلك مسخرة ههههههه
ذهب وشدها لحضنه قائلا : بقي عدي الشرقاوي علي اخر الزمن يتقاله مسخرة
عين : ههههههه ايون وبعدين دا انا لو ظابط مش هتخاف كدة
رفع وجهها بين يديه
عدي : جوزك مش بيخاف غير من اللي خالقه
عين : لا بقولك ايه خاف مني انا شريرة وممكن اتحول لهولاكو الوقتي
عدي : بقي حد يخاف من الجمال دا كله سبحان الذي صورك في احسن صورة
ابتسمت له وهي تتأمل عيناه
عين : لو حد قالي اننا هنطور كدة بالسرعة دي وفي خلال كم ساعة كنت كذبته
عدي : وانا لو حد قالي اني هتجوز عين في يوم من الأيام وكدة كنت كذبته...... بحبك لا بعشقك يا عين
اغمضت عيناها لبرهه وتنفست الصعداء
عين : وانا بعشقك يا عدي
*******************
في مكتب رؤي
دخل مكتبها فوجدها ليبتسم حين رأها وذهب لها وشدها لحضنه يستنشق رائحتها
الياس : وحشتيني
رؤي : وانت كمان
الياس : يعني لازم تحرميني من فرحة البصة في وشك الصبح
رؤي : معلش بقي قلبك ابيض
وابتعدت عنه تضايق لتضحك هي
رؤي : ممنوع تحضني تاني فاهم
الياس : ليه ان شاء الله
رؤي : عشان انا...... مش مراتك
الياس : منا قولت يا رؤي اتجوزيني
رؤي : لا يا الياس قولتلك مش جاهزة
الياس : في حاجة يا رؤي
رؤي : مفيش وانا مش عايزة اتجوز الوقتي
الياس : انا مش هطلب منك غير انك تنامي في حضني بس مش عايز حقوق ولو علي نسرين مستعد اطلقها من النهاردة
رؤي بعصبيه : قولت لا مش عايزة اتجوز الله ايه الصعب في دي استوعب بقي
نظر لها بحدة وشد زراعها ثم جذب حجابها
الياس بحدة : صوتك احسنلك اوعي يعلي فاهمه
لم تجب فقط نظرت له
الياس بعصبيه : ردي يا هانم
لم تجب مرة اخري فشدها لمكتبه واغلق الباب ثم دفعها للحائط ومسك فكها فحاولت ان تدفعة لكنه لم يبتعد
رؤي بوجع : سبني
الياس بعصبية : اما اكلمك او اقول كلام يتسمع فاهمة واياكي اكلمك ومترديش مفهوم
رؤي ببكاء : مفهوم ابعد
تركها فدفعته وجاءت لتذهب شدها لحضنه وكان عظمها سيتهشم بين يديه اما هو كان يتنفس بعنف يدل علي عصبيته جاءت تدفعه
الياس وهو يجز علي اسنانه : اتقي شري وخليكي لحد اما اهدي
بكت ورأسها علي قلبه ولم تبعد فظل يتنفس بعنف حتي يهدأ
****************
في شركة الشرقاوي
كان يجلس بمكتبه ويفتح ملف لكنه لا يري ما به فقط يفكر بها
أسعد لنفسه : شوفت يا أسعد كنت مخطط لأيه وايه اللي حصل..... طيب ليه مش بتبعت ليها ورقه طلاقها وتخلصها..... لا يا أسعد تطلقها ازاي دي حياة هتقدر تعيش من غيرها..... بس فكر يا أسعد انت لا بتحبها ولا هي بتحبك ايوه حياة مش بتحبك
اغلق الملف بعصبية وجاء له احد العملاء فسمح له بالدخول
طارق : ازيك يا أسعد بيه
أسعد ببرود : تمام في حاجة
طارق : احم لا مفيش بس كنت بقولك فين السكرتيرة بتاعتك
أسعد : سيلا برة
طارق : لا التانيه
أسعد بحدة : وعايزها ليه
طارق : بصراحة يا أسعد بيه انا كنت عايز اطلب ايدها ولما ملقتهاش قولت اسألك وتتوسطلي عندها خصوصا بعد ما رفضت مالك شركتنا
أسعد بصدمة : حسن اتقدملها
طارق : ايوة ف يعني يا أسعد كنت....
أسعد : تؤ حياة مش هتتجوز نورت يا طارق
وقف طارق بضيق وذهب بينما جن جنون أسعد لم تخبره حتي وكيف يتجرأ احدهم ويريد ان يتملك شئ يخصة فمسك فونه ورن علي أحدهم
أسعد : اسهم شركة حسن تنزل بكرة للنص فاهم بكرة يا علي
واغلق السكة
أسعد : هوريكم ازاي تحطوا عينكم عليها
واعاد رأسه للخلف متسائل لما لم ينظر احد لسيلا فهي موجودة لكنه فكر قليلا في الشكل حياة اجمل وفي الأسلوب ايضا حياة
******************
في منزل عين
رن الجرس فاتجهت لين مسرعة تفتح حتي لا يستيقظ عدي الصغير
لين : بس عدي هيص..... أيان
دفعها للداخل واغلق الباب فعادت للخلف
لين : بتعمل ايه هنا
أيان : مجتيش الجامعة ليه
لين بحدة : انت مالك
شدها من زراعها وادارها ليصبح ظهرها مقابل صدرة وحاوط خصرها العاري
أيان : ازاي دا انا مالك وحالك ونفسك
لين : ابعد يا أيان
ادارها لتكون وجهها مقابل وجهه واعتصر خصرها بيديه
لين بصراخ : اااه اياااان
أيان : مش كفايه قاعدة معاهم كدة لا وبتفتحي الباب كمان وفوق كل ده بتلبسي الزفت القصيرين كمان
لين بألم : ملكش دعوة
أيان : ازاي مليش دعوة قولتلك انا نفسك وحالك
تساقطت دموعها ونظرت للأرض فرفعها لتصبح طوله وقبل كلتا عيناها فنظرت له بعيونها التي تقتلانه
أيان : قوليلي انا زعلتك في ايه يا لين احنا كنا كويسين ضايقتك في ايه اما قولتلك اني بحبك
لين : مضايقتنيش بس انا عايزة ارجع لأهلي
أيان بعصبيه : بس انا بعشقك ومش هسمحلك
لين : وانا عايزة ارجع لأن مكاني مش هنا
أيان : لا مكانك هنا جنبي في حضني تتجوزيني يا لين
**************
في قصر الشرقاوي
فتحت عيناها من اثر المهدئ وجدته ينام ويحضنها فانفزعت منه ودفعت يدة وبدأت تصرخ بهيستيريه مجنونة اما هو استيقظ غير مصدق واقترب يحضنها ف
ياقوت : عااااا ابعععد عني وشييي ااااااه ابععععد بكرهك اااااه
واكملت صراخ بشدة اما هو رن علي طبيب ثم اقترب منها وجدها تخربش وجهها بيدها وتصرخ فذهب وصفعها بقوة لم تفق بل ابتعدت وهي تصرخ وبدأت تكسر بالغرفة كلها وهو يحاول التحكم بها لكن تهرب وانتهي الأمر حين مسكت زجاجه وكادت تقطع شراينها فشدها وصفعها مرة اخري ثم حضنها ليجدها اغمي عليها
انتظر الطبيب حتي وصل وبدأ يكشف عليها ويسأله عما حدث فأخبره
الطبيب بعمليه : لازم ننقلها لمصح نفسي فورا لأن حالتها ساءت جدا وممكن تتجن نهائي دا اولا وثانيا حضرتك متخلهاش تشوفك نهائي وثالثا نعملها عملية تجميل ترجع وشها يمكن ترجع ذي الأول
يزن بجدية : تمام هنقلها النهاردة بس ممكن اقعد معاها وهي نايمه شويه
الطبيب : تمام وانا هرن علي اسعاف من مستشفي *** ينقلها
اومأ برأسه فخرج الطبيب بينما مسك يزن يدها بين يديه وقبلها وانسابت دموعه
يزن : هتسبيني يا ياقوت ههون عليكي يا حبيبتي انا يزن حبيبك هرجعك ليا في يوم صدقيني
ورفعها لحضنه يبكي كطفل سيترك امه ثم بعدها وبدأ يقبل
وجهها حتي اخبروه ان الإسعاف وصل فحملها ونزل بها واخبر السواق ان يلحقة بينما هو كان معها حتي وصلوا لم يرضي ان يحملوها علي ترولي بل حملها بين يديه ودخل بها واخبروة
اين غرفتها فذهب ووضعها وقبل جبينها ودموعه تتمرد علي جبينها ثم تركها وذهب يكمل الاجراءات ويوصيهم عليها