الحلو المسموم ♥️
الفصل:السادس عشر
روحت لؤة وهي مهمومةكل كلام ايمان صح فعلا هو مش هيسيبها ف حالها ولو محضرتش تاني هتشيل الماده وحتي السنه ال بعديها وكده تقديرها هيبوظ واحتمال كمان يخلي باقي الدكاتره يتعندوها وصلت لؤي لشارعهم الضيق الكل باصصلها والاغلب بيلمح ويشاور ويتوشوش وقفتها ام بسنت ال راجعه من عند الفرارجي
ام بسنت:ازيك يبت ي لؤة حمدلله بسلامتك انتي وامك
لؤة:الله يسلمك ي ام بسنت
ام بسنت:الله صحيح كنتي فين ي لؤة اصلك اختفيتي واخوكي قلب عليكي الدنيا
لؤة بغيظ:كنت بشتغل ف بيوت البهاوات عشان اجيب قرشين اجمع بيهم محامي لأمي يطلعها من ال هي فيه وعارفة ان محمد مش هيوافق ف مجبتلهوش سيرة
ام بسنت:بس يبت ده غلط مينفعش تتصرفي من دماغك بردو ليكي راجل ترجعيله ده يحبت عيني كان بيلف ليل نهار بيدور عليكي
لؤة:ملكيش دعوه محدش طلب نصيحتك مكنتيش هتنفعيني لما امي تتحبس لو كنت صعبانه عليكي خالص كده كنتي ساعدتينا بدل ما بتلقحي كلام عليا ف الروحة وال جايه حاجة تقرف*وسابتها ومشيت
ام بسنت بغيظ: ي مقصوفة الرقبة والله للوريكي*رجعت ام بسنت البيت وفتحت باب شقتها وودت الفراخ المطبخ
ام بسنت:يبت ي شوشو انتي ي زفته
شوشو:نعم ي ماما
ام بسنت:اختك زينب جات ولا لسة
شوشو:لسه ي ماما
ام بسنت:ليه ده الدرس ليه ساعتين مخلص اكيد عند صحبتها ندي البت المايعة ال مبتنزليش من زوري والله لما تيجي *بعد نص ساعة دخلت ذينب البيت وجريت علي اوضتها وهي بتعيط دخلت عليها امها
ام بسنت بخضة:مالك يبت بتبكي ليه ايه حصل وايه اخرك كده
زينب:ابدا ي ماما ده المستر بتاع الرياضة ضربني عشان نسيت الكشكول وخلاني واقفة وحضرت المجموعة ال بعدها غصب عني
مامتها:خلاص يبت غيري من عنده يعني مفيش غيره وبعدين السنه قربت تخلص وتخشي السنه الجايه ٣ ثانوي وسعتها يعدلها ربنا
زينب:حاضر ي ماما ممكن تطلعي عشان مخنوقه *طلعت مامتها وقفلت الباب فتحت زينب شنطتها وطلعت كيس اسود فيه كذا جهاز كشف الحمل وكلهم نفس النتيجة( حامل) نزلت ام بسنت وراحت عند ام اسامة ال تحتها وخبطت عليها
ام اسامة:ايوه مين
ام بسنت:انا ام بسنت افتحي *وفتحتلها ام اسامة ودخلتها وردت الباب قعدت ام بسنت علي الكنبة وجنبها ام اسامة وقعدت تحكيلها علي ال حصل بينها وبين لؤة بنت عبير
ام أسامة: والله كتر خيرهم ال مرو بيه صعب
ام بسنت:يختي انتي صدقتي الكلام ده البت دي كانت بتلف علي شعر راسها يعني السبوع ال اختفت فيه لحقت جمعت فلوس محامي ليه بتطلع دهب من الارض لاء طبعا مفيش محامي بياخد اقل من ٥٠٠٠جنيه دلوقتي قبل ما يعمل حاجة وبعدين هتجيب منين الفلوس دي كلها إلا من طريق واحد ربنا يحفظ ولايانا
ام اسامه:ي شيخة حرام عليكي يمكن استلفتهم ولا خلانها ولا قرايبهم ساعدوها
ام بسنت:يختي هو حد سائل فيهم اهم مرميين ليهم سنين وسنين حد جه زارهم قبل كده *واستمروا علي كلامهم ده قصف المحصنات لكن ربنا مبيسيبش حد بعد اسبوعين ولؤة كل يوم تروح عشان المحاضرة ويوسف مفيش علي لسانه غير لؤة ف المحاضرة الكل عرف واتأكد انها هتشيل الماده لانه متعندها بعد المحاضرة ما خلصت راحو الكافيه وقعدو إيمان ولؤة يحكو
لؤة:انا جبت اخري مش عارفة اعمل ايه
ايمان:ربنا يستر وبعد ده كله ميشيلكيش الماده
لؤة:عشان امسك ف زمارة رقبته
ايمان:طب بقلك بابي حدد معاد الخطوبه الجمعة ال جاية بعد بكرة
لؤة:بجد ي حيوانه ودلوقتي اعرف
ايمان:مهما حددو المعاد امبارح بالليل
لؤة:يعني كنتي نايمة مقدرتيش تكلميني ولا مش فاضية*غمزتلها لؤة اتكسفت ايمان وضربتها ف كتفها وقعدوا يضحكوا بعد نص ساعة مشيو وصلت لؤة البت علي الضهر كده ودخلت من الباب
لؤة بصراخ:ماماااا جعانه عاوزه اطفح
الاء: يلهوي علي فجعك*وقعدت تضحك استغربت لؤة وراحت حضنتها بفرح وسلموا علي بعض سابتهم مامتها لوحدهم بصتلها الاء
الاء:وحشتيني ي جزمة كنت فكراكي هتيجي تزوريني ي ندله
لؤة: معلش ي الاء بصراحة انا ما صدقت طلعت من المكان ده
الاء: انتي عشان جديده ومتعرفيش حاجة ف مستوحشاه مش اكتر*قالت لؤة ف نفسها انا عرفت ال انتي معرفتهوش من سنين ي الاء ربنا يصبركم علي الحقيقة دي لو عرفتوها مش عارفه هتكون رده فعلكم ايه
الاء: بس اخبارك انتي ويوسف مع بعض
لؤة: اخبارنا ازاي احنا اطلقنا ومش بنحكي مع بعض غير لما بيسألني ف المحاضرة
الاء: بس انا اتصدمت لما عرفت انه كل يوم بيروح الكليه عشان يديكو محاضرة هااا*قالتها بضحك
لؤة: ما احنا متأخرين ف المنهج وبعدين خلاص هانت كلها شهر وامتحن وربنا يستر وميشيلنيش ف الماده عشان انا عارفة دماغ اخوكي ال مش عاوزه غير شاكوش*فضلت تضحك علي توترها وهي بتتهرب
الاء:ده لسه فيه سنه تاني ي لؤة استحملي عشاني
لؤة:ليه دكتور عزيز هيدينا ال سنه ال جايه انا سمعت انه بقا كويس
الاء:اسكتي مش حول من كليتكم وراح كليه ف اسكندرية ويوسف للأسف الشديد هيتنازل ويكمل معاكو للآخر*وقفت لؤة بصدمه وخوف وشها بقا اصفر لاحظت الاء كده
الاء:مالك ي لؤة انتي كويسة
لؤة:الاء انا تعبانة ومحتاجة اريح*فهمت الاء ان الموضوع خلص قامت وسلمت عليها ومشيت قفلت لؤة الباب وطلعت امها من المطبخ بصتلها بحزن ودموع
مامتها:مقولتيش ليه ي لؤة انه بيديكي ف الكليه وكمان دلوقتي كل يوم تنزلي عشان محاضرته ومن كلام الاء هو متعندك صح
لؤة بدموع:اعمل ايه ي ماما أمري لله انا بحاول انتظم واذاكر اول بأول ومدايقهوش عشان مخدتش علي دماغي وعصرت علي نفسي شجرة لمون عشان الشهر ال جاي ده يعدي على خير بس لسه فيه سنه تاني هيقرفني فيها
مامتها:بلاها مادته تغور ي قلبي ولا تعمليش ف نفسك كده بلاها كليه خالص *وحضنتها امها ولؤة تعيط
لؤة بعياط:مينفعش ي ماما معلش استحمل شويه ما ضاقت إلا وفرجت *ف القصر رجعت الاء وطلعت ل جناح يوسف ودخلت اوضته بعد ما خبطت لقته واقف ف البلكونه بيدخن
الاء:يوسف
يوسف:كنتي فين
الاء:عادي كنت بتمشي ف المول بعمل شوبنج
يوسف:روحتيلها ليه
الاء:انت بتراقبها ليه مش طلقتها بتروحلها ليه كل يوم بتديهم المحاضرة عشان متأخرين ف المنهج ولا ضعاف ف الماده انت بتضحك على نفسك هتضيها ي يوسف فوق والحق نفسك ومتعاقبش نفسك وتعاقبها علي حاجة انتو ملكمش دخل فيها انت اه حبيت نوال بس ملكمش نصيب ودلوقتي نصيبك جه لحد عندك وانت اتبترت عليه وبتكابر ولما تضيع مترجعش تندم ي يوسف *بصلها بحزن واتنهد وسابها ومشي رن تليفون الاء
الاء:الو ي سليم
سليم:ايه الاخبار
الاء:زي ما هو ساكت مبيردش مش عارفه اعمل ايه تاني
سليم:سبيه ي الاء هو دلوقتي بيحاول ينسي الماضي وماسك بردو فيها بس الماضي شاده اكتر ومسيره هيفوق
دخلت لؤة اوضتها وطلبت من مامتها متصحهاش ونامت صحيت علي صوت موبايلها بيرن بصت لقتها إيمان ردت بنعس
ايمان:فينك ي لؤة برن عليكي من بدري المحاضرة ربع ساعة وتبدأ *مصدقتش بصت ف الساعة لقتها تسعة الا ربع قامت مفزوعة
لؤة:مسافت السكه سلام*فتحت الدولاب وطلعت فستان قماش مشجر لونه بنفسج فاتح وعليه طرحة كافيه بلون النقشة ال فيه والكوتشي الأبيض وخدت شنطتها ونزلت بصت لقت محمد قاعد مع صحابه ندهت علية وجه
لؤة:وصلني ي محمد بسرعة ونبي والا هشيل الماده
محمد:طب اركبي ي هبلة*ركبت معاه تسعة وعشرة كانت ف الكليه جريت لمكان القاعة وبعدين وقفت قدام الباب لقته جوه و بيسأل ف ال فات خبطت بصلها ومردش خبطت تاني ومعبرهاش هي عارفة انها لو دخلت هتتبهدل داست علي نفسها وخبطت
لؤة:ممكن ادخل ي يوسف باش ي يدكتور*بصلها بقسوة وبص للطلبة
يوسف بعصبية:اظن ان كلامي كان واضح محدش بيدخل بعدي وال بيتاخر مبيدخلش خالص لآخر السنه وبيشيل الماده والكل كان شاهد على التنبيه ده ي انسة اتاخرتي ربع ساعة بحالها وليكي عين تيجي انتي تروحي تاني مطرح ما جيتي وتكملي نوم بلا قرف معاكي مهملة*الكل اتصدم الاغلب زعل عليها متفوقه وبتذاكر وتيجي ف اخر شهر وتشيل الماده وشها حمر دموعها نازلة بصاله عاوزه تنفجر كفاية حرام عليك متعبتش مزهقتش ده كان كل تفكيرها قرب منها بينه وبينها نص متر وبص ف عنيها الزرقه شاف نفسه فيها اتنهد
يوسف:عشان انتي متفوقة هديكي فرصه اخيرة*هو بيدي لنفسه مش ليها الفرصه دي
يوسف: بعد المحاضرة امتحان ٦٠ سؤال نص ساعة لو قفلتي هتحضري تاني وكإن مفيش حاجه حصلت وان نقصتي مشوفش وشك تاني*الكل ابتدي يحكي محدش عاجبه ده ظلم بس بينهم وبين بعضهم سمع همهمتهم يوسف
يوسف:مسمعش نفس *قالها وهو باصصلها مستني ردها بصت ف الأرض ٣ ثواني وبعدين رفعت راسها بشموخ
لؤة:موافقة
يوسف:المحاضرة خلصت تقدرو تتفضلو*بصو لبعض بصدمه وخرجوا فضلت هايدي بتغلي بصلها يوسف
يوسف:خير مستنيه عزومة ي انسة هدي
هايدي:اسمي هايدي ي دكتور *طلعت وهي متغاظة ديما بينسى اسمها هو مش حافظ اسم واحد اساسا غير لؤة
فتح شنطته وطلع ورق ودور فيه بعدين سحب ٣ ورقات مع بعض واداهملها
يوسف:وقتك ابتدي *خدت الورق وقعدت مكانها ف الأول و بدأت تحل قعد علي كرسيه وحط رجله فوق المكتب وولع سجارته عدي الوقت فاضل خمس دقايق
يوسف:فاضل خمس دقايق *بصتله واتنفست بهدوء وبصت بصه اخيرة ف الورق وسلمتها ليه خد الورق وطلع القلم الأحمر وابتدي يصحح وهي واقفة علي شوك الحظات عدت سنين مش سامعه غير صوت نفسها لحد ما خلص
يوسف:فيه غلطة
لؤة:فيييين*قالتها بفزع ودموع
يوسف:مني مش منك السؤال السابع غلط عشان كده حلتيه غلط مش محسوب مبروك هتكملي معايا للآخر * ولم حاجته وسابها وطلع اتنهدت لؤة وحمدت ربنا دخلت إيمان ال كانت واقفة برة القاعة مستنياها تخلص
ايمان: عملتي إيه
لؤة:الحمد لله حليته كله صح مغلطتش*حضنتها إيمان وطلعو وراحو الكافيه وهما ف الطريق
ايمان:ايه ي لؤة اي حصل واتاخرتي كده مش من عادتك يعني
لؤة:معرفش ي إيمان بنام كتير اووي اليومين دول انا نايمه من امبارح بعد الضهر وصحيت علي رن التليفون مش عارفه مالي
إيمان:أعصابك تعبانه حاولي تفصلي شوية
لؤة:طب شيليلي الفيشة
ايمان:تصدقي دمك واقف انا غلطانه بيت انتي اسمعي بكرة خطوبتي مش هتمم غير لما تيجي هبعتلك الشوفير ياخدك
ومفيش نقاش الكلام انتهي ولو نمتي ي لؤة هتلاقيني فوق دماغك انا وأمير ومامي*ضحكت لؤة بفرح
لؤة:لا خلاص جايه ان شاء الله بس ابعدي طنت احلام عني ده انا كل ما اروح تظغطني زي البطه*وفضلو يضحكوا