الحلو المسموم ♥️
الفصل:السابع عشر
دخل يوسف مكتبه ورد الباب وراح ناحية مكتبه وقعد علي كرسيه وطلع الورق بتاعها ال صححه وبص فيه فعلا في سؤال هي غلطانه فيه بس مقدرش يقولها كده حاسس نفسه مقيض بيها مش قادر يخليها تبعد عنه خبط الباب ودخل سليم من غير ما يأذنله بصله يوسف بضيق
يوسف:تصدق بارد مش اسمحلك الأول تدخل ولا لا
سليم:الكلام ده ف الشركه ي صحبي قلي بس الجو عندك عامل ايه
يوسف:قرف زي ما انت شايف اهو رغم اني ملوع التكيف
سليم:انت ال حلوف الجو ساقعة ومولع التكيف المهم عملت ايه مع لؤة
يوسف:موضوع واتقفل
سليم:عشان كده بتديها كل يوم محاضرة والمحاضره كلها لؤة لؤة لؤة *بصله يوسف بغيظ
يوسف:الله الله بيقي انتي ال بتوصل الكلام ل الاء *اترعب سليم ووشه صفر وقال بتاتأه
سليم: كلام ايه وانا مبشوفش الاء عشان اكلمها ولا حتي معايا رقم تليفونها
يوسف:انتي فاكرني أهبل
سليم:انت مش موافق ليه بحبها وهي بتحبني وانا جاهز وهي كمان ايه ال يمنع ي يوسف
يوسف:متستهلهاش دي بنتي مش اختي انا ال مربيها بعد ما امي اتوفت
سليم:وانا هشيلها ف عيني ي يوسف ولو قصرت ف حاجة او زعلتها موتني بص ي يوسف اذا كان فيه حد هيخاف عليها ويحبها من بعدك ف هو انا مش هتلاقي ال يصونها ويقدرها زيي ي صحبي
يوسف:خلاص عشان الدمعه هتفر من عيني
سليم:تصدق انك بارد ودمك واقف عل رأي الاء
يوسف:الاء دي هيكون ليها تصرف تاني معايا لما اروح
سليم:يوسف لو قربتلها هتخسرني ي صحبي
يوسف:بتهددني
سليم:الاء خط أحمر *وسابه وطلع اتنهد يوسف وفضل يضحك هو عارف انهم بيحبوا بعض وانه مش هيلاقي احسن من سليم لاخته بس بيحب يلعب علي اعصابهم شوية رن تليفونه وكلم حد وطلع علي طول /عند لؤة
لؤة:طب يلا سلام
ايمان:اركبي معايا السواق يوصلك ي لؤة
لؤة:معلش ي إيمان عشان الناس بتحكي وانا مش ناقصة ابقي كلميني سلام
ايمان:سلام خدي بالك من نفسك ربنا معاكي ومشيت لؤة وطول الطريق في عربية سوده ماشية وراها بتبص عليها وبعدين بتمد اتاكدت انها مستهدفه مشيت بسرعة ورفعت الفستان وجريت عند يوسف ف العربية
يوسف:يبنت المجنونه ايه ال بتهبييه ده*سرع عربيته لحد ما قرب منها وهي تجري وشيفه العربيه جنبها فتح يوسف شباك العربيه الأسود وبصلها
يوسف:ده انا يبنت المجنونه اتهدي بقا منظرك عررة *بصتله بصدمة وبعدين وقفت وحطت اديها علي رجلها بتنهت جامد بصت عليه واقف بعربيته جنبيها بس مطلعش منها
لؤة:عاوز ايه مني
يوسف:في حد ماشي وراكي غيري وده من بدري معرفش ايه نيته بالضبط
لؤة:وانت مالك شايل همي ليه خليك في حالك
يوسف:تصدقي فعلا انا مالي وانا غلطان بس ال ميجييش يبكي ف الاخر*وسابها ومشي اتنهدت لؤة وكملت مشوارها وهي حذرة وروحت البيت ودخلت وردت الباب
مامتها:لحقتي المحاضرة
لؤة:الحقيني بكوباية ميه بسكر حاسة قلبي هيقف
مامتها:يبقي شلتي الماده
لؤة:هحكيلك كل حاجة بس اخد نفسي الأول*وبعد ما غيرت وشربت كوباية الميه بسكر قعدت مع مامتها وحكتلها علي ال حصل
مامتها بخوف:لؤة انا كل ال هاممني ف ده كله ان فيه حد بيمشي وراكي انا هخلي اخوكي يوصلك ويجيبك علطول فاهمة
لؤة:حاضر ي ماما *قامت مامتها وسابتها ترتاح وعدي اليوم هوا وجه يوم الجمعه حضرو المحاضرة ولؤة روحت مع اخوها اتغدت وصلت الضهر ونامت وصحيت علي العشا واخدت دوش وصلت فروضها بعد ما خلصت تليفونها رن بصت لقت ايمان
ايمان:ايوة ي لؤة السواق هيجيلك كمان نص ساعة اجهزي بقا
لؤة:حاضر هقوم البس سلام ي قلبي *وقامت لبست فستان بيج مطرز بالفصوص باين عليه انه مناسبات وطرحه افوايت
وجزمة سوده بكعب عالي شوية وبوك شيك اووي بلون الفستان وزبدتها السحريه وكحل بسيط وطلعت ف الصاله
مامتها بفرحة:ماشاءالله عليكي ربنا يحرسك من كل عين استني هخلي اخوكي يوصلك
لؤة : مش مشكلة ايمان بعتالي السواق هياخدني من أول الشارع
مامتها:طيب خدي بالك من نفسك وطمنيني لما توصلي مع السلامة *ودعت لؤة مامتها وقلبها مقبوض طلعت من البيت كانت الساعة ٨ مشيت لحد أول الشارع بصت للعربيه ملقتهاش
فضلت واقفه خمس دقايق جات عربيه سوده والباب فتح وطلع اتنين أول ما شافتهم صرخت صرخه ملحقتش تجري ولا لحقت تصرخ اكتر من صرخه كمموها وشدوها جوه العربيه ومشيو
السواق بتاع ايمان وصل ملقاش لؤة رن علي إيمان
ايمان:الو ايوة يعم محمد
محمد:لؤة هانم مش قعده
ايمان: هرنلك عليها
محمد :تمم هستناها *قفلت ايمان ورنت علي لؤة مبتردش سمع محمد صوت موبايل بيرن ومش مبطل رن نزل من عربيته لقي بك بيج فيه خرز فتحه ورد علي الفون
محمد:الو ايوه ي إيمان هانم انا لقيت التليفون لؤة هانم ف شنطه صغيرة واقعة جنب عربيتي عند أول الشارع وبطاقاتها فيه
ايمان بفزع:اييييه
إيمان جريت لبرة اوضتها وراحت الرسبشن وهي بتعيط
ايمان:بابي لؤة اتخطفت*وقف سيف وكل فرد من العيلتين كله اترعب إيمان بدموع
ايمان:ومش يوسف ي بابي ال خطفها انا كلمته واتأكدت من كده انا خايفة عليها اووي الدور ده
سيف:متقلقيش ي حبيبتي اهدي بس انا بنفسي هنزل ادور عليها *نزل سيف ومعاه امير والحرس وإيمان تبكي بحرقة ومامتها حضناها بدموع وبتدعي انها ترجع بالسلامة
احلام:البنت دي حظها مايل ف الدنيا رغم انها طيبة اووي ربنا يرجعها سالمة لمامتها ولينا *عند لؤة فاقت لقت الدنيا حوليها
ضلمة ومش قادرة تتحرك اديها ورجليها مربوطين بحبل حاولت تفك نفسها معرفتش حست بحركة سكتت خالص صوت خطوات بتقرب منها لحد ما بقي ف نفس المكان ال هي
فيه وولع النور اوضه مفيهاش شباك مقفولة بالباب الحديد كبيرة خالص باين عليها كانت مخزن لانها علي محارة بس وفيها اللمبة ف النص والارض تراب رفعت لؤة راسها تشوف مين ال عمل فيها كده
لؤة باستغراب: انت تاني
عبدو:مسميش انت انا اسمي الباشا عبدالرحمن جمال سامعة*بصتله لؤة بقرف وتفت جنبها وصله الرد قرب عليها ومسكها جامد من طرحتها
عبدو: هدفعك تمن كل إهانة وجهتيها ليا هخليكي تكرهي اليوم ال اتولدتي فيه مش هذلك انا هكسرك وادوس عليكي بجزمتي ورماها ف الارض وقعت علي وشها واتخرشم بصلها بلؤم
عبدو:تعرفي انا هبتدي معاكي ب ايه ؟ بالمخدرات اصل انتي مطوله معايا هتاخدي كل انواع المخدرات حقن وبودرة وبراشيم كل حاجة وبعد ما تتعودي عليها هسيبك فترة من غير ما ادهالك لما تبقي زي المجنونه وبعدين هفكك واشترط
عليكي تكوني ليا ووقتها اقسملك انك هتعملي اي حاجة عشان تخديها تاني هتقوليلي واثق ازاي كده هقولك نوع جديد نازل السوق ملهوش حل هو كده*وقعد يضحك وسابها ومشي عدلت لؤة نفسها بصت برعب حوليها مفيش مخرج غير الباب
الحديد واتقفل اديها ورا ضهرها متكتفه ورجليها مربوطه قعدت علي ركبتها ومالت بضهرها لورا وبصوابع اديها رفت الفستان ولمست علي رجلها لحد ما وصلت للمطلوب مشرط
عدلت نفسها واتنفست بهدوء وابتدت تقطع حبال اديها وفعلا نجحت وبعدين قطعت حبال رجليها الباب بيتفتح عملت نفسها مقيده قرب منها عبدو ومعاه شنطه سوده صغيرة وقعد علي رجله وفتحها كلها حقن وسرنجات
عبدو:خليكي شاطرة وطاوعيني وخدي الحقنه *قرب منها وفتح السرنجة وقرب من دراعها وبحركه منها كانت دبحاه المشرط عدا ف لمح البصر من رقبته الدم ملاها بقي يكح
ويتنفض وهي زي ما هي كإن مفيش حاجه حصلت وبتتفرج قامت زي الآلة وراحت ناحية الباب لقت اتنين رجاله جسمهم ضخم بيدخنو بصتلهم وشافوها وشافو الدم ال ماليها
والمشرط ف اديها طلعو مسدساتهم بس ملحقوش يعملو حاجة وكانو ميتين حد غريب ضرب عليهم نار بصت لؤة لبرة لقت فعلا نفسها ف مكان مخازن وكله صناديق وشافت يوسف جاي نحيتها ومحستش غير بالدنيا بتضلم حوليها ووقعت
الحلو المسموم ♥️
الفصل:الثامن عشر
جري عليها يوسف وقعد يقلب ويعدل ف هدومها اتأكد انها مش مصابه استغرب وقال ف نفسه اومال الدم ده جه منين لقي اديها ماسكه حاجة فتحها لقاه المشرط سمع صوت تليفون
جاي من جوه الاوضة قام ودخلها براحة وهو ماسك مسدسه لقي عبدو مدبوح ودمه سايح قرب منه وطلع منديله ومسك بيه التليفون وبص للبيرن
يوسف:هايدي معقولة *وفتح عليها وفعلا سمع صوتها
هايدي:ألوو عبدو عملت ايه معاها ألوو ي زفت*وساب التليفون ووقف وطلع عند لؤة
بصلها بألم وحزن وشالها ومشي بيها لبرة المكان ده وحطها ف عربيته ومشي هو ورجالته الساعة ١٢ رجع سيف وأمير القصر
ايمان:لقتوها ي بابي*قالتها بلهفة وخوف
سيف:الحمد لله انا تواصلت مع يوسف ولقاها وخدها معاه القصر *وسابها وطلع اتنهدت إيمان براحة وحمدت ربنا قرب امير منها وقال بهزار
امير:يعني عاجبك كده اهي صحبتك ضيعت عليا الخطوبه امسك ايدك ازاي انا دلوقتي
ايمان:ومين قالك اصلا انك هتمسكها بعد الخطوبه*بصلها امير بصدمه وزعل
امير:ايمااان
ايمان:انسي
امير:اومال همسكها أمتي لما اموت
ايمان:بعد الشر عليك ي حبيبي متقولش كده
امير:قوليها تاني مسمعتش كويس
ايمان:تصبح على خير
امير:ايمان استني *سيف واقف فوق هينفجر
سيف:انت ي زفت انت لسه منمتش
امير:ده انا بدور على الحمام ي عمي بس لقيته*وسابه واختفي ضحكت احلام وهي حاضنه سيف من وراه
احلام:متزنقش عليه ي سيف ده بيترعب منك
سيف:ال مخليني صابر علي الزباله ده أن بنتك محترمه زيك يقلبي
أحلام:وعنيده زيك ي حبيبي*اتصلت ايمان ب مامت لؤة وطمنتها وقالت إن لؤة يوسف لقاها حمدت ربنا وشكرتها عند مامت لؤة
مامتها: الو ي محمد يوسف لقاها هاتلي عربية دلوقتي احنا هنروح نجيبها من القصر*عند يوسف دخل شايلها الكل كان نايم طلع بيها علي الجناح بتاعه ودخل الاوضه وحطها علي السرير براحة وقلعها جزمتها قعد جنبها بص ف ملامحها جميله
بمعني الكلمه بيضه وجسمها ملفوف وعنيها زرقة وشفايفها وردي شكلها هادي وبشوش حلوة بس ورا حلاوتها أسرار ومواقف وحكايات وصلتها للقساوة دي لدرجه انها تقتل بدون
رحمه الدم نشف علي وشها وهدومها منظرها بيه مرعب طلع موبايله واتصل ب دكتور وطلبه يجي قام من جنبها وضغط علي جرس الخدامين خلال دقيقة الباب خبط فتح يوسف
يوسف:ادخلي *دخلت فيروز وهي مرعوبه اول مره يطلب خدامين ف الوقت ده ولسوء الحظ مفيش غيرها إنهاردة
يوسف: هتروحي لالاء واسراء وتصحيهم وتقوليلهم يجو حالا واوعي حد يحس بيكي فاهمة
فيروز:تحت امرك ي يوسف بيه*وسابته وطلعت خلال خمس دقايق كانت الاء واسراء جم الاوضه مرعوبين خافو ليكون يوسف حصله حاجة
الاء في اي ي يوسف *دخلهم يوسف ورد الباب شافو لؤة علي السرير وكلها دم جرييو عليها وحاولوا يفوقوها
يوسف مش هتفوق انتو بس نضفوها وغيرولها الهدوم دي
اسراء بفزع:هو إيه حصل ي يوسف
يوسف:مش وقته الدكتور ف الطريق
الاء:دم مين ده
يوسف:انجزوا الوقت بيضيق *قالها بعصبيه البرق والرعد شغال شكلها هتمطر طلع من الاوضة وطلع سجارة ودخن جوه عند لؤة جابت اسراء طبق عميق وملت نصه ميه دافية
وابتدت تمسح وشها ورقبتها واديها جريت الاء علي اوضتها وجابتلها بجامه ورجعت وردت الباب رن الحارس علي يوسف وقاله ان الدكتور وصل نبه يوسف البنات ورن تاني عليه
الحارس ف نفس اللحظه ان مامت لؤة واخوها تحت عاوزينها قالهم يطلعهم طلعو كلهم من غير دوشه علي حسب تعليمات يوسف فتح يوسف باب الجناح ليهم ودخلو ورد الباب
مامتها:بنتي فين ي باشا والدكتور ده جاي لمين هي بنتي حصلها ايه*قالتها ببكي ونحيب
محمد:انا عاوز اختي دلوقتي حالا انا هاخدها وهمشي مش هستني دقيقه تاني احنا من وقت ما عرفناك والمصايب هلت علي دماغنا*طلعت اسراء والاء من الاوضة
الاء:جاهزة اتفضل ي دكتور جوه
ام لؤي:جوه فين لؤة جوه مالها الدكتور هيخشلها ليه*كانت هتدخل مسكها يوسف من دراعها ودخلت الاء مع الدكتور باشارة من يوسف وردت الباب.
محمد:في ايه ي يوسف مال اختي فهمني*قالها بعصبيه وخوف عليها
يوسف:اختك قتلت واحد ومن الصدمه اغمي عليها
مامتها:يمصبتي*قالتها وهي بتلطم كررتها كتير وهي بتنحب وتبكي
محمد:ايه قتلت واحد *مسك محمد امه وحضنها يهديها
محمد:خلاص يمه متقلقيش كل حاجة هتكون بخير ان شاء الله
ام لؤة:بخير ازاي دي قتل ي محمد قتل
محمد:هي مقتلتش انا ال قتلت انا هشيل القضية
يوسف:مفيش قضية كل حاجة اتحلت المهم لؤة تفوق وتكون بخير*محمد وأمه مصدومين الظاهر انهم نسيو واقفين مع مين كل ال كانو بيفكرو فيه لؤة حصلها اي بعد نص ساعة طلع الدكتور والاء
مامتها :طمني ي دكتور
الدكتور:انهيار عصبي حاد واضح انها اتعرضت لصدمه قويه وصلتها لكده هكتبلكم علي شويه محاليل ومهدئات وادويه تاخدهم ف مواعيدهم ولو حالتها ساءت لقدر الله يبقي هتحتاج لدكتور نفساني
يوسف:تمم ي دكتور تعبناك معانا
الدكتور:انا تحت امرك في اي وقت ي يوسف باشا *وسلمهم الروشته وفتح باب الجناح وخده الحارس وصله بأمر من يوسف واداه الروشته يجيب الادويه والمحاليل
ام لؤة:ي باشا كتر خيرك ال عملته معانا جميل نشيلو العمر كله ممكن بقا ناخد بنتنا عشان كفايه بهدله
يوسف:دي مراتي وهي ف بيتها فين البهدلة ف كده
ام لؤة:ده كان زمان مش طلقتها مينفعش تبات معاك تعتبر غريب
يوسف:انا رديتها من بدري عند المأذون والورقة اهي*وراهم الورقه فعلا ردها من اسبوعين
محمد:باي حق دي متعتبرش جوازه كانت مغصوبه وبعدين مش بتطيقك ياخي انت مبتحسش *يوسف مسك اعصابه واعدها انه مش هيإذي أخوها ده ال شايله عنه
ام لؤة:مش وقته ي محمد طيب انا عاوزة ابات مع بنتي بيبه عاوزه اخدها ف حضني واخفف عليها *بصلها يوسف واتنهد بحزن
يوسف:انا ومحمد هنبات ف أوضة الضيوف ف الجناح بتاعي وانتي تقدري تباتي معاها*شكرته مامتها ودخلت عند لؤة الاء واسراء شافو ان خلاص ملهمش لازمه ومشيو يوسف خد محمد ودخلو اوضه الضيوف ونامو علي سرير واحد عند لؤة
مامتها دخلت عليها شافتها نايمه قعدت جنبها وحضنتها وفضلت تبكي
أم لؤة:انا مش عارفة ليه الدنيا جايه عليكي انتي بالذات يبنتي ياضنايا يحبيبتي*وفضلت تعيط وتبوس راسها وتواسيها دخلت فيروز عليهم وركبت المحاليل وحطت فيها المهدأ
مامتها:كتر خيرك يبنتي تعبتك معايا
فيروز:لا تعب ولا حاجة لؤة دي زي اختي الوحيده ال ف المكان ده قلبها علي غيرها ربنا يقومها بالسلامه*قالتها بدموع ومشيت عند يوسف لا هو نام ولا محمد نام الدنيا بتمطر والبرق والرعد شغال
محمد:بتحبها
يوسف:مش عارف
محمد:بتقاوح زيها غروركم مانعكم
يوسف كان مديه ضهره لف وبص عليه
يوسف:ايه ال وصلها للحاله دي
محمد:قصدك لما بتقع وتزن
يوسف:مش كده وبس بشوف ف عنيها الخوف ديما بتبين انها قوية بس ده بدافع الخوف بردو انت عارف ال قتلته ده قتلته ازاي دي دبحته
اتنهد محمد وغمض عينه بألم
محمد:من ٨ سنين عدو كان معانا اخت صغيرة اربع سنين كنا كلنا متعلقين بيها بنحبها بتطلعنا من ال احنا فيه ببرائتها كانت
متعلقة جدا ب لؤة كان اسمها رودي ابويا من عادته يرجع سكران ولما بيحتاج فلوس بيمد ايده علي ماما عشان ياخد
الفلوس ال بتشتغل بيها وتصرف علي البيت ف يوم رجع وازازة الخمرة ف ايده فتحتله ماما كان نص الليل عدا زي كل يوم زعيق وخناقات مسك ف ماما قامت لؤة تحجز انا كنت خايف لاني كنت صغير كنت بستخبا عشان ديما كان بيضربني
ولؤة هي ال بتدافع عن ماما هي مكنتش تشيل عنها بس بتخفف ال بيحصل اتكسرت ازازه الخمرة وهما التلاته ماسكين ف بعض علي الكنبه ف الصاله ماما نايمه عليها وبابا فوقيها
ولؤة بتشده بكل قوه ومن قميصه كان ناوي يعور ماما رودي افتكرت انهم بيلعبوا طلعت علي الكنبه ف لحظه ف النص بين بابا وماما الكل سكت للحظه رودي سايحه ف دمها جات ماما
تصرخ ابويا كممها وهددها بينا بقت دموعها بس ال نازله وطلع شهاده وفاه واحد زميله عداله الموضوع ومن وقتها لؤة اتغيرت زي ما انت شايف الخوف مقويها لما بتتزنق بتتحول
مش بتحس هي بتعمل ايه لكن جواها ابيض زي القطنه طلاما حاسه بالأمان *قام يوسف وحرك الستاره بتاعت البلكونه من ورا الازاز واقف بيبص علي السما وهي زعلانه علي ملاك من ملايكتها ال اتحولت لشطان بسبب غدر الزمان