رواية امراة اقتحمت قلبي
الفصل الحادي عشر
بقلم ندى محمود
يقف خلفها مباشرة ويقول بصوت عالى : سرحانة فى ايه
تنتفض من مكانها وتلفت له وهى تضع يدها على قلبها وقالت : بسم الله الرحمان الرحيم
جاسم : اتخضيتى 😄
رهف بعصبية : ايه الغلاسة دى ياجاسم والله كان قلبى هايقف
امسكها من خصرها وجذبها اليه وقال بعشق : بعد الشر عليكى ياروحى
شعرت بارتباك وخديها سيطر عليهم اللون الاحمر امسكت بيده انتى تحاوطها وابعدتها بهدوء وهى تنظر له بارتباك وادارت وجها عنه محاولا عدم اظهار خجلها وقالت : روح غير هدومك يلا علشان انا حضرت الاكل
جاسم بابتسامة : بس انا مش جعان
نظرت له ولم ترد وهى مازالت على وجها علامات الارتباك فقالت محاولا تغير الموضوع : عملت ايه فى العملية
جاسم : الحمدالله عدت على خير
رهف : الحمدالله ... احنا خلاص هانمشى
جاسم : لا طبعا اولا لسا معايا اسبوع تانى لغاية ما اطمن على المريض لازم اتابع حالته بنفسى ثانيا بقى انا لسا مفسحتكيش ولا انتى غيرتى رأيك
رهف : لا طبعا مين قال كده
جاسم : هههههههههههههه
______________________________________
ذهب الى الغرفة وجلس على السرير فتذكر زوجته السابقة وكيف خدعته وكم كان يحبها واصر على الزواج منها رغم ان الجميع كان معارض هذا الزواج ...........
فلاش بااااااك
كان يمسكها من شعرها بقوة ويقول بعصبية : تضحكى عليا انا وتغفلينى يابنت ال ***
هبة : والله ياجاسم صدقنى انا معملتش حاجة هو اللى غصبنى اعمل كده
جاسم بزعيق : هو ايه .. انتى لسا بتدافعى عن نفسك بعد ماسمعت كل حاجة .. وهو غصبك تعملى كده غصبك تخونينى مش كده ... صفعها قلم قوى على وجها فاوقعت على الارض وفمها نذف دم وقال : وحياة امى لاقتله بس القيه تعرفى نفسى اقتلك انتى دلوقتى بس حرام اوسخ ايدى بوحدة وسخة زيك هاسيبك تتعذبى كده ... دلوقتى تلمى هدومك وتغورى من هنا فاهمة .. انتى طالق
هبة : وابنك اللى كلها كام شهر ويجى على الدنيا
جاسم بسخرية : وانتى لسا فاكرة انى مصدق ده انا عرفت كل حاجة ياهبة خلاص
هبة بتمثيل البكاء : حرام عليك
جاسم : حرام عليكى انتى ده انا اللى وقفت قدام كل الناس وصممت انى اتجوزك علشان حبيتك رغم ان الكل مكانش موافق ونصحنى وانا استاهل انى مسمعتش كلامهم
هبة ببكاء : طاب خلينى اشرحلك بس
جاسم : هههههه دموع التماسيح ده خلاص مبقتش تاخد معايا ... ثم امسكها من شعرها واخرجها خارج المنزل وغلق الباب
باااااااااااك
يفيق من شروده على صوت رهف وهو تقول : جاااااسم
جاسم بتهكم : فى ايه يارهف
رهف : ليا نص ساعة بكلمك وانت مش هنا خالص
جاسم : كنت سرحان
رهف : طيب يلا انا حضرت الاكل
جاسم : لا مليش نفس لو عايزة كلى انتى
نظرت له بتعجب وشعرت وكأن هناك شئ يزعجه وقالت بشك : مالك !!؟
جاسم : مليش يارهف
رهف : لا فى حاجة
جاسم بحدة : قولتلك مفيش يارهف ابعدى عنى انا مش ناقص
رهف : طيب
هبطت الى اسفل وقالت بتعجب شديد : هو ماله كان بيهز ويضحك معايا من شوية .... التفتت الى الاكل الذى يوجد على السفرة وقالت : وانا هاكل وحدى .. طاب مش ماكلة
اعادت الاكل الى الثلاجة وذهبت له وجدته يقف على الشرفة ويدخن شعرت وكأن الفضول سيقتلها لتعرف ماذا به فاهذه اول مرة تراه هكذا اتجهت له ووقفت بجانبه وقالت بصوت رقيق : مش هاتقول مالك
جاسم ببرود شديد : وانتى مهتمة ليه
رهف : عادى اصل بصراحة اول مرة اشوفك مدايق كده فاحبيت اعرف
جاسم : اكلتى ؟
رهف : لا
نظر له وقال بتعجب : ليه !
رهف : لقيت نفسى اتسدت
جاسم بابتسامة باهتة : يعنى انا اللى كنت بفتح نفسك على الاكل
رهف بابتسامة سخرية : لا بس اتعودت القى حد طول ما انا قاعدة باكل يغلس عليا
جاسم : هههههههههه وده انا يعنى
رهف : بظبط😅
ثم ادارات وجها له وقالت باهتمام وفضول : يلا قولى مالك
جاسم : وانتى عايزة تعرفى ليه
رهف : فضول 😁
جاسم : مفيش فى حاجة فى الشغل عكرت مزاجى بس
رهف : امممممم ... طيب حيث كده بقى تصبح على خير
جاسم : وانتى من اهله
__________________________________
فى صباح اليوم التالى فاقت رهف على صوت هاتفها فوجدته اتصال من والدتها ونظرت بجانبها وجدت جاسم مازال نائم .....
رهف بصوت نائم : الو ياماما
سعاد : ايوه ياحبيبتى عاملة ايه
رهف : الحمدالله وايه اخبار بابا
سعاد : كويس .. صحيتك من النوم
رهف : اهااا بس كويس انك صحتينى اصلا اخدتنى نومة مش متعودة اصحى متأخر كده
سعاد : عامل ايه جاسم
رهف : كويس لسا نايم
سعاد : ايه امتى هاتاجى ياحبيبتى
رهف : مش عارفة احتمال بعد اسبوع هو امبارح كانت العملية بس لسا طبعا هايتابع مع المريض
سعاد : اهااا
رهف : وحشتينى اوى والله انتى وبابا
سعاد : وانتى ياحبيبتى امبارح رنيت عليكى تلفونك كان مقفول
رهف : يمكن كان فاصل شحن
سعاد : طيب يلا بقى انا هاقفل واسيبك تصحى جاسم وتفطرى
رهف : ماشى وابقى سلميلى على بابا
سعاد : حاضر
__________________________________
رهف : جاسم قوم يلا
فتح عينه وقال : الساعة كام
رهف : 10
نهض من على السرير واعتدل فى جلسته وقال : انتى كنتى بتكلمى مين
رهف : انت كنت صاحى
جاسم : لا كنت مابين نايم وصاحى كنت سامعك بتكلمى حد بس مكنتش مركز
رهف : كنت بكلم ماما
جاسم : اهاا
رهف : يلا قوم انا هاحضر الفطار علشان تفطر .. انت مش رايح الشغل
جاسم : لا رايح
ذهب واخذ حمام دافئ سريع ثم تناول فطاره وذهب ..... فى العمل
مروان : اهلا ياباشا
جاسم : عامل ايه
مروان : تمام .. مالك كده
جاسم : مليش
مروان بغمزة : عليا انا برضوا قول انجز
جاسم : ماقولت مفيش ياعم
مروان بشك : اكيد افتكرت موضوع هبة اصلا مفيش حاجة تضايقك كده غيره
مجرد سماعه اسمها قال بغضب : اهااا يا مروان واقفل على الموضوع ده علشان انا مش ناقص فيا اللى مكفينى
مروان : طيب قولى فى ايه اوعى تكون شوفتها
جاسم : انا لو شفتها مش عارف ممكن اعمل فيها ايه ممكن اقتلها
مروان : امال مالك طيب
جاسم بشمئزاز : كل ما افتكر اللى حصل مقولكش بلومها ولا بلوم اى حد مبلومش غير نفسى لانى انا اللى صممت على كده وبصراحة استاهل مش قادر انسى يامروان كل ما احاول انسى مقدرش ... انا حبيتها فوق ماتتخيل وفى الاخر غفلتنى وطلعت انا الغبى
مروان بشك : جاسم انت لسا بتحبها
جاسم : بحبها ايه انت عبيط يابنى بقولك لو شفتها مش بعيد اقتلها تقولى لسا بحبها انا دلوقتى مفيش فى قلبى غير رهف يامروان
مروان محاولا اخراجه من هذه الحالة : خلاص فكك بقى مبتقاش عيل فصيل
وسيبك من. الموضوع ده وحاول متفكرش فيه تانى .. وقولى ايه اخبار المدام بس عرفت تنقى المرادى ياد 😉😉
جاسم بعصبية : اقسم بالله هاتغابى عليك لو مالميت نفسك يامروان هااا وانت عارفنى
مروان : ههههههههههههه خلاص ياعم بهزر