غرام أحفاد الشيطان
بقلم اسماء احمد
الفصل الثاني وعشرون
🍃🍃🍃🍃🍃🍃🍃🍃🍃🍃🍃
في قصر الشرقاوي
عثمان بعصبية : يعني ايه
أوس : يعني سفينه من فلسطين هتوصل النهاردة وانا هسافر فيها بكرة
الياس : انت هتهزر يا أوس تسافر ماشي بس هجرة غير شرعية يعني يا عالم ترجع ولا لا
أوس : هرجع بيها ان شاء الله يا الياس
يزن : مش هنسمحلك انت هتهزر هو لعب عيال
بهيه : يا بيه ريحانه هانم وعز بيه برة
عثمان : دخليهم يا بهيه اما نشوف اخرها مع الأستاذ
دخل عز وريحانه وبعد سلامات جلس الكل سويا
ريحانه : احم أوس يعني هتسافر ل روح امته
أوس : بكرة
ريحانه : طب ابقي طمني عليها بالله عليك
أوس : حاضر
عدي بعصبية : هو ايه اللي حاضر مش هنخليك تسافر اصلا
أوس بحدة : محدش ليه دعوة انا هروح اجيب.....
بهيه بلهفه : أوس بيه
أوس : ايه يا بهيه
بهيه : الحارس بيقول روح هانم برة و.....
وقف أوس وجري للخارج يلحقه الكل بمعني الكل ثم وقف بصدمة من شكلها شعرها المشعث وجهها الشاحب وبه بعض الدخان الأسود وسيل دماء من انفها متجمد يحاوط عنقها شال
لفلسطين تحمل شنطة وبلوزتها متسخه وبنطلونها مقطوع عند الركبه ويوجد بركبتها جروح اقتربت هي منه وقفت امامه
أوس بعيون ممتلئه بالدموع : روح
روح : بابا مات ومجد مات وجهاد مات حتي ماما ماتت ونايا كمان ماتت معتش غيرك..... اوعي تموت لأني مش فاكرة غيرك
رفع يده ومسح بإبهامه علي وجنتها وسند جبينه علي جبينها فبكي كلاهما ثم شدها لحضنه يعتصرها بين زراعيه
أوس : خليكي فاكراني اوعي تنسيني
روح : خايفه
أوس : انا جنبك
شعرت بالأمان فوقعت اسيرة للظلام شعر بثقل جسمها فحملها بين يديه
أوس : حد يرن علي دكتور وليد مخ واعصاب بسرعة
وصعد بها لجناحه وضعها بالسرير واحضر قماشه وماء وبدأ يمسح وجهها ويعقم جروح ارجلها ثم خرج وناد علي ياقوت وعين
ياقوت : نعم
أوس : ممكن تدخلوا تغيروا ليها هدومها
عين : حاضر
ودخلوا بدلوا لها ثيابها بأخري واتي الطبيب وبدأ الكشف ثم تحدث
الطبيب : أوس يا ابني لازم تعمل اشعه ع المخ وشويه فحوصات
أوس : طيب هوديها المستشفي الوقتي
ودخل حملها بين يديه واتجه للمستشفي بدأت الفحوصات والتحاليل ثم عاد للقصر بها ووضعها بغرفته ونزل
أوس : خير يا دكتور
الطبيب : الوقتي الفحوصات والأشعه بتقول مستحيل تكون فاقدة الذاكرة
أوس : اومال قلقان ليه
الطبيب : لأن في حاجة مأثرة علي مركز الذاكرة ودا هنعرف نتايجه اما تقوم
عثمان : ذي ايه يا دكتور
لين : يا دكتور هو ممكن تكون من النسبه القليله في العالم اللي ذاكرتهم ذي السمك يعني تنسي بسرعة
الطبيب : ممكن وممكن اسوأ ودا هنشوفه اما تقوم
أوس : طيب يلا نطلع فوق
اومأ الطبيب وبالفعل صعدوا لأعلي ففتحت عيناها بهدوء
أوس : روح
جلست ونظرت حولها وشدت الغطاء أكثر عليها
روح : انتم مين..... مين دول
الطبيب : تعرفيه
روح : انت مين..... اعرف شكله
الطبيب : اسمك ايه
روح : روح
الطبيب : روح ايه
روح بتفكير : مش عارفه مش فاكرة
الطبيب : تعرفي حد من دول
روح مشيرة لأوس : دا بس شكليا مش فاكرة اسمه
الطبيب : طيب انتي اسمك روح رحيم ودول عيلتك وانا الدكتور بتاعك ودا اسمه أوس وهو جوزك
ادمعت عيناها ونظرت لهم كلهم بخوف ثم نظرت لأوس كأنها تقول له اقترب ف انت اماني
أوس : ممكن تطلعوا
الطبيب : طيب يلا جماعة
وخرجوا كلهم فجلس امامها وابتسم فاتحا زراعيه
أوس : تعالي يا روح
اندفعت لحضنه وتعلقت به بخوف بل رعب
أوس : روح مالك
روح بنوم : عايزة انام
تمدد واخذها بحضنه
*********************
في الأسفل
كانوا يجلسوا جميعا سويا وتبكي ريحانه
لين بضيق : ممكن افهم حضرتك بتعيطي ليه الوقتي
عز : لين كلمي مامتك كويس
لين : كويس اه ماشي طيب ممكن تجواب الأول علي اسئلتي..... كنتي فين لما ام اختك ماتت وكنتي فين كمان لما حصلها كدة وليه مقولتيش ان ليا خاله هنا بتسألي عليها كل اد ايه ردي يا مامي
عز : خلاص يا لين
لين بصراخ : خلاص هو ايه اللي خلاص دايما معيشني في حياة وردي لا خلتوني بحاجة لعم ولا خالة وجيه أيان باشا كمل الحياة دي بس فوقت علي حقيقة مره ومقرفه....... عارفين اول ما اكره هكره مين هكرهكم انتم وأيان
ووقفت حملت ابنتها وصعدت لجناحها
مالك بهمس : بتعيطي ليه
ياقوت ببكاء : علي لين وعلي روح وعلي حالي
مالك : ليه
ياقوت : اصل فوقت زيها علي واقع مر
ووقفت اتجهت للحديقة تنظر للمسبح بشرود
فلاش بااااك
بعدما عادت من ذلك الشهر الذي يسموه شهر العسل لكنه بالنسبه لها شهر حزن وعذاب زارها اهلها بعدما اتت فجرت لحضن اباها تبكي
راغب : مالك يا ياقوت
ياقوت : خدني يا بابا انا بكرة المكان ده طلقني منه انا بكرهه
راغب بصدمة : بتقولي ايه يا ياقوت
ياقوت ببكاء : اغتصبني يا بابا انا بكرهه والنبي خدني بعيد عن المكان ده
ياسمين بحدة : ياقوت بلاش دلع بنات احنا غلطانين اننا جينا يعني نودعك
ياقوت بصدمة : تودعوني
ياسمين : ايوة احنا مسافرين يا ياقوت ومش هنرجع قبل سنة
ياقوت : وانا
ياسمين : انتي في بيت جوزك
ياقوت ببكاء مرير : بابا خدني والنبي
راغب : انا.....
ياسمين بحدة : بطلي دلع يا ياقوت ومش هتيجي واخرسي والا هتسبب في مشكلة بينك انتي وجوزك واخليه يجي يلمك
دفعت اباها بقوة صارخه : انا بكرهكم اطلعوا بقا من حياتي معتش ليكم بنت بكرهكم
وجرت لأعلي
بااااك
وضعت يداها علي وجهها تبكي كطفلة تائهه في عالم أسود فشعرت بمن ادارها لحضنه ووضع يده علي ظهرها فمسكت قميصه تسند علي صدره وتبكي اكثر فقبل جبينها
يزن : هششش اميرتي الصغيرة بتعيط ليه
مسحت وجهها بقميصه فضحك علي تصرفها الطفولة وحاوطت خصرة ثم رفعت رأسها
ياقوت : انا الصغيرة مين الكبيره بقي
نظر لعيونها ولم يجب فأعتقدت انها حور تجددت دموعها وتركته التفتت لتذهب فجذبها وحاوطها مرة اخري ثم مسح بقايا دموعها وهمس امام شفايفها
يزن : الأميرة الكبيرة امي يا اميرتي الصغيرة
ياقوت بابتسامه : بجد
يزن وهو يعيد خصلة من شعرها : مش مصدقاني
ياقوت : يمكن
يزن وهو يناثر قبلات علي شفايفها : واللهي العظيم انتي اميرتي وكل حياتي
كان كل كلمة يقبلها وتنفسها يعلو اكثر ثم نظر وجد جده يتابعهم ونظر ليجد حور ايضا فجذبها من خصرها لخلف الأشجار
ياقوت : يزن في ايه
يزن : في اني بعشقك
وما ان انهي كلامه حتي شرع بتقبيلها ولم يعطي فرصة ان تعترض
***************
في غرفة المكتب
ابتسم عثمان بسخريه فيعلم حق العلم حفيدة ثم استدار وجد احدهم يطرق الباب فأذن له بالدخول
مالك : ممكن اتكلم مع حضرتك
عثمان : اه تعالي يا مالك ادخل
دخل مالك وجلس امامه وشرع بالحديث
مالك : انا كنت جاي استأذنك اتخطب انا وياقوت
عثمان : نعم ؟!
مالك : هي معدتش عايزة مالك وانت عارف اني معجب بيها وبحبها قبل ما يطلقوا وانا اوعدك هسعدها
عثمان : بس انت عارف كويس اوي ان ياقوت بتعشق يزن ويزن بيعشقها
مالك : وانت كمان عارف كويس اوي ان يزن مش هيسعد ياقوت بس انا هسعدها
تنهد عثمان واومأ بقلة حيلة فوقف مالك مبتسما واستدار ليذهب
عثمان : انت واخد ياقوت لأنها اخت حوريه ولا لأنك فعلا بتحبها
التفت له بصدمة وبعد وقت تحدث
مالك : لا مش واخدها عشان كدة انا واخدها عشان بحبها
عثمان : متجاوبش الوقتي راجع نفسك الأول
اومأ برأسه وذهب وبعد وقت جاء يزن له
عثمان : امممم يا آخر صبري
يزن : جاي اقولك ان ياقوت.......
عثمان : لا ياقوت مش هترجعلك يا يزن مالك طلب ايدها مني وانا وافقت
ضرب يزن المكتب بعصبية
يزن : طلب مين ياقوت بتاعتي
عثمان بحدة : سيب القرار ل ياقوت ولو لمرة خليها تختار حرام عليك البنت دي مرة واحدة سيبها
نظر له يزن لوقت ثم خرج
*******************
في جناح أيان
كانت تقف وتهز ابنتها النائمه وتمسح دموعها متنفسه بعمق
فلاش بااااك
كانت تجري هي وايان في مكان سويا ضحكتهم تعلو وتعلو وهي تصرخ سعيدة
أيان : بس يا مجنونة فضحتيني انا دكتور أيان الشرقاوي
لين : ايوة لأني بعشق الدكتور أيان الشرقاوي بعشقه
أيان : وهو بيعشق المجنونة
لين بصراخ : انا اكتر يا مااااامااااا يااا بااااابااااا انا بعشقققق أياااااان يا انجلتراااا انااااا بعشششق ايااااان
ضحك بكل صوته وشدها يرفعها من ارجلها ويدور بها فأطلقت ضحكات سعيدة
بااااك
ذهبت ووضعت ابنتها بسرير صغير بأوضه اخري بجناحهم ثم قبلت جبينها بعمق ووقفت تتأملها كثيرا فهذه ثمرة حبها هي وأيان ثم تركتها وخرجت وجدته يقف امام الشباك عاري الصدر ويتناثر من شعره الماء ويدخن بشراسه فاتجهت له وقفت امامه وشدت السجارة واطفأتها
لين بعصبية : قولتلك الف مرة بلاش زفت تدخين يا قدوة يا دكتور
أيان ببرود : ملكيش دعوة
لين وهي ترفع اصبعها بوجهه : انت كذاب لأنك قولتلي هتبطل وكذبت بس اقسم بالله يا أيان لو دخنت تاني ل........
جذبها وادارها ليصبح ظهرها مقابل صدرة وانزل سوستة البيجامة قليلا وشدها لأسفل قليلا وقبل كتفها
أيان : فاكرة ايه كان مقابل كل اما اعوز ادخن
لين : فاكرة بس يا تري انت فاكر وعودك ليا
تركها وعاد للخلف استدار فالتفتت له وادارته
لين : بتتهرب ليه رد عليا يا أيان
أيان ببرود : كانوا هيفضلوا لو انتي مكنتيش مصرة تسافري
لين : ههه اقنعتني بجد بس رد علي سؤالي انت مستوعب اللي عملته...... فاهم يعني ايه اقوم من حضنك القيك بتطلعلي
فلوس كأني لا نسيت انتي قولتلي في وشي اني بنت ليل...... مفكر انا تعبت عشان معنديش مناعة ههههههه انا تعبت من قهرتك ليا يا أيان وانت سايق فيها مكنتش عايزة اقوم واشوفك تاني
أيان بهدوء : بس اخرسي
لين : اخرس ليه خليني اكمل عارف اتمنيت الموت حسيت اني حبي اتلاشي وجيت كملتها بتهديدك انا اتغشيت فيك انا كرهت اللحظة اللي حبيتك فيها
أيان وهو يصفعها : قولت اخرسي
وضعت يدها علي وجنتها ونظرت له بصدمة فهو لأول مرة بحياته يضربها اما هو فأستوعب مؤخرا انه مد يده علي حبيبته وحياته التي وعدها انه سيكون افضل من اباها جرت هي للحمام واغلقت الباب تبكي فجري هو للباب
أيان بقلق : لين اطلعي لين حبيبتي
وبدأ يخبط علي الباب بقوة
أيان : لين اطلعي متعيطيش في الحمام...... لين ردي
لم تجب فقط تبكي ظل هكذا وقتا يحاول ويحاول لكنها لم تخرج فضرب الباب بقوة مرة اثنان ففتح ونظر لها ثم ذهب ورفع وجهها بين يديه ومسح دموعها
أيان بحزن : لين
نظرت له وزاد بكائها فحضنها بقوة
*************************
كان مالك يقف في الحديقه يتذكر طفلته الصغيرة التي خطفت من بين يديه ثم قتلت من قبل مجرمين حوريته الصغيرة ذو العيون المتناقضه مع بشرتها البيضاء
حور : علي فكرة هيا مش بتحبك
استدار قائلا ببرود : مين
حور : ياقوت بتحب يزن
مالك بتنهيد : ويزن بيحب ياقوت
حور : تؤ يزن بيعشق ياقوت...... احنا ليه نفرقهم بعد اما لقوا بعض
مالك : هتضحي
حور : لا مش هضحي..... كنت هضحي لو كان بيكن ليا مشاعر انما الوقتي انا هبعد
مالك : لأنه اتخلي عنك يبقي مش بيحبك
حور : بتحبها اوي
مالك : تصدقي لو قولتلك تايه
حور : مش فاهمه
مالك : ياقوت كان عندها اخت اكبر منها وانا كنت اعرفهم كان عمري تمن سنين اشتالتها في حضني بدأت اقوم من النوم
اروحلهم والعب معاها علمتها المشي كمان بس خدوها مني وهيا عمرها بس سنتين قتلوها خسروني روحي وحياتي انا
بحب ياقوت عشان اختها وكنت هتجوز ياقوت اما تخلص جامعه بس يظن خدها وحتي الآن بجري ورا ياقوت عشان اختها انا من وقت ما كنت اتربيت علي حبها
وضعت يدها علي كتفه فأستدار وحضنها يبكي كالطفل الذي خسر لعبه عزيزة عليه فمسدت علي ظهره