رواية الحلو المسموم
الفصل:التاسع
وصل يوسف واخته اسراء القصر اول ما اسراء دخلت باب القصر ناده بصوت عالي
اسرء:مااااااميي بااابي انا جيت جيت جيت اكيد اتوحشتوني ياعرب
نجوي:انتي يبت وطي صوتك ايه الأسلوب البيئة ده ال بتتكلمي بيه انتي معاقبة يومين مفيش خروج من القصر
إسراء:ماما انا لسة جاية احضنيني بوسيني الأول وبعدين عاقبيني
نجوي:يعني مش شايفة المصفف بيظبط شعري مش فاضية لما اخلص نبقي نسلم على بعضينا*قلبها وجعها مامتها زي ما هي بتحب نفسها وبس
اسراء:طيب ي جحة خلصي مع المهرج ده وبعدين ناخد بعض بالاحضان زي ما انتي عاوزة *بصتلها مامتها وحست انا هتتجلط
نجوي:اسراء روحي من وشي حالا متنزليش من أوضتك خالص*كل ده ويوسف مش ماسك نفسه من الضحك بس قلبه واجعه علي اخته ومعامله امها ليها طلعت لفوق اسراء وجريت علي جناح يوسف وخبطت علي الباب ويوسف كان وراها ودخل علي طول دخلت وراه شافوها نايمه علي السرير
اسراء:خلاص ي يوسف هاجي ف وقت تاني تكون صحيت متعملش دوشه*بصلها يوسف وهز راسه وطلعها وقفل وراها الباب صحيت لؤة مفزوعة علي المية الساقعة ال كبها علي وشها
يوسف:وكمان علي السرير مره واحدة قومي غيري الفرش عاوز اتخمد
لؤة: حاضر*استغرب ايه الهدوء ده
يوسف:عاوز اصحي اكل بشاميل ومحشي وشوربة خضار ورز و لحمة
لؤة:حاضر*حس فيه حاجة غريبة
يوسف:بعد ما اصحي هيتكرر موضوع التراب تاني وتنضفي كويس
لؤة:حاضر
يوسف:لاء مش هينفع كده ايه مالك مش عوايدك بالسرعة دي نخيتي هااا
لؤة:محتاج حاجة تاني ي يوسف باشا اعملهالك
يوسف:لا غوري من وشي*غيرت لؤة الفرش تالت مرة ف نفس اليوم ونزلت تعمل الاكل طلعت الخدم وقالتلهم ان ده أمر من يوسف بعد ساعتين خلصت خالص ونضفت مكانها دخلت عليها نجوي
نجوي:انا عارفة ان يوسف مبهدلك هعرض عليكي المساعدة انك تهربي ويطلقك وهديكي ١٠ مليون جنيه هااا
لؤة باستفزاز:انا ويوسف بنحب بعض وعشان كده اتجوزنا وانا لا يمكن اتخلي عنه ولا بكنوز الدنيا
نجوي:ولما هو بيحبك اووي كده موقفك ليه ف المطبخ زي الخدامين وطالب الاكل ده كله منك
لؤي:عشان هو مبيحبش ياكل غير من ايدي وبعدين نفسه مفتوحة والفضل ليا طبعا اسيبك بقا يحماتي عشان الظاهر بيندهلي أيوا ي حبيبي طلعالك*قالتها بصوت عالي دمها فار بتقولها حماتي وبتتنك عليها
نجوي:البت دي مش سهلة
لؤة وهي طالعة:ايوه كده اخيرا لقيت حد اطلع عليه قرفي صبرا ي قبيلة قريش ده انا نفخكم بلدي وافرنجي واوريكم شغل العشوائيات ال بتسمعو عنها*كانت مبسوطة او هديت شوية وصلت للباب وحطت الصنيه علي الارض وفتحت الباب ورفعت الصنيه ودخلت لقته نايم بصتله وكانت هتموت وتفوقه علي طريقتها بس تراجعت عشان مامتها وراحت براحة ناحية الحافظة بتاعت الاكل وحطت فيها الاكل وفتحت البلكونه براحة علي كد ما عدت وراحت تشوف السجاده ال هتتغسل تاني انهاردة هو طبعا بيمثل انه نايم كان مستنيها تناقفه بس محصلش كده قام وقعد علي السرير وبعدين قام وراح براحة ناحية البلكونه لقاها قاعده ف الارض وسانده راسها علي الحيط ونايمه فكر شوية وبعدين فتح الدولاب ودور فيه براحة وطلع مسدسه وراح عندها فتح البلكونه وقرب شويه بينه وبينها مترين وضرب نار صحيت مفزوعة وشافته ماسك المسدس وموجه ناحيتها قامت براحة والدموع ف عنيها
يوسف:صح النوم بقلك ايه انا زهقت بقا وكفياكي اوووي كده *هي عمالة تتشاهد وهو ومصوب المسدس عليها ضرب نار غمضت عنيها وبعديها بدقيقة فتحت وشافته فطسان ضحك وهو باصص عليها فلحظة وقعت من طولها وحضنت نفسها وفضلت تزن اول ما شافها كده قرب منها
يوسف:قومي وبطلي هبل مابكلش من الحركات دي*مفيش فايده كانها مش سامعاه فضل يهز فيها جامد ويزعق ولكن لا حياة لمن تنادي حس ان فعلا هي مش بتمثل وخصوصا انها ابتدت تعرق شالها بالعافيه ووداها للسرير وحاول يهديها مش مستوعب ايه بيحصل مش عارف يعمل ايه قلبة مقبوض مش عاوز يعترف انه زعلان غرورو مانعه قرب منها وحضنها
يوسف:خلاص اهدي مش هكررها تاني بس بقا صدعتيني اهدي*وفضل يواسيها لحد ما هديت شوية بعد خمس دقايق بصتله وبعدت عنه وفضلت تبكي بحرقة سابها وطلع مستحملش المنظر لأول مرة حس ان ال عمال يعذب فيها دي انسانه وليها طاقة وبتحس زيه زي اي حد وان هي بتمثل انها قوية عشان الظروف جبرتها علي كده قد ايه استحقر نفسه انه وصل للمرحله دي عند محمد بيلف ليل نهار بيدور علي اخته وبيلم فلوس عشان يجيب محامي لمامته لم قرشين حلوين علي ال معاه وال استلفهم وراح كلم اخو واحد صحبه واداهمله واتفقو انهم هيروحو القسم فعلا مكملوش نص ساعة وكانو ف القسم
الظابط:خير ي حضرة المحامي
المحامي:حضرتك انا جاي بخصوص قضية مدام عبير حسني
الظابط:بس المتهمة دي ليها محاميها الخاص ويعتبر من أكبر المحامين ف البلد ومعروف اووي
المحامي:ممكن اعرف مين وكلها المحامي ده
الظابط:يوسف باشا ابن سعيد القناوي نفسه عشان يساندها لحد ما نشوف الموضوع هيستقر علي ايه والنيابة بتحقق الي الان لحد ما نعرف هي ولا مش هي
محمد:طب مش ممكن المحامي ده يضرها يباشا بما ان ابن المجني عليه هو ال وكله
الظابط:لا متقلقش ده محامي معروف انه مش بيخسر قضية ولو خسرها هيشوة سمعته بنفسه
المحامي:تمم شكرا ي حضرة الظابط تعبناك معانا
الظابط:لا تعب ولا حاجة وطلعو من المركز ومحمد مش عارف راسه من رجليه واخد قرار انه هيروح ل يوسف القصر الساعة عدت ١٢ رجع يوسف سكران ومش حاسس بحاجة دخل الاوضة وولع النور لقاها صحيت وقعده علي السرير اول ما شافت منظره قامت وبعدت
يوسف:متخفيش انا مش زي نوال خاين انا وعدتك اني مش هحاول أقرب بس اطفي النور*وقرب من السرير وقلع جزمته وجاكت البدلة ونام اول ما اتأكد انه نام خدت مخدة وملاية وفرشتها علي السجادة ال مغسلتهاش تاني وطفت النور وراحت نامت صحيت الساعة سبعة علي صوت كركبة ولقته لبس هدومه
يوسف:شكلك مش حابة تروحي الكلية
لؤة:الكلية قامت ناطة من مكانها بصت حوليها واتنهدت ممعهاش هدوم غير ال لبساها
يوسف:شوفي الاء هتلاقي معاها هدوم كتير بدل الشوال ال لبساه ده*اتغاظت اووي بس مفيش وقت جريت تدور علي أوضة الاء الخدم دلوها فضلت تخبط كتير لحد ما فتحت الاء وكانت نعسانه
الاء:خير ي لؤة
لؤة:محتاجة هدوم ورايا محاضرات بسرعة ونبي
الاء بنعس:حاضر عيوني ادخلي طيب*ودخلت لؤة أوضة الاء كبيرة ولونها بينك وفيها رسومات ورد وعصافير ودولاب كبييير اوووي اكبير من دولاب يوسف
الاء:طبعا محجبة هجبلك فستان مقفول*وفتحت ضرفة كلها فساتين مركات عالمية بصت لؤة بعدم راحة
لؤة:الاء انا بحب الحاجات الهادية عشان متلفتش نظر وكده كل دي فساتين كلها ترتر وفصوص وبتلمع مش مناسبة ليا
الاء:طب بصي ده *طلعت فستان اسود ساده رقيق خالص عجب لؤة وراحت قاسته وطلع مقاسها
الاء:نشيل بقا الطرحة دي عشان مش هتنفع *وشالت طرحتها
الاء:ماشاء الله كل ده شعر ي لؤة ده طويل لحد ركبتك وناعم واسود وشكله حلو مدارياه ليه
لؤة:عشان حرام ولما هرجع من الكلية هحكي معاكي ف الموضوع ده *خبط الباب وفتح يوسف وبصلهم
يوسف:خلصتو*لؤة أول ما شافته استخبت ورا الدولاب طلع يوسف بعد حركتها ورد الباب
الاء:جوزك ي هبلة بتستخبي منه
لؤة:الاء اتاخرت ارجوكي هاتي طرحة
الاء:انا معايا ايشارب مش طرحة بس مش هيلم شعرك ولا اقلك معايا حاجة شبه الطرحة شيفون لونها زهري جميله خديها *وفعلا لبستها لؤة وخدت جزمتها الزهري بردو وطلعت