رواية حب خارج ارادتي 💞
( الفصل الخامس والسادس)
بقلم مآآهي آآحمد
ومره واحده غرام قامت من النوم مفزوعه وبقت في حضنه
عز : 😳😳
غرام فضلت ماسكه في عز وهي مش حاسه بنفسها وفضلت كده لحظات وهي مغمضه عنيها
ومره واحده غرام حست بنفسها وفتحت عنيها وبعدت عن حضنه ونزلت ايديها من علي علي ضهره وحطيت ايديها علي شعرها بالراحه و بصيتله بقت دقات قلبها تزيد ونفسها يزيد وبقي وشه قريب لوشها لدرجه انهم بقوا سامعين نفس بعض من كتر قربهم لبعض ولاول مره عيونهم تتلاقي كان بينهم نظره طويله هما الاتنين ومره واحده عز قطع الصمت الرهيب اللي فضل ما بينهم للحظات وقلها
عز ضحك ضحكه سخريه اللي هو
عز : ههه ارتاحتي طبعا لما بقيتي في حضني
غرام بلعت ريقها وقالتله
غرام : تقصد ايه
عز قرب منها اكترر وبقي يفك زراير القميص اللي كان لابسه زرار بعد زرار
بقلمي مآآهي آآحمد
عز مع كل زرار يفكه كان صدره بيبان اكتر وعضلاته بتبان وكان لابس سلسله صغيره اوي الحبل بتاعها رفيع جدا مع شعر خفيف علي صدره
عز قرب منها اكتر وحط ايده علي وشها وبقي يلمس خدها بضهر ايديه بالراحه اوي غرام غمضت عنيها ومره واحده غرام فاقت لنفسها وفتحت عنيها وراحت لطشته حته قلم علي وشه فوقه
عز : يابنت ال ... انتي بتضربيني انا
غرام : قامت بسرعه من علي السرير وبتبص لاقيت تفاحه وجنبها سكينه علي الكومود وقالتله
غرام : اقسم بالله لو لمستني لاقتل نفسي
عز : قرب منها خطوه بعد خطوه وغرام رافعه السكينه علي رقبتها
غرام بقت ترجع خطوه ورا وعز يقرب خطوه عليها لحد ما غرام ضهرها خبط في الحيطه
عز بقي قدام غرام وجسمه لازق في جسمها
غرام : ابعد عني ماتقربش مني
عز رفع السكينه بأيديه اكتر علي رقبه غرام وحد السكينه بقي علي رقبتها بالظبط
عز : مش انتي عايزه تقتلي نفسك .. يلا اقتلي نفسك
غرام غمضت عيونها ودموعها بقت تنزل منها
عز : ايه .. مش هتموتي نفسك .. طيب تحبي اموتك انا
غرام فتحت عنيها وقالتله
غرام : ياريت
عز : بس كده ده طلب بسيط اوي حتي عشان ارد القلم اللي ادتهوني
عز بقي يضغط بالسكينه علي رقبه غرام اكتر
لحد ما رقبه غرام بقت تنزل دم
واول ما غرام اتعورت وحست بالوجع اللي في رقبتها بقت تتوجع وكل ما تتوجع عز يغرس حد السكينه اكتر في رقبتها
وبعدها عز قلها
عز : ( ببرود وللسكينه علي رقبتها ) هااا .. لسه بتتمني انك تموتي
غرام وهي مش قادره تتنفس
غرام : ا.. اا .. ايوه
عز : غرس السكينه اكتر وبقي يبصلها وكان عايز يجيب اخرها واخيرا وهو بيحرك السكينه علي رقبتها اكتر
راحت غرام نطقت وقالت
غرام : كفايه .. ودموعها نازله وبقت تحرك راسها يمين وشمال ك.. كفا.. كفايه
عز وهو مقرب منها اوي ووشه في وشها قلها
عز: غريبه يعني مش عايزه تموتي
غرام : لاء .. لاء مش عايزه اموت
عز بعد السكينه عن غرام وبعد عنها وغرام بسرعه اخدت نفسها وحطت ايدها علي الجرح والدم بقي ينزل ما بين ايديها
عز : القلم اللي ادتهوني ده تمنه غالي الجرح اللي جرحتهولك ده مايجيش حاجه في اللي هتدفعيه
انا بحذرك احنا هنقعد مع بعض سنه حاولي في السنه دي ماتظهريش قدامي كتير
بقلمي مآآهي آآحمد
غرام : ( بنفس مقطوع) حاضر ..
( ملحوظه اي اكونت ناشر الروايه غير اسم ماهي احمد دي مش بتاعته )
غرام بسرعه دخلت الحمام وبقت تبص علي نفسها في المرايه
وايديها كلها دم راحت حطت ايدها علي المرايه والمرايه اتبهدلت دم وبقت تمسح عنيها من الدموع ووشها كله بقي دم ومره واحده حست ان من كتر الدم اللي نزل منها هيغمي عليها راحت بسرعه بقت تدور علي شاش وقطن في الحمام وفتحت الدرج ولاقيته ولانها ممرضه بتعرف تخيط الجرح لما كانت بتدخل العمليات مع الدكاتره وكانت شاطره وبتتعلم بسرعه
وواحده واحده خيطت جرحها وحطت عليه شاش وقطن وبعدها نضفت جسمها ودخلت اوضتها ونامت علي سريرها وضمت رجلها بأيديها كانت هي دي قعدتها ونومتها المفضله كانت دايما بتحاول تحضن نفسها عشان عمر ما حد حضنها في يوم غير امها اللي ماتت وسابتها من صغرها
-----------------------------------------------
( تاني يوم )
عز صحي الساعه سته زي عادته دخل اخد الشاور بتاعه بيبص لقي المرايه كلها دم غرام مانضفتش من وراها بعد ما خيطت الجرح كانت تعبانه جدا ومش قادره تقف
عز اتغاظ جدا من شكل الحمام المقرف ونزل بسرعه لغرام
وفتح الباب عليها وهو بيزعق وبيقولها
عز : انتي ياهانم
غرام من كتر التعب كانت نايمه ومش قادره تتحرك ومش حاسه بنفسها وكانت حاضنه نفسها وضمها رجليها بأيديها
عز شاف نومت غرام افتكر بسرعه لما كانت مرات ابوه بتظلمه وتقول عليه كلام محصلش لباباه وتتبلى عليه وباباه طبعا يصدقها ويكدبه هو ويعاقبه كان برضوا بيجرى علي سريره ويحضن نفسه وهو صغير وينام نفس النومه دي
عز اول ما شافها كده واول ما افتكر نفسه بحركه لا اراديه منه راح جاب الغطا وغطاها بيه ولسه هيسيب الغطا علي جسمها عز بسرعه راح رمي الغطا في الارض وقال لنفسه
عز : ( في نفسه ) فوء ياعز انت بتعمل ايه دول كائنات قذره مايستحقووش الشفقه ولا الرحمه كلهم صنف واحد كلهم حيوانات بيجروا ورا غريزتهم وبس
عز مشي وراح مسك الاوكره بتاعت الباب ورزع الباب
غرام من كتر الرزعه بتاعت الباب قامت واتنفضت بسرعه من علي السرير بتبص لاقيت الساعه سته والساعات بتاعت الفيلا كلها بقت تضرب جامد اوي وعرفت ان ساعات الفيلا دي بتضرب مرتين في اليوم مره سته الصبح وقت صحيان عز ومره سته بالليل وقت رجوعه
غرام قامت بسرعه عشان تحضر الفطار لعز عشان كانت خايفه من عقابه جداا
وطلعت تجري علي المطبخ بتبص لاقيت نفسها لابسه هوت شورت وبدي حماله رجعت بسرعه اوضتها غيرت هدومها وطلعت علي المطبخ وحضرت الفطار وكان عز نازل من علي السلم وهو لابس وماشي
غرام : الفطار جاهز
عز : هاتي الpasket
غرام : ( باستغراب ) ال pasket
عز : ( بشخيط ) ايوه هاتي ال pasket بسرعه
غرام راحت بسرعه جابت ال pasket بتاعت الزباله وجت
عز راح حط الاكل اللي غرام عملته في الزباله وقلها
عز : الساعه بقت سبعه وانا فطارى سته بالدقيقه ما بعرفش اكل في وقت غير ده المره اللي جايه سته يكون الفطار محطوط
غرام داست علي سنانها واتنرفزت وهي شايفه الاكل اللي تعبت فيه اترمي في ال pasket عز بعدها سابها ومشي كان بارد معااها لابعد الحدود
غرام وقتها غمضت عنيها واخدت نفس وحاولت تهدي نفسها وبقت طول اليوم حرفيا تنضف الفيلا من الاكل اللي كان مرمي في الارض والدم اللي في الحمام وعز علي قد ما بيقدر كان بيبهدل اوضته عشان غرام تتعب في التنضيف اكتر واكتر
بقلمي مآآهي آآحمد
غرام بعد ما خلصت اخيرا بتبص علي التلاجه مالقيتش الورقه اللي عز بيكتبها عشان تشوف هتعمل غدا اي وفضلت مرعوبه طول اليوم عشان لما ييجي اكيد هيسألها عن الاكل ومابقيتش عارفه تعمل اي
الساعه جت سته بس اليوم ده الساعات مادقتش زي كل يوم في نفس الميعاد غرام استغربت هو ازاي الساعات مادقتش الساعه عدت سبعه وتمانيه وجت علي ١٢ وبرضوا عز ما جاش وغرام بقت خايفه موووت من انها تقعد لوحدها مع ان هي شيفاه شيطان في البيت ولما بيكون موجود مابيعملش حاجه غير انه يأذيها بس وجوده في البيت بيطمنها
بقلمي مآآهي آآحمد
غرام بتبص سمعت صوت جواميس جايه في الجنينه طلعت تجري بسرعه تشوف في ايه لاقيت ناس بعربيان نص نقل جايه وجايه اربع جواميس وحطيتهم قدام الفيلا وربطوهم
الرجاله: تؤمرنا بحاجه تاني ياعز بيه
عز : لا يارجاله اتكلوا انتوا علي الله
غرام بقت تبص من الشباك بتاع اوضتها وبقت مستغربه من اللي بيحصل وبقت تقول في نفسها اي الجواميس دي كلها
عز فتح الباب بتاع الفيلا ورمي الجاكيت بتاعه في الصاله وطلع علي اوضته حط مفاتيحه علي الكومود ورمي نفسه علي السرير
غرام اول ما عز جه اتطمنت ونامت
وبعدها صحيت تاني يوم الصبح علي صوت زماره عربيه
مراد : تييييييييت .. تييييييييييييييت
عز : اسكت بقي شويه فضحتنا
مراد : بسرعه ياعز شويه هنتأخر علي صلاه العيد
عز كان لابس الجلابيه السودا بتاعته وكان بيزرر كمام الجلابيه ونازل من علي السلم غرام وقتها افتكرت ان النهارده العيد
غرام : ياااااه ده انا ناسيه حتي ان في عيد للدرجه دي حتي العيد ما حسش بي وعشان تحس بالعيد فتحت التليفزيون علي التكبيرات بتاعت العيد وطلعت ايسدالها وبقت تصلي العيد مع الصلاه وهي بتصلي بقت دموعها تنزل منها من كتر حزنها ومن كتر مافيش حد معاها حتي يقولها كل سنه وانتي طيبه
بقلمي مآآهي آآحمد
وبعدها سمعت صوت ناس كتيره اوي بره في الجنينه وعز ابتدي يرفع الجلابيه وبقي يمسك الجاموسه وبيدبحها بأيديه واول ما يدبح الناس اللي معاه تسلخ وتنضف الجاموسه دبح الاربع جواميس وبقي يحط ايده في الدم ويمسح في مراد ومراد يخاف ويجري من الدم عز كان بيضحك من قلبه مع مراد ولاول مره غرام تشوف ضحكت عز
لما بيضحك شكله بيبقي مختلف تماما مش هو عز القاسي اللي بيعاملها بكل قسوه عز اخد اللحمه وبقي يعملها كياس والناس كانت واقفه قدام الفيلا كتيييييير اوي زي ما يكونوا عارفين كل سنه بييجوا ياخدوا لحمه من عز وعز بقي يفرق عليهم كلهم وبزياده كمان
واللي اخد مره ياخد التانيه لحد ما اللحمه كلها خلصت والكل مشي
والدنيا كانت متبهدله في الجنينه حرفيا
عز دخل في الفيلا وهو كله دم واول كلمه قالها
عز : انتي يازفته
غرام : كل سنه وانت طيب
عز بصلها وسكت وبعدها مشي وقلها الجنينه دي كلها دم وقرف تتنضف حالا انتي فاهمه
غرام : فاهمه
عز جه يطلع علي السلم عشان ياخد الشاور بتاعه راح قلها
عز : غرام
غرام راحتله وقالتله
غرام : نعم
عز : وانتي طيبه
وسابها وطلع .. عز قلع هدومه ودخل اخد شاور وعو تحت الدش وبيلوم نفسه انه رد عليها وقلها وانتي طيبه
عز : ( في نفسه ) اي الغباء بتاعي ده اي اللي يخليني ارد علي واحده زي دي مش فاهم انا
عز بعدها لبس وطلع بره اافيلا ركب العربيه السودا بتاعته ومشي وهو مخنوق جدا وبقي وهو ماشي بقي من كتر غله صوت الكاوتشات بتاع العربيه بقي بيطلع نار اصلا من كتر الحكه في الارض
غرام فضلت طول النهار تشيل القرف بتاع الجواميس وتشيل الد"م لحد ما اخيرا خلصت وتعبت وجت لسه هتدخل اوضتها بتبص لاقيت عز جاي ووراه عربيتين jeep لونهم اسود
ومره واحده عز نزل من العربيه وقال
عز : هاتووه
غرام مشيت وراه عز بتبص لاقيت في مخزن ورا الفيلا
اخد الراجل ومعاه بودي جاردات ومره واحده بتبص من بعيد
عز : انت خونتنا
الراجل : لا ياعز بيه انا عمري ما اخونك
عز : انت اللي قولت للبوليس علي العمليه بتاعتنا
الراجل : محصلش .. محصلش
عز : لو قولت الحقيقه هموتك انت بس لكن لو كدبت هموتك انت وعيالك
( بشخيط ) انطق انت اللي قولتلهم علي ميعاد العمليه الجديده
الراجل : لاء عيالي لاء عيالي مالهمش ذنب ياعز بيه ايوه
ايوه انا اللي قولتلهم كانوا هيقتلوني لو مكنتش اشتغلت معاهم
عز : انت كده كده ميت
ومره واحده رفع المسدس وضرب الراجل طلقه في قلبه مات في ساعتها وقتها غرام شافت كده راحت مصوته
غرام : اااااااه
عز : 😳😳
حب خارج ارادتي 💞
( الفصل السادس)
غرام اول ماشافت عز بيضرب الراجل بالرصاص راحت مصوته
غرام : اااااه
عز :😳😳
عز بص لغرام لقاها طلعت تجرى غمض عينه وداس علي سنانه من غضبه انها شافته وطلع يجرى وراها هو والبودي جاردات بسرعه
غرام بقت تجرى علي بوابه الفيلا وبعدها حاولت تفتح الباب معرفتش
عز مسكها والبودي جارد اللي وراه طلع المسدس وحطه علي راسها غرام وقتها غمضت عنيها وهي ميته من الرعب وقالت
غرام : اشهد ان لا اله الا الله واشهد ان محمدا رسول الله
البودي جارد لسه هيضغط علي الزناد وهيضرب بالنار
عز : بتعمل ايه ياحيوان انت
غرام فتحت عنيها بسرعه اول ما سمعت عز بيقول كده وبسرعه وقفت وراه ضهره واتحامت فيه
البودي جارد: عز بيه دي شافتنا وماينفعش انها تفضل عايشه
جابر بيه المنفلوطي لو عرف حاجه زي كده مش هيتبسط ابدا
عز : انا عارف انا بعمل اي كويس وبلغ جابر بيه ان كل حاجه تحت سيطرتي
البودي جارد : ايوه ياعز بيه بس
عز قطع كلامه وقاله
عز : مافيش بس انا المسؤول لو حصل حاجه
البودي جارد: تحت امرك ياعز بيه
بقلمي مآآهي آآحمد
البودي جارد رجعوا عشان ياخدوا الجثه معاهم
عز : سيبها انا هتصرف في الجثه
البودي جارد: تحت امرك ياعز بيه
البودي جارد مشي من هنا وغرام بقت بتبص بخوف لعز من هنا
عز مسك غرام وبقي يشدها من ايديها ودخلها الفيلا ورماها في الارض
عز : ( بزعيق وشخيط ) انتي غبييييييييييه
انتي ايه اللي طلعك من الفيلا
غرام : ( غرام وهي واقعه في الارض وبتسحف برجليها لورا وعز موطي وبيبصلها غرام قالتله
غرام : انت قتال قتله انتوا مش بس ظلمه ومفتريين انتوا كمان قتالين قتله
عز قرب منها وقلها : اخرسسسسي مش عايز اسمع صوتك خالص انتي فاهمه 😡
غرام : حااضر .. حاضر انا هسكت خالص وحطت ايدها علي بوقهاا
بقلمي مآآهي آآحمد
عز فونه رن
عز : ( بنرفزه ) الوووو ايوه يامراد
مراد : _______________
عز : خلاص يامراد انا هتصرف
مراد : _______________
عز : ماقولتلك خلاص يامراد انا هتصرف
عز قفل الفون في وش مراد ورمي الفون بتاعه في الارض اتكسر ١٠٠ حته من نرفزته
عز : اعمل فيكي اي دلوقتي
غرام: ( بعياط وتوسل ) ماتموتنيش
بقلمي مآآهي آآحمد
عز بقي يشد غرام من ايدها
غرام : ( بقهره وعياط ) انت بتعمل كده ليه .. خلاص اقولك ماتموتنيش وانا ماشفتش حاجه والله ما شوفت حاجه
عز وقتها كان لسه بيشد فيها وماشي بيها وهي وراه وباصص قدامه
غرام : طيب رد عليا انت خلاص كده هتقتلني ..
( وهي بتحاول تفك ايديها من ايده ) طيب رد عليا ماتسبنيش كده
( عز وقف وبصلها )
عز : ( بنرفزه وزعيق ) انتي مش فاهمه حاجه عشان غبييه ..غبييييييه انتي ضيعتي نفسك بأيديكي
عز مسك غرام ودخلها الاوضه وقفل عليها الباب بالمفتاح
وركب عربيته السودا وراح لعم حسين في المستشفي
الممرضه : يا اذستاذ مافيش زياره دلوقتي
عز بص للممرضه بصه واحده وقتها.. بس كانت نظره كلها غل حرفيا راحت الممرضه بعدت عنه ودخل لقي عم حسين نايم علي السرير
عم حسين صحي واول ما شاف عز وهو مخنوق كده
عم حسين: مالك يابني فيك ايه طمني عليك
عز : مافيش ياعم حسين حبيت اطمن عليك مش اكتر
عم حسين : هتخبي علي عمك حسين
عز : سيبني براحتي ياعم حسين سيبني اكون جنبك عشان ارتاح
بقلمي مآآهي آآحمد
عم حسين : تعالي يابني تعالي جنبي
عز قعد مع عم حسين شويه وفضلوا يتكلموا في اي حاجه لحد ما عم حسين راح في النوم
عز حط فلوس جنب عم حسيم ومشي
ورجع الفيلا وابتدي يحفر حفره ودفن فيها الجثه وحفر حفره تانيه لغرام ودخل الفيلا وفتح الاوضه علي غرام
غرام كانت قاعده علي السرير وضمه رجلها واول ما شافت الباب بيتفتح بسرعه وقفت جنب السرير بتبص لاقيت عز داخلها وبيبصلها
غرام : ايه .. بتبصلي كده ليه ؟
عز : __________
غرام : خلاص هتقتلني صح
عز شدها من دراعها وطلعها بره الفيلا وعز شاددها من دراعها
غرام : ( بخوف ) مكانش قصدي ابص عليكم .. والله ما كان قصدي مش هتتكرر تاني صدقني مكنتش اعرف .. مكنتش اعرف
عز وقتها وقف غرام جنب الحفره وغرام شاافت قبرها بعنيها
(غرام وهي واقفه جنب قبرها )
غرام وهي مش قادره تتكلم وبتاخد نفسها بالعافيه
غرام : ده .. ده .. قب .. قبري .. ص .. صح
عز من غير ما ينطق ولا كلمه
رفع المسدس علي غرام وحط ايده علي الزناد وخلاص كان هيموتها لقي اللي حط ايده علي كتفه راحت طلقه النار طلعت غلط ومره واحده راحت الطلقه عدت من جنبها بالظبط والطلقه جت في الهوا
عز بيبص وراه لقاه جابر المنفلوطي اللي حط ايده علي كتفه
جابر المنفلوطي: كنت عارف انك هتعمل كده
عز : مافيش حل تاني غير كده
بقلمي مآآهي آآحمد
جابر المنفلوطي: ( ضحك ضحكه سخريه ) لاء فيه غرام بنت عاقله ومافتكرش انها هتتكلم مع حد علينا صح ياغرام
غرام : صح والله صح عمري ما هتكلم مع حد ولا حتي هشوف حد
جابر المنفلوطي: شوفت بقي
عز حط المسدس وراه ضهره وقاله
عز : اللي تشوفوه ياجابر بيه
جابر المنفلوطي:( حط ايده علي كتف عز وقاله ) بس انت طلعت اسد ياعز كل يوم بتثبتلي انك اقوي من الاول بكتير
عز : انا مطلعتش انا طول عمرى
جابر المنفلوطي: طيب يا اسد النهارده خطوبه بنتي ولازم تجيب المدام اللي لازم تقعد معاها سنه علي الاقل عشان تحضروا الخطوبه دي خطوبه عائليه وكل واحد بيجيب مراته معاه
عز : الف مبروك بس اعذرني انا من الحفله دي
جابر المنفلوطي: ماتعودتش حد يرفضلي طلب
( وهو ماشي وحاطط السيجار في ايده شاورله وقاله )
جابر المنفلوطي : مستنيك
جابر المنفلوطي مشي ومعاه كل البودي جاردات بتوعه
بقلمي مآآهي آآحمد
غرام غمضت عنيها وخدت نفسها ومشيت من قدام عز وهي ماشيه عز شدها و مسك ايدها وقربها منه وبقت وشها في وشه
عز راح قلها
عز : جابر المنفلوطي انقذك مني المره دي مش هقولهالك تاني حاولي علي قد ما تقدرى تتجنبيني ياغرام انتي فاهمه
غرام : (شدت ايدها من عز ونزلتها جنبها وقالتله )
غرام : انت عمرك ما كنت بني ادم انا عمرى ماشوفت بني ادم زيك كده انا بكرهك وهفضل طول عمرى اكرهك انت واخوك
عز : راح ابتسم واخد نفس وحط ايديه الاتنين في جيوبه وبص جنبه ورجع بصلها تاني وقلها
عز : طيب حافظي علي عمرك بقي عشان تعرفي تعيشي وتكرهيني
غرام : انت حيوان
وجت تسيبه وتمشي شدها من ايدها مره تانيه وقربت من حضنه وقلها
عز : الحيوانات بس هي اللي بتجري ورا غريزتها زيكوا كده
مافتكرش ابدا اني اكون انا الحيوان
غرام زقت عز بأيديها الاتنين ودخلت علي اوضتها بسرعه وقفلت الباب عليها واترمت علي سريرها وفضلت تعيط
اليوم ده كان من اصعب الايام اللي عدت علي غرام مع انه كان اول يوم العيد بس بالنسبالها كان اسود ما في العيد
تاني يوم الصبح طلع عليهم وغرام نايمه الساعات فضلت تدق بس غرام عشان فضلت تعيط طول الليل لحد ما عنيها ورمت من العياط ما صحيتش
عز دخل عليها لقاها نايمه ورغم انها نايمه الدموع كانت بتنزل من عيونها برضوا
( ملحوظه انا مابنزلش الروايه دي في اي حته غير الاكونت بتاعي اي اكونت منزلها غير اسم ماهي احمد دي مش روايته )
اول ما شافها كده راح قفل الباب بالراحه جدا وطلع بره
وابتدي يروح يأكل الحصان بتاعه
عز بقي يحط ايده علي الحصان ويطبطب عليه وقاله
عز : جاهز يابطل
عز فك الحصان من الاسطبل واخده ولان الحصان ده صعب اي حد يتعامل معاه بس برضوا عز كان بيحب يركبه عشان حصان عنيد زيه ومابيسمحش لحد انه يركب فوقيه بسهوله عز ما كانش بيحب يشترى غير الخيول الاصليه وعز مره واحده راكب علي الحصان راح الحصان بقي يسرع بيه اكتر واكتر بقي يجرى بسرعه رهيبه ماعرفش يتملك من الحصان في الاول ومن كتر سرعه الحصان وغضبه الحصان للاسف وقع وعز وقع من فوقيه
غرام سمعت الحصان وهو بيعمل صوت زي ما بيكون بيستغيث من كتر الالم اللي كان في رجله وعز حاول يقوم بس ركبته كلها بقت دم بس طبعا مع عناده قام علي ركبته وهو مش قادر ومشي عليها بس كان بيعرج
غرام اول ما شافته كده جريت عليه واول ما بقت قدامه
بقت بصاله وبقت تقول في نفسها
غرام : بقي رايحه تجرى علي الراجل اللي كان هيقتلك امبارح
عز : ( وهو باصصلها في عنيها بقي يقول في نفسه )
معقول بعد ما كنت هقتلها امبارح هتبقي عايزه تساعدني
غرام وقفت ومستنيه منه يقولها اي حاجه رجلي اتجرحت ساعديني .. اي حاجه
بس طبعا عز بعناده ماتكلمش غرام سابته وراحت للحصان ولاقيته مجروح
عز : سبيه ابعدي عنه
غرام: الحصان مجروح
عز وهو مش قادر يقف راح قلها
عز : وحتي لو مجروح هيقوم لوحده مش هيستني من حد انه يساعده عشان يقوم
غرام : انت ليه رابط كل حاجه بيك انا بتكلم عن الحصان وجت تقرب منه
عز : دي اخر مره هحظرك فيها انك تبعدي عنه
غرام : ( بعناد ) لاء مش هبعد ياعز
غرام طلعت بسرعه وجابت جردل في مايه وبقت تحط فيه قماشه وتمسحها علي رجل الحصان وبكل حب بالراحه جدا حاولت تقوم الحصان والغريبه ان الحصان قام معاها ومشي عز شاف كده بقي مستغرب الحصان ده بالذات ما بيمشيش مع حد بسهوله
وبعدها غرام اخدت الحصان ودخلته الاسطبل وبقت تمشطله جسمه كله بحنيه وتأكله حبات السكر اللي بيحبها
وبقت ترش عليه مايه وفضلت مع الحصان مارضيتش تسيبه
عز شاف كده راح سابها مع الحصان ودخل الفيلا وراح جاب الاسعافات الاوليه وقطع البنطلون بتاعه وبقي يحط مطهر علي الجرح وبعدها حط شاش وقطن وهو بيحط القطن اللزق وقع منه في الارض وبقي قدامه وجه عشان يقوم يجيبه بقي بيتوجع اللزق وهو بيقع وقع في داخله غرام الفيلا وبقي تحت رجليها
عز بص لغرام وهو متأكد انها هتجيبله اللزق لحد عنده بس اللي حصل ان غرام داست علي اللزق برجليها وسابته ومشيت
بقلمي مآآهي آآحمد
عز اتنرفز وقام وجاب اللزق حطه علي الجرح وبعدها غرام دخلت المطبخ عشان تحضر الغدا
عز : اعملي حسابك كمان شويه لازم نمشي عشان نشتريلك حاجه نضيفه عشان تمشي جنبي في خطوبه بنت جابر المنفلوطي
غرام : مش لازم اروح
عز : ( بشخيط ) لاء لازم تروحي واسمعي بقي انا محدش يقولي لاء انتي فاهمه
غرام خافت منه وقالتله
غرام : حاضر خلاص هاروح
عز : تمام قدامك نص ساعه وتكوني جاهزه
بقلمي مآآهي آآحمد
غرام دخلت تلبس اللبس العادي بتاعها وعز طلع غير هدومه ونزل لغرام لقاها واقفه عند الباب مستنياه
عز ركب وغرام ركبت جنبه ودخلوا في محل فخم جدا وشيك اوي
اللي بتبيع : اهلا ياعز بيه عاش من شافك
عز : اهلا
اللي بتبيع : حضرتك تؤمر
عز : شايفه دي
اللي بتبيع : اكيد شيفاهه
عز : عايزها تنضف
اللي بتبيع : بس كده من عنيا انت تؤمر
البنت اخدت غرام وبقت تجيبلها فساتين كتير اوي
وكل فستان غرام تقيسه توريه لعز
بقلمي مآآهي آآحمد
عز : مش حلو غيريه
غرام دخلت وغيرت الفستان وجابت واحد تاني
عز : مبينك تخينه اوي من تحت
وراح كلم البنت اللي بتبيع وقلها
عز : بقولك عايزها تنضف
البنت : انا فهمت طلبك يافندم
البنت جابت فستان تحفه لغرام ولبستهولها كان فستان اوف وايت وماسك علي جسمها بكمام طويله وقصير من قدام وجاي بديل من ورا ولبست عليه جزمه كعب ابيض كان اكنه متفصل عشان غرام كانت قمر فيه عز اول ما شافها بالفستان فضل باصصلها لحظات وبعدها اتنهد وقال
عز : ده كويس روحي غيريه
غرام : اخيرااا حاجه عجبتك
عز : انا مافيش حاجه بتعجبني بسهوله
غرام : طبعا انت هتقولي
غرام دخلت تغير وفي بنت تانيه قالتلها تحبي اساعدك وافتحلك السوسته
غرام : ياريت
غرام دخلت البروفه والبنت معاها وقفلوا باب البروفه
غرام كانت باصه في المرايه وقالت للبنت
غرام : معلش بس افتحيلي السوسته
البنت : اسمعيني كويس مافيش وقت انا الرائد مروه السيوفي احنا متابعين كل خطوه ليكي وعارفين انك دخلتي عرين الاسد مش بمزاجك
غرام اول ماسمعت كده جت تلف عشان تبصلها
الرائد مروه : لو حابه تنتقمي من عز واخوه واتخلصي البلد من شرهم كلميني علي الرقم ده اول ما تقدرى احنا محتاجينك تساعدينا عشان نقدر ننضف البلد من اشكالهم
غرام : انتي بتقولي ايه
الرائد مروه : زي ما بقولك كده كلميني علي الرقم ده وادتها ورقه في ايديها وانا هفهمك تعملي اي بالظبط عشان نقدر نمسك ادله ونقبض علي عز واللي زيه
بقلمي مآآهي آآحمد
غرام مسكت الورقه وحطيتها في صدرها بسرعه وعز كان جاي
الرائد مروه : لو اتعاونتي معانا هتعرفي تاخدي حقك منه هو واخوه ومن كل اللي اغتصبوكي
عز : انتي بتعملي اي كل ده
غرام :_____________
عز راح فاتح الستاره عليها مره واحده بيبص لقاها لوحدها ولقي ان سوسته فستانها القديم مفتوحه لاخر ضهرها
غرام : انا .. ( وبلعت ريقها ) انا .. مكنتش عارفه اقفل السوسته
عز قرب من غرام اوي وبقيت هي باصه لمرايه البروفه وهو مقرب منها وباصص عليها في المرايه ولمس ضهرها بصوابعه وجابلها شعرها علي جنب بالراحه وقتها غرام غمضت عنيها واتنهدت عز كان قريب من غرام لدرجه انها كانت سامعه صوت نفسه في ودنها وبعدها مسك السوسته ورفعها والبرا بتاعتها كانت مفتوحه من ورا راح عز مسك البرا من الناحيتين وضمهم علي بعض كل ده وغرام متوتره جدا وهو شايف ريأكشنات وشها في المرايه وبعد ما قفل البرا راح قفلها السوسته وراح اتكلم بالراحه اوي في ودنها وقلها
عز : ( بهمس) ماتخافيش مابلمسش حد غيري لمسه قبل كده
غرام عز قلها الكلمه دي وسابها ومشي
وقتها غرام حست بكسره كبيره في قلبها كلامه جارح وقاسي اوي دموعها نزلت منها وبقت تمسحها في المرايه وبعدها اخدت الفستان ومشيت وراحت الفيلا هي وعز قلعت وفيرت هدومها وحطت ميكب خفيف وبيرفيوم ولبست الفستان كلنت زي القمر
وعز كمان لبس البدله السودا بتاعته ولبس الساعه الروليكس وحط بيرفيوم ورغم انه مش قادر يمشي علي رجله بس طبعا كلن بيعاند ويدوس علي رجله اكتر
عز اول ما نزل كان نازل علي السلم وبيلبس الجاكيت وهو نازل وراحت غرام طالعه من اوضتها مع تسريحه شعرها وجمالها الطبيعي كانت زي القمر عز الجاكيت وقع منه من كتر ما ماكنش قادر يقاوم جمالها وبعدها كشر كده وراح ماتكلمش معاها ربع كلمه وركب العربيه وهي ركبت جنبه وهما ماشيين بالعربيه وقفوا في اشاره مرور ووقفت جنبهم عربيه فيها شابين وكانوا مستنيين الاشاره تفتح وبعدها بقي الشاب اللي بيسوق راح غمز لصاحبه عشان يبص علي غرام كانت زي القمر وقتها غرام مكانتش واخده بالها وباصه قدامها راح عز قافل الشباك بتاع غرام بسرعه والشاب لاحظ ان عز اخد باله راح اول ما الاشاره فتحت راح الشاب اخد العربيه وطبع يجرى بيها
غرام : قفلت الشباك ليه
عز : كده مزاجي
غرام : فعلا انت كل حاجه بتعملها بمزاجك
عز دخل الحفله هو وغرام وسلم علي المنفلوطي وعلي بنته وقعد غرام علي طرابيزه وعز قعد جنبها وكان في عصير قدامهم علي الطرابيزه عز وغرام في نفس اللحظه مدوا ايديهم عشان ياخدوا العصير سوا راحت ايده لمست ايد غرام .. عز فضل حاطط ايده علي ايد غرام وبقي يبصلها راحت غرام شالت ايدها بسرعه من تحت ايديه
وبعدها العروسه والعريس بقوا يرقصوا slow راح اللي واقف علي الدي جي طلب من كل كابلز يقوموا يرقصوا طبعا كل كابلز قام يرقص وغرام كانت بتبص عليهم وهي مبسوطه اوي راح واحد كان قاعد علي الطرابيزه اللي جنبهم وكان بيبص عليها راح قام ومد ايده لغرام وطلب منها انها تقوم ترقص معاه
راح عز بصله كده وقاله
عز : مابترقصش مشلوله .
الشاب بصله كده واستغرب
عز : ايه مش سامع بقولك ايه
الشاب : لا سمعت وسابها ومشي
غرام : كلامك سم
عز: انا كلامي كده
جابر المنفلوطي لاحظ اللي حصل راح لعز وقاله
جابر المنفلوطي: طيب ماترقص معاها انت طالما مش عايزها ترقص مع غيرك
غرام : وانا اصلا مارضاش ارقص معاه
عز : ده عشان واحده زيك مابتعرفش ترقص
غرام : اللي زيي تعرف ترقص احسن من اللي زيك بكتير
عز : طيب ما تورينا
غرام اتنرفزت وقامت ترقص مع عز وكل كابلز كانوا بيرقصوا سوا ومره واحده الموسيقي اتغيرت وعز بقي يخلي غرام تلف ومره واحده يشدها لحضنه كل اللي كان بيرقص لما شاف طريقه رقصهم وقد ايه هما مندمجين في الرقص مع بعض وسعوا وعملوا دايره حواليهم حتي العريس والعروسه
مهما احكيلكم عن المشهد ده مش هعرف اوصفه من كتر جماله عشان كده انا عملته فيديو دوروا على بيدج حكآآيآآت مآآهى علي الفيس هتظهرلكم علي طول واتمني الفيديو يعجبكم
عز بقي يمسك غرام من وسطها ويرفعها ويحط ايده علي وسطها ورقصهم كان حلو اوي سوا
وعز كل ما يقربها منها
عز : اتعلمتي الرقص ده فين
غرام تبعد ومع اول موسيقي تقرب
غرام : كنت بشتغل في صاله تدريب للرقص قبل كده واتعلمت هناك
وبعدها عز لف غرام بأيديه لفه والتانيه والتالته ومره واحده غرام بعدت شويه بتبص لاقيت حد تاني دخل في الرقصه واخدها في حضنه وبصت في عنيه
غرام وهي بتبصله : هو انت
عز : شريف 😳😳