رواية وريثه العهد بقلم اسماء يماني
البارت الاول والثاني
بقلم اسماء يماني
لكل وقت كبوه ول جواد كبوه
،هكذا هو عنوانى الذى اتخذته فى حياتى لاشئ كبير عن الخطا نحن مثل الفرس الذى يسرى بصاحبه لانعرف متى سوف يتوقف ولا كيف سينتهى
بك الامر وحيدا وسط اطلال وذكريات مضت وتكتشف حقيقه مريره وتجربه خياليه لم تكن تتوقعها و تعرف انك فى واقع مزيف تكتشفه موخرا ،ولاتعرف من انت
وماهو دورك الذى ستكلف بيه لتخوض تجربه خياليه وتكون وريث لعهد جديد سيغير مجرى العالم باكمله
--------------------------------------------
-فى مكان ما فى مصر نرى اثنين يتهامسون فى امر مريب ،
- الطرف الاول " وبعدين لازم ترجع ضروري حياتها فى خطر والمكان هناك مش امان وهى لازم تعرف الحقيقه ولمن تنتمى لان حياتها هتتعرض للخطر كده
- الطرف الثانى " لالا بلاش ترجع لو رجعت دلوقتى حياتها هتتعرض للخطر اكتر لو فعلا هى الوريثه الحقيقيه زى مابتقول هتكشف قوتها وحقيقتها بنفسها غير كده بلاش تسبق الاحداث هى فى امان هناك لوحدها
- الطرف الاول " انت اظاهر اتجننت كده كده مسيرها يجى اليوم وتعرف هى مين وايه دورها والسر يتكشف ولو حصلك حاجه انت مش هتكون موجود عشان تنفعها ولا تحميها احنا اضعف منهم انا عملت الى عليا سلام
--------------------------------------
فى انجلترا فى جامعه كامبريدج اشهر الجامعات فى انجلترا
نجد فتاه تقف وحيده فى الحرم الجامعى ثم تاتى فتاه من بعيد وتنادى عليها بصوت مرتفع باكينام (بيكى) ،
- نظرت للخلف فجاه لكى ارى من بينادى على من بعيد وكانت رفيقتى
لكن قبل بدايه اى شئ احب اعرفكم على بطله قصتنا .
انا باكينام او بيكى ده الاسم الى صحابى بينادونى بيه احنا فى اوربا وعشان صعوبه اسمى بقى يختصروه بيكى او بى كى عند الغرب ، انا معنديش اصدقاء كتير ،احنا تلاته أيثار وهاله وانا بيكى احنا مع بعض على طول مع ان لينا اصحاب اجانب بس قليل تعاملنا معاهم بحكم كا طالبه فى جامعه كامبريدج فى قسم التاريخ والسياسه وتاثيره على مر التاريخ فى نظام الحكم فى انجلترا كنا حابين نتوسع اكتر ونعرف كل حاجه عن بريطانيا فدخلنا القسم ده .
- بيكى "ايثار فينك يابنتى اتاخرتى كل ده مستنايكى ايه كل ده المحاضره خلصت من بدرى
- ايثار " فى ايه يا بيكى كنت بسأل الدكتور فى حاجه ضرورى وبعدين واقفه لوحدك ليه ياجميل
- بيكى " مستنياكى ي اخر صبرى ،وبعدين متقوليش انك كنتى بتسألى الدكتورعن نظام الحكم زمان وكيف كان بيعدموا الساحرات ماانا عرفاكى مجنونه علم الماورائيات ،وبعدين احنا بندرس تاريخ سياسه مش عارفه الى دخلك فى حاجه زى كده
- ايثار " اسمه الميتافيزيقا ،وثانيا احنا بندرس تاريخ ومن ضمن دراسته الى حصل من الاف السنين عن الساحرات وده كتاب كتير ذاكروا ده سوا صح او غلاط انا مؤمنه بيه ومصيرى هعثر على دليل ملموس
- سبيها يابيكى ديه الميتافيزيقا الى بتقول عليها كلت دماغها
- بيكى " هاله اتاخرتى ليه يابنتى كنت مستنياكى انتى كمان المحاضره خلصت من ساعه
هاله " اصلى اصلى كنت معاه
البارت الثانى "
الصداقه هى الشى الوحيد الذى تبقى معى وسط معاناتى واشتياقى لعائلتى وخوفى من المجهول الذى لااعرف ماذا سيحدث فيه لكن هل سامتلك
الشجاعه الكافيه باننى اواجه اى موقف مهما كانت صعوبته هل ساتقبل الحقيقه مهما كانت مريره
- هاله "ايوا يابيكى كنت مع (جو) كنا بنشرب كوفى سوى وكان استورنج اوى وهو بيحكى عن رحلته الاخيره فى الفيتنام
- بيكى " يسلام استرونج اوى منا وقعت وسط اتنين مجانين واحده مجنونه بتجرى ورا رد الخيال والتانيه عايشه وهم جو ورحلاته ماتفوقى بقى انتى وهى وركزوا فى المواد والمنهج الامتحانات قربت ،وانا لازم ارجع مصر بتقدير عالى عشان ارفع راس بابا وارجع اعيش معه
- هاله وايثار فى صوت واحد سورى هو ده كل حلمك ،
هاله " يابنتى الحياه فى حاجات حلوه كتير عيشى بقى بره جو الرجوع مصر فى مستقبل لينا هنا وباباكى نفسه قالك عيشى حياتك وامنلك مستقبلك هنا غير الفلوس الى بيبعتهالك ده انتى ملكه هنا حد يطول ده انتى ابوكى مليونير يابنتى
- ايثار " ياريت يابيكى نفضل عشان اكمل بحثى لسه فى حاجات كتير لازم ابحث عنها
- بيكى " كل واحده بتبص من وجهه نظرها هى لكن انا طول عمرى عايشه لوحدى كنت فى مصر مدرسه داخليه حتى الكليه سافرت انجلترا عشان ادرس محدش كان سألنى عايزه ايه، بابا مكنتش بشوفه كتير انا حاسه انى وحيده ومنعزله عنهم ، ولما اتخرج هعرف اخد قرارى بنفسى وانى ارجع بلدى واطبق الى اتعلمته هناك واعيش مع بابا ده حلمى بجد
- ايثار " احنا اسفين يابيكى واحنا جنبك اهو واوعدك لما نخلص نرجع سوى بس هنرجع تانى عشان دراستى انا بقولك اهو
بيكي" انتى عارفه يايثار ان بابا كانت حجته انه مشغول فى سفره الدائم ،وامى بعد الانفصال عن بابا اختفت وسمعت انها سافرت الى الخارج لكن مش عارفه فين تعرفى يايثار اوقات كتير كنت بكتب ليها رسايل واقولها ان قد ايه نفسى اشوفها بحاول ارسمها فى خيالى كتير وبقول وياترى شكلها اتغير لو شافتنى هتعرفنى طيب انا هعرفها ،بفضل اسرح كتير واتخيل اننى مع بعض ومحصلش الانفصال وانا معاهم دلوقتى بناكل مع بعض على سفره واحده فى ناس ممكن تستهيف الى بقوله لكن صدقينى ده حلمى ان اكون وسط اهلى زى صحابى واهلهم ، انا مش بحقد بس نفسى اشوفهم نفسى بابا ميتهربش منى
هاله " ايه بيكى معرفش عنك انك ضعيفه كده ،ايه رايك عندى فكره هايله انتى بتقولى مامتك عايشه فى الخارج احنا ممكن ندور عليها وتشوفيها وعلى الاقل تعرفى ايه السبب انها سبتك انتى وباباكى ليه وانتى صغيره
بيكى " طيب انا هعرف منين وفى اى بلد بالظبط
هاله " خليها عليا بس الاول تعرفى اسمها كامل
بيكى "اكيد طبعا يعنى مش هعرف اسمها (جيلان اجلال ادريس ) تعرفى مره شوفت اسمها بالكامل فى قسيمه جوازهم وفضلت احفظ فيه عشان منسهوش وادور عليها لما اكبر
هاله "هو باباكى لسه بيحبها يابيكى طيب ايه كان سبب انفصالهم
بيكى " معرفش ،بس كل ماتيجى سيرتها القى عينيه تتدمع ويغير السيره وبعد كده رفض اسمها يتذكر تانى ،حتى سبب انفصالهم مرضاش يقولى عليه وكل ماافتح معه الموضوع يتعصب وميرضاش يجيلى تانى فى المدرسه بطلت اتكلم فيه عشان ميبعدش عنى ويجيلى
هاله " طيب متزعليش ، انا ليه ناس اعرفهم فى السفاره هيعرفوا اذا كان الاسم ده موجود فى بريطانيا ولا لا
بيكى " بس افرضى مش هنا هنعمل ايه
هاله " سبيها عليه صحبتك مش سهله وهنلاقيها وتجتمعوا تانى بس متقوليش لباباكى لاحسن يعرف وانتى قولتى مانع انك تذكرى اسمها او تعرفيها
بيكى " اكيد طبعا هو انا هبله ده لو عرف هيبعت عمو رافت صاحبه يجبنى اجبارى
ايثار " ان شاء الله تلاقيها وتحققى كل نفسك فيه
بيكى " تعرفوا يابنات انتو عيلتى الحقيقه بجد مش عارفه من غيركم هعمل ايه
هاله ، وايثار " احنا مش هنسييك اصلا هههههههههههه
--------------------------------------------
وبعد مرور يومين !!
بيكى "مالك يايثار متوتره ليه كده وفينك يابت مختفيه من انبارح بحاول اتصل بيكى
ايثار " اصل. فى حاجه غريبه كنت بتحقق منها مكنتش اعرف انها موجوده ولا فى الخيال بس صدمتنى لما عرفتها
بيكى " فى ايه قلقتينى
ايثار " انتى عارفه طبعا انى ببحث عن ماوراء الطبيعه والماروائيات ، من فتره قرأت كتاب عن الساحرات وقد ايه فى العثور الوسطى كانوا بيقتلوهم ويقوموا بتعذبهم وبيرموهم فى النار وسمعت انهم كانوا بيلقوا عليهم لعنات بسبب الى حصلهم وفى بعض منهم هربوا وجمعوا كل معرفتهم عن السحر فى كتاب اسمه العهد وده سرى جدا،وعملوا كده عشان سلالتهم تعرف تاريخ حياتهم وسر قوتهم من الاخر فى كل حاجه عن اسرارهم وكيف التحكم فى قوتهم وسر الابديه ، وفى الوقت ده ساعتها الملوك والحكام كلهم حاولوا يدوروا على الكتاب عشان يعرفوا اسرارهم ويمتلكوا قوتهم لكنه اختفى وسمعت كمان عشان يحموا الكتاب ده خلوا وريثه هتيجى من اخر الزمان لتعيد حكمهم وتعيد توازن العالم بتاعهم معرفش يعنى ايه الكتاب مذكرش حاجات كتير بس سمعت فى واحده فى افريقيا كانت جدتها منهم تابعه لهم وعارفه ممكن يكون فين كتاب العهد؟...