رواية غرام أحفاد الشيطان الفصل الرابع
بقلم سماء احمد
في الجامعة
لعن تحت انفاسه ان الماء الخاص به انتهي فاضطر الذهاب للمقهي حتي يشتري غيرها فوجد بعض الشباب يقفوا ويعاكسوا فتاة ما فنظر ليجدها نفسها المزعجة سليطة اللسان
نظر لملابسها ماذا ترتدي تلك فستان او قميص نوم ظهرها عاري وارجلها لو كان زوجها لفتك بها
أيان لنفسه : جوزها ايه وهيا دي يتبصلها
نظر لها ولوجهها عيناها شعرها شفتاها وشتم نفسه انه اعجب بشكلها ثم ذهب فرأي حياة معها يعرف حياة فهي طالبه مميزة
حياة : منور المقهي يا دكتور
أيان : نورك يا حياة وياريت تنقي اصحابك
لين : ما هيا نقتني وانا اي صحبه يعني دا انا احسن صاحبه
أيان بسخريه : مثلا
كتمت حياة ضحكتها بينما اغتاظت لين بشدة
لين : انت قولت وانا هقول يانا يا انت
واشارت له بأصابعها بمعني باي فضحك بسخريه وذهب
حياة : يخربيت كدة يا بنتي دا مش بعيد اما ترجعله الذاكرة يطلقك بالتلاته
لين وهي تنظر له : ميقدرش يستغني عني انا حياته انا غرامه انا اللي بيغير عليها من الهوا اللي بتنفسه وانا كمان اللي مش بيخلي ابوها يحضنها وانا اللي مش بيسمح لحته من جسمها تبان
حياة : ذي ما قولت طلاق تلاته ههههههه
نظرت لها ولفستانها وضحكت وهي تومأ بتأكيد
لين : دا انا هتنفخ
****************
وصلت ياقوت للمستشفي ونزلت بثقة فرد من افراد عائلة الشرقاوي بالرغم من خوفها من المستشفيات الا انه لا وقته وصلت لمكان كشف الطبيب فتحت لها ممرضه بإحترام ووقف الطبيب كذلك
الطبيب وهو يسلم عليها : اهلا مدام ياقوت اتفضلي
ياقوت : اهلا يا دكتور..... مش حابه اطول عليك انا عايز اعمل عمليه تجميل
الطبيب : فين بالظبط حضرتك
ياقوت : وشي عايزه ملامحي تتغير بنسبة ميه في الميه
الطبيب : بس حضرتك مش محتاجه ما شاء الله خلقتك جميلة
ياقوت : حددلي معاد لو سمحت
الطبيب : اي وقت حضرتك تختاريه
ياقوت : بعد اسبوع كويس
الطبيب : تمام
وقفت واستأذنت وذهبت الي السيارة ومنها الي مقر مكافحة المخدرات ونزلت لتلمح النظرات الاعجاب من الكل
ياقوت للعسكري : مكتب الرائد يزن فين
العسكري : اخر الطرقة شمال
ياقوت : ميرسي
وذهبت حيث مكتبه ثم اخبرت العسكري من تكون ففتح لها الباب
ياقوت : محدش يدخل وانا جوه
اومأ بإحترام فدخلت لتجدة يجلس ويفكر في شئ ثم رفع نظرة وتضايق عندما رأها
ياقوت : للدرجة دي انا وحشة دا لسه الدكتور قايل اني جميلة اوي ومش محتاجه عملية ولا العساكر بتوعك كانوا هيأكلوني بعنيهم كأنهم أول مرة يشوفوا ست
وقف بعصبيه واتجه مسك فكها بقوة وجزبها
ياقوت بألم : ركز في عيني كدة انا مش هيا انا مش هيا شايف وشي زيها بس عيني مش زيها
نظر لعيناها حقا عيناها خضراء انما حور عيناها عسليتان
يزن : عنيها احلي وابرأ منك
دفعت يدة واقتربت حاوطت عنقة وبدأت تلعب بخصلاته
ياقوت : فعلا هي بريئه عني والدليل ان لو رجعت بعد عملية التجميل اللي هعملها اقسم بربي يا يزن لهقتلها يمكن انت عايش علي أمل ترجع بس انا هقتلها واخليك مش تعيش علي أمل تعيش علي ذكري وهعرفك مين البريئة بجد
واستدارت لتذهب فجذبها ليصطدم ظهرها بصدرة وحاوط خصرها بقوة المتها ثم انزل وجهه بجانب اذنها
يزن : هيا تقتل انتي لا هيا اي بريئة بس اتخيل منها القتل ومتخيلوش منك انتي مش بريئه انتي ضعيفه عارفة وشك الجميل ده مش هتقدري تتخلي عنه وانا اللي هغيرة بنفسي
ياقوت : تمام يا ابن الشرقاوي هنشوف ووقتها يحلها ربك
وبعدت يدة لتمشي فحاوط خصرها كنوع من انواع التملك ونزل معها امام الكل حتي يثبت للكل انها له اما هي فكانت متصنعه اللامباله الا انه سعيدة انه يوضح امتلاكها حتي لو للناس
*********************
نزلت لين من سيارتها وهي تصفق كالطفلة فالصدفة تسكن هي وحياة في نفس العمارة
لين : وكسبتك كسبتك يا حياة
حياة : بكرة اديني عربيتك وهكسبك يا لين
لين : اوكي يلا اتغدي معايا
حياة : تمام مش هقول لا
وصعدوا سويا عبر الاسانسير وكان هذا في الليل لتستنشق كلاهما رائحة طعام طبية
لين : ايه ده الشقة دي كانت فاضية
حياة : ايوة انا فاكرة ان دورك كان فاضي
لين : طيب تعالي كدة نتسلل دا مش طبخ راجل
حياة : ههههههه يلا
واتجهوا لتلك الشقة طرقوا الجرس ففتح طفل صغير في السابعه من عمرة
عدي : نعم انتم مين
لين : هو مين اللي بيطبخ جوه
عدي : ماما ورؤي
حياة : طيب ينفع نتعشي عندكم
عدي : اه اتفضلوا
لين : نتفضل بجد
عدي : ماااامااااا رؤؤؤي
جاءت رؤي بإستغراب ونظرت للفتاتان
رؤي : اتفضلوا انتم واقفين علي الباب ليه
لين : عادي افرضي احنا حراميين مش خايفه
عين : مين يا رؤي.... ضيوف اهلا اتفضلوا
حياة : ع فكرة متعرفوناش
عين : مش اكيد جرانا اتفضلوا
عدي : شكلهم عجبهم اكلكم يا ماما عايزين يتعشوا
رؤي : بس كدة ادخلوا تنورونا ومتقلقوش مفيش رجالة في البيت انا واختي وابنها بس
دخلوا بإستغراب من كرم هاتان الفتاتان وجلسوا
رؤي : اهلا انا رؤي ودي اختي عين وابنها عدي
حياة : الله وانا ياستي حياة ودي لين صاحبتي هي ساكنة اصدكم وانا ساكنة تحتكم
وتعرفوا علي بعضهم ثم وضعوا الفتيات الطعام وجلسوا يأكلوا في جو مرح
رؤي : بقولكم ايه متيجوا كل يوم تفتحوا نفسنا كدة
لين : واللهي مش عندي مانع بس بشرط
حياة : ايوة نتقاسم حق الأكل تمام
عين : بس كدة ماشي وانا هطبخلكم عما تيجوا من جامعتكم او شغلكم وتاكلوا
رؤي : اه يعني الغدا او العشا هنا
لين : اوكي هيييه
عدي : يس بقي عندنا عيلة كبيرة وانا الراجل بتاعكم
ابتسموا واحتضنته لين
حياة وهي تنظر للساعة : انا هنزل بقي ماشي تصبحوا علي خير
عين : اقعدي اسهري معانا
حياة : احم مينفعش سلام
وتركتهم ونزلت
لين : انا كمان همشي اكلت ولسه جعانه نوم تصبحوا علي خير
رؤي وعين : وانتي من اهله
*******************
في شقة حياة
فتحت الباب ودخلت فتحت النور واستدارت لتشهق بفزع
أسعد ببرود : كنتي فين
حياة بتوتر : في فوق
أسعد : فوق ويا تري كانوا ستات ولا....
حياة بعصبيه : انت مفكر كل الناس زيك كل يوم مع واحدة
وقف وببرود تام صفعها
أسعد : اللي زيي هما اللي لموا اللي زيك من الشوارع وخلوهم بني ادمين
وضعت يدها علي وجنتها وعيناها ممتلئة بالدموع
حياة : عايز ايه يا أسعد
أسعد : بوظتيلي مزاجي تك البلا انا بس اكسب قلب سيلا ومعتش جايلك غوري
ودفعها وفتح الباب وذهب فجلست علي الأرض بهدوء تام مميت فهو حقا شيطان متناقض وقت جيد ووقت سئ فتذكرت
فلاش بااااك
فتح لها باب الشقة ودخلوا سويا كانت تنظر للشقة بسعادة فهي حقا جميلة لتشعر به يضمها من الخلف
حياة بتوتر : أسعد
تركها وحملها ودخل غرفة نومهم وضعها علي السرير
حياة : أسعد انا......
أسعد : عادي متوقع انك مش بنت مفيش داعي تقولي
نظرت له بصدمة كانت تريد ان تخبره انها خائفه تريد ان يطمئنها ليس ان يجرحها ولكنها قالت لنفسها ماذا يتوقع من فتاة اخذها من ملهي
اقترب وقبلها من شفايفها ويدة متجه لملابسها ليهمس
أسعد : بحبك يا سيلا بعشقك انا عايزك بحبك يا سيلا
وهكذا تهشم كبريائها فأكثر ما يجرح ان تكون مع زوج يتخيل اخري بها لينهي ما بدأ وهي معه بلا روح حتي نظر لها بصدمة
حياة بسخريه : طلعت فوق توقاعتك بس حابه اقولك ان مش كل اللي يجوا من ملهي زبالة حتي لو مش لسه بنات احيانا الحاجة تحوج
بااااك
حياة بعصبية : ملعون ابو الحاجة اللي حوجتني لأمثالك يا ابن الشرقاوي صدق اللي سماكم شياطين متناقضه
*****************
في صباح يوم جديد
كانت تقف امام الشركة الخاصه بكلا من عدي الشرقاوي والياس الشرقاوي ودخلت من ضمن المتقدمات لوظيفة سكرتيرة المدير وكانت تفرك يدها بتوتر حقيقي ودخلت لرجل فعلت المقابلة لكن مهلا ليس لها مؤهلات كالمتقدمات فأخبروها ان تذهب ويرنوا عليها فذهبت للأسانسير تبكي ودخل احدهم خلفها
عدي : يا أنسه مالك
رؤي ببكاء : يعني اروح اتعلم في جامعات خاصه ليه ومالها جامعة المنصورة دا انا واخدة امتياز في كل السنين والاولي كمان وفوق كل ده عايزيني البس محزق وملزق وماله الحجاب
وزاد بكائها فابتسم
عدي : ع فكرة الحجاب تاج دا اولا ثانيا معظم الخاص ده ذي قلته قولي بقي مالك
رؤي : يعني هتعملي ايه زمانك محاسب او حاجة علي ادك يلا اهو اشكي همي لحد انا قدمت كسكرتيرة لإلياس بيه بس قالولي هنرن عليكي يعني اترفضت
عدي : وعشان كدا كل العايط ده طب تعالي ايه رأيك هتبتدي شغل النهاردة
رؤي بضيق : يعني انت مين عشان هتقول كدة يلا ربنا يصلح حالك ويفرحك ذي ما فرحتني حتي لو كلام
عدي وهو يجعل الاسانسير يصعد : طب استني
نظرت له وظلوا حتي وصل ثم نزلوا سويا واتجه للمكتب
عدي بجديه : وقف اختيار سكرتيرة انا خلاص قررت
الرجل : امرك يا عدي بيه
عدي : الانسه اسمك ايه
رؤي بصدمه : رؤي
عدي : الانسة رؤي هيا السكرتيرة وقول لإلياس عدي هو اللي اختارها
نظر لها الفتيات بحقد وغيظ والبعض بكراهيه
عدي بعصبيه : كلة وشه في الارض او هخليه ميبصش
خاف منه الكل بينما رؤي تفتح فمها له فضحك وهو يشير علي مكتبها
عدي : مكتبك ده ولو حصل مشكلة معاكي عدي الشرقاوي المالك والمدير الثاني للشركة
بكت بطريقه طفوليه في نفس وقت دخول الياس
رؤي ببكاء : واللهي ما كنت اعرفك يا استاذ اصدي باشا لا بيه يووة يا مدير
عدي : يا بنتي اهدي خلاص مفيش مشكلة الوظيفة ليكي
رؤي وهي تمسح دموعها : يعني انت مش زعلان
عدي بضحك : لا
فتحت عيناها علي اتساع قائله : قول والمصحف
الياس بحدة : في ايه هنا
نظرت له عرفته اجل هو الحقير زوجها
عدي : مفيش يا الياس انا اللي اخترت سكرتيرتك الجديدة رؤي
الياس : انت تمام يلا يا انسه ورايا
واتجه لمكتبه
عدي بهمس : وراه هو عصبي
رؤي بنفس الهمس : اشطااا شكرا
وذهبت خلف الياس ودخلت المكتب فجلس بغرور واضح اما هي وقفت كالطالب امام استاذة
الياس بعمليه : اولا تبقي هنا الساعة تمانيه ونص ومجرد ما ادخل القهوة تكون ورايا وقهوتي سادة وتظبطي اجتماعاتي وفرق بين كل اجتماع واجتماع دقيقتين مش اكتر وتحضري معايا ومعني حضورك معايا تكوني عارفة كل حاجة عن الصفقه هيبقي معاكي لاب توب كل الصفقات عليه وهترجمي كل الخطابات اللي هتيجي والشركات اللي مش هتعامل معاها هتتعاملي انتي والخيانة عندي بموته انما الغلط بعقاب اسوأ تمام
ارادت ان تنسحب لكن مهلا لا ستدفعه الثمن غالي جدا ستنتقم من الكل فيه
رؤي بعمليه : تمام يا الياس بيه
الياس : يلا روحي
رؤي : عن اذنك
وتركته وذهبت فنظر خلفها ووضع يده علي تلك الذي يدق اثر رؤيتها
الياس وهو يعيد رأسه للخلف : ايه الشعور ده كأنها حته مني وانا مش عارف
******************
في الجامعة
وصلت حياة اولا ونزلت وهي تضحك بشدة علي شكل لين المتذمرة
حياة : وكسبت وكسبت
لين : ع فكرة انتي باردة
حياة : عشان تعرفي ان العيب في العربية يا نجيبة عصرك
لين : خلاص يلا بقي هنتأخر علي هولاكو
أيان : هتسقطي علي يد هولاكو اللي مش عجبك
التفتت له وضحكت
لين : طب بزمتك جالك طالبة عسل زيي قبل كدة
أيان وهو يحرك يديه عكس بعض : ابدا
اطلقت ضحكة رنانه حتي تساقطت دموعها فابتسم متأملا منظرها حتي هدأت
لين : طب اقولك نبدأ من اول وجديد وانا معتش هطول لساني
أيان : هفكر
وتركها وذهب فضربت الارض وذهبت مع حياة التي كانت تضحك ووصلوا ووزع الورق عليهم فنظرت للأسئله واخرجت لسانها له اشار لها بحاجبة فغمزت له بوقاحة وبدأت تحل وهو يتابعها متأملها اووه كم يكره الفتيات الوقحات لكنه حقا معجب بتلك الوقحه
حياة بهمس : عايزة حاجة
لين بنفس الهمس : تؤ وانتي
حركت رأسها علامه الرفض
أيان : حياة وانتي يا وقحة اصدي اسمك ايه
لين : وقحة يبقي انا لين يا دكتور اسمي لين
أيان : وان يكن خلصوا معتش غير عشر دقايق
وقفت واعطته ورقتها
لين بهمس : عنيك جميلة اوي يا دكتور
أيان بلامباله : عارف
لين : بس عيني احلي
نظر لها فغمزت بعيناها بوقاحة وذهبت بقي ينظر خلفها ثم ابتسم رغما عنه