رواية فرصة تانية
الفصل التاسع والعاشر
بقلم ميسون عبد المجيد
فريدة:انا بحب غيث
خديجة:غيث طلب ايدي
فريدة بصدمة:ايه
خديجة بصدمة:ايه
فريدة بتستوعب:لا لحظة انتي قولتي ايه
خديجة بخوف علي خديجة:ما ما قلتش ما قلتش حاجة
فريدة عنيها اتملت دموع:غيث بيحبك مش كدة والله كنت متأكدة انك انتي البنت اللي بيحبها
خديجة بتعيط: فريدة اهدي واحنا نفهم بعض عشان انا مش فاهمه حاجه واهدي عشان خاطري اهدي
فريدة قامت:منا هادية اهو هادية مبروك ي حبيبتي استني هروح اباركله هروح اباركله
خديجة مسكت اديها واخدتها في حضنها عشان تهدي
فريدة بانهيار:يعني بيكرهني انا وبيحبك انتي ااااه علي كسرة قلبي ااااه
خديجة بعياط: فريدة صدقيني لو بتحبي غيث بجد انا مستحيل اقبل بيه ولو هيجبلي حته من السما انا لا يمكن اخونك
فريدة بتعيط
خديجة مش فاهمه حاجه
بس فريدة جتلها فجأة فكرة مجنونة هي مش عارفه هتوديها لفين
بس قررت انها تنقذ الموقف منها عشان متخسرش خديجة ومنها تندم غيث وتعرفه مين فريدة امجد
فريدة مسحت دموعها وخرجت من حضن خديجة
خديجة بدموع وحزن: فريدة فهميني انتي فعلا بتحبي غيث طب ليه مش قلتيلي انا مستحيل اقبل بيه ومستحيل اخونك
فريدة بتتصنع الجمود:ايه اللي بتقولي دا ي خديجة انتي فهمتي ايه انا اقصد اني بحب غيث كا صديق زي ما بحب معاذ واي حد
خديجة بشك:بجد
فريدة بأبتسامة مصطنعه:طبعا وعلي فكرة دكتور غيث كويس ويستاهلك وباين في عنيه انو بيحبك
خديجة بقلق وشك:يعني انتي شايفة كدة
فريدة بفرحة مصطنعه:انا مش شايفة غير كدة واكملت بمزاح يمكن كمان نعمل خطوبتنا سوا
خديجة بعدم فهم:يعني ايه
فريدة قامت:هعمل تليفون بسرعة وارجعلك
فريدة قامت وخرجت برا الخيمة بسرعة قبل ما تضعف وتنهار وقررت انها هتخلي غيث يندم علي كسرة قلبها
فريدة طلعت فونها عملت مكالمة
غيث خارج من الخيمة بيبص حواليه لقي فريدة وقفة علي مسافة مش قريبة وعمالة راحة جيا وواضح انها بتمسح دموعها
غيث قرب منها
غيث بهدوء:احم انتي كويسه
فريدة بصتله لكام سانية
فريدة بأبتسامة:طبعا كويسة مش هكون كويسة ليه
غيث:شفتك بتعيطي قلت اشوف مالك
فريدة:مبسوطة
غيث:ايه
فريدة بأبتسامة وفرحة مصطنعه :مبسوطة اوي اصل قراية فتحتي كمان تلات ايام
غيث بصدمة:ايه ازاي يعني اقصد ليه يعني مبروك
فريدة بأبتسامة وجمود:معيد في كلية علوم شافني من اول سنة دخلت الكلية واتقدملي ازيد من ست مرات وكنت برفض عشان اكمل تعليمي لكن خلاص انا هتخرج وقررت اني اوافق ما حضرتك عارف المثل بيقول خد اللي بيحبك متخدش اللي بتحبه (المثل دا بيضيع حياة ناس كتير)
غيث بهدوء:تمام الف مبروك
ومشي خطوة
فريدة ببرود:اااه صحيح مبروك
غيث بصلها:علي ايه
فريدة بأبتسامة باردة:يعني مبروك مقدما علي جوازك من خديجة
غيث:جوازي
فريدة:اهاا جوازك مبروك ي دوك
ومشيت وسابته ودخلت الخيمة وكانت خديجة نامت
فريدة نامت وحطت مخدة علي راسه وفضلت تعيط بهمس وكتما نفسها عشان محدش يحث بيها
كسرة القلب بتبقي صعبة اوي ل ما تيجي من حد بتحبه
بس بتبقي لازم تقوي نفسك
لانك مش لاقي حد تسند عليه
ولو فكرة تسند هتقع ولوحدك
في خيمة يوسف
يوسف قاعد يفتكر كلام غيث مع خديجة
________________________________فلاش باااك
غيث:بصراحة انا بحبك من اول يوم شفتك فيه في الكلية وقد ايه أنتي محترمة وملتزمة اعجبت بيكي جدا
خديجة بخجل:احم حضرتك بتقول ليه الكلام دا دلوقت
غيث:خديجة انا مش بحب اللف وادور انا بكل جدية بطلب ايدك وعايز ادخل البيت من بابه واكمل نص ديني معاكي
خديجة:ليه انا بذات ما في بنات كتير ملتزمة واخر ادب واحترام
غيث:مش عارف فيكي حاجه شدتني انا محتاج زوجة صالحة اخد باديها للجنة واظن انتي كمان كدة
خديجة بارتباك:انا هفكر واخويا معاذ هيبلغك ردي بس انا نرجع من الكامب
غيث بأبتسامة وفرحة:تمام اللي يريحك
_________________________________باااااااك
يوسف كان ماسك قلم وبيفتكر الكلام فاق مش شرودة لقي نفسه كثر القلم نصين
يوسف قام ونفخ بضيق:مالك ي يوسف ارجع لعقلك وبعدين هي لست مفيش بينهم حاجة
فجأة الخيمة فتحت ودخلت بريهان
يوسف بحدة وغضب:بريهان ازاي تفتحي كدة
بريهان بضيق وعدم فهم:في ايه ي يوسف مالك علي فكرة احنا كنا نيمين مع بعض امبارح
يوسف بضيق:خلاص مليش دعوة باللي راح من النهاردة كل معاملتنا بحدود
بريهان بعنين حادة: والله ودا من امتي دا
يوسف بحدة:من دلوقت واتفضلي برا
بريهان:طيب هو انت مش ناوي تيجي تطلب ايدي ونتخطب اهو مش نتعامل بحدود علي الاقل
يوسف بضيق:قلتلك مش بفكر في الموضوع دا دلوقت
بريهان بغضب:ماشي ي يوسف فكر في اللي اكلت عقلك من يوم ما شفتها وهتخليك تبقي بني ادم تاني
بريهان خرجت ويوسف قعد يفكر هي تقصد مين بالكلام دا خديجة معقول خديجة اللي يوسف مش بيطيقها ولا هي بطيقة تاخد كل تفكيره ويتغير عشانها
يوسف افتكر ان غيث طلب اديها وقلتله هتفكر اتعصب جدا وضرب ايده في الباب بغضب
★★★★★★★★★★★★★★★★★★★★★★★★★★ اشرقت شمس يوم جديد
يوسف قاعد لوحده في نفس المكان اللي خديجة كانت قاعدة في وسرحان
خديجة طلعت من خيمتها شافته قربت منه
خديجة:قوم
يوسف رفع النضارة علي شعره وظهرت عينه الزرقا وبصلها
يوسف:نعم
خديجة:قوم الحته دي بتاعتي انا اللي بقعد فيها
يوسف بسخرية:ليه ي قطة جيباها من بتكم ولا مشترياها
خديجة بغيظ: نينينيي ي خفة
ومشيت خطوة
يوسف ضحك وبعد:طب خلاص ي قطة متتقمصيش تعالي اقعدي
خديجة قربت وبصتله بقرف:ابعد
يوسف بعد شوية وقعدو كل واحد سرحان في عالمه الخاص
يوسف قطع الصمت:هو انتي بتحبي غيث
خديجة بصتله:نعم
يوسف:احم يعني امبارح كنت جاي اقلك اني اخدة خيمة بعيد عن بريهان ودي اول حاجة عملتها في بداية قراري وسمعتكم غصب عني فا حبيت اعرف انك موافقة عليه
خديجة:يعني شخص محترم ومتدين ملتزم حالته المادية والثقافيه كويسة متهيألي اي بنت تتمناه
يوسف:مجوبتنيش بقلك بتحبيه
خديجة بشرود:مش عرفة او مش لازم يمكن مع الوقت احبه
يوسف بحزن بيخفيه:طب حتي لو وافقتي عليه هتفضلي معايا
خديجة بصتله:هفضل معاك ازاي مش فاهمه
يوسف:احم اقصد يعني هنكمل مذاكرة سوا لاخر السنة
خديجة بأبتسامة هاديه:ايوا طبعا حتي لو وافقت علي غيث هيبقي مجرد خطوبة مش هعمل اي حاجة غير لما اتخرج
يوسف قام:تمام عن اذنك
يوسف مشي وهو حزين لان حث من كلام خديجة انها احتمال كبير توافق علي غيث هو مش عارف هو حزين وزعلان ليه بس اللي متأكد منه انو بيحث بشعور غريب وهو مع خديجة
__________________________________________ بعد وقت
كان كل مجموعة قاعدين مع بعض
خديجة ومعاذ وفريدة ويوسف وغيث وبريهان وشوية طلبة كمان قاعدين مع بعض وعملين دايرة
وفي خديجة وفريدة ومعاذ وشاب تاني وقفين يشوو
معاذ:انا هروح ارد علي الفون اياكو تحرقو الخروف
خديجة بغرور:عيب عليك دنا اصل الشوي
معاذ ضحك ومشي
فضل خديجة وفريدة وقفين سكتين فريدة قطعت الصمت
فريدة:احم ديجا انتي وافقتي علي غيث مش كدة
خديجة بصتلها: لا لسة مدتهوش رد
فريدة:اوعي ترفدي دا ميتعوضش
خديجة بشك: فريدة انا مش مطمنالك انتي الصبح قلتيلي ان بتحبي غيث
فريدة:ايوا ايوا طبعا بحبه زي معاذ وعمار اخويا شخص محترم بس بجد اوعي ترفديه
خديجة بصلها بشك وحثا ان خديجة مخبيه حاجة عنها
يوسف جه من وراهم وسقف بصوت عالي
يوسف بيمثل الصدمة والغضب:الله الله علي الخروف اللي اتحرق وسيادتكم قاعدين تحكو الله
خديجة وفريدة بصو بصدمة
خديجة بغيظ:بس بس اخرس وطي صوتك متفضحناش
يوسف بخبث وصوت شبه عالي:هناااكل ايه احنا دلوووقت هااا بعد الخروف اللب بقي عبارة عن فحم هاااا هناااكل ايه
خديجة بصتله بغضب وضربته في كتفه بالعصاية اللي كانت بتقلب بيها
يوسف بوجع:اااااه اااه ايدي ي غييه ااااه
لانها كانت سخنه
خديجة بخوف وارتباك:انا اسفة والله اسفة نسين انها سخنه معلش
يوسف بأبتسامة لان اول مرة اشوف خوفها:خلاص خلاص اهدي محصلش حاجه انا بس اللي بحب الافورة
خديجة بصتله بغضب:دلوقت هنعمل ايه في الخروف اللي بقي فحمه دا
يوسف ببرود واستفزاز:انا مالي انتي اللي بتحكي وسبتيه يتحرق
خديجة بغيظ ورفعت العصاية وكانت هتضريه: امشي
يوسف ببراءة:ليه
خديجة بحدة وغيظ:بقلك امشي
يوسف طلع يجري
كل الحوار دا تحت نظرات فريدة ليهم اللي بصالهم ومربعة اديها ومبتسمه زي ما تكون بتتفرج علي فيلم
يوسف ضحك ورجع مكانه
يوسف قعد جنب غيث
يوسف بمرح:مسا مسا
غيث باصصله بعنين حادة
يوسف بهمس وضيق:اممم من دلوقت هيغير ويحطها جوا كوخ لوحدها اوووف
★★★★★★★★★★★★★★★★★★★★★★★★★★عدي كام يوم والرحله خلصت وكل واحد رجع بيته
خديجة دخلا من باب الكلية لقيت حد نط قدمها
خديجة بخضة:هااا
يوسف بأبتسامة جذابه:صباح الفل
خديجة بصتله بغضب وحاولت تتحكم في اعصابها ومتعلمش حاجة اوحش ومشيت
يوسف بيمشي وراها
يوسف:ي صديقتي انا بكلمك
كانو وصلو المدرج وقعدة خديجة ويوسف في البينش اللي وراها
خديجة بصتله بحدة:احترم نفسك وكلامك معاية يبقي بحدود احنا في كلية
يوسف بغيظ وغل:بكرهك
خديجة بأبتسامة باردة: Our Mutual feeling(مشاعرنا متبادلة)
★★★★★★★★★★★★★★★★★★★★★★★★★
خديجة قاعدة في مكتبة الكلية وحطا عنيها في الكتاب ومركزة معاه جامد
فجأة اتحط قدمها مجموعة كتب بصت بذهول
بترفع وشها لقيت يوسف وعلي وشه ابتسامه مستفزة
خديجة بصاله برفعة حاجب
يوسف ضحك وسحب كرسي وقعد جنبها بس في بينهم مسافة
يوسف بشغف وامل وعزيمه: يلا عشان عيزين نخلص الكتاب دا النهاردة عشان انا قررت اني مش هجيب جيد جدا
خديجة برفعة حاجب:والله
يوسف بثقة:اهاا قررت هجيب امتياز
خديجة بغيظ وقرف:قررت ي جدع بأذن الله ربنا هيسخطك قرد
يوسف بعبوث:ليه الغلط دلوقت بقي هو وحش أن ابقي واثق من نفسي
خديجة بضيق من طريقته الطفولية:لا مش وحش بس في حاجه اسمها أن شاء الله مش هتخسر حاجة لما تقولها
يوسف بضيق:امم ماشي يختي واكمل بحدة مصطنعه يلا بقي نبدا شرح مش هتفضلي تديني في نصايح
خديجة بعنين حادة:قوم امشي
يوسف:انا اسف
خديجة بصتله بضيق وفتحت الكتاب
يوسف ببراءة:ممكن اطلب طلب
خديجة بحدة:مش هتروح تجيب اكل
يوسف بعبوث:جعان ومأكلتش من الصبح
خديجة خبطت بأديها بنرفزة :وانا مالي مأكلتش ليه واكملت بسخرية مخلتش مامي تعمل لانش بوكس كبير ليه
يوسف بصلها شوية بعدها ملامح وشه اتغيرت للحزن وبص قدامه
خديجة بصتله بأستغراب اول مرة تشوف نظرة الحزن دي في عنيها
خديجة:مالك هوا انا قلت حاجة ضايقتك
يوسف بعنين حزينه:انا امي ميته
خديجة بصدمة وحزن:ايه
يوسف بحزن شديد:كنت بحبها اوي كانت اقرب حد ليا هي اكتر حد فاهمني بتحث بيا وتقولي الغلط غلط والصح صح مش بحب اعيط قدام حد ابدا بس كنت برحلها وتاخدني في حضنها واطلع كل همومي واعيط معاها وهي كانت بتحبني اوي لدرجة ان كان عندها خاتم عزيز عليها جدا قالتلي لو كان عندي بنت كنت ادتهلها بس بما انك اغلي حاجة في حياتي لما تتجوز وتلاقي الزوجة الصالحة الكويسة اللي تشيل اسمك بجد ادهلها وقلها هدية من ماما بطة
يوسف بص علي خديجة لقي عنيها اتملت دموع وواضح ان عمالة تعيط
يوسف ابتسم بحزن وحط ايده علي عينه عشان مش يعيط بس للاسف في دمعه نزلت منه
يوسف ضحك بحزن:انتي تاني حد اعيط قدامه
خديجة بصتله وابتسمت
بعد كام دقيقة
خديجة حاولت تغير مود يوسف
خديجة بحدة مصطنعه:ششش متقلبهاس دراما مش هتروح تجيب اكل وهنقعد ساعتين من غير حتي بق ميا
يوسف باصصلها بغيظ
وبدؤ يذكرو
خديجة:اه صحيح مقلتلكش
يوسف بأبتسامة:قولي
خديجة:انا وافقت علي غيث
#العاشر
يوسف بأبتسامة:قولي
خديجة:انا وافقت علي غيث
يوسف بصدمة: ايه
خديجة بعدم فهم:ايه مالك
يوسف بيحاول يكون طبيعي:لا عادي يعني مفيش عادي مالي
خديجة:لا اصل اول ما قلتلك اتصدمت ووشك جاب ميت لون
يوسف بيحاول يضحك:لا يعني اتصدمت من الفرحة وكدة مبروك ليقين علي بعض
يوسف لم كتبه ومشي حتي مقلش لخديجة سلام زي عوايده
خديجة حطا راسها بين كفوفها وسرحانه وافتكرت تاني يوم في الكورس بتاعها هي ويوسف
_____________________________فلاش باااك
خديجة دخلت المكتبة لقيت يوسف قاعد مستنيها وباين علي ملامحه الغضب
يوسف بغضب:اتأخرتي ليه كل دا
خديجة سحبت كرسي وقعدة ببرود:شطور جاي قبل معادك بسبع دقايق
يوسف بغيظ من طريقتها:انا دلوقت بسأل اتأخرتي ليه
خديجة ببرود واستفزاز:وانت مالك
يوسف بغضب:والله تمام لو مقلتيش اتأخرتي ليه ي تعتذري ي اما همشي ونفضها سيرة
خديجة بضيق:انن فرحان بصوتك العالي ليه علي فكرة ممكن تهدي شوية وهفهمك
يوسف وقف بضيق:اهو اديني هديت اتفضلي فهميني
خديجة نفخت بضيق:دكتور احمد كان بيكلمني وقالي مش هضغط عليكم لو حابة متكمليش مع يوسف براحتك سبيه وهشوف اي طالب تاني يكمل معاه
يوسف بضيق مصطنع: وانتي قلتيله ايه
خديجة ببرود:مقلتلوش واكملت بغرور بس ممكن اقبل واسيبك
يوسف بغيظ وقرف:بلا نيله قال يعني كان بيذاكرلي احمد زويل
خديجة قامت بغضب:انت كنت تطول انك تقعد معايا اصلا ي بتاع انت
يوسف بغضب اكتر:ليه ي قطة فاكرة نفسك انجلينا جولي دا حلم بنات العالم كله انهم بس يكلمو معاية
خديجة بقرف وغضب:جاتهم نيله علي ايه انت ولا حاجة
يوسف بغضب:كلمة كمان وها..
قطع كلامهم الدكتور اللي في المكتبه
الدكتور بحدة:اييه فيي ايه احنا مش في شارع دي مكتبة واظن حضراتكم كبار ووعين وعرفين ايه شروط انك تقعد هنا جرا ايه
خديجة بأحراج:اسفة ي دكتور
يوسف بضيق:اسف
قعدو هما الاتنين
خديجة بهمس وغضب:ابقي اسمع صوتك تاني
يوسف بحدة وهمس:همسك في زمارة رقبتك اقتلك
خديجة بأستفزاز:ولا تقدر تهز شعرة مني
يوسف بغضب:انااا وصوته علي ولقي الدكتور بصله بتحذير
يوسف ابتسم بغضب وقعد ساكت
___________________________________باااااااك
خديجة كانت مبتسمه وبتضحك بهمس
بس فاقت لما حثت بحد جنبها
غيث باصصلها ومبتسم
خديجة بصتله بخجل
غيث بفرحة: احم عرفت انك وافقتي
خديجة بخجل:ايوا
غيث:انا مبسوط اوي مش متخيل بجد
خديجة اكتفت بأبتسامة
فريدة جت عليهم وكان جنبها شاب
فريدة بأبتسامة:صباح الفل
خديجة بأبتسامة:صباح الورد
غيث باصصلهم وباصص للشاب اللي ورا فريدة
فريدة طلعت دعوة من شنطتها
خديجة بصدمة وفرحة:لا متقوليش
فريدة ضحكت:ايوا خدي دعوة خطوبتي اهي مع ان انتي جيا من غير دعوة اصلا
خديجة ضحكت
وغيث باصصلهم باهتمام
فريدة لسليم:سليم معاك دعوة كمان
سليم حط ايده في جيبه:للاسف كلهم خلصو
فريدة اخدت الدعوة من خديجة
فريدة بأبتسامة عريضة:اتفضل ي دكتور حضرتك كمان معزوم واكملت بمرح معلش بقي ي ديجا انتي مننا وعلينا يلا باي عشان ريحين نجهز
فريدة مشيت مع سليم وكانت حثا بأنتصار وفرحة بعد ما شافت الصدمة في عين غيث بس افتكرت سليم وخايفة علي مشاعره لما يعرف بكدة وكمان خايفة علي خديجة بس اللي متاكدة منو ان خديجة مش بتحب غيث بجد
غيث ماسك الدعوة وباصصلها وفي عالم تاني معقول دي فريدة اللي من اسبوعين ك انت منهارة وبتقله قد ايه هي بتعشقه غيث مش عارف ادايق بالشكل دا ليه وخديجة ملاحظة دا
غيث قطع الصمت وحاول يطلع من المود
غيث بأبتسامة:ها هنحدد قراية الفتحه والخطوبة وكتب الكتاب امتي
خديجة:لا براحة شوية قراية الفتحه والخطوبة دول تحددهم مع اخويا معاذ بالنسبة لكتب الكتاب مفيش حاجه رسميه هتم غير لما اتخرج وبدأ اشتغل
غيث:وانتي تشتغلي ليه منا موجود
خديجة بعدم فهم:يعني ايه
غيث:يعني كلها فترة وهنتجو ز وتبقي مراتي ومسؤلة مني مش هيبقي ليه لازمه شغلك
خديجة فضلت تبصله شوية
خديجة:يعني انا شغلي ملوش لازم اخرتها هبقي في بيت جوزي
غيث:لا مقصدتش
خديجة:يعني انا بعد ما درس ١٨ سنة ودرست سبع سنين طب وطلعت عيني وروحي وخسرت حجات كتير في الاخر مش هعمل حاجه بتعليمي وتعبي
غيث: خديجة مقصدش قلت
خديجة:يعني انا درست لغاية ما بقي عندي ٢٥ سنة عشان اللي يسألني اقله اني معايا شهادة واني دكتورة وخلاص
غيث:خديجة صدقيني مقصدش
غيث:بعد كل دا اتجوز وعشان جوزي احطم نفسي واهد كل احلامي وطموحاتي اللي بينتها من وانا طفلة
غيث باصصلها وساكت
خديجة قامت: يأخي ملعون ابو الجواز علي الحب اللي يخلي البني ادم يتنازل عن حاجة بيحبها عشان شخص ويا عالم الشخص دا هيقدره في الاخر او لا
خديجة لمت كتبها ومشيت
غيث ضرب ايده في التربيزة بغضب من غبائه
متتنزلوش عن حلمكم عشان شخص
متتنزلوش عشان حاجة بتحبوها شخص
متتنزلوش عشان شخص
متتنزلوش عن كرامتكم عشان شخص
متتنزلوش عن أي حاجة في الدنيا عشان اي حد حقيقي هيجي يوم ومش هيفتكر اللي انت عملته عشانه
خلي كرامتكم غاليه وقلبكم لناس تستاهل اجرو واسعو ولا حلمكم واعو تتخلو عنو مهما كل اللي حواليك حطموك حاول
خديجة نزلت وخرجت برا الكليه وكانت متعصبه جدا من غيث هي كانت بتتمني راجل يقف في ضهرها ويديها امل ويخليها تسعي ورا حلمها وتبقي حاجة كبيرة وياخد بأديها للاحسن مش يحطمها ويقلها ان هي هتبقي مسؤلة منه كانت مضايقة اوي
خديجة من عصبيتها مكنتش اخدة بالها هي ماشية ازاي وقفت علي اخر لحظة كانت هطسها عربية
خديجة بغضب وزعيق:اييييه الغباااء دا انت كماااان مش تحاسب مكنتش تعرف انو يوسف
يوسف بصلها برفعة حاجب ونزل من العربية
يوسف:نعم ي ماما انتي اصلا بتعدي الطريق والاشارة لسة فاتحة يعني لو عربية جاية سريع كانت شالتك
خديجة نفخت بضيق
يوسف بصلها:مالك متعصبه ليه ووشك وعنيكي حمرا كدة
خديجة بغضب:وانت مالك ها متعصبه مش متعصبه متنيلة بنيله انت مالك
يوسف بغضب وغيظ: خلاص براحة يعني حد مضيقك بطلعي عصبيتك فيا دا جزاتي اني خايف عليكي
يوسف ركب عربيته وقبل ما يقفل
خديجة بهدوء:انا اسفة كنت مضايقة شوية وغضبي طلع فيك
يوسف بصلها بقلة حيله ونزل من العربية
يوسف سند بضهره علي العربية:مالك مضايقة ليه
خديجة بهدوء:معلش مش حابة احكي
يوسف:تمام برحتك تحبي نروح ناكل سوا
خديجة بضيق:لا شكرا
يوسف:مطعم سوري فاتح نجيب شاورما
خديجة بضيق:شكرا
يوسف:طب هعزمك علي كريب وبيبس
خديجة بضيق:قلت شكرا
يوسف:بس هما علبتين كشري زي الفل
خديجة بصتله وضحكت غصب عنها من طريقته
يوسف بأبتسامة:بس كدة اضحكي الدنيا مش مستاهله ولا حد مستاهل تضايقي عشانه عيشي لنفسك وبس
خديجة بصتله شوية:يوسف ممكن ا سالك سؤال
يوسف بأبتسامة:اسألي
خديجة:انت لما تحب بنت وتبقي بتعشقها كدة وهي طموحه وعندها احلام وعايزة تشتغل هتعملها ايه
يوسف:هعمل ايه يعني أكيد هقف معاها واشجعها واخليها تحقق كل اهدافها وابقي اول واحد معاها وفخور بيها
خديجة بصاله بدهشه:يعني مش هيجي يوم تقلها اقعدي في البيت انتي شغلك ملوش لازمة انا الراجل وانتي الست
يوسف:اكيد لا طبعا الكلام دا انتهي من زمان يعني مدام هي محترمة وكويسة وعارفة تحافظ علي نفسها ليه اجي انا اهدم كل اللي بنته ليه اعمل معاها كدة بالعكس انا هبقي اول واحد اشجعها
خديجة بأبتسامة:انت جميل اوي ي يوسف ي بخت اللي هتكون من نصيبك
خديجة مشيت
خديجة وهي ماشيه بتفتكر هي قالت ايه ليوسف ازاي قالت كدة هي بتتعدي حدودها معاه وحثا ناحيته بشعور غريب ودا مينفعش دا يبقي اخو جوزها المستقبلي وبكدة هتكون بتغضب ربنا وممكن بسببها تحصل مشاكل بين غيث ويوسف
خديجة دماغها قربت تقف من التفكير وبتفتكر نظرة غيث لفريدة لما عرف انها هتتخطب عقلها متشتت جدا قررت انو مفيش غير حل واحد ترجع بيتها وتقرب من ربنا اكتر هوا الوحيد اللي هيدلها علي الطريق الصح
★★★★★★★★★★★★★★★★★★★★★تاني يوم
في بيت خديجة كان قاعد معاذ مع غيث وباباه
حسين:علي خيرة الله نقرا الفاتحه بقي
غيث قاطعهم:لحظة ي بابا معاذ لو سمحت حابب اقعد مع خديجة عشر دقايق بعد اذنك طبعا قبل اي حاجة
معاذ:تمام تعالو اقفو في البلكونة
خديجة خرجت البلكونة لقيت غيث وكانت باين عليها انها مش مبسوطة
غيث بهدوء:احم خديجة قبل اي حاجة حابب اعتذر علي كل حاجة قلتالهك امبارح والله انتي فهمتيني غلط انا مش جاهل ولا شرقي للدرجة اني امنع مراتي تشتغل وتحقق طموحتها بالعكس بس انا كان قصدي ان انا حالتي المدية كويسه ومش حابب اتعلم
خديجة بأبتسامة: تمام محصلش حاجه
غيث بأبتسامة:طيب استعدي قراية فتحتنا النهاردة وكمان اسبوعين هتبقي لابسة دبلتي
خديجة ابتسمت بس من جواها قلبها مقبوض ومش فرحان فرحة عروسة
★★★★★★★★★★★★★★★★★★★★★★★★★★
عدة الاسبوعين وجه يوم الخطوبة
كانت خطوبة بسيطة في البيت وكان موجود عدد بسيط مجرد خديجة ومعاذ وغيث وبباه ويوسف ومعاه بريهان وفريدة ومعاها سليم اللي اتخطبو قبلهم بومين وشوية من القرايب
خديجة قاعدة علي كرسي وغيث علي الكرسي والباقين حواليهم
فريدة قربت منهم مدت اديها تسلم علي خديجة
فريدة بأبتسامة وفرحة:مبروك ي حبيبتي الف مبروك
غيث فضل مركز في ايد فريدة لكام سانيه وبيبص علي الدبلة اللي في اديها
خديجة بابتسامة وشرود:الله يبارك فيكي ي حبيبتي
خديجة عقلها مكنش فيها خالص ولا مع اي حد مكنش بس غير علي يوسف اللي قاعد وماسك ايد بريهان وكل لما خديجة تبصلهم تدايق اوي ويوسف كذلك ايده مع بريهان ولكن عقله وعنيه وقلبه وكل حاجة مع خديجة وباصصلها بتركيز وكل شوية يبص بعيد عشان محدش يلاحظ
غيث بأبتسامة:مبسوطة
خديجاا خديجاا
خديجة فاقت:هاا ايوا طبعا مبسوطة جدا
غيث بصلها بشك
خديجة بهمس وضيق:هي بري جيا تعمل ايه هنا
غيث بعدم فهم:لازم تيجي مش يوسف جاي
خديجة بعدم فهم:وهي ملها ومال يوسف...
قطع كلامهم
يوسف بأبتسامة وعنين حزينه:مبروك اللف مبروك
غيث بابتسامة:الله يبارك فيك ي حبيبي عقبالك
بريهان بدلع: عقباله ايه بقي ما خلاص احنا مش زيكم احنا كلها كام شهر ونتجوز علي طول
خديجة بصدمة:ايه
يوسف وباصص لعنين خديجة:ا نا وبريهان قررنا نتجوز ليقين علي بعض مش كدة
خديجة بتهز راسها بصدمة وكسرة وحزنه
بريهان غمزتلها من تحت لتحت بأنتصار ورجعت مكنها مع يوسف
خديجة بصا ليوسف اللي ماسك ايد بريهان وعنيها اتملت دموع يوسف حاول يكون بارد ومتجاهلها عشان دا مينفعش
غيث بقلق: خديجة عنيكي مليانه دموع ليه انتي كويسه
خديجة بتحاول تبتسم:مش عرفة يمكن من الفرحة اكيد من الفرحة هدخل اغسل وشي واجي
خديجة دخلت بسرعة وقفلت علي نفسها وانفجرت من العياط وشهقتها بتعلي
فريدة دخلت وراها سمعت صوت شهقتها اتأكدة من اللي في بالها
فريدة بهدوء: خديجة افتحي
خديجة بتحاول تكون طبيعيه:لحظة ي فريدة وجيا
فريدة بهدوء: خديجة افتحي انا عرفة كل حاجة افتحي
خديجة اتصدمت وفتحتلها وكانت عماله تعيط
فريدة اخدتها ودخلو الأوضة وقفلو عليهم
فريدة بصلها: خديجة هتفضلي كدة كتير
خديجة بتوتر:مالي منا كويسه اهو
فريدة: خديجة انتي بتضحكي علي نفسك عنيكي وقلبك وكل تصرفاتك فضحاكي انتي بتحبي يوسف وهو كذلك
خديجة بصدمة:ايه
فريدة:ايوا بتحبيه ي خديجة من اول يوم لي هنا وانا متأكدة انكو هتحبو بعض
خديجة قامت بضيق وارتباك:بلاش كلام فاضي وعيب وحرام انا دلوقت هتخطب لغيث مش ليوسف وبعدين يوسف مين دا اللي ابصله انتي شيفا هوا ايه وانا ايه
فريدة:بردو بتضحكي علي نفسك خديجة يوسف عمل حجات كتير اوي عشانك واول مرة يعملها يوسف الطاوي اللي لو السما اتقلبت علي الارض ميعتذرش خلتيه مش بيعرف يقول غير اسف كسرتي كبريائه وخلتيه انسان الكل بدأ يحبه وبدا فترة يكون انسان كويسة ليه عشانك عشان كان حابب يكسبك في الاخر بس لما بقاكي اتخليتي عنه واتخطبتي لخوه نسي كل دا ورجع يوسف اوحش من الاول
خديجة بتعيط
فريدة:انتي في اديكي تنهي كل دا وتبقي مع يوسف حبيبك
خديجة قامت: فريدة الكلام دا مش وقته غيث مستني عشان نلبس الدبل
خديجة مستنش رد فريدة وخرجت بسرعة بس كانت هتموت من التفكير معقول يكون فعلا حبت يوسف الطاوي اللي كانو اعداء وبيكرهو بعض معقول يكون يوسف كمان بيحبها
غيث:اتأخرتي اوي
فاقت خديجة من شرودها: كنت بكلم فريدة في حاجة
الاب:يلا ي ابني لبسو الدبل بقي
غيث بأبتسامة:حبا مين يلبسك الدبل
خديجة بأبتسامة:معاذ
معاذ ابتسم وقرب منها وكانت فريدة مسكة الشبكة
ولسة معاذ هيحط الدبلة في ايد خديجة سمعو حاجة اتكسرت
بصو بصدمة لقيو يوسف كاسر الكوباية اللي كان بيشرب فيها وايده اتجرحت
يوسف :احم معلش اتكسرت غصب عني
وقام دخل التويلت
خديجة بصاله بحزن
يوسف اول لما شافهم اتعصب وقلبه اتكسر اوي وكان بيشرب في الكوباية اول لما شاف دبلت غيث في ايد خديجة بدون وعي فضل يضغط علي الكوباية واتكسرت فجأة
يوسف في التويلت بيغسل ايده من الدم الكتير بس مش موجوع لان وجعه الحقيقي في قلبه
عدي وقت والناس بدات تمشي وفاضل ناس بسيطة
خديجة خارجة البلكونة بالصدفة لقيت يوسف
خديجة بصدمة:انت بتعمل ايه
يوسف:...