رواية اغتصاب_بعد_منتصف_الليل
الفصل الثاني عشر
بقلم ساره العبيدي
عمي: اي ست وسن اتفضلي احجي وين جنتي البارحه وشلون طلعتي تالي الليل
وسن: وين جنت يعني جنت جنت وين راح أروح قابل
عمي:شبيج اسحب الحجي سحب منج احجي وين جنتي ويه منو طلعتي
وسن: ما طلعت ويه أحد مارجعت وحدي جنت خايفه لان جلاب ركضت وراي
عمي: هيه حزوره مو ماطلعت ويه احد مارجعت وحدي جاهل كدامج
ريم:عمي ليش تلح قابل وين جانت شو حتى مانطلع كانت يم توته شايفتها متكاونه هيه وزوجها الفجر بيج قصص وروايات منقولة خايفه راجعه تركض وراكضه وراها الجلاب واجت ترجف من الخوف
عمي: نفترض كلامج صحيح ليش ما كالت لامج و منو اجه اخذها
ريم: عمي شسالفتك يعني منو غير توته اجت اخذتها وأمي ملتهيه ما شاء الله ماتعرف اليغرب من اليشرق
ملتهيه وياك تدفنون سوه
عمي: احجي عدل لا عبالج لان حامل ما امد ايدي عليج اكسرج والله
شنو قصدج ندفن سوه
ريم: ماقصدت شيء الكتاب واضح من عنوانه
عمي: انجبي احسن وانتي احجيلي صار لا هسه والله طلقه براسج واخلص من عارج
توته: كلمن يشوف الناس بعين طبعه وليمد ايده عليها تنكسر كالتلك جانت يمي شنو مامصدك
عمي: لا هلا ولا مرحبا شكو جايه من الصبح خيرج
ولا ما مصدك بكل الحجي
بيج قصص وروايات منقولة
توته: اجيت لبيت ابويه مو بيتك وتكاونت ويه زوجي واجيت و وسن جانت عندي البارحه ومحمد وصلها الفجر
عمي: مره محمد وصلها ومره الجلاب راكضه وراها وتالي وياكم تحجون لو هسه اخليكم كوم لحم وارميكم بزباله
وسن: محمد ماوصلني للباب لبيت ابو خالد الكصاب لان كان معصب ومن نزلني لكت كلاب وهيج اجيت اركض وخايفه ماصدكت أوصل للبيت
عمي':هاي خوش تصفيط حجي اني هسه مطلوب مني اقتنع
وانتن الاثنين جاي طمطمن على عارها مو
سحب اقسام بلمسدس و وجه عليه
يلا احجي الصار والصحيح لا هسه اهنا اكتلج يلا
دائما أكول الكم لا تنسون اني منو يعني حجيكم هذا مايعبر عليه
امي: الله يخليك بعد المسدس لا تخسرني شخص ثاني الله يوفقك اني هسه اخليها تحجي
عمي: ابتعدي عني احسن هيه وخواتها يحتاجون تربيه من جديد هواي منطيهم.مجال كل وحده عايفه زوجها جايه عليه لسانها شطوله
وسن: والله هذا صار شسوي قابل وين اروح كافي عوفنا بحالنا ما كفاك سويته بينا
امي: ابو عامر الله يوفقك ابعد المسدس ليش حتى جذب علينا هيه حجت الصار
عمي: يامريه روحي عن دربي خلي اربيهم واغسل عارها
امي: هاي بنتي اذا تنازلت عنهم بالبدايه هسه لا لهنا وكافي هواي احترمت وجودك. طلعت او رجعت حتى لو اغتصبت اني اتصرف أنت مادخلك بيني وبين بناتي
عمي': هذا حجي الجديد خلي يفيدج طلعتي انتي الكواده مالتهم عفيه اني جامع بيتي كحاب خوش والله
وسن:تخسه نشرفك ونشرف الاحسن منك ولا تكول بيتي هذا بيت ابويه
عصب عمي وما سمعنا غير صوت الطلقه
ركضنا على وسن عبالنا الطلقه بيها طلعت امي كدامها
والطلقه بامي
عمي طلع يركض من البيت
طلعت على جيران اصيح اجه ابنهم و امه نقلنا ماما للمستشفى هيه فاقده الوعي
طلعت الاصابه بكتفها
ريم.خطيه لان حامل صار عدها وجع وتقلصات وتخربطت عليه
حايره بين امي و ريم و وسن بقت بالبيت
خابرت محمد جاب أمه واجه عليه نسينا الزعل لبينا
وام محمد خطيه عبالك امي ثانيه مو ام زوجي تبجي وياي وتركض على دكاتره وياي
دكتور: بنتي هاي حاله امج لازم نقدم بيها بلاغ للشرطه
توته: دكتور عمي لي ضربها اتمنى تقدم البلاغ بأسرع وكت
محمد: توته هذا عمج صح ما اعرف صار بس الناس شتكول تشتكي على عمها
توته: من تعرف صار بيدك تاخذه وتسلمه لهم هذا مو عم من كون عمت عينه هذا نقمه وبلاء الله دزه علينا
عالجوا امي واطمئنيت عليها رحت شفت ريم لكت المغذي بعد ما خلصان
وام محمد مخليه ايدها على رأس ريم وتقرأ ايات لها
فدوه ربي يحفظها لي
اجه ضابط.طلب يحقق ويه امي
ورا ما ارتاحت
واكفه اني ومحمد وشرطي وضابط ويا
هو يسأل امي وامي جاوبه
كمل و سجل اقوالها
أمي: خويه بلا زحمه عندي بلاغ ثاني عليه ومستعده أحلف على كلام الله
ضابط: اي اختي تفضلي على منو البلاغ
أمي: على الشخص نفسه قبل فترة نفقد زوجي وبلغنا مراكز الشرطه والمستشفيات مالكنا له اثر بيج قصص وروايات منقولة
الشخص نفسه هو لي خاطف اخو وهو سبب موته وهو لي كال لي هذا الحجي كله لان حاط عينه على ورث لي انطا له ابوه ولان يكره ويغار منه
الضابط: اختي متأكده من كلامج لو شغلة عداوه تريد تشتكين عليه
أمي: لا خويه صحيح الكلام ومستعده احلف على كلام الله كل كلمه كلتها هيه صحيح
الضابط: زين ليش مابلغتي عنه اول ماعرفتي ليش بقيتي ساكته
امي: خويه يشهد الله عليه ماعرفت غير قبل يومين وصارت سالفة بنتي واليوم شوفت عينك تكاونه مو بس هاي هو على اساس زوجني طلع مخلي ويه اوراق الزواج عقد شراء البيت لي هسه كاعدين بي احنا
الضابط: ان شاءلله كل حق يرجع لاصحابه واحنا ويه الحق سواء انتي او هو
راح نلقي القبض عليه ونتبع الاجراءات ان شاءلله
امي: جزاك الله خير وربي يحفظكم
راح ضابط و لي معه
توته: ماما انتي صدك تحجين شوكت صار هذا الشي وشوكت انتي زوجتي شو احنا مانعرف شيء هذا لهذا السبب وسن حاولت تخلص منكم وتنهز لكن حظنا ذبها بمصيبه ثانيه ماكول غير لا حوله ولاقوة ربي ينتقم من كان السبب بكل الصار لنا
عفتها وطلعت ريم اريد اعرف هيه عدها خبر لو نفسي مثل الاطرش بزفه
طبيت للغرفه عليها لكتها كاعده تريد تجي علينا
توته: ريم انتي عندج خبر بصار عمج وامج وسبب طلعت وسن لو نفسي
ريم: بارحه عرفت وسن حجت لي ولذلك قررت اخذ بثار ابويه ولي سوه بوسن هيج وهم قررت إرجع اكعد بيت ابويه عامر يريد يجي وياي يبقى عد أهله بكيفه بس بعد ماعوف لا اختي ولا امي
توته: امي صدك تحجين تكولين امي بعد سوته
ريم: توته تره امي على نياتها ودليل بسرعه ضحك عليها واستغلها لذلك لازم نجتمع ونصير كلنا سوه حتى مايشوفونا بنات ويضحكون علينا ويستغلونا
توته: معرف معرف عقلي مشوش بعد سمعته
ام محمد: كولوا يا الله ومن ترجعون للبيت قرروا شنو تسون
توته: خاله اريدج ويانا انتي اكبر من عدنا تكدرين تنصحينا مانريد نضيع اكثر ونتأذه أكثر من الصار بينا الله يوفقج بس هاي الفتره
ام محمد: صدك جذب والله اعتبركم مثل بناتي عين عيونج هسه ابلغ أبو محمد مايكون خاطرج الا طيب
بالليل رجعنا للبيت
طببنا أمي للغرفه ترتاح وام محمد ويانا بلغت أبو محمد وافق تبقى ويانا ومحمد وصلنا وراح للبيت
ريم: يبؤؤؤ عامر يتصل والله مالي خلك بعد الصار ارد.
توته: جاوبي هو شنو ذنبه خاف يريد شئ
ام محمد: بنتي لا تخلطين الاوراق هو زوجج وهذاك عمج لا هو مسؤؤل عن تصرف أبو ولا عمج مسؤؤل عن تصرف ابنه جاوبي وشوفي شنو يريد
ريم: الو عامر
عامر: ولج امج الكح..... شكو مبلغه على أبويه تعرفين هسه اذا لزمها قسم بالله اشرب من دمها أحد ضربها على ايدها وهيج سوت وهاي اختج العار حقها من يكتلها
ريم: عامر ممكن تحترم نفسك وماتغلط أنت ماعرفت أبوك شنو سوه فلا تحكم لحالك لو تعرف بسوالفه أنت بنفسك تأخذه للسجن
عامر: ليش شنو مسوي حتى حضرت جنابكم هيج تسوون وتبلغون عليه أنتي هسه وين فهميني
ريم: عامر والله فاهم الموضوع غلط وماتعرف شنو مسوي أبوك هو ورا اختفاء بابا وهو ماخذ البيت مسجله بأسمه وسبب كل صار لنا
عامر: انتي جاي تكولين انتي وين فهميني
ريم: بيتنا رجعنا هسه
عامر: سدي الخط دقايق اني يمج
اجه عامر للبيت ويبؤؤ كعد يحجي ويصيح وام محمد تحجي ويا وماظل قران ماحلفنا بي وهو مامصدك
بلاخير كتله روح على أبوك خلي هو يحجي الك عافني وطلع وهو معصب ومامصدك
الشرطه مستمره دور على عمي
ورا يومين
اجانا اتصال من رقم غريب على رقم البيت
توته: الو منو وياي
عمي: نسيتي صوتي لازم وراكم وراكم عبالكم انساكم والله ازين شاربي اذا وحده منكم بقت عايشه الا اخليكم تلحكون ابوكم وما اخلي اثر لهاي العائله والاسم
توته: بس سؤال أنت عم لو غضب الله علينا
ام محمد معرف ليش واكفه يمي لازمه جهاز وتاشر لي مافهمت شنو تريد.
عمي: ماكون ابو عامر واكعد بين الزلم اذا ما خليت وحدتكم تمشي وتحجي ويه روحه وامج اني اعلمها الزلم شلون اني تبلغ عليه
توته: شتوقع من الغربه اذا عمي هيج
ماكول غير حسبي الله ونعم الوكيل بيك خير روح للشرطه واحجي بزودك
سد الخط بوجهي واني احجي
ام محمد: امشي بدلي وخابري محمد يجي علينا
توته: ليش خاله وين نروح مو كلتي ابقى وياكم بين ماصير أمي زينه ونحل مشاكلنا
ريم: خاله احنا صح تعبناج ويانا اذا رايده ترتاحين روحي بس عوفي توته ويانا
ام محمد : ياخاله ليش مستعجلين أمشي خابري محمد يجي وهسه تعرفون كلشي
اجه محمد وطلعنا ويا
محمد: يمه وين رايحين خير شكو
ام محمد: للمركز لي بلغت بي ام توته
محمد: ليش خيرج انتي هم رايده تشتكين خو ماكو شي
ام محمد: أنت مثل زوجتك شكد. تسالؤن امشي واسكت نوصل وتعرفون السالفه
وصلنا للمركز محمد ماقبل انزل بس هو وأمه نزلوا بقيت انتظرهم بسياره والفضول يقرأ الف أريد اعرف شنو صار
ساعه يلا طلعوا من المركز
توته: خاله صبري خلص شسالفه احجيلي شسويتي
ام محمد: انتي من اتصل عمج واني يمج فتحت تسجيل وسجلت كلامه بتلفوني وهسه نطيت تسجيل للمركز حتى تثبت الدعوه ضده ويتاكدؤن من كلام امج صح
توته: اسمعها تحجي وإني نزلت دموعي خاله معرف شلون اجازيج القريب يطعن ويهدم وانتي واكفه ويانا وتساعدين بينا
ام محمد: بنتي الدنيا لو خليت قلبت لا صدكين ربج يكطع رحمته الله كريم. لا تخافين الله ويه الحق مو بس إني وهسه شوفين شلون ينصركم
توته: ربي يحفظج لي وان شاء الله يقدرني واجازي تعبج وياي
محمد: ماصدك هاي منو يحجي بهيج أسلوب لا لا لا ابد مو انتي لعد لسانج عليه بس عبالي ماتعرفين تحجين
توته: خاله شوفي شلون يتحرش بيه من أحجي مايعجبه
ام محمد: عوفوني منكم رجعنا للبيت يلا والعصر مر عليه حتى اروح اشوف أبوك وانظف البيت
توته: وأحنا شلون خاله
ام محمد: بالليل إرجع خاله هم لازم اروح اشوف البيت شبي مابي مايصير اتركه فدمره لا تخافين ماعوفوكم تنامون وحدكم
توته: ماشي خاله على راحتج
رجعنا للبيت وحجت لهم ام محمد شسوت وامي والبنات بقوا يشكرون منها
صدك. مانعرف شلون نجازيها الله يوفقها
رابع يوم كاعدين بصاله كلنا البنات وام محمد ويانا وسن مسويه كيك وعصير نأكل ونحجي
امي بغرفتها
نسمع صوت امي تصيح معرف صوت ماواضح
رحنا. ركضنا كلنا لها