البارت الاول
بقلم صابرين علاء
كانت الممرضه بتعمل مكالمه وفجأه بتىف ملقتش المريضه اللي كانت معاها من دقيقتين
استغربت وقالت اي دا المريضه راحت فين دي كانت لسه معايا تكونش رجعت اوضتها
دخلت الممرضه علي الاب وبنته وقالت هي مدام حضرتك رجعت...... هي كانت معايا وفجأه ملقتهاش
مهران قام وقف وقال للمرضه نعم يا اختي
الوليه لسه ماشيه معاكي دلوقتي ترجعي من غيرها وتسألي عليها كمان
الممرضه قالت هي فعلا كانت بتتمشي معايا ف الطرقه بتاعت المستشفى بس انا جالي تلفون واستأذنت منها ولما رجعت ملقتهاش
مهران قال ملقتهاش ازاي دي لسه والده وكمان بطنها مفتوحه هي هاتسبلي العيلين التؤام دول وتهرب ولا ايه لا دا انا لازم اجبها من شعرها مش هي اللي صممت انها تخليهم ف بطنها وف الاخر تمشي لا انا لازم الاقيها واديها علقه موت
وخرج الاب ومرجعش تاني عدت الساعات ونظلي قاعده لوحدها ف المستشفى ومعاها اخواتها التؤام مستنيه ابوها ومرجعش
والممرضه جت وقالتلها لسه بردو امك وابوكي مرجوش
نظلي قالت لا....... مرجعوش
الممرضه طبطبت عليها وقالت طب وانتي هاتعملي ايه دلوقتي انتي عندك كام سنه ياحلوه
نظلي ردت وقالت عندي ١٠ سنين
الممرضة استغربت وقالت لاحول ولا قوة إلا بالله طيب انتي تعرفي عنوان بيتكم
نظلي قالت ايوا بس اااااا
الممرضة طلعت فلوس من جيبها وقالتلها خدي دول خليهم معاكي ودا لبن اطفال لاخواتك عقبال ما ماما ترجع بالسلامه ان شاءالله
بتعرفي تحضريه
نظلي قالت لا
الممرضه قالت بتغلي ميه وتحطي معلقه ممسوحه ف الببرونه وبعدين ترجيها كويس وتبرديها وتسقيهم انتي عارفه ان هم لما يكبرو هايحبوكي اوي وهايبقو اهلك وعزوتك وعلشان كدا اوعي تبعديهم عنك ابدا ومتزهقيش منهم وانتي جميله وشاطره وبتسمعي الكلام مش كدا
نظلي ابتسمت وقالت شكرا يا طنط عن ازنك
꧁꧁꧁꧁꧁꧂꧂꧂꧂꧂
في مكان تاني كانت الام رجاء هربانه مع عشيقها اللي خدها من المستشفي وشجعها علي الهروب معاه قالتله استني بس يامحمد انا لسه والده ومش قد المشي دا كله
محمد قالها معلش يارجاء تعالي علي نفسك شويه الزفت جوزك عمال يدور عليكي ف كل حته ويادوب زوغنا منه من شويه
رجاء قالتله الله يخربيتك كانت شوره مهببه كان لازم يعني نهرب انا قلبي واكلني ع العيال نظلي هاتتصرف معاهم ازاي دلوقتي
محمد قالها مالكيش دعوه ابوهم يتصرف انتي مش اول ولا اخر واحده تسيب لجوزها العيال وتمشي خليه يتلاها فيهم شويه ويبطل يدور عليكي
رجاء قالتله مين مهران دا عمره ما ينساني مهما حصل دا مجنون بيا
وقف محمد وضربها بالالم وقالها بيحبك ايه يامره دا كان بيصبحك ب علقه ومسيكي بعلقه
ولا انتي ناسيه انك ياما جيتي ف حضني واشتيكتي منه......... خلاص انتي حره ارجعيله يااختي وشوفي هايعمل ايه فيكي لما ترجعيله من بعد ماهربتي.... تعرفي انتي اصلا مره ناقصه هو انتي لو معندكيش ضمير كنت سبتي جوزك وبنتك وجيتي معايا سكه ف الحرام ولا كنتي سبتي عيالك اللي لسه لحمه حمرا وهربتي معايا دلوقتي .
رجاء اتصدمت ف عشيقها طلع واحد تاني خالص غير اللي كانت شايفاه زمان
حست بكسره نفس بعد الكلام دا وقالتله يااااه دا انا لو كانو حلفولي ع الميه تجمد ان انت كدا مكنتش صدقت ابدا
محمد لا ياختي صدقي ويلا همتك معايا عايزين نلحق قطر اسيوط احنا لو فضلنا هنا محدش عارف ايه اللي ممكن يحصل يلا بينا
ومشيت رجاء معاه وهي مش عارفه ابه اللي مخبيه القدر ليها اختارته بجوارحها من غير شفقه او رحمه علي عيالها الرضع
꧁꧁꧁꧁꧁꧂꧂꧂꧂꧂
كان مهران ماشي ف الشوارع زي المجنون بيدور علي مراته ام عياله ونسي خالص بنته وعياله الرضع ولقي نفسه ف مكان محدوف شويه عن الحضر كانت زي حته مقطوعه
ولقي فيها ناس عاملين طبل وزمر قرب شويه لاقاه فرح
واحد من صحاب الفرح قاله تعال ياعمده اتفضل باباشا خلي بينا عيش وملح تعال قرب وكل عشان الفرح يجي عندك
مهران ماصدق انه لقي اكل بقاله يومين عمال يلف ف الشوارع بيدور علي مراته
نزل قعد معاهم علي الطبيله وكل وشبع وبعد كدا اتكلمو معاه شويه وسألوه
انت يابا متجوز........
مهران قال لا
الراجل قاله طيب ايه رايك نجبولك عروسه وتتجوز هنا وتبقي ف وسطينا قولت ايه ياعمده
مهران قاله موافق
وف اللحظه دي مهران قرر انه يعمل زي ماعملت مراته قرر يتخلي عن ولاده التلاته ويعيش لنفسه زي مامراته اختارت نفسها
꧁꧁꧁꧁꧁꧂꧂꧂꧂꧂
نظلي راحت عن جدتها سهيله ام ابوها لان مالهاش غيرها وكانت ست قاسيه زي مرات الاب واشد
سهيله وانتي يااختي بقا دلوقتى جايالي انتي والعرس اللي ف اديكي دول اعمل بيهم ايه
هي ناقصه شيل هم وواقوه وصداع ليل نهار
نظلي قالت لستها والنبي ياستي معلش استحملينا احنا مبقلناش غيرك دلوقتي امي وابويه خرجو ومش عارفه راحو فين خالينا عندك والنبي
سهيله قالت قصدك يا اختي امك الوسخه هربت مع عشيها محمد وابوكي مرجعش علشان رقبته متبقاش قد السمسمه قدام الخلق
اوعي تكوني يابت فاكراني مش عارفه حاجه
نظلي قالت لستها بتوسل ابوس ايديكي يا ستي احنا ولاد ابنك بلاش، تعملي معانا زي ماعملو امي وابويا خليكي حنينه علينا والنبي
سهيله قالت لاحول ولاقوة الابالله صعبتي عليا يابنتي خلاص اقعدو معايا ونسوني بس بقولك ايه انا وايه كبيره وعندي السكر وتعبانه ومش قادره اخدم عيال زيكو انتي هاتقعدي معايا بلقمتك فهمتي يعمي هاتعملي كى حاجه ف البيت من غسيل مسيح طبيخ واخواتك القطط دول انتي اللي هاتربيهم وتستحمليهم وتغيرلهم كمان
نظلي قالت حرام عليكي ياستي وانا هقدر اعمل دا كلو ازاي طب ومدرستي ومذاكرتي
سهيله قالت علام انا مبعلمش ولو عايزه تتعلمي انا معيش فلوس لدروس ولا مجاميع ولا كتب ولا ملازم تتعلمي ببلاش عاجبك علي قد اهلا وسهلا مش عاجبك يبقي الباب يفوت جمل
نظلي حضنت اخواتها ومن اللحظه دي حست بالمسؤليه انها هاتكون الام والاب وقررت انها تكون اقوي من الظروف
꧁꧁꧁꧁꧁꧂꧂꧂꧂꧂
وف يوم من الايام كانت فاتن اخت مهران قاعده مع سهيله امها وقالتلها بقولك ايه يامه ماتخلي البت نظلي تنزل تشتغل
سهيله قالت ماهي يابت قايمه بشغل البيت انا يادوم بطبخ بس وحتي مازن ورحيم اخواتها
هي اللي شايله همهم
فاتن ردت علي امها بجبروت وقالتلها ماتخليها يامه تشتغل ان شاءلله ساعتين بس ف اليوم
واهو علي الاقل تكفي مصاريفها ومصاريف اخواتها دا انتي يا دوم معاش ابويا مكفيكي بالعافيه
بقلمي صابرين علاء.
سهيله اقتنعت برأي بنتها وقالت طب دا البت عندها عشر سنين هاشغلها فين بس
فاتن زي مايكون مجهزه الشغل قالت في عياده جمبينا الدكتور طالب عيله صغيره تفتح العياده وتكنس وتنضف وتدخله العيانين وهديها ٧٠٠ج
دا غير البقشيش اللي هتاخده من الناس اللي هاتصعب عليهم يعني رزقايه حلوه وهم يادوب ساعتين تلاته ف اليوم
سهيله هزت راسها ورحبت بالموضوع وراحت قالت لنظلي وهي وافقت لانها صغيره وضعيفه
ومافيش قدامها حل الا انها تقبل علشان خاطر اخواتها
꧁꧁꧁꧁꧁꧂꧂꧂꧂꧂
نظلي كانت ساكنه ف منطقةشعبيه والناس كلها عارفين انها وحيده وولاد الحرام ماليين الشوارع شافها سيكا البودرجي اللي ف المنطقه والبت دخلت دماغه اوي بس لاقاها صغيرة اوي عليه فقال ياخدها ويربيها علي اديه الاول ولما تشد عودها شويه يبقي يقرب منها وف يوم لقاها راجعه بليل قام راح خطفها وحبسها عنده ف المخزن وقالها
بقولك ايه يانظلي انتي عندك كام سنه دلوقتي كان بيسألها وهو بيبصلها نظرات شهوانيه وقحه نظلي قالتله ١٠ سنين
زيكا قالها لا صغيره بردك انا هاصبر عليكي بس انتي بتعتي ومافيش دكر ف المنطقه هايخش عليكي غيري فاهمه
نظلي لقته اتجنن ع الاخر وشكله شارب مخدرات وملقاش قدامه غيرها علشان دماغه تقوم عليها هي قالت تسايره وتضحك عليه علشان تخلص منه وترتاح قالتله طيب ماشي يا زيكا ممكن بقي اروح علشان اتأخرت
زيكا قالها انتي من النهارده ف حمايتي وتحت امرك من جنيه لمليون فهمتي
نظلي قالتله حاضر ممكن امشي بقي
زيكا قرب منها جامد وكأنه هايتحرش بيها وفجأه قالها افتحي ايدك
نظلي قالتله نعم
قالها افتحي بس واداها كيس بودره وقالها دا تسلميه لواحد اسمه سوسكا تحت الكبري وانتي راجعه من الشغل بكرا مفهوم
البيدج الاصليه الكاتبه صابرين علاء.
نظلي قالت ف عقلها دي مصيبه ايه بس دي ياربي هي كانت نقصاك انت كمان
بس خطرت ف بالها فكره وقالت تنفذها
قالتله ماشي حاضر انا تحت امرك هات بقي دي وانا هاعملك اللي انت عاوزه
وخدت كيس البودره وراحت علي الشرطه عدل وقالت اللي حصل معاها بالظبط
الظابط مسك الكيس وفتحه وداق منه وفجأه قال ههههههههههه ودا مقلب منك بقي ولا ايه عايزه تهزري مع الحكومه يابت انتي
نظلي قالت لا والله ياباشا ما بهزر الواد دا مدمن فعلا وعايز يشغلني معاه وادالي الكيس دا علشان اسلمه لواحد ديلر اسمه سوسكا
الظابط قالها انتي مصممه عالكدب ليه الكيس دا عباره عن نشا وسكر بودره هم غيرو الصنف ولا انتي جايه تضحكي علينا بقولك ايه انتي شكلك صغيره وغلبانه مش حمل بهدله امشي دلوقتي من قدامي بدال ما ارميكي ف الحجز
نظلي خافت وقالت لا وعلي ايه ياباشا ساموعليكو
ومشيت نظلي وهي حاسه باليأس والاحباط وبتقول ف نفسها....ازاي الكيس اللي اداهولي زيكا كان فيه نشا وسكر بودره يانهاري اوعي يكون كان عامل حوار عليا وبيختبرني
يالهوي دا انا لو رحت المنطقه تاني هايعلم عليا
فجأه سمعت صوت زيكا اللي جه من وراها وقالها
وهم فتوه المنطقه هايستني لما تروحيله دا هو قال ف عقل باله ماتيجي نقرب المسافات
سوسكا قال ووننسي اللي فات
قالها وهو بيتغزل ف نظلي
زيكا قاله يا ياصاحبي دي خاينه واحنا مش بنسامح الخاينين انت عارف نظامنا
طبعا نظلي كانت واقفه ف حته مقطوعه وهم جم عليها ووقفو واحد علي يمينها والتاني علي شمالها وماسكين كل واحد مطوه وبيخوفوها ونظلي كان قلبها بيدق جامد وركبها بتخبط ف بعضها راحت قالتلهم بخوف حرام عليكم سيبوني ف حالي
زيكا قال ملاك البت ياعيني وطيبه لا وحنيه يا خويه بس انا مبسامحش حد عايز يبلغ عني
سوسكا قاله لا معلش ياصاحبي خالينا نسمحها البت غلبانه ومنكسره وبنت حتتنا بردك
زيكا قاله وايش ضمني ياسوسكا انها ماتخونش تاني
سوسكا قالها ياعم انا اضمنها هي خلاص غلطت وعرفت غلطها مش كده ياقطه
نظلي هزت راسها وقالت اه والله اه حقكو عليا سامحوني مش هاعمل كدا تاني
سوسكا قال وايه يضمنلنا انك متعمليش كدا تاني
قالتله اوعدك
زيكا غني تريقه وقال اوعدك ديما فاكراك
وبعدين مسكها من دراعها وقالها جرا ايه يابنتي هو انتي فاكراني خطيبك ولا ايه...... يلا قولي ايه الضمان
سوسكا قال ايه يا زيكا من امته واحنا بنزعل بنات جيرانا هي تلاجات زانوسي ياجدع احنا خلينا نضربها
االحلقه الجديده بتنزل كل يوم علي صفحتي الساعه 10
زيكا خدها ورا ضهره وقاله لا يا سوسكا البت دي غلبانه وخلاص بقا كفايه كدا عليها دي عملت حمام علي روحها امشي انت دلوقتي وانا هاتفاهم معاها
نظلي مشت معاه وحمدت ربنا ان نجاها من اللي كانو عايزين يعملو فيها
زيكا قالها بصي بقا يا نظلي انا حميتك منه المرادي بس محدش عارف ايه اللي ممكن يحصل المره الجايه عشان كدا انا عايزك تسمعي الكلام اللي هاقولك عليه وهايكون ليكي لقمه عيش حلوه
نظلي قالت ماتكمل جميلك وتبعد عني وتسبني ف حالي ابوس ايدك
زيكا قالها كان علي عيني بس انتي خلاص بقيتي ف عش الدبابير
꧁꧁꧁꧁꧁꧂꧂꧂꧂꧂
رجاء كانت متبهدله ومتمرمطه مع عشيقها
وكانت مستحمله قرفه علشان مالهاش حد غيره
وندمت اوي انها سابت جوزها وعيالها وهربت معاه وف يوم عشيقها محمد دخل وقالها
اعملي حسابك هاتشتغلي من بكرا بقالك ٤٠ يوم اهو بقيتي مش نفسه وتقدري تروحي وتيجي وتهزي
رجاء اتصدمت وقالتله اهز..... يخربيتك انت عايز تشغلني رقاصه يامحمد هي دي اخرتها
محمد رد عليا بجبروت وقالها والله اذا كان عاجبك انا مش قادر علي المصاريف انا بجيب سجايري بالعافيه اعمل ايه ياعني
رجاء قالت تقوم تشغلني رقاصه هو انت ايه مش راجل مش غيران عليا وانا واقفه برقص وعنين السكرانين بتنهش ف لحمي
محمد قالها ومالو اهو بدال ما انا انبسط لواحدي اهو كلنا نتبسط سوا
رجاء قالت انت مين........ انت مش ممكن تكون محمد اللي كان بيحبني وبيخاف عليا انت طلعت وسخ اوي
وايضا نرشح لكم
محمد مسك شعرها وقالها جرا ايه ياوليه انتي هاتغلطي ولا ايه هو مش دا كان قرارك بردو انتي مش كنتي كل شويه تقوليلي انا بحبك يامحمد انا مقدرش اعيش من غيرك تعال نهربوان شالله ناكلها بدقه حتي المهم اكون معاك راح فين الكلام ده بقي حطتيه علي بخور وولع
اعملي حسابك بكرا هاتيجي معايا ع المولد مفهوم.
꧁꧁꧁꧁꧁꧂꧂꧂꧂꧂
مهران كان عايش ومبسوط مع مراته الجديده ومش حاطط ف دماغه حاجه وعمال ياكل ويشرب ومدي الدنيا طناش
وفجأه مراته دخلت وقالت مهران انا حامل
مهران كان متعقد من الموضوع وكاره العيال قالها،،، بجد مبروك الف الف مبروووك
مراته قالتىه بجد يامهران انت مبسوط انك هاتبقي اب
قالها طبعا ياحببتي دا حلم حياتي
قالها بس تعالي بس نتمشي شويه برا الجو حلو اوي
مراته قالتله لا يا مهران التمشيه دلوقتىمش حلوه خلينا قاعدين ف البيت احسن
قالها داكتور مين بس تعالي
وخدها مهران وفضلت تمشي معاه ومره واحده زقها ووقعت علي حجر ومستحملتش وسقطت
꧁꧁꧁꧁꧁꧂꧂꧂꧂꧂
نظلي سلمت امرها لله وبقت تصلي وتدعي ربنا انه يخلصها من سوسكا وزيكا علي خير
وف يوم من الايام زيكا اداها كيسين بودره وقالها خدي يا نظلي الكيسين دول حطيهم ف صدرك انتي لسه صغيره ومحدش هياخد باله وتوصليهم بنفسك ل ل سوسكا مفهوم
وفجأه البوليس دخل نظلي رمت اللي ف ايدها وقلبها اتقبض وحست انها كدا خلاص ضاعت وضاع مستقبلها وهاتكمل حياتها ف الاصلاحيه ومش هاتشوف اخواتها تاني
الفصل الثاني
بقلم صابرين علاء
دخل البوليس وقبض عليهم والظابط قال لنظلي
بالرغم من انك صغيره بس عملتي الصح وانا دلوقتي بشكرك من قلبي ولو احتاجتي اي حاجه انا مستعد اساعدك
نظلي شكرته وقالتله متشكره اوي ياحضرت الظابط بس ممكن اطلب من حضرتك طلب
الظابط قالها اتفضلي قولي
قالتله امي وابويه بقالهم فتره مش باينين ممكن حضرتك تدور عليهم
الظابط قالها اممم ماشي يا نظلي هانم انت تؤمري
ومشيت نظلي وحمدت ربنا ان الموضوع عدي علي خير ولما روحت البيت لقت في حريقه ف الشقه جريت وقالت هااا اخواتي.........
جارتها قالت الحقي مازن يا نظلي كان جوا جنب سته انا جبت رحيم ولحقته بس معرفتش اجيب مازن الحقيه يابنتي
جريت نظلي علي اخوها لقت ولما دخلت الاوضه لقت ستها النار كلتها وسبحان الله لقت اخوها تحت السرير والنار بعيده عنه
مسكت مقشه وفضلت تشده بيها لحد ما قدرت تقربه منها وفجأه النار مسكت ف رجلها نظلي اتوجعت جامد بس كان كل همها انها تطلع من الشقه وتنقذ اخوها مازن
ولما خرجت علي خير الجيران خدو مازن منها وبسرعه طفو رجلها با البطانيه
الجاره قالت لها معلش يابنتي قدر ولطف البقيه ف حياتك والحمد لله اخواتك بخير ربنا يباركلك فيهم
نظلي بصت لاخواتها وقالت وبعدين هاعيش فين دلوقتي انا واخواتي طيب عماتي باتري هايرضو ياخدونا عندهم دا مظنش دا محدش فيهم بيطيقني خالص لا ف السما ولا ف العمى
وبعدين بصت ف السما وقالت حلها من عندك يااارب
هبه جارتهم قالت لها تعالي يابنتي عندنا مش هاينفع تعيشي ف الشقه لوحدكم دا اصلا مبقاش فيها حته سليمه النار كلت كل حاجه بصي انا وجوزي عايشين لوحدنا وانتو هاتنورو علينا حياتنا
نظلي قالتلها كتر خيرك مش عاوزه اكون حمل عليكم انا هادبر اموري
هبه قالتلها بس ياهبله ماتقوليش كدا انا ف مقام مامتك بالظبط وبعدين مين عارف مش يمكن ابوكي لما يعرف اللي حصل يجي او امك الله اعلم يابنتي بظروفهم سيبيها علي الله تعالي تعالي يلا
ودخلت عندها نظلي واخواتها ونظلي خدت اخوها رحيم ورضعته وخدته ف حضنها ونامت جنبه وهبه خدت مازن رضعته وقعدت تلعب معاه وفجأه سمعت صوت مفاتيح الباب فعرفت ان جوزها زاهر جه خرجت بالولد وهي عمال تهشك فيه وفرحانه بيه قدام جوزها
زاهر قالها مين الواد دا ياهبه
هبه قالتله دا مازن ابن رجاء جارتنا يازاهر
زاهر قالها مش دي الوليه اللي هربت مع عشيقها وسابت 3 عيال ولادها
هبه قربت منه وبتوسل قالتله ماهو الناس حصل عندكم حريق كفانا الشر وستهم ياعيني ماتت والعيال ابوهم وامهم اختفو مانت عارف
العيال دلوقتي مالهمش حد
زاهر قالها ليهم ربنا ياهبه انا مش عايز العيال دي ف بيتي دول يشبهونا وبعدين ازاي ملهمش حد ما عمااتهم ياخدوهم احنا مالنا
هبه قالتله عماتهم مين دول حياتهم وعيشتهم ضنك والنبي ياخويه كانهم عيالنا مش جايز يكون ربنا حرمنا من الخلفه علشان تيجي العيال دول ويبقو ولادنا
زاهر اتنرفز وبدأ يعلي صوته ويقولها جرا. ايه ياهبه متحطيش دي قصاد دي العيال دول انتي مهما عملتي معاهم هايفضلو مش ولادك انتي فاهمه وبعدين العيال دي هايطلعو اخلاقهم زفت زي ابوهم وامهم البت دي ممكن تبقي فتاه ليل واخواتها اللي لسه بيرضعو دول بكرا يبقو عيال شمامين ويمسكولك كل شويه المطاوي والسكاكين وياخدو منك فلوس بالغصب
هبه ردت عليه وقالت حرام عليك يازاهر متخدش العيال بذنب ابوهم وامهم الرك ع التربيه
زاهر قالها لا ياختي كل واحد بيطلع لاهله اهلنا علمونا ان ابن الدكتور بيطلع دكتور وابن المهندس بيطلع مهندس وابن البلطجي بيطلع بلطجي
خلاصت الحوار العيال دي زي ماجبتيهم تجرجيهم من البيت يا هبه والا عليا الطلاق لا طلعك من البيت قبلهم
خلص الحوار بين هبه وجوزها زاهر اللي كان صوتهم عالي ونظلي طبعا سمعتهم من جوا ودموعها كانت عماله تنزل عليها
حست بخطوات بتقرب منها جريت بسرعه ومسحت دموعها وعملت نفسها نايمه علشان هبه متحسش بالاحراج منها ولا تقولها معلش
لان نفسها عزيزه عليها جدا
دخلت هبه عليها وحطت اخوها مازن جنبها ومشيت وبعدها بساعه نظلي قامت من علي السرير لما حست انهم نامو وان الجو برا هدي
خدت اخواتها وفتحت الباب بالراحة ومشيت
هبه خرجت وبصت علي الباب وعيطت وقالت
نفسك عزيزه عليكي اوي يانظلي سامحيني يابنتي انا كان نفسى اربيكم وتبقو ولادي بس معلش اذا كانت البشر قاسيه عليكم فرب العباد حاسس بيكم
بقلمي صابرين علاء.
نظلي مشيت ف الشارع وشايله اخواتها علي ايديها وعماله تفكر ف كلام زاهر لما كان بيقول ان العيال هايطلعو لابوهم وامهم وانها هاتبقي منحرفه والولاد صايعين بصت لاخواتها وقالت
هما ليه بيقولو عليا كدا،، هم ليه الناس بتشوف بعضها بالمناظر ليه ياخدونا بذنب ابونا وامنا
هو انا وانتم كنا اختارنا ابونا مهران وامنا رجاء
لا.... مخترنهمش ولا اخترنا رميتنا ف الشارع دلوقتي.... بس انتو عارفين احنا اللي هنختار حياتنا اللي جايه بإذن الله هنختار صح علشان نعيش صح هنثبت ليهم كلهم ان ربنا قادر يخلق من دهر الفاسد عالم هفحت ف الصخر علشانكم
ومتبصوش للي احنا فيه دلوقتي انا عايزه اقولكم ان ربنا مش هينسانا ابدا اذا كان ابونا وامنا نسيونا ربنا مش هينسانا ربنا بيرزق الدوده ف الحجر ومسحت دموعها وقالت انا نظلي انا قويه انا ربنا اختارني وخلاني اشوف كل دا علشان ابقي اقوي واكون قويه
وفضلت ماشيه ف الشوارع وفجأه لقت ست كبيره في الخمسينات اسمها مديحه بس مكياجها ولبسها مخليها في العشرينات قربت من نظلي وحطت ايديها علي كتفها وقالت انتي مستنيه حد ياتوته....... نظلي خافت منها وحضنت اخواتها
وقالت لا قصدي اه انا كنت مستنيه ابويا راح يجيبلي حاجات من السوبر ماركت وجاي
قالتلها انتي قاعده بقالك اكتر من 3 ساعات قدام السنتر بتاعي هنا وشايفاكي ف الكاميرات ومحدش جالك او كان معاكي حد اصلا انتي ليه بتكدبي انتي هربانه من الحكومه ومين العيال دي انتي هاتقوليلي انتي مين ولا اطلبلك البوليس
نظلي قالت لا والله انا مش هربانه ولا حاجه ودول اخواتي وبيتنا اتحرك وستي ماتت
مديحه قالت بس بس بس اي دا واحده واحده عليا انتي باين عليكي حكايتك حكايه تعالي معايا جوا السنتر
ودخلت نظلي معاها وبدأت تحكيلها حكايتها بمنتهي الدقه والامانه قالت مديحه لاحول ولاقوة الابالله يعني امك هربت بعد ماخلفت العيال دي وابوكي طفش وراها لا وياعيني تكمل معاكي والشقه تولع وستك اللي مالكيش غيرها تموووت.......... يعيني يابنتي شكلك صغير اوي علي دا كله
نظلي قالتلها اه والله يا ست مديحه والنبي ممكن اطلب منك طلب
مديحه قالت اكيد ياحببتي اتفضلي
نظلي قالت ممكن تشغليني اي حاجه ف السنتر دا ان شاءلله اكنس وامسح ومستعده كمان احرسلك المكان وابات علي البلاط
مديحه قالت ياخبر ايه اللي انتي بتقوليه دا انتي مينفعش تشتغلي وانتي ف السن دا انتي لسه عضمك طري وبعدين اخواتك مين هياخد باله منهم لا بصي قومي معايا يلا انتي هاتقعدي معايا ومع اخواتي ف البيت
نظلي فرحت وقالت ربنا يخليكي
ولما راحت معاها البيت اول مدخلت لقت المكان شكله غريب النور فيه هادي وفي بنات كتير وفي رجاله كمان
نظلي قالت اي دا هم دول اخوات حضرتك
مديحه قالت ايوا دول اخواتي وبكرا لما تكبري هاخليكي حلوه زيهم والولاد يتجننو عليكي
جت حنان واول ماشافت نظلي قربت من مديحه وقالتلها جرا ايه يا ديحه انتي هاتحولي علي البنات القاصر
مديحه خدتها علي جنب قالت لها بصي يا حنان البت دي لسه صغيره هي بس هتساعدنا تبخر الشقه تكنس تمسح ولما تكبر تبقي تشتغل
حنان قالت وايه العيال اللي معاها دول هي لحقت تخلف
الحلقه الجديده بتنزل كل يوم علي صفحتي
الكاتبه صابرين علاء.
مديحه قالت بقولك ايه مش ناقصه غباوه ع المسا البت دي انا لاقتها وشكلها غلبانه والدنيا جت عليها ابوها وامها طفشو وملهاش حد خالص يعني مقطوعه مش شجره
المهم هنبقي نتكلم بعدين اي اخبار الشغل النهارده
حنان قالت الشغل تمام يامعلمه وصاله الاومار مليانه ناس والاوض جوا مليانه
مديحه قالت الله أكبر كبري يابت لاتحسدي عينك وحشه اما اروح اغير انا كمان علشان اظبط المكان
اول ما مديحه مشيت حنان قربت بسرعه من نظلي وادتلها مفتاح وقالتلها انتي يابت اسمعي كويس اللي هقولك عليه الشقه دي مشبوهه وكلها عشر دقايق والبوليس يجي خدي المفتاح ده وانزلي تحت ف اوضه البواب وانا هاجي اخدك سمعتي يلا قبل ما حد ياخد باله يلا بسرعه
ونظلي خدت المفتاح وسمعت الكلام ونزلت ف الاوضه تحت وفعلا بعدها بعشر دقايق كانت الحكومه لمه كل اللي كانو ف الشقه يعني هي لو كانت فضلت فوق كان زمانها معاهم
مديحه وهي نازله قالت ماشي يا حضرت الظابط منال انا هاوريكي لازم انتقم منك انا وراكي والزمن طويل
منال قالتلها ابقي سلميلي علي اخواتك ف السجت يا ديحه
ودخلت جوا اوضه البواب ولقت نظلي متكومه علي جنب وخايفه وقالت لنظلي اهدي وتعالي متخافيش، معاكي النقيب منال الطوخي
نظلي ارتبكت وقالت نقيب
منال قالتلها ايوا انتي ليه جيتي مع مديحه وعرفتيها ازاي؟؟!!
نظلي كانت بتتبصلها وساكته
منال قالتلها انتي عارفه انك لو مكنتيش،نزلتي قبل ما البوليس يجي كنتي احتمال تكملي حياتك ف الاصلاحيه بس انا لاحظت انك غلبانه متستهليش، ممكن بقي تعرفيني ايه حكايتك. علشان اقدر اساعدك
وحكت ليها نظلي عن حياتها وعرفتها ازاي قابلت مديحه وفكرت انها طيبه ووثقت فيها
منال قالت طيب قومي معايا
نظلي قالت هاتوديني فين اوعي ترميني ف اي ملجأ انا مش حمل بهدله
منال قالتلها امال عايزه تروحي فين
نظلي قالت انتي ممكن تعرفيني علي ناس طيبين اشتغل عندهم ويدوني اوضه اعيش، فيها انا واخواتي
منال ضحكت وقالت ههههههههه انتي جبتي الكلام دا منين ماشاء الله عليكي واضح ان عقلك اكبر من سنك
وبعدين سكتت شويه وكانها بتفكر ف حاجه
وراحت قالتلها تعالي انا هاوديكي لناس طيبين
نظلي خدت اخواتها ومشيت معاها وهي مطمنه
في مكان تاني كان الظابط ماهر اللي كلمته نظلي وطلبت منه يشوفلها ابوها فين عرف مكانه وكان رايح يقولها ولما وصل المنطقه سأل الجيران وقالوله والله احنا مش عارفين هي راحت فين من بعد ماحصل الحريق وهي اختفت هي واخواتها التوأم
ماهر سأل طيب اقدر اعرف اي عنوان لاهلهم
الجار قاله اهل مين يا بيه دول ناس مقطوعه وكل يوم سكن ف حته شكل هم الصراحه العيال دول غلابه ربنا يتولاهم برحمته
~~~~~~~~~~~~~~~~~~~~/~
وصلت منال بعربيتها علي قصر فخم ومليان حراسه وخدم وحشم واول مادخلت بعربيتها نظلي قعدت تبص علي الجنينه وشكل القصر وجماله وفضلت متنحه جنب منال وهي سايقه
منال قالت ايه يابنتي مالك مبلمه كدا
نظلي قالت ها..... هم دول الناس الطيبين اللي هيرضو يشغلوني عندهم وهم هيعملو بيا ايه
دا تلاقى عندهم جيش من الخدامين
البيدج الاصليه الكاتبه صابرين علاء.
منال ردت هم اه فعلا عندهم جيش من الخدامين بس ناقصهم السعاده
نظلي قالت اه واحنا بقي هنديهم السعاده زي فيلم نعيمه عاكف كد ا
منال ضحكت عليها وقالت هههههههههه
انتي كمان طلعتي قديمه اهو شوفتي الفيلم دا فين يا اروبه انتي
نظلي قالت شوفته علي التلفزيون اكيد يعني
منال اتكلمت جد وقالتلها بصي بقا احنا اول ماندخل هتعدي ساكته خالص لحد ما اخرج واقولك هنعمل ايه بالظبط اتفقنا
نظلي قالت اتفقنا
ودخلو مع بعض من باب القصر منال شاورت علي كنبه ف القصر وقالت نظلي اقعدي هنا وزي ما اتفقنا ماشي
وقعدت تنادي بسمله هانم......... يامرات خالي القمر........ انتي فين ياموزتي الحلوه
بسمله ظهرت وهي ست عندها 55سنه بس هي انيقه جدا
نزلت علي السلالم وقالت اخيرا حضرتك الظابط منال سألت عني بعد ما فقدت الامل فيها خلاص واستعوضت ربنا
منال قالت لها غصب عني والله يا ماما انتي عارفه اخر مهمه دي طلعت عيني وكنت بروح هناك كل يوم علشان يثقو فيا واقدر اقبض عليهم،،،،،،، امال فين خالو محسن
بسمله ردت عليها وقالت خالك لسه ف المكتب لسه ف المكتب عنده شغل ضروري ف المكتب
منال قالت كويس اهو ناخد راحتنا ف الكلاظ علشان انا عايزاكي ف موضوع
بسمله قالت لها اه ياكلبه وهو من امته خالك بيضيق علينا
منال قالت مين خالو محسن دا قلبي دا
بسمله قالت ماشي يا لمضه متاخدنيش ف دوخه وقوليلي موضوع ايه دا اللي عايزاني فيه ومخليكي جيالي ف انصاص الليالي كدا
منال قالت مش عارفه اجبلك الموضوع ازاي بس البنت دي ظروفها وحشه اوي واخواتها لسه رضع وصعبانه عليا ارميها ف ملجأ انتي عارفه اسلوب الملجأ مش حلو
بسمله قالت مين البنت دي وايه حطها ف طريقك وايه حكايت اخواتها دولل كمان احكيلي كل حاجه عنها
وبدأت منال تحكي ل مدام بسمله عن كل حاجه وحكايه نظلي ولما شافتها ف شقه مديحه وف الآخر قالت
البنت دي صعبانه اوي عليا يا ماما........ عالفكرا انا اتحطيت ف نفس ظروفها دي زمان بس ربنا عوضني بيكم علشان تبقو امي وابويا
واهو الزمن بيعيد نفسه ويمكن ربنا حدفها ف طريقي علشان اجبهالكم وتكونو سبب خير في انكم تربوها وتاخدو ثواب تربيتها هي واخواتها
بسمله قالت سبحان الله انا زمان لما عرفت اني مبخلفش لحيت كتير علي خالك انه يتجوز طبعا من حقه يشوف عيال من صلبه ولما مامتك وابوكي الله يرحمهم توفو و خالك محسن جابك ليا لحمه حمرا حسيت ان ربنا عوضني بيكي واهو بيعوضني تاني الحمد لله
تعالي يامنال عرفيتي بيها علشان البنت دي من بكرا هاتبقي واحده تانيه خالص وهانعكس الظروف.
منال حضنت بسمله مرات خالها وقالت لها انا كنت متأكده ان قلبك حنين ومش هاترفضي
بحبك اوي وكل يوم بشوف فيكي اجمل ام
وخرجو سوا وراحو عند الكنبه اللي فيها نظلي وكانت المفجأه