رواية عصفورتي متمرده
الفصل الرابع
بقلم ايمان المهدي
«لوعة الفراق»
اليوم وبسببى خرجت العصفورة من بيتها بعد أكثر من ثلاثه عشر عاما عاشتهم وسط محبتنا واحتوائنا
أتذكر وقت دخلوها قصر العابدين كانت صغيرة جدا تنظر للقصر وملامح الخوف والرعب تكسو وجهها الطفولى وكأنها ترى بيت للأشباح. ممسكه بيد أبى كانت صغيرة ضعيفه ترتجف من الخوف
أقف هناك ف زوايه بعيدة. أنظر لأمى وهى تحتضنها. بشدة وتبكى وكأن أمى هى من تحتاج لأحضانها
أما عصفورتى كانت جامدة المشاعر لا اعلم مايدور ف بال الصغيرة. كل ما كان يشغلنى وقتها هذة الدخيله على عائلتي ف وقت قصير جعلت قلب أبى وأمى ملكها. ..... ماما مين دى
تعالا يازين دى حياة. بنت أختى وعمك سيف الله يرحمه
زين. طيب وهي جايه عندنا ليه
ياسمين. عيب يازين انت مش صغير عشان تقول كدا أنت الكبير هنا ودى هتبقى أختك الصغيرة
كنت وقتها أبلغ خمسه عشر سنه ولكن تعاملت على انى طفل صغير يتودد لأمه لا يريد ان تنقسم محبتها على احد بغيرى أنا واخوتى
تحدثت بغيرة ... مش هى يتيمه خلاص تروح ملجأ تعيش فيه
ياسمين. زين عيب كدا حياة مش يتيمه أنا امها. وانت اخوها الكبير امانها وحمايتها من دلوقتى. حياة بنت البيت دا. وبصوت منخفض وبعدين ابنى الغالى بيحب يدخل الجنه وحياة هتبقى جنه زين ف الأرض وف السماء إياك يازين تخسر جنتك
كلام أمى كان قادر أن يغير تفكير طفل بيسمع كتير عن الجنه وجمالها. دا ال فهمته وقتها من ماما بس لما كبرت استوعبت كلامها وان قصدها كان مختلف تماما بس أنا فعلا النهاردة خسرت عصفورتى.
كادت الدموع تخون عينى أمام الجميع. ينظرون الى بترصد. وانا انظر للعصفورة وهى تغادر. القصر لا تنظر خلفها. وكأن كبرياء الكون تجمع فيها حاليا. لأنها لاتريد الإستسلام لضعفها أعلم جيدا حبها وتعلقها بى
انها لو نظرت الى الخلف ولو مرة وتلاقت أعيننا الدامعه
ستفهم كذبتى وتعلم ان روحى هايمه ف عشقها.
ارجوكى يا عصفورة الزين. إلتفتى للخلف ولو مرة
اليوم أقف على أعتاب هذا القصر اودع أهله. سآتى ثانيا ولكن بشخصيه لم يعتدوها شخصيه مختلفة تماما عن عصفورتهم الصغيرة التى تربت ف كنفهم. ليس بمقدورى ان أظل على هذه البراءة لابد وان أتمرد حتى أقوى. ... أقوى على فراق حبى. ليس الفراق والبعد بالمسافات.
لا إن غرفته تلامس باب غرفتى ولكن اصبحت قلوبنا بعيدة وكأن كلاهما استوطن ف بلاد مختلفة هذا معنى الفراق الحقيقى
خرجت ضعيفة منكسرة أجر خيبات من الأمل المكذوب
عند خروجى تجاهلته تماما. ولم التفت له كان قلبى يرفض كبريائى المزعوم ولكن خوفى من ذلك قلبى الخائن جعلنى أتمرد عليه
خرجت من أحلامى وذكريات طفولتى التى سيطرت على عقلى طيلة الطريق على صوت ياسين
ياسين. ايه ياحياة فينك. ولاكأنك هنا. طول الطريق سأكون وسرحانه وما بتردى فكرتك نايمه بس مفيش حد بينام مفتح
حياة آسفه مخدتش بالى
ياسين. دا انت مغيبه خالص عايزة تتخلصى من ايه ياعصفورة
حياة. وحياتك يا ياسين مش ناقصه فلسفة الطب النفسى بتاعك دا دلوقتى.
ياسين. بقى كدا. ماشى ياحياة. بدل ما تشكرينى ان سيبت شغلى وعيادتى والمرضى بتوع وجيت اخدك. وف الآخر اقابل المجنون ال اسمه زين.
حياة. معلش عارفة ان تعبتك معايا.
ياسين. تعبت ايه بس انت أكيد عارفة غلاوتك عندى. بطلى تفاهه. ويالا انزلى وصلنا. والحاجة هدى أكيد محضرالك أكلك المفضل
ياسين ابن خالتو طبيب نفسى تقريبا كدا 29 عاما عاقل جدا بيتفلسف ف كل حاجة بحكم مهنته طبعا
واخته تبقى آيه تقريبا من نفس سنى. بنوته هاديه وملامحها جميلة
خالتو هدى ودى الأخت الكبيرة لماما الله يرحمها. ال كانت اصغر واحدة ف اخواتها
دخلت. بيت خالتو ال استقبلتنى بحب هى وآيه بنتها.
اليوم وصلت العصفورة بنفسى لبيتى. كانت تحتضن آيه وأمى التى غاصت داخل أحضانها. مؤكد فحياة حقا عصفورة صغيرة. بجسد نحيل وملامح صغيرة لم أراها منذ سنه. كانت صغيرتى جميله جدا ولكن اليوم وجدتها أجمل كثيرا أراها آنسه راشدة بكل معانى لا أعلم سبب حضورها المفاجئ ولكن مؤكد انه سبب كبير حتى تترك الصغيرة قربها من زين وتأتى هنا
آيه. شوفت يا ياسين ماما عامله كل الأكل دا عشان حياة واحنا لأ يابختك يا عصفورة لقيتى ال يدلعك
هدى. ليه بقا هو انا مش بعملكم الأكل ال بتحبوه وبعدين حياة مش بشوفها غير من السنه للسنه مستكترين عليا أدلعها شويه
ياسين. ازاى بس ياست. الكل دلعيها براحتك احنا عندنا أغلى من العصفورة.
آيه. بقا كدا ماشى يا أسو
ياسين. بغضب. لمى لسانك يا آيه وكلى وانت ساكته
كانت حياة تبتسم بملامح حزينه على الإخوات حتى لاحظت هدى
هدى. مالك ياحياة يابنتى. حد زعلك
حياة. هااا لا ياخالتو. انا بس تعبت من طريق السفر ومحتاجة ارتاح ممكن
هدى مع ان حاسه ان ف فيكى حاجة بس مش وقته. آيه دخلى حياة قوضتك
حياة لأ خليكى يا يويو أنا عارفة المكان. بعد اذنكم
نرجع تانى لقصر العابدين
زين أنا هروح بعد ساعة أخطب. ال حابب يجى معايا
ياسمين بدموع. عز أنا تعبانه وطالعة ارتاح ف أوضتى
زين كان متأكد من ردت فعل أمه. بالأخص بعد خروج حياة من البيت
سيف انا عندى مذاكرة. عشان امتحاناتى بكرة. بعد إذنكم.
عز الدين لما تجهز قولى.
عائشه. بابا ينفع اجى معاكم.
عز الدين. اجهزوا وأنا ف أوضه المكتب.
بعد عدة ساعات
ياسمين. خلاص خطب بردوا
عز. أه خطب. واتفق ان كتب الكتاب بعد اسبوع
ياسمين. انا مش عارفة ابنك بيعمل فينا كدا ليه والبت ال اسمها نهله دى عرفها إمتى وازاى.
عز. علمى علمك بس أنا حاسس ان فيه حاجة غلط
ياسمين. صح ولاغلط بقا. انا مستحيل أقبل انها تعيش معايا
عز. بتقولى ايه ازاى يعنى اومال تعيش فين
ياسمين. أه ما انت فرحان لإبنك وروحت خطبتله ومش همك وجع قلبى على حياة
عز. وانت عايزانى اسيبه ازاى يبقى لوحده. ابنك أختار أن يبعد.عن حياة وهو الخسران ولازم يتحمل مسؤولية اختياره زي ما أنا لازم أأدى واجبى كأب
ياسين. حياة عامله ايه دلوقتى
حياة. كويسه الحمد لله.
ياسين. انا قولت بما ان دكتور وكدا والمجانين عندى كتير. قولت اشوف عصفورتنا المجنونه مالها
حياة مفيش حاجة يا ياسين أنا بس حابه أغير جو مش أكتر
ياسين. عامل نفسى مصدقك
حياة. انا هقعد هنا حوالى شهر ونصف ممكن خلال الفترة دى اروح نادى اتدرب فيه وكدا
ياسين. ههههه وانت عايزة تتدربى ناويه تصارعى ولا ايه
حياة. بطل سخافه. يا أستاذ .... انا هقدم ف كليه شرطه وعايزة أبدأ تدريبات تحت إيد نظري مختص ف بناء الكتله العضليه ماهو مش معقول هيقبلونى بحالتى دى
ياسين بصدمه. شرطه. انت مجنونه يابنتى. ولا ايه. ومن امتى وانت بتفكرى. ف الإتجاه دا لا إنسى انت بسكوته ومش تنفعى
حياة لأ هنفع. بس انت شوف صاله جيم كويسه
ياسين. دا الموضوع بجد بقا. ... طيب وهو الفترة البسيطه دى هتقدرى تبنى كتله عضليه دا لازم. تدريبات خاصه ونظام حياة كامل بيتغير. مش هتقدرى
حياة. ملكش دعوة انت أعمل بس ال قولتلك عليه.
ياسين. حاضر امرى لله. والله عجييه العصفورة. شكلها هتتحول لطائر عنقاء مش كفايه واحد ياربى.
زين كان يمشى بخطوات بطيئه متجه نحو غرفة حياة يخاف ان يراه أحد ولكن قبل دخوله لاحظه سيف. ...
سيف. لأ كدا بقا فيه حاجة غلط فعلا طيب لما قال ان مش بيحب العصفورة حاولت اصدقه وانا أصلا مش مقتنع بس دلوقتى داخل قوضتها ليه
دخل زين الغرفة. وأضاء نور خافت. بها. جلس على سريرها وأمسك صورتها ..
وحشتيني يا عصفورة سامحينى على كل الوجع ال سببته ليكى أنا نفسى مش عارف قدرت أعمل كدا ازاى.
Flash back
رامى بصوت ضعيف. اوعدنى يازين أنك تنفذ ال أطلبه منك
زين.بدموع. اوعدك
رامى. كنت بحب بنت اسمها نهله. واتفقنا على الجواز وف مرة من المرات الشيطان زينى الغلط بإنها حبيبتى وهتبقى مراتى. وتعديت حدودى معاها. بس وعدتها ووعدت نفسى بالجواز منها أول ما ظروفى تتحسن
وقبل ما نخرج المأموريه كلمتها أطمن عليه ولقتها بتعيط ومنهارة لإنها عرفت انها حامل.
زين. ايه ال بتقوله دا معقول يارامى. طيب مش قولتلى ليه كنت ساعدتك تتجوزوا بعيد عن المعصيه ال ارتكبتوها
رامى. بيحاول يلتقط أنفاسه ارجوك يازين. نهله ملهاش حد غير أمها ست عجوزة بس أولاد عنها ف الصعيد لو عرفوا ممكن يقتلوها. انا خلاص حاسس بوقتى بينتهى متسبهاش يازين اتجوزها. واكتب ابنى بإسمك.
زين بصدمه. انت عارف بتقول ايه انت ازاى تعمل كدا وعايزنى اتستر على فعلتك رد عليا ازاى تعمل كدا
رامى. كانت مؤشرات. الأجهزة بتصفر بإنتهاء حياته .... رد عليا. متموتش. ... مش لازم تموت. ... انت خلتنى اوعدك بشئ أكبر من طاقتى. مش هقدر يارامى. .... كان زين ف حاله هيستريا وبيهز رامى بعنف. قوم كلمنى انت بتدمر حياتى. زى ما دمرت حياة البنت ال
بتحبها. طيب والعصفورة. هقولها ايه ..... لاااااا
معظمكم كان متوقع فعلا ان دا السر ورا ال زين بيعمله
بس فيه احداث صعب توقعها بالأخص مع دخول نهله بيت العابدين