رواية اغتصاب بعد منتصف الليل الفصل العاشر10بقلم سارة العبيدي

الفصل العاشر

بقلم ساره العبيدي

امي:  شنو امر مال شنو قصدك 

عمي:  امر شنو  شعرفني شبيج قصدي اعرف  غير سألت وتأكدت 

أمي : لا كلامك بي لغز هسه بنفسك كلت اني نطيت امر كمل السالفه وكول امر شنو وخلي الليله تعدي 

عمي:  شنو جاي تهدديني الاكبر منج مايوكف بوجهي نوب مريه توكف بوجهي 

أمي:  لا هددك ولا تهددني احجيلي السالفه شنو  وفض الموضوع ما اسكت ولا أرتاح الا اعرف سالفه الأمر لنطيته شنو لا صير مو زينه وياك 

عمي: ههههههه نطيتج عين ونسيتي اني منو وشنو شوفي ولج كلمه وحده ما اسمع منج أي اني خطفته من يوم يومه أبوي يفضله عليه وهو الكل بالكل وحتى من مات سجل البيت بأسمه اي كلمه منج تلحكي 

أمي: شنو أنت صدك تحجي لا ماصدك أنت لهجمت بيتي و يتمت بناتي علمود شنو علمود بيت و ورث ليش ماحجيت ليش ماكلت والله انطي الك ولا اسألك عنه بيوم شلون هيج تسوي بينا مو أنت نفسك جنت تفوت وتطلع وتاكل من نفس الماعون بيوم قصر وياك بيوم رد الك طلب يا ظالم وين تروح من ربك 

عمي: انجبي بنت نعال هو بكلشي احسن مني اطلع النااس ماتشوفني بس تشوفه بدراستي اني تركت هو كمل بزواجي اني شنو اخذت وهو شنو أخذ بكلشي لازم ينذكر اسمه  بكلشي لازم يكون حاضر حتى من مات الكل حزين يترحم له  

اني ماردت بس صارت بعد 

امي: هو شنو صار بعد تحجي بدم بارد 

ولا عبالك أخوك اني غبيه مصدكه قلبك علينا واكف ويانا حتى زواجي منك غلطه وافقت حتى لكه سند وياي طلع هو السند هجم بيتي وكسر بناتي من يوم ممنوع طب البيت بعد ومن هسه بره

عمي: ههههههه انتي جاي تطردين منو البيت بيتي واحمدي ربج عايفج انتي وبنتج  كاعدين بي  هسه  ماريد  اسمع صوتج يلا كومي  حضريلي فواكه

امي: أحضر سم الك ان شاءلله من يوم مالك مكان يمي والبيت بيتي وبيت بناتي الله لا يوفقك وما اكون مريه اذا عفتك عايش 

عمي: انتي مو مال احترام الا بالحزام يلا صيرين ادميه 

كعد يضرب بأمي واسمع صوتها هيه تصيح 

واني  بالي الف سؤال ليش ومنو ولشنو هيج  علمود شيء  شيطان هيج  يسوي  لو البشر مايرحم وين  عايشين 

اريد  انهزم انتحر سياره بطريق تدعمني وارتاح واخلص من الكابوس عايشته  طلقه طايشه تنقذني من جاي اسمعه وامر بي 

فتحت باب البيت وطلعت  أمشي  معرف  وين  ولمنو كل لي أريده  ابقى  أمشي  الي ان أتعب  وتوكف رجلي بقيت أمشي  وامشي وصلت لمنطقه ثانيه  وأباوع الدنيا  خاليه من البشر شحلاتها 

بس صوت الجلاب بعيده والاضاءه مال الشوارع والبيوت 

ياترى  هاي  البيوت هم صار بيها مثلنا 

هم خسرت أهلها  وعزوتها هم نكسر ظهرها 

هم. نطعنت من ناس نسميهم أهل  

اخخخخخخخخخ حسره بيه لو اصيح تهز جبال مو بشر 

استمريت بلمشي وعبرت منطقتنا تعبت كعدت  على  رصيف 

ولميت رجلي لصدري وحضنت راسي بينهم 

شاب غريب:  اختي محتاجه مساعده  شعندج  كاعده  بهيج وكت اهنا  

رد شاب ثاني عليه ويا بسياره: ماتردين مو سألج بيج شي 

وسن: لا مابيه شي ممكن تروح وتعوفني 

شاب: شكو معصبه هو غدر بيج احنا شعلينا قابل كل شباب سوه 

وسن: انجب ولي عن وجهي مو ناقصني بس أنت 

شاب: عوفها يمعود خلي نروح هاي واحد ضربها بوري تحسب الكل مثله ردنا نساعدج بس مو وجه مساعده 

وسن: حسبي الله بس ماكول غيرها تكول اخويه روح ما محتاجه مساعده

شاب ثاني: لا وين نروح ونعوف عسلنا بشارع  اليوم للصبح وياج 

وسن: عفواً خويه ممكن تروح لو تريد اصيح والم الناس عليك تالي الليل

شاب ثاني: ها يعني تعرفين الدنيا ليل وكاعده هنا لعد بنهار شلون لا تعبيني يلا تعالي شكد تردين إدفع يلا اصعدي

شاب: يمعود عوفها خلي ننطي خبر للشرطه خاف عدها شيء لا تورطنا

شاب ثاني: والله ماعوفها الا اخذها وياي هاي شبيك كلهم بالبدايه هيج يمثلن بلاخير.تريد فلوس أكثر 

وسن: تفؤؤ عليك اذا انت تشوف أختك هيج مو الكل نفسها 

عفتهم ورحت أركض وهو لحكني بسياره نكطع نفسي حسبي الله 

رجع محمد من دوامه

امه وابو بصاله واني بغرفة الضيوف لان كعدتي صارت بيها 

محمد: السلام عليكم شلونكم 

ام محمد: هلا يمه اصب الك غده 

محمد: لا يمه انطاج العافيه أكلت ويه الولد 

ابو محمد: اني اروح ارتاح شويه دام ابنج اجه وفهمي وعلمي حجي لبنيه شنو 

محمد: خير ليش صاير شي جديد يمه 

ام محمد: ابني البنيه تريد تطلك واني حجيت وياها  وكتلها فكري وأنت هم لا تستعجل انطيها فرصه 

محمد: شنو تطلك ليش شعندي حتى اطلك قطنه وطلعها من اذانها طلاك ما طلك لو تنطبك السماء مع الارض 

خلي تسمعني ست توته طلاك ما طلك لو يبقئ بعمري يوم  حتى تروح تزوج بكيفها مو 

ام محمد: اعصابك ابني والزواج مو غصب حاول تغير من تصرفاتك هاي هم زوجتك لها حق عليك

محمد: اني منطيها حقها مامسوي شئ خاف بالها من طلاب جانوا وياها هسه تريد تخلص ست الحسن 

يمه هواي دللتيها رجاء لا تحجين وياها شئ بعد ولا تنطيها عين أريد اربيها من جديد حتى تعرف الكلمه كبل ماتحجيها 

سمعت كلامه هاي أكثر من مره اكوله لا تجيب طارئ التربيه وأهلي ويرجع يكررها محسسني ماخذني من الشارع 

بسيطه الا اجلطك يامحمد.

فتحت باب الغرفه ورديت عليه 

توته: اي طبعاً ما طلك لان إحساس ماكو ميت ولا كرامه يا أخي ماريدك غصب خو مو غصب واي احب واحد بجامعه وأريد اطلك علموده يلا ارتاحيت 

محمد: شفتي مو كتلج تحتاج تربيه ولج اذا الله يرحم اني اليوم ما ارحمج 

بس سمعته اجه طبيت وقفلت الباب وهو يكسر بتحفيات بصاله ويصيح واني اضحك والله الا اجلطك اصبرلي 

ام محمد: يابه كول يالله والله كل حجيها مو صحيح حتى تعصبك هيج تحجي تريد تحرك قلبك 

محمد: يمه لا تدخلين ولج فتحي الباب بيج خير فتحي الباب مو تحجين وتختلين يا عار 

توته: لو بيه خير ماخذتج بقيت عد اهلي

محمد: ولج ما اتسمي محمد اذا عفتج الا اشوفج نجوم الظهر شلون كايله بسيطه 

ام توته: اخ اخ كسرت بناتي أكثر من كسرتهم كلت اكسب عمهم حتى يصير وياهم تالي يطلع سبب صار هو شحجي وشلون راح يسامحوني 

مايرتاح ضميري اذا ماخذت روحك نفس ماخذت روح الغالي الأيام بينا 

خلي اشوف وسن اخ شكد هملتكم 

رحت طبيت للغرفه ماكو رحت للصاله للمطبخ ماكو وين البنيه راحت 

يمه بنتي بنتي ماكو 

ابو عامر بنتي بنتي ماكو بالبيت 

ابو عامر: شنو بنتج ماكو وين راحت تالي الليل اكو ام ماتعرف بنتها وين بهذا الليل بنتج وين 

ام توته: معرف معرف اني كل لي أعرفه بغرفتها راحت بنتي نفس أبوها واني السبب احجي وين أخذت بنتي والله هسه أبلغ الشرطه شنو تريد بعد من عدنا ما كفاك لسويته 

ابو عامر: لو اني السبب مو خايف منج بس اني مالي شغل بصار خاف عدها شيء خاف كاعده بلحديقه.

ام توته؛: دورت كل البيت مالها اثر وين راحت البنت خابر احد ليش كاعد كدامي 

خلي اتصل على خواتها كلشي يصير 

ريم: نايمه تقريباً الساعه 2 ونص بالليل هيج وكت فزيت على اهتزاز الجهاز وسن بس لا بيهم شي 

هلو وسن خير شبيج 

ام توته: يا وسن اني امج وسن ما اجت يمكم اليوم مامرت عليج 

ريم: لا يمه مامرت ليش شكو وينها هيه

                   الفصل الحادى عشر من هنا

لقراءة باقي الفصول من هنا