حب لايموت 💙
بقلم منى احمد راضى
الفصل الثالث
ظلت غاليه تفكر بما حدث وهجوم كابو عليها وهي تعلم جيدا انها لن تكون المره الاخيره كذلك كلام صاحب البيت ورغبته بالشقه لزواج ابنه
بالخارج كان سالم ينتظرها فقالت ام محمد : عين العقل يا ابني والله خدها عند خالتها تعيش معاها كابو مش هيسيبها في حالها وصاحب البيت كمان قليل الاصل اللي مش صابر على الأربعين حتى
عم جابر : الحمد لله اننا سمعناها وجينا بسرعه ربنا يحميها يارب يلا انا همشي وسلم على الست إكرام
خرج وخرجت معه ام محمد
بعدها بدقائق خرجت غاليه وقالت : انا مش هاجي معاك
سالم : وانا مش هقدر اسيبك ياغاليه لوحدك
غاليه : انا كلمت امل ووالدتها قالتلي اروح اعيش معاهم هما عايشين لوحدهم والدها متوفي
أدرك سالم أن عودتها للقصر مستحيله فحاول حمل حقائبها عنها لكن فجأه خبطت يدها بسن الكرسي وبه مسمار أثناء ذهابها وقامت بجرح يدها فذهب سالم مسرعا ليطمئن عليها
سالم : انتي كويسه حصلك حاجه
غاليه : انا كويسه وبعدين انا دكتوره أعرف اعالج نفسي كويس بعد اذنك
سالم : غاليه ايدك اتجرحت خليني اساعدك بلاش عنادك حتى في دي
استسلمت غاليه وتركته يفحص يدها واحضر مطهر وشاش
تألمت غاليه عندما وضع المطهر فتضايق سالم وقال : بتوجعك
غاليه : مش اووي
أنهى سالم تضميد الجرح وقال : متخافيش الحمد لله الجرح مش كبير هيلم بسرعه
نظرت إليه بحزن وقالت : بجد.... طيب انا ليه حاسه انه جرح كبير لدرجه ان قلبي وجعني
فهم سالم ماترمي إليه وقال : صدقيني حاولت على قد ما اقدرت
لم ترد عليه وخرجت لتذهب لتعيش مع صديقتها امل ووالدتها
بالقصر بغرفه روان كانت تستمع للموسيقى وفجأه وجدت ساره ابنه عمتها تقف أمامها
روان : ساره وحشااني اووي عامله ايه
ساره : الحمد لله انتي كمان والله بس زعلانه منك عشان مش بتسالي عليا
روان : صدقيني يا ساره غصب عني والله المهم انتي قاعده قد ايه
ساره : معرفش انتي عارفه عمتك على حسب هي وخالو هيستحمله بعض قد ايه
ضحكت روان وقالت : طيب انا هروح اسلم عليها عشان متقلبش عليا
بالأسفل كانو يجلسون جميعا مع تهاني عمتهم ووالده نرمين أيضا
جاءت نرمين وفوجئت بوجود والدتها وقالت : ماما مقلتيش يعني أنك جايه
قال مصطفى رضوان : وهي محتاجه إذن عشان تيجي بيت اخوها ولا ايه
ارتبكت نرمين : لا طبعا ياخالو اصلي مسافره ومش هتعرف تقعد معايا
مصطفى رضوان : مسافره فين المره دي كمان هو السفر مبيخلصش ولا ايه
نرمين : عادي ياخالو انا بسافر اتبسط واعمل شوبنج وبعدين انا بتحايل على سالم وهو على طول عنده شغل اتحبس يعني
نظرت لها تهاني لتحذرها على كلامها مع خالها قالت لتغير الموضوع : امال يارا فين وحشاني اوي
سالي : دي نايمه حضرتك عارفه انها بتنام بدري
تهاني : انا كمان هقوم انام تعالى يانرمين معايا
بمنطقه راقيه وصل سالم أمام منزل امل فوجدها تنتظرهم فساعدها على حمل حقائبها
غاليه : تعبتك معايا شكرا
سالم : مفيش تعب ياغاليه ولو احتاجتي حاجه كلميني ممكن
اومأت برأسها موافقه لا تدري هل هذا سالم حقا ولماذا يهتم بها وهو الآن متزوج
انصرف سالم بعدما أطمئن عليها وعاد للقصر
دلفو للداخل وسلمت عليها امينه والده امل : منورانا يا غاليه والله كده انا مطمنه عليكي وانتي وسطينا
غاليه : ربنا يخليكي ياطنط والله ملقيتش مكان ارتاح فيه غير هنا مع حضرتك ومع امل
امينه : عين العقل ياحبيبتي يلا ادخلو عشان تغيري هدومك وترتاحي يلا يا امل معاها
قامت غاليه بتغير ملابسها وقالت امل : هو انا ليه حاسه انك مخبيه عني حاجه تخص سالم
ارتبكت غاليه : وهخبي عليكي ايه يا امل مفيش حاجه
امل : مستحيل النظرات اللي بينكو دي وتقوليلي مفيش حاجه
غاليه بحزن شديد : سالم ده اول حب في حياتي وأول كذبه كمان
نظرت لها امل بعدم فهم فاكملت : زمان كنا بنحب بعض انا وهو كان بيعملي كل حاجه ويشتريلي الملازم عشان اذاكر وفضل يشجعني ادخل طب زي ما كان نفسي كان كل حاجه حلوه واخر مره شفته فيها
فلااااش باااااااك
بإحدى المراكب النيليه كان سالم يحتفل بقبول غاليه كليه الطب
غاليه : انا مبسوطه اوي ياسالم كل ده عشاني
سالم : ربنا يقدرني واسعدك ياغاليه انتي متعرفيش انا بحبك قد ايه بس اعملي حسابك زي ماقلتلك قبل كده مش هصبر سبع سنين انا هكلم بابا واتقدملك لازم تدخلي الجامعه وانتي مخطوبه فاهمه
غاليه : متخافش عليا محدش يملي عيني وقلبي غيرك انت بس تفتكر هيوافق
سالم : بابا بيحبك جدا ومبسوط انك هتكوني دكتوره لا متقلقيش انا هتكلم معاه لما يرجع من السفر بكره
غاليه : ربنا يخليك ليا وتفضل جمبي العمر كله
باااااااااك
بعدها بيومين بالضبط عرفت من خالتي أن هيتجوز بنت عمته نرمين
امل : وبعدين
غاليه : مفيش بعدين هو متجوز وانا كملت حياتي زي ما انتي شايفه
امل : بس انتي لسه بتحبيه ياغاليه مشفتيش عينك بتبص عليه ازاي انتي هيثم مكنتيش كده معاه مكنتش بحسك بتحبيه
غاليه : هيثم بالنسبالي شخص محترم ابن ناس وبيحبني هيثم اختيار عقل مش قلب يا امل انا لما مشيت ورا قلبي تعبت عموما انا لازم اشتغل مش هينفع أفضل من غير شغل هطلب من خالتو تكلم مصطفى بيه عشان يشوف مستشفى خاص اشتغل فيها
امل : طيب يلا ننام دلوقتي وبكره نشوف هنعمل ايه
بغرفه نرمين كانت والدتها تتشاجر معها : انتي كل شويه سفر فيه ايه خلي بالك من بيتك وجوزك
نرمين : جوزي على طول في الشركه والحفلات بيروحها بالعافيه ادفن نفسي جمبه ولا ايه
تهاني : لا ياحبيبتي اتبسطي بس بالعقل وبلاش تتكلمي كده قدام خالك مش عايزاه يقلب عليكي فاهمه وعموما انا معاكي ومش هسيبك ابدا معرفش اختك مش طلعالك ليه
نرمين بضحك : سيبك منها دي فقريه انا يومين وهسافر هعرف سالم عشان يحولي الفلوس
تهاني : ادلعي عليه عشان يعملك كل حاجه فاهمه ولولا عارفه دماغك كنت قلتلك هاتي عيل صغير
نرمين بغضب : انتي عيزاني ابوظ جسمي واضيع نفسي زي سالي مستحيل اعمل كده ال عيل ال بس ياماما بس
تهاني : انا نصحتك وانتي حره بس خالك مش هيصبر كتير انته بقالكو سبع سنين متجوزين
قطع حديثهم طرق سالم علي الباب عندما دلف للداخل : اهلا يا عمتو عامله ايه
تهاني : اهلا اهلا يا حبيبي ايه ده مالك فيه ايه شكلك تعبان اوي
سالم : لا متقلقيش انا كويس لو بتتكلمه في حاجه ممكن اطلع
تهاني : لا ياحبيبي استريح انت انا كنت رايحه الاوضه بتاعتي تصبحو على خير ونظرت لنرمين وغمزت لها لتهتم به
عندما خرج اقتربت منه نرمين وقالت : مالك ياحبيبي انت كويس شكلك تعبان فعلا
سالم : لا ابدا انا كويس بس عايز انام بعد اذنك
نرمين وكأنها حزينه : كده وانا اللي نفسي نسهر سوا
سالم : معلش يانرمين يوم تاني انا تعبان والله
نرمين : يا حبيبي انا مسافره كمان يومين وهتوحشني عايزه اسهر معاك
فهم سالم سبب اهتمامها وقال : متقلقيش هحولك فلوس بكره تصبحي على خير
ابتسمت نرمين بانتصار لأنها أخذت ما تريده لكنها تعجبت من استسلامه وعدم رفضه كعادته
بعد مرور يومين ذهبت إكرام لبيت امل ووالدتها
امينه : والله تعبني نفسك ايه كل الحاجات دي انا هزعل منك والله
إكرام : انا كنت كده مع اختي الله يرحمها بلاش تعملي فرق بينا
امينه : ابدا والله مفيش فرق خالص
خرجت غاليه لتسلم على خالتها واخبرتها برغبتها بالعمل
إكرام : قلت لا ياغاليه خلصي الكليه واشتغلي براحتك غير كده مفيش شغل انتي كلها شهر وهتمتحني خلصي وهشوفلك احسن مستشفى تستغلي فيها
علمت غاليه أن لا مفر من ذلك فوافقت
بالقصر كانت نرمين غاضبه لأن السفر تأجل لمرض والده صديقتها
فجاءت سالي : خلاص يانرمين بتحصل عادي وبعدين السفر اتاجل متلغاش
نرمين : هو انتي فكراني زيك هستحمل القاعده في البيت هنا انا بتخنق
حزنت سالي لكلام نرمين وتركتها لتصعد لغرفتها تطلب من زوجها الخروج
عندما وصلت الغرفه صدمت عندما سمعت زوجها يتحدث بالهاتف : ياحبيبتي انتي كمان وحشتيني خلاص نتقابل في الشقه مش هتأخر
صدمت ووقعت على الأرض عندما رآتها ساره صرخت ليذهب الجميع إليها ويحملونها
نظر ابراعبم فعلم انها سمعته يتحدث بالهاتف فلعن حظه
عندما جاء الدكتور : للأسف عندها صدمه عصبيه وفقدت الكلام والحركه ممكن اعرف ايه السبب وبعدين وانا بكشف عليها لقيت أثار ضرب على جسمها
صدم الجميع وغضب سالم وامسك إبراهيم من ياقه قميصه وقال : انا كنت حاسس بس هي كذبت عليا ودارت عليك يا كلب بتمد ايدك عليها
غضب والده وقال : اطلع بره مش عايز اشوف وشك لحد ما تخف وهي اللي تقول ترجع ولا لا بره
ارتعبت يارا وقالت : جدو هي مامي فين انا عايزه مامي وبدأت البكاء
حضنها جدها وقال : مامي نايمه ياحبيبتي متخافيش تعالى نلعب سوا ولا استنى ايه رايك تروحي الملاهي مع روان وساره
ابتسمت يارا وقالت : حبيبي يا جدو يلا بسرعه هنتاخر
نظر إليهم ليذهبو معها حتى بطمئنو على سالي
قالت تهاني : عشان تعرفي النعمه اللي في ايدك سالم مش حارمك من حاجه وقال ايه كنتي عايزه تتجوزي إبراهيم
نرمين : الحمد لله اني سمعت كلامك يا ماما بس سالي صعبانه عليا اوي
تهاني بضحك : ايه ده انتي بتحسي زيينا ههههههههه
نرمين : يلا انا رايحه النادي عايزه حاجه
تهاني : ايوه هي دي نرمين اللي اعرفها مش تقوليلي صعبانه عليا
بالشركه كان سالم غاضبا وأمر بعدم السماح لإبراهيم بدخول الشركه
طارق : اهدي يا سالم مش هيقدر يجي اصلا
سالم : انا هتجنن لما سالي يتعمل فيها كده وانا محميهاش
طارق : وانت كنت هتعرف منين بس
سالم : كنت حاسس ان في حاجه غلط لبسها المقفل على طول ومكياج ودي مش طبيعتها كان لازم افهم
طارق : طيب من غير ما تسأل عن سبب اطرد السكرتيره بتاعته
سالم : انت كمان شاكك فيهم
طارق : للأسف يا سالم مش شكوك انا اتأكدت بنفسي
ظل سالم يخبط على المكتب من الغضب
مر اسبوعان وسالي لا تتحرك تبكي فقط والجميع حولها لكن يارا ذهبت إليها وقالت : مامي انا مش بعرف اذاكر لوحدي والميس زعلت مني يلا خفي بقى عشان تذاكري معايا وتقوليلي شاطره يا يارا انتي وحشتيني اووي
قامت سالي بتحريك يدها فقالت يارا بصوت عالي : مامي حركت ايديها مامي حركت ايديها
ذهب الجميع للغرفه وحاولو مساعدتها
نظرت لابنتها وقالت : يااااارا