حب لا يموت 💙
بقلم مني احمد راضي
الفصل التاسع عشر
استيقظت غاليه فوجدت عاليا نائمه فخرجت من الغرفه لشرب القهوه ففوجئت بخروج سالم من غرفه عمر
غاليه : انت ايه اللي جابك هنا
سالم : جاي اتكلم معاكي ياغاليه من حقي ادافع عن نفسي
غاليه بصوت عالي : تدافع عن ايه بعد اذنك اتفضل ومتجيش هنا تاني
اقترب منهم عمر وقال : دكتوره غاليه بعد اذن حضرتك الكل بيبص عليكو ممكن حضرتك تفضله في الكافتيريا او اي مكان
غاليه معتذره : انا اسفه يادكتور وذهبت خارج المشفى وخرج ورائها سالم
سالم : انا عارف ان حقك تزعلي وتضايقي بس صدقيني انا هطلقها وعند وعدي ليكي
ضحكت غاليه وقالت : انت مش فاهم في ايه ولا عامل مش واخد بالك مراتك حامل فاهم يعني ايه حامل يعني وقت ما كنت بتوعدني وتترجاني عشان اديلك فرصه و انت كنت عايش حياتك مع مراتك عادي
سالم : صدقيني كانت غلطه انا معرفش ده حصل ازاي انا كنت بتكلم معاها واتفقنا على الطلاق فجأه صحيت الصبح لقيتها... لم يكمل كلامه
غاليه : هو المفروض أصدق الكلام ده للدرجه دي انا ساذجه في نظرك
سالم : غاليه صدقيني والله العظيم ده اللي حصل
غاليه : انا عشان الحوار اللي بينا يخلص انا مصدقاك ياسالم واقولك على حاجه كمان انا مش عايزه منك حاجه ومسمحاك كمان بس سيبني في حالي واختفي من حياتي زي ما اختفيت زمان
سالم : مش هقدر يا غاليه صدقيني انا مصدقت نرجع لبعض
غاليه : الكلام خلص ياسالم وارجوك سيبني في حالي بعد اذنك
حاول التحدث معها لكنها تركته وعادت للمشفي وذهب هو نادما على ماحدث لا يعلم ماذا يفعل
عادت للمشفي وقررت الذهاب لغرفه عمر لتعتذر له عما حدث لكنها وجدت هيثم في انتظارها
هيثم : اعتقد حضرتك نسيتي اننا في مستشفى محترمه ومينفعش اللي حصل من شويه علاقاتك لا تعني للمستشفى شئ ولازم تحافظي على سمعه المكان اللي انتي بتشتغلي فيه
غاليه : انا بعتذر لحضرتك يادكتور هيثم على اللي حصل وحضرتك تقدر تتخذ الإجراء اللي يريحك وانا مستعده لأي حاجه
فوجئ هيثم من رد فعلها لقد توقع ان تعارضه كعادتها لكنه فوجئ بهدوئها
غاليه : حضرتك عايز حاجه تاني
هيثم : لا ابدا اتفضلي على شغلك
ذهب هيثم لعمر واخبره ماحدث
عمر : غاليه مكنتش تعرف انه هيجي وانا تعمدت اتكلم معاها قدامه عشان ميفكرش يعمل كده تاني
هيثم : انت عارف كان نفسي ترد عليا ونتخانق اطلع غضبي منها انها ارتبطت بيا وهي لسه بتحبه
عمر : انت بنفسك قلت انك عمرك ما حسيت بكده منها وأنها كانت مخلصه ليك ولولا اللي اختي عملته الله اعلم ايه اللي كان هيحصل
هيثم : اكيد كان زماني اتجوزتها وبقيت معايا ساعات كتير بحس ان كل ذنبي في الحياه انها امي هي السبب في كل حاجه اتغيرت في حياتي
عمر : بالعكس ياهيثم انا مش حابب انك تبص للموضوع كده لو كانت غاليه خير ليك مكنش كل ده حصل
هيثم : ياريت اقدر احسبها كده بعد اذنك
بالقصر كانت تجلس نرمين مع ساره تعاتبها
نرمين : انا زعلانه منك ياساره بتتعاملي معايا كأني مش اختك وواقفه في صف سالم كلهم ضدي حتى انتي
ساره : ابدا يانرمين بس انتي اللي دايما بعيده عني وعمري ماحسيت انك اختي الكبيره
نرمين : برده كان لازم تكوني معايا وكلهم ضدي
ساره : انا معاكي يانرمين وجمبك بس للأسف انتي ضيعتي سالم من اديكي وتصرفاتك وإهمالك ليه
السبب مهمكيش غير نفسك وبس كنتي ضامنه وجوده جمبك ودلوقتي لما قرر ينفصل عنك مش مصدقه عشان القرار مش منك انتي
نرمين : انتي مجنونه ازاي تكلميني كده انا اختك الكبيره نسيتي نفسك
ساره : للأسف فعلا انتي اختي بس تفتكري انتي فعلا اخت كبيره زي ما بتقولي اصل عمرك ما اتصرفتي
معايا زي الأخوات يعني مثلا تعرفي حاجه عني تعرفي البرنامج بتاعي وصل لفين تعرفي انا مرتبطه ولا طبعا لا عشان مش بيهمك غير نفسك بس بعد اذنك يا نرمين
غضبت نرمين من كلام ساره لم تتوقع رده الفعل هذه فساره دائما كانت بجانبها
ذهب سالم للقصر وعندما رأته نرمين ذهبت اليه
نرمين : ممكن نتكلم شويه
سالم : انا تعبان ومش قادر لأي حاجه ممكن بعدين
نرمين : لا مش بعدين ياسالم دلوقتي انا لازم اعرف ناوي تتخلى عني وعن ابنك وتروح للهانم بتاعتك خطافه الرجاله
سالم بغضب : اخرسي قلتلك اوعي تجيبي سيرتها على لسانك مفهوم واه مصمم على الطلاق وابني هربيه احسن تربيه متخافيش
نرمين : بس انا مش عايزه اطلق ياسالم مش موافقه وده حقي
سالم : اناي خسرتي اي حق فيا يانرمين اتفضلي اطلعي بره عشان متزعليش من رد فعلى
نرمين : قلتلك طلاق مش هتطلق منك انا هروح لخالي يشوف حل معاك عايز تتخلى من مراتك وابنك عشان واحده متسواش
وخرجت غاضبه من الغرفه ونزلت للأسفل واثناد نزولها السلم فقدت توازنها وسقطت
سمع جميع من بالقصر صراخها وذهبو ووجدوها مغشي عليها
حملها سالم للعربيه وذهبو للمشفي جميعا
بغرفه عمر سمع صوت طرقات الباب وفتحت غاليه وقالت : جيبتلك القهوه معايا
عمر : لا انا كده سامحتك ومش زعلان
غاليه : ياسلام يعني لو مكنتش جيبت حاجه معايا كنت هتزعل
عمر : ايوه طبعا
غاليه : انا اسفه يادكتور عن كل اللي حصل وصدقني مش هتتكرر تاني
عمر : الموضوع خلص خلاص ممكن متفتحيهوش تاني انا عايزك تركزي في شغلك انتي قدامك كتير عشان توصلي
غاليه : انا عارفه ان لسه قدامي كتير اوي بس طبعا متأكده ان حضرتك هتساعدني
ضحك عمر : يعني القهوه دي رشوه مش كده
غاليه : لالالا اوعي تفهمني صح انا بقولك اهه
صمت عمر ونظر لها بتعجب
غاليه : هو حصل حاجه حضرتك بتبصلي كده ليه
عمر : مستغرب التغير اللي حصل ده انتي من ساعه بس مكنتيش كده
غاليه : اكتشفت اني غلطت غلطه كبيره اوي ولازم اصححها وافوق لنفسي ومستقبلي
عمر بضحك : واول قرار كان القهوه دي
ضحكت غاليه : يعني مش اوي وضحكو الاثنان
وصل الجميع للمشفي وكشف عليها الطبيب الخاص بها
بعد عشر دقائق خرج الطبيب وقال : انا اسف بس الواقعه سببت إجهاض الجنين ربنا يعوض عليهم
انهار سالم لانه احس بالذنب وانه سبب ماحدث لها
وقالت تهاني : انت السبب انت اللي زعلتها انا بقى اللى بقولك دلوقتي طلقها بنتي مش هتعيش معاك تاني
رضوان محاولا تهدئه الموقف : ابراهيم خد سالم واطلعه بره متسبهوش
ابراهيم : حاضر يابابا متقلقش مش هسيبه وامسك سالم وخرج معه من المشفى
طلب الطبيب ان تظل بالمشفي حتى يطمئن عليها فظلت والدتها بجوارها
كانت نرمين منهاره كانت تريد هذا الطفل فهو ذكرى أوقاتها الجميله مع عيسى
ذهب طارق إليهم بالقصر عندما سمع ماحدث وخرجت ساره معه بالحديقة واخبرته ما حدث بينها وبين نرمين واحساسها بالذنب لطريقه تحدثها معها
طارق : انتي مظلمتيهاش ياساره بالعكس انتي حاولتي كتير بس هي للأسف مش بتحب غير بنفسها متزعليش وبعدين انا عايز اشوف ضحكتك
ابتسمت ساره على كلامه فهو الوحيد الذي يستطيع أن يجعلها تضحك
طارق بحب : اضحكي دايما لما بشوف ضحكتك مشاكلي كلها بتخلص ولو مخلصتش بحس انها خلصت
بالمشفي خرجت تهاني وذهبت الكافتيريا لشرب القهوي
رن هاتف نرمين لم تصدق فعيسي يتصل بها
نرمين ببكاء : عيسى ابننا مات مات عشان انت مخدتش بالك منه ورفضته مات وسابني
عيسى : انا اسف يانرمين حقك عليا مكنش لازم اسيبك واتخلي عنك انا هرجع عشان اخدك معايا
نرمين : بجد يعني هترجع وتاخذني معاك مش هتتخلي عني تاني انا هستناك واوعي تتأخر عليا
أغلقت الهاتف لكنها صدمت من وقوف سالم أمامها
سالم بحزن : انا دلوقتي ضميري مرتاح يابنت عمتي انا نفسي اعرف قصرت معاكي في ايه انا اكتر واحد
وقف جمبك وانتي اكتر واحده اذيتيني في حياتي وصلت الخيانه يانرمين وتضحكي عليا وتفهميني انك حامل مني انتي طالق يانرمين ومتخافيش عمري ما هفضحك ابدا بس مش عايز اشوف وشك تاني
نرمين : سالم ارجوك اسمعني اديني فرصه افهمك
سالم : افهم ايه بعد اللي سمعته يانرمين انا عمري ماهسامحك