حب لا يموت 💙
الفصل الثامن عشر
عادت روان غرفتها وهي مصدومه مما سمعته لقد فهمت كل شئ الان فهمت لماذا تخلي سالم عن غاليه رغم حبه لها ندمت على ظنها باخيها رغم معرفتها انه لا يحب الظلم فكيف يظلم غاليه لعنت نرمين لأنها سبب مايحدث وقررت الوقوف بجانب سالم
بغرفه غاليه كانت شارده تحاول أن تستوعب ما حدث معها لماذا فعل معها ذلك لقد تخلي عنها للمره الثانيه قطع تفكيرها دخول والده امل : انتي لسه صاحيه
غاليه : لا هنام خلاص حضرتك كنتي عايزه حاجه
والده امل : تسلمي ياحبيبتي بس كنت عايزه اقولك اني مسافره بكره لامل الحمل تاعبها ومحدش بيخدمها غير رباب لولا اني عارفه ان عندك شغل كنت قلتلك تعالي معايا يومين تغيري جوي
غاليه : انا فعلا محتاجه ارتاح واشوف امل لأنها وحشتني جدا وانا كده كده اخدت اجازه يومين
فرحت والده امل : بجد يابنتي الحمد لله انا كنت خايفه اسيبك لوحدك حضري نفسك بقى عشان القطر الصبح بدري
كانت غاليه سعيده لأنها ستذهب لامل لقد اشتاقت إليها كثيرا واشتاقت للحديث معها
بالمشفي كان عمر بجانب ابنته لم يتركها لحظه واحده تمنى كثيرا ان يتصل بغاليه ليخبرها لتكون بجانبه لكنه كان يعلم انها تحتاج للراحه كي تعود مره اخرى
استيقظت ابنته وقالت : بابي انا عايزه اخرج من هنا العب
عمر : حاضر ياحبيبتي بس اطمن عليكي وتخرجي تلعبي وتجري زي ما انتي عايزه
عاليا : انا زعلانه من غاليه اوي ومش هكلمها تاني عشان مسالتش عليا
ابتسم عمر : بس غاليه متعرفش انك عيانه وفي المستشفى وانا قلتلك ان غاليه كمان تعبانه واخدت اجازه لحد ما تبقى كويسه
عاليا : لا عارفه هيثم قالي انه اتصل بيها قلها وهي قالته انها مش فاضيه
تضايق عمر لكذب هيثم على ابنته لم يتوقع ان حقده يجعله يكذب على طفله صغيره فنظر لابنته وامسك يدها وقال : هو بابي عمره كدب عليكي صدقيني غاليه متعرفش انك عيانه ولو تعرف كانت هتيجي تشوفك وهي تعبانه
عاليا : يعني هيثم كدب عليا انا مش هكلمه ابدا ابدا
عمر : لا ياحبيبتي هو اكيد ميعرفش حاجه عن غاليه ويلا بقى عشان تاكلي انا هروح اجيبلك الاكل اللي بتحبيه
خرج من غرفه ابنته وطلب من إحدى الممرضات الذهاب لها حتى لايتركها بمفردها وذهب لغرفه هيثم
عمر بغضب : انت ازاي تكدب على عاليا وتقولها ان غاليه عارفه انها تعبانه ومش عايزه تيجي تشوفها انت مش عارف انها متعلقه بيها وبتحبها
هيثم : وانت زعلان ليه انا خدمتك على فكره عشان بنتك متتعلقش بيها على الفاضي بدل ماتشكرني زعلان
عمر : اشكرك على ايه على كذبك على بنتي انت بتعمل كده ليه انا وبنتي عملنا معاك ايه ياهيثم
هيثم : ابعد عن غاليه ياعمر عشان منخسرش بعض انت عارف اني بحبها ومش هسيبها
عمر : انت فعلا مريض وتركه وخرج من الغرفه
كان سالم يحاول الوصول لغاليه لكنها قامت بحظره من هاتفها وعندما وصل لمنزلها عرف انها سافرت صباحا
كان غاضبا من نفسه ومما يحدث معها كان طارق بجانبه لانه يعلم جيدا ان سالم يحتاج اليه
نظر اليه طارق وقال : ممكن تهدي ياسالم اكيد رايحه تغير جو وهترجع تاني متقلقش سيبها تهدي ياسالم الصدمه كبيره عليها
سالم : صدمه انا كمان مصدوم ياطارق مش فاهم ايه اللي حصل انا كنت خلاص اتفقت مع نرمين على الطلاق وكنت بجهز نفسي لكده فجأه الاقي نرمين حامل لا وكمان غاليه تعرف قدام الكل مش مني انا
طارق : وانت كنت هتعرف منين ان نرمين هتعمل كده كلنا اتفاجئنا
سالم : نرمين كانت عارفه كويس هي بتعمل ايه
طارق : مقدرش ألوم عليها واحده وبتحاول تحافظ على بيتها اكيد هتعمل اي حاجه
ضحك سالم : انت مصدق اللي بتقوله ده تحافظ على ايه احنا بنتكلم على نرمين اللي مش بيفرق معاها حاجه غير نفسها تقولي بتحافظ على بيتها
طارق : جايز تكون لما حسيت انها هتخسرك اتغيرت قالت تحافظ عليك ياسالم انا مش بقولك ترجعلها او غير قرارك بس بحاول افهمك هي عملت كده ليه
قطع حديثهم دخول روان
روان : صباح الخير عامل ايه دلوقتي ياسالم
سالم : الحمد لله كويس في حاجه غلط في الشغل ولا حاجه
روان : لا ابدا بس جيت اطمن عليك واقولك اني معاك وجنبك في اي قرار هتاخده
ابتسم لها سالم : انا عارف ياحبيبتي ربنا يخليكي ليا
نظرت لطارق وقالت : ممكن نتكلم شويه
خرج معها طارق لمكتبه
روان : انا حابه اعتزرلك على اي حاجه عملتها وزعلتك انت تستاهل كل حاجه حلوه في الدنيا ياطارق وفعلا يابخت ساره بيك خلي بالك منها هي بتحبك ومن زمان اوي
تعجب طارق من كلامها : انا مش زعلان منك يا روان بالعكس اكيد اللي حصل كان خير لينا انتي لقيتي اللي بتحبيه وانا لقيت انسانه بتحبنى وواقفه جمبي
روان : خليك مع سالم هو يستاهل اننا نكون معاه وندعمه كمان
طارق : انا معاه طبعا في اي قرار هياخده المهم انتي متشغليش نفسك وركزي في الشغل مش هيبقى كلنا سيبينه كده
ضحكت روان : لا متقلقش انا مركزه جدا
لم تصدق امل عندما عندما رأت غاليه مع والدتها
امل : غاليه حبيبتي وحشاني اوي
غاليه ببكاء : انتي اكتر والله وحشتيني ووحشني الكلام معاكي
امل : طيب يلا تعاله ارتاحه وبعد كده نتكلم مع بعض وتحكيلي كل حاجه
لاحظت والده امل ان غاليه تريد التحدث مع امل فقالت : انا نازله تحت عند مرات خالك وعدتها هشرب معاها الشاي
امل : ماشي ياحبيبتي
عندما خرجت والده امل قالت : شكلك مش مريحتي ياغاليه انتي كويسه في ايه
غاليه : كدب عليا تاني يا امل خدعني تاني تخيلي يوعدني انه هيطلق واديله فرصه عشان نرجع لبعض وبعد كده اكتشفت ان مراته حامل
امل غير مصدقه : حامل حامل ازاي هو مش العلاقه بينهم كانت انتهت ومن ساعه الحادثه كل واحد فيهم في اوضه يبقى حامل ازاي
غاليه : طلع بيكدب عليا يا امل تقدري تفسري حملها ده ازاي كان بقاله فتره متغير معايا بس كنت بقول انه مشغول في شغله طلع ان الاستاذ اتصالح مع مراته ورجعه لبعض وانا زي العيله صدقت انه بيحبني وعايز يرجعلي
امل بحزن : متزعليش ياغاليه اكيد ربنا بيحبك عشان كده بيبعدك عنه هو مش خير ليكي المهم احكيلي عن مستشفى وسيبك من سيره سالم اللي تضايق دي
غاليه : كل حاجه زي ماهي بس انا وعاليا بقينا أصحاب جدا وعلى طول بتشوف بعض وبتغدي سوا
امل : والغدا ده دكتور عمر بيكون معاكو ولا لوحدكو
غاليه : غالبا بيكون معانا هي مره واحده بس كنا لوحدنا لو كنتي موجوده كنتي حبيتيها
امل : عموما خلي بالك لان هيثم اكيد مش هيعجبه قربك من دكتور عمر
غاليه : دكتور عمر انسان محترم جدا وبيتعامل مع الكل بحب ومش بيبخل على حد بنصيحه انا معرفش اخته دي طالعه لمين المهم طمنيني عليكي لسه حماتك بتغير على محمد منك
امل : اسكتي ياغاليه دي غيره مش طبيعيه كانت الاول بتضايقني لكن بعد كده الموضوع بدا يقل وبقيت تتعامل معايا كويس لما عرفت اني حامل بقى الدنيا ضبطت خالص انا مش مضايقه منها محمد كل حياتهم فعلا وهو مش ابنها بس ده الراجل بتاعها كمان
غاليه : ده ايه العقل والحكمه دي كلها هو الجواز بيعقل كده
ضحكت امل وقالت : لا يا اختي ده بيجنن اكتر
قطع حديثهم رن هاتف غاليه كانت إحدى الممرضات تتصل بها
غاليه : اهلا يا ابتسام عاملين ايه
عاليا : لا انا عاليا مش ابتسام وزعلانه منك اوي عشان انا عيانه في المستشفى وانتي مش بتسالي عليا مش احنا أصحاب
غاليه : تعبانه ازاي انا محدش قالي انك تعبانه انتي عامله ايه دلوقتي
عاليا : الحمد لله ف حقنه في أيدي بس بابي بيقول اني هبقي كويسه
غاليه : الف سلامه عليكي ياحبيبتي انا هجيلك على طول
أغلقت غاليه وقالت : عاليا بنت دكتور عمر تعبانه وفي المستشفى انا لازم ارجع يا امل عشان متزعلش مني وكمان لازم ارجع المستشفى الشغل هو اللي هيطلعني من اللي انا فيه
امل : رغم اني كان نفسي تقعدى معايا يومين بس المهم اني شفتك واطمنت عليكي خلي بالك من نفسك وانا هطلب من أحمد يوصلك المحطه
غاليه : ربنا يخليكي ليا يا امل
وصلت غاليه المشفى وذهبت لغرفه عاليا سريعا وعندما فتحت الباب فرحت عاليا عندما رأتها
عاليا : غاليه انتي جيتي وحشتيني اووي
غاليه ضمتها لحضنها : الف سلامه عليكي عامله ايه دلوقتي بقيتي احسن
عاليا : اه الحمد لله كويسه بس الحقنه اللي في أيدي بتوجعني وبابي قالي انه هيشيلها النهارده
غاليه : متقلقيش هتبقى زي الفل وهنتفسح كمان مع بعض
دخل عمر وفوجئ بوجود غاليه
عمر : انتي رجعتي امتى من الاجازه
غاليه : رجعت من شويه جيت اطمن على عاليا وانا زعلانه من حضرتك عشان مبلغتنيش انها تعبانه
عمر : انتي كمان كنتي تعبانه ولازم ترتاحي عموما انا هسيبكو لوحدكو مع بعض انا كده مطمن على عاليا
ابتسمت غاليه له وعادت لتلعب مع عاليا
وصل سالم القصر فوجد نرمين والجميع يجلسون لتناول العشاء فسلم عليهم وتركهم وذهب لغرفته
تهاني : ينفع كده يارضوان شايف عمايل ابنك
رضوان : ابني دلوقتي مبقاش يعجبك ياتهاني لازم تعرفي ان بنتك السبب في اللي سالم وصله ده
نرمين : وانا عملت ايه يا خالو هي غاليه السبب من ساعه ما رجعت القصر وهي بتحاول تخرب عليا
روان بغضب فلم تستطيع التحمل اكثر : بيتهيقلي الكلام ده تقوليه لاصحابك تضحكي عليهم بيه مش علينا احنا يا نرمين احنا عارفين كويس اوي انك مكنتيش زوجه وكل همك الخروج والشوبينج
والحفلات والسفر سالم مكنش في أولوياتك اصلا فبلاش التمثيل علينا احنا بعد اذنكو وتركتهم وذهبت لغرفتها وفعلت ساره مثلها وعادت لغرفتها
على الجانب الآخر بفرنسا كان يجلس عيسى مع صديقته رولا
رولا : طيب مادام بتحبها سيبتها ليه ياعيسي
عيسى : عشان مينفعش نكمل سوا دي متجوزه سالم كنا أصحاب زمان هو ميستاهلش كده
رولا : يعني يستاهل يربي طفل مش ابنه هتسيب ابنك يعني يتربى بعيد عنك
عيسى : مش عارف يارولا انا كل تفكيري في الصفقه الجديده تخلص واشوف هعمل ايه
رولا : لازم تفكر ياعيسي ده ابنك وهي كمان بتحبك الا بقى لو مش بتثق فيها عشان كانت بتخون جوزها معاك
عيسى : مش هكدب عليكي يارولا بس نرمين بتحبنى بجد
رولا : اوكي شوف هتعمل ايه بس بسرعه التأخير مش في مصلحتك
عيسى : حاضر يارولا المهم انا عايز تفاصيل الصفقه كلها دلوقتي بسرعه
بالمشفي عاد عمر لغرفه ابنته لكنه وجدها نائمه وغاليه بجوارها أيضا غارقين في ثبات عميق فابتسم وتركهم وخرج من الغرفة
اثناء سيره وجد سالم يبحث عن غاليه فذهب اليه وقال : استاذ سالم ممكن نشرب قهوه مع بعض ونتكلم
وافق سالم وذهب معه لغرفته
سالم : خير يادكتور عمر حضرتك عايزني في حاجه
عمر : باختصار يا استاذ سالم ده مكان شغل دكتوره غاليه يعني مينفعش حضرتك كل شويه تبجي تسأل عليها انت كده هتتسبب بمشكله وهتخلي الكل يتكلم عليها وحضرتك كمان واحد متجوز طبعا فاهم قصدي
سالم : انا طبعا فاهم قصد حضرتك بس ممكن افهم سبب اهتمامك بالموضوع ايه
عمر : دكتوره غاليه من أحسن الدكاتره هنا ويهمني ان محدش يتكلم عليها وميحصلش معاها مشاكل كفايه اوي اللي مرت بيه وأعتقد حضرتك يهمك راحتها وسمعتها كمان
سالم : تمام يادكتور بس ياريت حضرتك تبلغها اني عايزها ضروري في موضوع مهم
عمر : انا فهمت قصدك كويس وبعتذر لو كنت سبب في اي احراج لحضرتك واوعدك اني هبلغها
خرج سالم والغيره تأكل قلبه لانه تأكد من حب عمر لغاليه لكنه لم يستطيع أن يواجهه حتى لا يخسر غاليه