رواية #دادي_سينجل
الفصل الثالث والرابع
بقلم ياسمين علاء الدين
👑اللهم صل وسلم علي نبينا محمد👑
انتهت العطله وعادو الي الدراسه مره اخري
نزلت مع فريده وصلتها المدرسه. وقفت اطمن انها دخلت
لاسمع صوت خلفي ..
ساندرا الاخصائيه النفسيه عمرها 27 عام مش محجبه
شخصيه هادئه وعاقله وذكيه
ساندرا : صباح الخير يا بشمهندس
مصعب : صباح النور يا ميس . اخبار فريده ايه
ساندرا : الحمد لله تمام . من اخر مره كلمتك فيها وهي مش بتتكلم في موضوع تاني
مصعب : طيب الحمد لله .
ساندرا : أيه رائيك اعزمك علي قهوه
مصعب : اسف جدا. بس انا مضطر أستاذن علشان عندي شغل
ساندرا :اوكي . مره تاني
مصعب : ان شاء الله . عن اذنك
ذهب مصعب وهو يشعر ان هناك شئ غريب في طريقه ساندرا . ولكنه يتعرض لهذه الامور
👈 يوم متعب كالعاده في الشغل . لازم ارجع بسرعه لفريده . قبل ما تاخر عليها
هخد الورق واكمل في البيت ...
انطلق بعد ان وضع الاوراق في السياره وذهب للمدرسه
ليجد ساندرا تقف مع فريده
فريده : دادي
استقبلها بضمه وحضن ..
مصعب: عامله ايه يا ديدا
فريده : الحمد لله يا دادي . انت اخبار الشغل ايه
مصعب : الحمد لله
نظرت بطرف عيني لاجد ساندرا تقف وتتابع كلامي مع فريده . لانظر لها بابتسامه
ساندرا: بما انك مكنتش فاضي الصبح. فانا عزماك نتغدا سوا
مصعب: سوا. ازاي
ساندرا : احنا الاتنين
.
مصعب : اسف مش بتغدا من غير فريده
ساندرا بابتسامه مزيفه : اه طبعا . هتكون معانا. دي ديدا حبيبتي
مصعب : ايه رائيك يا ديدا . نروح نتغدا مع بعض
فريده : اوكي يا دادي
مصعب : اتفضلي حضرتك
ساندرا بابتسامه : ما بلاش حضرتك . قولي ساندرا بس .او دودو
مالها دي . شكلها بترسم علي حاجه. عدي اليوم وخلاص
فتح باب السياره واجلس فريده بجانبه
لتنظر له بغيظ . فتح لها باب السياره في الخلف
جلست وركبت هو.
ذهبو لمطعم .. وجلسو الثلاثه
مصعب : تاكلي ايه .
ساندرا: هاكل كوردن بلو وسلاطه
لم اتحدث لها هي . كنت اتحدث لا بنتي . ولكن تغضيت عن الامر
مصعب : ديدا . تاكلي ايه يا روحي
فريده بتفكير : بطاطس محمره وتشيكن
ساندرا : مفروض تاكلي حاجه مفيده .
فريده : زي ايه
ساندرا : سلاطه فيها البروكلي . وخضار
فريده : مش بحبه . انا عايزه تشيكن
مصعب: عيوني ليكي
طلبت الاكل وساندرا تتحدث معي عن المدرسه والطلاب
ذكيه جدا. وشخصيتها متحكمه . ولكن ليس معي. لا احب ان يتحكم بي احد .
تناولنا الغدا. واضطرت ان اوصلها الي المنزل .
ساندرا : شكرا جدا يا مصعب . ياريت تقبل دعوتي علي العشا
مصعب : العفو . وان شاء الله
كانت اجاباته محددوده ولكن يبدو انها لن تستسلم
...
في السياره كانو في طريقهم للبيت فهو اضطر ان يسلك طريق اخر ليوصل ساندرا
فريده : هي عايزه ايه
مصعب : هي مين
فريده : ميس ساندرا
مصعب : مش عايزه حاجه كانت بتتغدا معانا
فريده : لا . دي كانت عايزه تكلمك انت
.
ابتسمت لذكاء صغيرتي ولكن لن اسمح لها ان تشغل عقلها بهكذا امور
مصعب : فيها ايه اما تكلمني مش هي الميس بتاعتك برضو وانا ولي امرك واكيد هتكون عايزه تكلمني علشانك
فريده : لا مش علشاني . انا لحظت انها عايزه تكلمك انت لوحدك .
مصعب : مش صح . انتي بس فاهمه غلط
فريده: ماشي يا دادي
وصلنا البيت وصعدت مع فريده. تكتب الواجب المنزلي . وانا انهي عملي ..
انتهينا وجلست معاها اشاهد التلفاز.
وهكذا مرت الايام بدون جديد .اذهب في الاجازه الي امي . واقابل فرح من وقت لاخر بالمصادفه مع محاولات من ساندرا لنلتقي .. اخذت رقم هاتفي وتحدثني
لا اريد ان ادخل في علاقه. يجب ان تفهم. حاولت معاها كثيرا لاصدها ولكنها مصممه ..
في يوم ..
كنت اتمرن في البيت بالدمبل
( قطعه من الحديد تستخدم للتدريب ) في البيت
لا وقت للذهاب الي الصاله التدريب . .. كنت اتحدث مع فريده وهي تريني رسوماتها
مصعب : رسمك حلو اوي يا فريده . كل مره بيتحسن
فريده : ما انا بحاول اظبط ايدي
مصعب : انتي كل حاجه بتعمليها جميله زيك
فريده : حبيبي يادادي .
كنت انظر لها لاضع الدمبل علي الطاوله . بدل ذلك وقع ع قدمي . لاصرخ من الالم
فريده بخوف : دادي .مالك
تحكمت بنفسي بصعوبه وان اشعر ان قدمي بها كسر
مصعب : فريده متخفيش .
فريده بدموع : انت تعبان
مصعب : لا مش تعبان . انا كويس
ركضت ولا اعلم الي اين. حاولت الوقوف وبصعوبه. تحاملت علي قدم واحده . لاجدها تدخل مره اخري ومعاها فرح
فرح : مالك يا مصعب
مصعب : مليش . الدمبل وقع علي رجلي ..
اقتربت من قدمه ونظرت اليها وفريده تبكي وهي تمسك يد مصعب
فرح : ديدا . يلا ادخلي البسي حاجه في رجلك. علشان ننزل
مصعب : تنزلو فين
. فرح : هننزل كلنا . او اقولك فكره احلي .
تركتني مره اخري . مجنونه
دخلت بعد وقت وهي مرتديه ملابس الخروج ومعاها والدتها
حنان : الف سلامه عليك يا بني
مصعب: الله يلسمك يا ماما
فرح همست لفريده : ديدا. ممكن تقعدي مع نانا حنان وانا اروح مع مصعب للدكتور
فريده: اجي معاكم
فرح : مش هينفع . علشان اخطري اسمعي الكلام . وبطلي عياط. علشان هو مش هيرضي يروح لو انتي بتعيطي
مسحت دموعها بطفوله وامسكت بيد حنان .
فرح : يلا يا مصعب ننزل
مصعب: علي فين
فرح :: المستشفي
مصعب: لا. انا كويس . هحط مرهم
فرح بهمس : رجلك اتكسرت. انت مش شايف لونها اتغير ازاي وكمان وارمه
مصعب: فريده
فرح: هتقعد مع ماما.
مصعب: خليكي انتي معاهم وانا هنزل اعمل اشاعه
فرح : لا .هاجي معاك .
مصعب: لا
فرح : هاجي
مصعب: بقولك لا
.......
بعد وقت كان الاثنان في المشفي. والدكتور يقوم لعمل اشاعه ليخبرهم ان قدم مصعب اتكسرت ويجب ان يجبسها لمده ١٤يوم
فرح: جبسها يا دكتور .
مصعب: انتي فرحانه فيا
فرح : علشان بعد كده تاخد بالك
ليسمع صوت الدكتور وهو يضحك: المدام خايفه عليك
فرح احمر وجهها ..
مصعب: هي كده خايفه. دي فرحانه فيا
فرح : مش فرحانه والله.
الدكتور جبس قدم مصعب .
. وجلس ع كرسي متحرك ليخرجو من المشفي وهي بجانبه
امسكت يده لتصعده يصعد الي التاكسي. وجلست بجواره
فرح: الف سلامه عليك
مصعب: الله يسلمك يا فرح . تعبتك معايا
فرح: تعبك راحه ..
نعم انها معجبه به جدا. ولكن هو يعاملها كجاره له
لا ينكر ان هذا الموقف اعجب بشخصيتها . لم تتركه واصرت بقوه ان تذهب معه.
يشعر انه يتعامل مع فريده ابنته بحيالها واصرارها .
ليضحك بخفه..
وصولو الي البيت والبواب ساعده علي الصعود. ليجد فريده تجلس بحزن وحنان بجانبها
جلس وهي نظرت له بدموع .. وركضت ليضمها بحنان
. كانت تبكي بين احضان ابيها . فهو ليس كاي اب انه كل عالمها
كانت فرح وامها يشاهدون هذا الموقف لتدمع عينهم لمعت الدموع بعين مصعب. ليخيفيها سريعا
مصعب: ديدا حبيبتي . انا كويس .
فريده بدموع: رجلك بتوجعك
مصعب: لو عيطتي هزعل منك.
فريده: مش تزعل.
مسحت دموعها بيدها .
. فرح : تعالي يا ديدا. اغسلي وشك
حنان : الف سلامه عليك يا بني
مصعب: الله يسلمك يا امي
فرح غسلت وجهه فريده وصنعت لهم العصير قدمته لهم
تري مصعب حزين وفريده تريد ان تضحكهم
فرح : اشرب
مصعب : شكرا
فرح: اشرب علشان تنسي
مصعب : انسي ايه .. ده عصير ايه
ضحكت فرح ؛ موز باللبن.
حنان : يلا يا هبله قدامي
فرح ؛ يووووه يا ماما . بهزر معاه
حنان: والله دي فريده اعقل منك .
ضحك مصعب .. فريده: يا نانا متزعليش فرح دي حبيبتي
فرح: قلبي بقي....اخيرا لقيت حد نصفني .
حنان: يلا يا بت قبل ابوكي ما يرجع
فرح : حاضر ..
مصعب: شكرا علي حاجه . انا تعبتكم معايا
حنان : يا بني متقولش كده. ربنا يشفيك ويخليك لفريده
مصعب: يارب يخليك يا امي
فرح بغناء : يا ست الحبايب .. يا حبيبه
حنان: وحشك الشبشب يا فرح
فرح : لا . الشبشب لا
اسرعت بالخروج وامها خلفها ليضحك مصعب وفريده عليها
فريده كانت تحدث ام مصعب جدتها واخبرتها ان مصعب كسر قدمه
لذلك قررت ان تذهب اعتماد الي ابنها لتجلس معه في هذا الوقت ومعاها زوجها
...ً............
#دادي_سنجل
4
👑أستغفر الله العظيم واتوب اليه 👑
ذهبت اعتماد ومرزوق لمصعب ليجلسو معه في هذه الفتره حتي تتحسن صحته
في اليوم التالي
دقت الباب فرح لتطمان علي مصعب .. لتفتح الباب اعتماد . وجدت فتاه تبتسم بخجل ومحجبه ترتدي فستان واسع كشمير وطرحه عليه بنفس اللون
اعتماد : نعم يا حبيبتي. انتي مين
فرح باحراج : انا فرح
اعتماد وهي تنظر لها نظره تقيميه كحماه
اعتماد: انتي بقي فرح جارتهم
فرح: اه.انا. حضرتك جده فريده
اعتماد: اه. اتفضلي يا بنتي ادخلي
فرح: شكرا
دخلت فرح باحراج واعتماد تنظر لها من اعلي لاسفل كنظره ( مريم منيب ) في فيلم عربي قديم مش فاكره اسمه😂
لتركض فريده الي احضان فرح : فرح وحشتيني
فرح: وانتي كمان يا ديدا . عامله ايه
فريده: الحمد لله. شوفتي نانا اعتماد
فرح: اه
خرج مرزوق ومصعب بجانبه يتحامل علي عكاز
مرزوق ابو مصعب: ايه النور ده
فرح بخجل: شكرا يا عمو . ده نورك
همس لمصعب: مين المزه دي
مصعب: جارتي
مرزوق: يا ابن المحظوظه . علشان كده مش راضي تقعد معانا
ضحك مصعب علي ابيه ..
فرح لمصعب: احم . انا اسفه اني جيت دلوقتي. بس بحسبكم لوحدكم وقولت اساعدك في اي حاجه
اعتماد: يا بنتي البيت بيتك تيجي زي ما تحبي . تعالي اقعدي
امسكت يدها واجلستها بجانبها
مصعب نظر لامه وفهم ماذا تفعل: ربنا يخليكي يا فرح . تسلمي ماما هنا وبابا.
فرح: الف سلامه عليكي . عن اذنكم انا
اعتماد: والله ما يحصل . انتي هتقعدي معايا شويه .
ضمتها وهي تفعص بها
ليفتح مصعب عينه من الصدمه .
مصعب بتحذير وهمس: ماما
اعتماد: ايه
مصعب: تعالي عايزك جوه
اعتماد: مش دلوقتي . روح اقعد مع ابوك .
مصعب بهمس لابيه' : يا بابا مش هينفع كده . دي جارتي
مرزوق: يا بني وانا مالي. سيب امك تشوف شغلها
مصعب: انا خايف امي تشوف شغلها
..
اعتماد : وانتي عندك كام سنه
فرح: ٢٥سنه
.
اعتماد: ومتجوزتيش ليه
فرح باحراج ؛ لسه النصيب يا طنط
اعتماد: طبعا . ربنا يرزقك بابن الحلال
فرح: شكرا
فريده: فرح تعالي نلعب مع بعض
فرح: تعالي نلعب مع نانا حنان واحطلك مانكير
فريده: ماشي
اعتماد: لا. اقعدي لسه مخلصتش
فرح باستغراب: نعم
مصعب: في ايه يا ماما .
اعتماد: اسكت انت .
امسكت يد فرح وهي تربت علي ظهرها وفرح تنظر لها ببراءه
اقترب اكثر من امه وبهمس . : انتي بتفعصي البت كده ليه
اعتماد : بشوف فيها لحم وله معضمه
امسك مصعب يد امه : ابوس ايدك متكسفنيش. دي جارتي وانا مش هتجوز
اعتماد: اتوكس. دي البت قمر
مصعب: يا ماما مش معقول كده
كانت فرح تنظر لهم باستغراب وهم يتهامسون ولكن لم تفهم في ماذا يتحدثون
انشغلت مع فريده بالكلام والحديث
ليسمعو طرق الباب.
ذهب مرزوق ابو مصعب يفتح الباب ووجد مسعد وحنان اب وام فرح
مصعب وهو يجلس في مكانه: اتفضل ياعمي. اتفضلي يا ماما
سلمو ع الجميع واتعرفو علي بعضهم .
وجلس الرجال يتحدثون . وام مصعب تتحدث مع ام فرح .. وفريده وفرح يجلسون معا يلعبون
اعتماد: والله يا حنان يا اختي ماليكي عليا حلفان بس انتي دخلتي قلبي ع طول
حنان : وانتي كمان يا حبيبتي . بت يا فرح
د
فرح: نعم يا ماما
حنان: قومي اعملي شاي من عندنا
اعتماد : لا والله ودي تيجي .
حنان: فيها ايه. انا وانتي واحد
اعتماد: طيب خلاص. ادخلي بقي المطبخ يا فرح واعملينا قهوه كلنا
فرح : حاضر
دخلت فرح المطبخ وقامت بعمل القهوه للجميع .
قدمتها لهم
مصعب نظر لامه ليجدها مشغوله بالكلام مع حنان
فريده اخذت فرح ودخلت بها الي غرفتها
فرح: عايزه تلعبي ايه . تعالي نرسم
فريده: لا . عايزه العب لعبه تاني
فرح: لعبه ايه
فريده: انتي العروسه وانا هعملك شعرك واحطلك توكه
فرح: ماشي. بس اقفلي الباب
اغلقت فريده الباب وفرح فكت طرحتها .
لتبدا فريده في اللعب والاثنان مشغولين
مصعب دخل ليطمان ع فريده في ظل انشغال الجميع في الحديث
مصعب 👈 دخلت اشوف فريده ونسيت خالص ان فرح معاها. فتحت الباب وشوفتها وهي من غير حجاب .
اغلقت الباب سريعا وانا اوبخ نفسي
شعرها حميل وتبدو جميله جدا .
فرح فشعرت بالخجل والاحراج ووقفت سىريعا لتداري شعرها وتلبس الحجاب
فريده: لسه مش خلصت لعب
فرح: نلعب حاجه تاني . انا زهقت من اللعبه دي
طرق ع الباب وفتحت فريده
فريده: تعالي يا دادي العب معانا
مصعب: انا كنت بطمن عليكي
كانت فرح تنظر الي الارض بخجل
مصعب: اسف يا فرح مكنتش اعرف انك هنا
فرح حركت راسها بنعم
فريده: فيها ايه يا دادي .
مصعب غير الموضوع: بتعلبو ايه
فريده: بنلعب هي العروسه وانا بعملها شعرها. دي لعبه حلوه. اوي. يلا يا فرح نلعبها تاني وخلي دادي يلعب معانا
مصعب وفرح معا: لا
نظرت لهم فريده . فرح: تعالي نرسم احسن
فريده: ماشي
مصعب خرج من الغرفه وتركهم يكملون لعب ...
رجعت فرح وامها وابيها الي شقتهم.
.
مصعب 👈 منتظر تعليق امي اكيد مش هتمر الموضوع بالسهوله كده
اعتماد : عسل فرح واهلها ناس طيبين .
مصعب: اه
اعتماد: ما تتكلم كويس يا مصعب.
مرزوق: بس يابني . دي حياتك وانت حر فيها ام اختارت ام فربده تتجوزها وانت كان عندك وقتها ٢٣سنه .احنا وافقنا ووقفنا جنبك . احنا خايفبن عليك.
اعتماد: انت محتاج زوجه وشريكه حياه ليك ولبنتك كمان عايزه ام
مصعب: نفس الموضوع انا مش هتجوز تاني . انا مىتاح كده ..
اعتماد: وانت بالشكل ده ومحتاج حد يساعدك لو انا وابوك مكناش هنا مين كان هيساعدك
مصعب: انا هساعد نفسي
مرزوق: طيب غلطان لو فاكر انك هتفضل بصحتك كده ع طول. اما تتعب مين هيراعيك .. اللي حصل ده كان اشاره من ربنا . انك محتاج واحده جنبك . عايز شريكه حياه
اعتماد: انا شايفه ان فرح كويسه اوي. بتحب فرح بنتك وطيبه و كمان شكلها بتحبك
صعق مصعب : بتحبني ازاي. هي قالتلك
اعتماد: طبعا لا. هتقولي ان بحب ابنك . باين عليها
مصعب: اه . تخمينك يعني . بتخمني انها بتحبني
اعتماد: انا قلبي واجعني من الكلام معاك . انا بقولك البت بنت ناس كويسه وهي محترمه وقمر وبتحب بنتك . لو ضاعت منك مش هتعوضها. انا متاكده انها هتخلي بالها من فريده احسن ما تتجوز واحده تمرمطها بعد كده .
مصعب: محدش يقدر يمرمط بنتي . وانا علشان كده مش هتجوز واجبلها مرات اب
مرزوق: يا بني صوابعك مش زي بعضها . وعلشان كده امك بتقولك ان فرح هي انسب واحده
مصعب: وانا مش هتجوز
اعتماد: براحتك اللي ياكل علي ضرسه ينفع نفسه ..
انا داخله انام ..
👈 دخلت امي تنام وبابا كمان وانا كنت بفكر في كلامها معقول فرح بتحبني وله كل ده تخمين من امي .
افتكرت كل الموقف اللي حصلت بينا بس . مش عارف احدد . اكيد مع الوقت هعرف . بس لو طلعت بتحبني .انا مش عايز اجرح قلبها . كنت ناقص قلبت دماغ انا ..
.............
اليوم التالي
👈.طبعا فريده بقالها يومين مش بتروح المدرسه لانها رافضه تسبني وكمان مش عايزه حد غيري يوديها
الجرس الباب رن واتفاجات باخر واحده كنت متوقع انها تيجي . لا وكمان جايه في وقت ايه. في الجون زي اما بيقولو
اعتماد بصتلها من فوق لتحت شعر اسود قصير ولابسه بلوزه شيفون بكم زرقا . وجيبه تحت الركبه علي قد الجسم سودا وجزمه بكعب
اعتماد: انتي مين
ساندرا : انتي اللي مين . مش دي شقه مصعب
اعتماد: ايوه يا ختي شقه مصعب
👈 كنت بتابع الموقف وانا قاعد وشايف اللي علي باب . امي مش طايقه ساندرا .ساندرا واقفه مضايقه من طريقه كلام امي. ادخل دلوقتي وله اسيبهم شويه
فكره اما اسيبهم شويه . اتسلي بدل الدنيا ملل كده
بس للاسف تاتي الرياح بما لا تشتهي السفن . فريده خرجت تشوف مين
. فريده: ميس ساندرا
اعتماد: مين دي يعيني
فريده: الميس بتاعتي في المدرسه يا نانا
ساندرا: اوبس . انتي جدتها انا اسفه خالص مكنتش اعرف حضرتك . انا ساندرا منير
اضطر مصعب يدخل رغم عنه. لينطق بصوت رجولي عالي
مصعب بصوت عالي : اتفضلي يا ميس ..
افسحت اعتماد المجال لساندرا لتدخل ...
ساندرا: ايه ده الف سلامه عليك يا مصعب.
مصعب: الله يسلمك
ساندرا: انا اما لاقيت فريده مجتش من يومين قولت اكيد هي تعبانه . معرفش انك انت اللي تعبان
اعتماد: بعد الشر علي فريده. ان شاء الله اللي يتمنو تعبها
ساندرا: انا مش قصدي علي فكره
اعتماد: انا بقي قصدي.
ضحكت فريده .. ومصعب من داخله كان يضحك
خرج مرزوق : البيت منور يا جماعه. ايه ده كله كل يوم لمبه جديده
. لكزته في كتفه اعتماد
ليضحك مصعب: اللمبه قصدي ميس ساندرا . وده بابا . ودي ماما
ساندرا: اهلا بحضرتكم اتشرفت
مرزوق: الشرف لينا يا قمر
ساندرا بدلال : ثانكس يا انكل
نظرت لها اعتماد من اعلي لاسفل بغير رضي وجلست امامها كالاسد الذي يستعد لافتراس فريسته
اما ساندرا كانت تنظر لها بتحدي