رواية #دادي_سنجل
الفصل الخامس والسادس
بقلم ياسمين علاء الدين
👑استغفر الله العظيم واتوب اليه👑
جلست ساندرا مع مصعب وام مصعب وابو مصعب
وفريده ايضا
اعتماد : الجو بقي حر اوي
مرزوق وهو يعض علي شفتيه كتحذير لاعتماد
ساندرا : الف سلامه عليك يا مصعب . ليه مقولتش
اعتماد : كنتي هتعملي ايه
ساندرا : كنت جيتله امبارح .
اعتماد لمرزوق : بجحه
ساندرا : اصل هو معاه رقمي وبنكلم بعض
اعتماد : مقولتش يعني يا مصعب
مصعب : هقولك ايه ياماما. عادي يعني.
اعتماد: ماشي يا مصعب.
مصعب مستمتع بنظرات امه ل ساندرا
ساندرا: همشي انا يا مصعب وهجيلك مره تاني اطمن عليك . الف سلامه
مصعب: الله يسلمك
ساندرا :باااي يا طنط
اعتماد بقرف: مع السلامه
خرجت ساندرا واعتماد اغلقت الباب خلفها . لتنظر لمصعب بشر
مصعب : بتبصيلي كده ليه
اعتماد : انت بتكلم البت دي في الموبيل
مصعب : هي اللي بتكلمني
اعتماد : بص بقي واسمعني كويس . البت دي مش هتنفع . مش مرتاحلها وتحس انها تنكه كده
مرزوق : بس جميله اوي
اعتماد : بس انت
مرزوق : في ايه يا اعتماد . انتي طايحه فينا ليه . هو حر لو عايز يتجوزها . يتجوزها مش هنقول لا
اعتماد: بس مش هتريحه وله هتكون كويسه مع فريده
مرزوق: وانتي عرفتي منين . بطلي تكبري المواضيع كده
اعتماد: مش بكبر حاجه. بس هي مش مريحه
مصعب : خلصتو كلام . .انا مش هتجوز . انا هربي بنتي لوحدي
مرزوق. : الواد ده معقد
اعتماد : انا داخله اجهز الغدا
......
مر اسبوع
فريده تدخل لفرح تلعب معاها وتقربت اكثر من ام مصعب وتعرفت العائلتان علي بعضهم . اما ساندرا فكانت تاتي من كل وقت لاخر لتطمان علي مصعب واعتماد تعملها بجفاء ولكن لا يهمها
كانت فريده تلعب في شقه فرح ليتأخر الوق وتنام هناك
حملتها ودخلت بها الي غرفتها .. اعتماد: شكرا يا بنتي
فرح: العفو يا طنط. علي ايه . تصبحي علي خير
اعتماد: وانتي من اهل الخير
خرجت فرح لتقابل مصعب يجلس في الليڤنج روم
فرح : مصعب
مصعب: نعم يا فرح
فرح: فريده بقالها اسبوع مرحتش الحضانه
مصعب: هي مش راضيه حاولت معاها كتير وبابا كمان بس رافضه انها تروح . بس انا بقيت كويس هبدا اوديها اول الاسبوع الجاي
فرح : لا متضغطش علي رجلك . علشان متتعبش . انا اتكلمت معاها وهي وافقت اني اروح اوصلها للمدرسه
مصعب باندهاش: مش معقول
فرح: ليه. هي بتسمع كلامي وانا اقنعتها
مصعب: بس مش هينفع .انتي مش بتخرجي من البيت وباباكي مش هيوافق
فرح: هيوافق انا هقنعه . اهي فرصه اروح اغير جو
مصعب: مش عارف يا فرح. الاحسن خليها هي مش هتفرق. اسبوع كمان وهفك الجبس
فرح : متشغلش بالك انا هوصلها
اقتنع مصعب بكلام فرح ..
في بدايه الاسبوع اخذت فرح فريده لتوصلها الي المدرسه
اعتماد: شوفت اصيله ازاي وبتحب بنتك . مجتش من الزفته التانيه اللي شغاله مدرسه
مصعب: الزفته التانيه مفيش بيني وبينها حاجه.
اعتماد: يعني مش شايف هي بتعمل ايه. هي عايزه توقعك ..علشان تتجوزها
مصعب: وانا مش هتجوز .
اعتماد: و فرح
مصعب: لا .
نظرت له بقرف وذهبت الي المطبخ ..
👈 مش هتجوز. انا عايز اربي بنتي بسلام . ليه هي معترضه
في ميعاد خروج فريده من المدرسه كانت فرح تقف تمتظرها لتركض فريده اليها وتضمها
فريده: انتي متاخرتيش عليا . خفت تنسيني
فرح: مقدرش انساكي يا ديدا . انتي حبيبتي .
فريده: دادي اوقات بيتاخر عليا
فرح : معلش علشان شغله .
فريده : خلاص تعالي انتي علي طول
فرح: اوكي. اتفقنا
رجعت فرح وفريده الي البيت ...
ليستقبلها مصعب في البيت ركضت اليه وهي تضحك
وفرح تبتسم علي علاقتهم ببعض ..
مصعب: شكرا يا فرح
فرح: العفو . بس انا وفرح صحاب.
مصعب : طبعا . تعالي ادخلي
فرح : هدخل لماما . محتاجه حاجه اعملهالك
مصعب : لا شكرا
خرجت فرح من الشقه وهي تبتسم كالبلهاء. قلبها ينبض له . اقل كلمه تؤثر بها . ابتسم منه تجعلها تطير من الفرحه ولكن هو لا يشعر بها
......
مر اسبوع اخر وفرح كل يوم تذهب الي المدرسه مع فريده
وساندرا بدات تلاحظ وتضايقها بالكلام . ولكن هي لا يهمها شئ
فك مصعب الجبس اخيرا .. وبدا يرجع الي حياه الطبيعيه وامه وابيه عادو الي بيتهم
فريده : دادي هي فين فرح
مصعب وهو يجهز حقيبتها ويضع بها الشطائر : فرح مش هتوصلك انا اللي هوصلك
فريده :انا عايزه فرح توصلني
مصعب: وانا لا . كده يا فريده
فريده: اصل هي مش بتتاخر عليا وكمان بحبها اوي يا دادي . مينفعش توصلني انت وهي
مصعب: لا مش هينفع
فريده : ليه يا دادي . البنات هناك كلهم امهاتهم هي اللي بتوصلهم
مصعب بغضب : فريده متتكلميش في الموضوع ده تاني. انتي عارفه ان مامتك عند ربنا. وانا اللي هوصلك
نظرت له بدموع وحركت راسها بالموافقه
حملها بين يديه وضمها لتبكي هي بطفوله
مصعب: انا اسف يا فريده . اتعصبت عليكي. بس انا بابا وماما ومش عايزين حد تاني معانا
فريده : بس فرح طيبه
مصعب : تاني يا فريده
فريده : لا خلاص مش تزعل . انا بحبك انت وبس
مصعب :وانا كمان بحبك انتي وبس .
غسل لها وجهها وذهبو معا الي المدرسه.
. ليقابل في وجهه ساندرا
ساندرا : حمد لله ع السلامه
مصعب : الله يسلمك . يلا يا ديدا ادخلي وخلي بالك من نفسك
دخلت فريده بعد ان قبلت ابيها . كان سيمشي ليسمع صوت ساندرا تنادي عليه
مصعب : نعم
ساندرا : هي البنت البيئه اللي كانت بتيجي مع فريده تقربلك ايه
مصعب : بيئه. انتي قصدك ع فرح
ساندرا : معرفش اسمها
مصعب : فرح مش بيئه . دي بنت محترمه ومتربيه ومسمحش انك تقلللي منها
نظر لها بغضب وكان سيمشي لتمسك يده
ساندرا: استني بس يا مصعب . مش عايزاك تزعل مني.
مصعب: اظن انتي ملكيش دعوه بيا او ببنتي
ساندرا: بص يا مصعب بما انك مش واخد بالك . بس انا معجبه بيك
مصعب : لا واخد بالي . بس انا مش عايز ادخل في علاقه
ساندرا: والبنت التانيه
مصعب : لا بيكي ولا بغيرك . انا مش هدخل في علاقه. انا هربي بنتي وخلاص
تركها وذهب الي الشركه وهي يشعر بالغضب .
👈 كلهم بيكلمو علي الارتباط والجواز . مش هتجوز .عايز اربي بنتي وبس ايه الصعب في ده . الفتره اللي امي قاعدت فيها معايا كانت بتتكلم كتير علي الجواز علشان كده مش مستحمل اسمع حاجه تاني من حد
اليوم كان صعب جدا في الشركه ومش مركز بتعصب كتير . المدير اداني خصم يومين . .. رجعت خدت فريده وطلعت الشقه ..
مصعب : ادخلي خد دش .شكلك مبهدل اوي انهارده
فريده: ماشي
مصعب : في حاجه حصلت في المدرسه
فريده بكدب : لا
مصعب : فريده انتي بتكدبي
فريده : لا
مصعب : اقفي هنا واتكلمي معايا
صرخت به : مش عايزه اتكلم . مش عايزه
مصعب : انتي من امتي بتتصرفي بالطريقه دي
فريده : مش هتكلم . انت بتزعل مني .
دخلت غرفتها ليصرخ بها مصعب بقوه
مصعب بغضب : فريده تعالي اقفي هنا .حالا
فريده : لا
مصعب: الظاهر اني دلعتك زياده عن الازم .
فريده كانت تبكي في الغرفه .. اتصلت بفرح وهي تبكي
فرح : مالك يا فريده
فريده : انا عايزاكي
فرح : ماشي انتي فين
فريده : في اوضتي
فرح : ثواني واجيلك
ارتدت الاسدال وخرجت من الشقه مسرعه لتطرق الباب
فتح لها مصعب وهو غاضب
مصعب : ايه . عايزه ايه
نظرت له بحزن واحراج ..
خرجت فريده من الغرفه وركضت اليها لتضمها فرح
وهي تبكي في احضانها .
فرح : انا اسفه. بس هخدها معايا
مصعب : ادخلي
فرح : لا شكرا
امسكها من يدها وادخلها الشقه واغلق الباب بقوه
فرح : متلمسنيش تاني
مصعب : اسف بس
فرح : من غير بس . متتكرش تاني
حرك راسه بالموافقه وهي يعلم انها اخطا
فرح جلست وفريده تبكي في احضانها وتخبئ وجهها في ملابسها
فرح: مين بس اللي زعلك
ما زالت تبكي
👈 غلطت انهارده جامد . لاول مره بعامل فريده بالطريقه دي . لا وكمان اتعصبت علي فرح . برافو بجد عليا .. صوت عياط فريده بيقطع فيا
مصعب: فريده انا اسف . متزعليش مني
ربت علي ظهرها وهي في احضان فرح .
وقف مصعب وجلب لها عصير هي وفريده لتهدا قليلا
مصعب : فرح اسف . انا انهارده متعصب وحضلي كذا مشكله .
فرح حركت راسها بتفاهم.
و اعدلت فريده لتشربها العصير وهي تمزح معاها ومصعب ايضا يضحكهم.
فريده : ممكن تدخلي معايا اخد شاور
فرح : بس كده . عيوني . بس ايه رائيك ناخد شاور عند نانا حنان
فريده : لا هنا. علشان كمان هدومي ومش عايزه اسيب دادي
فرح : ماشي يا ديدا . اللي انتي تؤمري بيه
نظرت لمصعب : ممكن ادخل معاها
مصعب: ممكن يا فرح . انا بعتذرلك علي سوء تصرفي معاكي. اسف
فرح : ماشي
دخلت مع فريده وخلعت عن الملابس. لتجد علامات في جسدها
فرح: ايه ده
فريده ببكاء : اتخنقت مع البنات والميس ضربتني وقالتلي لو قلت لدادي هتضربني اكتر
فرح بغضب : ميس مين دي
كانت تبكي ولم تجيب .
فرح : ميس مين يا فريده . قوليلي وده هيكون سر بينا
فريده: ساندرا
فرح : بنت ال'"'##
فريده : عيب يا فرح
فرح : اه عيب . انا نووتي. يلا علشان تاخدي شاور
..............
يتبع .
#دادي_سنجل
الفصل السادس
👑 اللهم صل وسلم علي نبينا محمد👑
ساعدت فرح فريده في اخذ حمام دافي و في ارتداء ملابسها وخرجت وهي تحملها وهي صامته ولكن كلها غضب
نظر لها مصعب وعرف انها غاضبه فظن انها ما زالت غاضبه منه رغم انه اعتذر لها اكثر من مره
وضع الطعام ع السفره
مصعب: يلا نتغدا
فريده: فرح اكليني
مصعب: ديدا. خلي فرح تاكل وانا هاكلك
فريده: لا انا عايزه فرح يا دادي . مش تزعل
مصعب: مش زعلان يا قلبي
كانت تطعمها الطعام وهي صامته تفكر ماذا ستفعل ما هذه الغبيه كيف لها ان تضرب طفله يتيمه . هل فقدت عقلها .
ليسمعو صوت جرس الباب . وقف مصعب يفتح الباب ليجد امامه ابو فرح مسعد ويبدو غاضبا
مسعد : فين فرح
مصعب : جوه يا عمي . اتفضل
خرجت فرح : نعم يا بابا
مسعد امسك يدها بقوه وجرها
مصعب : عمي في ايه
مسعد : ملكش دعوه. .بنتي وانا حر فيها
نظرت فرح لمصعب بدموع . ليشعر بالم في الجزء اليسار من صدره
انه قلبه . حزين من اجلها. كيف حدث هذا
فريده : هيضربها يا دادي الحقها
مصعب : مش هينفع ادخل .مليش حق
فريده : هتسيبها كده.
حملها واغلق الباب
👈 حاولت اقنع نفسي ان انا مليش حق ادخل . او اسيبها. بس مش عارف . هي جدعه معايا وكذا موقف كانت واقفه جنبي وجنب فريده بنتي . ازاي اسيبها . استجمعت شجعتي. وحسمت الامر اني لازم ادخل واشوف في ايه .
مصعب: فريده لو عايزاني ادخل لفرح . اقعدي هنا ومتخرجيش ورايا
فريده: ماشي يا دادي .والله هسمع الكلام
قبل جبينها وخرج من الشقه .. طرق الباب وهو يسمع صوت بكاء فرح . هل يعقل ان ابيها ضربها
فتحت حنان ونظرت لمصعب
مصعب : عايز اتكلم مع عمي
حنان : مينفعش دلوقتي يا بني . هو مضايق
مصعب : علشان كده عايز اتكلم معاه
مسعد : مين يا حنان
حنان : ده. ده
مصعب : انا يا عمي وعايز اتكلم مع حضرتك
مسعد : هتتكلم في ايه
مصعب : هنتكلم علي الباب .
مسعد : ادخل
دخل مصعب ليجد فرح امامه وهي تبتسم بدموع وحزن
جلس مصعب : حضرتك ممكن افهم انت مضايق ليه . انا عملت حاجه ضايقتك
مسعد. : لا . بنتي هي اللي عملت
مصعب: طيب ممكن اعرف عملت ايه .طبعا مع احترامي لحضرتك بس انا اب زي زيك .
مسعد : وانت عايز تجيب بنتك زي بنتي . بنتي عروسه وكبيره وكل يوم والتاني تدهل شقه شاب ارمل.
مصعب : حضرتك فرح مؤدبه جدا ومحترمه . وفريده بنتي بتحبها
مسعد: بس الناس مش بتقول كده . انت متعرفش انا سمعت ايه
مصعب : سمعت ايه
مسعد : بيقولو ان في علاقه بينك وبينها وعلشان كده هي بتدخلك
مصعب : مين اللي قال كده وانا هقطع لسانه . فرح دي اشرف من اي حد . صدقني يا عمي والله انا بحترمها جدا وهي مشفتش باخلاقها
مسعد : كلام الناس يا بني
مصعب: حضرتك قولت كلام ناس هنسمع لهم ليه
. مسعد: علشان هي بنت وميصحش انها تعمل كده
مصعب : هي مش بتقعد معايا . وبعدين دايما اما بتتدخل بتكون لفريده ومش بتطول .المره دي بس فريده كانت بتعيط وهي كانت بتسكتها. فريده متعلقه بيها اوي
مسعد : انا قولت اللي عندي . بنتي مش هتدخل شقتك تاني . و هي خلاص هتتجوز ابن عمتها حسن
انصدم مصعب . خرجت فرح : لا يا بابا مش هتجوزه
مسعد: هتتجوزيه غضب عنك . ومتقفيش قدامي .
فرح بعند : مش هتجوزه
ليقف ابيها بغضب ويصفعها بالقلم علي وجهها
شهقت امها : كده يا مسعد . يعني انت مضربتهاش وهي صغيره تضربها وهي عروسه كده
مسعد: وهكسر دماغها كمان . عايزه تجبلي الفضايح
فرح كان تضع يدها علي خدها وتبكي .. مصعب يشعر بالحزن عليها
مصعب : يا عمي حرام تجوازها غصب عنها
مسعد : انا قولت كلمتي ودي بنتي وانا حر فيها
مصعب : الجواز ده لازم يكون بموافقتها
مسعد : انا اللي اقول تعمل ايه ومتعملش ايه . ادخلي جوه ومتخرجيش من اوضتك تاني .
اخذتها حنان وادخلتها الغرفه وهي تبكي
مصعب حاول ان يتحدث كثيرا مع مسعد ولكنه رافض الحديث
عاد الي الشقه ليجد فريده تجلس وهي تضع يدها علي خدها . ليجلس بجانبها
فريده: ضربها
مصعب بكذب : لا .
فريده: طيب خدها ليه وشدها كده
مصعب: علشان خرجت من غير اما تقوله .
فريده: انا السبب . اتصلت بيها وقولتلها تيجي تقعد معايا
مصعب : متتصليش بيها تاني . علشان باباها بيزعل فريده: دادي هي مش ممكن تيجي تقعد هنا معانا
مصعب: لا . طبعا . هي قاعده مع باباها ومامتها . زي انتي ما قاعده معايا
فريده: اتجوزها وتيجي تقعد معايا
مصعب : تاني يا فريده . انا مش هتجوز
فريده : وفرح
مصعب : انسيها يا فريده
دخلت غرفتها وهي تبكي . تركها مصعب فهو لا يعلم ماذا سيفعل . ستبكي الان ثم تنساها بعد ذلك
دخل بعد وقت ليجدها ما زالت تبكي ليتنفس بقوه
مصعب: فريده وحياتي عندك بطلي تعيطي كده . احنا طول عمرنا عايشين لوحدنا
فريده: بس انا بحبها يا دادي . ونفسي تيجي وتعيش معانا
مصعب : مش هينفع يا فريده . هي هتتجوز ابن عمتها
فريده: اتجوزها انت
مصعب : مش هينفع اتجوزها . ومتتكلميش تاني في الموضوع ده . علشان مزعلش
فريده : ماشي.
تمدد بجانبها وضمها الي صدره وهو يمسد علي شعرها
حتي نامت وهو نام معاها ليستيقظو في اليوم التالي
فريده : دادي . انا مش عايزه اروح
مصعب: بلاش دلع يا فريده . وقومي يلا
بكت هي ..
مصعب : انتي بقيتي كده ليه . من امتي وكل حاجه تعيطي عليها . انا كده هزعل
فريده خايفه من ساندرا ومش عايزه تروح
ولكن اضطرت ان تذهب بسبب ضغط مصعب عليها
ذهبو المدرسه وادخلها واتجه لعمله وطول اليوم مشغول بالتفكير في فرح
....
اما فرح فهي رغم ضرب. ابيها لها ولكنها لن تقبل ان تتزوج من ابن عمتها . ستجعل حياته سوداء
ولن تترك تلك الحرباء ستلقنها درس .
قررت ان تذهب اليها ولكن بعد ان يخرج ابيها من البيت .
.
ارتدت ملابسها وظلت في الغرفه حتي خرج ابيها لعمله. فهو لديه محل يبيع به قطع غيار للسيارات
بعد خروج وتاكدها ان رحل . ارتدت الحجاب وخرجت سريعا .
لتجد امها امامها : رايحه فين
فرح : هروح اشتري حاجه
حنان : لا
فرح : لا ليه . هو انا محبوسه . وبعدين مش هتاخر ومصعب مش هنا .
حنان : فرح
فرح قبلت يدها : وحياتي عندك يا ماما والله مش هتاخر
حنان :بسرعه
فرح : حاضر . مع السلامه
خرجت سريعا .. كان موعد خروج المدرسه اذا ستجد تلك الحربايه
وصلت للمدرسه كان الجميع يخرج . سالت البواب عليها .
ليقول انها لم تخرج بعد .. وقفت تنتظرها .
خرجت فريده من المدرسه لتجد مصعب امامها
وهي استدارت حتي لا يراها . حمل فريده وذهب الي السياره
وخرجت ساندرا .لتجد امامها فرح
فرح : انتي ازاي تمدي ايدك علي فريده
ساندرا: محصلش . دي كدابه
فرح : فريده مش بتكدب
ساندرا: احنا مش بنضرب اطفال
فرح : بس انتي ضربتي فريده
ساندرا: وانتي مالك انتي . امشي يا بتاعه بعيده
فرح : بتاعه انا
انقضت عليها فرح وضربتها وشدتها من شعرها ..
لتحدث مشكله وقف الجميع وحاول البعض ان يسلكو ببنهم .
مصعب رجع مره اخري لانه رآها من الاول وهي تقف .
ليجدها تتعارك مع ساندرا وتشد شعرها وتضربها علي وجهها
امسكها سريعا .. فرح بصريخ : محدش يلمسني
مصعب : سبيها يا فرح هتموت في ايدك
فرح : خليها تموت . علشان تحرم
مصعب اضطر ان يحملها بعيدا عن ساندرا التي كانت شعرها منكوش بطريقه مخيفه ووجهها عليه علامات الضرب
فرح : اوعي نزلني. اضربها
مصعب : ايه ده . اتهدي بقي . ايدي وجعتني
فرح : اصلا نزل ايدك . انت ازاي تسمح لنفسك تمسكني كده
مصعب : اسيبك تقتليها .
فرح : تستاهل
مصعب : قوليلي عملت ايه . وليه انتي جايه هنا .
فرح : ملكش دعوه
ساندرا كانت ستضربها من الخلف بعصاه ولكن لحقها مصعب وضمها ورفع يده ليتلقي الضربه علي يده هو
نظرت له فرح الي ما فعله . لتنظر مره اخري الي ساندرا
فرح : يا بنت ##
بتضربيه . والله لدفنك هنا
مصعب امسك يدها بيده الاخري : بس بقي الناس بتتفرج علينا
الحرس تدخل والمدير .
وبعد وقت كان مصعب يجلس في مكتب المدير ومعه فريده التي اخذها من السياره وفرح بجانبه وساندرا تجلس امامهم
.
المدير لفرح : انا مردتش ابلغ البوليس . بس انتي اتعديتي علي المدرسه وكلهم شاهدين انك اللي ضربتيها الاول
فرح : ايوه انا اللي ضربتها وهضربها تاني . انت مش شايف عملت ايه في ايد مصعب
امسكت يده ورفعتها امام المدير . يده بدات تزرق
فرح : عارفه لو كان حصله حاجه كنت قتلتك
المدير: معلش كده . انتي اصلا تقربي ايه لبشمهندس مصعب علشان تعملي كل ده
.
جلست بصمت وهي تنظر للارض شعرت بالغباء
فريده : دي ماما .
نظر الجميع بتفاجا اليها حتي مصعب انصدم .. وفرح اندهشت ولكنها كانت تشعر بالفرح من داخلها
المدير : طيب ممكن تقولي ليه من الاول اتهجمتي علي ميس ساندرا
فرح : ضربت فريده
مصعب: نعمم
المدير : مش ممكن احنا عندنا ممنوع الضرب
فرح وقفت ورفعت تيشرت فريده لتريه علامات الضرب
مصعب : انتي ازاي مقولتيش كل ده
فرح : متزعقلهاش . هي خافت منك امبارح
مصعب : والله لتندمي علي كل ده
. ساندرا : مش انا اللي عملت كده
. فرح : لا انتي . بنتي مش بتكدب .
المدير :/حضرتك متاكده منين انها هي
. فرح : مش عارفه بس انا واثقه في فريده .
مصعب : فريده هي ضربتك فين وليه
فريده نظرت لها بخوف
مصعب: متخفيش من حد .وجاوبي عليا
امسك وجهها لتنظر له . المدير يجلس معاهم
فريده : اتخنقت انا والبنات . وروحنا مكتبها وهي خرجتهم وقالتلي انها بتكرهني واني غلطانه وضربتني . وقالتلي لو قولتلك هتضربني تاني .
مصعب : محدش يقدر يضربك . وانتي حسابك معايا
المدير : حضرتك انت عارف ان خيال الاطفال بيكون واسع
مصعب: اظن في كاميرات هنا في المدرسه . اكيد في كاميرا في مكتبها
المدير : اه
مصعب: افتحها علي وقت البريك امبارح
فتح المدير ليجد فعلا ساندرا تضرب فريده
.
اغتاظت فرح وقفت صفعتها قلم علي وجهها
المدير : مش هينفع كده يا مدام ..
فرح : هينفع تعنف البنت بالشكل ده وتضربها واكيد بتعمل كده في الاطفال التانيه وبتخوفهم .
المدير : انا هحقق في الموضوع ده بنفسي
مصعب : انا هنقل بنتي من هنا
المدير : حضرتك انا قولتلك هحقق في الموضوع ده . وهي مرفوضه اصلا .
خرج مصعب مع فرح وفريده.
👇
🌹 🌹🌹🌹🌹🌹🌹🌹🌹🌹🌹🌹
عندنا ستجد كل ما هوا جديد حصري ورومانسى وشيق فقط ابحث من جوجل باسم المدوانة
وايضاء اشتركو على
قناتنا علي التليجرام من هنا
ليصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹