فرحتى بعزوتى💙
الفصل الاول والثاني
بقلم دنيا عادل
صحيت من النوم على صوت ماما وهى بتقولى الساعة ٨:٣٠ راحت عليا نومه وإتأخرت على الكلية قمت جرى عشان أجهز وانزل
- تعالى إفطرى الأول
= لا يا ماما يادوب ألحق المحاضر ة هفطر وأنا فى الطريق عايزة حاجة يا حبيبتى
- ترجعى بالسلامه خدى بالك من نفسك
= حاضر مع السلامه يا ست الكل
استووووب نسيت اعرفكم بنفسي
أنا فرح عندى ٢١ سنة كلية فنون جميلة وبحب كليتي اووووووووى عيونى بلون السماء وعندى غمازة واحده يتيمه😊 بس قمر كده اللهم لا غرور😌 بابا توفى من تلت سنين وعايشه أنا وماما وعندى أخ عنده ٢٥ سنه بس مسافر🙂 المهم هسيبكم دلوقتى عشان متأخره على محاضرة الدكتور الرخم وممكن يطردنى وهنتعرف على بعض اكتر مع الأحداث ....
الفون رن......
- قبل ما تتكلمى نص كلمه دقيقتين وهكون قدامك
=طب لما تجيلى... وقفلت فى وشى..
فرح بتكلم الفون كأنها بتكلم شخص قدامها: عادى متفاجأتش وأى الجديد يا أستاذة دينا إنك تقفلى فى وشى أخدت مناعه خلاص... ( دى تبقى دينا صاحبتى واختى هى إللى طلعت بيها من صحابي كلهم أنا وهى مع بعض من الحضانه ماما ومامت دينا بيحبوا بعض جدا وصحاب ليها أخ بس مسافر بردو🙂 ودينا بتحب..... ولا أقولكم خليها مفاجأه هتعرفوا مع الأحداث...) بقلمى: دنيا عادل💙
وصلت الكلية لقيتها منتظرانى
أنا: قبل ما تتكلمى عندنا محاضرة بعد المحاضرة اعملى إللى انتى عايزاه
دينا: طب اى هنفضل واقفين كده كتير والدكتور زمانه دخل
أنا: حبيبيييييي يلا يا صاحبي
دخلنا المحاضرة أنا ودينا من غير الدكتور ما ياخد باله😂وكأننا عملنا انجاز🙃
الدكتور وهو مدينا ضهره: الاتنين إللى لسه جايين ودخلوا بدون إستأذان زى ما دخلوا يخرجوا تانى
- هو شافنا ازاى ده مركب عيون فى قفاه وأنا معرفش...
دينا: أسفين يا دكتور آخر مرة وربنا
الدكتور: أنا قلت كلمه تتنفذ على براااا
أنا بينى وبين نفسي حاسه انى سمعت الصوت ده قبل كده بس مركزتش كتير اخدت دينا واحنا خارجين منا مينفعش اقعد ساكته دا انا يحصلى حاجة لو متكلمتش : برا برا تعالى يا بنتى نفطر دا على أساس أن احنا طالعين من الجنه جتك القرف فى حلاوة بدلتك🙂
الدكتور: طب تعالى يا ام لسانين انتى
دينا: منك لله روحنا فى داهيه بسببك
انا: هو بينادينى أنا😳
الدكتور: اومال انا
دينا: قابلى بقي أنا معرفكيش
كنت بحاول أكون شجاعه قدامه : احم نعم يا دكتور
الدكتور كان لسه مدينا ضهره أول ما لف
انا مصدومه كان لابس نضارة ومدارية عيونه بس ملامحه كانت قمر وكمان حاسه انى شيفاه قبل كده : يخرب عقل جمالك هو فى كده ....
الدكتور ابتسم كده واتكثف من كلمتى ماهو بصراحه عنده حق هو اى إللى أنا قلته دا
انا بعد ما تداركت الموقف: اى ده انت مين اومال فين الرخم إللى كان هنا أقصد الدكتور إللى كان هنا🙂
الدكتور برفعة حاجبه بعد ما حاول يدارى ابتسامته ويكون جد : طب وليه دكتور بقي بعد رخم
أنا: احم طيب تمام استأذن أنا بقي أنا كده شايله المادة ولسه همشي بس صوته وقفنى
الدكتور : فرح على برا وروحى افطرى براحتك ودينا هتحضر المحاضرة
أنا بصيت عليه كده إللى هو انت تعرف اسمى منين ورجعت بصيت على دينا صاحبتى إللى لقيتها واقفه متنحه
روحت لدينا هزيتها كده وبقولها: هو مين ده و سمعتى قال اى
دينا وهى لسه سرحانه: دا يبقي أحم...
قطعنا صوت الدكتور وهو بيقول: سمعتوا أنا قلت اى
بسرعه أنا ودينا عملنا إللى قال عليه او بمعنى أصح عكس إللى قال عليه هى خرجت وأنا دخلت احضر المحاضرة وأنا مش مستوعبه حاجة و....
الطلبة كلهم ضحكوا علينا والدكتور كان بيحاول ميضحكش بس عيب هو مكشوف أصلا..
شاور لحدا من الطلبة ينادى على دينا ثوانى ودينا كانت رجعت
دينا: نعم يا دكتور
الدكتور وهو بيضحك: ادخلى يلا عشان المحاضرة هتبدأ
دينا دخلت قعدت جنبى و لسه بتقولى على حاجة ولكن....
الدكتور بص لدينا وكأنه بيمنعاها تتكلم معايا فى حاجة وقال : دينا تعالى اقعدى هنا
دينا قامت من جنبى وراحت قعدت فى مكانى تاني و......
الفصل الثاني
بقلم دنيا عادل
المحاضرة خلصت والمفروض انه هناخد محاضرة تانى بعد نص ساعة مع نفس الدكتور فاخدت دينا وطيران على الكافتيريا عشان ألحق افطر😋 بس حسيت دينا فى دنيا تانية وسرحانه او بتفكر فى حاجة أيهما اقرب للصواب😅
- مين إللى اخد عقلك
=.......
- دينا ...دينا....
= ها.... وهى لسه سرحانه
- لا واضح انك مش معايا أصلا كملى نوم يا حبيبتى
=......
- لا مبدهاش بقى ... ديناااااا
= فى ايه يا زفته خضتيني هو انا فى تانى بلد منا متنيله جنبك اهوه
- أنا بقالى تلت اسابيع بكلمك وانتى ولا هنا
= اومال فين .. هناك😂😂😂
- لا وكمان ليكي نفس تهزرى
= ومهزرش ليه يعني 🙄
- طب خلاص اتنيلى كنت عايزة أقولك....
* هاى فرح هاى دينا...اخباركم اى .. جايين متأخرين ليه النهاردة دا حتى الدكتور يفتح النفس كده وسكر و...
- اى يا ماما فى اى وحاسبي حاسبي وبعدين منتأخر براحتنا
= اى يا بنات اهدوا بس احنا هنتخانق ولا اى حصل خير
* بس بصراحه الكل إتفاجأ لما لقينا الدكتور القمر دا أقصد الدكتور أحمد داخل علينا كده بهيبته دى و بيقول أنا الدكتور الجديد لإن الدكتور مصطفى تعبان وأخد اجازة.. أنا قلت وقتها يارب يفضل تعبان كده عقبال ما نخلص السنادى😂
- بردو هتقولى الدكتور القمر انتى لو متلمتيش هقصلك لسانك صحيح بنات متختشيش
* هى مين دي يا هانم اللى بتقولى عليها كده ثم إنك...
= باااااااس اى فى اى انتى وهى لو سمحتى يا سها ممكن تمشي وتسبينا
دينا وجهت كلامها ليا بعد ما الزفته سها دى مشيت وقالت: اى يا فرح انتى هتعملى عقلك بعقل البت دى ما احنا عارفينها على أى وبعدين مالك اتضايقتى كده ماهى دايما بتتكلم بالطريقة دى ولا اشمعنا الدكتور أحمد اللى كلامها عليه عصبك هو عجبك ولا اى يا برنس..
- ها.. لا أبدا عادى وبعدين انتى عارفة إللى فيها
= ماهو المشكلة انى عارفة اللى فيها بس بصراحه الدكتور أحمد طلع قمرين مش قمر واحد والبت سها مكذبتش ولا حاجة...
- بصيت لدينا إللى هو انتى هتتلمى ولا ألمك.. قولتها : اى يا آنسة انتى هتنسي ولا اى ما تهدى كده على نفسك عشان مش اعرف حبيب القلب بالكلام دا..
= عادى ما تعرفيه ولا بنخاف + ياريته يعرف ياختى عشان يحس بيا بقي ويرجع...
- بكره يرجع ويخطفك منا يا قمر انت...
= بس اى رأيك فيه بأمانه مش قمر
- هنرجع تانى لنفس النقطة....
= بس جاوبى بس بالله عليكي لا تقولى
- احم.... انتى مش حاسه ان شكله و صوته مألوفين بالنسبالك ولا انا بتهيألى
= ماهو لازم يكونوا مألوفين
- ازاى يعني...
= فرح انتى عايزة تقنعيني إنك معرفتيش مين ده...
- اه طبعا عرفت ...
= طب الحمد لله طمنتيني ... بس ليه حسيت من كلامك انك أول مرة لسه تكلميه او تتعاملى معاه
- دينا انتى شاربه حاجة ولا اى منا اوى مرة أتعامل معاه فعلا ..
= بت انتى فوقى معايا كده دا يبقي مين...
- يبقي الدكتور أحمد...
= تمام والدكتور أحمد يبقي مين...
- يبقي الدكتور أحمد اى الهبل دا انتى فاهمه بتقولى اى ماهو هو نفس السؤال ولا هو غباء وخلاص...
= الصبر من عندك يارب انا اللى غباء وخلاص اومال انتى اى... ركزى معايا خمس ثوانى عشان مدكيش قلم يفوقك..
- معاكى اهوه قولى من الأول بقي وأنا هركز جامد اوى😂..
= استغفر الله العظيم... بصى يا فرح يا روحى الدكتور أحمد ده يبقي .... ..
- بصيت اهوه😳
= فررررح متعصبينيش هتسمعى قبل ما المحاضرة تبدأ ولا امشى قبل ما يحصلى حاجة...
- لا خلاص قولى قولى..
= احمد أخويا...
- فرح وقلبها بينبض جامد عند ذكر اسمه بس عملت انها غير مهتمه وقالت بلا مبالاه: ماله
= ماله اى بقولك الدكتور أحمد يبقي أحمد اخويا...
- فرح بغباء: ايوه ماله يعني...
= هتقولي ماله تانى الصبر من عندك يارب هو انا بتكلم اجنبي يا زفته.. بقول أحمد يبقي هو نفسه الدكتور أحمد .. اى بقي اللى ماله..
- بغباء اكتر.. منا فاهمه هى صعبه يعني .. دى تتحل فى ثوانى...
= هى اى إللى تتحل يالى ينحل لسانك...
- الفزوره...
= فزورة😳.. فزورة اى انا قلت فوازير انتى عايزه تجننينى
- طب اهدى بس براحه كده ومن الأول...
= من الأول اى ... لا انا يادوب ألحق المحاضرة بشوية تركيز دا لو كان لسه موجود أصلا بعد إللى انتى عمليته فيا ده .... وسابتنى و مشيت..
- دينا ... دينااا طب انتظرى أنا جاية معاكى اهوه... واخدت شنطتى وجريت وراها ... بس ملحقتهاش..
دخلت المحاضرة لقيتها واقفه مع الدكتور بيتكلموا وبيضحكوا... رحت ليها و..
- بت هو انا مش بنادى عليكي
الدكتور: وانتى عايزة منها اى..
- أولاً كده انا بكلمها هى...
الدكتور بإحراج: احم... وثانيا..
- ثانيا اى هو انا قلت ثانيا...
الدكتور: لا بس قولتى أولا....
- يبقي بتقولنى حاجة مقلتهاش ليه...
= لا انت مش هتخلص معاها دى غبيه .... وسابتنا ومشيت ...
- اى دا هو انا كل شوية هجرى وراكى يا زفته... وبعدين انا لسه واقفه بعمل اى بعد الكسفه اللى اتحطيت فيها دى ... ولسه همشي لقيت صوت بيقول: وحشتينى يا فرحتى ..
لفيت تانى وأنا ومتنحه وقلت: هو حضرتك قلت حاجة يادكتور
الدكتور بينه وبين نفسه معقول يا فرح نستينى..
- أنا بينى وبين نفسي مبيردش ليه ده وماله مركز معايا كده + بس أنا متأكده انى سمعت حاجة.... دخلت قعدت جنب ديناو..
- دينا هو انتى كنت واقفه مع الدكتور ليه....
دينا بصتلى بقرف كده وقالت: أنا مش هشرح تانى هو يبقي يفهمك..
- هو.. هو مين...
الدكتور: الصوووووت...
سكت واخدت المحاضرة وكنت بحاول اركز جامد اوى😊 بس الدكتور كان مركز معايا جامد اوى اوى اجمد من تركيزى أنا 🙂 وكل شوية يبصلى كده بنظره مفهمتهاش ...
عقبال ما المحاضرة خلصت كنت أنا نمت والكل خرج ومبقاش غيرى انا ودينا والدكتور... ودينا بتحاول تفوقنى وأنا ولا هنا...
الدكتور: اوعى كده يا دينا
دينا: هتعمل اى ..
الدكتور: هخلص جزء صغير من اللى كانت بتعمله فيا زمان و........
الدكتور:.......
- عاااااااااااااا وقعدت تعيط من اللى حصل و......