البارت الرابع عشر والأخير.....
#فرحتى_بعزوتى_💙
العملية انتهت...
وكان آدم وأحمد رجعوا... . والدكتور طمنهم انى بخير بس لازم ادخل العناية.....
آدم: ينفع نطمن عليها...
الدكتور: بعتذر جدا حالتها لسه مش مستقرة... ادعولها....
ماما: الحمد لله يارب تقوم بخير
ادم: إن شاء الله يا ماما بس انتو لازم تروحوا الجو أتأخر... تعالوا هوصلكم وارجع.....
ماما: أنا مش همشي غير وفرح معايا
دينا: وأنا كمان... احنا جايين سوا هنروح كلنا سوا...
ام دينا: خلاص يا آدم سيبهم هما كده مطمنين وهما جنبها.....
______________
عدى تانى يوم وأنا لسه فى العناية...
وبدأت شمس يوم جديد مع فرحه جديدة...
واخيرا بدأت افتح عيونى من تاني ببركة دعاء اهلى وكل اللى بيحبونى.... أخيرا ربنا استجاب.....
كان يوم مميز كله بهجه... وفرح عشان فرح....
الدكتور طمنهم انه خلاص بقيت كويسه.... اه كويسه.... ياااااه الحمد لله يارب على كرمك
______________
بعد مرور شهر....
على الفون
- الو ... اى يا دودو خلصتى...
= اه خلاص اهوه...
- طب يلا بسرعه عشان آدم هييجى ياخدك عشان اتأخرنا اوى .... ويادوب نلحق نخلص قبل السهره...
= أنا مش عارفه ليه مصممين نجهز عندك فى البيت ما كان هنا كويس.... + أحمد كمان من الصبح مشفتوش وكل حاجة ملخبطه
- اهدى بس احمد قالى انه راح يجيب بدلته هو وآدم وهيبعت لينا الميكب ارتيست بالفساتين على البيت...
= طب وآدم فين...
- أنتى هبله يا دينا منا بقولك خلصى بسرعه عشان هو جاى ياخدك عشان نجهز أنا وانتى سوا...
جرس الباب بيرن
= طب سلام سلام عشان شكل أخوكى وصل وأنا لسه مكملتش لبس..
- اه يا وجه المعزه... اومال اى خلاص خلصت اللى من اول المكالمة دى...
= يلا يابت سلام مش وقته...وقفلت
- عادى متعوده... مانتى لو مقفلتيش الفون فى وشى اشك إنك دينا...
.. اتصلت ب أحمد....
- فينك يا قرة عينى...
احمد: أى يا فرحتى... يا نور عين قرة عينك...
انا بضحك: بقولك اى أنا عايزة كريب ....
احمد: ايوه منا بقول الكلام الحلو ده ميطلعش كده من فراغ... مفيش كريب... لاحظى شوية إن فرحنا النهاردة
- اه منا ملاحظه... بس مش معنى كده انى ماكلش...
احمد: صبرنى يارب فرح يا حبيبتى اعملى كده بعد الفرح وهجبلك اللى انتى عايزاه
- اه ماهو انت أصلا مبقتش بتحبنى....😥😥😥
احمد: نهار ابيض... وده اى علاقته بالحب
- أنجز هتجبلى كريب ولا لا...
احمد: حاضر هطلب اوردر وابعته لعندك... هتحتاجى حاجة تانى...
- اه وهات
موز...
احمد: موز اى دلوقتى .. هو انا هتجوز قرده...
- أن كان عاجبك... وعدى يومك كده عشان منكدش عليك...
احمد: حاضر ماشي يا فرح اللى انتى عايزاه يا روحى... المهم انك تكونى مبسوطه... عايزة حاجة بقي..
- بقولك...
احمد: اى تانى....
- اعمل حساب دينا...
احمد: حاضر....
- خلى عندك زوق كده و اتوصى بينا جامد ...
احمد: سلام يا فرح أنا قربت اتشل...
- بعد الشر عليك من الشلل يا قرة عينى....
احمد: أنا بقول نلغى الفرح واجى اخدك ونهرب ...
- منا بقول كده بردو بس لا بردو انت بتدور على أى حجة عشان متجبش الكريب اخلص كده بسرعه وابعتهم...
احمد: حسبي الله...
- بتقول حاجة ...
احمد: لا يا فرحة قلبي... بقول نص ساعه بالكتير والأكل هيكون عندك...
- طيب يلا بقي سلام... وقفلت...
______________________
نص ساعه والأكل وصل ودينا كمان وصلت... اكلنا وبدأنا نجهز و.......
______________
فى القاعة
وصلنا وكنت ماسكه فى ايد احمد ... ودينا فى ايد آدم...
أجواء الفرح كانت اكتر من جميله... وكنت طايرة من الفرحه..... الحمد لله يارب .....
مسكت المايك......وبدأت اتكلم
- حابه اشكر كل الموجودين أنهم ييشاركونا فرحتنا....
وكمان بشكر مامتى اللى كانت دايما معايا بدعواتها ليا ووقتها جنبي أنا وآدم اخويا... اللى عوضتنا عن بابا... وعمرها ما حسستنا انه بعيد .... مثال للصبر والتحمل....
وكمان آدم اخويا... اللى فرحتى بيه متتوصفش... واخيراً شفت سندى وصديقة عمرى او ب معنى اصح اختى بيتجوزو ... والفرحه ماليه عيونهم...
..... نظره بعيونى بسرعه على أحمد....
اما شريك حياتى .... دعوات الليالى... اخيراً بقيت على اسمه... يمكن كلمه شكرا ... قليلة جدا... لانه اتحمل معايا فترات صعبه كتير..... مسبنيش فى مرضى... مع انه كان ممكن يخسرنى.... بس اجتزنا كل الصعب سوا وبوجود اهلى جنبي....
حقيقي اكبر نعمه ربنا رزقنى بيها هى العزوه ......اللى شايفين دايما انى فرحتهم... أهل ميتعوضوش... صديقة طفولة متتوصفش.... وشريك حياة بيحبنى... شايف انى أعظم انتصار ليه....
...... شوية سكوت.........
حابه اهديكم حاجة بسيطه...
- ابدأ.......
انوار القاعة انطفت... شاشه كبيرة بدأت تعرض صور لينا....
صور لماما وبابا.... وصور ليهم بردو بس وهما مع أهل احمد عشان صحاب من زمان....
وصور لينا أنا وأحمد وآدم ودينا واحنا صغيرين ... بمراحل عمرنا... ذكريات كتير بتمر....صور ليوم كتب الكتاب.... وكمان صور واحنا فى الكافية و احمد بيطلب ايدى. ... وآدم ودينا كمان والموقف اللى عمله يومها...
وفيديوهات كمان.....
...... العرض خلص والقاعدة نورت تانى.....
.. والكل كان فرحان.... بس فرحتهم أكيد مش هتبقي أكبر من فرحتى.....
........💙يا فرحة عمرى اللى اكتملت بوجودك💙........
تمت