حب لا يموت💙
بقلم منى احمد راضى
الفصل السادس
غضب سالم من برود سالي وتركها وخرج من المكتب والشركه
ركب سيارته وحاول الذهاب للبحث عن طارق أثناء سيره لاحظ وجود سياره تتبعه وأثناء دخوله طريق هادئ حاولت السياره الأخرى تضيق المكان عليه حتى فقد هو السيطره علي السياره وانقلبت به
بنفس اللحظه كانت غاليه بالمطبخ وفجأه وقع منها كوب المياه واحست بقلبها يرتجف
اسرعت إليها امل وقالت بخوف : انتي كويسه ف ايه
غاليه : مش عارفه يا امل قلبي وجعني اووي وخايفه
امل : طيب تعالي اقعدي طيب وان شاء الله مفيش حاجه هتحصل
نظرت إليها غاليه وتمنت من الله ان يكون مجرد وهم وان كل شئ بخير
بالقصر كان كان يجلس رضوان مع حفيدته يارا : ياجدو بابي واحشني اووي ونفسي اشوفه
حزن كثيرا لحفيدته لكنه وعد سالي انه لن يجبرها على شئ فقال : مش قلنا انه مسافر في شغل وهيرجع قريب
يارا بتافف : يووووو كل شويه تقوله راجع ومش بيرجع
جاءت سالي وسمعت مادار بينهم فقالت : عمو انا قررت انا هعمل ايه
نظر لها رضوان بقلق : خير يابنتي نويتي على ايه
سالي : انا هكمل معاه عشان يارا حضرتك تقدر تكلمه في اي وقت
ابتسم لها رضوان وقال : عين العقل يابنتي ووعد مني مش هسمحله يزعلك تاني
سالي وتعرف انه لن يخزلها : انا عارفه ياعمي والله
امسك هاتفه وذهب للمكتب حتى لا تسمع يارا واتصل لإبراهيم : تسيب اي حاجه وتيجي حالا وتجيب هدايا ليارا هي فاهمه انك مسافر مفهوم وتصالح مراتك يا ابراهيم سالي متستاهلش منك ده
ابراهيم ولم يصدق : والشغل والشركه
رضوان بغضب : هترجع طبعا وإياك تخليني اندم انك رجعت فاهم يلا تعاله بسرعه بنتك مستنياك
أغلق إبراهيم مع والده وقام بالاتصال بإحدى الأشخاص : بقولك ألغى كل حاجه
الشخص الآخر : ألغي ايه العمليه تمت وصحبك تلاقيه مات خلاص
ابراهيم بخوف : مات ازااي انت متأكد
الشخص الآخر : العربيه انقلبت بيه قلبه مستحيل يقوم منها
أغلق إبراهيم واحس بخوف وقلق على سالم ندم كثيرا لما خطط له ولعن نفسه الف مره وتسرعه في الانتقام من سالم وقرر الذهاب للقصر
بالقصر جاء اتصال لرضوان يخبره أن سالم بالمشفي بسبب حادث
لم يصدق ماسمعه وقال بغضب : أنت مجنون سالم ابني في الشركه حادثه ايه اللي عملها ومستشفى ايه
جاء الجميع على صوت صراخه بالهاتف وقالت شقيقته تهاني : في ايه بتزعق ليه
أغلق الهاتف وارتمي على الكرسي وقال : سالم عمل حادثه وفي المستشفى
صرخ الجميع عندما سمعو الخبر وذهبو جميعا للمشفي
اتصلت إكرام بابراهيم : لتخبره ما حدث وليذهب للمشفي
كان الجميع بالمشفي ينتظر خروج سالم من العمليات الجميع قلق على سالم وروان تبكي بشده وتقول : انا عارفه انه زعلان مني هو يخف والله وهعمل اللي هو عايزه
كانت تهاني تحاول الوصول لنرمين لتخبرها ما حدث لزوجها لتعود لكنها لم تستطيع الوصول إليها
اتصلت غاليه باكرام لتطمئن عليها
إكرام ببكاء : ايوه ياغاليه يابنتي
غاليه بخوف : مالك ياخالتو انتي كويسه
إكرام : سالم عمل حادثه وفي العمليات دلوقتي
سقط الهاتف منها ووضعت غاليه يدها على قلبها محاوله منها لتهدئه دقات قلبها
أمسكت امل الهاتف وتحدثت مع إكرام لتفهم ماذا حدث
صدمت امل عندما علمت بحادث سالم وامسكت يد غاليه وقالت : يلا يا غاليه عشان تطمني عليه قومي يلا
نظرت لها غاليه بين دموعها : مش هقدر يا امل صدقيني مش هقدر اشوفه وهو تعبان كده
ربتت امل علي كتفها وقالت : براحتك ياحبيبتي واي وقت عايزه تروحي فيه بلغيني
تركتها غاليه وذهبت لغرفتهم وظلت تبكي وتدعو الله أن لا يحدث له شئ
بفرنسا كانت نرمين لا تعلم شئ عن سالم كانت تستعد للذهاب لعيسي للعشاء معه لكنها فوجئت بصديقتها تطرق باب الغرفه
نرمين : ايه رايك حلو الفستان
نظرت لها صديقتها بصدمه : الفستان عريان اووي يانرمين وبعدين انتي لازم تسافري يانرمين انتي متعرفيش أن سالم عمل حادثه وفي المستشفى وحالته خطيره جدا لسه بابا معرفني
نرمين بعدم اهتمام : يووو انتي مصممه تنكدي عليا اوعي انا خارجه وتركتها وخرجت
تضايقت صديقتها منها وقررت العوده لمصر وتركها هنا وحدها
وصلت نرمين لمنزل عيسى وعندما فتح الباب نظر لها بإعجاب شديد وقال : بقى القمر ده هيسهر معايا النهارده
ضحكت نرمين وقالت : بطل كلامك ده ياعيسي وبعدين انا هفضل على الباب كده كتير
عيسى : لا طبعا اتفضلي ادخلي وأوسع لها الطريق لتدخل
ظلت تنظر للبيت وقالت : بيتك شكله حلو اوووي زوقك حلو وكمان ريحه الاكل تجنن
عيسى بثقه : طبعا زوقي حلو عشان عرفتك اتشديت ليكي
لم ترد عليه نرمين واكتفت بابتسامه جانبيه وظلت تتحرك بالبيت لتراه
لم تستطيع غاليه التماسك وذهبت للمشفي للاطمئنان على سالم
عندما وصلت وجدت الجميع في انتظار خروجه من غرفه العمليات ذهبت لخالتها وقالت : هو عامل ايه دلوقتي ياخالتو
إكرام ببكاء : لسه يابنتي مفيش خبر عنه خالص إبراهيم بس اتبرعله بالدم ادعيلي يخرج بالسلامه
كانت غاليه تحاول السيطره على دموعها ولكنها كانت منزعجه من تهاني بسبب نظراتها لها
بنفس الوقت كانت تحاول تهاني الوصول لنرمين وتلعنها لوجود غاليه فهي تعلم جيدا العلاقه بينها وبين سالم
خرج الطبيب من غرفه العمليات فالتف الجميع حوله وقال : الحمد لله قدرنا نوقف النزيف هننقله العنايه المركزه ونشوف بعد كده
رضوان بخوف على ابنه : طيب هيفوق امتى يادكتور وحالته هتكون ايه
الطبيب : مش هنسبق الأحداث يفوق الأول ونتكلم
بالقصر كانت يارا تجلس مع ساره وتبكي وساره تحاول تهدئتها
ساره : ياحبيبتي صدقيني اونكل سالم هيبقى كويس مش مامي لسه مطمناكي عليه
يارا : لا انته بتضحكو عليا واونكل سالم مات مش كده
ساره : لا ياحبيبتي والله اونكل سالم كويس والله ولما بابي يرجع هيوديكي عنده
كانت ساره خائفه على سالم كثيرا وحاولت الوصول لنرمين لتخبرها لكنها وجدت هاتفها مغلق فتضايقت من شقيقتها لأنها تعلم أن سالم لا يستحق هذا الإهمال
ذهبت غاليه وراء الطبيب وقالت : ممكن حضرتك تعرفني حالته ايه بالضبط انا دكتوره
الطبيب : الحادثه اللي عملها كانت صعبه جدا هيحتاج لما يقوم يعمل علاج طبيعي عشان يقدر يمشي بما انك قريبته فأكيد وجودك هيساعده طبعاانه يقوم بالسلامه
خرجت غاليه من الغرفه ووجدت إبراهيم فقال : الدكتور قالك ايه
غاليه : قال إن الحادثه كانت صعبه اوي والعمليه كمان ولازم لما يفوق نبدأ علاج طبيعي عشان ميكونش فيه مضاعفات
ابراهيم : غاليه انتي اكيد هتفضلي معانا عشان تطمني عليه مش كده
غاليه بحزن : كان نفسي اقدر اعمل كده بس للأسف يا ابراهيم مش هينفع وجودي جمبه مبقاش ينفع انا هطلب من الدكتور يشوف حد يقيم معاه في القصر ويساعده كمان عشان العلاج الطبيعي
تفهم إبراهيم موقفها ولم يصر على طلبه
عندما عادو للجميع قال رضوان : يلا كله يروح خدهم يا ابراهيم مفيش لزوم وجودنا كلنا هنا
ابراهيم : لا ياباشا روح انت معاهم انا هفضل مع سالم
رضوان : لا انت ناسي أن يارا مستنياك يلا روح بنتك عيزاك
ابراهيم : تمام ياباشا هروح اطمن عليها ولو احتاجت اي حاجه كلمني
ربت على كتف ابنه وابتسم لأنه احس بخوف إبراهيم على سالم
بالفعل ذهب الجميع ولكن ظلت غاليه معه لأنها لم تستطيع ترك سالم
بفرنسا بمنزل عيسى انهو الطعام وقالت نرمين : اول مره اشوف اكل بالطعامه دي تسلم ايدك
عيسى : انا تحت امرك في اي
بدأمفعول المشروب يظهر على نرمين ففوجئ عيسى به تطلب منه الرقص فضحك وقال : ترقصي ايه طيب
نرمين وقد تحركت من مكانها وبدأت الرقص بالفعل
امسكها عيسى حتى لا تقع من تأثير المشروب فوضعت يدها حول رقبته وقالت : انت عارف انا بقالي كتير مفرحتش كده انا عايزه أفضل جمبك ياعيسي
عيسى : انا كمان مش عايزك ترجعي خالص عابرة جمبي هنا
امسك وجهها بكفيه واقترب ليطبع قبله حانيه ...