CMP: AIE: رواية كيف اغفر الفصل التاسع والعشرون والثلاثون بقلم يارا رشدي
أخر الاخبار

رواية كيف اغفر الفصل التاسع والعشرون والثلاثون بقلم يارا رشدي


 رواية كيف اغفر

الفصل التاسع والعشرون 

والثلاثون

بقلم يارا رشدي




~ والي جاي تنده عليه انت الي كنت بتبعده .. ~


_ طيب يا ابني خليها بكره حتي علشان اهلك يكونوا معاك 

قالها شريف ليقول حسام وهو ينظر الي سليم :

ماشي بس سليم لو ضايق نيره مره تانيه انا مش هسكت 


_ الي عندك اعمله 

قالها سليم بجديه ثم نظر الي والده وقال :

انا مش عارف انت ازاي مصدق واحد زي ده بقولك دخلت لقيتهم مع بعص في منظر زباله 


_ محصلش يا عمو بيكدب عليك معملتش حاجه غلط تاني والله العظيم والله

قالتها وهي تكتم دموعها ليقول حسام بعصبيه :

انتي جبانه وخايفه كده ليه ؟!! سليم ملهوش حاجه عندك ااه يا باشا دخلت لقيتنا في منظر زباله وكل حاجه وانا بقي هصلح غلطتي وهكتب عليها عندك مشكله ؟


_ انت كده بثبت التهمه عليا 

قالتها باكيه ليقول شريف :

انا مصدقك يا نيره وانت يا حسام بلغ اهلك ان كتب كتاب بكره


ثم نظر الي سليم وهتف بتوعد :

حسابك معايا بعدين 


_ سيبها تدور علي حل شعرها لحد ما تجيلك بعيل 

قالها سليم بزعيق ثم رحل ليقول حسام الي شريف :

انا عامل احترام لحضرتك بس 


_ عارف يا حسام معلش مراته طالبه الطلاق واعصابه تعبانه 


_______________________


_ عايز ايه من نيره يا سليم ؟!

قالها فادي بتساؤل وهو يجلس بجانب اخيه الذي يخفي وجه بين يديه ...


_ مش عايز حاجه 

قالها وهو مازال علي وضع جلسته تلك ليقول فادي :

اوعي تكون اكتشفت فجاه انك بتحبها دي تبقي مصيبه يا سليم


اعتدل في جلسته وهو يقول :

احبها ايه ؟ انت اتهبلت !! ماهي كانت راميه نفسها عليا وانا شوطها دي كانت مراتي وطلقتها علشان اخلص منها 


_ المشكله يا سليم انها كانت قدامك فاكر زمان لما قولت اني هخطب نيره شكلك كان عامل ازاي واعترضت بحجه انها لسه صغيره وحازم بردو كنت معترض، ويوم كتب الكتاب قولت انك هتجوزها وانت خاطب كان ممكن تقولي انا وكده كده انا اصلا كنت طالب اخطبها قبل ما نعرف حكايه حازم بس انت في لحظتها مفكرتش في اشرقت وانك خاطب وكتبت عليها ولما طلقتها وعرفت ان مازن اخو صحبتها بردو اعترضت وحجتك كانت انها ماشيه معاه مع ان فرضآ انها كانت ماشيه معاه الراجل جاي يتقدملها وعايزها ولما نيره خدت جنب من الدنيا كلها وكانت دايما في اوضتها انت كنت مرتاح جداا لانها قدامك حتي مكنتش بتفكر تحاول تتكلم معاها نص كلمه واول ما عرفت ان مازن عايزاها روحتلها علشان تعرف اذا كانت هتوافق ولا لا ... وحسام بردو لما اتقدملها حاولت تبوظ الجوازه بـ اي شكل 

واهو مش قادر تسيطر علي نفسك وهي مع حسام 

عارف لو موضوعها مع حسام مكملش هترجع زي ما كنت عادي جداا ولو نيره عدت قدامك مش هتفكر تقولها ازيك حتي 

انت عايز نيره قدامك زي ماهي من صغرها قدامك عايزها متعلقه بيك وبتحبك ومش شايفه قدامها غير سليم وانت مش شايفها اصلا 


نهض من مكانه وهو يقول بانفعال :

انتو كلكم بيت مجانين انا رايح احاول ارجع مراتي وبنتي 


_ لازم بكره تيجي تحضر كتب كتاب بنت عمك 

قالها فادي ليقول سليم وهو يرحل :

يااخي يلعن ابو بردوك 


حرك فادي راسه باسف قائلا :

قلبك مع اشرقت وعقلك مع نيره 


______________________


تجلس نيره مع حسام في الجنينه الذي يتحدث معها بعصبيه :

انتي مشوفتيش نفسك كنتي عامله ازاي قدامه 


_ يعني اسيبه يبهدل سمعتي اكتر ما هي متبهدله لازم ادافع عن نفسي وكل الي حصل ده اصلا بسببك 

قالت جملتها بانفعال ليقول حسام :

ماهو علشان الي حصل بسببي انا هكتب كتب الكتاب وخلي الحيوان ابن عمك يتكلم نص كلمه بعد كده 


هزت راسها وهي تنظر امامها لتجد سليم يخرج من البوابه وعلي وجهه علامات الضيق 


________________________


اعتذر سليم الي مريم اكثر من مره بسبب تصرف اخيه معها وحاول مع اشرقت ان ترجع عما في عقلها وتعود له ..

اما هي وضعت شرط اساسي حتي تعود معه وهو ان لا ياتي فادي الي بيتها في يوم من الايام ..

ووافق سليم لا يهم اي شئ سؤي ان تعود اشرقت ...


______________________


_ انت ليه كل حاجه بتعملها بسرعه ؟! الخطوبه تمت بسرعه وكتب الكتاب فجاه كده عايز تعمله بسرعه في ايه يا حسام ؟!!

قالها والد حسام ليقول هو :

مش بسرعه ولا حاجه انا لو عليا كنت عايز كتب كتاب وجواز علي طول بس نيره كانت رافضه والنهارده لما قعدنا سوا اقنعتها بس دي كل الحكايه 


_ مش مرتاحه يا حسام لـ استعجال ده

قالتها والدته ليجيبها هو :

يا ماما انتي مش عايزني مبسوط ؟ ا


______________________


وها هو الماذون انتهي من عقد القران قام حسام بضم نيره الي احضانه هاتفآ بهمس :

شوفتي الموضوع طلع بسيط ازاي


وقعت نيره عينيها علي سليم الذي ينظر لهما بضيق واضح، اشاحت بوجهها بعيدآ عنه وتشبتت بحسام ..


اما عند سليم هتفت اشرقت وهي تنظر الي سليم ;

ايه مش عاجبك انه حاضنها وخايف تجيب فضحيه تاتي ؟ متخافش دي مراته دلوقتي 

قالت جملتها الاخيره بلهجه ساخره ليقول سليم :

انا مليش دعوه بيها وقت ما تحصل المصيبه يبقي يتحملوها هما لكن انا براه 

ونرشح لكم 


رواية انت السم والترياق اضغط هنا للقراة




_ مش هيحصل حاجه هو اصلا شكله كويس وبيحبها 


وتلك الكلمات لم تعجب سليم ...


__________________


انتهت حفله عقد القران وجلس العروسين بمفردهما ..


_ كده اسبوعين ونبقي سوا في بيت واحد المشكله الي عملها سليم جات في صالحي علي الاخر يعني 


_ هو سليم كان شكله زعلان صح ولا انا بيتهيالي ؟!

قالتها سؤالها ذلك دون ان تشعر ليقول حسام :

مركزتش والله لو انتي شوفتيه زعلان يبقي زعلان انتي اكيد كنتي مركزه كويس


حركت راسها بالنفي وهي تقول :

لا مكنتش مركزه بس هو كان مركز معايا وشغال نظرات 


_ لسه بتحبيه ؟!


اتسعت عينيها باندهاش من سؤاله ذلك وهتفت :

لا طبعا اكيد لا احبه ازاي سليم خرج براه حياتي من زمان اصلا ايه الي بتقوله ده يا حسام ؟


_ والله شوفي نفسك بتقولي ايه يا نيره قاعده معايا وبتفكري سليم كان زعلان ولا لا ومركزه معاه ومع نظراته ده اسمه ايه 

قال جملته بعتاب ولؤم لتقول نيره :

ابدا يا حسام مش كده انا بس خايفه يعملنا مشاكل تانيه 


نظر لها بعدم تصديق فكلماتها تلك لا تصدق اساسا لتكمل هي :

انا كرهت سليم من اول ما عرفت الحقيقه من فادي كان عارف كل حاجه ومفرقش معاه غير اخوه 


_ وايه مشكله ما انتي كنتي كارهه فادي اساس الي حصل ودلوقتي ما شالله علي علاقتكم سوا 


_ لا علاقتي بفادي مختلفه بتعامل معاه وكل حاجه بس من جوايا مش مسامحه وسليم بردو نفس الوضع بس الفرق اني بكره سليم انت مش عارف هو عمل فيا ايه ضربني قبل كده بالقلم ولما كنا متجوزين حبسني في الشقه ده غير كلامه الي كل دقيقه يقولو ليا 


تنهد حسام وهو يقول :

ماشي يا نيره 


ضغطت علي شفتيها بضيق فسؤالها ذلك لم يكن في صالحها اطلاقآ ابتسمت نيره وهي تقول :

علي فكره انا معنديش حد ينزل ويلف معايا علي فستان الفرح يعني اعمل حسابك هتنزل معايا


_ ربنا يسهل


تحولت ملامحه الي الضيق منذ ان اخبرته بسؤالها عن سليم لعنت نفسها عاي ذلك السؤال الاحمق ما شانها هي بسليم !!


_ يلا انا هقوم امشي عايزه حاجه ؟!

قالها وهو ينهض من مكانه وضعت يديها علي معصم يديه هاتفه :

انا اسفه مكنش قصدي حاجه مجرد سؤال طلع مني كده وخلاص


_ تمام انا مقولتش حاجه 


تجمعت الدموع في عينيها وهي تري جمود حسام معها واسلوبه ذلك ثم هتفت ببكاء :

قولتلك اسفه مكنش قصدي اقولك ايه تاني انا معرفش السؤال طلع مني ازاي اصلا بس مش قصدي حاجه من الي فهمتها ازاي هكون لسه بحبه ولا هو في بالي وانا بحبك ؟ ازاي هكون بحبك وبحبه في نفس الوقت 


جلس بجانبها مره اخري ثم قام بمحو دموعها وهو يقول :

انسي يا نيره خلاص ولا كانه حصل حاجه 


اجابته هي باكيه :

انت شايف نفسك بتكلم معايا ازاي ؟ 


_ حقك عليا بس السؤال ضايقني يعني انا بقولك قدامنا اسبوعين ونبقي في بيتنا وانتي تقوليلي هو سليم كان شكله زعلان ولا لا ده بردو كلام يا نيره 


حركت راسها بنفي قائله :

سؤال طلع غصب عني مكنش قصدي حاجه 


_ طيب ممكن تبطلي عياط خلاص انا مفيش حاجه ونسيت اصلا قولتلي ايه 

قالها وهو يبتسم ويمحو دموعها بانامله تمسكت هي بيديه وهتفت :

حسام انا دلوقتي مليش غيرك انت بنسبالي كل حاجه اتحرمت منها مش هستحمل اخسرك ولا اي وجع منك هروح فيها 


_ يالهووي ليه كل النكد ده بس منك لله يا سليم حتي وانت مش موجود منكد علينا 


اعتدلت في جلستها وهتفت :

اعارفه نفسي متعبه وكل شويه بقولك عايز تنقتم مني في ريم وكلام كتير بيضايق واهو دلوقتي بردو قولتلك كلام يضايق وسالتك علي سليم بس انا مش بكون قاصده استحملني شويه بس وانا اوعدك اني هتغير 


ضمعها الي احضانه ورتب عليها ثم طبع قبله علي فرره راسها هاتفآ :

انا عايزك كده يا نيره وقابلك بعيوبك كلها ومش عايزك تغيري منها حاجه 


___________________________


يجلس امام التلفاز وعقله شارد في عالم اخر ..

يتذكر كل لحظاته مع نيره منذ صغرها الي يوم معرفتها للحقيقه ..

كل شئ مر امامه كلماتها وهي تخبره انها تحبه وتريد ان يتزوجها .. 

انزعاجه من كلماتها تلك وصدها، 

انتبه من شروده علي صوت بكاء تالا التي تحملها اشرقت نظر الي اشرقت منذ ان راها في الجامعه وقع في حبها لم تهمه كلمات نيره ومشاعرها له ..

كان يريد التخلص من زيحتها تلك بـ اي شكل وكلماتها عن حبها له .. 

برغم انه يعلم جيدآ انه هو السبب في تلك المشاعر ..

دومآ من صغرها يخبرها انه سيتزوجها في يوم .. 

ولكن عندما تعرف علي اشرقت اصبح يريد التخلص من نيره  ..


هتف بداخله :

ايه حكايتك يا سليم لما انت بتحب اشرقت ومكنتش مستحمل بعدها عنك عايز ايه من نيره ؟! مش قادر تشوفها مبسوطه مع حسام ليه !!!"


 تنهد وهو يعود براسه للخلف ويغمض عينيه :

ليه عايزها متعلقه بيك وانت اصلا مش شايفها وقلبك مشغول باشرقت عايز ايه يا سليم !!!!


_____________________


رحل حسام وتركها بعدما اخبرها انه قام بمحو من عقله سؤال نيره ..


القت بجسدها علي الفراش انتبهت علي صوت هاتفها لتجد رقم غير مسجل ودولي

قامت بالرد ليصل اليها صوت ما :

اخيرا ده انا وصلت لرقمك الجديد بمعجزه بجد


وذلك الصوت ليس غريب .. الرقم دولي انه هو !!!!!


_ مبروك علي خطوبه وكتب كتابك 


خرج صوتها وهي تقول بصعوبه :

عايز ايه يا حازم ؟


_ بعد الي عملته فيكي مظنش هبقي عايز حاجه يعني   

قالها بهدوء لتقول نيره :

وصلت لرقمي ازاي ؟!


_ ولاد الحلال كتير يا جميل علي عموم انا حبيت اباركلك وبس سلام

قالها وانهي المكالمه علي الفور ثم تحرك بالمقعد المتحرك الخاص به ووضع الهاتف علي الطاوله ..

فهو منذ عامين اصيب بشلل اثر حادثه بسيارته ..


هتف وهو ينظر الي صوره شقيقته :

شوفتي عمايلك وصلتنا لفين انتي انتحرتي وانا اذيت واحده ملهاش ذنب في حاجه خدتي ايه بقي من الحب ؟ خسرتي حياتك وانا خسرت رجلي ...


اما عند نيره قامت بمراسله حسام علي تطبيق الواتساب وقالت :

حازم كلمني باركلي علي خطوبه وكتب الكتاب وقفل كده ممكن ياذيني تاني صح ؟


عدده ثواني ووصل لها رده وهو يقول :

خليه يقربلك وانا ادفنه مكانه ابعتيلي الرقم الي رن عليكي كده



|•30•|


~ خوف ~


قامت بالاتصال به وهتفت :

_ لو كلمته ممكن يزيد فيها وانا مش عايزه مشاكل تاني 

قالتها نيره ليقول حسام :

متخافيش يا نيره انا هتصرف معاه ابعتيلي الرقم 


رفضت نيره ارسال الرقم حاول كثيرآ معها ولكنها تصر علي موقفها ذلك ..


___________________


وفي اليوم التالي ..


بابا نيره وحسام كتبوا كتب الكتاب بص علي فيس 


قال جملته تلك وهو يناوله الهاتف ليقرا البوست الذي قام حسام بنشره علي صفحته الخاصه ..

انه تم عقد قرانه علي نيره ..


_ ازاي شريف يعمل كده من غير ما يعزمني ؟!


_ عزمنا في الخطوبه الي ملهاش لازمه جه علي كتب الكتاب الي لازم حضرتك تكون فيه وميعزمكش !!

قالتها ريم ليقول امجد :

انا بصدفه لقيت البوست بتاع حسام ظاهر قدامي وعرفت انهم كتبوا كتب الكتاب


_________________________


قرا الخبر اكثر من مره علي صفحه التواصل الاجتماعي ولا يصدق المكتوب ...

اصدقائه خالد ويوسف قتل احداهما الاخر ..

اكتشف يوسف خيانه زوجته مع رفيقه خالد ..

حدث شجار بينهما ادي الي قتل يوسف علي يد خالد ... والان هو ملقي بالسجن ...


حرك فادي راسه باسف قائلا :

ادي اخرت مشينا البطال يا تري انت بقي يا فادي هيحصلك ايه ؟ 


___________________


وضعت فستان الزفاف الذي قامت باختياره في المقعد الخلفي للسياره وهتفت : 

سوق براحه بقي علشان الفستان ميحصلهوش حاجه 


ابتسم سليم وهو يقول :

حاضر 


_ مش متخيله اني هلبس فستان فرح وابقي عروسه دي كانت بنسبالي حاجه مستحيله امته يجي يوم الفرح والبس الفستان 


_ باقي 13 يوم بالظبط


_ هو انت مش هتندم بعدين ؟ يعني مفروض كنت تتجوز واحده انت اول راجل في حياتها واول راجل يلمسها 


_ خميره عكننه اقسم بالله انتي بتدوري علي نكد بـ اي شكل ؟


_ انا خايفه 

نطقت تلك العباره بيآس وحزن ..


_ لسه بردو بتفكري اني عايز انتقم منك ؟


حركت راسها بالنفي وقالت :

لا بس خايفه من بكره، خايفه كل ده يروح وتندم علي جوازك من واحده زي 


_ عمري ما هتندم ثقي في حبي ليكي وشيلي الاوهام دي من دماغك علشان خاطري 


اومات راسها بالموافقه وعقلها يفكر في الكثير من الاشياء ... 


_______________________


_ انا بجد مش مصدق يعني خلاص البنات اختفت ملقتش غير مرات صاحبك تمشي معاها ؟!

قالها فادي بعتاب الي رفيقه عندما ذهب الي زيارته ليقول خالد ;

انا رميت الصناره وغزمت اقول لا ليه ؟


_ علشان صاحبك حتي لو هي كانت مش كويسه كنت فكرت في يوسف


_ المرحوم كبر الموضوع اووي ايه يعني لما يكون في بيني وبينه مراته علاقه ما احنا دايما مشتركين مع بعض في كل حاجه جات علي مراته !!


_معاك حق قفوش يوسف كبر الموضوع علي الفاضي بجد 

قالها فادي بسخريه ليقول خالد :

علي فكره يوم ما قولنالك ان محدش قرب لبنت عمك غير خالد كنت بنكدب عليك احنا التلاته قضينا الليله مع بنت عمك 


دلف العسكري وهو يقول :

الزياره انتهت


نهض خالد وقال :

كدبنا عليك علشان خوفنا تفكر تبلغ عننا بعد الي عمله حازم في كتب الكتاب شكرا يا فادي علي الزياره 

رحل خالد مع العسكري ...

اغمض فادي عينيه بالم كلما حاول حل امره مع نيره تتعقد اكثر !!!

ولا يدري الان ماذا يفعل يخبرها بتلك الحقيقه ؟!! وحسام هل سيتغير قرار زواجه منها عندما يعلم انه لم يكن حازم فقط !!؟


_____________________


_ ازاي تكتب كتب كتاب بنتي من غير ما تعرفني ؟

قالها مراد بانفعال ليقول شريف :

لانها مش بنتك انت ملكش فيها اي حاجه غير انها شايله اسمك لكن انا الي ربيتها وكبرتها 


_ انت مالك في ايه ؟؟ بقالك فتره غريب وكل شويه تقولي انا الي ربيتها وبتاع في ايه يا شريف !!


هتف شريف بعصبيه :

في اني زهقت منك ومن تصرفاتك كلها ظلمت نيره من صغرها مش كفايه انها اتحرمت من امها لا وكمان حرمتها من ابوها ورميتها عندي 


ثم تابع شريف وهو يشير بيديه الي نفسه :

انا الي ربيتها وكبرتها 


_ وفجاه اكتشفت المعلومه دي ولا ايه ؟!

قالها مراد ساخرآ شريف :

لا اكتشفتها لما لقيتك عايز تاخد الحلو بس تبقي ابو العروسه في الخطوبه وكتب الكتاب لكن اي حاجه تاني ملكش دعوه بيها مشاكل نيره الي فاتت بردو ملكش دعوه بيها وترمي الغلط عليا 


_ ايوه انت السبب دلعك فيها هو الي وصلها تروح بيت واحد 


_ ميخصكش انت رميت زمان ودورك انتهي من حياتها 

قالها شريف بجمود ليقول مراد :

زمان نيره اول ما اتولدت كانت هتخسرني مني ودلوقتي اهي بتخسرني اخويا 

قال جملته تلك ورحل ليتنهد شريف بقوه .. لم يعد يتحمل افعال مراد تلك .. 


________________________


هتف فادي الي سليم :

انت اخر واحد المفروض اخد رايه في حاجه زي كده بس انا مش قدامي غيرك اعمل ايه ؟ اعرف حسام ولا اسيبه فاكر انه حازم بس زي ما حكيتله قبل كده ؟


_ والله انا شايف ان مفروض حسام هو الي يعرف يعني ده حقه اصلا 


_ والجوازه تبوظ صح

قالها فادي باقتضاب ليقول سليم :

وتبوظ ليه ؟ هو مش قال قبل كده انه ميفرقش معاه حاجه غير نيره 


_ هفكر 

ثم تابع بتساؤل :

هو انا كل ما اعوز اقابلك هتنزلي ونقف قدام العماره كده في الشارع ؟!


_ ده شرط اشرقت انك متدخلش البيت 


_________________________


مر اكثر من يوم وفادي يفكر ..

هل يخبر حسام ؟ اما يترك الامور تسير كما هي ؟!

متبقي علي حفله الزفاف عدده ايام فقط ...

وفي النهايه قرر اخباره وليحدث ما يحدث ...

قام بالاتصال به واخباره ليقول حسام :

بس انت قولتلي حازم بس !!


هتف فادي بتوتر :

كنت فاكر كده بس طلع كلهم 


_ نيره عرفت حاجه ؟


_ هي من البدايه مش مصدقه ان حازم بس الي عملها 


_ خلاص متكلمش معاها في الموضوع ده واقفله لابد


_ يعني انت بنسبالك مفيش مشكله ؟


_ مشكله ليه ؟ الي حصل لنيره هي ملهاش ذنب فيه 


ابتسم فادي وتنهد بارتياح قائلا :

ريحت قلبي


___________________


يوم حفل الزفاف 


تتعلق في رقبته وتتراقص معه وسط الالعاب الناريه والاغاني المرتفعه ...

وعندما انتهت الرقصه حملها هو وظل يدور بها ...


صفق الجميع ماعدا سليم الذي يتابع ما يحدث بصمت تام وبداخله غير راضي ...

كان يآمل ان يرفض حسام ان يستمر مع نيره بعدما يعلم انه لم يكن حازم فقط ولكن لم يحدث ذلك ..


لم تحضر عائله نيره فـ مراد رفض ان يحضر هو وابنائه حفل الزفاف بسبب كلماته شريف الاخيره له ..


_ وكمان جايه الفرح بنفسك لالا ده كتير والله

قالها فادي وهو يقف بجانب نيره لتقول هي :

عايز ايه تاني مني ؟ اشرقت رجعت بيتها وخلصنا


_ مش عايز حاجه ولا زعلان منك علشان عملتك بتاعه ليله الفرح انا بس كل الي فارق معايا ليه بعتي صور نيره ؟ هي بنت زيك وحصلها نفسك الي حصلك ليه تعملي فيها كده 


_ كنت عايزك تتعذب وانت بتشوف ايه الي بيحصل لنيره بسببك 


_ شفيتي غليلك مني ولا لسه ؟


ابتسمت وهي تهتف :

لا شفيته وارتاحت لما خدت حقي منك سمعت انك لما بتكون عايز تقابل اخوك بتقابله في الشارع لدرجادي وضعك صعب كده


_ انا مبسوط انك معندكيش تانيب الضمير من ناحيه الي عملتيه في نيره وفيا لانك مكنتيش هتقدري تستحملي عذابك ضميرك وخصوصآ الي عملتيه في نيره 

قالها ورحل لتقول هي :

ده علي اساس انك حسيت بتانيب الضمير ناحيتي ؟! انت بس الي وجعك نيره والي عمله فيها حازم لكن عملتلك فيا ولا فرقت معاك ..


_______________________


دلف العروسين الي الشقه زوجيه الخاصه بهما ..

تحركت نيره بفستان زفافها ثم جلست علي الاريكه وقامت بخلع حذائها هاتفه بتعب :

ااه يا رجلي 


_ لما انتي عارفه انك مش هتقعدي دقيقه واحده وهتقضيها رقص ملبستيش جذمه عاديه ليه بدل الكعب ده

قالها حسام وهو يجلس بجانبها لتقول هي :

الي من غير كعب شكلهم مكنش حلو دي الي عجبتني 


_ رجلك وجعاكي اووي يعني ؟


ضغطت نيره علي قدميها وهي تهتف :

اووي وكمان لسه عايزه اقوم اغير الفستان ده 


_ايوه هو لازم يتغير اكيد مش ناويه تنامي بيه يعني 


نهضت من مكانها وهي تضغط علي قدميها بصعوبه وصاحت متالمه ليقول حسام وهو ينهض :

معقوله هتروحي الاوضه بنفسك وانتي تعبانه كده ؟


_ هدوس عليها براحه لحد ما اوصل واستحمل الالم هعمل ايه يعني

قالتها بتوتر ليحملها حسام بين ذراعيه قائلا :

انا الي هعمل مش انتي وهوصلك لحد الاوضه بنفسي 


_ هعرف اروح لوحدي هدوس عليها براحه واروح بلاش تعمل حجج فارغه ملهاش لازمه 


ضيق بين حاجبيه وهو يقول :

انا بردو الي بعمل حجج فارغه وامي الي بتقول رجلي والكعب ؟ يعني بقالك ست ساعات شغاله رقص وتنطيط بالعكب ومفيش اي حاجه حالا اول ما دخلنا الشقه الالم قام عليكي


_ ايه ده قصدك ايه اني بكدب عليك وبشتغلك


ابتسم وهو يتحرك بها ناحيه الغرفه قائلا :

شوفي نفسك بقي


صمت ولم تجيبه بشئ منذ ان انتهي حفل الزفاف وهي تفكر في طريقه تتخلص بها من حسام هذه الليله لا تريد ان يقترب منها تشعر بخوف بداخلها منه  لا تريد ان يحدث شئ بينهما .. كلما تخيلت ذلك الامر

تنكمش في نفسها وتشعر بالضيق والاختناق ..

وتتخيل حازم ورفاقه وهم ينظرون الي جسدها العاري ...  بالاضافه الي خوفها من حسام .. هل سيتقبل ان لم يكن اول شخص يلمسها ولم يمكن قبله شخص واحد بل ثلاث اشخاص !!! برغم انها تعلم ان فادي اخبره بكل شئ ولكنها خائفه ..


وضعها علي الفراش برفق وهتف :

خليكي زي ما انتي بلاش تتعبي نفسك ورجلك التعبانه دي انا هجبلك الهدوم لحد عندك


وتلمس نبره السخريه في كلماته تنهدت وهي تعتدل في جلستها قائله :

ايوه والتريقه بتاعتك دي هتخلص امته سوري يعني ؟


_ هي فين التريقه دي ؟!

قالها بدهشه مزيفه ثم ظل يبعث بالملابس التي في الخزينه ثم اخرج رداء احمر اللون وهتف :

اييوه هو الاحمر ده 

انهي جملته تلك ثم القي عليها ذلك الرداء لتقول هي :

ايه المسخره الي عايزني البسها دي ؟


_ ماله يعني ؟ لونه احمر وحلو 


نظرت الي الثياب هاتفه :

عريان وقصير وانا بطلت اللبس ده من زمان 


_ هو انا بقولك البسيه في الشارع ؟ 


نهضت من مكانها وهي تتمسك بفستانها واقتربت منه قائله :

اوعي كده انا هطلع هدومي بنفسي 


تفحصها من اخمص قدميها الي راسها قائلا :

رجليكي بقيت كويسه اهي 


_ اه خفت الحمدالله 

ثم تابعت وهي تبعث بالخزينه :

ممكن تخرج علشان اغير هدومي ؟


_ هو انتي خايفه مني ليه ؟


حركت راسها بالنفي قائله :

مش خايفه ولا حاجه انا بس عايزه اغير هدومي 


تناول من الخزينه ثيابه ثم هتف :

انا فاهم كويس تصرفاتك من اول ما دخلنا علي عموم مفيش حاجه هتحصل غصب عنك يلا غيري هدومك واتوضي وانا كمان هروح اغير هدومي واتوضي 

قال جملته تلك ورحل هو يشعر بخوفها منه منذ ان دلف كلاهما الي الشقه وملامحها تحولت شحب وجهها وشفتيها ...

ولا يفهم ما الذي يخيفها منه لهذه الدرجه ؟!  هو لم يجبرها علي شئ لا تريده لما تراه بتلك الصوره القاسيه !!! 


_______________________


انتهي كلاهما من الصلاه نهضت نيره وهي تقول :

يلا تصبح علي خير انا هموت وانام بجد


_ ومالو، وانتي من اهله يا نيره 

قالها وهو يضغط علي شفتيه بضيق ثم تمدد علي الفراش وهو غير راضي تمامآ عن افعلها تلك ..


اقتربت هي منه ثم قامت بوضع وساده بجانبه تفصل بينهما ضيق بين حاجبيه وهو يقول :

كمان ؟!


_ انا مبعرفش انام غير كده 

قالتها وهي تتمدد بجانبه علي الفراش وتخفي جسدها بالغطاء ..


____________________


يتقلب في الفراش يحاول النوم ولكنه لا يستطيع كلما اغمض عينيه راي نيره برفقه حسام  ..


نهض وهو يزفر بقوه قائلا :

ولا هعرف انام في الليله السوده دي 


_ مالك يا سليم ؟

قالتها اشرقت وهي مغمضه عينيها وغارقه في النوم ليقول هو :

ولا حاجه كملي نومك هقوم اشوف تالا متغطيه ولا زايحه الغطاء كالعاده 


خرج من الغرفه ثم وقف في الشرفه اصدر تنهيده طويله وهو يهتف :

عايزه مني ايه يا نيره ؟ تعباني معاكي وانتي قريبه وتعباني اكتر وانتي بعيده           

     الفصل الحادي والثلاثون من هنا

لقراة باقي الفصول اضغط هنا



تعليقات



حجم الخط
+
16
-
تباعد السطور
+
2
-