رواية غرام الاسد كامله جميع الفصول بقلم شروق محمد

 رواية كيف اغفر

الفصل الرابع العشرون والخامس والعشرون

بقلم يارا رشدي

|•24•|

~ قصادي عيونه محتاره ..  ~

_ هو انت دلوقتي شايفني واحده مش كويسه صح ؟

اوقف سياره والتفت اليها هاتفآ :

انا فاهم كميه الاسئله الي في دماغك بصي يا نيره انا مليش الحق اتكلم معاكي في الموضوع ده اصلا ولا انتي كان مفروض 

تقوليه ليا ولا تقوليه لـ اي حد اصلا، وعلي فكره غلطتك دي مش بسيطه كده انك تتكلمي عنها الي حصل ده يعتبر زنا 

وعقابه كبير اووي عند ربنا في الدنيا والاخره ولو متعرفيش اكتبي عقاب الزنا ايه واعرفي ..

ضغطت علي يديها وهي تقول :

ربنا عالم ان الي حصل كان غصب عني مليش ايد فيه 

_ غصب عنك ازاي ؟ انتي روحتيله برجلك بيته

_ ماشي روحت برجلي وكل حاجه بس هو غصب عليا اشرب وانا شربت لحد ما سكرت ومحستش بحاجه بعد كده 

_ وادي كارثه تاني شربتي خمره ودي من ام الكبائر وربنا ميقبلش منك صلاه لمده اربعين يوم يعني كل حاجه ربنا حرمها انتي عملتيها 

اجابته بدفاع :

علي فكره فادي بيشرب عادي وبيشرب كتيير جدا كمان 

_ فادي بيشرب وامجد وريم بيشربوا وعلي فكره ابوكي كمان بيشرب بس ده حرام ربنا حرمه مش معقوله متعرفيش حاجه زي كده يعني 

_ لا عارفه بس هما بيشربوا عادي 

_ انا قولتلك راي وبراحتك انتي عندك النت اكتبي في جوجل وشوفي 

قالها ثم بدا في قياده السياره مره اخري لتقول هي :

هو انت عايز مني ايه يا حسام ؟ تنتقم من ريم فيا صح !!

_ تاني ؟

صمت ولم تجيبه بشئ ليقول هو :

بطلي هبل لو سمحتي

_ ماهو انت اكيد وراك خازوق وانا لازم اعرفه 

حرك راسه وهو يبتسم هاتفآ :

هو انتي ازاي شبهي اووي كده ؟!!

_________________

مر اكثر من يوم علي مقابلتها لحسام ، اصبح التحدث بينهما علي الشبكات الاجتماعيه (الرسائل) وكلما طلب منها ان يتحدثوا بالهاتف ترفص ..

حتي ان تقابله مره اخري ترفض ايضآ.. 

وحسام احترم رغبتها تلك ولم يصر عليها .. 

اما فادي اليوم حفل زواجه كل شئ تم سريعآ كما اخبر مريم .. 

وقبل حفل الزفاف بساعات ..

اقترب من غرفتها ثم طرق الباب وعندما اذنت بالدخول دلف هو ...

لاول مره ياتي الي غرفتها منذ اربعه اعوام ظلت تنظر الي الهاتف بتوتر ليقول هو :

ازيك ؟

وعندما لم تجيبه بشئ هتف :

عارف انك مش هتردي عليا ولا هترفعي عينك وتبصي ليا بس انا جاي اقولك حاجه وهمشي واوعدك مش هكلمك تاني ...

وعينيها لم تتحرك من الهاتف ليتنهد هو بقله حيله وهتف :

سامحيني يا نيره سامحيني علشان ارتاح من يوم عيدميلاد الزفت حازم لحد النهارده وانا تعبان قوليلي طيب اي حاجه اعملها وتسامحيني 

ضغطت علي الهاتف بقوه ليقول فادي :

كنت سكران يا نيره ومش واعي لـ اي حاجه ولما فوقت طلعت جري ادور عليكي وصلت لاوضه لقيت الحيوان عمل عملته فوقت متاخر .. هددتهم اني هبلغ بس كل ده مجبش نتيجه معاهم وانا كنت خايف عليكي خوفت من الصدمه لما تعرفي حاولت مخلكيش تحسي بحاجه وطلبت اتجوزك، يا نيره انا بتعذب بقالي اربع سنين متعذب وصورتك وانتي علي سرير فاقده الوعي وصحابي حواليكي مش بتفارقني 

وعندما وجد الدموع تسقط من عينيها قال :

بس محدش قربلك غير حازم والله ماحد لمسك غيره 

ولا شئ فقط الصمت منها ليقول هو بخيبه امل :

بردو مصممه ماشى يا نيره الي يريحك 

قال جملته الاخيره ورحل دفنت وجهها بالوساده وصاحت باكيه كيف تغفر له وتقوم بمحو من عقلها كل شئ حدث بسببه !! ليس سهل الغفران بنسبه لها ليس سهل اطلاقآ !!!!!!

____________________

تجلس العائله باكملها علي الطاوله واشرقت تجلس بجانب نيره وتحمل الصغيره التي تلهو وتضحك 

لوحت الصغيره لنيره وابتسمت لها ثم مدت يديها وجذبتها من شعرها ابعدت اشرقت يديها وهتفت :

عيب كده يا تالا 

ضحكت الصغيره وهي تنظر الي نيره ومدت لها يديها هاتفه :

شعرها طويل وحلو

ثم تابعت وهي تحرك راسها :

اكبر من شعري 

ابتسمت لها نيره وهتف :

علشان لسه صغيره لما تكبري شعرك هيبقي طويل 

قالت جملتها الاخيره وهي تداعب الصغيره في خديها 

لمحت بعينيها سليم الذي يتابعها قبلت نيره الصغيره في كفه يديها ثم تناولت هاتفها وعبثت به وصلت لها رساله من حسام الذي يقول :

انا قدام الفيلا اهو مش هتطلعي تستقبليني ؟!

_ لا يا روش مش هطلع ادخل انت لوحدك اخلص 

________________________

_ شوفتي كل حاجه تمت بسرعه ازاي 

قالها فادي الي مريم لتجيبه هي :

والطلاق هيتم اسرع علي بكره كده 

_ لا مش لدرجادي بلاش افوره علي اقل بعد كام شهر 

ضحكت مريم وهي تقول :

كام شهر ؟! هو انت فاكر اني هقدر استحمل خلقتك دي كام شهر بحالهم !!!؟

_ لازم تستحملي احسن ما اطلقك بكره وسيرتك تبقي علي كل لسان 

قالها فادي بغضب مكتوم لتقول مريم :

لا وانت بتفهم بصراحه ويهمك سمعتي ارري 

_ مريم احنا هنعيش مع بعض فتره مش هينفع طريقتك في الكلام دي 

_ اهو ده الي عندي اذا كان عاجبك

________________________

منذ ان حضر حسام حفل الزفاف وهو ينظر الي نيره من حين الي اخر وهي ايضآ تنظر له وترتسم علي شفتيها ابتسامه دون ان تشعر انتبهت الي نفسها وهتفت :

لالا فوقي في ايه احنا هنعيده تاني ولا ايه ؟ لمي نفسك لميها يا نيره 

وحسام ينظر لها ويقرا عينيها تائهه وخائفه ..

كلما نظرت له تنتبه الي نفسها وتبعد عينيها ..

يشعر بحيرتها ويفهم الصراعات التي بداخلها ..

وصلت لها رساله علي هاتفها يقول بها :

مش هتقومي من مكانك تسلمي عليا حتي بدل النظرات الي تشبهنا دي 

_ انا مبصتش عليك اصلا 

ارسلت له تلك العباره ليقول حسام :

لا يا شيخه ؟! ده انتي عينك منزلتش من عليا من اول ما دخلت 

ابتسمت وهي تكتب له ;

انا ببص علي الكل مش انت بس بلاس تاخد مقلب في نفسك 

_ انتي بتكلمي مين يا نيره ؟

قالها سليم بتساؤل الذي لاحظ نظراتهما لبعضهم .. رفعت عينيها عن الهاتف ثم رسمت علي شفيتها ابتسامه بارده ولم تجيبه بشئ وهتفت الي شريف :

عمو بص الي واقف هناك ده حسام الي حكتلك عنه بتاع الحادثه ممكن اروح اسلم عليه

_ حادثه ايه ؟

قالها سليم ليقول شريف :

روحي يا نيره

_ تروح فين دي بتشبك مع اي راجل تعرفه تاني يا بابا هترجع تدلعها تاني 

قالها سليم بعصبيه ليقول شريف :

اياك اسمعك بتتكلم كده مع بنت عمك وملكش دعوه بيها انت فاهم 

ثم اشار براسه الي نيره :

وانتي يا نيره يلا 

نهضت نيره من مكانها وهي ترمق سليم نظره انتصار ...

_ يا بابا مينفعش كده انت عايزاها تجبلك مصيبه تاني يعني ؟!

_ نيره بتحكيلي كل حاجه اطلع انت منها بس وريح بالك 

قالها شريف ليقول سليم :

بتحيكلك ايه ؟! البت دي شكلها بتكلمه اصلا وهي الي عزمته علي الفرح مش شايف من اول القعده الموبيل منزلش من ايديها دقيقه واحده ده غير نظراتها للي اسمه حسام من اول ما دخل 

_ اه يا سليم بتكلمه وعارف علاقتهم شكلها ايه قولتلك نيره بتحيكلي كل حاجه سيبها في حالها 

قالها شريف بنفاذ صبر ليقول سليم :

لالا مش ممكن يا بابا الي بتعمله ده بجد 

_ في ايه يا سليم ؟ عمو اكيد عارف مصلحه نيره اكتر منك 

قالتها اشرقت باقتضاب واضح 

_________________________

_ حرام عليكي يعني لا عايزه تيجي تسلمي عليا ولا اقابلك ولا اسمع صوتك ليه كده يا بنتي حد قالك اني هخطفك ؟

قالها حسام بلوم لتقول هي :

انا عايزه كده مش عاجبك انهي معرفتك بيا عادي مش هقولك لا

_ ومين قال مش عاجبني ؟ عاجبني يا اختي عاجبني 

ازاحت خصلات شعرها عن عينيها ثم هتفت :

ينفع اعرفك علي عمو شريف وطنط ؟

_ ينفع طبعا بس قوليلي شكلك مختلف كده ليه نهارده ؟

_ مختلف ازاي ؟!

_ يعني حلوه زياده عن اللزوم 

رفعت نيره سبابه ابهامها في وجهه هاتفه بتحذير وتوتر :

انا قولتلك كلام حب وهبل ده لا 

ابعد ابهامها عنه وهو يقول ;

كلمتين بجاملك بيهم انتي هتصدقي ولا ايه ؟! حب ايه يعني يوم ما افوق بعد القلم بتاع ريم احبك انتي ؟

برغم انه لم يكن يقصد سوا المزاح الا انها شعرت انه يقصد ان يقلل منها مثلما كان يفعل سليم معاها

_ مش هتعرفيني علي عمك ومراته ؟

لاحت علي شفتيها ابتسامه باهته وهي تقول :

لا مش لازم عن اذنك هروح اقعد معاهم 

_ في ايه ؟!

حركت راسها بالنفي قائله :

مفيش لابسه كعب ومش هقدر اقف كتير معلش 

انهت جملتها تلك واختفت من امامه وحسام ينظر لها باستغراب ولا يفهم اي شئ !!!

جلست في مقعدها كما كانت ثم هتفت الي ناديه :

انا هروح يا طنط اتصدعت وكعب وجع رجلي اووي

_ تمشي فين ؟! ولا متفقه تروحي تقابلي الاستاذ الي بتسهوكي معاه

قالها سليم لتقول نيره :

ممكن اروح يا عمو ؟!

ليجيبها هو : 

روحي يا نيره وخلي بالك من نفسك

نهضت نيره ليقول سليم ;

مره جايه هتجيلك حامل ولم انت الفصايح بتاعتها دي كلها

__________________________

ظلت تسير في الطريق اكثر من رساله واتصال من حسام ولكنها لم تجيبه فهي قررت انهاء معرفتها به لا يفرق شئ عن سليم .. 

ينظر لها بنفس نظره سليم لها 

توقفت سياره بجانبها وظهر منها صوت حسام الذي ينظر لها من الشرفه قائلا

طب ردي علي رسايلي علي اقل

انتبهت له ثم التفتت اليه وهي تقول :

كلامنا خلص لحد كده

هبط من السياره واقترب منها قائلا باستغراب :

خلص؟ ليه في ايه !!! اهلك اتخانقوا معاكي علشان وقفتنا سوا !!؟

وبدون سابق انذار انفجرت به باكيه :

علشان انت شايفني واحده قليله متنفعش تتحب واحده اقل من ريم مينفعش تيجي بعد ريم واحده زي شايفني بنفس عين سليم واحده متتحبش خلاص عرفت عرفت ان الي زي

 محدش بيحبها لا ابوها الي جابها ولا اي حد مش لازم تقكروني كل شويه انا مش عايزه حب ولا عايزه اتحب من حد مش عايزه 

هتف حسام بصدمه :

كلمه هزار اتقالت فسرتيها التفسير ده كله ؟! 

_ ملهاش تفسير تاني هي معناها كده ملهوش لازمه تبرر موقفك

قام شخص ما يقود السياره ويقف خلف سياره حسام باطلاق كلاكس حتي يحرك حسام سيارته ويسمح له بالمرور هتف حسام :

تعالي اركبي احرك العربيه الي سدت الطريق دي ونكمل كلامنا

_ مفيش كلام ما بينا 

اصدر كلاكس اخر ليقول حسام :

يا ستي يلا اخلصي 

استجابت نيره له واستقلت السياره تحرك حسام ثم توقف وهتف :

انا مش هقولك مبررات بس فعلا الكلمه طلعت مني هزار وملهاش اي علاقه بتفسير الي عمله عقلك 

_ والمفروض اصدقك صح ؟!

قالتها ساخره زفر حسام بقوه وهتف :

معنديش سبب اكدب علشانه وبعد كده هحاسب علي كل كلمه قبل ما اطلعها طالما دماغك طلعت بتحدف شمال كده 

_ لا ملهوش لازمه احنا خلاص كده كلامنا خلص سلام

التفتت الي الباب حتي تقوم بفتحه وتهبط من السياره ولكنه منعها وهو يجذبها من يديها برفق قائلا :

هو انتي التعامل معاكي صعب كده ليه ؟

_ انت طلعت زيهم كنت شايفاك مختلف وبصوره غير اي حد بس طلعت كوبي منهم 

_ هما مش عايزينك بس انا عايزك معايا وجمبي يبقي كوبي منهم ازاي ؟! 

اقترب منها وهو يقول بهمس الي اذنيها :

انا بحبك 

|•25•|

~ طلاق ليله الزفاف ~

ازاحته بيديها وهتفت :

حب ايه يا ابو حب انت مكملتش كام شهر تعرفني هنستهبل علي بعض 

_ اعبجبتك بيكي لما اتقابلنا وقت الحادثه وبعدين حبيتك فيها ايه دي واياكي اسمع كلمه تاخد حقك من ريم فيا والكلام المتخلف ده

لتقول هي بتاكيد :

ماهي كده فعلا ملهاش معني تاني وانا غلطانه اني صدقتك اصلا بقي بقولك روحت لواحد شقته وحصل الي حصل بينا وانت تحبني ؟ يا ابني انا في نظر اي حد واحده شمال اساسا 

_ لالا انتي حد محترم متقوليش علي نفسك كده ازعل منك

هتفت نيره :

احنا مش بنهزر دلوقتي بلاش استظراف انت عايز تتسلي شويه معايا وتاخد حق ريم مني وقولت دي واحده سهله وغلطت مع واحد قبل كده يعني مش هتاخد في ايدي حاجه

اصدر حسام تنهيده طويله ثم قال :

ابن عمك فادي جه عندي من فتره وحكالي كل حاجه من اول عيدالميلاد وجواز من سليم لحد لما انتي عرفتي الحقيقه من اربع سنين قرا في مذكراتك انك بداتي تتعلقي بيا خاف لما اعرف الحقيقه ابعد عنك وافهم غلط ..

__________________________

انتهي حفل الزفاف وفي الشقه الخاصه بالعروسين ..

ظهرت مريم وهي ترتدي ثياب لا تصلح اطلاقآ للوضعهما .. فمن ترتدي تلك الثياب التي تكون سعيده بزواجها وتريد ان تبدا حياه جديده ..

_ خير ايه ده ؟

قالها فادي باستغراب لتقول مريم :

عروسه بقي 

_ ما انا فاهم بس ازاي ؟

جلست امامه وهي تقول :

لا بلاش تفهم غلط انا مش هسمحلك تلمسني ولو الشيطان وزك وعملتها هقتلك يا فادي 

_ اهدي علي نفسك بس انا عمري ما هفكر المسك اساسا وعلشان اريحك خالص انا داخل انام اصلا وسايبهالك مخضره 

كاد ان ينهض لتهتف مريم :

مفكرتش ليه صور نيره وقت كتب الكتاب جات لـ اشرقت اول واحده ؟

نظر اليها باستغراب لتقول مريم بابتسامه :

اختي بقي ولازم ابعتلها اول واحده

_ تبعتيلها ؟!!!!

حركت راسها بنعم وهي تقول :

اه ما هو الي انت متعرفهوش اني روحت لحازم وطلبت منه يساعدني اخد حقي منك راح جابلي الصور واتفقنا ننشرها يوم كتب الكتاب بس الشهاده لله حازم قالي انشريها علي النت بوشها بس انا صعبت عليا اعمل كده فيها وعلشان انا طيبه بعتهم للمعازيم بوشها لكن الي علي نت مظهرتش وشها شوفت انا احسن منك ازاي 

_ انتي يا مريم يطلع من وراكي كده ورايحه لمين حازم ؟! ده هو السبب في الي عملته فيكي 

قالها بصدمه لتقول مريم :

بمناسبه عملتك السوده بكره ماما هتيجي علشان تطمن عليا لو طلبت تشوف شرفي الي سيادتك ضيعته اقولها ايه ؟

_ مظنش مامتك دقه قديمه وليها في حاجات دي هي هتسالك وتطمن بس 

_ وانا اعرف منين ولا عايزني اتفضح وتطلع انت شهيد

تنهد بنفاذ صبر وهو يقول :

يعني اعمل ايه ؟! خلاص حطي شويه ميركوكروم علي الملايه 

_ ولو الموضوع انكشف اعمل ايه انا وقتها ؟!

_ هيتنيل يتكشف ازاي بلاش تعقديها يا مريم 

لتقول هي :

انا عايزه اكون في السليم عور نفسك كام تعويره علي اقل هيبقي دم حقيقي 

_ اعور نفسي ؟

_____________________

منذ ان تركت حسام وعادت الي المنزل تتمسك في يديها بدفترها قرا فادي كل شئ بها ...

حتي خصوصياتها تلك لم يحترمها !!!!!!

قرا كل شئ خاص بها قامت بكتابته ..

ولم يكتفي بذلك بل قام بكشفها امام حسام ...

اخبره بكل شئ اخفته عنه !!!!

 

قامت بتمزيق ذلك الدفتر بانفعال وهي تصيح باكيه ..

كل شئ يخصها يكشفه الجميع دون اذنها !!

__________________

هتف سليم بانفعال :

احب مين انتي هبله ؟! نيره كان ناقص تركع تحت رجلي علشان اتجوزها وانا رفضت واختارتك حتي وقت ما اتجوزتها كنت راميها لوحدها يعني هي مش في دماغي اصلا 

_ كانت يا سليم كانت لكن دلوقتي مفيش غيرها في دماغك انت مشوفتش نفسك بتراقبها ازاي ولا عينك الي كانت عليها وهي واقفه مع حسام 

قالتها اشرقت ليجيبها هو :

انا مش حمل فضايح تاني من تحت راسها نيره اي راجل يجي قدامها بتحبه بابا وماما مش في دماغهم حاجه مفيش غيري انا الي شايل هم نيره وفضايحها 

ضحكت ساخره وهي تقول :

انت بتضحك علي مين ؟ عليا ولا علي نفسك !!!

_ اشرقت انا مش عايز وجع دماغ نيره كانت قدامي دي كانت مراتي وانا طلقتها يعني كانت في ايدي وانا الي رميتها اعقلي كده وبطلي جنان 

واشرقت تنظر له بعدم اقتناع، النظره الي لمحتها في عينيه اليوم وهو ينظر الي نيره لم تكن نظره عاديه اطلاقآ !!!!!

______________________

استجاب فادي لطلبها وقام بجرح نفسه وسقطت بعض قطرات الدماء علي الفراش ...

قام بتغطيه الجرح وهو يقول:

عايزه حاجه تاني ؟ تحبي اصفيلك دمي كله علشان ترتاحي

_ابتسمت له مريم وهتفت :

هو طلب اخير انا جعانه اووي ممكن تتطلع الاكل الي ماما شايله في التلاجه وتجهزه ناكل سوا 

_ ناكل سوا مره واحده ؟!

_ مبعرفش اكل لوحدي 

_ تصرفاتك غريبه يا مريم غريبه وتخوف 

قالها فادي لتقول هي :

كل ده علشان بقولك جهز انت الاكل ؟ خلاص متزعلش نفسك هجهزه انا 

_ لالا وعلي ايه هجهزه انا حاضر 

رحل فادي لتقوم مريم باغلاق الباب خلفه نظر فادي الي باب باستغراب واكمل طريقه ..

وبالداخل قامت مريم بتحريك الغطاء الموجود علي الفراش من مكانه وايضآ العبث بالفراش وتحريك كل شئ عليه من مكانه ثم اقتربت من الخزينه واخرجت حزام جلدي ثم قامت بلفه حول يديها وقامت بتلويح بيه ليسقط الحزام علي ظهرها ..

ضغطت علي فمها بقوه وهي تكتم الالم الذي تشعر به وتستمر في جلد نفسها ..

_________________________

انتهي فادي من وضع الطعام ثم اقترب من الغرفه وطرق الباب هاتفآ :

انتي نمتي ؟ الاكل جهز 

وصل اليها صوتها وهي تقول :

صاحيه اهو جايه 

ثواني وظهرت امامه هي وملامحها غريبه من الواضح انها كانت تبكي ...

جلس كلاهما علي الطاوله ليقول فادي :

انتي كنتي بتعيطي ليه ؟

_ متاكد انك عايز تعرف ؟!

_ ده لو ممكن يعني 

نهضت من مكانها هي ثم قامت برفع الطاوله لتسقط علي الارضيه ويسقط الطعام هتف فادي بهلع وهو ينهض :

ايه ده في ايه؟ ايه الي عملتيه ده  ؟!!

قامت بتمزيق ثيابها ثم لطم علي وجهها بقوه اقترب منها فادي وحاول منعها وهو يقول :

انتي بتعملي ايه انتي اتجننتي ولا ايه في ايه يا مريم ؟!

ازاحته بيديها ثم تابعت لطم وجهها بقوه وجذب خصلات شعرها  ليقول قادي :

ياماما دي طلعت ملبوسه

حاولت منعها اكثر من مره ومريم تستمر فيما تفعله دون ان تقول شئ هتف فادي :

خلاص مش عايز اعرف كنتي بتعيطي ليه بس اهدي وبطلي الي بتعمليه ده

تحركت من امامه ثم اتجهت الي الهاتف وتناولته وفادي يتابع ما تفعله بدهشه كبيره ...

وضعت الهاتف علي اذنيها ليقول فادي :

طيب بتكلمي مين انتي لو محتاجه حاجه قوليلي 

نظرت له وهي تقول :

انا مش قولتلك ان الطلاق هيحصل تاني يوم ؟

حرك راسه بعدم فهم ليظهر صوتها وهي تصرخ باكيه وهي تتحدث في الهاتف باكيه :

الحقينني يا ماما الحقيني فادي هيموتني الحقيتي ده طلع بشع يا ماما الحقيني ونبي انا هموت تحت ايده هيموتني من الضرب 

انهت جملتها الاخيره ثم اطلقت صرخه عاليه وانهت المكالمه ليقول فادي ;

نهارك اسود 

_ ليه كده يا فادي حرام عليك ليه سيبني 

ظلت تصرخ وهي تتجه الي خارج الشقه منعها فادي ولكنه لم يستطيع وفي ظل ثواني ظهر الجيران ...

__________________________

اعتدل شريف من الفراش وهو يقول :

بيضربها ازاي يعني انتي بتقولي ايه يا ناديه 

_ معرفش يا شريف امها اتصلت وقالت ان مريم كلمتها بتصرخ وبتقولها الحقيني فادي هيموتني وبيضربني قوم البس نروحلهم 

نهض شريف وفي عقله اكثر من سؤال ولا يفهم ما يحدث واثناء رحيلهم وصل الي نيره صوت حركه خرجت من غرفتها وهتفت باستغراب :

انتو رايحين فين بليل كده ؟

_ مشكله صغيره مع فادي هنروح نشوفها ونيجي 

قالتها ناديه لتقول نيره :

مشكله ايه ده لسه متجوز ملهوش كام ساعه 

_ مش عارفين يا نيره اهو هنروح ونشوف

قالها شريف بنفاذ صبر لتهتف نيره :

انا هاجي معاكم هخاف اقعد في الفيلا لوحدي 

وفي الحقيقه هي كاذبه .. هي فقط تريد ان تعلم ما الذي يحدث هناك ...

____________________

_ اخوك هيموت اختي هيموتها

قالتها اشرقت وهي تصرخ به ليقول سليم وهو يقود السياره :

ممكن تهدي شويه علشان اعرف اتنيل اسوق ونوصل اصبري نوصل هناك ونفهم في ايه 

________________________

رتبت احدي الفتيات علي ذراعي مريم وهي تقول :

بس يا حبيبتي اهدي تعالي اقعدي عندي 

حركت مريم راسها بالنفي وهي تقول باكيه :

مش هتحرك من هنا غير لما اهلي يجوا خليهم يعرفوا الحيوان الي اتجوزته 

_ حسبي الله ونعمه الوكيل فيك يا شيخ لما انت مريض بالشكل ده بتجوز بنات الناس ليه روح عالج نفسك

قالها احدي السكان بالعماره وفادي يقف صامت علي باب الشقه ينظر الي مريم لا يصدق ما فعلته ...

كيف خططت لكل شئ هكذا !!!!

_ مريم بنتي مالك في ايه ؟

قالتها والدتها بلهفه عندما وصلت لتقول مريم باكيه وهي تحتضن والدتها :

طلع مجنون يا ماما كان هيموتني انتي مش متخيله عمل فيا ايه بصي بصي وشي وضهري ياماما بصي فضل ساعه يضربني بالحزام

قالتها وهي تستدير اقترب والد مريم الي فادي ثم قام بلكمه بقوه اكثر من مره هاتفآ بانغعال :

بقي انا اجوزك بنتي علشان تعمل فيها كده !!!

ولم يتوقف والدها عن لكمه وفادي مستسلم تمامآ ...

ظهر شريف وناديه ونيره .. وفي نفس اللحظه خلفهما سليم واشرقت ...

___________________

يقوم فادي بمحو الدماء من علي وجهه اثر لكم والده مريم له ...

اما مريم تتحرك في الشقه باكيه وجميع العائله خلفها تشرح لهما ما حدث

دلفت الي غرفت النوم وهتف باكيه :

قالي انه جعان حطيتله عشاء من الي ماما كانت جايبه اول ما قعد علي سفره قلب السفره بايده زي ما انتو شفتوها وجربني لاوضه النوم بالعافيه نزل فيا ضرب بالاقلام علي وشي، وبالحزام علي جسمي ولمسني غصب عني ابنكم ده مجنون مجنون ولازم يتعالج انا كنت هموت 

انهت جملتها ثم شهقت باكيه والجميع ينظر الي فادي ينتظرون منه اي رد اما هو ضحك بقوه لمده عدده ثواني وهو ينظر الي مريم لم يتوقف عن الضحك الا عندما قام شريف بصفعه بقوه ليقوا والد مريم وهو يضم ابنته الي احضانه :

الحيوان ده لازم يطلق مريم دلوقتي 

ابتسم فادي وهو يقول :

شوفتي الطلاق حصل في ليله الدخله ..

_ طلقها واخلص 

قالها سليم بعصبيه ليقول فادي :

انتي طالق يا مريم طالق بتلاته تمام كده ؟!

رتبت اشرقت علي مريم وهي ترمق فادي وسليم بالنظرات ...

_ يلا يا مريم روحي غيري هدومك المقطعه دي وبينا علي القسم نعمل فيه محضر 

_ وانا موافق ياريت يحصل كده بجد

قالها فادي لتقول ناديه باكيه وهي تضرب فادي علي صدره بقوه هاتفه :

ايه الي حصلك يا فادي بتعمل فينا كده ليه بتعمل كده ليه ضيعت نيره ودلوقتي ضيعت نفسك ليه كده ليه 

اما نيره تتابع ما يحدث بصدمه واضحه هتفت بداخلها وعينيها تلمع بالدموع :

يارب بلاش تقبل مني دعاوي الي دعيتها علي بنت سليم يارب متقبلش مني، سامحني يارب اني دعيت علي فادي وبسببي حصلتله المشاكل ده كلها 

    الفصل السادس والعشرون من هنا

لقراة باقي الفصول اضغط هنا

تعديل المقال