رواية: قاتلي المتأجر
البارت: السابع عشر
بقلم: نادية ستارز
عند إكس
إكس يخبط على جين ولم يجد رد ليفتح الباب من تجاه كوخه يجد جين جالسة على الأرض
إكس: أنتِ بتعملي أيه
جين تتفزع و كانت بجانب السرير و بأيديها الهاتف و الشاحن بأيديها الأخرى لتوضع الهاتف أسفل السرير بحذر
جين بتوتر: ولا حاجة كان في نملة كبيرة بضربها
إكس بشك: والشاحن في أيدك بيعمل أيه
جين: أومال يعني هضربها بأيدي جبت أي حاجة ضربتها بيه
إكس: هي فين
جين: هي أيه
إكس: النملة
جين:تحت السرير لتضرب جبينها
إكس: عديني أشوفها
جين: هي مش تحت سريرك تحت سريري أنا و بعدين تعالى هنا أنت أزاي تقول أدخلي
إكس:خلاص أخرجي
جين: بمزاجك يعني طب أخرج أنت
إكس: أنتِ في كوخي كوخك الجهة التانية
جين: هو أنا مقولتلكش
إكس: أنطقي
جين: أحنا عقبال عندك داخلين على فصل الشتاء فبحس بسرسوب هوا بيتسحب من تحت الباب زي الحرامية بيسقعني
إكس: روحي لكوخك و مشوفش وشك عندي
جين: ياعم دي ستارة شفافة و الله الساتر يعني هفضل في وشك طول الوقت تقبلني هي هدوم السلعوة وسن فين
إكس: الغباء و العمى عندما يجتمعو في شخص واحد كتير عليا ميمشيش معاكي أنهم على الأرض عندك من أمبارح
جين: طب فين الحمام فين أنا عفنت
إكس: ورا الكوخ
جين: كتر خيرك و جاي على نفسك ليه كدا فين أدوات السكين كير و الهير كير مش تراعي أنك خاطف بنت
إكس: هي فين البنت دي
جين: تعرف أنا ممكن أهينك دلوقتي و أقولك واقفة أدامي بس مش هعمل حاجة لأني فتاة مهذبة و تجري من أمامه تذهب إلي كوخها
إكس: كدا أستخبيتي مني
جين: أيوة طبعاً الستارة دي الحدود لو حد أتخطاها يتعاقب
إكس: و أيه هو العقاب
جين: أمممم معرفش ممكن مثلاً يعني أنا بقترح الواحد يجري حولين الكوخ عشرين مرة لا عشرين قليل خليها ليك أنت خمسين و أنا سالب واحد
إكس: أمشي برا الكوخ كله يا جين مش عايز أشوفك وشك بيعصبني
جين: شيل عينيك شوفت فكرة حلوة أوي كدا مش هتعرف تشوفني و دا هيترتب عليه أنك مش هتتعصب فبتالي هتبقى هادي و تتحب
إكس: أنا أتحب و محبوب في كل أحوالي
جين: محدش يعرفك غيري أصلاً بس أنا مش بحبك
إكس: ما لازم متحبنيش أصل الحب أذواق لو أنتِ ذوقك حلو هتحبيني لكن أنتِ ذوقك منيل
جين: طب شكراً أوي لحد كدا لا تتكلم معايا تاني ولا تعرفني تاني و أديني سيبالك الكوخ كله أشبع بيه يارب يطلعلك تعبان قدك و بكرة همشي من هنا
إكس: الساعة كام
جين: مستفزززززز و تأخذ ثيابها و تذهب إلي الحمام
جين: المعفن مش هاين عليه يركب دُش أستحمى بيه جايب كيس مخرم حاطط فيه مياة أنا أضحك عليا في القاتل دا أستحمى أزاي أنا دلوقتي طب على الأقل يخطفني في شقة فيها حمام فيها مطبخ طب قصر و أحاول أهرب و يعذبني و بعدها يحبني و يتحول لروميو أنا موافقة لكن يفضل يزعق و مش طايقلي كلمة كدا أنا إلي هعذبه و بعدها أحبه و أتحول أنا لجوليت أنا شكلي كدا وقعت مع القاتل الغلط
بعد وقت أنتهت من حمامها و خرجت لتذهب بعيداً عن الكوخ بحذر حتى لا يجدها إكس
جين: كدا حلو أوي أنا بعدت مسافة حلوة يكش الاقي مكان أهرب منه لو بس أعرف العربية جت منين هعرف أهرب بسهولة دماغي دي منها لله لو مكنتش هببت إلي هببته كان زماني قاعدة على سريري باكل موز و خضار ما أنا قردة صغننة هو انا بعدت عن الكوخ ليه كدا و تكمل و هي على وشك البكاء: أنا توهت و أتشردت
بينما عند إكس
إكس: هي اتأخرت ليه كدا دي داخلة في الساعة و نص ممكن تكون ماتت أغمى عليها أنا هروح أشوفها أحسن
يذهب إلي الحمام
إكس: جين يا جين لو مردتيش هتخليني أدخل جين
ليرفع الستارة و لم يجد جين وجد ملابسها التي كانت ترتديها على الأرض
إكس بغضب: أحنا فينا من كدا ماشي يا جين أنتِ إلي جبتيه لنفسك
يذهب إلي كوخه و يمسك هاتفه و يدق على كابوني
كابوني: أنا لسة سايبك و زهقت منك عايز أيه
إكس: تجيب رجالتك كلهم و حالاً و تكون عندي
كابوني: حصل أيه
إكس: هربت مني
كابوني يوقف السيارة: أزاي
إكس:مش وقته أنا هحاول أدور عليها لحد ما تيجي
كابوني: و أنا مش هتأخر يأخذ إكس مسدسه و يحاول أن يجدها من خلال آثار القدم و لكن يفشل
كابوني يتصل على رئيس الحرس
عايزك تجيلي و تجيب كل الرجالة معاك بس سيب أتنين أدام البوابة و هبعتلك العنوان دلوقتي تكون فيه بأسرع وقت
رئيس الحرس: أجيب أسلحة
كابوني: هات هنبقى في منطقة غابة ممكن تلاقو أي حيوان مفترس حاولو متتأخروش
كابوني بتفكير: علشان يوصله محتاجين أقل وقت نص ساعة أرجعله و أدور معاه ولا أستناهم أنا هاخد قيلولة أحسن من التفكير
بعد نصف ساعة
يأتي رجال كابوني و يغادرون إلي إكس
بعد وقت وصل كابوني و رجاله يدخل كابوني الكوخ و لم يجد إكس بهِ يتصل عليه يجد موبايله بالكوخ
كابوني: راح فين دا أجيبه منين و يوجهه كلامه لرجالة أنتو دلوقتي هتنتشرو في المكان كله و يطلع صورة جين من هاتفه شوفو شكل البنت دي كويس عايزها تكون عندي و أول لما تلاقوها تعالو أدام الكوخ على طول
أنصرفو بس تعالى أنت يالي واقف أدام و أنت يا أنس و ياسر خليكم معايا
كابوني: أنت إلي كنت واقف خليك أدام الكوخ وأول لما ييجي إكس بلغه بوجودي
الشخص و يدعي ريان : أي أوامر تانية
كابوني: لا دلوقتي نمشي من أي جهة
أنس رئيس الحرس: أنا رأيي نتحرك من الجهة اليمين أفضل
ياسر: رأيي أنا الشمال أحسن علشان أحنا شغلنا كله شمال
كابوني: بس أنتم الأتنين هنتحرك للأمام عادي
جين: ياربِ أعمل أيه دلوقتي كدا أنا توهت و دخلت في أشجار و حاجات غريبة أكونش في غابة و أنا معرفش و تكمل بحماس و تصفيق هيجيلي طرزان ينقذني بس أروحله من أنهي أتجاه هيلاقيني أكيد ولا ممكن يركني على جمب و ينقذ بنت تانية لا لا بس حبيبته كان أسمها جين أيدا طب ما أنا كمان أسمي جين و تكمل بفرح يعني كدا أنا حبيبة طرزان و هييجي ينقذني ما الحياة سهلة أهي هو طرزان اتأخر ليه أنا تعبت من المشي و أثناء مشيها تجد ثعبان بحجم كبير بجانب رجليها
جين تبكي ولا تدري ماذا تفعل و الثعبان يقترب منها
يأتيها صوت من أمامها : أياكي تتحركي خليكي هادية و ثابتة
جين بصدمة و فرح : طرزان
_______________________________
عند ليث و عنود
ليث يركز على ظل عنود و يطلع هاتفه و يرسل إلي عيسى
أنا لقيت الظل و يغلق الهاتف و يكمل سيره
عنود: الشمس لفحت دماغي
ليث: لفحت أنتِ منين يابت
عنود: بت برضه بيقولي بت أفتكر إني كسرت صاحبك علشان قال بنت أسمي عنوددددد عين نون واو دال هتخبطهم في بعض هيدوك عنود
ليث: أنتِ خريجة كلية أيه
عنود: بتسأل ليه
ليث: كنتي فين قبل ما تتعيني هنا
عنود: الغزالة رايقة و أنا مش رايقة خالص أمشي جمبي كدا
ليث: بحب أركز في الشخص و هو ماشي وخاصةً الظل
عنود بتوتر: ظل آه حلو جميل أنا همشي وراك علشان ظلك هيحميني من الشمس أمشي أدامي
ليث: أكيد همشي و كلنا هنمشي أستني كدا عندك
عنود: في أيه
ليث: جاي تاني
عنود: خدني معاك
ليث: دقتين و راجع
ليث يذهب إلي ست بائعة مناديل و كان معاها طفلين يعطيها مبلغ من المال و يغادر
عنود تبتسم بلطف: قلبك طيب
ليث: مش أوي محدش فينا أبيض و لكن عندنا جزء أبيض و برضه كلنا مش أسود
عنود: أزاي يعني هي يا أبيض يا أسود
ليث: أحنا الأتنين
عنود: أزاي دا
ليث: هل حد بيتولد قلبه أسود
عنود: أكيد لا إذا كان أنا غضبانة عليه
ليث: أنا مش هكمل كلام قفلتيني أعملي سيرش و وريني نفس الكلام إلي كنت هقوله ولا أنتِ أضحك عليكي
عنود: بقى كدا مش عايزة أسمع منك حاجة تاني دلوقتي هنروح فين
ليث: أنا واحد حالياً كسلان هروح أشربلي واحد ليمون بالنعناع ينعنعني بدل لسانك إلي يعصب
عنود: طب و أنا
ليث: نامي نوم العنيد راحة
عنود: طب مش نايمة و مش متحركة إلا رجلي على رجلك
ليث: أنا بجد معرفش حصل أيه في حياتي علشان ربنا يرزقني بيكي
عنود: عملك الأسود
ليث: كويس أنك عارفة
عنود: أنت مش قولت هنروح نتابع الخطة في الخطة
ليث: أنا قولت كدا يا بنتي أنا
عنود: أه أنت أومال أنا أنت كداب ليه كدا
ليث: عادي بحبها
عنود: المفروض بحبه هه
ليث: طب هه
عنود: بكرهك
ليث: شكراً مش كرم أخلاقك سلام
عنود: أيدي على أيدك و رجلي على رجلك يا هروح للواء و أقوله أنك سايب شغلك و بتشرب عصير لمون
ليث: بالنعناع
عنود: أستظرف ما دا كله هيطلع على دماغك
ليث: يطلع ليه خليه ينزل
عنود: أعزمني على واحد قهوة و عصير برتقال
ليث: مبعزمش حد أسمه عنود
عنود: ماشي دقيقة بس قبل ما تمشي أكلم اللواء حسنين
ليث: متتعبيش نفسك يرضيكي نضيع وقت القهوة و العصير
عنود: هذا ما يقال عليه رجالة تخاف متختشيش
ليث: أمشي يا عنود أمشي
عنود: ما أنا محتارة نروح أي كافية إلي على شمالك ولا يميني
ليث: أي زفت
عنود: نلعب كيلو بامية و نشوف أنهي مكان خلاص متحرقش دمك أي مكان
ليث: أدخلي يمينك بس بشرط
عنود: مبحبش حد يشرط عليا
ليث: تحكيلي كل حاجة عنك
عنود: عيببببب عليك موافقة
يدلفو إلي الكافية و يطلبه المشروبات
ليأتي لليث أتصال من اللواء
عنود: وشك أتغير ليه كدا
ليث: اللواء بيتصل
عنود: رد شوفه
ليث يرد: الو
اللواء: أفتح السبيكر سمع العنيدة إلي جمبك الكلام
ليث يفتح السبيكر و يحط الموبايل على الترابيزة
اللواء: أنت و الأستاذة أتحولته للتحقيق و هتتردفه قريب
____________________________
عند عيسى
عيسى يسمع صوت هاتفه معلن عن وصول رسالة ليقول للمرضة
عيسى: ممكن تناوليني الموبايل
الممرضة: حد قالك يا أستاذ أن مكتوب على جبيني ميار للشقط السريع ناقص تقولي ناويلني كوباية مياة وتمسك أيدي
عيسى: أطلعي برا برا
الممرضة: طب عند فيك أنا هقعد هنا و وريني هتعمل أيه علشان أروح أبلغ إدارة المستشفى أنك حاولت تتحرش بيا و أعملك محضر بدل ما تبات في المستشفى تبات في القسم
عيسى: خلاص خلاص أيه دا كل دا علشان قولت ناوليني الموبايل أعملي إلي عايزاه عايزة تفضلي أو تطلعي براحتك
ميار: أنت بتطردني ولا أيه أعدل نفسك معايا بدل ما أديك حقنة اموتك فيها
عيسى: خدي حاجتك و أطلعي برا يابت الموضوع مش ناقصك
ميار: أنا خارجة علشان مرتكبش فيك جريمة قتل
عيسى:الباب وراكي
ميار: طب مش قفلاه قوم أقفله أنت و تغادر الممرضة
عيسى: أيه الجنان دا ليأخذ هاتفه و يرى رسالة ليث
عيسى بأستغراب: أزاي دا طب ممكن تكون مين يا ترى و لقاها أزاي لا أنا راجل فضولي مينفعنيش الكلام دا
ليدلف إليه أحد العساكر
العسكري: تحب أساعدك يا باشا و أنت قايم
عيسى: باشا أيه بقى بعد إلي حصل هو أنا كدا بقى شكلي وحش أدامكم و هيبتي راحت
العسكري: لا طبعاً شكل حضرتك حلو و يكمل في سره: بس هيبة أيه دي دي الهيبة مش موجودة أصلاً علشان تروح
العسكري يساعد عيسى على النهوض
عيسى: أن ماشي و رايح فين وصلني الأول ولا علشان أنا متجبس فخلاص كدا
العسكري: لا أزاي هساعدك
يوصل العسكري عيسى منزله و يصعد بهِ إلي شقته
عيسى: الف شكر ليك يا سعسود أجيلك في الأفراح و أنت بقى رايح للشغل قول للواء حسنين ياخدلي أجازة شهر أتنين ستة علشان أيدي
العسكري: حاضر
عيسى يدلف إلي منزله ليحس بحركة غريبة ليجد فتاة خارجة من الغرفة
الفتاة: نورت يا زوجي العزيز
____________________________
عند مريم و أمجد
أمجد يفوق مريم و يجلس على كرسيه ببرود
مريم تفوق و تتذكر كل شئ تدريجياً
أمجد: مش من أولها كدا أجمدي
مريم: أنا يحقلي أعرف كل حاجة لو أنت مكنتش جيتلي و قولتلي مكنتش هبقى هنا أنت عايز مني أيه
أمجد: ولا حاجة عايز أعرف علاقتك بهكول أيه و أكتشفته المقبرة أزاي
مريم:أنت أهبل يابني أنت إلي جيتلي وقولت أنك عفريت و في آثار و حاجات غريبة
أمجد: أنا يابنتي حصل بس مش دا إلي هيتقال أنا أمجد و أول مرة أشوفك يا مريم
مريم: و الكيكة و الحاجات إلي سرقتها من البيت
أمجد: عندي حساسية من أي نوع كيكة
مريم: أنا مش هتجنن لا
أمجد: سمعت العفريت بيقول إنك كنتي هتبيعي صحبتك عشرتك صح
مريم: لا لا أنا كنت بهاودهم حتى الدليل إني مجبتهاش ولا كلمتها من وقتها علشان ميعرفوش عنها حاجة
أمجد: صدقتك أنتِ صادقة يا مريم
مريم و هي تبكي: أنا هخرج من هنا صح
أمجد: صعبتي عليا بكرة هتخرجي من هنا
مريم: أحلف
أمجد: والله
مريم: طب و الست إلي برا
أمجد: دي مشوارها طويل غير أنها يعتبر متجوزاه و هي الزوجة التاسعة دي لوحدها كارثة
مريم: طب طب يعني أنا هبات في الحجز
أمجد: أه
مريم: أرجوك لا
أمجد: هو في أيه أسكتي أتلقحي على الكنبة إلي هناك و مسمعش صوتك
مريم: طيب
أمجد ينادي على العسكري
أمجد: دخلي المتهمة
العسكري: أوامرك يا فندم
تدخل إنتصار بخوف
أمجد: أحكي يا إنتصار أشجيني
إنتصار: والله يا بيه أنا معرفش حاجة الراجل إلي برا خطفني بعد ما جوزي طلقني و أخدني المقبرة دي علشان يدفني فيها حية
أمجد: لنفترض إني صدقت هيعمل كدا ليه يا إنتصار
إنتصار: عرفت بعملته السودا و كنت جاية أبلغكم قام حصل إلي حصل
مريم: الله يا إنتصار لا جامد الدمعة هتفر من عيني و أعصري في عينك جامدة يلا علشان الدموع تنزل
أمجد بزعيق: مسمحتلكيش تتكلمي أقعدي من غير صوت بدل ما أحطك في الحجز
تهز مريم رأسها بالموافقة
أمجد: و أنتِ عرفتي أزاي يا إنتصار
إنتصار بتوتر: ها
أمجد: عرفتييي أزاي بعملته السودا يا إنتصار
إنتصار:كنت مفكراه شيخ بحق و حقيقي قولت أشوف لو البنت إلي قاعدة هناك دي معمولها عمل ولا مسحورلها روحتله سمعته بيتكلم مع واحد عن الموضوع دا بس شاف خيالي من تحت الباب و مسكني قبل ما أهرب أتجوزني علشان معرفش أهرب منه و أخدني علشان يدفن سره معايا
أمجد: أنا شوية و كنت هقتنع أنتِ مكانك مش هنا
يا عسكرييييي خدها على الحجز
مريم: و أتوصى بيها أوي أوي أوي
أمجد: وصي أم سميحة عليها يأخذ العسكري إنتصار و يذهب بها إلي السجن .
مريم: صورك في كل الشوارع على فكرة
أمجد:في كرتونة جمب منك على فكرة
مريم: فيها أيه
أمجد: صوري
مريم: يعني أنا ضيعت مرتبي على الفاضي دلوقتي أقدر أعرف كل حاجة
أمجد: بكرة
أمجد يحقق مع هكول و يذهب بعدها إلي السجن
مريم تبات في مكتبه تحت إصرارها و بكائها بذلك
في الصباح تصحى مريم على أشعة الشمس تجد أمجد نايم على الكرسي
مريم: أنا مبقتش لا فاهمة ولا عارفة أي حاجة منين هو السبب و منين هو إلي قبض عليا ممكن يكون بشخصيتين واحدة الصبح وواحدة بليل
يصحى أمجد و يجد مريم نظرها عليه
أمجد: تعالي خدي معايا صورة أحسن
مريم بتوتر: لا لا مش القصد أحنا بقينا الصبح قول كل حاجة يلا
أمجد: أنا لسة صاحي أهدي
مريم: طب أي حاجة
أمجد: أنتِ البنت الغير شرعية لهكول و إنتصار
____________________________
عند أحلام و ملحم
أحلام: ماما تبقى الست إلي أنت خبطها
ملحم: حماتي
أحلام: مش وقت تريقة لازم نرجع لبنان تاني
ملحم: أنا إلي هرجع و كام ساعة و هكون هنا مش هطول
أحلام: دي أمي أكيد مش هسيبها طب حاول تكلم اي حد بتثق فيه يداريها
ملحم: للأسف كلهم أدام إيوان كلاب أنا رايح الحقها الحرس مليانين البيت محدش هيعرف يقرب منك
أحلام: ماشي ولما ترجع هيكون في كلام تاني يا ملحم
ملحم:مش متفاجئ إنك عرفتي أسمي و يغادر ملحم و يركب طيارته و يذهب إلي لبنان
أحلام: أيه المكان الغريب دا أنا أستكشفه أحسن
بعد وقت كانت أنتهت من أستكشاف القصر من الداخل
أحلام: لا هو كدا اتأخر أوي لو فضلت أشكره ساعتين كاملين مش هيكفوه بس كدب عليا باقي بس شوية وقت و أعرف كل حاجة
عند سارة تفتح عينيها و عندما نظرت بجانبها صرخت وجدت نفسها على السرير بجانب كوثر
سارة: يعععع أزاي يقعدوني مع الشغالين مش هكست على إلي حصل و أثناء مرور هوشع يسمع الصريخ يخبط على الباب و يدخل
هوشع: بتصرخي ليه
سارة: اليوم قرفه أكتمل أيه إلي رجعك أطلع برا
هوشع: أنا طالع فعلاً بس أكيد هنشوف بعض الأيام إلي جاية كتير و بالمناسبة ملحم سافر مع مراته أحلام لشهر العسل عقبالك
و يخرج ليتركهها في صدمتها
سارة تنهض تذهب إلي غرفتها و تكسر كل شئ: أزاي أزاي دا يحصل أكيد أكيد في حاجة غلط ممكن يكون بينفذ الخطة بس أزااااي لو إلي بفكر فيه صح الأتنين مش هيعيشو بعد الوقت دا
بعد وقت يصل ملحم إلي لبنان أمام بوابة قصر إيوان و كان بأنتظاره رجاله
ملحم: جاهزين يا رجالة
أحد الرجال: طب ما كنت تدخل بالغش من غير ما يعرفه
ملحم: مش ملحم إلي يستخبى من حد
يدخل ملحم القصر هو و رجالة يجد إيوان في انتظاره
إيوان: كل دا تأخير ليه دا أنا مستنيك من بدري
ملحم: مستني موتك
إيوان: لا خالص مستني تشوف حماتك و هي و شوية و هتبقى بين أيدين إلي خلقها
ملحم: عايز أيه يا إيوان
إيوان يميل على أذن ملحم: أحلام هتديني أحلام هديك كوثر
ملحم: و لو موافقتش
إيوان يخرج هاتفه
إيوان: بص الفيديو دا دي حماتك ودا سريرك إلي كانت عليه أوضتك بص بقى الراجل إلي بسكينة و بمسدس إلي واقف جمبها دا
ملحم: يأمر رجالة بالتحرك نحو الغرفة
إيوان: محدش يتحرك بدل ما بأشارة مني الموضوع ينتهي
ملحم لحراسه: أستنو عندكم و يوجهه كلامه لإيوان فين هوشع
إيوان: القصر طويل دور بس متتحركش
ملحم ينادي بأعلى صوته على هوشع
أحد حراس إيوان يخبر هوشع بمجيئ ملحم
يذهب هوشع سريعاً إلي ملحم و إيوان
هوشع: أيه إلي بيحصل
ملحم: الجبان حاطط حد من حراسه جمب حماتي علشان يقتلها
هوشع: و هي فين حماتك
ملحم: في أوضتي
هوشع: تعالى معايا يا إيوان
إيوان: أنا سبتك تدخل و قولتلك
قبل ما يمشي لو أدخلت تاني هقتلك
هوشع: متتكلمش كلام أكبر منك تعالى معايا قولت
يذهب إيوان مع هوشع إلي غرفة ملحم
ملحم: هي أوضتي كل واحد يدخلها شوية فين الخصوصيات لا و أنا أقول لأحلام متقلقيش خليكي فيهاا محدش يقدر يدخلها دا الشعب كله دخلها
بعد وقت يخرج هوشع و هو محمل لكوثر و بجانبه إيوان الغاضب
هوشع يعطي كوثر لأحد الحراس : لبنان متجيهاش تاني نصيبك هيتحولك كل أول شهر أنسى لبنان و أحنا معانا لو جيت هنا أنسى إني أدخل في أي موضوع
ملحم: هو أنا مش بطيقك و مش بحبك بس ماشي
يغادر ملحم المكان و لبنان بأكملها و يرجع إلي مصر
يدخل القصر يجد أحلام
____________________________
عند جين
جين تكمل بصدمة و حزن: يعني دلوقتي أنت كدا طرزان مش إكس حرام عليك جيت ليه أنا كنت مستنية طرزان تكونش أنت طرزان و بتضحك عليا
إكس لم يرد على كلامها و يجيب طوبة كبيرة و يقترب بحذر و يضرب الثعبان على رأسه عدة مرات قبل وصوله لها
جين: شكراً ليك يا طرزان بجد شكراً أنك أنقذتني
إكس يمسكها من معصمها بقوة و يغادر دون كلام
جين: أيدي يا طرزان قصدي إكس إيدي يا عم أنت هتتخلع معاك
يرخي إكس قبضته و يكمل سيره
جين: طب ممكن أفهم في أيه دا أنا آخر مرة شوفتك فيها كنا زي الزيت المغلي على النار و فوقيه المياة
إكس بزعيق: بتهربي يا جين هربتي و جبتك أفردي دلوقتي كان حيوان مفترس طلعلك أو التعبان قرصك هتعملي أيه هتهربي من قاتل هتروحي
للأسوء أنا سبتك على راحتك و مرضتش أراقبك ولا أحطلك قيود بس الغلطة غلطتي من بكرة هسفرك ليهم يا جين و وريني هتعرفي تهربي ولا لا
جين : أهدى يا طرزاني تشرب فانتا أو بيبسي
إكس:، طرزانك أسمي إكس
جين: من هنا لحد ما أموت هخليك طرزاني تدري ليش لأنك أنت إلي أنقذتني صحيح ضيعت كل آمالي و طموحاتي إني الاقي طرزان بس مش مهم يالهوي في مشكلة كبيرة
إكس: أنا هسيب المشكلة الأساسية و أركز في مشكلتك أيه هي
جين: دلوقتي لو أنت طرزان فحبيبة طرزان أسمها جين و أنا جين فيوم ما أحب مش هحب قاتلي المأجور يعني شوفلك حل بقى
إكس: أنا مش هسيب المشكلة الأساسية و أركز على حضرتك لسه يا جين في عقاب
جين: أياك تكملها هجري حولين الكوخ خمسين مرة
إكس: والله هسيبك هنا لأي حد ياكلك أمشي يلا
جين: مشيت ربنا ياخدني علشان ترتاح
إكس: البشرية كلها هترتاح و يخرج كلبش من جيبه
جين: الله كلبش هتعمل بيه أيه
إكس: أنتِ بحب البحر صح
جين: جداً
إكس: و منظر النجوم و القمر
جين:أكيد
إكس: ووقت الشروق و الغروب
جين: طبعاً
إكس: إكس يضع الكلبس في أيديها: كويس علشان محسش بالذنب هتتحبسي في الكوخ و كمان في السرير
جين: أضربني طلقتين أحسن
إكس: هيحصل قولي يارب
جين: يطلعلك ضب
بعد وقت يوصل إكس و جين أمام الكوخ يدخل إكس كوخ جين
و أول لما دخلو ينظرو بصدمة
جين: حرااااامييي