رواية نصابة فى جوازة رسمية
بقلم محمود النجار
(الجزء الاول والثاني)
بقلم محمود النجار
نبدا بالصلاة على النبي
صلى الله عليه وسلم
وتبدأ حكايتنا
فى فندق متواضع يتجمع الجميع
على صوت اثنين بيتخاقوا
الاول رجل والثانى امراءة وبيتخانقوا على
شنطه
الست ....سيب ياحرامى الشنطه شنطتى
الراجل ....شنطتك منين ياحراميه يانصابه
الست ....السرقه بقت عينى عينك كده
سيب الشنطه بقولك
الرجل ....بقولك ايه متخلنيش انجنن عليك وأمد ايدى عليكى
الست .....تمد ايدك ليه هو انتا شايفنى هفيه
طب والله لرقعه بالصوت وألم عليك الناس
.......وبالفعل لمت عليه الناس وصرخت بصوت عالى
وكان واقف الحاج علوان مع الناس الى اتلمت و بيتابع الخناقه من اولها
وقرر يتدخل يحل الموضوع....
استهدوا بالله ياجماعه صوتكم لم علينا الناس
الست ....ماهو عايز يمد أيده عليا
الراجل .....مشفتش بجاحه ولا بلاوى بتتبلى كده
سرقانى عينى عينك كده وكمان بتقلى ادبك
الحاج علوان ... ياجماعه متلموش الناس علينا
انتم جران فى فندق واحد والنبي وصى
على سابع جار صلى الله عليه وسلم قلولى فيه ايه بس وانشاء الله
هنحل الموضوع انتم شبطانين فى بعض ليه وبتتخانقوا على اية قلولى بس
الست ....بدموع عايز يسرقنى ياحاج ولما قفشته
عله صوته عليا علشان مش اوديه القسم
الراجل ....لا حول ولاقوة الا بالله عمرى
ماشفت بجاحه كده
أنا قاعد فى امان الله وقعت من ايدى شنطتى
لقيتها قامت واخدها وعايزة تمشى فمسكتها
الست ...كداب ياحرامى
علوان .....انتى يابنتى ميصحش
صوتك يعلى كده وانتى جميله وصغيرة لازم تحترمى
الناس الكبيرة انتى اسمك ايه
الست .... أسمى مودة
علوان ....وانت اسمك ايه يا استاذ
الراجل .... أسمى رضا
علوان ..... الموضوع سهل وبسيط ومحلوله
الاثنين .....ازاى محلوله
علوان ....أنا هاخد الشنطه وافتح الى فيها
واعرف الى فيها يخص مين وبكدا هنعرف مين فيكم
الكذاب ومن فيكم الصادق هاتى ياموده الشنطه
موده ....لا مش هدهالك انت اكيد معاه وعايزين
تسرقونى الحقونى ياناس
رضا .....شفت ياعم الحاج علشان تعرف انها حراميه
موده..... انت إلى حرامى وده شاكله تبعك اشمعنى
هو إلى اتكلم دون إلى واقفين وعايزين تسرقونى
علوان ......عيب ياموده أنا جيت على صوتكم
وعايز احل بنكم الموضوع
موده ....ما انت اول كلامك بتقولى هاتى الشنطه
يعنى ممكن تاخدها من ايدى وتجرى انت وهو
ابقي اعمل ايه بقي اسيب الشنطه من ايدى لا يمكن
اى حل تانى موافقه عليه كله الا انك تاخد
الشنطه من ايدى انت فاهم انت وهو ولا لا
علوان ....يعنى انتى خايفه ناخد الشنطه ونجرى
ومعندكيش مانع نعرف ايه الا جواها
موده .... اه
علوان ..... طب الشنطه دى فيها ايه يارضا
رضا .....مش هقول لأنها هتسمع إلى هقوله
وهتقول زى ما انا هقول
موده .....وانا كمان مش هقول لانه هيسمع
ويقول زى ماهقول
علوان .....تصدقوا انا غلطان إلى دخلت بينكم
انتم الاثنين مخكم تعبان ماهو لازم الشنطه
تنفتح ونعرف محتوياتها
لو فيها حجات ست تبقى بتاعت موده
رضا ....بتاعت موده ازاى بقي
علوان ....يعنى لو فيها قلم روج أو فيها مرايه
تبقي حاجات ست مش معقول راجل
هيشيل روج أو منكير فى شنطته فهتكون بتاعت موده
ولو مفهاش حاجات ست تبقي بتاعت رضا
موده .....ياسلام يااخوياهو لازم كل ست تمشي
بشنطه لازم تحط فيها روج ومنكير ومرايه
لا مشرط ياخويا مش بقول انتم نصابين وعايزين
تسرقونى بالحداقه لا اصحى انت وهو
أنا متكلش قونطة أنا مش لقمه سهله أنا موده
الى الزمن جابها ووداها واتمرممطت فى الدنيا دى
فوقوا ا نا بقلوكم اهوه
علوان .....يعنى نفهم أن الشنطه مفهاش حاجات حريمى
موده .....مش هريحك برضوا ولا هقول
رضا .... تبقي حراميه ونصابه بجحه كمان
موده ....هقلع الى فى رجلى وهديك بجزمتى
أنت وشريكك إلى جايبه معاك علشان تسرقونى عينى
عينك
علوان .....حد يشفلى جزمه وسخه مش نظيفه
علشان اضرب نفسي بيها على راسى
الى فكرت أنى اعمل خير واحل بينكم
ناس معندهاش مخ لازم حد فيكم يكون مرن
ويقول الشنطه فيها ايه
موده ورضا .....مش هقول علشان انت عارف السبب
(وبعد برهه من الوقت والتفكير)
علوان .... الحمد لله توصلت لفكرة هتكشف مين
فيكم الحرامى والنصاب والى هيعترض على الفكرة
دى هيكون هو الحرامى والنصاب
موده ورضا .....فكرة ايه قول
علوان .. الفكرة هى كل واحد فيكم يمسك
ورقه وقلم وفى وقت واحد يكتب الشنطه فيها ايه
وبعدين انتى تفتحى الشنطه بايدك ياموده
ونشوف بقى مين النصاب ومين الحرامى ومين المظلوم
موده ورضا .....بنظرات خوف وترقب لأن الفكرة
حلت الموضوع والى هيرفض هيكون كذاب فوافق
الاثنين على الفكرة
وبالفعل طلب علوان ورقه وقلم من الحاضرين والناس طلعولهم فعلا الورقه والقلم وبدأ كل واحد فيهم
يكتب محتويات الشنطه
وبعد ما كل واحد فيهم كتب فى الورقه محتوياتها
طبقها واعطاها الى علوان
ومسك علوان الوراقتين وقال لموده افتحى الشنطه
وبالفعل فتحت موده الشنطه وطلعت منها حاجتين
الحاجه الاولى مبلغ من المال وقدره الف ونص ١٥٠٠
والحاجه الثانيه ....كارت طبيب اسمه فوزى
وجاءت لحظه كشف الحقيقه وكانت المفاجأة هى
إن علوان لما فتح ورقه موده وجد فيها انها كاتبه
الشنطه بها مبلغ مالى ١٥٠٠ ج فقط ومجبتش سيرة كارت الدكتور فوزى
ولما فتح ورقه رضا وجد فيها أنه كاتب
الشنطه فيها ١٣٠٠ جنيه تقريباوكارت طبيب اسمه فوزى
موده ....عرفت انك كداب الفلوس ١٥٠٠ بالظبط
تبقى شنطتى
رضا ....انتى إلى حراميه لانى قلت ١٣٠٠ تقريبا وكارت
الدكتور فوزى يبقى أنا صاحب الشنطه
علوان ....ايه الشنطه دى معفرته الدنيا ولا منها باين انها شنطه حريمى ولا باين انها شنطه رجالى للاسف
الشنطه بيشلها الاثنين رجاله وستات وفيها سر ولغز
موده ورضا.... قول حكمك ياحاج علوان الشنطة تبقي بتاعت مين
وبعد تفكير عميق من الحاج علوان وحكم وقال
علوان .....الشنطه تبقي شنطه رضا علشان قال
تقريبا وجاب سيرة الكارت الدكتور فوزى تبقي شنطته
رضا ....ظهر الحق
موده .....مش بقول انكم نصابين سوا أنا قلت على الفلوس
الموجوده فى الشنطه تبقي بتاعتى أنا ومجبتش سيرة الكارت لانى قلت مش ذات اهميه
لانى قلت المهم الفلوس وكمان أنا بتعالج عند الدكتور
فوزى
علوان ....اه كلامك منطقى والشنطه بتاعتك فعلا
موده ....اخيرا ظهر الحق
رضا ....انت بوشين ياحاج علوان أنا قلت المبلغ تقريبا لانى
حاسبت الجرسون ومعرفش الفلوس كام وقلت سيرة
الكارت وهى مقلتش أن الشنطه فيها كارت مش مهم عدد الفلوس المهم دليل الجوهرى كارت دكتور فوزى معقوله هتبقيى صدفه احنا الاثنين شايلن كارت لنفس الدكتور
اناقلت
الحاجه الى تميز الشنطه يبقى الشنطه بتاعتى أنا
علوان ....انا احترت بينكم جننتونى مش معقول
الى بيحصل ده صدفه اكيد فى سر جو الشنطه دى مش
مستريحلها خالص معقول انتم الاثنين عارفين محتويات الشنطه كلها
موده ....الشنطه فى ايدى ودى شنطتى أنا وانا ماشيه
رضا ....لا تمشي فين على جثتى دى شنطتى أنا وفلوسي
ومش معايا غيرهم امال هحاسب الفندق منين
موده ....وانا مالى مشكلتك وحلها وانا مش معايا غير الفلوس
دى وعليا فلوس للفندق برضوا وحساب لازم اسدده
علوان ....انتى لو شنطتك الكارت بيعمل معاكى ايه
موده ....علشان ده كارت الدكتور إلى بيعالجنى وادهولى بنفسه
علوان ...وانت يارضا لو شنطتك الكارت بيعمل معاك ايه
رضا .... علشان ده كارت الدكتور إلى بيعالجنى وادهولى بنفسه
علوان ....تمام الفيصل بقي هو الدكتور نرحلوا الصبح
ويشوفكم سوا ويقول من فيكم بيتعالج عنده ومين اداله الكارت وبكده الموضوع انحل وهنعرف من فيكم
الحرامى والنصاب ومين صاحب الشنطه الحقيقى
موده ورضا ....موافقين
علوان ....طب هاتى الشنطه اخليها معايا امانه
لبكره الصبح وبعدين نروح لدكتور ويفصل بنكم
موده .....اه يعنى عملت الحوار ده كله علشان نوصل
انك تاخد منى الشنطه لا يابابا العبوا غيرها
الشنطه مش هسبها من ايدى لو فيها موتى
رضا .....انتى بجحه بجاحه بتجادلى فى الباطل
علوان ....أنا عايز افهم هى وصلت الشنطه فى اديها ازاى
وانت بتقول شنطتك
رضا هقولك ....بس تصلوا على النبي
صلوا على النبي بقلم محمود النجار
رضا ....أنا كنت قاعد فى الكافيه بتاع الفندق
وطلبت اشرب برتقال وهى جت قاعدت بجوار ى
واكيد لما طلعت الفلوس كلها من الشنطه وقعدت
أعدها علشان احاسب الجرسون كانت بصالى وانا بعدهم
ولما قفلت الشنطه بعد ما رجعت الفلوس
السسته بتاعت الشنطه علقت فبشدها بقوه وقعت من ايدى وهى
قاعده بتبص بتراقب إلى بيحصل واكيد عدت معايا الفلوس وعلشان كده عرفت عددهم فلما وقعت الشنطه
وطت قبل منى ونتشت الشنطه وقامت تجرى عقشتها
موده ....يالهوى على الكدب ياراجل انا ذات نفسي
صدقت دا انت حرامى محترف
علوان ....امال ايه الحقيقى ياموده
موده ...أنا فعلا كنت بدور على مكان اقعد فيه
كل الكافيه مليان مفيش غير مكان جنبه فاضى
جيت قاعدت فيه بجواره وطلعت الفلوس كنت
بعدهم كان معايا ١٥٥٠جنيه أعطيت الجرسون ٥٠جنيه
ورجعت الفلوس وبعديها لقيته بيفتح الشنطه بيمد
أيده على الفلوس
روحت رميه أيده وماسكه الشنطه فى حضنى
فقام مزعق وهلل علشان مودهوش القسم واتهمه بسرقه شنطتى اسلوب جديد فى السرقه غلوش وهلل علشان يدارى على السرقة
وحصل إلى انت شفته
علوان ....برضوا مش هتنحل الا لما الدكتور يفصل
بينكم بسي هااتى الشنطه معايا أو اختارى حد يشلها
بلاش أنا
موده ....لا يمكن اسيب الشنطه من ايدى لا حد ولا سبت
مايمكن إلى اختاره ده يطلع معاكم أو يطمع فى الشنطه وياخدها ويجرى
علوان .....هحلهالكم يخربيت الساعه إلى
جابتنى فى الفندق ده
علشان أوقف بينكم وتنشفوا ريقى كده
موده ورضا ....حل ايه تانى
علوان .....خلى الشنطه معاكى بس هتحطيها فى
الدولاب بدرج ليه مفتاح وتعطى المفتاح
لرضا يفضل معاه وبعدين يجى الصبح يفتح
وا تطلعوا على الدكتور يفصل بينكم
وبالفعل ... طلعوا غرفه موده ووضعوا الشنطه
فى درج بدولابها وقفلوا على الشنطه وأخذ رضا
المفتاح وكل واحد راح على غرفته وفى الصباح
استيقظ علوان على صوت صريخ رضا
الحقونى الحقنى ياحاج علوان
مودة .......
رواية نصابة فى جوازة رسمية
(الفصل الثاني)
بقلم محمود النجار
بعد ماحصلت مشكله على الشنطه بين موده ورضا وقال علوان فكره ان كل واحد فيهم يكتب محتوايات الشنطه وطلع الشنطه فيها ١٥٠٠ج وكارت طبيب اسمه فوزى و موده قالت على المبلغ مظبوط ومجبتش سيرة الكارت ورضا قال المبلغ غلط بس جاب سيرة الكارت صح واقترح علوان أن الشنطه توضع في الدولاب وينقفل عليها ورضا ياخد المفتاح وفى الصباح يذهبون إلى الدكتور وهو هيفصل بينهم ويقول هو أعطى الكارت لمين فهم وهنعرف مين الحرامى والنصاب فيهم و بالفعل تم وضع الشنطه وفى صباح استيقظ علوان على صوت رضا وهو بيقول
الحقنى ياحاج علوان الحقونى ياناس الحقنى ياحاج علوان
علون ....مالك ياستاذ رضا
رضا ....موده
علوان ....مالها
رضا ...موده سرقه الشنطه بالفلوس
وهربت والفندق عايز منى الف جنيه حسابه وهى سرقت فلوسي
علوان .... استهدى بالله وقلى حصل ايه بالظبط
رضا ...إلى حصل انى صحيت الصبح وروحت اخبط على الغرفه
فتح لى شخص اخر ولما سالته
فين موده
قالى موده مين انا لسه واصل وحاجز الغرفه دى وعندك مسؤولين الرسبشن تحت اسالهم
وأجريت على الموظفين وواحد منهم قالى هى حاسبت لنفسها ومشيت
علوان ...طب تعالى معايا ننزل افهم
انت منهار واكيد فهمت غلط أوفى
شيء تعالى معايا
.....وبالفعل نزل علوان مع رضا إلى موظف استقبال وسألوه ايه الى حصل مع موده
موظف الاستقبال .. ..
الى حصل أن موده نزلت بالليل وقالت هى حطت شنطتها فى الدولاب وقفلت بالمفتاح والمفتاح
ضاع منها فى الغرفه وعايزه النسخه الاحتياطيه علشان تحاسب وتمشيى وفلوسها جوه الدولاب
فاتصلنا بمدير الفندق ووضحناله الأمر ووافق نفتحلها الدولاب
ونطلع ليها الشنطه علشان تحاسبنا
وبالفعل جبنا النسخه وفتحنا الدولاب وطلع فعلا فيه شنطه
وفتحتها ودفعت الحساب ومشيت
امس وجه زبون جديد استاجر الغرفه وده إلى حصل وعايزين
الف جنيه حساب الاستاذ رضا
رضا ....اجيب منين ماسرقتنى النصابة ودبستنى معاكم وانت غلطانين المفروض ماكنتم تفتحو لها الدولاب لاانكم المفروض عارفين إلى حصل بينى وبينها
موظف الاستقبال.... والله رجعنا إلى مدير الفندق ووافق على فتح الدولاب علشان نطلع شنطتها وتحاسبنا
علوان ....خلاص هدى نفسك أنا هدفعلك الالف جنيه
رضا ...وانت زنبك ايه
.علوان ...علشان انا إلى صاحب الفكرة وانا الى قترحت الاقتراح ده
البنت مخها زرى ونصابه بدرجه خبيرة البنت قرطست اتنين رجاله
وسرقه الشنطه وهربت
رضا ... انت مكنتش مصدقنى وانت السبب فى الى حصل
علوان ...خير متزعلش نفسك بس نفس اعرف ازاى قدرة تعرف المبلغ إلى جوه الشنطه بالظبط وانت صاحب الشنطه مقلتش على فلوسك بالظبط
رضا ....أمر الله بس مش هسكت وهبلغ عنها ولازم تيجى تشهد معايا
علوان ....هشهد معاك بس تعالى اجبلك من فوق الفلوس علشان تحاسب ونشرب كوبيتين شاى ونفطر وبعدين نروح القسم نبلغ
وبالفعل طلع علوان ورضا الغرفه وطلب فطار وشاى وسأل رضا عن شغل الحاج علوان
علوان ....أنا بشتغل تاجر مفروشات وبعت بيعه كويسه وربنا كرمنى بثلاثين الف جنيه مكسب وانا خلصت شغلى
وهحاسب واروح اليوم على بلدى وانت شغال ايه يارضا
رضا ....شغال موظف فى السكه حديد وكنت نازل اغسل كلى لانى تعبان وظروفى صعبه خالص وأهل الخير ادونى الفين جنيه
نزلت اكشف عند الدكتور واعطانى الكارت علشان يسهلولى الإجراءات وانا رايح اغسل الكلى ومراتى تعبانه اولادى بيشتغلوا بيسرحوا فى الاشارات علشان يساعدونى فى اكل العيش وتيجى النصابه تسرق فلوس علاجى ربنا مش يبارك لها فيهم
علوان ....الف سلامه عليك معلش أنا هعوضك انت قطعت قلبي عليك
مظهرك مش يدى الكلام ده انا بحسبك مقتدر أنا هقوم اجبلك خمسة آلاف جنيه حاجه بسيطه كده وكمان هدفعلك الالف جنيه حسابك
رضا ... أن معرفش اشكرك ازاى انت ملاك ياحاج علوان
علوان ...متقولش كده الناس لبعضيها
وقام جبله الفلوس ورجع شرب الشاى وبعد ما أخذ رضا الفلوس منه
حس الحاج علوان بدوخه واثار تخدير ونام الحاج علوان
وفى المساء استيقظ علوان وجد نفسه نايم على الكرسي وقام يطمن على فلوسه وكانت المفاجأة
وهى أن فلوسه كلها انسرقت بالكامل ٣٠ الف جنيه وصرخ علوان الحقونى ياخلق الحقونى أنا انسرقت ونزل على موظفين الرسبشن أنا انسرقت اتصلوا بالبوليس شقايا وتعبي راحوا قونطه
وبالفعل اتصلوا على القسم ووصل راشد رئيس المباحث
ايه الى انسرق منك
علوان ...٣٠ الف جنيه
راشد ...ومين اللي سرقك
علوان ....واحد اسمه رضا
راشد ....وعرفت ازاى
علوان ....كان معايا ودخلت اجبله خمسةالاف جنيه مساعده ليه بعد ما قلى ظروفه السوده وانخدعت فيه
راشد ....وتعطيلوا المبلغ ده ليه
ع....علشان كنت حاسس بتأنيب الضمير
راشد .....ازاى
ع....علشان كنت السبب أن فيه واحده تسرقه فهو انتقم منى وسرقنى بعد ما امنت له حطلى مخدر فى الشاى ونمت وصحيت لقيت الفلوس بتاعتى مسروقه
راشد ....الست إلى سرقت رضا اسمها ايه
ع ....اسمها موده
راشد ....شابه حلوة وصغيرة بتاعت ٢٥ سنه تقريبا
علوان .. انت تعرفها
راشد ....زعقت مع واحد وقالت الشنطه بتاعتى والى بتخانقه بيقولى بتاعتى وترفض تفتح الشنطه علشان متعرفوش ايه الى فيها
علوان .... ايوه بالظبط كده ياباشا هو انت عارفها ولا ايه
راشد ....اه اعرفها مش خلتك تحس انك عبقرى واقترحت أن كل واحد يكتب محتوايات الشنطه فى ورقه وتفتحوا الشنطة وتشوفو ا فيها ١٥٠٠ ج وكارت د فوزى وتطلع المبلغ
صح والى بتخانقه غلط وتقترح موضوع الدولاب والمفتاح
علوان ....ينهار ابيض هم نصابين وعاملين فلم ده كله علشان يسرقونى أنا ولاد الحراميه
مين يطولى رقبتهم وانا اخلص عليهم دانا طلعت اكبر مغفل فى البلد
راشد ....لا متقلقش انت خامس واحد الشهر ده يعملوا عليه اللعبه دى وبندور عليها ومش عارفين نمسكها لأنها زكيه جدا وجريئة وقلبها ميت رغم حداثة سنها
متخافش ياحاج علوان سيب رقم تلفونك اول مانقبض عليها هنكلمك علشان تاخد حقك
علوان .. حاضر ياباشا بس انا مش معايا فلوس ادفع الحساب الفندق
راشد .... هههههههههههه لامتخفش النصابه دفعتلك الفلوس وكمان سيبالك فلوس أجرة القطار علشان تروح مستور رغم أنها نصابه بس عندها شويه رحمه انزل هتلاقى الحساب خالص
وبالفعل نزل علوان لقى الحساب خالص وكمان سيباله أجرة القطار كمان
واتصل راشد على العميد ناصر
الو سياده العميد
ناصر ... ايوه ياراشد مين السارق فى القضيه بتاعة اليوم
راشد ....مش هتصدق سياده العميد
ناصر....معقول البت النصابه إلى اسمها موده
راشد ... ايوه نفس الطريقه بتاعت النصب بتاعتها بتاعت كل مرة
ناصر ....لازم تجبلى البنت دى ياراشد المهمه الرسميه متوقفه على البنت دى محدش يصلح ليها الا هى
راشد ..... الداخلية فيها مليون ظابطه تقدر تنفذ المهمه الرسميه دى مش لازم النصابه دى
ناصر ....موده نصابه ذكيه وتتميز بجرائتها وحسن تصرفها ولن يصلح إلا هى والوزير بنفسه طالب تنفيذ المهمه بموده وكمان وزارة الخارجيه طالبنها بالاسم
راشد ....مش مستوعب ازاى وزارتين الداخلية والخارجية عايزين البنت دى بذات ياخوفى ياسياده العميد تنصب على الدوله كلها
ناصر .... هههههههههههه متخفش شد حيلك انت بس وحاول تقبض عليها
راشد ....طب لو قبضنا عليها ده عليها قضايا نصب هتسجنها بقيه حياتها
ناصر.....هاتها انت بس واحنا هنسوى كل القضايا
راشد ....اوامر معاليك فيه معلومه أن عسكرى مرور شافها فى منطقه وهروح اتحرى بنفسي
ناصر ..... بالتوفيق مع السلامه
وقفل السكه واتجه راشد يعمل تحرياته حول المنطقه
وبعد ماروحت موده إلى بيتها وارتاحت سمعت فى المساء باب بيتها بيخبط فقامت تفتح وتشوف مين بيخبط
وكانت المفاجأة وهى انها بعد ما فتحت الباب وجدت