رواية عشق الاسد
______بقلم أمل نبيل ______
____الفصل الخامس عشر ____
❤🥀❤🥀❤🥀❤🥀❤🥀❤🥀❤🥀❤
البنات خلصو الجامعة وكانو واقفين عند البوابة.
ملاك:انا هروح لجاسر لو هتيجى معايا يا سيلين.
سيلين:تمام هاجى.
لورين: طيب انا همشى سلام.
لورين جات تمشى لقت عربية وقفت قدامهم ونزل منها شابين ضخام بسلاح وأخدو عشق وركبوها العربية .
عشق بصراخ :اوعو انتو بتعملو إيه .
البنات صوتوا وحاولوا انهم يشدو عشق بس للأسف ملحقوش لان العربية كانت مشيت بسرعة .
ملاك:انا هتصل على اسد.
طلعت ملاك تليفونها ولسه هتتصل على اسد لقت عشق واقفة قدامها وقالت مافيش داعى تتصلى على حد.
ماريا:عشق هوا إيه إللى حصل وهوا خدوكى ليه و ازاى رجعتى .
عشق:هما كانو عايزين حد تانى وللأسف خادونى أنا ولما عرفو ان مش أنا إللى عايزينها سابونى.
ماريهان: ممكن دول الناس اللى كانو عايزين سيلين.
سيلين: ناس مين.
ماريهان: فى ناس إيجت إمبارح وكانو عايزينك ولما ملاقوكيش واحد منهم قال خلينا نروح لكمال بيه.
سيلين:بصدمة كمال.
ماريهان: ايوة.
عشق:انتو بتتكلمو على إيه أنا عايزة أمشى.
ماريا: طيب هتروحى الشغل ولا.
عشق:لاء أنا مش هروح الشغل تانى.
لورين:طيب همشى أنا.
ومشيت.
ملاك:هتيجى معايا يا سيلين.
سيلين:لاء انا هروح لسليم الاول وبعد كده هروح لجاسر.
ملاك:تمام نمشى سوا كده كده فى نفس الطريق.
سيلين:يلا.
ماريهان: طيب يلا يا عشق.
عشق:يلا يا ماريا.
ماريهان:انا ماريهان يا عشق مش ماريا.
عشق :اه معلش أنا بس من الموقف اللى كنت فيه وإنى كنت هتخطف فهتلاقينى متلغبطة شوية.
ماريهان: طيب يلا.
مشيت ماريهان وعشق وماريا كانت حاسه ان فى حاجة غريبة فى عشق وان هيا مش عشق اللى تعرفها.
_________
سيلين راحت لسليم وخبطت على الباب وسليم كان نايم وصحى وراح فتح لها.
سليم بنوم:خوشى ياختى.
سيلين دخلت وقعدت على الكنبة.
سليم: ايه اللى جابك بدرى كده.
سيلين: بدرى مات من زمان انت اللى ناموسيتك كحلى الساعة ٢ونص.
سليم :معقولة انا نمت ده كله.
سيلين: المهم انا ...
سليم مقاطعا لها:اكيد جاية علشان نروح للى اسمه جاسر صح .
سيلين: انا كده كده هروحله بس كنت جايه اقولك ان كامل بعت ناس امبارح علشان تدور عليا.
سليم ما تقلقش كلها تلت ايام بالكتير وتخلصى منه.
سيلين: تمام يا حبيبي.
سليم: هروح أطلب أكل علشان نتغدى سوا.
سيلين: وتطلب اكل ليه ما انا هعمل اكل.
سليم بشك:هتعرفى تعملى أكل.
سيلين: يا بنى أنا بعون الله أحسن واحده بتعمل أكل.
سليم: قصدك أحسن واحده بتحرق الأكل صح.
سيلين قامت من مكانها وزقت سليم براحة.
سيلين:وسع كده بس يا برنس وقولى المطبخ فين وانا هبهرك.
سليم: امشى فى وشك كده وإدخلى يمين.
سيلين: تمام يا شبح أنا بقا هبهرك .
سليم: ربنا يستر.
سيلين دخلت المطبخ وإبتدت تدور على أى حاجة تعملها وفى الأخر قررت إنها تعمل مكرونة وبانيه وبعد ما خلصت حطت الأكل على السفرة ونادت على سليم.
سليم: لاء طلعتى ناصحة يابت وانا اللى كنت مفكرك بت فاشلة.
نظرت له بقرف .
سيلين:مش هرد عليك.
سليم:احسن علشان صوتك وحش.
وبدأ فى تناول الأكل اللى عملته سيلين.
الأكل عجب سليم اوى بس قال لسيلين عكس كده.
سليم :المكرونة الملح بتاعها زيادة.
سيلين: بكره نشوف اللى هتجبها ياخويا أكلها هيبقا عامل ازاى.
سليم:ومين قالك انى هخليها تطبخ اساسا.
سيلين: مش هرد عليك وخلص يلا اكل علشان تيجى معايا لجاسر.
وبعد ما خلصوا أكل سليم غير هدومه وأخد سيلين ونزلوا ركبوا العربية وراحو عند جاسر.
_________
ماريهان وعشق رجعو البيت وماريهان لاحظت ان عشق متغيرة كإن فيها حاجة ماريهان راحت لعشق تتكلم معاها وتعرف مالها.
ماريهان: مالك يا عشق فى إيه.
عشق:مافيش حاجه.
ماريهان: متأكده.
عشق:اه متأكده لو كان في حاجة كنت هقولك.
ماريهان: بس انا شايفة غير كده.
عشق:شوفى اللى تشوفيه عن إذنك اصل إفتكرت حاجة مهمه اوى لازم أعملها.
عشق سابت ماريهان ودخلت الاوضة اللى ماريهان قالتلها عليها اول ما رجعو لان عشق كانت داخله اوضة ماريا وقالت لماريهان انها مكانتشى مركزة.
ماريهان كانت مستغربة اوى طريقة كلام عشق وتصرفاها وإنها إتغيرت اوى بعد اللى حصل الصبح.
_________
ملاك وصلت عند جاسر لاقت خالتها ومامتها قاعدين مع بعض.
ملاك:ايه ده انتى هنا يا ماما.
سمر:اه يا حبيبتى جيت أطمن على جاسر.
ملاك :وهوا عامل ايه دلوقتى.
سامية: بقا أحسن.
ملاك: طيب انا هطلع اشوفه.
سامية: ماشى.
وطلعت ملاك لجاسر ودخلت الاوضة من غير ما تخبط.
ملاك:جاسورة واحشنى يا راجل.
جاسر: انتى إيه إللى دخلك من غير ما تخبطى يا بت انتى.
ملاك:مش عيب لما تقول لبنت خالتك حبيبتك إيه إللى دخلك بردو.
جاسر:فين بنت خالتى دى.
ملاك:انا اهو اومال شايفنى اراجوز قدامك.
جاسر: سبحان الله أنا طول الوقت كنت فاكرك ابن خالتى مش بنت خالتى.
ملاك:كان نفسى أضحك والله.
جاسر: بلاش تضحكى أحسن تبلعينا وانتى بتضحكى.
ملاك:تصدق ان أنا غلطانه انى جيت أطمن عليك يا رخم.
جاسر: كتر الف خيرك نردهالك فى الأفراح إن شاء الله.
ملاك : مش عايزة منك حاجة علشان إنت بارد ورخم ووحش وكل حاجة.
جاسر:طيب إهدى يا حبيبتى شوية أحسن يطقلك عرق ولا حاجة.
ملاك:نينينينينيني.
جاسر:غورى يا بت من هنا.
ملاك:كنت قاعدة فى بيتك وانا معرفش.
جاسر:قاعدة في اوضتى.
ملاك:كنت كاتبها بإسمك وانا معرفش.
جاسر:ابو برودك عيلة برده اوى وربنا.
ملاك:ميرسى ميرسى.
جاسر:بقولكإيه هيا سيلين مسألتش عليا.
ملاك:مش هقولك.
جاسر:بطلى برود بقا وقولى.
ملاك:لاء مش هقولك.
جاسر:ماتخلصى يا باردة وقولى.
ملاك:طيب هاتجيبلى شوكولاته من اللى كنت بتجبهالى.
جاسر:ماشى هجيبلك.
ملاك:وعد.
جاسر:وعد.
ملاك:بصراحة..بصراحة كده سيلين...
جاسر: ما تخلصى يا بت انتى هتنقطينى كلمة بكلمة.
ملاك:هتخلينى أحلف وماقولش حاجة.
جاسر:لاء يا حبيبتى إتفضلى وانا اسف وحقك عليا.
ملاك:ايوة كده إتظبط.
جاسر:طيب ينفع تقولى يا حبيبتى.
ملاك:حبك برص وعشرة خرص واتنين عمى وتلاته طرش.
جاسر: ينعل ابو شكلك خلاص مش عايز اعرف.
ملاك:ليه كده يابنى ده أنا كنت هقولك.
جاسر:الله يكون فى عونك يا خالتى مش عارف مستحملة البلوة دى ازاى.
ملاك:ده أنا قمر وكيوت وعسل ياض.
جاسر:قصدك تقولى بلطجية وبصل ياض صح.
ملاك:ابو شكلك.
امام فلة جاسر وقف سليم العربية ونزل هوا وسيلين وسألو البواب في حد موجود جوه ولا لاء.
البواب:عايز مين يا بيه.
سليم: هوا جاسر موجود.
البواب:موجود يا بيه مين حضرتك.
سليم:سليم الحسينى.
البواب:ثانية اديهم خبر بوجودك.
البواب دخل.
البواب: يا هانم فى واحد إسمه سليم بيه الحسينى ومعاه بنت وعايزيين يقابلو جاسر بيه .
سامية: مين دول.
سمر:ممكن يكون حد من زمايله او حاجة.
سامية :دخلهم يا عمى صالح.
صالح:ماشى يا هانم.
طلع صالح ودخلهم وسيلين كانت مبهورة بجمال الفيلا لان كانت مصممة بطريقة جميلة جدا.
سمر اول ما شافت سليم فرحت جدا.
سمر:ايه ده مش معقول سليم.
سليم حاول رسم الإبتسامة على وشه.
سليم: حضرتك عاملة ايه.
سمر:كويسة بس إيه حضرتك دى وبعدين مبقتش تيجى ليه.
سليم:مشاغل بقا.
سمر:ماشى يا حبيبي ابقا تعالى،ازيك يا سيلين يا حبيبتى أخبارك إيه.
سيلين بإبتسامة: كويسة يا طنط انتى ايه اخبارك.
سمر:كويسة يا قمر.
سيلين:ازيك يا طنط سامية.
سامية: كويسة يا قمر بس انتى مين.
سيلين: أنا صاحبة ملاك وكنت جايه علشان أطمن على جاسر وأشكره.
سامية:تشكريه على إيه.
سيلين:أشكره على الموقف اللى عمله إمبارح معايا هوا موجود.
سامية:اه يا حبيبتى،ثانية بس هبعت حد معاكى يوصلك.
ونادت سامية على الخدامة .
سامية :يا عبير يا عبير.
عبير إيجت بسرعة.
عبير:نعم يا هانم.
سامية:معلش وصليهم عند جاسر.
عبير:حاضر يا هانم اتفضلو معايا يا بيه انت والخاتم.
عبير وصلتهم وسليم خبط على الباب.
جاسر من داخل الأوضة :إدخل.
سليم وسيلين دخلو وإتصدمو من منظر ملاك لان جاسر كان ماسك ملاك من شعرها وبيضربها وملاك كانت بتعض إيده.
*زى اى إتنين ولاد خالات متستغربوش😂😂😂*
ملاك: يلا سيبنى بقا خلاص هيبتى هتروح قدام الناس.
جاسر: وهيا فين الهيبة دى بقا.
ملاك:سيبنى بقا.
جاسر: ماشى هسيبك دلوقتي بس.
سيلين كانت واقفة بتضحك على منظرهم.
ملاك:بت متضحكيش.
سيلين: حاضر اهو خلاص.
وضحكت تانى.
ملاك:ابو شكلك.
وبعدين خدت بالها من سليم فعملت شعرها وظبطت هدومها بسرعة.
ملاك: اهلا مين ده يا سيلين.
سيلين بضحك:سليم اخويا.
ملاك:طيب ماقلتيش ليه ان اخوكى مز كده وشبه الأجانب.
سليم:ماتحاوليش علشان مرتبط.
ملاك:يا خسارة مز بس مرتبط يلا ماهو الحلو مابيكملش.
سيلين: يخربيتك لو محمد سمعك هيفرمك .
ملاك:لاء همشى أنا بقا علشان متفرمش.
سيلين:احسن بردو طرقينا.
ملاك: طيب والله لنا قاعدة على قلبكم .
سيلين: باردة.
وبعدين بصت على جاسر.
سيلين: ازيك يا جاسر يا حبيبي اخبارك ايه.
جاسر بإقتضاب:كويس.
سليم:نعم يا روح امك مش قلنا مافيش الكلام ده.
سيلين: ريح بس انت دلوقتى،مالك يا جاسر بترد كده ليه.
جاسر: ما انا برد عادى اهو.
سيلين: لاء مش عادى طريقتك فى الكلام مختلفة عن كل مره.
جاسر: واحده سابتنى فى المتشفى لوحدى ومفكرتش حتى أنها تسأل تطمن عليا عيزانى أتكلم معاها ازاى يعنى.
سيلين: والله سليم اخويا هوا اللى أخدنى غصب عنى.
ملاك:فعلا يا سليم تسنيم قالتلى كده وقالتلى ان سيلين كانت عماله تعيط والمز الأجنبى ده أخدها غصب عنها.
جاسر: حتى لو كان المفروض تتصل عليا تطمن.
سيلين: أنا اسفة بقا خلاص.
جاسر:اعمل ايه بأسفك ده يا سيلين.
سليم: هوا إنت مالك ياض بتتكلم معاها كده ليه.
ملاك:الله عليك يا مز انت ايوة كده الواد ده عايز اللى يربيه.
جاسر:واطية يا بنت خالتى.
ملاك:حبيبى 😂 .
جاسر حضن سيلين .
جاسر:خلاص يا حبيبتى متزعليش انا بس كنت زعلان انك سبتينى ومشيتى.
سيلين: كان غصب عنى والله.
سليم: اجبلكم شجرة واتنين لمون ياختى انتى وهوا اوعى ياض كده وشيل إيدك من عليها.
جاسر لسيلين:انتى ايه اللى خلاكى تجيبى الواد البارد ده معاكى.
سيلين: لاء يا بابا انت تغلط في اى حد الا سليم حبيب قلبى.
جاسر:حبيب إيه ياروح امك.
سليم: عندك إعتراض ولا حاجة.
ملاك:طيب والنبى ماينفعش اكون أنا حبيبة قلبك يا مز انت.
جاسر:ملاك يا حبيبتى اتلمى انتى واحده مخطوبة.
ملاك :ما انا ممكن أفركش الخطوبة عادى.
سيلين:وهتسيبى حبيب العمر كده عادى.
ملاك:لاء طبعا ده أنا اموت.
جاسر يبقا تتلمى بقا.
سليم:طيب يا سيلين انتى إطمنتى عليه يلا بينا نمشى بقا.
سيلين:شوية بس والنبى.
سليم:لاء يلا .
سيلين باست جاسر من خده.
سيلين:همشى بقا يا حبيبى وهبقا أتصل أطمن عليك.
جاسر:ماشى يا روحى.
وتمشى سيلين وسليم.
ملاك:ايه مسلسل العشق الممنوع ده .
جاسر:غورى يا باردة من هنا.
ملاك :لاب لاب لابلاب.
جاسر حدف ملاك بالمخده.
جاسر:ينعل ابو شكلك يا حيوانة.
نسيبهم بقا يشتمو ويضربو فى بعض.
ونروح مكان تانى اول مرة نروحه.
فى قبو صغير كانت تصرخ بهم ليخرجوها ولكن لم يبالى أحد بصراخها.
وبعد فترة فتح باب القبو ودخل تيم وهو ينظر لتلك التى امامه ببرود تام.
تيم:مالك عامله دوشة ليه يا بت إنتى.
....:امممم اممم .
أشار تيم لأحد من حراسه بأن ينزع الشريط اللاصق عن فم تلك الفتاة وجلس على كرسى.
تحرك الحارس وفعل ما قاله تيم.
الفتاة بتعب واضح:ابوس إيدك سيبنى وانا همشى والله ومش هتشوفنى تانى.
تيم:ما إحنا سيبناكى مره ورجعتى تانى وعملتى مشاكل بينا فكرك هنسيبك ونسمى عليكى فى التانية.
الفتاة: والله هبعد ومش هتشوفونى تانى هختفى من حياتكم خالص.
تيم:يااااه ده انتى خيالك واسع اوى قال نسيبك قال.
الفتاة:والله ما هتدخل فى حياتكم تانى ولو عايزينى اروح واقول لسليم الحقيقة انا جاهزة .
تيم بضحك: 😂😂😂تبقى غبية لو فكرتى تعملى كده فكرك إنه لما يعرف إنك سلمى سعيد العامرى هيرحمك.
سلمى:حرام عليك .
تيم: بس مش عايز دوشة راسى مصدعة .
سلمى: ارحمونى حرام عليكم أنا بس كنت عايزة أوصل لأسد وللأسف ملاقتش غير سليم هوا الوحيد اللي اوصل لأسد عن طريقه.
تيم:كل ده ميخصنيش سلام وابقى فكرى في اللى أسد قالك عليه.
سلمى: أنا لا يمكن انى أبيع ابويا.
تيم قام وقف .
تيم:براحتك بقا سلام.
وطلع من القبو وامر حراسه انهم يخلو بالهم منها كويس ومشى.
_________
فى المساء
كانت ماريا وماريهان وسيلين قاعدين في الصالة بيضحكو مع بعض وعشق كانت فى الأوضة قاعدة لوحدها .
ماريا: أنا مش عارفة ليه عشق متغيرة كده.
ماريهان:انا حاولت انى أتكلم معاها بس معرفتش حاجة.
سيلين:هوا فى حد فيكم زعلها في حاجة.
ماريا: لاء.
سيلين :اومال مالها .
ماريا:معرفش فى حاجة غريبة.
ماريهان :حد فيكم يدخل يناديها نشوف مالها او على الأقل تقعد معانا بدل ما هيا قاعدة لوحدها كده.
ماريا: أنا هقوم اناديها.
سيلين: ماشى.
ماريا راحت تنادى تنادى عشق وفتحت الباب من غير ما تخبط زى ما هيا متعودة .
عشق:انتى ازاى تدخلى كده من غير ما تخبطى .
ماريا:فى إيه يا عشق ما انا متعودة ادخل من غير ما اخبط ايه الجديد يعنى.
عشق:بعد كده تخبطى ماشى.
ماريا بزعل:ماشى يا عشق عن إذنك.
عشق:انتى كنتى عايزة إيه.
ماريا:كنا عايزينك تقعدى معانا بدل ما انتى قاعدة لوحدك.
عشق:معلش حابه انى أقعد لوحدى شوية.
ماريا:اللى انتى شيفاه.
ماريا مشيت وهيا زعلانه من طريقة عشق معاها.
ماريهان: إيده فين عشق.
ماريا:عايزة تقعد لوحدها شوية.
سيلين:عشق فيها حاجة غريبة.
ماريا:ما ده إللى بنقوله من الصبح يا بنت الذكية.
ماريهان: طيب سيبوها دلوقتى وقومو نامو.
ماريا: احلى حاجة ان مافيش جامعة بكره وهنام براحتى.
ماريهان بضحك: لاء يا قمر ماتنسيش ان فى ترويق وغسيل.
ماريا: ليه بتصدمينى كده .
سيلين: طيب هروح انام أنا بقا.
ماريهان: اعملى حسابك هتصحى بدرى.
ماريا وسيلين: انشاء الله تصبحوا على خير.
________
أسد كان متعصب جدا وفى نفس الوقت خايف على عشق لإن دى اول مرة تليفونها يكون مقفول الفترة دى كلها .
أسد: يوووه بقا يا ترى إيه إللى حصل علشان مترديش عليا ياعشق.
عزت:اهدى يا بنى.
أسد: اهدى ازاى بس انا خايف انه يكون حصلها حاجة.
عزت:ان شاء الله هتكون بخير بس قوم انت نام انت تعبت جامد النهاردة.
أسد: هنام ازاى بس من غير ما اطمن عليها.
عزت: قوم نام وإحنا كده كده راجعين بكره وهتطمن عليها.
أسد: ماشى تصبح على خير.
عزت: وانت من اهل الخير يا حبيبى روح ارتاح.
اسد:ماشى عن إذنك.
_________
تانى يوم ماريهان صحيت وقامت إتوضت وصلت وراحت تصحى البنات.
ماريا وسيلين طلعو من الأوض وعشق كانت لسه نايمة.
ماريهان: حد يروح يصحى عشق.
ماريا: حد فيكم يروح أنا مش هروح.
سيلين:أنا هروح.
سيلين راحت تصحى عشق وفضلت تخبط على الباب.
عشق صحيت وفتحت الباب لسيلين.
عشق:إيه .
سيلين:اصحى يما يلا.
عشق :لسه بدرى سيبونى انام.
سيلين:يلا يا ماما النهاردة أجازة يعنى فى ترويق وغسيل وطبيخ يلا يا حبيبتى.
عشق مشيت وراها.
ماريهان: كل واحده هتعمل حاجة تمام.
ماريا:خلصا هعمل ايه.
عشق:كل واحده تعمل ايه فى إيه.
ماريهان: عشق يا حبيبتى هوا مش النهاردة الجمعة ياقمر.
عشق:ايوة.
ماريهان:يبقا النهاردة يوم إيه.
عشق:يوم الجمعة.
ماريهان: يوم التنضيف والترويق ياختى.
سيلين:أنا هغسل الغسيل.
ماريا: وانا هعمل الأكل.
ماريهان: وانا هروق.
عشق:وانا هعمل ايه.
ماريهان:انتى بقا هتنزلى تجيبى اللى ناقص في البيت.
عشق:لاء أنا هروق وروحى انتى.
ماريهان:طيب ماشى أنا هنزل.
ماريهان مدت إيدها علشان تاخد الطرحة تلبسها علشان تنزل ملاقتهاش.
ماريهان: بسم الله الرحمن الرحيم الطرحة كانت هنا راحت فين.
ماريا:دورى عليها يمكن تلاقيها جنبك او واقعة.
ماريهان:لاء انا حطاها هنا.
سيلين بضحك: تلاقى عفريت خدها ولا حاجة .
ماريهان: وهوا العفريت يوم ما ييجى ياخد حاجة هياخد طرحتى.
ماريا:يمكن يكون عفريت متدين ولا حاجة.
سيلين بضحك: معاكى حق.
ماريهان: خلاص لاقتها اهو يا كلاب.
ماريا :العفريت طلع إبن حلال ورجع الطرحة.
ماريهان: وحياة امك يلا بقا يا حلوة انتى وهيا كده كل واحده تعمل اللى قلتلكم عليه.
ماريا: ماشى يلا عشق يا أختى نعمل اللى علينا.
عشق:اممم ماشى يلا.
إبتدت كل واحده تعمل اللى عليها وماريهان نزلت تجيب الحاجات.
___________
لورين بصراخ:يا عمممررررر يا عممممرررر.
عمر:إيه يا بنتى جاموسة بتزعق فى إيه يا نهار اسود إيه إللى انتى عملتيه فى المطبخ ده.
لورين:مش انا اللى عملت كده ده سام ابن أخوك هوا اللى عمل كده.
عمر:الله يخربيتك يا سام يا ابن ام سام.
لورين:دورلى على الواد ده علشان أنا هولع فيه .
عمر:خلاص يما ده حتة مطبخ مش حوار يعنى.
لورين: عمر متعصبنيش.
عمر:طيب خلاص.
عمر طلع من المطبخ وفضل ينادى ويدور على سام لحد ما لقاها مستخبى تحت السرير فى اوضته.
عمر:اطلع يا حبيبي.
سام:بابا مش تخليها تضربنى.
عمر:ماتخافش بس تعالى معايا.
سام :هتضربنى.
عمر بضحك: ما تخافشى يا ضنايا.
لورين إيجت شافتهم وجريت على سام ومسكته من قفاه .
*مسكة المخبرين عارفينها😂😂*
لورين:بقا انا يلا اروق المطبخ ومخلتش ولا خدامه تعمل معايا حاجة وتيجى إنت توسخ الأرض بالدقيق و توسخ نص المواعيين اللى فى المطبخ.
سام:طيب حاسبى إيدك دى كده بس .
لورين:نعم يا روح امك.
سام :انا غلطان اساسا انى فكرت فيكى وقلت يا عينى دى تعبانه في المطبخ وقلت اما أعملك اكل تاكلى وترمى عضمك وقررت انى اعملك بيتزا تيجى فى الاخر تمسكينى المسكة دى.
عمر بضحك: خلاص بقا يا لورين الواد كان عامل عليكى بردو.
لورين:حلو اوى الفيلم الهندى ده ابقا قولى اسمه بعدين وخلينا دلوقتى نشوف الزفت اللى انت هببته فى المطبخ ده.
سام:هروح اعمله بس سبينى الاول.
لورين سابت سام وسام اول ما لورين سابته طلع يجرى.
لورين:خد يلا طيب والله يا ابن روز لربيك من اول وجديد.
عمر :يا بت إتهدى بقا وسيبى المطبخ الخدم هيعملوه.
لورين:ومين قالك انى هعمله تانى اصلا.
عمر:شاطرة المهم عايزك تروحى تغيرى علشان هتيجى معايا خطوبة أسد وبالمره اوريكى البنت اللى هخطبها.
لورين:لولولولولولولولولولى اخيرا هتخطب وتتجوز.
عمر: روحى يا بت يلا وغيرى لسام علشان هاخده معايا.
___________
ملاك:يا ماما هوا أسد فين مش المفروض اننا نروح نجيب الشبكة بتاعته النهاردة.
سمر:مش عارفة يا حبيبتى اتأخروا ليه ابوكى لما كلمنى قلى قدامنا ساعة ونوصل ودلوقتى عدى ساعة ونص ولسه ما وصلوش.
ملاك:يعنى ايه يا مام...
فى هذا الوقت سمعو صوت احتكاك اطارات السيارة في الحديقة.
سمر:اهم وصلو .
أسد وعزت دخلو.
ملاك:ابو الاسود ايه اللى اخركو كده.
اسد:معلش بس الطريق كان زحمه.
ملاك:طيب يلا انا جاهزة وماما جهزت.
أسد:طيب يلا.
ملاك:يلا يا ماما.
سمر: يلا.
وطلعو وركبت ملاك مع اسد فى عربيته وسمر وعزت ركبو مع بعض.
________
ماريا: يلا يا عشق ده كله بتلبسى.
عشق وهى تخرج من الغرفة.
عشق:I'm ready.
ماريهان: مشاء الله إيه القمر ده.
عشق:شكرا.
سيلين:طيب يلا بينا بقا.
عشق:يلا .
وطلعو كلهم من الشقة وقابلتهم سماح.
سماح: ازيك يا عشق ازيك يا ماريا.
عشق:مين.
سماح:ايه ده هوا علشان انتى احلويتى وبقيتى قمر هتعملى نفسك مش عرفانا ولا ايه يا عشق.
عشق:اه معلش يا حبيبتى مش واخده بالى.
ماريا:عن إذنك بقا يا سماح علشان هنتأخر يلا يا بنات.
سماح:اذنك معاكى يا حبيبتى بس انتو رايحين فين كده.
ماريهان:سلام يا سماح.
وينزلوا ويركبو عربية ماريهان.
عشق:هوا انتم ليه ماقلتلهاش ان خطوبتى النهاردة.
ماريا: ايه يا حبيبتى انتى مالك مش دى سماح اللى عنيها تفلق الحجر .
ماريهان:يلا بقا سيبوكو منها النهاردة عندنا خطوبة وعايزين نفرح .
شغلت ماريهان اغانى شعبية وإبتدت البنات ترقص كانت عشق ساكته وكله إستغرب من كده بس واحده واحده إندمجت معاهم وبعد فترة وصلوا عند محل الدهب وكان اسد وملاك وامه وابوه وصحابه وجاسر سامية وتسنيم ورغد ورائد ولورين وسام مستنيينهم.
البنات نزلو من العربية وملاك وتسنيم قربو على عشق وباركولها وسمر قربت من عشق وحضنتها وعشق حست بإحساس غريب اول ما سمر حضنتها وحبت الإحساس ده اوى.
أسد:طيب خلاص بقا يا ماما سيبى البت شوية.
سمر:بت في عينك .
ملاك:هوا مش المفروض ان الحماية تكون بتكره مرات إبنها.
ماريا: اخرسى يا شعلة.
ملاك:لاء امى اشعال ذاتى لا مؤاخذه يا ماما.
سمر:هقول ايه ما انا معرفتش اربى.
ماريا: بصراحة فى دى معاكى حق يا طنط.
سمر :حبيبتى.
ملاك خبطت ماريا فى كتفها.
عمر:جرا إيه يا سكر إنتى هتضربيها وانا واقف.
ملاك:وانت مالك يا قمور.
ماريا:شوفت يا حبيبى ضربتنى ازاى قدامك.
ملاك ولورين وماريهان معا:حبيبك اللهم صلى على النبى.
الجميع: عليه أفضل الصلاة والسلام.
سيلين: يعنى ماقلتيش يا ماريا ان بقا عندك حبيب.
لورين بضحك:يا حبيبتى لما أنا اعرف تبقى انتى تعرفى ده أنا إللى أخته لسه عارفة دلوقتى.
ماريهان: ونعم الإخوات 😂😂.
اسد:طيب يلا علشان نجيب الدهب بقا.
عزت: يلا.
سيلين: أنا رأيى ان عشق وأسد بس اللى يدخلو ويختارو وبعد ما يختارو نبقا نشوف.
الكل وافق على إقتراح سيلين وبالفعل دخلت عشق وأسد بس .
وعشق اختارت خاتم من الالماس جميل جدا وخاتم دهب.
وأسد اختار دبلة شديدة الجمال.
وبعد كده حاسب وطلعو بره.
ماريا:ورونى ورونى انا عايزة اشوف واخدت الحاجة تتفرج عليها وعجبت الكل جدا.
عمر :بما إننا هنا كلنا فأنا قررت إنى أجيب شبكتى أنا وماريا بالمره .
جاسر: وانا كمان عايز اجيب شبكتى أنا وسيلين.
لورين:طيب مافيش حد عايز يجيب شبكتى أنا وهوا.
ماريهان:لاء يا أختشى إحنا محدش هيعبرنا أصلا.
ماريا:يا لهوى على خفة الدم.
ماريهان: خلاص سكت شوفوا انتو هتعملوا ايه.
سيلين:أنا مش هينفع اجيب شبكتى غير لما سليم اخويا يكون موجود.
عمر: وانتى يا حجة عندك اخوات عيزاهم يكونو موجودين.
ماريا:لاء .
عمر :طيب يلا قدامى وشدها ودخلوا المحل وبعد ما خلصوا طلعو وقرروا ان الشباب والبنات يروحو يسهرو مع بعض.
عشق:طيب ثانية بس عن إذنكم شوية وراجعة.
اسد:هتروحى فين.
عشق:هعمل حاجه وارجع.
ماريا:اجى معاكى.
عشق:لاء مافيش داعى خالص.
عشق مشيت وكله إستغرب طلبها وخصوصا انهم فى مكان ما يعرفوش فيه حد او حاجة.
بعد ما عشق ما مشيت لاقت حاجة بتشدها ووقفو ورا المبنى.
عشق:انت جيت هنا ازاى يا مايكل.
مايكل:مكانشى ينفع انى اسيبك لوحدك يا ميرنا.
ميرنا:هوووش انا دلوقتى اسمى عشق.
مايكل:المهم خلصى المهمه بسرعة علشان ترجعى تانى روسيا فى اسرع وقت.
ميرنا:طيب والبنت اللي اسمها عشق دى انتم عملتو فيها إيه.
مايكل:موجودة فى المكان اللى انتى قلتى عليه.
ميرنا:تمام وانا هحاول انى أخلص فى اسرع وقت امشى انت بقا دلوقتى علشان محدش يشوفنا واقفين مع بعض وكل حاجة تبوظ مننا .
مايكل حضنها وباسها.
مايكل:ماشى سلام.
مايكل مشى وعشق رجعت او بالأصح ميرنا زعيمة المافيا الروسية.
أسد:كنتى فين.
عشق:هبقا أقولك بعدين.
تسنيم:طب إيه يا جماعة هنسهر ولا ايه.
محمد:اكيد طبعا.
تيم: هنسهر فين.
سيلين: هنسهر فى ******.
ملاك:تمام.
رغد: طيب همشى أنا بقا سلام.
وقربت على عشق وحضنتها.
رغد بهمس لعشق:ياريت تخلصى الشغل فى أسرع وقت.
عشق:الله يبارك فيكى.
رائد:الف مبروك يا ولاد.
أسد: الله يبارك فيكى.
ماريا:على فكره انا كمان اتخطبت يا جدعان لو ملاحظتوش.
سمر حضنت ماريا:الف مبروك يا قمرى.
رغد:الف مبروك يا ميرو.
ماريا: الله يبارك فيكم.
سامية: أنا هروح مع خالتك يا جاسر.
جاسر:ماشى يا ماما.
سامية:سلام يا عروسة ابنى .
سيلين بخجل:سلام يا طنط.
سامية:لاء انتى تقوليلى ماما على طول بلاش طنط دى بقا.
سيلين :حاضر.
ويمشو والشباب والبنات يروحو يسهرو مع بعض ويقضو ليله جميلة جدا.
__________
اليوم التالى.
كانت رغد قاعدة بتتفرج على التليفزيون وجالها تليفون ردت وبعد ما خلصت المكالمة طلعت اوضتها وغيرت هدومها ونزلت.
تسنيم شافتها وهيا نازلة.
تسنيم: رايحة فين يا ماما.
رغد: ورايا مشوار مهم يا تسنيم.
تسنيم: طيب انا كنت عايزة.
رغد ما سمعتش بقية الكلام وطلعت بسرعة من الفيلا وركبت عربيتها ومشيت.
__________
عند عشق او ميرنا.
كانت قاعدة فى الأوضة والفون بتاعها رن وكان سعيد.
ميرنا :الو يا سعيد.
سعيد:الو يا ميرنا هانم اخبارك ايه.
ميرنا:لو متصل علشان تسألنى عن أخبارى فأحسن ليك انك تقفل.
سعيد:لاء انا بس كنت عايز اقولك ان سلمى بنتى مظهرتش تانى من ساعة ما بعتت الرسالة وهيا مالهاش اى اثر نهائى.
ميرنا:اممم خلاص ابعد انت عن الموضوع ده وأنا هتصرف.
سعيد:ماشى يا هانم.
ميرنا:حاجة تانى .
سعيد:لاء بس انا....
قفلت ميرنا التليفون فى وش سعيد.
عند سعيد التليفون اول ما قفل قال.
سعيد:يا بنت ال*** بقا أنا تقفلى فى وشى التليفون ،يلا مش مهم اهم حاجه دلوقتى انى أوصل للى أنا عايزة وأخلص من سليم ورغد وعشق وميرنا.
___________
محمد كان في المستشفى بتاعته قاعد فى مكتبه بيقرأ بعض التقارير وبيشوف إيه الجديد في حالات المرضى التليفون بتاعه رن.
محمد:الو.
سوزى برعب:الو يا محمد الحقنى.
محمد: مين وفى ايه.
سوزى:أنا...سوزى...يا محمد الحقنى...بسر..عة.
محمد: طيب هوا فيه ايه قولى.
سوزى:هموت ...الحقنى.
محمد:طيب العنوان فين او انتى فين.
سوزى:العنوان **********.
محمد:طيب ماشى مسافة السكة وجاى.
وطلع محمد من المستشفى وركب عربيته واتجه بيها إلى وجهته.
محمد وصل العنوان اللى سوزى قالتله عليه ونزل من العربية وركب الاسانسير وراح على الشقة اللى سوزى قالتله عليها لقا الباب مفتوح محمد زق الباب واول ما دخل لقا حد خبطه بحاجة على راسه ليسقط في الأرض غير واعى بما يحصل حوله.
__________
رغد وصلت لفيلا يعتبر فى صحرا ونزلت من عربيتها ودخلت الفيلا واول ما دخلت لاقت سعيد فى إنتظارها.
رغد:هيا فين.
سعيد شاور على اوضة من الأوض.
سعيد:فى الاوضة دى.
رغد راحت ناحية الاوضة وفتحتها ودخلت لاقت عشق مرمية على الارض ورجليها وإيديها الإتنين مربوطين و فى قماشة فى بقها.
رغد:اهلا وسهلا يا عشق يا حبيبتى.
عشق رفعت راسها بتعب وبصت ناحية مصدر الصوت وإتصدمت لما لاقت رغد قدامها.
رغد بسخرية:اظن ان انتى مكنتيش متوقعة انك تشوفينى هنا صح بس كان لازم تعرفى الحقيقة يا حبيبتى علشان لما تموتى متفتكريش انى مقولتش ليكى الحقيقة وتزعلى منى.
عشق:امممممم امممممممم.
رغد قامت من مكانها وشالت القماشة اللى كانو كاتمين بيها بق عشق.
عشق بتعب:هوا إيه إللى بيحصل هنا وانتى فكرك ان أسد مش هيدور عليا تلاقيه دلوقتى عمال يدور عليا فى كل مكان ولما هيلاقينى مش هيرحمك.
رغد:اوبس هوا انا مقولتلكيش مش أسد خطب امبارح.
عشق بصدمة:انتى بتقولى إيه.
رغد:اه والله خطب امبارح وماريا صحبتك كمان اتخطبت.
عشق:مستحيل،مستحيل أسد بيحبنى انا انتى أكيد بتكدبى.
رغد بضحك :بس للأسف دى الحقيقة ومنقدرش نغير فيها حاجة.
عشق: لاء ده كدب ايوة كدب.
رغد :لاء مش كدب ده انتى كمام هتتفاجئى لما تعرفى أسد خطب مين بدالك.
عشق:أناعايزة امشى من هنا أنا عملتلك ايه.
رغد:للأسف انتى معملتيش حاجة بس لو سيبتك هتعملى.
عشق بصراخ:يا أسد الحقنى .
رغد بضحك: ما تتعبيش نفسك يا حبيبتى وتصوتى لانه مش هيوصلك اه صحيح شوفتى نستينى ازاى اقولك أسد خطب مين ، أسد خطب ميرنا أختك التوأم.
عشق بصدمة: أختى التوأم😳😳😳.