رواية عشق الأسد______
___الفصل السادس عشر ___
____بقلم🖊 أمل نبيل _____
رغد بضحك: ما تتعبيش نفسك يا حبيبتى وتصوتى لانه مش هيوصلك اه صحيح شوفتى نستينى ازاى اقولك أسد خطب مين ، أسد خطب ميرنا أختك التوأم.
عشق بصدمة: أختى التوأم 😳😳😳.
رغد:ايوة أختك التوأم مكنتيش تعرفى صح.
عشق:انتى اللى بتقوليه ده ازاى.
رغد بضحك وسخرية:تحبى أقولك الحكاية من الاول ولا .
عشق:أنا مش فاهمه حاجه.
رغد:ماتخافيش أنا هفهمك من ١٩ سنة البوص بتاعنا كان هنا فى مصر بيخلص عمليه ومراته كانت معاه وكانت حامل وفى يوم كانو ماشيين بالعربية مراته تعبت وإضطر انه يروح على أقرب مستشفى ليه ويصادف فى اليوم ده إنه نفس اليوم اللى أمك بتولد فيه والبوص إتصل علينا انا وسعيد وروحنا ليه بس للأسف البنت اللى مرات البوص ولدتها ماتت والبوص كان خايف على زعل مراته لما تعرف وكان واقف معانا بره وعايزنا نشوفله حل للمشكلة دى وشوفت ابوكى وهوا واقف وشايلك انتى وأختك وعرفت ان امك خلفت توأم وإقترحت على البوص انه ياخد واحده منكم وعجبته الفكره جدا وبعت سعيد علشان يتكلم مع ابوكى ويعرض عليه السعر اللى هوا عايزة بس ابوكى مرديش ورفض العرض ده ساعتها مكانشى قدامنا حل غير اننا نخطف واحده منكم وخطفنا أختك ميرنا ابوكى وامك لما عرفو ان أختك اتخطفت اتصدمو وامك من كتر الصدمة ماتت و البوص خد اختك ومراته وسافرو بره مصر و راحو روسيا ودلوقتى أختك بقت معانا في شغلنا.
عشق بصدمة:مستحيل اللى بتقوليه ده مش حقيقة.
رغد:لاء ده الحقيقة ولو عايزة تتأكدى....
فى هذا الوقت دخل الحارس وقال.
الحارس بإحترام:سعيد باشا عايزك يا هانم.
رغد:ماشى انا جاية.
رغد بصت لعشق .
رغد:هسيبك دلوقتي بقا بس هبقا ارجعلك بعدين باى .
طلعت رغد من الاوضة وراحت لسعيد.
رغد:عملت ايه يا سعيد.
سعيد:ابوها قلب الدنيا لما عرف ان هيا نزلت مصر وهتعمل العملية الجديدة بنفسها.
رغد:وقولتلها.
سعيد:انتى هبلة أنا لو قلتلها هتسيب كل حاجة وترجع روسيا تانى.
رغد:أنا قلت لعشق على الحقيقة.
سعيد بعصبية:انتى غبيه انتى ازاى تعملى كده.
رغد:اهدى هيا كده كده هتموت فمش هتعمل حاجة يعنى.
سعيد:حتى لو، عقلك كان فين لما فكرتى إنك تقولي ليها الحقيقة.
رغد:اهو اللى حصل بقا.
سعيد:حركة غبية زى دى لو اتعملت تانى يا رغد مش هيحصل كويس.
رغد:بس كانت حركة حلوة منك انك تخطف ميرنا وتقول للبوص ان ابوها باعها وعايز فيها ٢مليون جنية.
سعيد:وهوا ده يوم يتنسى والبوص من غباءه وخوفه على مراته من الزعل دفع الفلوس ولو كنت قلت أكتر كان هيدفع .
رغد:بس كانت فكره حلوة اننا نخطف البت .
سعيد:سعيد كل افكارى حلوة مش دى بس.
Flash back
فى شقة صغيرة مكونة من اوضتين وصالة وحمام ومطبخ صغيرة بعد منتصف الليل كانت تصرخ بشدة.
احمد:مالك يا حنان.
حنان بصراخ:إلحقنى يا أحمد بولد.
احمد :بتولدى إيه ده الساعة داخلة على ١٢.
حنان: بقولك بولد الحقنى.
احمد:طيب قومى استحملى كده وإسندى عليا وهاخدك على المستشفى .
حنان بصراخ: مش قادرة اتحرك يا أحمد الحقنى.
أحمد:طيب اعمل ايه.
حنان:اتصرف هوا انا اللى هقولك برده .
احمد:استنى هشوف نبيل علشان يوصلنا بالعربية.
حنان: بسرعة يا أحمد.
أحمد طلع من بيته وراح خبط على بيت جيرانه .
نبيل كان نايم هوا ورباب مراته وصحيو هما الإتنين على صوت التخبيط.
نبيل :خير مين اللى هيخبط علينا دلوقتى.
رباب :علمى علمك قوم يا راجل شوف مين ليكون في حاجة مهمه.
نبيل: قايم اهو.
نبيل قام من على السرير وراح يفتح الباب لاقا احمد فى وشه.
نبيل:خير يا احمد فى إيه.
احمد:عايزك تيجى توصلنا المستشفى أصل حنان بتولد وانا مش اعمل ايه.
نبيل: ماشى يا اخويا هدخل بس أجيب جاكت عليا وأجيب مفتاح العربية لحد ما تنزلو.
احمد: انشاء الله يكرمك.
وراح علشان ينزل مراته.
نبيل دخل الاوضة اخد مفاتيح العربية و اخد جاكيت علشان يلبسه.
رباب:رايح فين يا راجل فى وقت متأخر زى ده.
نبيل:الست حنان بتولد يا ولية.
رباب: يا حبيبتى ياختى طيب اجى معاكو.
نبيل: تيجى فين ببطنك اللى قدامك دى خليكى انتى هنا علشان متتعبيش ولو حصلت اى حاجه اتصلى عليا وكلمينى وفى ثوانى هتلاقينى عندك .
رباب:ربنا يقومك بالسلامه يا حنان ياختى.
نبيل طلع من بيته لاقا احمد سند حنان ونزلها ونبيل راح فتح الباب بتاع العربية ليهم وركبوا ومشيو.
حنان بصراخ: استعجل شوية يا نبيل اااااه.
نبيل:قربنا نوصل اهو.
________
كان سايق عربيته وبيدور على اى مستشفى قريبة منه وجاله اتصال من المساعد بتاعه.
....:الو يا سعيد خير.
سعيد: انت فين يا باشا مشيت بسرعة ليه.
.....:مراتى بتولد يا سعيد ولازم انى اوديها المستشفى دلوقتى وللأسف علشان اوصل للمستشفى قدامى ساعة.
سعيد:انت فين يا باشا.
....:أنا فى **********.
سعيد: فى مستشفى قريبة منك يا باشا فى ********.
....:ماشى يا سعيد.
سعيد:أنا ورغد هنجيلك.
.....:ماشى.
وقفل السكة واتجه للمستشفى .
وبعد فترة وصل للمستشفى و الدكاترة كلهم اتجمعوا حواليه واخدو مراته دخلوها اوضة العمليات .
وبعد فترة صغيرة وصل احمد ومراته دخلت اوضة العمليات وهوا كان قاعد قلقان عليها.
نبيل: ما تهدى كده يا احمد مالك فى إيه.
احمد: قلقان عليها ليحصل لها حاجة هيا او اللى فى بطنها.
نبيل: ما تهدى كده يا راجل انشاء الله خير.
سعيد ورغد وصلوا و راحو للبوص.
البوص: ايه الأخبار.
رغد: كله تمام وكل حاجة مشيت زى ما إنت عايز .
البوص:تمام.
سعيد:الهانم أخبارها إيه دلوقتى يا باشا.
البوص:لسه في اوضة العمليات.
وبعد شوية الدكتور طلع من اوضة العمليات وقال للبوص.
الدكتور:للأسف الجنين اتولد ميت البقاء لله .
ومشى الدكتور والبوص كان قلقان على مراته لانها ممكن يحصلها حاجة لما تعرف ان ابنها اتولد ميت.
رغد:شد حيلك يا بوص.
البوص:حد فيكم يتصرف ويشوفلى حل للمصيبة دى مراتى لو عرفت ممكن تروح فيها.
رغد:يا باشا طيب احنا هنعم.....
وفى الوقت ده شافت رغد الممرضة وهيا بتدى احمد عيالة.
الممرضة:اتفضل بنتين مشاء الله عليهم ربنا يخليهوملك وامهم صحتها زى الفل.
احمد:الف حمد والف شكر ليك يا رب.
نبيل:الف مبروك يا صحبى اللى جابلك يخليلك.
احمد:الله يبارك فيك يا اخويا.
الممرضة: هاتهم بقا علشان نطمن عليهم.
احمد:اتفضلى.
خدت الممرضة البنتين ومشيت.
رغد :بص يا بوص ممكن نروح نتكلم مع الراجل ده ونطلب منه انه يدينا واحده من البنات دى .
البوص:اعملو اللى تعملوه المهم تشوفولى حل.
رغد: روح يا سعيد خده وكلمو بره وشوف رده هيكون ايه.
سعيد مشى وراح لأحمد.
سعيد:ممكن اتكلم معاك كلمتين.
احمد بإستغراب:انت مين انت تعرفنى.
سعيد:اتفضل معايا بره وانت هتعرف انا مين.
احمد:تمام اتفضل.
طلع احمد وسعيد بره قدام المستشفى.
احمد:خير فى إيه .
سعيد:من غير لف ودوران كده الباشا بتاعى مراته كانت بتولد هنا فى المستشفى دى بس ابنها او بنتها ماتت والباشا خايف على زعلها لما تعرف فهو عايز ياخد حد من عيالك ويديك ٥٠ الف جنيه.
احمد بعصبية: انت عبيط يا راجل عايزنى اديك حد من عيالى ب٥٠ الف جنيه.
سعيد:ومين قال بس ٥٠ الف جنيه أنا بقولك ١٠٠ الف جنيه.
احمد مسك سعيد من هدومه .
احمد بعصبية: أنا لا يمكن ابيع حد من عيالى ولو بفلوس الدنيا كلها.
سعيد مسك إيد احمد ونزلها.
سعيد :طيب خلينا نتفاهم بهدوء طيب.
احمد:ياعم غور قال نتفاهم جاى عايزنى ابيع عيالى وفى الاخر تقولى اهدى.
احمد زق سعيد ومشى .
سعيد :يا ابن الك**.
سعيد مشى وراح لرغد والبوص.
رغد:قالك ايه.
سعيد:قلى انه عايز ٢ مليون جنيه.
البوص:موافق.
سعيد:طيب تعالى معايا يا رغد.
رغد:عن إذنك يا بوص.
اومأ البوص لهم وذهبت رغد مع سعيد.
وبعد ما طلعو قدام المستشفى.
رغد:ايه يا سعيد فين الراجل.
سعيد:الراجل مش موافق.
رغد بصدمة:ايه انت قلت للبوص انه موافق انت عارف البوص لو عرف انك بتكدب عليه هيعمل فيك ايه .
سعيد:اخرسى بقا أنا عندى حل والفلوس اللي هناخدها من البوص دى هناخدها لينا احنا.
رغد بطمع:ازاى.
سعيد:انتى هتروحى تخطفى بنت من البنات دى وتجبيها وناخد من البوص الاتنين مليون انتى مليون وانا مليون.
رغد: طيب ولما يعرفوا ان البت اتخطفت اكيد هيبلغو البوليس.
سعيد:يبلغو البوليس احنا هنخاف من ايه ده عقبال ما يبلغوا البوليس هيكون البوص اخد البت ومراته وسافرو واحنا هنبقا فى السليم.
رغد:طيب وانا هخطف البت دى ازاى وابوها والراجل اللى معاه دول قاعدين قدام الاوضة اللى البنات فيها.
سعيد :متقلقيش انا هتصرف .
رغد:هتتصرف ازاى.
سعيد: أنتى هتروحى تدى ممرضة من الممرضين دول قرشين وتخليها تجيبلك البت وتديها للبوص وهوا بعدها هيمشى.
رغد: تمام.
______
احمد دخل الاوضة يطمن على حنان.
احمد بابتسامة: الف سلامة عليكي يا حنون.
حنان بتعب:الله يسلمك يا احمد .
نبيل:الف سلامة عليكي مشاء الله جبتى بنتين زى القمر.
حنان:هما فين.
احمد:فى الحضانة.
حنان بفزع: ليه مالهم.
احمد: هما كويسين وزى الفل بس كنا عايزين نطمن عليهم.
نبيل:اللى جبلك يخليلك يا اخويا.
حنان:تسلم وربنا يقوملك مراتك بالسلامة هيا كمان.
نبيل:يارب استأذن أنا بقا علشان اخلى الولية تعملكو لقمة واجيبهالكو واجى.
احمد:مالوش داعى يا صاحبى.
نبيل:ايه اللى انت بتقوله ده يا جدع الولية لسه والده ولازم تتغذى علشان تمسك صحتها.
حنان:ربنا يخليكو يارب.
نبيل:بالاذن انا بقا.
طلع نبيل من الاوضة.
حنان: أنا عايزة اشوف العيال يا أحمد.
احمد:ماشى يا حبيبتى هروح اجيبهم.
احمد طلع علشان يجيب البنات وفى الوقت ده رغد كانت بتتكلم مع الممرضة .
رغد :قلتى ايه هتاخدى ٥٠٠ جنيه وتجبيلى البت .
الممرضة: بس ده غلط ولو حد عرف بكده أنا إللى هتأذى.
رغد:الف جنيه قلتى ايه.
الممرضة: لاء مش هينفع ده فيها حبس وكمان هطرد من شغلى لو عرفو.
رغد :الفين جنية قلتى ايه.
الممرضة:طيب ماشى هاتى الفلوس.
رغد طلعت الفلوس من شنطتها وادتها للممرضة.
رغد:بسرعة تكونى جبتيلى بنت من اللى اتنين دول.
الممرضة:حاضر خليكى هنا خمس دقايق.
رغد:ماشى.
الممرضة دخلت الحضانة واخدت بنت من البنتين وطلعت ادتها لرغد.
الممرضة:البت اهى.
رغد اخدت البت .
رغد:انتى لاشفتينى ولا عرفتينى تمام.
الممرضة: تمام.
رغد مشيت وهيا ماشية خبطت فى أحمد.
رغد بتوتر:أنا اسفة.
احمد: لاء أنا إللى خبطت فيكى انا اسف عن إذنك.
احمد مشى ورغد مشيت وراحت لسعيد.
رغد:البت اهى شوف هتخرجها بقا ازاى من هنا.
سعيد:هاتى انا هدخل اديها للبوص.
سعيد ورغد دخلو الاوضة وادوا البت للبوص.
البوص:بنتك اهى يا جميرى .
جميرى:she is cute.
سعيد:أنا فى رأيى يا بوص انك تسافر انت والمدام النهاردة.
البوص:ليه.
سعيد:فهد ابتدى انه يدور ورانا والموضوع بقا مقلق فلازم إنك تمشى النهاردة.
البوص:جهزلى الطيارة هنمشى دلوقتى.
جميرى: هنمشى ازاى يا ميشيل.
ميشيل:don't worry about anything my love.
رغد:تحت امرك يا بوص.
ويتصل سعيد على المساعد بتاعه علشان يجهزلو الطيارة مجهزة باجهزة طبية.
________
أحمد راح علشان يجيب البنات وطلب من الممرضة انها تجيبهومله.
الممرضة راحت وطلعت لاحمد تانى.
الممرضة:مافيش غير بنت واحده جوه بس يا استاذ.
احمد:انتى بتهزرى انا بناتى الاتنين جوه.
الممرضة:والله مافيش غير واحده جوه وتقدر تتأكد بنفسك.
احمد دخل الاوضة وهوا مفزوع وملاقاش غير بنت واحده بس وفى الوقت ده ايجا فى دماغ احمد ميت سؤال والف سيناريو للى ممكن يكون حصل لبنته
ياترى راحت؟
ياترى مين اخدها؟
هيا ماتت دلوقتى؟
ايه اللى حصلها؟
مع مين ؟
وفين؟
كل دى أسئلة كانت بتدور فى دماغ احمد ومكنش لاقى ليها أجوبة.
احمد بعصبية: بنتى راحت فين.
الممرضة: اهدى يا استاذ بس .
احمد بعصبية شديدة:ماتقوليش اهدى أنا عايز أعرف بنتى راحت .
الممرضة:والله ما أعرف أنا دخلت اجيبهم زى ما حضرتك قلتلى ملاقتش غير بنت واحده بس.
احمد زعق بصوت عالي وكل إللى فى المستشفى اتلم عليهم.
احمد بزعيق:أنا لو بنتى مجاتش انا هطربق المستشفى على دماغكم كلكم.
الدكاترة:طيب اهدى يا استاذ واحنا هنتصرف.
احمد:انا عايز بنتى تجيلى دلوقتى.
الدكتور:اهدى طيب.
الدكتور نده على الامن علشان يدورو على اللى اخد البنت.
حنان كانت فى الأوضة وسمعت صوت الصويت وعرفت ان الصوت ده صوت احمد وكانت عايزة تعرف هوا بيزعق ليه واتحاملت على نفسها وسندت على الحيطة وطلعت بره الاوضة وسمعت الدكاترة وهما بيهدو في احمد بس مكانتش عارفة إيه إللى حصل علشان الناس كلها تتلم كده وقربت على احمد وكانت لسه هتنادى على احمد بس سمعت الحارس وهوا بيقول.
الحارس: ملاقتش بنتك يا فندم.
احمد:انا عايز بنتى تجيلى انتو فاهميين.
الدكتور: طيب مين اخر حد كان معاه البنات.
الممرضة:يا دكتور البنات كانو فى الحضانة والاستاذ ايجا ياخدهم ملاقتش غير بنت واحده والبنت التانية شكلها اتخطفت.
حنان اول ما سمعت كده اتصدمت ووقعت في الارض.
احمد والكل سمعو صوت احمد بص ناحية الصوت لقا حنان واقعة على الارض جرى عليها وشالها .
احمد زعق للدكاترة .
احمد: انتو هتقفوا تتفرجو عليا حد فيكم ييجى يشوف مالها.
واحد من الدكاترة راح مع احمد وكشف عليها وبعد ما خلص كشف قال لأحمد.
الدكتور:البقاء لله شد حيلك.
احمد :انت بتقول ايه انت بتهزر صح بلاش هزارك ده يا دكتور انت شايفنى فايق للهزار قلى بقا حنان مالها.
الدكتور: انا مقدر كل اللى انت فيه بس مرات حضرتك تعيش انت شد حيلك.
احمد بص لحنان والدموع ملت عينيه وقرب منها .
احمد: انتى وعدتينى قبل كده انك مش هتسيبينى صح قومى يلا وقوليلهم انك مش هتموتى وهتفضلى معايا.
فى الوقت ده كان البوص اخد البنت ومراته وطلعو بره المستشفى ورغد وسعيد هما كمان مشيو واحمد بعد موت مراته ويأسه من انه يلاقى بنته قرر انه يربى البنت اللى فضلت وسماها عشق .
Flash back end.
رغد:بس ماكنتش متخيلة إن عشق تطلع أخت الزعيمة الجديدة بتاعتنا.
سعيد:واهى طلعت.
رغد:بس تصدق كده احسن كل الشغل بتاعنا هيخلص بكل سهولة.
سعيد:معاكى حق.
رغد بصت فى الساعة وقالت:همشى أنا علشان رائد هيرجع دلوقتى.
سعيد:هوا انتى لحقتى وبعدين انا كنت عايز نسهر النهاردة مع بعض.
رغد:هيهيهيهيهيهى .
سعيد:ياحلاوتك انتى بعد الضحكة دى ماينفعش تمشى.
رغد:لاء لازم امشى هبقا اجيلك بعدين واخدت مفاتيح عربيتها ومشيت.
________
ماريا:ااااااااه يا بنت الهبلة اسكتى خلاص.
ماريهان:وعليا النعمه ما انا ساكتة ده انا هولع فيكى.
ماريا وهى بتلطم على وشها: احييه الله ينعل ده بوست هيخلينى اتشعلق كده ومش عارفة انزل.
ماريهان:بقا انتى ضربتى الودع ملاقتيش صاحب جدع اومال انا ايه قفص جوافة.
ماريا: حقك عليا انا غلطانة واستاهل ضرب الجزمة بس سيبى الشبشب ده .
ماريهان:بقا انتى يا عره كل صحابك اندال ،انا بقا هوريكى الندالة على حق.
سيلين:خلاص يا ماريهان انتى العاقلة يا حبيبتى.
ماريهان: هوا انتم خليتو فيها عقل.
فى الوقت ده رن تليفون ماريا.
ماريا:شوفى مين يا عشق.
عشق :my love.
ماريا :بصى سيبينى بس هنزل ارد على التليفون وهرجعلك تانى والله.
ماريهان: لاء عجبانى وانتى فوق الدولاب كده.
سيلين:ايه رأيك لو صورتها يا بت يا ماريهان وبعتها لعمر.
ماريهان:تصدقى فكره يا بت يا سيلين.
ماريا:نعم يا روح امك انتى وهيا.
سيلين:لو سمحتى اتكلمى بأسلوب احسن من كده.
ماريا نزلت من فوق الدولاب.
ماريا:بصى خلينى بس ارد على الواد وبعد كده نبقا نتفاهم مع بعضينا كده.
ماريهان: مع بعضينا.
ماريا:ايوة نتفاهم اسرة مع بعضينا.
ماريهان بصوت بسيونى فى فيلم الباشا تلميذ:دى أسرة واطية.
ماريا:شكرا.
ماريا اخدت الفون وفتحته وردت.
ماريا:الو يا حبيبى.
ماريهان: اه يا محنى.
سيلين بضحك:عشنا وشفنا ماريا بتحب يا ولاد.
ماريا:انا بخير يا قلبى انت اخبارك ايه.
ماريهان: يا لهوى على فقعة المرارة.
ماريا:اوك يا حبيبى خلص وانا هبقا أكلمك بعدين.
وقفلت السكة.
ماريا:هوا انتم يا عرر هتحفلو عليا.
ماريهان: تعرفى عننا كده يا بنتى.
ماريا:لاء لسمح الله ده انتم ابو كده بس.
سيلين: اديكى قلتى الحق.
ماريهان تفتكروا كده يا عيال انا كمان هلاقى حد احبه زيكم كده ولا هفضل سنجولة طول عمرى.
سيلين: انشاء الله وبعون الله علاقاتك كلها هتكون negative بس انتى قولى يا رب 😂😂.
ماريهان: غورى يا بت كاتك القرف،انا انشاء الله علاقتى هتكون positive.
ماريا ضحكت جامد اول ما ماريهان خلصت كلام.
ماريهان:مالك بتضحكى كده ليه.
ماريا:اصلى افتكرت حاجة كده.
سيلين: طب قولى وفكرينا معاكى خلينا نضحك.
ماريا: فى مره واحنا صغيريين كنا في درس انجليزى وكانت المس مديانا حفظ وكانت كلمة positive علينا حفظ كان في ولد بقا مش عارف يحفظها والمس لما جات علشان تسأله وقالتله إيجابى يعنى ايه يا حبيبي قلها pos ......pos
المس قالتله كمل يا حبيبى ايه هيا الكلمة راح الواد قايلها بوس تف.
ماريهان: مش فاهمه.
سيلين بضحك: يالهوى يا ولاد ايه العفانة دى.
ميرنا: مش فاهمه.
ماريهان: ولا أنا.
ماريا:الواد مكانشى عارف يقول positive فقالها بوس تف يعنى بوس و تف .
ماريهان بقرف:الله يقرفه.
ميرنا بضحك:بجد.
ماريا: بجد ايه يا عشق ده انتى كنتى كل شوية تفكرينى بيها معقولة نسيتيها دلوقتى.
ميرنا: عادى يعنى ما الواحد بينسى.
ماريا :طيب.
ماريهان:بنات أنا عايزة اعمل حاجة مجنونة.
سيلين:روحى ارمى نفسك من الشباك.
ماريا:نشغل اغانى على اعلى صوت ونرقص.
ميرنا:طيب أنا هنزل اجيب حاجة واجى.
ماريا: هتجيبى إيه.
ميرنا:هجيب حاجة كده واجى عن إذنكم.
ماريا :ماشى.
عشق مشيت.
ماريهان: انتم مش ملاحظين ان عشق فيها حاجة غريبة.
سيلين:متغيرة اوى من ساعة اللى حصل.
ماريا: انا حاسه ان دى مش عشق اللى نعرفها.
ماريهان: ممكن تكون في حاجة مدايقاها مش أكتر.
ماريا:لو فى حاجة كانت هتقول.
سيلين: المهم هنعمل ايه بقا.
ماريا: البت دى معندهاش دم شايفانا بنتكلم على صحبتنا وهيا بتفكر نعمل ايه .
سيلين:أنا غلطانة يا لمبى.
_________
فى شقة سوزى محمد ابتدى يفوق وفتح عينه ببطء شديد لقا سوزى قاعدة جانبه وبتعيط وهدومها متقطعة محمد قام لقا التيشيرت بتاعه على الارض .
محمد بعدم فهم:هوا ايه اللى حصل ومين اللي خبطنى وايه اللى عمل كده فيكى .
سوزى بعياط: انت مش فاكر اللى عملته فيا.
محمد:عملت ايه.
سوزى:أنا اتصلت عليك لان كان في حرامى هنا وانت بعد ما جيت هوا خبطك وانا لما جيت افوقك قمت واتهجمت عليا و....
محمد بعصبية:انتى كدابة لانى لا يمكن اعمل كده ولعبتك القذرة دي العبيها على حد تانى.
سوزى بعياط: انت بتقول ايه طيب واللى عملته فيا.
محمد مسكها من شعرها.
محمد:انتى هتستهبلى يا روح امك ولا ايه وقلتلك لعبتك دى العبيها على حد تانى.
ومسك التيشيرت بتاعه ولبسه وطلع من الشقة بتاعة سوزى وقفل الباب وراه ونزل ركب عربيته ومشى وبعد شوية باب الشقة بتاعة سوزى خبط وقامت فتحت لاقت سامر .
س
وزى:ادخل يا سامر.
سامر:ايه اللى حصل وقالك ايه.
سوزى:قلتلك مش هيصدق .
سامر:ايه اللى عرفك انه مصدقش .
سوزى:فضل يقول دى لعبة قذرة واستحالة انى اعمل كده وكل الكلام الاهبل ده .
سامر بضحكة خبيثة:لما يشوف الصور دى هيصدق.
سوزى:ورينى كده.
اخدت سوزى الصور منه وشافتها.
سوزى:يا ابن الجنية ده إللى يشوف الصور دى ميقولش انها فوتوشوب او اى حاجه.
سامر:عيب عليكى هوا انا اى حد خلى الست ملاك بقا تورينى ازاى ترفضنى أنا علشانه.
سوزى بغل:انا مش عارفة ايه ملاك اللى شاغلة دماغك انت وهوا هيا فيها ايه يعنى دى عادية.
سامر بضحك:بلاش تتكلمى انتى يا سوزى ده إحنا دافنينه سوا.
سوزى:ليه انشاء الله .
سامر:بلاش يا سوزى تحطى نفسك فى مقارنة مع اى حد لانك هتخسرى يا قلبى باى وابقى ابعتى الصور دى لملاك.
وسابها ومشى.
*جماعة ده سامر اللى كان طلب من ملاك فى الجامعة انها تاخد له معاد مع ابوها علشان يتقدملها اللى مش فاكره يراجع الاحداث فى الفصول وهوا نفس الشخص اللى كانت سوزى بتتكلم معاه *.
سوزى بغل :اما وريتك يا ملاك ما ابقاش انا سوزى.
_______
أسد كان قاعد فى الجنينة وملاك كانت قاعدة معاه.
ملاك:انت مالك يابنى متعصب كده ليه.
اسد:عشق كل لما ارن عليها الاقى تليفونها مقفول.
ملاك:تليفونها ضاع اصلا يوم ما اتخطفت.
اسد:لحظة كده مين اللي اتخطفت.
ملاك: هيا عشق مقالتش ليك.
اسد:مقالتش ايه.
ملاك:كنا طالعين من الجامعة وفى عربية وقفت قدامنا ونزل منها شابين ضخام بسلاح وأخدو عشق وركبوها العربية ومشيو وبعد كده لاقينا عشق رجعت بعدها ب٣ دقايق وقالت انهم خطفوها بدل حد تانى فسابوها لما عرفو ان مش هيا نفس البنت اللى عايزينها.
اسد قام وقف .
ملاك:رايح فين يا اسد.
اسد:فى حاجة مهمه لازم اعملها.
ومشى.
_
______
عشق او ميرنا نزلت من البيت وكان في عربية سودا مستنياها نزلت ركبت فيها.
وقالت للسواق انه يروح بيها على الفيلا وبعد شوية وصلت قدام فيلا كبيرة جدا مصممة على التصميمات الحديثة.
نزلت ميرنا من العربية ودخلت الفيلا لاقت مايكل قاعد مستنيها.
ميرنا: ايه اللى جابك هنا يا مايكل.
مايكل:مكنش ينفع اسيبك تروحى العملية دى لوحدك.
ميرنا:وهيا دى اول مرة.
مايكل:لاء مش اول مره بس العملية دى هتكون خطيرة وممكن يحصل غدر فلازم اكون معاكى.
ميرنا:طيب جهز كل حاجة أنا هطلع اغير واجيب المسدس بتاعى.
مايكل:بس تصدقى اللون الكاشمير جميل فيكى عن الاسود.
ميرنا ببرود:حتى لو اللون الكاشمير حلو الاسود هيفضل ملك الالوان .
ميرنا طلعت تغير هدومها ولبست تيشيرت اسود وبنطلون اسود وجاكت اسود وكوتش اسود ورفعت شعرها على شكل ذيل حصان.
*ايه يا حجة انتى رايحة عزا ولا ايه 😂😂*
ميرنا نزلت بعد ما خلصت لبس واخدت المسدس بتاعها لاقت مايكل جهز العربيات والحراس ومستنيها .
ركبت ميرنا العربية فى الكرسى بتاع السواق.
مايكل:انتى اللى هتسوقى.
ميرنا:شايف حاجة غير كده او عندك اعتراض.
مايكل:لاء خالص.
ميرنا:تبقا تنجز علشان نمشى.
بعد مرور ساعتين في فيلا فى الساحل كانت ميرنا ومايكل والحراس موجودين وكان في راجل قاعد وحواليه بنات كتير اوى
*جو حريم السلطان عرفينه😂😂*
وحراس كتيرة جدا .
ميرنا: Hello jak
جاك:Hello Myrna.
ميرنا:the Weapons are ready.
جاك:I want to see it first.
Bring the weapons, Michael:ميرنا
مايكل راح جاب الاسلحة وايجا.
see it:مايكل
Very sweet and for the price:جاك
12 million dollars:ميرنا
OK:جاك
ميرنا اخدت الفلوس وهيا طالعة هيا ومايكل والحراس علشان يمشو لقو الباب بتاع الفيلا اتقفل.
ميرنا:What is happening.
جاك:Where do you think I'm going to let you go?
ميرنا :Don't play with me because you will surely lose
This is what you think:جاك
جاك طلع السلاح وإبتدى يضرب على ميرنا ومايكل
مايكل شد ميرنا واستخبو ورا حيطة من الحيطان.
ميرنا:اه يا جاك الك**.
مايكل:انا كنت عارف ان ده هيحصل علشان كده اتفاقت مع حراس انهم يفضلو بره واول ما يسمعو اى صوت يهجمو عليهم.
ثوانى وانهال الرصاص على جاك وحراسه كالأمطار ليسقط جاك وحراسه فاقدين الحياة .
مايكل أمر حراسه بإيقاف ضرب النار وميرنا طلعت وراحت عند جاك الغارق في دمائه.
ميرنا:حركة غبية منك يا جاك خسرتك حياتك وكسبتنى أنا كتير.
ثم أشارت إلى مايكل.
ميرنا: مايكل خد الفلوس والأسلحة و روح على الفيلا .
مايكل:طيب وانتى هترجعى تانى.
ميرنا:ايوة هرجع.
مايكل:طيب والبنت اللي اسمها عشق دى هتعملى معاها ايه.
ميرنا: هتفضل عند سعيد لحد ما اخلص كل الشغل هنا ونمشى.
مايكل:ماشى.
ميرنا: سلام.
مايكل:بس انتى هتروحى ازاى بالهدوم دى.
ميرنا :انا هطلع على الفيلا أغير.
مايكل:تمام.
ميرنا:ما تنساش تعمل اللى قلتلك عليه بس ،ونضف المكان ده ومتخليش اى حاجه اثر لأى حاجة .
ومشيت.
________
ميرنا رجعت الشقة بعد ما غيرت هدومها لاقت ماريا وماريهان وسيلين قاعدين في الأرض وبيحلو ألغاز.
ماريهان: اللغز التانى واحد بيسأل واحده اسمك ايه قالته اسمى أشد من القتل ورجعت قالتله وانت اسمك ايه قالها اسمى موجود في وشك ايه بقا اسم الراجل واسم الست.
ماريا بتفكير:يكونش الراجل اسمه عين والست اسمها سم.
سيلين: ايه الهبل اللى انتى بتقوليه ده يا حجة .
ماريا:طيب قولى يا فيلسوفة عصرك الحل ايه.
سيلين: إجابة اللغز ده مش محتاج حد ذكى علشان يحله لان اى عيل صغير هيعرف انه يحله.
ماريهان: طيب قولى.
سيلين:اكيد الراجل اسمه حاجب والست اسمها الموت.
ماريا وماريهان بصوا ليها شوية وبعد كده انفجروا فى الضحك.
ميرنا :اسم الراجل هيكون جميل والست هيكون فتنة.
ماريهان: البت دى معلمة وربنا.
ماريا وسيلين وهما بيصقفو:
انتى معلمة
فى الفصاحة والبلاغة والكتابة والصياغة والحروف المستغاسة والسطور الملهمه.
ماريهان صفرت.
ماريهان:الله عليكم يا فخر العرب.
ميرنا ضحكت.
ماريا:ما تروحى يا برو تغيرى هدومك وتيجى تقعدى معانا.
ميرنا: اوك.
ميرنا بعد ما غيرت هدومها طلعت قعدت معاهم.
سيلين:يلا قولو حاجة تانية نعملها.
ماريهان : ايه رأيكم نلعب أسئلة كل واحده فينا تسأل وبعد ما دورها يخلص التانية هيا إللى تسأل.
ماريا:خلصا إبدئى.
ماريهان:ماريا ايه اكتر اغنية بتحبيها.
ماريا: اغنية I need you girl واغنية لو مدايق واغنية العيون جابت اجلنا و...
ماريهان: انا بقولك اغنية يما مش كل الاغانى اللى فى الدنيا.
ماريا:اخص عليك يا ببلاوى ينفع تقاطعنى كده 😂.
ماريهان: سيلين ايه اكتر اربع حاجات بتحمدى ربنا عليهم.
سيلين:اول حاجة بحمد ربنا انه بعتلى صحاب زيكم.
ماريا:يا قلبى والله لتاخدى بوسة على الكلام الحلو ده😘😘😘.
ماريهان: كفاية محن وكملى يا حجة.
سيلين: تانى حاجة ان ربنا رجعلى اخويا تانى وانه
رزقنى بواحد زى جاسر ورابع حاجة انه ربنا معايا وموفقنى فى حياتى.
ماريهان: وانتى يا عشق صوتك حلو فى الاغانى ولا ولو حلو غنى.
ماريا:منصحكيش ده الصراصير كانت بتتلم على صوتها.
ميرنا ابتدت تغنى وكانو مصدومين من جمال صوتها.
ميرنا:So smoke them if you got them.
Cause it's going down.
all I ever wanted was you.
I'll never get to haven.
Cause I don't know how.
Let's raise a glass .
Or two.
To all the things I've lost on you.
OOOOh.
Tell me are they lots on you .
Just that you could cut me loose.
ميرنا: ايه رأيكم.
ماريا: بت ايه الصوت الروعة ده ،ده انتى صوتك الاول كان يقرف الكلب الجربان.
سيلين: بجد صوتك جامد.
ماريهان:شابو يا صاحبة يلا يا ماريا إسألى.
ماريا بضحكة شريرة :😈😈😈 ده أنا هطلع عينكم يلا يا ماريهان مين هوا حبيبك.
ماريهان بضحك :جيتى على الجرح يا صحبتى.
سيلين : ده انتى تلاقيكى مدوراها 😂😂.
ماريهان: بنت عيب كده😂😂.
ماريا:يلا يا شبح قولى بقا.
ماريهان: مافيش والله.
سيلين:عيب عليك يا سيد قول بقا ده إحنا اهل.
ماريهان: لما يبقا فيه هقول والله.
ماريا:سيلين حبيبة قلبي عمرك حبيتى حد قبل كده غير جاسر.
سيلين:لاء.
ماريا: عشق ايه إللى نفسك تعمليه دلوقتى.
ميرنا بتفكير: نفسى اعيش طفولتى.
ماريا:وحياة امك على اساس انك ما عشتيش طفولتك يعنى .
سيلين:دورك يا عشق.
ميرنا: لاء أنا تعبانه وعايزة انام.
ماريهان: طيب يلا يا بنات ننام.
________
تانى يوم الصبح....
بداية جديدة على الكل .....
نروح عند لورين....
لورين صحيت بدرى على غير العادة وشافت الساعة لاقت لسه بدرى على الجامعة وفضلت قاعدة على السرير تفكر تعمل ايه وفى الاخر لمعت عنيها بخبث وقامت من على السرير وراحت اوضة سام وصحته.
سام بنوم:اممم عايزة ايه.
لورين: تعالى معايا نصحى ابيه عمر.
سام :انا عايز انام.
لورين:قوم بس .
سام قام ودخل غسل وشه وطلع ل لورين تانى.
لورين:تعالى معايا.
سام :فين.
لورين: تعالى بس.
سام راح ورا لورين و راحو هما الاتنين المطبخ لقو الخدم بيجهزو الفطار.
الخدامة: خير يا هانم.
لورين: لاء بس كنت عايزة مية متلجة.
الخدامة: ثانية واحده .
الخدامة جابت ازازة مية ساقعة جامد وادتها ل لورين .
لورين: واحده كمان معلش.
الخدامة:حاضر.
سام:انتى عيزاهم ليه.
لورين:هتعرف دلوقتى.
الخدامة: اتفضلى يا هانم.
لورين:شكرا يلا بينا يا سام.
سام:هنروح فين.
لورين: تعالى وانا هقولك واحنا ماشيين.
وطلعو بره المطبخ.
سام :هنروح فين بقا.
لورين بضحكة خبيثة:هنروح نصحى عمورة حبيب قلبى.
سام:طيب ليه المية.
لورين :هنخليه يستحمى وهوا نايم.
وكملو طريقهم.
كان نايم فى اوضته ولكنه سمع صوت ما ففتح نصف عينه ليرى اخته وابن اخوه بيدخلو الأوضة وهما يتسحبان على اطراف صوابعهما وفى يدهم ازايز المية.
ابتسم عمر ابتسامة شياطينية.
لورين قربت من عمر هيا وسام وكانت لسه هتكب عليه المية عمر قام ومسك المية اللى فى ايديها وكبها عليها .
*وزى ما بيقولو كده السحر انقلب على الساحر 😂 *
لورين بشهقة:اه يا ابن ال المية متلجة.
عمر:من حفر حفرة لاخيه وقع هوا فيه.
لورين: بس انا كان قصدى خير.
سام بضحك: اه كان قصدها خير كانت عايزة بس تحميك مش اكتر.
لورين:اه يا حيوان بتبيعنى.
عمر:لاء وباعك ببلاش كمان .
لورين:ينفع كده يا سام طيب والله لعيط .

عمر :اتفلقى.
لورين:طيب والله لمشى.
ومشيت.
عمر: اه يا بنت المجنونة .
سام راح على السرير بتاع عمر ونام.
عمر :انت رايح فين يا بابا.
سام :معرفتش انام من اختك فعايز انام دلوقتى.
عمر:روح نام فى اوضتك.
سام: لاء هنام هنا يا بابا.
عمر:اتخمد يا روح بابا.
______
كانت نايمة في سابع نومه والتليفون بتاعها عمال يرن وهيا ولا هنا 😂.
وفى الاخر صحيت.
تسنيم:يوووه مين البارد اللى عمال يرن عالصبح كده.
مسكت التليفون لاقت سليم اللى بيتصل.
تسنيم:الو .
سليم:هوا ده إللى رن عليا مره او مرتين بالكتير وهصحى ده أنا رنيت عليكي اكتر من ٨٠ مره يا مفترية.
تسنيم:معلش اصل أنا نومى تقيل شوية.
سليم: زى نوم البقر .
تسنيم:نو كومينت عالكلام ده .
سليم :اسمها كومنت مش كومينت.
تسنيم:انت هتتفلسف عليا بقا ولا ايه.
سليم:لاء مش هتفلسف خلصى قومى يلا علشان تروحى الجامعة بتاعتك.
تسنيم:انا بفكر انى مروحش.
سليم: ثوانى والاقيكى خلصتى وروحتى يا تسنيم.
تسنيم :بس انا..
سليم قفل التليفون قبل ما هيا تكمل كلامها.
تسنيم: يا لهوى هوا قفل التليفون فى وشى ولا انا اللى بيتهيألى لاء هوا اللى قفل طيب لما اشوفك يا سليم.
وقامت لبست هدومها لبست بنطلون جينز وتيشيرت ابيض عليه وجاكت جينز وفردت شعرها ونزلت تحت ركبت عربيتها ومشيت.
_________
ماريا: يلا يا بنات علشان نمشى هنتأخر.
سيلين:لحظة بس هلبس الكوتش.
ماريهان: انتى بتلبسى فى الكوتش ده من ساعتين.
ميرنا:يلا انا خلصت.
سيلين:وانا كمان اهو
البنات طيب يلا.
وبعد ما نزلوا.
سيلين:بقولكم ايه تعالو نتمشى كده كده الجامعة قريبة.
البنات:اوك.
وبعد ما مشيو مسافة صغيرة.
ماريهان: يالهوى نسيت التليفون بتاعى.
ماريا:طيب روحى هاتيه بسرعة واحنا هنستناكى هنا.
ماريهان: روحو انتم وانا هحصلكم.
سيلين: ماشى ما تتأخريش.
ومشيو وماريهان رجعت البيت تانى علشان تجيب التليفون وهيا طالعة على السلم قابلت سماح.
سماح:ايه اللى رجعك تانى يا حبيبتى.
ماريهان: نسيت التليفون بتاعى.
سماح:ماشى يا حبيبتى عايزة حاجة او اساعدك فى حاجة.
ماريهان: تسلمى.
ودخلت الشقة اخدت التليفون ونزلت تانى وهيا ماشية فى الشارع لاقت حد بيقولها.
...:بعد إذنك يا عروسة.
ماريهان:عروسة مين يا حج ما توحد الله كده فى سرك هوا انت شايفنى لابسة الفستان الأبيض ولابسة جذمة بيضة ولابسة طرحة وحطة تاج فوق راسى ومآنكجة واحد لابس بدلة سودة وجذمة سودة ورافعلى شعره وعامله استشوار وبيغنولى اغنية طلى بالابيض
ولا ايه يا حج ولا شايفنى كاتبة على وشى عروسة على ما يفرج.
الراجل:اعوذ بالله منك يا شيخة الله يكون فى عون اللى هيتجوزك
ويدبس فيكى ده تلاقى امه قلعت طرحتها وقعدت تدعى عليه بعدد شعر راسها.
ماريهان:ماله اللى هيتجوزنى هوا هيلاقى احسن منى فين.
الراجل: مالوش ده مصر وامه لا اله الا الله كلها دعياله.
ماريهان:اكيد لازم الدنيا كلها تكون دعياله علشان ياخد واحده زيى😒😂.
الراجل:و الله الله يكون فى عونه دى هتكون جنازة مش جوازة😡.
ماريهان:عيب كده يا حج ما تقولش كده على ابنك او ابن اخوك او ممكن يكون ابن مراتك اللى انت مربية ومعتبره ابنك😁🙂.
الراجل:انتى بتقولى ايه وهما دول مالهم🤨.
ماريهان: اصل حد منهم هيكون هوا اللى مصر داعية عليه وهيتجوزنى😁😁.
الراجل:ليه من قلة البنات.
ماريهان: لاء يا حج ما اصل انت مش فاهم هوا ديما فى المسلسلات والروايات والافلام البطلة بتتخانق ابو البطل
وبعدين هيا والبطل يتقابلو وفى كذا طريقة على
فكره علشان يتقابلو بيها يعنى مثلا ممكن يكونو سوا فى نفس الجامعة وهما ماشيين يخبطو
في بعض والكتب تقع على الارض وهما يفضلو يسبلو لبعض كده وبعدين يوطوا علشان يجيبو
الكتب اللى وقعت يروحو جايين خبطين في بعض وتبدأ بقا قصة الحب من هنا أو ممكن يكون
ماشى مثلا ولا شباب بيعاكسو فيها ويروح جاى هوا بقا ماسكهم ضاربهم وهيا تشكروا وتعجب بيه
وتفضل تتابعه من بعيد لبعيد وهوا بيلاحظ كده وبعدين بيعجب بيها ويحبها ويتجوزو او ...
الراجل:خلاص بقا انتى بالعة راديو.
ماريهان: لحظة بس يا حج خلينى اكملك وبعدين ييجى اى كان ابنك او ابن اخوك او ابن مراتك يقول انه بيحبنى وانت لما تعرف انه بيحبنى انا تروح جاى حالف يمين تلاتة انه ما هيتجوزنى وتبدأ بقا الحرب بينكم لحد ما يزهق منك علشان مش موافق ويقتلك ونتجوز بعدها عادى.
الراجل: منك لله يا شيخة 😡😡بقا عايزة ابنى يعادينى ويقتلنى علشان شبر ونص زيك بلسان طويل حسبى الله ونعم الوكيل فيكى ربنا على الظالم والمفترى 😡😡😡.
وسابها ومشى.
ماريهان بضحك: خد بس يا حج هقولك تعالى يا حجوج طيب استنا بس😂😂.
الراجل:لا رد.
ماريهان:يا عينى ده اتهبل واتجنن يا عينى عليك يا قلب امك كنت راجل طيب والله 😂😂😂.
.....:ايه يا بت اللى عملتيه فى الراجل ده.
بصت ماريهان خلفها لاقت تيم ساند على العربية بتاعته وميت على روحه من الضحك.
ماريهان: وانت مالك انت 😑😐.
تيم:يخربيتك ده انتى طلعتى قادرة ومفترية.
ماريهان: مطلبتش رأيك على فكره فيا.
تيم:وانا مطلبتش ردك على فكره.
ماريهان:بارد.
تيم:منك بنتعلم.
ماريهان:سلام يا ابرد خلق الله ولا سلام ليه من غير سلام أنا ماشية.
تيم: استنى يا بت هقولك.
ماريهان: بت فى عينك.
تيم:بتدايقك كلمة بت .
ماريهان:اه .
تيم :طيب يا بت يا بت يابت.
ماريهان:ابو شكلك غور ياض.
تيم بضحك:طيب استنى بس انا عايز اتكلم معاكى فى موضوع.
ماريهان:بتهيألى مافيش مواضيع بينا علشان نتكلم فيها.
تيم: لاء فى أنا عايز اتكلم معاكى فى موضوع مهم جدا يخصك.
ماريهان:يخصنى.
تيم:ايوة.
ماريهان:ممكن بعد ما اخلص جامعتى طيب.
تيم :تمام تعالى اوصلك.
ماريهان:لاء شكرا انا خلاص قربت.
تيم:لاء يلا انا هوصلك.
ومسكها من ايدها وركبها العربية ومشيو .
_______
لورين كانت واقفة قدام عربيتها ومتنرفزة .
لورين بتذمر:يوووه هوا ده وقته انك تعطلى دلوقتى انتى كمان.
....:فى حاجة يا انسة.
لورين بصت وراها لاقت شاب جميل جدا .
*مز من الاخر 😂😂*
لورين: ايه الحلويات دى.
الشاب: نعم حضرتك.
لورين:ايه اه لاء .
الشاب بضحك:انتى بتقولى ايه.
لورين:معلش متاخدش فى بالك.
الشاب:تمام فى حاجة اقدر اعملهالك.
لورين:العربية بتاعتى معرفش ايه اللى حصلها مره واحده وقفت معرفش عطلت ولا ايه.
الشاب:طيب ممكن اشوفها.
لورين:اكيد اتفضل .
الشاب صلح العربية ل لورين .
لورين بإبتسامة: شكرا يا..معلش معرفش اسمك.
الشاب:كامل اسمى كامل.
لورين :اتشرفت.
كامل: عن إذنك بقا.
لورين:اتفضل.
_
______
ماريا :بصى يا بت يا ملاك ماريهان نزلة من عربية مين.
ملاك:مش ده المز صاحب اخويا اللى كان موجود يوم الشبكة.
ماريا:اه هوا.
ماريهان نزلت من عربية تيم وراحت عند البنات.
ماريهان:مالكم بتبوصولى كده ليه وفين سيلين.
ميرنا:سيلين واقفة مع جاسر.
ملاك:اومال ايه حكايتك مع المز ده يا ميرو .
ماريهان:مز مين .
ماريا:المز اللى نازلة من عربيته.
ماريهان:ينعل ابو تفكيركم الشمال خلو في ذرة سلكان .
ماريا:ده إحنا كلنا سلكان بس قولى بس .
ماريهان: يا ستى كل الحكاية انه عرض عليا انه يوصلنى وانا وافقت مش اكتر.
ملاك:هيا لورين اتأخرت كده ليه.
ماريا:مش عارفة.
_________
سليم كان قاعد فى مكتب شركته بيشرب قهوته دخلت السكرتيرة عليه.
السكرتيرة بإحترام:صباح الخير يا فندم.
سليم:صباح الخير.
السكرتيرة:فى واحد بره بيقول انه ابن عمتك واسمه كمال وعايز يدخلك.
سليم: دخلية.
السكرتيرة :حاضر يا فندم.
السكرتيرة طلعت وسليم ابتسم ابتسامة شر وبعد شوية كمال دخل المكتب و .....