رواية عاصفة القدر الجزء الثاني
الفصل الخامس والسادس
بقلم إيمان المهدى
استأذنت عاليا نور ودخلت غرفتها بنواياها السيئة
وبدموع مزيفه. ارجوك يانور سيبيلى جوزى متهدميش حياتنا لو مش عشانى عشان خاطر بنتى ال ممكن تتحرم منى ارجوكى مراد عايز يطلقنى عشانك متخربيش بيتى انا عارفة انك بنتى اصول وميرضكيش تهدمى بيتى
نور بإستغراب انتى عارفة أنت بتقولى ايه فاهمة كلامك كويس وبعصبيه أكبر انت ازاى أصلا تتخيلى إن يوم اكون بفكر بالشكل دا .. بس مش بعيد على واحدة زيك لعبت لعبة حقيرة عشان تشوة صورتى وتتجوز الشخص ال بيحبنى واحدة زيك لازم تفكر ان كل الناس زيها وان دا أمر طبيعى ان اخطط واخد راجل من مراته وبنته
عاليا. بدموع مزيفه. أنا آسفه يانور عارفة ان كنت غلطانه وقتها وان افورت ف كلامى عنك لمراد بس والله مكنش هدفى أخطفه منك
نور. بغضب. عاليا. اياكى تحلفى بالله كدب تانى أنا عارفاكى كويس.كلامك مبقاش ليه لزوم اصلا
عاليا طيب هتعملى ايه مع مراد
نور ولا حاجة
عاليا يعنى ايه هتوافقى يطلقنى
نور يابنتى وانا ايه داخلى يطلقك أو لأ دى حياتكم انتم
عاليا. أنا قولتلك ان عايز يطلقنى عشان يرجعلك
نور. بصى ياعاليا أنا ومراد. قصتنا انتهت من سنين وهو دلوقتى ابن عمى وبس
عاليا بس أنت بالنسباله مش كدة
نور تفكيره ميخصنيش
عاليا ارجوكى يانور ساعدينى قوليله أنك مش عايزاه
وانه ينساكى قوليله أي حاجة تخليه يبعد عنك وتبقى كدا انقذتينى أنا وبنتى
نور. بضحكه كلها وجع. انقذتك. حاضر يا عاليا ومتقلقيش أنا ومراد مستحيل نتجمع مش بس عشان أنت عايزة كدا لأ دا القدر كمان كان عايز كدا من سنين
وياريت تتفضلى بقا.
عاليا. طيب ممكن متعرفيش حد ان جتلك وحكينا ارجوكى لو مراد عرف هيعاند
نور. بنفاذ صبر روحى ياعاليا أنا عايزة ارتاح
خرجت عاليا من عند نور تتسحب عشان محدش يشوفها
نور كان قاعدة مصدومه من القدر ال بتحاول تهرب منه هي رجعت لانها تعبت من الغربه والوحدة ال كانت عايشاها وهي بعيدة رجعت وكان كل تفكيرها انها تقفل صفحة مراد للأبد لانها مش هتفكر تخرب حياته وتبعده عن اولاده هي متأكدة ان لسه ليها مكانه ف قلب مراد بس مش لدرجه ان يوم ماترجع بكل سهولة وبساطه يقرر ينهى علاقته بمراته ويهد بيته
وأكملت ف نفسها
للدرجه دى يامراد بقيت شخص سطحى ومالكش امان اي كان ال عاليا عملته بس دى مراتك وانت ليها سند وابو بنتها ازاي عايز يتخلى عنها ويسيبها بالسرعة دى بعد خمس سنين عايشين مع بعض ف لحظات يقرر التخلى عنها
عاليا كان كل هدفها انها تكمل خطتها ال اتفقت عليها مع فهد تفرقه نور ومراد.
عاليا ف نفسها. أنا لازم اخليها تصدق ان زوجه كويسه وان هو ال عايز يبعنى لازم نور تتأكد ان بحب مراد وبعمل كل ال يرضيه.
وبالفعل دخلت المطبخ وبدأت ف تجهيز الفطار وبعدها صحت نور بنتها وبتجهزها ورجعت على المطبخ وخلت الخادمه تساعدها ترص الأطباق على السفرة
اتجمعت العيله كلها على السفرة ونزل مراد من فوق كان مبسوط روحه فرحانه وأخيرا هيكلمها وهيطلب منها تسامحه
نور واقفه بتضحك وبتهزر مع أحمد ومروة بتحاول تدارى الوجع ال جواها ليأتى صوته من وراها. مراد ضحكت نورت القصر الذهبي من تانى يانورى
التفتت نور له وتنظر له ف سكوت تام
مراد. وحشتني يا ..قاطعته نور ازيك يا مراد
مراد. ازيك يانورى حمد لله على سلامتك
نور. إسمى نور وبس .. الله يسلمك
مراد فهم ان مش بالساهل ان يرضيها.
نور ايه ياماما مش هنفطر ولا إيه أنا عندى كلام كتير عايز احكيه
سميرة طبعا وانا كمان عايزة أسمعك يالا ياولاد الفطار جاهز
قعدوا كلهم على السفرة ومراد حس ان مهمته صعبه
كانت عينه عليها. نفسه لو ياخدها من وسطهم ويتكلم معاها
عاليا كانت نازله بنور من فوق ومجهزاها. عاليا بإبتسامه ماكرة. حبيبة مامى انت عارفة طبعا ان بحبك اووى
عشان كدا من النهاردة أنا ال هوديكى المدرسه وأجيلك
وكل ال عايزاه اطلبيه من مامى يا روح مامى
نور بسعادة بجد يا ماما انا مبسوطه اوووى
عاليا ومش بس كدا ياقلبى أنا كمان جهزتلك الفطار ال بتحبيه وهعملك على الغدا الأكل ال بتحبيه انتى وبابى
نور حضنت مامتها بحب شكرا يا مامى انت جميله جدا وانا بحبك اوووى بس متنسيش نور تانى
عاليا ياقلبى أنا عمرى مانسيتك أنا كنت بعمل كدا عشان اتأكد أنك بتحبينى اكتر من أي حد تانى. صح يا نور عينى
نور صح ياماما
عاليا. صباح الخير ياجماعة
محدش رد عليها وكملوا هزارهم ولا كانها موجودة
عاليا ايه رأيكم ف الفطور النهاردة
سميرة اشمعنا ياعاليا
نور. عشان مامى ال عملاه
سميرة عاليا أنت ال. عامله الفطار
عاليا أه ياطنط دا واجبى ويارب يعجبكم
نور. ومامى هتعمل الأكل ال بحبه أنا وبابى على الغدا
الكل كان مستغرب وبيبصوا على مراد ال قاعد وباين عليه الغضب وان دقايق وهينفجر ف الكل
سميرة. كويس يا عاليا بس ياريت تهتمى بنور زي ما بتهتمى بأكلها
عاليا أكيد ياطنط أنا ليا مين غيرها
مراد قام وقف وبعصبيه حسام ابقى وصل نور وزين على المدرسة أنا رايح الشركة
حسام. حاضر يا مراد.
عاليا. معلش خليك انت ياحسام أنا وعدت نور ان هوديها النهاردة
مراد التفت لها بكل غضب ومسكها من دراعها بعنف. انت عايزة ايه بتثبتى ايه ولمين. هااا ردى
عاليا. ااه لوسمحت يامراد بتوجعنى
فايد. مراد. اهدى عشان الولاد
مراد. بصوت مرتفع حسااام خد الولاد من هنا ووصلهم
عاليا بدموع مزيفه أنت بتعمل فيا كدا ليه ايه الغلط ال عملته
مراد بغضب انت عارفة كويس ايه ال بتعمليه
عاليا أنا بس بحاول أأدى واجباتى كأم مش أكتر معملتش مصيبه يعنى
مراد. واشمعنا دلوقتى يا عاليا ...عايزة تثبتى ايه ولمين
عاليا أنا مش بثبت حاجة لحد أنا يقوم بواجباتى تجاه عيلتى أنت جوزى ونور بنتى وانا بحاول ارضيك وبس
مراد. جوزك وبتحاولى ترضينى هااا. طيب ياعاليا وانا بعفيكى من الواجبات دى لان النهاردة هيكون آخر يوم لينا مع بعض وآخر اليوم هنكون متطلقين. ارتحتى
عاليا بعياط لا يا مراد ارجوك متسبنيش انت عارف ان بحبك هعيش خدامة ليك ولبنتى بس متتخلاش عنى عشان أي حاجة تانيه
نور كانت واقفه ومصدومه من معامله مراد الجافة وكم الوجع ال بيسببه ليها وهو ماسكها كدا. مش متخيله ان دا مراد. وان دا شخص همجى بيهين زوجته
مراد والعيله كلها كان مصدومين من كلام عاليا لان كان ف اتفاق بينها وبين مراد من أيام وكان موافقة على الطلاق
مراد بغضب. انت أكيد اتجننتى يا عاليه إذا كنت فاكرة ان بكلامك دا ممكن يتغير حاجة من اتفاقنا
تبقى فعلا بتتوهمى وكلامك مش هيأثر ف حد هنا
نور سابتهم وطلعت الجنينه مخنوقه من كل ال شافته هي لسه مش مستعدة تواجه كل دا ولا عارفة تقف مع مين ضد مين وازاي اصلا هتدخل وتحاول تصلح علاقه قضت عليها زمان. كان ف حيرة بين عاليا ومراد بس كان لازم تعمل أي حاجة عشان خاطر الطفلة الصغيرة
ظلت هكذا ف حيرتها حتى اتاها صوته الدافئ والمحبب إليها نور ممكن نتكلم من فضلك
نور. آسفه يامراد أنا تعبانه دلوقتى نتكلم وقت تانى
مراد مسكها قبل ما تتحرك لازم تسمعينى
نور بصتله بغضب عشان مسك ايديها كدا وفورا شال ايده. وكمل كلامه ارجوكى اسمعينى
نور عايز ايه يا مراد وايه ال عايزنى افهمه هاااا
مراد أنا ... قاطعته بغضب. متتعبش نفسك أنا عارفة عايز تقول ايه
مراد. نور اسمعينى بقا انت مش عطيانى أي فرصه تفهمى منى
نور. اتفضل. احكى
مراد أنا وعاليا مفيش بينا أي حاجة وانفصالنا مؤكد
نور أنا حياتى عمرها ما تكمل من غيرك ..قاطعته بضحكة كلها ألم وانت عايز بقا اقولك إيه اترمى ف حضنك وأقولك أنا كمان مقدرش اعيش من غيرك فوق يامراد وانسى نور ال كنت تعرفها نور ال اتكسرت زمان مستحيل تكسر حد النهاردة وتقبل تتجوز واحد متجوز
مراد بغضب قلتلك مفيش بينى وبين عاليا حاجة
نور بصوت مرتفع. انت ايه ازاي بقيت بالقساوة دى عايز تتخلى تانى عن بنت بتحبك زي ما تخليت عنى زمان.
انت فاكر أن ممكن أقبل ان ارجعلك عشان قولت انك علاقتك بعاليا انتهت
مراد. يانور أنا وعاليا. كنا.... نور قاطعته بغضب. انسى يامراد
مراد. كان غصب عنى القدر دايما كان معاكس لرغباتنا
نور اياك تقول تانى القدر. بلاش كل حاجة تقول أصل القدر السبب. القدر هو ال خلاك متثقش فيا وتصدق كلام عاليا القدر هو ال خلاك متشوفش وجعى طيب مفكرتش لحظه أزاى نور ال انتظرتك سبع سنين تكون بتفكر ف غيرك إزاي
مراد. أنا آسف يا نور وعارف ان عندك حق ارجوكى سامحينى
نور بهدوء. مراد ياريت تكمل حياتك مع بنتك ومراتك
هما اهم من تفكيرك فيا
مراد. أنا وعاليا هنتطلق النهاردة وحياتى ال بتقولى عليها دى معشتهاش اصلا
نور. سواء كملت مع عليا ولا لأ ولو مفيش غيرك مستحيل اتجوزك او اكون ليك
مراد. انسى يانور انت ليا عارف أنك متضايقه منى أنا هسيبك لحد ما تهدى وتسمعينى وتعرفى حقيقه علاقتى بعاليا ساعتها مش هتكون غير ليا
نور بتحدى. انت آخر واحد ف الكون ممكن أقبل ان اتجوزه
مراد. هنشوف يانور وسابها وخرج برة القصر والغضب مسيطر عليه
نور مسحت دموعها أنا لازم أعمل اي حاجة عشان مراد
يفقد الأمل فيا للأبد
مسكت الفون. الووو انت فين عايزة أقابلك فورا
المتصل.....
نور. أنا محتجالك وعيزاك تساعدنى. أنا هقابلك ف الفندق ال نازل فيه
الفصل السادس
ف شركة آل سليمان
مراد كان ف مكتبه وصل لقمه غضبه وبيزعق مع أي موظف يدخله
احمد هبه ( السكرتيرة) مراد ف المكتب.
هبه بتوتر أه يا أستاذ أحمد
أحمد مالك يابنتى متوترة كدا ليه
هبه. مستر مراد من وقت ما وصل الشركة وهو بيزعق ف الكل وبيطلب ملفات ومستندات تخلص النهاردة ودا صعب وبصراحة أول مرة نشوفه بالشكل دا. أنا خفت من عصبيته جدا
أحمد. طيب تعدى كدا وانا داخله وهحاول افهم فيه إيه
خبط على باب المكتب
مراد بصوت مرتفع. ادخل.
أحمد. ايه يامراد مالك. شايط ف الموظفين ليه وايه الطيران التعجيزيه دى
مراد بعصبيه. ف ملفات كتير مش كاماه واهمالهم واستهتارهم دا هيخسرهم وظيفتهم
أحمد قعد قصاده وبهدوء. تعدى يامراد وقولى مالك وبلاش تحط غضبك على الموظفين مالهومش ذنب
مراد. مفيش حاجة غير ال قلت عليها مقصرين ف شغلهم
أحمد. مراد أنا فاهمك كويس اوووى العصبيه دى ملهاش علاقه بتقصير الموظفين انت متضايق من ال حصل وكلام عاليا قدام نور الصبح صح كدا
مراد. أنا كلمت نور وحاولت افهمها
أحمد. هااا وايه رأيها
مراد رفضت
أحمد. كنت متوقع كدا
مراد مش بس كدا دى شايفة ان بظلم عاليه وبتخلى عنها وان ماليش امان.
أحمد. معقول تكون وصلتلها الفكرة بالشكل دا. طيب مش قولت انك فهمتها طبيعة علاقتك بعاليا
مراد. مسبتليش فرصه وتقريبا حاولت اوضح ان أنا وعاليا علاقتنا منتهيه بس مش عارف ازاي ربطت دا بإن يعمل كدا عشان هي جت مع ان فكرة الطلاق موجودة من سنين وانتوا ال كنتم بتقولى بلاش ولولا خطوبه حسام كنت نهيت الأمر قبل وصولها اصلا
أحمد. بس هي متعرفش كدا ازاي مفهمتهاش
مراد. مسبتليش فرصه اوضح اكتر
أحمد هي ليها عزرها لما اشوفك اب لبنت زي نور وزوج تفتكر هتعمل ايه. هتستنتج فورا أن دى عيله كامله ووجودها هيخرب العيله دى. هي متعرفش اصلا ان حتى يوم ما قربت من عاليا كنت غايب عن الوعى وكانت لعبه عاليا عملتها عليك نور صعب تصدق انك بتنهى العلاقة دى لانها مش موجودة اصلا بالنسبالك هتفكر أنك نهيتها بسبب رجوعها وحظك بقا أنك قلت هتطلققوا ف نفس وقت رجوعها
مراد طيب أعمل ايه دى رافضه أي محاوله للنقاش ورفضانى شخصيا أنا تعبت
أحمد أنت عارف ان رجوعك لنور مش هيكون سهل
مراد. ومتخيلتش ان هيكون بالصعوبه دى.
أحمد أكيد نور هتفهم الحقيقة وربنا يقدملكم ال فيه الخير
نور كانت متضايقة من مواجهتا بمراد. هي مكنتش مساعدة لدا حالياً مقدرتش تفهم ايه التردد دا وليه حاسة ان مراد عنده كتير يقولهولها وهي مش سايبة فرصة تسمعه وف نفسها. ياترى أنا عملت الصح ولا لأ.
واستأذنت مامتها تخرج نور. ماما أنا عندى مشوار مهم هروحه
سميرة. حبيبتى مش قولتى هنقعد سوا النهاردة. وكمان سارة وولادها جايين
نور. معلش بقا ياماما
سميرة. مشوار ايه بقا ال هتسيبينا عشانه
نور لما ارجع هتعرفى. وبعدها هروح المستشفى اشوف شويه اوراق عشان هنزل من بكرة الشغل
سميرة على طول كدا يا نور هي المستشفى هتطير ولا خايفة الوظيفة تروح عليكى. أومال لو ما كنتش المستشفي ملكنا
نور يعنى عشان ملكنا اقعد بقا ومشتغاش لا ياستى سميرة انت متعرفيش بنتك ولا ايه الشغل عندها أهم حاجة.
سميرة. ماشى ياحبيبتى ربنا يوفقك
نور. اسيبك دلوقتى بس ياريت تجهزى أكلك الحلو عشان فيه ضيف جاي معايا على الغدا
سميرة. بإستغراب ضيف مين
نور بإستعجال. مش وقته ياقلبى أنا كدا هتأخر باااي
مع خروج نور كانت سارة واولادها بيدخلوا القصر
سارة. رايحة على فين يا نور أنا جايه اقعد معاكى تسيبنى وتمشى كدا
نور بإستعجال قبلت سارة واولادها معلش ياقلبى بقا عندى مشوار مهم هحاول متأخرش عشان عايزة اقعد مع الأشقيه دوول. يالا باى
سميرة. تعالى ياسارة
سارة ينفع ال نور بتعمله دا هي لحقت
سميرة معلش بقا. أكيد مشوارها مهم وبكرة تشبعى منها
مروة. ازيك ياسارة عاملة ايه ياحبيبتى
سارة الحمد لله يامروة
مروة. ماما سميرة. أنا أخدت مفاتيح قوضه نور من مراد وهطلع أنا وام محمود (الخدامة)ننظفها ونشوف ناقصها ايه
سميرة أنا بفكر نور متقعظش فيها
مروة عشان الباب ال بين الغرفتين. متقلقيش مراد عطانه مفتاحه وقالى اقفله من جوا.
سميرة. بس يابنتى .. قاطعتها مروة. ماما سارة بتخب قوضتها جدا ومش هتفكر تسيبها وهتزعل لو عرفت انك خلتيها تسيبها عشان مراد
سميرة ال انتوا شايفينه بقا اعملوه
مروة طيب أنا هطلع عشان الحق اخلص قبل ماتيجى
ونادت على ام محمود تجيب حد من الشغالين ويطلعوا يساعدوها
سارة مراد ونور اتكلموا ولا ايه
سميرة بحزن. اسكتى ياسارة عاليا خربت الدنيا بغلها نزلت وحاولت تبين لنور انها مهتمه بجوزها وبنتها وهو ال مش عايزنا وبيعملها بسوء ودا كان واضح قدام نور لانها متعرفش حقيقة ال بين عاليا ومراد
سارة بس ايه تعمل كدا. وكمان هما كانوا متفقين على كل حاجة بخصوص الإنفصال وكان فعلا زمانهم مطلقين لولا التأجيل عشان خطوبه حسام.
سميرة. تفتكرى هتعمل ليه أكيد عشان ميبقاش فيه فرصه للرجوع بين مراد ونور وتبان انها زوجة صالحة وان مراد بيظلمها بالتخلى عنها ف يوم وليله بسبب رجوع نور. واظن ان عاليا نجحت ف كدا لان سمعتهم وهنا بيتجادلوا ف الجنينه واختك مش عايزة تسامح مراد ولا عايزة تسمع منه وشيفاه انوا سطحى ومش همه لا مراته ولابنته
سارة. يالهوى ياماما كل دا عملته عاليا ... بس كدا فعلا هيكون صعب على مراد جدا ان يفهم نور ال قفلت عقلها على كدا
سميرة والله ما بقيت عارفة أعمل ايه او اصبح ازاي بينهم مش عايزة اضغط على نور ولا عايزة اسيب مراد كدا
سارة طيب وفين ست عاليا دلوقتى
سميرة خرجت على طول بعد خروج مراد وهو متعصب
سارة طبعا ما عملت ال هي عيزاه
###############
عاليا عملت كل ال اتفقنا عليه والخطه نجحت
فهد. قرب عليها كنت عارف أنك قدها يا لولا
عاليا دا أكيد. أنا مش هسيبهم يتنهوا ببعض
فهد طيب ما تيجى احنا ندخل حول ونتهنى ببعض
عاليا. انت مش بتشبع ابدا وبعدين مش وقته دلوقتى مراد أقسم ان هنطلق النهاردة
فهد. بتفكير. مش مهم كل ال يتمنى أنك تفضلى ف القصر واظن مراد وعد بكدا قدام العيله كلها ومش من طبعه يخلف وعده
عاليا بس كدا هيقرب من نور
فهد بالعكس دا هيبعدوا اكتر لان نور منصور ان مراد ملوش امان وكمان انتى قدامها مراد ظلمك وضحيه وصعبانه عليها ودى الداخلة الوحيدة لنور
###########
مطعم داخل أحد الفنادق
نور. آسفه يا جون عل التأخير
جون. ولا يهمك يانور. بس فيه ايه قلقتينى مش اتفقنا هنتقابل آخر النهاردة بعد ما تسلمى على اهلك وتعرفيهم بوجودى معاكى هنا
نور. معلش احتاجتك ف موضوع ضرورى وكان لازم نتكلم الأول
جون خير يانور قلقتينى ف حاجة حصلت مع مراد
نور. أه. وحكتله كل حاجة عرفتها
جون معقول يمكن بيعمل كدا عشان بيحبك بس ليه استنى السنين دي كلها وفمر ف الإنفصال ف نفس يوم رجوعك هو كدا فعلا بيظلم زوجته
نور وانا مينفعش اطاوعه ف ال هيعمله
جون وناويه على ايه
نور عايزة مراد يفهم ان خلاص مبقاش فيه آمل ف علاقتنا وان أنا ف عندى مشاعر تجاه حد تانى
جون تقصدى ايه
نور انت عارف كويس. .. عايزاك تتعرف على الكل ويفهموا أنك هنا عشان تفضل جمبى وبحكم صداقتنا مراد هيفهم ان أنا وانت ممكن علاقتنا تتطور لإرتباط
جون بس أكيد هيعرفوا ان مفيش بينا اكتر من علاقة اصدقاء
نور ف الوقت الحالي مش هيفهم كدا وساعتها هيكون حس ان خسرنى وان ملوش مكان ف حياتى
جون مع ان مش مقتنع. ولا فاهم منين هتقولى ان صديق ومنين هيبان ان حبيب
نور أنا أتصرف بطريقتى متشغلش بالك المهم اسم جون ال عاجبك اووى دا انساه مش عايزة مراد ياخد باله أنك مسيحى
جون. أومال عايزة ايه
نور. ياريت تتقبل إسمك ال ف الأوراق افضل يا أستاذ يوسف وتنسى اسم چو وجون ال اتعودت عليهم اسم يوسف هيخلى مراد ميشكش كتير ف ديانتك. وكمان احلى من الأسامى ال عودت الكل ينادياك بيها
جون حاضر ياستى. عشانك هتحمل أي حاجة. اما اشوف اخرتها ايه معاكى
نور طيب يالا بينا نروح المستشفى وبعدها نطلع على القصر
######
ف المشفى دخلت نور. وجون. وبدأت تتعرف على الدكاترة ال عرفوا انها الدكتورة نور بنت فايد سليمان صاحب المشفى وفيه ال كان يعرفوها قبل كدا
نور كان بتتعرف على تطورات المشفى وعرفتهم يوسف
دكتور يوسف.من أكبر الجراحين وهيكون معانا هنا ف المشفى الفترة الجايه
الدكاترة رحبت بيوسف. وكملوا لفهم على اقسام المستشفى. وبعد كان ساعة كان نور ويوسف داخل القصر والكل واقف منتظر نور تعرفهم مين دا ومراد ال كان واقف متغاظ من تصرفات نور ودخولها معاه وابتسامتهم لبعض
. نور ماما بابا. دا دكتور يوسف واكتر شخص ساعدنى الخمسة سنين ال فاتوا ولديه افضل عليا لاتعد أنا بجد بدين ليه كل الفضل ف ال وصلته وحققته ف مجال الطب ف الخارج
فايد اهلا وسهلا يابنى نورتنا. وشكرا على وقوفك جنب نور
يوسف متقولش كدا يافايد بيه نور مجتهدة ووصلت بمجهودها هي بس بتحب تأفور شويه وابتسم وبغمزة لنور ولا ايه
مراد كان واقف عيونه كانت تشبه الجمر من شدة إحمرارها بسبب اعصابه المشدودة والغيرة ال هتقتله
سميرة ازاي بقا نور قالت أنك صاحب فضل وأكيد بتقول الحقيقة شكرا يابنى ليك على عملته معاها وحمد لانه على سلامة وصولك مصر
يوسف. الله يسلمك يافندم وبص ف اتجاه نور وبعدين نور عارفة معناها عندى ازاي وان ال قدمته دا أقل سئ
الكل كان بيبص لنظرات نور ويوسف ال كلها أعجاب او هما بيحاولوا يبينوا كدا
وكان عينيهم على مراد ال على شويه وهيخنق يوسف
فايد حب يلطف الجو عشان مراد ميتهورش بسبب نظرات يوسف. تعالوا ياولاد الغدا جاهز. اتفضلوا
يوسف. شكرا يافايد بيه ملوش لزوم
فايد. أولا متقلش فايد بيه.
يوسف اومال اقول ايه
فايد. قولى ياعمى أي حاجة أنت مش غريب ال يساعد بنتى ف غربتها يبقى ف مقام ابنى ويالا مفيش اعتذار الأكل جاهز
يوسف. أصل أنا ...
أحمد. بابا قالك مفيش اعتذار. أحسن ليك تقول حاضر وانت ساكت.
يوسف بإبتسامه لا وعلى ايه حاضر
اتجهوا كلهم الطاولة الطعام. يوسف بصوت عادى يميل على نور. معقول ال هناك دا مراد.
نور أه هو ايه رأيك
يوسف. منك لله ياشيخة انت حيباتى هنا عشان اموت انتى مش بيبصلى ازاى حاسه عايز يجيب كرشى
نور. معقول ف دكتور محترم وأحنبى يقول كرشى بيئة اوووى يا جو
يوسف. واحدة بالك أنك بتنشى وبتقولى جو. ركزى ياختى وبعدين أنا أه ابويا فرنسى بس ماما مصريه اب عن جد يعنى عادى هتسمعى من دا كتير
نور طيب يالا الكل منتظر وكمان لوفضلنا نتكلم كدا كتير مراد هيجى يجيب كرشك بجد
يوسف لا وعلى يالا بس خليكى جمبى أنا مش مستغنى عن طحالى. أنا لسه شباب وعايز افرح
نور. بتضحك متخفش المفروض أنك جراح وقلبك ميت
يوسف. والله قلبى لو مات وووقف نبض فهيبقى على إيد هركل بتاعك دا يالا ياختى.
قعدوا كلهم على السفرة وتبادلوا الكلام وكان فايد وسميرة بيسألوا يوسف عن طبيعة حياته وهل فعلا هيستفر فى مصر ويشتغل مع نور ف المستشفى
وبعد انتهاء العشاء اكملوا احاديثهم وهزار نور وهل بتحكى تفاصيل عاشتها مع يوسف أول عمليه وتدريباتها ومقالبها ف يوسف وكان الكل مبسوط لإن وبعد سنين شافوا ابتسامة بنتهم من تانى. بس فضلت الخبرة شغلاهم ياترى نور علاقتنا بيوسف واصله لأى مدى. وايه هيكون مصير علاقتها بمراد
استأذن يوسف منهم
يوسف طيب استأذن أنا وشكرا على الكل المصرى الجميل أنا مأكلتوش من وقت موت ماما
سميرة ف أي وقت نفسك ف الأكل المصرى قولى بس وانا اعملك كل ال نفسك فيه
يوسف. ربنا يخليكى ويابخت أولادك بيكى. يالا استأذنكم. اشوفك الصبح يا نورى
مراد أول ما سمع اسم نورى اتصدم هو وباقى العيله لان مراد بس ال بيقول الإسم دا
نور كان مفهمه يوسف يقولها كدا عشان مراد يفهم ان مكانه انتهى خلاص. بإبتسامه. بإذن الله يا يوسف.
######.
مراد قرب من نور بغضب ازاي تسمحيله يقولك نورى كدا ويدلعك عادى
نور أولا متتعصبش عليا ودا شئ يخصتى ملكش دخل فيه وياريت تخليك ف حياتك ومراتك بقا وتطلعنى من دماغك
مراد. كدا يانور. طيب اسمعينى أنا وعاليا هنتطلق دلوقتى وزي ما قولتلك أنا وهى عمرنا ماكنت زوجين ولا هنكون وانت مش ميموحلك تكونى لغيرى فاهمه فمتحلميش كتير
فايد. فيه ايه انتوا مش عاملين احترام ليا ولا حد خالص وبعدين الأمور دى مستحيل تتناقش بالخناق اقعدوا اتكلموا بهدوء وكل واحد يقول ال عنده بشكل واضح وبصراحة مش تقضوها خناق
نور. بابا أنا آسفه بس معنديش كلام اقوله لواحد متجوز وياريت هو سفنهم معنى المسؤولية دى
مراد. آسف ياعمى. وانا فاهم كويس مسؤلياتى يانور أنا قاطعة دخول مصطفى أحد الحرس. مراد بيه المأذون برة
نور انت بردوا هتنفذ ال ف دماغك وتطلقها. حرام عليك بلاش تظلمها وتظلم بنتك عشان أي حد
مراد. الموضوع انتهى ولو احبه تعرفى اسبابى يبقى بعد ما المأذون يمشى ويخلص كل حاجة هقعد وافهمك
نور. مش عايزة افهم حاجة كل ال قدرات افهمه أنك أنانى وكل ال يهمك مصلحتك وساعدتك وبس وعايز أحصل على كل حاجة وتكون تحت سيطرتك بس أنا مستحيل اكون ليك يامراد وانا هكون ابعد من نجوم السما فاااهم
مراد أحس بضيق من كلامها وقد ايه هي مبقاش فيه ثقه فيه ابدا. بس قرر ينهى علاقته بعاليا الإول ويحاول يرجعها ليه بأي طريقة
مراد اتجه نحو المأذون هو وأحمد وأكمل اوراق الطلاق. نهائى
عاليا كانت واقفه وبتبص لنور بوجع وكسرة مزيفة وانا انتهوا من الأوراق مثلت الدموع وانها مظلومة وطلعت بسرعة على قوضتها امام نظرات نور المتعاطفة معاها
طلعت نور قوضتها القديمة ودخلت رمت نفسها على السرير كانت ف حيرة مش عارفة ليه احاسيسها متضاربه مبسوطة ان مراد مبقاش حد ف حياته غيرها وان لسه بيعاند عشان تكون ليه. وزعلانه على عاليا ال حست تجاهها بالذنب وانها السبب ف خراب حياتها وطلاقها. بس كل ال فهماه ان مهما يحصل مستحيل تستغل المواقف لمصلحتها وترجع لمراد ال ثقتها فيه انعدمت واحساسها بعدم الأمان معاه ومحاولة انها تدارى نفسها من عين عاليا وبنتها الصغيرة صعب
قررت ان مهما يحصل مش هيكون فيه فرصه لرجوعها لمراد مجددا. عليها النوم زهى بتبكى على قدرها ال بيعاندها. وقت ماكنت عايزاه كانت مستحيل ودلوقتي والقدر بيسهل رجوعهم مبقاش ينفع ترجع ورجعت تانى تتحدى القدر بس بصورة معكوسه عن الماضى
لقراة الجزء الاول كامل اضغط هنا
ولقراة الجزء الثاني كامل اضغط هنا