رواية عاصفة القدر الجزء الثاني
الحلقة العاشرة
بقلم إيمان المهدى
دخل مراد مع آخر جملة قالها يوسف وهذا من سوء حظه ليجد وجه هذا
الوسيم يتحول تماما بشكل يرعل كل من رآه من شدة الغضب الظهر عليه.
مراد بغضب تتجوز مين يا روح أم......
يوسف. بخوف وتردد يرجع للخلف عدة خطوات مراد اانا ونور كنا ... لتقاطعه لكمة قويه ف وجه. عايز تتجوزها هااا
ولكمة أخرى. نور برعب وقفت امام يوسف كحاجز بينهم بصوت مهتز مراد سيبه ارجوك
مراد ابعدى من وشى دلوقتى وهيهجم على يوسف تانى
نور. ارجوك يامراد كفايه بقا انت مش فاهم حاجة
مراد أه وسيادتك بقا خايفة عليه
نور. افكهم بقا من فضلك
مراد. كان بيقرب منها وهي بترجع للخلف واللعب مسيطر عليها بسبب عصبيته مراد بغضب افهم ايه انا هااا. هو كل شوية يطلعلى واحد عايز يتجوزك كل ما اقول هانت يجيلى واحد ويقولى دى حبيبتي ما تعدى بقا يا شيخة تعبتينى وجننتينى معاكى معاكى. نور كان عايزة تضحك من كلامه ومش قادرة خايفة منه دارت ابتسمتها عنه واستجمعت قوتها مراد لو سمحت عالم علينا المستشفى مينفعش كدا لو سمحت امشى دلوقتى وبعدين نتكلم.
مراد. بغيظ. لولا ان الناس ممكن تسمعنا ويتقال كلام ف حقك انت والبقف دا أنا كنت علمتك أعلى صوتك ازاي وهو بقا
حسابه مخلصش. وبصله بغضب أحسن ليك ترجع من مكان ما جيت على رجلك بد ما ترجع على كرسى متحرك. حسابنا لما نروح يا نور
أول ما خرج. نور اتفتحت ف الضحك ومكنتش قادرة تسيطر على نفسها
يوسف بيتألم بسبب انفه ال بتنزف وعينيه ال اخدت ضربه اتكلم بألم تصدقى أنك معندكيش دم انت بتضحكى بعد ال عمله دا
نور مش قادرة توقف ضحك. آسفه يا يوسف والله بس حقيقى الموقف مضحك
يوسف بغيظ منها. موقف ايه ال مضحك دا اتخرشمت وانتى واقفه ولا على بالك
نور بضحك. معلش حقك عليا تعالا اعقملك الجروح دي
يوسف منك لانه انت ودراكولا بتاعك أنا عينى باظت
نور بهزار لا متقلقش يومين وهتقبى تمام
يوسف. عايز أعرف انتى بتضحكى على ايه ومتقوليش أصل الموقف والوقت ما هو مش معقول أنا مش صعبان عليكى وانا متخرشم كدا
نور وهى بتعقم جروحه لا ياسيدى صعبان عليا بس بضحك من كلام مراد وعصبيته وهو بيقول مش كل شويه يطلعلى واحد عايز يتجوزك. بصراحة حسيت ان على شويه وهيتجنن دا لو مكنش وبصراحة اتبسطت من غيرته المجنونه
يوسف. بألم. أه براحة يا اختى وهو انت تتبسطى براحتك ذنبى انا ايه
نور. معلش تعيش وتاخد غيرها
يوسف. وهو لسه ف غيرها لا أنا هاخد أول طيارة واخلع
نور. بطل هبل. وكمل معايا للآخر
يوسف. أكمل لا وحياة الحاجة أمك اعتقينى وسبينى ف حالى
نور. ايه الحاجة امى انت كنت عايش فين يابنى. وبعدين انت هتتغدى معانا النهاردة
يوسف. نعم يا اختى انت ناويه تجيبى أجلى صح
نور بهزار. لأ ناويه اجيب أجله هو ومتخافش مش هيعملك حاجة ف وجود العيله
ف مكتب احمد. جاله اتصال. وقفل وبعدها رن على مروة كلمها وقفل قام راح لمكتب حسام
أحمد حسام انت مشغول
حسام. أه بخلص باقى الملفات الإجتماع بعد شويه
أحمد طيب اسمعنى دقيقتين
حسام. خير يا أحمد ف ايه
أحمد. مصطفى كلمنى وقالى ان عاليا طلعت عمارة
حسام بس دا مش دليل انها بتعمل حاجة غلط يمكن تكون طالعة لحد من صاحبتها
أحمد أنا كلمت مروة وسألتها هي قالت ايه وهي خارجة
ومروة قالتلى ان قلتلهم نفس جملة كل يوم انها خارجة ورايحة النادى طيب ليه كذبت ما دام مش بتعمل حاجة غلط كان ممكن تقول رايحة لصحبتها فيه حاجة غلط ولازم تتعرف
حسام. طيب خالى مصطفى يفضل واقف قدام العمارة ويحاول يعرف اي حاجة إذا كانت بتروح المكان دا دائما ولا لأ. وبلاش بشدة انتباه حد. وبإذن الله كل حاجة هتوضح
مراد كان داخل الشركة وهو ف قمة غضبه ومش طايق حد قدامه. دخل المكتب وطلب من السكرتيرة تبلغه أول ما الإجتماع يبدأ.
كان ف مكتبه بيدور حوالين نفسه مش طايق نفسه ولا طايق نور وعمايلها.
خالد استأذن ودخل لحسام سلم عليه وعلى احمد
حسام. هتتحسد جاي الإجتمةع بدرى يعنى
خالد أه ياعم شوفت بقا. مش ناقص اسمع كلمه من مراد. هو ف مكتبه صح كنت عابزه ف موضوع قبل الإجتماع مايبدا ويكون كل الأعضاء اجتمعوا
أحمد. مش عارف بس مؤكد وصل أنا رايح مكتبة أكمل آخر ملف. قبل الإجتماع. حسام خلص وتعالا مكتبى
حسام تمام
خالد استأذن السكرتيرة يدخل لمراد
السكرتيرة. مستر خالد برة وعايز حضرتك
مراد بعصبيه ومن امتى وخالد بيستنى برة مكتبى دخليه
السكرتيرة خرجت متوترة. وخالد بصلها بأسف كان سامع صوت مراد العصبى
خالد فيه يا مراد بتزعقلها ليه وبتتعصب عليها
مراد. كان مرة قلتلها خالد يدخل على طول
خالد ونسيت ايه المشكله وبعدين دا مش تتعصب عشانه مالك بقا هااا
مراد. مليش أنا كويس. المهم عامل ايه وسارة والولاد عاملين ايه
خالد. احنا كويسين الحمد لله. وسارة راحت هي والولاد عشان ماما سميرة عزمتنا كلنا على الغدا النهاردة
مراد. تنوروا يا حبيبى.
خالد مش عايز تقولى مالك
مراد ومن امتى وانا بخبى عليك حاجة يا خالد
خالد. طيب مالك. ياصاحبى ايه مضايقك
مراد. نور
خالد. مالها ايه حصل تانى وانا بوصل سارة. ماما سميرة قالت أنكم تقريبا اتفهمتوا
مراد. أه تقريبا وضحتلها كل حاجة بينى أنا وعاليا بس الهانم جايه من بره وعندها ترتيبات تانيه
خالد. بعدم فهم. ترتيبات ايه مش فاهم
مراد بغضب الست نور ناويه تتجوز من ال أسمه يوسف دا وجايباه وراها لحد هنا وكمان مشغلاه ف مستشفى آل سليمان.
خالد. هي قالتلك كدا
مراد. لأ طبعا. الهانم نزلت من غير فطار وانا وصلتها المستشفي وبعد ما كنت همشى افتكرت انها ممكن تنسى تفطر نزلت جيبتلها فطار من كافتيريا المستشفى
ولما سألت على مكتبها دخلت واتفاجأت بالوقت ال اسمه يوسف بيقولها ان
هيكلم العيله بخصوص جوازهم
خالد وانا عملت ايه.
مراد تفتكر هعمل ايه ضربته طبعا. وخرشمت وشه ال عجبه دا والهانم
زعلانه عليه وكمان تقريبا طردتنى
هي فاكرة نفسها هعديلها الموضوع دا بالسهل كل ما اخلص من واحد
يطلعلى غيره وحياة أمى. ما هتتجوزه ولو هتجوزها غصب.
خالد. بإبتسامه. طيب اهدى بس
مراد. تعدى ايه انت كمان 13 سنه وانا مش عارف اتجوزها روحى طلعت.
ومش هتحمل يوم تانى زيادة بسبب ال اسمه يوسف دا كمان
خالد. بضحك. انت عارف ايه مشكلتك
مراد بغيظ. اتكلم وبطل ضحك
خالد. ههههه هحاول. مشكلة يا مراد أنك بتحب نور اوووى وبتغير عليها ودا
مخليك لاغى عقلك وبتتكلم من غير تفكر ودا مخليك دايما متسرع وخسرت زمان بسبب
تسرعك دا بلاش تخسر تانى وبعدين مين قالك ان نور موافقه على كلام يوسف دا
مراد. يعنى هو هيقولها كدا من غير ما يكون متأكد من موافقتها
خالد انت قعدت معاها سألتها فهمت منها ولا دخلت هجمت على الشاب دا
من غير أي تفكير. ومن غير ما تنتظر تعرف رأيت
نور ايه. يابنى محدش هيفهم نور اكتر منك ازاي اصدق انها ممكن تفكر ف غيرك. نور مش هتعرف تكون
مع غيرك وانت متأكد من دا فبلاش تسرعك وسيبها لحد ما تيجى وتحكيلك
مراد يعنى انت شايف ان أسكت متكلمش واسيبها تتجوز غيرى
خالد. متجننيش يامراد. نور مش شايفه غيرك اصلا.
مراد. ماشى سيبنا من الموضوع دا حاليا وانا هفكر فيه كويس
خالد. ربنا يستر المهم بقا كنت جيلك ف موضوع مهم
مراد. طيب نروح الإجتماع وبعدين نتكلم
خالد. لا اسمعنى الأول قبل الإجتماع
مراد. فيه ايه قلقتنى
خالد بتردد بصراحة عايزة اقولك على حاجة كدا وخايف تضايق منى
مراد. يابنى خلص وقول من امتى وانا بزعل منك
خالد. مصطفى بن عمى عايزة يمسك اسهمه ويسيب الشركة هنا
ويروح الفرع التانى لشركتنا ويهتم بشغله هناك أنا عارف أنك مش هتقدر تستغنى عنه بس
أنا كمان مش عايز اتحمل مسؤولية الأسهم الخاصه بيه. هو لازم ياخد حقه ويهتم بيه بنفسه
مراد. ودا بقا ال خايف تحكيه ليضايقنى. أولا أنا فعلا مقدرش استغنى عن مصطفى بسببه أنا بقيت كدا وقفته جمبى
وانا برة ساعدتنى كتير ولولا أنك قولتيلى عليه قبل ما سافر مكنتش عارف ايه ال ممكن يحصل. وجود
مصطفى شئ أساسي ف حياتى بس كمان أنا بحبه وعارف ان من حقه يهتم بشغله وحياته
خالد يعنى مش زعلان
مراد. بهزار. هزعل من ايه يااهبل. وبعدين هو مش هيروح بعيد عنى. احنا مجموعة شركات وشركتكم من ضمن المجموعات المشتركة وتقريبا مع بعض على طول وهو حتى الإجتماع مشاركة بين شركتنا فوجود مصطفى ف فرع من فروع المجموعة مش هيزعلنى وبعدين يالا الإجتماع هيبدأ وانا هعلن انت ومصطفى مسؤلين عن شركتكم أمام المجموعة
ف المستشفي
نور ف مكتبها. انتبهت للقهوة والسندوتشات على المكتب واتذكرت ان
مراد كان داخل بيهم ابتسمت. ايه بتهتم بيا يا مراد زي زمان بس بردوا لسا متسرع وانا لازم اعلمك
كويس ازاي تكون ثقتك فيا اهم من أي كلام تسمعه وتسمعنى قبل ما تحكم عليا وتتهمنى بإبتسامة خبيثه اصبر عليا يا ولد العم
ف المكتب.
مراد. المناقصة دى مهمة جدا للمجوعة. ولازم ما تضعيش مننا. وبالنسبه لأوراق المناقصة المسيل عنها أحمد. أي تسرب لأى معلومة. بخصوص المناقصة والعرض ال هنقدمة هيخسرنا كتير. وانت مسؤول قدامى يا أحمد
أحمد. متقلقش يا مراد. بإذن الله هنحصل عليها.
مراد. من النهاردة مصطفى هيمسك نصف أسهم شركة خالد وهيكون مسؤول معاه
حسام. يعنى ايه مصطفى كمان هيسيب هنا ويروح الفرع التانى لا كدا كتير دا أنا اتفرمت اليومين ال فاتوا بسبب غياب سهى
أحمد مش لوحدك يا اخ
مراد. دا شغله واسهمه ولازم يستلمها وبعدين كلنا مع بعض أي شغل هيتعطل هنخلصه كلنا
مصطفى. سامحنى يا مراد أنا ...
مراد. أنا عارف معزتى عندك بس كمان لازم تدير شغلك لنفسك وتشوف مستقبلك وكمان متأكد ان لو احتجتك ف أي وقت مش هتتأخر
مصطفى. دا أكيد
ف شقه فهد
عاليا بدلع مقلتش ايه المفاجأة يعنى ال جاينى عشانها بدرى كدا
فهد. طلع علبه من وراه وفتحها اتفضلى ياروحى
عاليا. بانبهار ايه دا معقول عقد الماظ يافهد
فهد. أول ما شوفته حسيته ان اتعلمل عشانك
عاليا قربت منه بدلع تسلم إيديك يا حبيبى. بس ايه المقابل
فهد بإبتسامة خبيثه تعالا جوا وأقولك على المقابل.
ف أحد المولات الكبيرة كانت سارة وسميرة ومروة وسهى ومامتها بيجيبوا ال ناقص ف فيلا حسام وسهى
سميرة. سهى ال نفسه فيه قولى عليه من غير خجل
مامت سعى ربنا يخليكى ليهم وبعدين احنا فيه حاجات هبقى ان ل أنا وسهى نجيبها بإذن الله
سميرة. انتوا مش هتجيبوا حاجة وكل ال سهى عيناه هنجيبه وبعدين حسام بيجيب ف بيته
مامت سهى. بس دا مينفعش. دى اصول ولازم نجيب حاجتها
سميرة. ومين ال لازمه بقى يا ام سهى عريسها هيجبلها كل حاجة وانتوا بس مع عليكم الا تجيبولنا ست العرايس وبس
مامت سهى بس الناس تاكل وشنا ازاي منجبش حاجة لبنتنا
سميرة. ومن امتى والناس يتسيب حد ف حاله. سيبك من كلام الناس وخلينا نفرح بولادنا.
مروة. ايه مش خلاص اتفقتم ولا ايه يالا ياسارة انت وسهى نسيبهم يكملوا مناقشه ونختار بقيت حاجات البنت.
سميرة. طيب احنا هنقعد هنا أنا وام سهى وانتوا هاتوا ال يعجبوا. وتعالوا. مروة انطف حاجة تيجى
مروة حاضر ياست الكل مش يالا ياسارة عشان ولادك ال ف القصر
شقة فهد
عاليا كانت شبه عاريه جنب فهد عاليا حبيبى
فهد امممم
عاليا. مش عايز تقولى ايه مقابل العقد أنا عارفة أنك عايز تقول حاجة
فهد رفع الغطاء بحبك لما تفهمينى. وأكمل بخبث بس العقد ماوس دعوة حبيت اهديكى بيه وبس
عاليا. طيب عايز ايه
فهد. عايزك تجبيلى ملفات ضرورية من مكتب ال ف القصر او على الأقل تصوريها
عاليا. اوراق ايه.
فهد. دى أوراق تخص مناقصه للمجوعة وعايزة اعرف ايه العرض ال هيقدموه
عاليا بس أنت هتستفاد ايه شركة باباك اتباعت أسهمها بأقل أسعار
من وقت دخولكم السجن يعنى معندكش شركة تنافس مجموعة آل سليمان على العرض
فهد. دا شغلى انا يا لولا وانا عارف يعمل ايه كويس
عاليا. بس بردوا فيه مشكله المكتب محدش بيدخله غير مراد و حسام وفايد وأحمد. وهنا ال معاهم مفاتيحة لا أنا ولا أي حد تانى بيدخله حتى الخدم لما بينضفوه لازم واحد فيهم ليكون موجود لان اوراق المجموعة كلها ف خزنه المكتب.
فهد. وانا عارف ان حبيبتي قدها وهتقدر تصورى الأوراق دى ولا ايه
عاليا. ماشى يافهد. كنت متأكدة ان العقد دا وراه حاجة بس صراحة يستاهل هعمل ال قولتلى عليه
ف المساء إجتمعت العيله كلها وخالد ومراته وسهى ومايا وزوجها انضموا للعيله. والكل اجتمع على الطاولة
سهى بحرج طيب مش هنستنى دكتورة نور
سارة كلمتها وقالت انها داخله على القصر دقيقة واحدة وهتلاقيها قدامك
مايا بكرة تتعودى ياسهى هنا ال يبحث يا حبيبتى
احمد ما تشوف مراتك يا عم محمد. احنا مبناكلش غير لما نتجمع كلنا
محمد. أه انت هتقولى. على يدى
سامح. أسكت يا أحمد عشان منتفضحش اكتر من كدا.
الكل ضحك والجو كان كله مرح احد ما وصلت نور. السلام عليكم. اوعوا تكونوا نسيتونى
مراد كان عينه ف الطبق عايز يرفع عينه ويشوفها هي وحشته بس كان عايز يبين انه لسه متضايق منها لحد ما تيجى وتحكيله ايه علاقتها بيوسف
فايد ودا ينفع بردوا تاكل من غيركم. تعالى اتفضل يا يوسف يابنى حماتك بتحبك
مراد او ما سمع اسمه كان عايز يقوم ويخنقه بإيده هو مش خايف وبردوا اتجرأ وجه تانى
سميرة. شهقت بفزع ايه ال عامل فيك كدا يا بنى مين ال خرشم وشك كدا اتخانقت مع حد
مراد كان بيضحك بدون صوت ومبسوط عشان هو ال عمل فيه كدا
يوسف بغيظ. أه بعيد عنك عربية نقل سواقها أعمى دخل فيا. خالد كانت بيضحك ومش قادر ينسك نفسه
سميرة. بإستغراب عربيه نقل
نور بإبتسامه. لا يا ماما يوسف بيحب يهزر دا اتخانق مع واحد اهبل الصبح ف المستشفى
سميرة. اما حمار صحيح دا أكيد غبى فيه عاقل
يعمل ف حد كدا وبالأخص أنت يا يوسف
مراد كان وصل لقمه غضبه
ونور مكنتش قادرة تمسك ضحكتها
وخالد. مقدرش يمسك نفسه وبقى بيضحك بصوت
عالى لاحظه الكل ومال على مراد. اهدى يا أبو
صلاح وبلاش تتهور الله يخليك