رواية عاصفة القدر الجزء الثاني
الفصل التاسع
بقلمى إيمان المهدى
صباحا كانت مروة تجهز نور للمدرسه دخل مراد
صباح الخير يامروة
مروة صباح النور يا حبيبى
مراد قرب من نور ونزل لمستواها وقبلها. صباح النور يا قلب بابا. جاهزة خلاص
نور. صباح الخير يابابى أه طنط مروة جهزتنى خلاص. هتوصلنى يابابى مراد. أه ياقلبى.
وقف وبص لمروة بحب. شكرا يامروة لولاكى مش عارف كنت هعمل ايه معاها
مروة مفيش شكر بينا نور بنت اخويا وغاليه زيها زين بالظبط
مراد. طيب هو فين القرد دا صحى ولا زي كل يوم لازم يتعبك
مروة. صحيته بالعافيه ولبسته ونزل مع أحمد تحت والكل مستنينكم تحت على السفرة
نزل مراد شايل بنته وبيهزر معاها والكل فرحان بعلاقته ببنته وان بيحاول يقوم بالدورين وميحسسش نور بتأثير أمها.
بقلمى إيمان المهدى
مروة. صباح الخير للجميع
الكل رد الصباح بإبتسامه
مراد. صباح الخير يا بابا وقرب من سميرة قبلها صباح النور يا ست الكل سميرة بحب صباح النور يا حبيبى
يالا اقعد افطر حسام وأحمد قاعدين ياكلوا ولا سألين ف حد
مراد مش جديد عليهم من امتى وهما بيسألوا فينا
أحمد. خليك محضر خير يا مراد
حسام بفطر يابنى بلاش ما انت عارف ان مش بتعشى
مراد اومال مين ال كان بياكل طول الليل ف الجنينه لحد الفجر
سميرة امتى دا يا مراد
مراد. أه ياست الكل لقيته هو والأستاذ جايبين عصير من المطبخ وشويه وسندوتشات وعايشين
حسام الله يخربيتك يا مراد
سميرة. بألف هنا يا حبيبى
أحمد تسلمى ياماما ممكن بقى تقعد تفطر وتبطل تنق علينا
مراد بهزار لا مش هبطل وانجز انت وهو عشان ف ملفات نلحق نخلصها قبل الميتنج الساعة 10 من بعد ما سهى قعدت والدنيا متلغبطة
سميرة بالمناسبه. يا حسام هجهزلك قوضتك وافتحلك عليها قوضه كمان ونوضبهم عشانك انت وسهى
حسام لا ياست الكل أنا هقعد ف الفيلا ال كنت فيها أنا ومايا قبل ما نقعد هنا
سميرة ايه ياحبيبى القصر واسع وكمان مش عايزاك تبعد عنى وعن اخواتك
أحمد. ليه يا حسام ما هو دا بيتك يا حبيبى ولا فيه حد ضايقك
حسام. والله ابدا أنا حليب اعيش ف الفيلا بدل ما هي فاضيه كدا
مراد. عايز تبعد ياحسام عايز يبقالك مكان خاص فيك بعيد عنى
حسام على فكرة بقا الفيلا دى مش ملكى لوحدي دى ملكك انت ومايا كمان لانها بفلوس بابا الله يرحمه يعنى تيجى وتقعد فيها فى أي وقت
سميرة يعنى بدل ما تتراجع على قرارك تقوم عايز تاخد مراد كمان بقا كدا ياحسام ياخسارة تعبى عليك أنا عارفة ان مش امك ومليش خاطر عندك
حسام قرب منها وقبل ايديها وجبينها وبحب متقوليش كدا يا ست الكل انت فضلك عليا مقدرش اوفيه وبعدين انت اخدتينى وربتينى من وانا عندي عشر سنين ومعرفتش معنى الحب والحنان ال وانا ف حضنك انت عوض عن ماما الله يرحمها. بس أنا والله حابب اعيش ف الفيلا وكمان سهى تكون على راحتها
فايد يعنى يا حسام سهى ال طلبت كدا مش عايزة تعيش معانا
حسام أبدا والله ياعمى هي اصلا متعرفش ان قررت اعيش ف الفيلا.
سميرة طيب ايه يا حبيبى خليك معانا وانا والله ما حد فينا هيضايقها
حسام. معلش يا ماما سيبينى على راحتى واوعدك ان شهر هتقضى اليوم كله هنا معاكى وآخر اليوم اجى اخدها ونروح على النوم بس اظن كدا يرضيكى
سميرة محبتش تضغط على حسام اكتر خلاص يا حبيبى ال انت شايفه.
فايد طيب بدأت ف تجهيزها ولا لسه
حسام والله ما عارف بيه كنت ناوى اتكلم مع ماما النهاردة
سميرة متقلقش ياحبيبى أنا ومروة هنجهز كل حاجة وكمان هكلم سهى ومامتها تيجى تشوف وتختار ال هى عايزاه. وقبل الفرح هنكون جهزنا وخلصنا كل حاجة
حسام. ربنا يخليكى ليا يا ست الكل وميحرمناش منك
سميرة ويخليكوا ليا يا حبايبى
نور كانت نازله من فوق. ياسيدى ياسيدى على الحب دا كله ملناش نصيب ولا ايه على فكرة بقا أنا ال كنت غايبه واستحق الحب دا لوحدى وقربت من سميرة حضنتها من الخلف وقبلتها من خديها
سميرة انت ليكى نصف الحب هما كلهم النصف التانى
نور طلعت لسانها بغيظ لاحمد وحسام ومراد ال كان واقف بيبتسم وبيفتكر نور ال عرفها من 12 سنه كانت كدا مرحة بتهزر حركاتها الجنونيه وأخيرا فيه أمل ان نور ترجع زي زمان تانى
مراد بيحاول يستفزها عشان يتذكر عندها ومشاغبتها ال متشوق لهما منذ سنوات مش اوى كدا يا ماما كتير عليها تاخد نصف حبك لوحدها
نور.بغيظ لا النصف كله ليا ولو ما أمنتش بكدا وقولت اوك هخليها تقول ان كل الحب ليا
سميرة بطلوا عناد قصاد بعض. ويالا تعالى اقعدى افطرى
نور بإستعجال افطر ايه بس أنا اتأخرت على المستشفى وانهاردة أول يوم ليا
سميرة. مش هتخرجى من غير فطار يانور
نور ياماما يا حبيبتى يرضيكى يعنى يقولوا عشان بنت صاحب المستشفي بتيجى براحتها دا حتى عيب ف حق نور سليمان وبعدين متقلقيش أول ما اوصل هجيب سندوتشات من الكافتيريا
سميرة ماشى يا نور بس آخر مرة تخرجوا من غير فطار
نور حاضر وعد ياقمر. ياباي هشوف السواق يوصلنى
مراد. مفيش داعى أنا هوصلك
نور. أنا السواق هيوصلنى
مراد. قلتلك هوصلك
نور بتهيقلى أنك بتوصل الولاد وكدا ممكن تتاخر لما توصلنى وتوصلهم
مراد لأ متقلقيش مش هتأخر ولا حاجة
أحمد. لا والله والملفات ال لازم نخلصها والميتنج
مراد. متبقاش خنيق هااا
أحمد بضحك حاضر يا سيدى مش هبقى خنيق. ياريت متتأخرش. يالا يا حسام شكلها كدا اتدبسنا ف الملفات لوحدنا
خرج كل واحد حسام وأحمد طلعوا على الشركة. ونور ومراد اتجهوا لمدرسة من الولاد
سميرة. مش ملاحظين ان نور راضيه عن مراد
مروة. فعلا ياماما اظن اتكلموا مع بعض ووضحوا الأمور
وإلا ليه نور تكون مرتاحة كدا ف الكلام معاه
سميرة ياريت فعلا ربنا يهديلهم الحال
فايد. اللهم آمين أنا هطلع على الشركة عشان الميتنج واه ياسميرة متنسيش تتصلى بمايا وتاخديها معاكوا تجيبوا كل ال محتاجينه لفيلا حسام
سميرة حاضر يا حبيبى. متقلقش كله هيبقى تمام
عاليا ف غرفتها. رن هاتفها.
عاليا بنوم. اممم
فهد. انت لسه نايمه
عاليا اممم
فهد. عاليا فوقيلى
عاليا مكلمنى بدرى ليه يافهد ف حاجة
فهد. اه عايزك تفوقى كدا وتاخدى شاور وتجيلى نفطر سوا
عاليا. يافهد أنا نايمه متأخر ومحتاجة انام
فهد براحتك يا عاليا أنا غلطان وشكلى كدا مش هقولك على المفاجأة ال عملهالك
عاليا بتركيز. مفاجأة ايه
فهد. خلاص ملوش لزوم بقا
عاليا لابجد يا فهد خلاص أنا قومت اهو ساعة بالكتير واكون عندك سلام
فهد قفل معاها. وكان ماسك عقد الماس ف ايده كنت عارف أنك طماعة ياعاليا ومفيش حاجة هتخليكى تنفذى طلباتى غير ان املى عنيكى بالماس والخسارة مش كتير لان ال هجنيه من ورا مراد سليمان هيبقى بالملايين
ف السيارة كانت نور وزين بيلعبوا ويعاندوا ف بعض
نور شكلهم اشقيه جدا
مراد بإبتسامه فعلا بس بيحبوا بعض مبيسمحوش لحد يدخل بينهم
نور بيفكرونى بعلاقتى بأحمد واحنا ف سنهم كنت عنيدة جدا والعمل المصيبه والبسها فيه وماما كانت تعاقبه هو
مراد. بضحك.ظالمة ومجنونه يا نور
نور.بهزار طول عمرى
مراد بصلها بحب. وحشتينى اوووى يا نورى
نور. اتوترت .. احمم الولاد
مراد سكت. يالا ولاد وصلنا. نزل مراد وباسهم ونور كمان باستهم وودعوهم عند باب المدرسة. وطلعوا تانى السيارة
مراد كان عايز يكسر حاجز الصمت البينهم وكان مبقاش فيه كلام بتكلموا فيه
مراد. على فكرة بقا لما قولتلك وحشتينى مكنتش محرج من الولاد لان بنتى عارفة قد ايه بحبك وحكتلها عنك كتير
نور. وهي قبلت تسمعك وانت بتعترف بحبك لغير مامتها
مراد. دا لوكان فعلا نور حاسة بوجود مامتها عاليا بالنسبة لنور مجرد اسم وبس عاليا عمرها ما قامت بدورها كأم تجاه بنتها والبنت بتحسها حد عادى ف حياتها موافقتى على وجود عاليا ف القصر لسببين. أولا عشان محرمش بنتى بنتى من كلمة ماما بغض النظر عن اهمال عاليا بيها ثانيا اهل عاليا مهاجرين من سنين وانت عارفة كدا كويس معنى خروجها من القصر مش هتلاقى مكان تروحه مفيش قدمها غير السفر ودا ممكن يتاثر على نفسيه نور حتى لو كانت مش اهم حاجة ف حياة نور بس ف. النهاية تبقى مامتها
نور. طيب ليه مش قعدتها مثلا ف بيت مستقبل ونور كانت تروحلها بعض الوقت
مراد حي بغيرة ف كلامها للأسف لنفس السبب ان عاليا ملهاش حد هنا لو عملت اى حاجة مش صح الناس هتتكلم ف حقنا احنا
نور ليه يعنى واحنا امانا بيها بقى
الناس هنا يانور متعرفش اهل لعاليا وكل ال تعرفه ان عاليا واحدة من قرايبنا يعنى لو تصرف غلط صدر منها هيكون ف وش العيله وانت عارفة عاليا كويس مش وتفكيرها. عشان كدا وجودها ف القصر أأمن
نور. امممم. ماشى
مراد. بإبتسامه. تأكدى يانور ان عاليا ملهاش وجود ف حياتى ولا بيها أي تأثير فيا. فمتتعبيش قلبك كتير ف التفكير
نور. بتوتر وانا هتعب قلبى.ليه دي حياتك انت وانت حر فيها
مراد. لا مش حر لان قلبى وروحى ملكك وليكى الحق فيهم. وغيرى ملامحك بقا.قربنا على المستشفى لان الدكتورة نور سليمان مينفعش يبان عليها التوتر والخجل دا كله انت صاحبه المستشفى وليكى مركزك فيها
ابتسمت نور بحب ووعدته ونزلت دخلت المستشفى وهي قلبها بيرقص من الفرحة
مروة. ماما. انت ازاي سايبة عاليا تخرج وتدخل من غير ما تسأليها
سميرة وهسألها ليه هي يعنى هتروح فين
مروة بس ياماما عاليا بتخرج بدرى جدا وما بترجعش غير ف وقت متأخر وبقالها فترة كدا وبعدين ما أظنش هتقعد كل دا ف النادى
سميرة انت هتقلقينى ليه يامروة أنا فعلا ملاحظه خروجها. مش عارفة بتخرج بدرى ليه وبتقول بتتمرن ف النادى مع ان وهي خارجة مبيبقاش معاها لبس التمرين واظن مش هتتمرن بفستانها القصير دا
مروة وبعدين ياماما تحبى نتكلم مع مراد
سميرة لأ مراد لأ انت عارفة ان قابلها بالعافيه ومبتفهمش معاها ومش عايزة جو البيت يتعكر أنا مصدقت سيبيلى الموضوع وانا هكلمها
مراد كان ف قمة سعادته انتظرها لما غابت عن انظاره واول ما تتحرك بالسيارة. أتذكر أن نور نفطرتش واكيد هتندمج ف الشغل وتنسى نفسها
ركن السيارة ونزل منها وراح على كافتيريا المستشفى جابلها قهوتها وسندوتشات. وراح سأل على مكتبها
لو سمحتى فين مكتب دكتور نور فايد
الممرضه. تانى غرفة على إيديك اليمين
مراد شكرا
نور شكرا يا يوسف على وقفتك جمبى ف كل حاجة
يوسف. بضحك. ههههه قصدك شكرا على التمثيل ال حصل قدام مراد
نور. أحسنلك متخلهوش يشوفك لان مش عارفة ممكن يعمل فيك ايه لو قابلك تانى
يوسف. تصدقى والله نفسى اضايقه اكتر بس خايف ليقتلنى
نور. يعملها صراحة
يوسف. بهزار طيب ايه رأيك اقول للعيله أننا هنجوز
ليسمع مراد آخر جمله وهو يفتح باب الغرفة. تتجوز مين يا روووووح أامك .....
لقراة الجزء الاول كامل اضغط هنا
ولقراة الجزء الثاني كامل اضغط هنا