رواية عاصفة القدر الجزء الثاني
الفصل السابع عشر.
بقلم إيمان المهدى
دخل فايد على نور الغرفة بإبتسامة. حبيبتي قلب
بابا وأخيرا شوفت أجمل عروسه ف الدنيا
نور احتضنت فايد بحب ودموعوها تنزل. ربنا يخليك ليا يابابا
وسامحنى لأن أخرت فرحتك بيا
فايد بحب. انت ال لازم تسامحينى يابنتى أنا ال وقفت ف طريق سعادتك
أنت ومراد وظلمتكم
نور متقولش كدا يابابا دا كان غصب عنك خوفك على مراد والعيله خلاك تعمل كدا
فايد. بس أنا غلطت لو مكنتش خفت مرة واتنين وتلاته. مكنتوش هتتفرقوا السنين دى كلها
نور بدموع مش لوحدك ال خفت يابابا أنا كمان خفت لما يسرى هددنى
يا تجوز ابنه ياحياة مراد هتكون ف خطر وخوفى وصلنى ان أطول ف سنوات
فايد بإبتسامه. خلاص يابنتى ال حصل حصل وربنا اراد وجمعكم من تانى ومبقاش فيه فراق ولابعد ومن دلوقتى لازم تفرحى يانور.
نور. بإبتسامة. حاضر يابابا. وف نفسها. اتمنى ان ميكنش ف فراق تانى والنهاردة تكون نهاية عذابنا السنين ال فاتت مش بدايه لعذاب جديد
فايد ايه ياحبيبتى روحتى فين مش يالا مراد تحت واقف على نار
نور وقفت بإبتسامه ومسكتت ايد فايد ونزلوا
الكل كان تحت بيباركوا لحسام وسهى بعد ما المأذون انتهى من كتب كتابهم.
مراد ألف مبروك يا حبيبى
حسام الله يبارك فيك ياحبيبى ومبروك ليك ولنور
اقتربت مايا بدموع الفرحة. أنا بجد اخواتى الإتنين بيتجوزوا وف يوم واحد. النهاردة أسعد يوم ف حياتى
كان نفسى ماما وبابا يكونوا حاضرين
مراد. ربنا يخلينا لبعض ويرحم اهالينا
محمد. ألف مبروك ياحسام. واقترب من مراد بحب ألف مبروك يا أدهم. واسمحلى اقولك أدهم النهاردة. لان بجد حابب استرجع ذكرياتى مع ادهم أخويا ف يوم زي دا
مراد. تسترجع ذكرياتك. يا محمد. ال بينى وبينك أكبر من مجرد اسم أنا نفسه أخوك ال اتربيت معاه لسنين. والذكريات ال بينا مش بسهوله تنتسى عشان نرجعها. اقترب من مروة وعبير ومحمود. أنا نفسى ابنكم واخوكم. ولولا أدهم محمود البحيرى. عاش واتربى وسطكم على الحب والدفا والإحتواء مكنش هيكون ف وجود لمراد سليمان
عبير حضنته بحب وبدموع انت ابنى وأي كان كنت ادهم ولا كنت مراد أنا معرفش غير أنك ابنى ال ربيته وكبرته
مراد. ربنا يخليكى ليا ياأمى. قبل ايديها. وايد محمود ويخليك ليا يابابا.
محمود. ربنا يفرحك ويسعدك يابنى.
مروة. طيب هنقضيها عياط بقا.
أحمد. يابنتى انتى مش شايفة الجو ال مليان مشاعر
مروة أصل يا حبيبى العيله دى لو بدأت ف حوار المشاعر دا مش هنخلص
مراد. ضربها بخفه ف مؤخرة رأسها لسانك طول قوووى
أحمد. عشان تعرفوا ان كتر خيرى
ضربته مروة ف كتفه بهزار بطل رخامة
أحمد. مفتريه. وبص لمراد. عايزك
الحمد لله أننا مقولناش لحسام على موضوع المناقصة
مراد. مكنش ينفع يا أحمد. قبل فرحه بيومين الله خير زي دا واضايقه حرام عليه يفرح
أحمد عندك حق بس المناقصه دى خسرتنا كتير.
مراد مش مهم الأهم أننا مع بعض وايد واحدة وهنقدر نعوض كل حاجة
أحمد. كل يوم يامراد بتثبتلى أنك تستحق تدير امبراطوريه بحجم آل سليمان ذكائك ورزانتك وحكمك للأمور من كل الزوايا. والأهم الترابط القوى ال صنعته بين افراد العيله بيخليك دايما مميز وفخر لينا كلنا
مراد ايه يابنى الكلام الكبير دا كله وبعدين مش واخد عليك كدا.
أحمد. بهزار تصدق انك رخم طيب مش هجوزك أختى
مراد لا ابوس إيدك أنا مصدقت
أحمد هههههه طيب عفونا عنك وبص وراك عروستك وصلت يا سيدى
مراد. فتح ذراعيه واقترب من نور وهى بإيد فايد وبصوت مرتفع قليلا. "لقد هرمنا من أجل هذا اليوم"
نور ابتسمت بخجل
فايد. إيدك يا بنى رايح فين والله اغير رأيى
مراد يادى النيله عليا وعلى سنينى. حرام عليك انت وإبنك سيبونى اتجوز البنت. ال عجزت وشعرها قرب يبيض
الكل كان بيضحك على طريقة مراد وبالأخص موظفين الشركة ال أول مرة يشوفوه كوميدى بالشكل دا اتعودوا على جاديته وصرامته
أحمد. اهدى يامراد أحسنلك بدل فعلا ما نغير رأينا وبعدين أختى معجزتش ياعم
عبير. بهزار سميرة. ما تشوفى ابنك وجوزك دوول
اقترب سميرة بضحك منهم. فيه ايه يافايد ماتخف شويه انت وإبنك وتسيبه
فايد. لما يكتب الكتاب احمد. أه فعلا زي ما بابا قال
سميرة. طول ما انت واقف كدا مش هيعرف ياخدها ويروح عند المأذون
تقدم مراد من المأذون ومعه نور
ابتسمت نور بخجل بعد دقايق كان انتهى المأذون من كتب الكتاب والكل بارك لنور ومراد
اقترب مراد من نور وقبلها من جبينها. هو انت فعلا بقيتى مراتى. واخيرا يانورى
نور وأخيرا يا حبيبى
خالد. مبروك يا رفيق
مراد. حبيبى يا أبو أياد تسلميلى ياغالى
علا كانت واقفة بعيد قلبها مليان بالحقد والغل على مراد ونور. وقررت ان النهاردة لازم تحصل على الأوراق لفهد لان خلاص مراد قرر يخرجها من القصر نهائى والنهاردة فرصتها الأخيرة
الليلة عدت وسط فرحة الكل ورقصهم وآخر السهرة حسام سلم على الكل هو وسهى وأحمد وصلهم للمطار عشان يسافروا يقضوا شهر العسل
حسام. أحمد ارجوك خليك جمب مراد وحاول تعرف أي حاجة عن فهد الصافى.
أحمد متقلقش انت فكرة انت بس بعروستك واول ما توصل كلمنى وطمنى عليك
حسام. حاضر يا حبيبى
ف القصر
سميرة مبروك يا حبايبى
نور ربنا يخليكى ليا ياماما
مراد. ربنا يخليكى لينا ياست الكل
سميرة انتوا مش جعانين ياولاد
مراد جدا
مروة. وانا كمان
سميرة طيب اطلعوا غيروا على ما العسل يجهز
عاليا. كانت نازله من على الدرج
سميرة على فين ياعاليا وايه الشنطة دى
عاليا هدومى اظن معدليش مكان هنا تانى
مراد قلتلك لما اجهزلك شقه
عاليا متتعبش نفسك يا مراد بيه أنا عندى شقتى
مراد بإستغراب. شقه ايه وجبتيها امتى
عاليا مش مهم المهم أن اتصىرفت ف مكان اقعد فين سلام
مراد. طيب استنى للصبح الوقت اتأخر
عاليا. اظن مش مهمه اوووى كدا عشان تخاف عليا وبعدين السواق برة هيوصلنى بعد اذنكم
مروة معقول ايه البساطة ال هي فيها دى دا حتى بنتها مسلمتش عليها
نور أنا طالعة اغير
مراد مسكها وبحب. متتأخريش ياقلبى
نور. بإبتسامة مش هتأخر.
عاليا أنا خرجت من القصر والأوراق معايا أجيلك فين
بعد نصف ساعة كان العيله اتجمعت أحمد ومروة مراد وفايد وسميرة
أحمد. أمال فين نور أنا جعان
مراد هتغير وتنزل
سميرة يابنى استنى اختك تنزل
أحمد تنزل براحتها أنا عايز انجز واطلع اناااام عندى شغل بدرى الشغل فوق راسى ولوحدى
فايد. مراد معاك
أحمد. مراد هههه ايه هو انت متعرفش
فايد. اعرف ايه
مراد أصل بصراحة ياعمى أنا قررت اطلع أنا ونور بكرة باليخت يعنى نقضى اليوم سوا
أحمد عرفت بقا يابابا ان لوحدى وكل واحد فيهم عايش حياته
مروة. وانا يا أحمد مليش نفس اقضى يوم معاك
أحمد. وعد ياقلبى اجازتهم تخلص واخدك ونطير نقضى شهر عسل احبة من ال فات
مروة حبيبى انت
سميرة. أحم نحن هنا
الكل ضحك ومراد بقلق. نور اتأخرت
مروة أنا هطلع اجيبها
أحمد خليكى يا قلبى كملى اكلك أنا هطلع اغير واشوفها
بعد دقايق. كان صوت أحمد يملأ القصر الذهبي
طلع الكل على صوته
مراد بقلق فيه ايه وفين نور
أحمد. عطاله الورقة ال لقاها .. فهد الصافى خطف نور
مراد مسك الورقه بصدمه وقرأها "ازيك يا عريس ولا بلاش عريس دى لان انا عريس الليله ومراتك هتبقى ملكى النهاردة "
مراد. هقتلك يافهد. قبل ما تفكر تلمسها
مصطفى الحارس. مراد باشا. الظابط باسم
تحت وقبل ما ينزل مراد. أكمل مصطفى.
ياباشا. لو عايز تعرف مكان مدام نور يبقى لازم
تدور ورا عاليا. لإنها على علاقه بفهد
مراد. بغضب انت بتقول ايه عاليا وفهد