رواية عشق الاسد
_____ بقلم/امل نبيل _____
______ الفصل الثامن ______
فى منزل سليم
كانت تجلس في غرفتها تقرأ القرآن الكريم ليقاطعها دقات الباب لتذهب وتفتح باب الغرفة لتجد سليم امامها
ماريهان:نعم يا سليم
سليم:تعالى يا ماريهان عايزك في حاجة
ماريهان:ماشى ثوانى بس وهاجى وراك
سليم :تمام
ذهب سليم ثم اغلقت ماريهان باب غرفتها وذهبت خلفه لتجده يجلس على الأريكة في انتظارها لتتقدم منه وتجلس امامه على الارض ليقول سليم:أنا قلتلك ان بعد كده ماشوفكيش قاعدة على الأرض تانى صح ولا لاء
ماريهان:صح
سليم:يبقا مستنيه ايه قومى من على الأرض
جلست ماريهان على الاريكة المقابلة له ليقول سليم:طبعا انتى ملاحظة أن معاملتى معاكى ابتدت تتغير واتكلم معاكى كويس وكده
ماريهان:ايوة ملاحظة
سليم:بصى يا ماريهان أنا كنت قادر إنى أقتلك وانتقم من ابوكى فيكى صح ولا لاء
ماريهان بخوف:صح
سليم:ماتخافيش انا مش هعملك حاجة. أنا كنت قادر اعمل كده واحرق قلب ابوكى عليكى واحرمه منك زى ما حرمنى من امى وابويا واختى إللى لحد دلوقتي مش قادر انى اوصلها
.بس انا مش هعملك حاجة ومش هعاملك بمعاملة ابوكى ليا. وهعتبرك اختى إللى انا معرفش مكانها ولو مش حابه إنك تفضلى هنا أنا ممكن ابعتك اى مكان تانى تفضلى فيه بس هيكون فيه حراسة كتيرة حواليكى ولو حاولتى إنك تعملى حركة كده ولا كده هتزعلى منى جامد.ها ايه رأيك،
ماريهان:تمام.
سليم:تمام إيه بالظبط
ماريهان:هعتبرك اخويا وهعيش معاك هنا
سليم:تمام قومى بقا جهزى الفطار علشان اخوكى هيموت من الجوع
ماريهان:اه قول كده بقا، يعنى المرشح الطويل العريض ده كله علشان فى الاخر تستغل طيبة قلبى علشان اجهزلك الفطار
سليم:قومى يا بت من هنا
ماريهان:ماشى يا سليم
ثم ذهبت إلى المطبخ لتعد الطعام
بينما مسك سليم هاتفه وضغط على عدة أزرار ثم اتصل على رقم ما و وضع الهاتف على أذنه
ولكن لا رد
بعد عشر دقايق
دخلت ماريهان إلى غرفة الطعام ووضعت الطعام ثم قالت:يلا يا سليم الأكل جهز
دخل سليم إلى غرفة الطعام وجلس على الكرسى وجلست ماريهان امامه
وبعد قليل قالت ماريهان:سليم هوا انا ممكن اسألك سؤال
سليم:اسألى
ماريهان:هيا مين البنت اللي صورتها كانت عندك فى الاوضة دى
سليم:انهى صورة
ماريهان:صورة البنت اللي بتضحك وفيها شبه منى
سليم:دى يا ستى البنت اللي أنا حبيتها
ماريهان:بس فيها شبه كبير منى
سليم:معاكى حق
ماريهان:هيا اسمها ايه
سليم:اسمها تسنيم
ماريهان:اسمها حلو اوى
______
كانت تجلس تتناول طعام الإفطار مع والدتها فى صمت ليقطع هذا الصمت صوت هاتفها لتقوم برفض المكالمة
رغد:مين اللي بيرن
ده يا حبيبتى ماتردى
تسنيم:عادى يا ماما مكالمة مش مهمه
رغد:على الأقل كنتى رديتى شوفتى فى ايه
تسنيم:خلاص يا ماما ثم نهضت من مكانها وقالت:أنا همشى علشان متأخرش، هتعوزى حاجة
رغد:لاء يا حبيبتى سلام
تسنيم:سلام
ثم خرجت من الفيلا وركبت سيارتها متجها فى طريقها إلى الجامعة
______
فى مكان أخر
كانت تجلس في غرفتها تتحدث مع حبيب قلبها فى الهاتف لتقول
:لاء أنا زعلانه منك واوى كمان
...:يا حبيبتى غصب عنى والله
:لاء يا محمد أنا زعلانه انت بقالك يومين مابتتصلش بيا ولا حتى بتيجى تشوفنى ولا بعرف حتى اسمع صوتك وطول الوقت البت الملزقة دى هيا إللى ترد عليا وتقولى، اصل الدكتور مش فاضى يكلمك
*قالت اخر جملة بتريقة*
محمد:خلاص يا حبيبتى متزعليش وانا هعدى عليكى النهاردة ونخرج نتعشى أنا وانتى سوا
ملاك:بجد يا محمد
محمد:بجد يا قلب وعقل وروح محمد
ملاك:اه كل بعقلى حلاوة
محمد:حلاوة بالفستق ولا بعين الجمل
ملاك:لاء دى حلاوة بالخفة،المهم هستناك علشان نخرج سلام
ثم اغلقت الهاتف فى وجهه
محمد :اه يا بنت المجنونة
__________
:وبعدين يا كمال يابنى هنعمل ايه
كمال:مش عارف هعمل ايه أنا قلبت الدنيا كلها عليها وملاقتهاش زى ما تكون الأرض انشقت وبلعتها
ماجدة:طيب وبعدين
كمال:ولا قبلين هقلب الدنيا تانى عليها ومش ههدى غير لما الاقيها
ماجدة:أنا خايفة ان سليم يرجع وتبقا كل حاجة تحت إيديهم
كمال:لاء إطمنى سليم عمره مهيرجع ده مش بعيد يكون مش فاكرنا أصلا
ماجدة:بس بردوا الاحتياط واجب
كمال:ربنا يقدم اللي فيه الخير
_________
فى إيطاليا
كان يجلس في غرفة الإجتماعات يتناقش مع العميل الإيطالى في صفقة مهمة وبجانبه العميل الفرنسى
أسد:?Hello.Mr Mark How are you
مارك:?Fine, what about you
اسد:so well thanks
And How it is going with you mr
joly
جولى:Fine
مارك: I am so happy that I saw you and I hope that
This deal will be good for all of us
جولى:I hope that too
اسد:Thank you. Let's start work
جولى ومارك:Of course
اسد:great...Can you give me every files mr mark
مارك:Yes, sure take it
اسد: thanks
*هنزل ترجمه على طول*
"
اسد:اهلا
مستر مارك عامل ايه
مارك:تمام، انت اخبارك ايه
اسد:كويس جدا
وانت اخبارك ايه يا مستر جولى
جولى:تمام
مارك:أنا فرحان جدا وده علشان شفتك
وبتمنى ان الصفقة دى تكون كويسة لينا كلنا
جولى:وأنا كمان بتمنى كده
اسد:شكرا ممكن نبدأ الشغل
مارك:ايوة طبعا
اسد:عظيم ممكن تدينى كل الملفات مستر مارك
مارك:نعم اتفضل
اسد:شكرا"
قضوا عدة ساعات يتناقشون معا فى الصفقات وفى النهاية ذهب كلا منهم واخرج اسد هاتفه مقررا محادثة والدة واخباره بكل ما حدث
اسد:الو
عزت:ازيك يا اسد عامل ايه
اسد:بخير يا بابا انت ايه اخبارك
عزت:بخير يا حبيبى طمنى عليك انت هترجع امتى
اسد:هرجع النهاردة بالليل يا بابا
عزت:ماشى يا حبيبى هبعت حد يستناك في المطار
اسد:لاء يا بابا لان ورايا مشوار كده هعمله الأول وهبقا ارجع البيت
عزت:اللى تشوفه يا اسد
اسد:هيا ملاك عندك يا بابا
عزت:اه موجودة ليه
اسد:لاء خلاص أنا هبقا اكلمها
ثم حكى له كل ما حدث فى الإجتماع ثم قال فى نهاية الحديث سلام
عزت:سلام
أغلق اسد المكالمة مع والده ثم هاتف اخته
ملاك:الو يا أسد
اسد:عاملة اية يا ملاكى
ملاك:بخير انت ايه اخبارك
اسد:تمام كنت عايز اطلب منك طلب كده
ملاك:يعنى انت مش متصل علشان تطمن عليا متصل علشان مصلحتك
اسد:اطلب ولا اشوف حد غيرك
ملاك:اطلب
اسد:كنت عايزك تحجزى افخم مطعم وتزينيه بطريقة رومانسية وكمان تنزلى تشترى فستان سهره شيك كده وتخليه معاكى
ملاك:حيلك حيلك أنا هعمل ده كله لوحدى ازاى وبعدين لمين ده كله انشاء الله
اسد:حابب انى أسهر مع عشق أول ما أرجع من السفر
ملاك:بقا ده كله لعشق يا بنت المحظوظة ،
انت هترجع امتى
النهاردة عالساعة ٥كده
ملاك:نعم
اسد:مالك فى ايه
ملاك:بقولك ايه أنا الواد بقالى يومين مشفتهوش ويوم ما ييجى علشان يخرجنى تقولى اعملى وسوى لاء يا عم شوف غيرى
اسد:واد مين انتى قصدك محمد
ملاك:ايوة هوا فى غيره
اسد:يا نهار ابيض بقا محمد يتقال عليه واد
ملاك:اخلص ياعم روميو وشوف حد غيرى
اسد:طيب واللى يقنع بابا إنك تسافرى كوريا وتحضرى حفلة من حفلات العيال بتوعك دول إللى شبه البنات دول إللى كان اسمهم ايه .....اه افتكرت عجينه وسكينه وجبنه وشاى اخضر باين ولمون بالنعناع و
قاطعته ملاك صارخة:نعم مين دول إللى اسمهم عجينة وسكينة وجبنه وشاى اخضر .اسمهم جيمين وجين ونامجون وجونغكوك وجيهوب وتاى وشوقا
يا جاهل
اسد:مالك بتدافعى عنهم كده ليه هما كانو من بقية عيلتك
ملاك: يابنى I'm Army
فلازم ادافع عنهم
اسد:ماشى يا ست الارمى قلتى ايه
ملاك:يعنى هتقنع بابا انه يخلينى اسافر
اسد:ايوة
ملاك:اشطا تمام بس محتاجة حد يساعدنى
اسد:اتصرفى انتى يا ملاك من عندك اختارى محمد عمر تسنيم جاسر اى حد او ماريا وسيلين صحابك اتصرفى بس مش عايز عشق تعرف حاجة
ملاك:ماشى يا أسد بس ماتنساش تكلم بابا وتقوله على موضوع Bts
اسد:ماشى
ملاك:سلام
اسد:سلام
ملاك:طيب يا ربى أنا هطلب من مين يساعدنى دلوقتى وكمان ام العشا اللى هيتلغى ده ،يلا مش مهم كل حاجة تهون علشان اشوف Bts
حبايب قلبي
طيب انا مش عارفة اعمل ايه ولا مين هيساعدنى
،فكرت قليلا ثم قالت بصوت عالى وهى تقفز:ايوة مافيش غيره هوا إللى هيساعدنى
ارتدت ملابسها ونزلت إلى الأسفل واخبرت والديها بأنها سوف تذهب للقيام بشئ ضرورى
خرجت من القصر برفقة السواق
وبعد مرورنصف ساعة توقف السائق امام فيلا رائعة الجمال
نزلت ملاك من السيارة ودخلت إلى الفيلا لتجد سيدة فى منتصف الأربعينات تجلس في الحديقة برفقة زوجها
ملاك:خالتو
نظرت السيدة إلى لتقوم بفتح ذراعيها وتقول حبيبة خالتو يا ناس
قامت ملاك بإحتضانها وقالت:وحشانى اوى يا خالتو سامية
سامية:بس يا بكاشة لو كنت وحشاكى كنتى هتيجى تشوفينى
ملاك:والله انتى وحشانى اوى اوى
...:طيب وانا موحشتكيش يا ست ملاك
ملاك بضحك:انت بتقول إيه يا زوما ده انت العشق يا راجل
عزمى:لا والله
ملاك:اومال ايه اوعا تكون مفكرنى بكدب
عزمى:لاء لسمح الله
ضحك الجميع فقالت ملاك:هوا جاسر فين
سامية:نايم فوق
ملاك:هوا لسه نايم ده كله، طيب عن إذنكم هطلع اصحيه
عزمى:ماشى يا حبيبتى
صعدت ملاك إلى غرفة جاسر لتجده نائما لتدخل الغرفة وتقترب من أذنه وتصرخ
جاااااسسررررر
جاسر بخضة:يالهوى في ايه البيت بيولع
ملاك بضحك:بيت ايه اللى بيولع يا برنس
ده انت اللى نموسيتك كحلى
جاسر :عايزة ايه وايه اللي جابك اصلا
ملاك:هوا فى ابن خالة يقول لبنت خالته ايه إللى جابك برده
جاسر ببرود:مش أنا قلت
ملاك:ايوة
جاسر:خلاص يبقا فيه
ملاك:ابو شكلك.
جاسر:انجزى يا بت وقولى عايزة ايه عايز اتخمد
ملاك:عيزاك تساعدنى
جاسر:عايزة ايه يا وش المصايب انتى
ملاك:اسد يا سيدى عايزنى احجزله مطعم وازينه بطريقة رومانسية علشان عايز يتقدم لعشق بطريقة رومانسية
جاسر:ايوة انا مالى
ملاك:عيزاك تساعدنى وتيجى معايا وتشوف لينا الناس اللي هتعمل الحاجات وكده
جاسر:شوفى حد غيرى أنا عايز انام
ملاك:والنبى يا جاسر، ده انا لو ما عملتش كده أسد مش هيقنع بابا انى اسافر كوريا وأحضر حفلة Bts
جاسر:أنا مش عارف ايه إللى عاجبك فى الولاد الملزقة دى
ملاك:مسمحلكش إنك تقول عليهم كده
جاسر:ليه انشاء الله
جاسر:علشان دول قلوبى ومسمحش لحد إنه يقول عليهم كده، وانجز علشان تغير هدومك ونعدى على البت سيلين علشان هحتاجها معايا
جاسر بفرحة عندما سمع إسمها :بجد هتجيبى سيلين معانا
ملاك بتلاعب:وانت مالك فرحت كده ليه لما سمعت اسمها
جاسر بتوتر:إيه..ها لاء مافيش حاجه، استنى هغير هدومى واروح معاكى
ملاك برفع حاجب:لا والله، ياريتنى كنت قلت انى هاخدها معايا من بدرى
جاسر:يلا يا بت اطلعى بره
ملاك بصدمة:إيه هوا انت بتطردنى
جاسر:ايوة بره
ملاك:ماشى هطلع ياخويا،متتأخرش
___________
:عملت ايه يا سعيد
سعيد:مافيش اى خبر عن بنتك يا ختى
رغد:اخرس يا سعيد وعلى الله تجيب سيرة أن البت دى بنتى تانى
سعيد:الله هيا مش دى الحقيقة ولا ايه
رغد:انت عارف احمد جوزى لو شم خبر بالموضوع ده هنروح فى داهية
سعيد:ما تخافيش يا قطة هوا هيعرف منين محدش يعرف بالموضوع ده غيرى وغيرك وغير فهد الله يرحمه
*قال اخر جملة بسخرية *
رغد:طيب عرفت اى حاجة عن الزفتة إللى اسمها سيلين دى
سعيد:اه عرفت، عرفت انها هربانه من عمتها وولادها وان هما بيدوروا عليها ،ولما يلاقوها هيقتلوها
رغد:طيب ومستنى ايه
سعيد:مستنى ايه فى ايه
رغد:ما تقول لقرايبها على مكانها ،علشان يقتلوها ولما هما يقتلوها اكيد سليم هيلتهى فيها وهيسيب ماريهان
سعيد:ده سليم ميعرفش مكانها فين اصلا سيبك انتى من الكلام ده وأنا هتصرف
رغد:طيب عملت ايه فى الصفقة الجديدة
سعيد:لغيتها
رغد بغضب:نعم انت بتقول ايه ،لغيتها ليه انت عارف إحنا كده خسرنا قد ايه
سعيد:إحنا العين علينا بقت كتيرة فلازم نهدى اللعب شوية
رغد:انت قصدك ايه
سعيد:قصدى ان الظابط صاحب اسد ده مكلفينه انه يدور ويعرف مين ورا الصفقات إللى إحنا بنعملها دى وهما وصلو ان فى حد من عيلة الحديدى متورط في الصفقات دى
رغد:طيب والعمل
سعيد:ولا حاجة
رغد:يعنى ايه
سعيد:يعنى ربنا قادر علي كل شئ والأعمار كلها فى إيديه فممكن تجيله رصاصة من هنا او يعمل حادثة او حرامى يكون بيسرق ويقتله
رغد:يعجبنى تفكيرك بس هتنفذ امتى
سعيد:لو لقيته دور وعرف اكتر عننا هنفذ
رغد:تمام واى حاجة تحصل جديد ابقا عرفنى
سعيد:ماشى، بقولك ايه انتى مش هتجيلى أصلك وحشتينى اوى
رغد:هيهيهيهيهيهيهي، هوا انا لحقت اوحشك، بس مش هينفع خالص اليومين دول لإن رائد هينزل بكره
سعيد:ماشى سلام
رغد:سلام
____________
وصلت ملاك برفقة جاسر إلى منزل سيلين وقامت ملاك بطرق الباب لتفتح سيلين الباب بعد أن اخبرتها ملاك فى الهاتف انها سوف تأتى إليها لأنها تريدها فى شئ مهم
نزلت سيلين برفقتهم إلى السيارة التى انطلق بها جاسر إلى إحدى الكافيهات ليتحدثو
اخبرت ملاك سيلين بما ينوى اسد فعله وطلبت منها المساعدة
سيلين:ماشى يا ملاك هساعدك
ملاك بفرحة:شكرا يا حبيبتى
بجد انتى.......
قاطعها صوت رنين هاتفها لتستأذن منهم لبضع دقائق
جاسر:احم تعرفى انك جميلة جدا
سيلين بإحراج:ميرسى
جاسر:طيب هوا انا ممكن اعرف انتى ليه كده، قصدى يعنى ليه بتلبسى الهدوم الواسعة دى والنضارة والسنان وكل ده
سيلين:هوا اكيد فى سبب بس مش هينفع اقولك عليه
جاسر:تمام براحتك
سيلين:سيلين متزعلش مني والله بس لما ييجى الوقت المناسب هقولك
جائت فى هذا الوقت ملاك التى أخبرتهم بأنها ستذهب إلى شراء الفستان اولا
جاسر:تمام يلا هوصلكم
ملاك:ما انت شغلتك إنك هتوصلنا اومال أنا جيباك ليه
جاسر:كنت سواق الهانم وأنا معرفش
ملاك:حاجة زى كده
جاسر:لا والله ،ثم ركض خلفها واخذت سيلين تضحك عليهم
__________
كانت تجلس برفقة صديقتها لتقول :عارفة يا بت يا عشق أنا عملت اكونت جديد عالفيسبوك وبعتلك add
عشق:واسمه يا اختشى
ماريا: الحب اخلاص مش مجرد تعب وخلاص
عشق بضحك: و انتى جربتى الحب فين يا حبيبتى علشان تتعبى منه
ماريا:و أنا لو كنت حبيت كنت عملت فيس اساسا، أنا عملاه علشان اشقط من عليه ناس حلوة يا اختى
عشق بضحك :كل ده كتماه فى قلبك وساكته يا حبيبتى
ماريا :غورى يابت
عشق:هقوم يا حبيبتى اكلم أسدى حبيب قلبى
ماريا:اسدك حبيب قلبك قومى يا بت من هنا ذهبت عشق وهى تضحك لتقول لها ماريا بغيظ:اسد ده اسم حيوان على فكرة
وفى هذه اللحظة رن هاتفها معلننا عن استقبال اتصال لتجده رقم مجهول لتجيب قائلة برقة:الو
المتصل:الو
ماريا:مين
المتصل:إللى ضاع من عمره سنين
ماريا :يا كبد امك استنى هبقى ادورلك عليهم
المتصل:مين معايا
ماريا:مديحة شواية عرفتها
المتصل:لاء بس حابب اتعرف
ماريا:غور ياض كاتك القرف وعلى الله اشوف رقمك ده رانن تانى غور
ثم اغلقت الهاتف فى وجهه
عشق من خلفها:اموت واعرف هتحبى ازاى وانتى عمله فيها عبده موته كده
ماريا :مالكيش دعوة خليكى فى اسد بتاعك ده، صحيح هوا هينزل امتى
عشق:قلى هينزل بعد اسبوع
ماريا:ربنا يرجعه بالسلامة
عشق:يارب
__________
اه يا بنت المجنونة ايه إللى انتى عملتيه ده .
دخل فى هذه اللحظة صديقه وقال :مالك يا بنى انت اتجننت ولا ايه
عمر:بنت المجنونة قفلت السكة في وشى
محمد:الله أكبر ده الموضوع طلع في بت بقا ،اسمها ايه ومنين واتعرفت عليها ازاى
عمر:حيلك يا بنى بص يا عم البنت دى تبقى صحبة ملاك
محمد:يا نهار اسود انت قصدك عشق
عمر:عشق ايه يا بنى انت هيا ملاك مالهاش صحاب غير عشق
محمد:يبقا سيلين اخت سليم صح
عمر:لاء يا بنى مش هيا أنا بحب ماريا
محمد:اها البت الحلوة دى ام عيون زرقا
عمر:فى ايه يا حيوان انت
محمد:لا مؤاخذة يا صحبى معلش،المهم احكيلى بقا تعرفها منين
عمر:فى مره كنت سهران معاك انت واسد في المطعم إللى هيا شغالة فيه
اول ما شفتها مش عارف ايه إللى حصلى حسيت كده بحالة غريبة اول مره احس بيها معرفش وقتها ايه إللى جرالى بقيت بروح المطعم كتير علشان بس اشوفها رغم انها مشافتنيش ولامره ،إبتديت امشى وراها زى المراهقين علشان اعرف عنوانها وبعد كده سالت عليها وعرفت كل حاجة عنها ومش عارف أعمل إيه دلوقتي اقولها انى بحبها ولا استنا شوية ولا اعمل ايه
محمد:ده انت وقعت ومحدش سما عليك بص يا عم انت تقولها انك
بتحبها اوعى تعمل نفس إللى عملته وتستنا علشان
ييجى فى الاخر حد تانى يتقدملها وياخدها منك
عمر:أنا مش هسمح بحاجة زى دى تحصل
محمد:يبقا مستنى ايه
عمر:طيب وأنا اعمل ايه دلوقتى
محمد:يا مصيبتى السودة انا كمان اللى هقولك تعمل ايه
عمر:يابنى انا خايف انى اظلمها معايا
محمد:ايه يا عم الهبل ده انت منين بتحبها ومنين بتقول انك هتظلمها معاك
عمر:انت عارف طبيعة شغلى يا محمد واى مهمه بطلعها ببقا مش عارف هرجع منها عايش ولا لاء
خايف بعد ما اتجوزها يحصلى حاجة واسيبها لوحدها او..
محمد مقاطعا له:ولا متشلنيش اتجدعن واتقدملها
عمر:شكرا يا صحبى أنا مش عارف من غيرك كنت عملت ايه
_____________
فى المساء
:ايه يا ملاك فى ايه
ملاك:تعالى معايا يلا بس وانتى هتعرفى بعدين
ماريا:روحى معاها يا عشق وخلصينا بقا
عشق:هوا فى ايه بالصلى عالنبى كده
"عليه افضل الصلاة والسلام "
سيلين:يا عشق روحى معاها بقا وبلاش وجع قلب
عشق:ماشى مع إنى مش مستريحة للموضوع
ذهبت عشق برفقة ملاك التى اعطتها فستان سهره رائع الجمال ثم قامت بوضع قماشة سوداء حول عيناها واخذتها إلى إحدى الأماكن واخبرتها ان هناك من سوف يأتى لها
حدث كل هذا تحت ذهول عشق مما يحدث
وبعد دقيقتين من انتظار عشق فى هذا المكان الذى لا تعرف ماهو جاء إليها شخص ما وبدأ في فك قطعة القماش التى حول عيناها
أحست عشق بشعور غريب ونبضات قلبها أصبحت سريعة قام هذا الشخص بلفها إليه لتجده أسد حبيب قلبها نظرت عشق حولها إلى المكان لتجده مزين بطريقة رائعة وجميلة لينزل أسد على ركبيته ويقول:عشق ......أنا بحبكككككك
قامت عشق بإحتضانه:وأنا بعشقك
حملها أسد وظل يدور بها عدة مرات
وقضوا أجمل واول ليلة لهم معا بسعادة ورومانسية
_____________
فى اليوم التالى
يلا يا ست عشق ورانا جامعة.
كان هذا صوت ماريا
عشق بنوم:ممممممم
سيلين:يلا يا عشق هنتأخر
عشق بهلوسة:والله يا مس اسماء أنا مذاكرة
ماريا بصدمة:مس اسماء مين قومى يا بت انتى اتهبلتى ولا ايه
عشق:لاء يا عمى إبراهيم غالى أوى بقا كيلو الطماطم بعشرة جنية
سيلين:بت يا عشق قومى يخربيتك
عشق:بقا انت تعمل كده انت بتخونى يا أسد ومع مين مع ماريا
ماريا:يخربيتك انتى بتخرفى بتقولى ايه
قومى يا بت
سيلين:شكلها كده مش هتروح خلينا نروح إحنا
ماريا:ماشى يلا
__________________
سليم هوا انا ممكن اطلب منك طلب .
سليم اطلبى يا ماريهان
ماريهان:هوا انا ينفع اروح الجامعة لان أنا بقالى كتير مروحتش
سليم:مش هينفع يا ماريهان
ماريهان:أنا عارفة إنك بتفكر انى ممكن اهرب او اعمل اى حاجة بس صدقنى أنا
سليم مقاطعا لها:أنا مفكرتش ثانية فى كده وثانيا أنا مش عايزك تنزلى لان أبوكى بيدور عليكى واكيد لو عرف مش هيسيبك
ماريهان:متقلقش انا مستحيل انى ارجع اعيش مع واحد قاتل زيه
سليم بإستسلام:ماشى يا ماريهان بس هيبقا معاكى حراسة وهيوصلوكى ويجبوكى
ماريهان:هوا انا ينفع اروح لوحدى لانى بتخنق من جو الحراس وكده
سليم:اوك
قفزت ماريهان فى مكانها فرحة وقالت:شكرا يا سليم ثم ذهبت وارتدت
بنطال من الجينز وبلوزة تصل إلى ما قبل ركبتيها
بقليل باللون الأبيض وطرحة سوداء وكوتش
من اللون الأبيض ثم ذهبت فى طريقها إلى الجامعة
بينما سليم امر بعض حراسه بحراستها دون علمها
_____________
كانت تنام بفوضوية ليدخل عليها الغرفة ويجدها تغط في نوم عميق ليصرخ قائلا
إسمها
:تسسسنننييييييييييمم
فزعت هى من نومها لتجده امامها لترتمى بين أحضانه قائلة بفرحة
وبكاء وحشتنى اوى وحشتنى اوى كده تغيب عنى ست سنين يا..............