رواية عشق الاسد
بقلم/امل نبيل
الفصل العاشر
_______
كان يجلس في مكتبه برفقة صاحبة إحدى الشركات يتناقشون معا فى امور مهمه
ليتفاجيء بدخول عشق بوجه لا يبشر بالخير
قال بقلق وهو يعتدل واقفا : عشق... في أية. ؟في حاجة حصلت؟
رمقت عشق تلك التى امامها بنظرة من راسها حتي اخمص قدميها
بثوبها القصير الذي يبرز جمال سيقانها وكعب حذاءها العالي ثم
نظرت له شرزا وهي تسحق أسنانها قبل ان تتوجه ناحيته قائلة
بدلال : جيت اشوفك... مش مبسوط انك شفتني ياحبيبي
رفع أسد حاجبه لا يفهم شيئا ولكنه هز راسه :لا طبعا مبسوط ياحبيتي
نظرت عشق إلى التى قالت بدلال:مش تعرفنا يا أسد بيه ولا إيه
أسد:اه معلش دى تبقا ساندى صاحبة شركة كبيرة ودى عشق تبقا
عشق :ابقا حبيبته وخطيبته
ساندى بحقد:اهلا يا عشق
عشق :اهلا بيكى يا حبيبتى
ساندى بلال:طيب عن إذنكم همشى أنا ونبقا نكمل كلامنا بعدين يا اسد اصل لسه فى كلام كتير مهم.
تغنجت ساندي بمشيتها وهي تغادر لتشتعل نيران الغيرة بقلب عشق التى التفتت نحو اسد الذي ابتلع لعابه بتوتر فهو هالك لامحالة فيكفي نظراتها القاتله نحوه.... :عن إذنكم نكمل كلامنا بعدين يا اسد ... ضحك اسد عاليا علي عشق التي قلدت ساندي للتو...
لتلكمه عشق بغضب : بتضحك علي اية... عجباك اوي
امسك يدها ورفعها لشفتيه يقبلها :محدش عاجبني غيرك انتي وبس
رفعت حاجبيها بابتسامه .. حسنا استطاع ان يهديء من ثورتها قليلا.. قليلا فقط فمازالت ستقتله..!
تراجع اسد ينظر نحو ملامح وجهها التي تغيرت وهي تقطب جبينها..
اسد:مش مطمن
عشق:انت ازاى تقعد معاها ولوحدكم كده
أسد بسخرية:معلش المره الجايه هبقا اجيب امة لا اله الا الله تقعد معانا علشان متزعليش
عشق بغضب:اتريق اتريق
اسد وهو يضمها إليه:يا حبيبتى احنا بنتكلم في حاجات مهمه فكان لازم اقعد معاها
ابتعدت عشق عنه ليقوم بجذبها من الجاكت الخاص بها ويقول:حبيبى غيران عليا
عشق بإبتسامة:طبعا لازم اغير عليك مش انت حبيبى
اسد:طيب تعالى في حضن حبيبك
ويضمها اليه، حاولت عشق الإبتعاد عنه وقالت:بس يا أسد حد يشوفنا
عشق:مايشوفونا واحد وحبيبته فيها حاجة دى .
عشق:مينفعش على فكرة
اسد:بس ايه سر الزيارة السعيدة دى
عشق:ملاك قالتلى ان هيكون معاك النهاردة حبة بنات صواريخ علشان كده جيت
تذكر اسد انه اخبر ملاك بالأمس بأن لديه اجتماع مع ساندى
اسد:اه يا ملاك الكلب كل ده علشان نسيت اقول لبابا على حفلة Bts بتوعك
عشق:همشى أنا بقا
اسد:لاء خليكى شوية
عشق:لاء ورايا جامعة ولازم امشى تشاو
اسد:سلام
خرجت عشق من المكتب ليقول اسد:بحبك يا عشق يا إللى مجننانى
بعد قليل دلفت رقية وقالت:اسد بيه فى واحد بره بيقول ان اسمه تيم وعايز يقابل حضرتك
اسد:دخليه بسرعة
دخل تيم إلى المكتب ليقول:ابو الأسود عامل ايه يا راجل واحشنى
اسد وهو يصافحه:تيمو حبيبى أخبارك ايه
تيم:كويس ياصحبى
اسد:يارب ديما
تيم:تسلملى
اسد:عملت ايه
تيم:حاولت تهرب تانى بس قدرت انى امنعها
اسد:خلى بالك يا تيم إحنا مش عايزينها تظهر في حياته تانى
تيم:ما تخافشى يا أسد بس انت ليه مش عايز تقوله على الحقيقة يا أسد بدل ما هو مفكر انكم إللى قتلتوها
أسد:سليم لو عرف هيدمر يا تيم وغير كده هوا دلوقتى لسه عايز ينتقم من إللى قتلو ابوه
تيم:سليم ده ربنا يكون فى عونه
اسد:المهم يا تيم مش عايزة يعرف اى حاجة عنها خالص
تيم:تمام يا صحبى ،سليم صح لقا سيلين أخته
اسد:اه ما انا عارف
تيم:عارف ازاى
اسد:اصل انا اللى قايله على مكانها
تيم:لاء ده انت تحكيلى بقا
اسد:ماشى يا عم
Flash back
فتح سليم باب المنزل ليجد أسد وعمر ومحمد امامه ليبتسم بسخرية ويقول:اسد باشا وصحابه جايين يزورونى بنفسهم
محمد:على فكره إحنا صحابك انت كمان
سليم بسخرية:من امتى انتو فاكرينى نسيت إللى عملتوه فيا زمان
عمر:انت يابنى مبتفهمش إحنا مقلتنهاش
سليم:رغم السنين دى كلها مش قادريين تبطلوا كدب
أسد:سليم أنا جاى أتكلم معاك فى موضوع مهم وياريت تركن الماضى ده على جنب شوية
سليم بسخرية:وايه هوا الموضوع ده إنشاء الله وبخصوص ايه إحنا مافيش ما بنا مواضيع
محمد:لاء فى سيلين أختك
سليم بصدمة:سيلين
رن جرس الباب ليقوم بفتح المنزل ليجد أسد وعمر ومحمد امامه ليبتسم بسخرية ويقول:اسد باشا وصحابه جايين يزورونى بنفسهم
محمد:على فكره إحنا صحابك انت كمان
سليم بسخرية:من امتى انتو فاكرينى نسيت إللى عملتوه فيا زمان
عمر:انت يابنى مبتفهمش إحنا مقلتنهاش
سليم:رغم السنين دى كلها مش قادريين تبطلوا كدب
أسد:سليم أنا جاى أتكلم معاك فى موضوع مهم وياريت تركن الماضى ده على جنب شوية
سليم بسخرية:وايه هوا الموضوع ده إنشاء الله وبخصوص ايه إحنا مافيش ما بنا مواضيع
محمد:لاء فى سيلين أختك
سليم بصدمة:سيلين
ا
سد:ايوة سيلين يا سليم
سليم:مالها سيلين وهيا فين
اسد:سيلين أختك تبقا في كلية الهندسة اللي فيها ماريهان سعيد العامري يا سليم
إسأل ماريهان عليها يمكن تعرفها وياريت توصلها في أسرع وقت أختك محتجالك سلام
ثم غادر أسد ومحمد وعمر من منزل سليم
Flash back end
اسد:هوا ده إللى حصل
__________
ماريا:كله منك يا عشق الكلب
عشق:ليه يا حبيبتى وهوا أنا اللى كنت خلصت النت
ماريا:اه مش كل شوية تكلمى أسد ماسنجر وتفتحي تيك توك ياختى
عشق:ما يمكن انتى اللى خلصتيه ما إنتى ال ٢٤ ساعة فاتحة فيسبوك
سيلين:جماعة شحنت ال data
مرتين والفيس مش عايز يفتح عندى
عشق:يووه بقا طيب أنا هعمل ايه دلوقتى انا مقدرش أفضل من غير سوشيال ميديا يا جدعان
ماريا:يوه طيب هنعمل ايه
سيلين:خلونا نتفرج على التليفزيون
عشق:ماشى يلا
قامت سيلين بتشغيل التلفاز ليعلموا بأن جميع وسائل التواصل الاجتماعي قد أغلقت لفترة
لتقول ماريا:ظلمتك يا بت يا عشق
سيلين :ياختاااى عليا ده انا شحنت ال data مرتين يا خسارة فلوسى إللى ضاعت
ماريا :معلش يا شابه
عشق:طيب بقولكم ايه تعالو نجيب اى ارقام غريبة ونرن عليها
ماريا:الله عليكى يا بنتى وعلى دماغك الحلوة، هاتى دماغك يا بنتى ابوسها
عشق:دى أقل حاجة عندى
ماريا:هتتغر فى نفسها بقا
سيلين:يخربيت تفكيركم تفكير شياطين
عشق بضحك:يا بنتى إحنا داخلين جهنم حدف بسبب تفكيرنا ده
عشق:طيب يلا أنا هختار ١١ رقم ونرن عليه ونشوف مين
ماريا:اشطا.
اختارت عشق الارقام وقامت بالإتصال وإنتظرت الرد ليأتيها صوت شاب،لتقول:الو
عشق بدلع:الو
الشاب:مين القمر
عشق وهى تكبت ضحكتها:انت لسه قايل اهو قمر
الشاب بضحك:والقمر عايز منى ايه
عشق بضحكةخليعة:هيهيهيهيهيهيهيهيهيهي،
عايزة نتعرف
الشاب:وماله يا سكر نتعرف
عشق بضحك:تؤتؤ اسمى قمر
الشاب:وأنا عبد التواب
عشق:اسمك حلو اوى يا عبدو
كانتا ماريا وسيلين لا يستطيعوا أن يتوقفوا عن الضحك
عبد التواب:والقمر منين بقا
عشق بدلال:انا واحده معجبة بيك ومن زمان اوى
عبد التواب:ايه ده انتى جبتى رقم جديد يا بت يا عبير
عشق:عبير مين أنا قمر
عبد التواب:يا بت خلاص انا عارف صوتك فمتحوريش عليا ،وعلى فكره انا ارتبطت دلوقتى فمش هينفع نرجع لبعض
ماريا بصوت منخفض:قوليله معقوله نسيت حبك ليا
عشق :طيب وحبك ليا نسيته
عبد التواب:لاء يا مزة انتى عارفانى مبحبش حد واى واحده برتبط بيها مبتكملش معايا شهر وبكرفلها ،سلام
ثم أغلق الهاتف لتقول سيلين بضحك:يخربيتك هموت
ماريا بضحك:يا لهوى يا عشق منظرك كان جامد وانتى بتتكلمى .
عشق بضحك:هههههههههه يلا يا عسل دورك، ثم أعطت الهاتف لماريا
قامت ماريا بإدخال الأرقام واتصلت عليه ليأتيها صوت إمرأة :الو
ماريا:الو
المرأة:مين معايا
ماريا:أنا واحده عايزة تنصحك وتقولك أن جوزك بيخونك
المرأة:انتى بتستهبلى يا روح امك رمضان مستحيل يعمل كده
ماريا بضحك:لاء يا حبيبتى سى رمضان بيخونك
المرأة:سى ايه يا حبيبتشى
عشق بهمس من بين ضحكها:قوليلها انا مراته التانية
ماريا:أنا ابقا مراته التانية ياختشى
المرأة:وأنا ايه إللى يثبتلى يا روح امك
سيلين بضحك:قوليلها هو مش بقاله فترة بيرجع متأخر وكمان اوقات كتير بيبات بره،أصله يا حبيبتى بيبقا بايت عندى هيهي
سلام بقا أصلى مش فاضية ثم أغلقت الهاتف لتقول المرأة:يا نهارك اسود يا رمضان لو الكلام ده طلع صح
__
عند عشق
ماريا:هههههههههه يلا يا سيلى دورك
سيلين:هههههه لاء يا حبيبتى أنا ماليش دعوه
ع
شق:مالكيش دعوة لاء يا ببلاوى يلا امسك التليفون ورن
سيلين:ماشى يا تيمور
"يخربيتكم شياطين وربنا😂😂نبقا نتقابل في جهنم الحمرا سوا😂"
_______
يوووه بقا وأنا هفضل كده من غير سوشيال ميدا ازاى،طيب اعمل ايه اعمل، ....لقيتها اروح للبت عشق وماريا وسيلين ،اما انزل اقول لبابا وماما
،نزلت ملاك من غرفتها لتجد والديها يجلسان معا برفقة اخيها
لتقول:ماما انا هروح لعشق وماريا
سمر:ماشى يا ملاك
اسد:استنى انا هوديكى
ملاك:لاء خليك انت يا أسد أنا هروح
اسد:لاء يا حبيبتى مينفعش تمشى لوحدك
ملاك بضحك:لاء يا حبيبى متقلقش
عزت بضحك:الا قولى يا اسد انت عملت ايه
اسد:فى ايه
سمر:فى موضوع العروسة
اسد:بصراحة يا ماما أنا بحب عشق وهيا كمان بتحبنى
عزت:طيب على خيرة الله هنروح نخطبهالك
اسد:بجد يا بابا
عزت:ظبط انت بس معاد معاها وهنروح لها
اسد:طيب سلام بقا علشان اروح أقلها
ثم ذهب مسرعا
ملاك:اسد استنا يا بنى علشان تاخدنى معاك.
ولكن اسد كان قد ذهب
سمر:هههههههه الواد مستجعل ونسى ياخدك من كتر استعجاله
ملاك:يوووه بقا طيب أنا هعمل ايه ،والله لأطلع ارخم على محمد سلام
________
وصل أسد إلى منزل سيلين ووجد عشق فى إنتظاره
عشق:فى ايه يا أسد قلقتنى
اسد وهو يتصنع الحزن:عشق أنا اسف
عشق:فى ايه يا أسد قلقتنى
اسد:عشق إحنا مش هينفع نكمل مع بعض
عشق:انت بتقول ايه يا أسد
اسد:دى الحقيقة يا عشق احنا مننفعش لبعض
عشق بدموع:طيب ايه إللى حصل بس فى ايه يا أسد
اسد:بصراحة كده يا عشق أنا.....انا
عشق ببكاء:انت ايه يا اسد
اسد بضحك: انا كنت برخم عليكى مش أكتر وكنت جاى علشان تشوفى ايه الوقت اللى يناسبك علشان اجى أنا وعيلتى أتقدملك
عشق بفرحة من بين بكائها:ابو شكلك يا أسد انت خوفتنى
اسد:كنت بردلك إللى عملتيه فيا يوم ما كلمتك في التليفون
عشق:ياه يا راجل ده إنت قلبك اسود اوى
اسد:انشاء الله هجى أتقدملك الخميس الجاي
عشق:ماشى يا حبيبى .
قضو معا بعض الوقت ورجعت عشق إلى المنزل ورجع أسد إلى منزله
صعدت عشق وحكت لصديقتيها ما حدث معها منذ قليل لتقول ماريا بضحك:لاء ولاء ولاء ولاء عندنا خطوبة وإنتو لاء
سيلين:أخيرا هتتخطبى يا مسهل وتتجوزى علشان نرتاح منك
عشق:مين قلوكم إنكم هترتاحو ده انا هفضل على قلبكم زى ما أنا
ماريا:إيه البت إللى عاملة زى اللبانه دى ،عايزة تلزق فينا وخلاص
عشق:يلا عقبالكم
ماريا:بعد الشر عليا يا أختى إنتى عيزانى أنضم لقايمة المغفلين
عشق:وهما اللى إتخطبو او إتجوزو دول مغفلين
ماريا بتأكيد:أيوة
سيلين:إزاى يا أختى
ماريا:بصى يا ستى فى بداية الجواز بيبقا دلع وبتبقا حاجة عسل بعد الجواز بشهرين تكتشفى إنك حامل وبعد كده بتسع شهور بتولدى وتخلفى وتربى وترضعى وتسهرى مع العيال وتغيرلهم هدومهم وتغسلى وتمسحى وتكنسى وتطبخى وتسهرى معاهم لما يكونوا تعبانين
وتهتمى بجوزك و تبقى عاملة زى الخدامة ليهم وييجوا بعد ده كله ويقولولك عايزين نعرف إنتى عملتى ايه
طيب وليه ده كله ما انا أفضل عايشة لوحدى وأعيش ملكة و.....
سيلين:يخربيتك إسكتى
ماريا بضحك:والنبى إستنى أكمل
عشق:خلاص يخربيتك
"ما خلاص بقا يا ماريا عقدتى الواحد من الجواز يا شيخة😂😂😂 "
__________
يا سليم اهدى مش كده
سليم:يا بنتى المفروض انى ابعت حاجات مهمه دلوقتى على الفيسبوك ،والنت قافل
ماريهان:طيب اهدى هوا كده كده قافل فالعصبية دى مش هتفيد بحاجة
سليم:انا إللى جبته لنفسى فضلت اقول خليه شوية هبعته لحد ما النت اتزفت فصل
ماريهان:خلاص بقا متتنرفزش كده
سليم:انا هنزل اتمشى شوية لحد ما نشوف ايه الحكاية الزفت دى
ماريهان:تمام
خرج سليم من منزله وركب سيارته وانطلق بها إلى حديقة صغيرة وجلس يبعد عن فتاة ما ببعض المترات وأخرج هاتفه وقام بتشغيل أغنية
"انا وليلى ...لكاظم الساهر "
*ماتت بمحراب عينيكِ ابتهالاتي . واستسلمت لريـاح اليـأس راياتـي
*جفت على بابك الموصود أزمنتي . ليلى . ما أثمرت شيئـاً نداءاتـي
*عامان ما رف لي لحنٌ على وتر. ولا استفاقت على نـور سماواتـي
*أعتق الحب في قلبي وأعصره . فأرشف الهـم فـي مغبـر كاساتـي
*ممزق أنـا لا جـاه ولا تـرف . يغريـكِ فـيّ فخلينـي لآهاتـي
*لو تعصرين سنين العمر أكملها . لسال منها نزيـف مـن جراحاتـي
*لو كنت ذا ترف ما كنت رافضة حبي . لكن عسر فقر الحال مأساتـي
*عانيت عانيت لا حزني أبوح به . ولست تدرين شيئاً عـن معاناتـي
*أمشي وأضحك يا ليلى مكابرة . عليّ أخبي عن النـاس احتضاراتـي
*لا الناس تعرف ما أمري فتعذرني . ولا سبيل لديهـم فـي مواساتـي
*يرسوا بجفني حرمان يمص دمـي . ويستبيـح إذا شـاء ابتساماتـي
*معذورة أنت أن أجهضت لي أملي . لا الذنب ذنبك بل كانت حماقاتـي
*أضعت في عرض الصحراء قافلتي . وجئت أبحث في عينيك عن ذاتي
*وجئت أحضانك الخضراء منتشيا . كالطفل أحمل أحلامـي البريئـات
*غرست كفك تجتثيـن أوردتـي . وتسحقيـن بـلا رفـق مسراتـي
*واغربتاه مضاع هاجرت مدني عني . وما أبحرت منهـا شراعاتـي
*نفيت وأستوطن الأغراب في بلدي. ودمروا كـل أشيائـي الحبيبـاتٍ
*خانتك عيناك في زيف وفي كذب . أم غرك البهرج الخداع مولاتـي
*فراشة جئت ألقي كهلى أجنحتي .لديـك فاحترقـت ظلمـاً جناحاتـي
*أصيح والسيف مزروع بخاصرتي . والغدر حطم آمالي العريضـاتِ
*وأنتِ أيضا ألا تبت يـداك ؟؟. إذا أثـرت قتلـي استعذبـت أناتـي
*ليلـى ... مـن لـي؟؟ . بحـذف اسمـك الشفـاف مـن لغـاتـي
*إذن ستمسـي بـلا ليلـى . ليلـى . يــا ليـلـى . حكايـاتـي
بينما اندمجت الفتاة مع الأغنية التى قام سليم بتشغيلها
انتبه سليم لها وقال:ايه ده تسنيم
تسنيم بإنتباه:ايه ده اه ازيك يا سليم
سليم:ازيك يا تسنيم عاملة
تسنيم:كويسة عن إذنك ثم ذهبت
سليم:ليه يا ربى بيحصل معايا كده
:يابنى إرضا باللى ربنا كاتبه ليك وقول الحمد لله
نظر سليم تجاه هذا الصوت ليجد شخص كبير في السن يجلس على الكرسى الخشبى
سليم:بس أنا مافيش حاجة حلوة بتحصلى بحث الدنيا بتقولى إنت بتحب إيه علشان أخده منك وأحرمك منه.
......:يا بنى ربنا بيختار لعباده اللى هوا شيفه خير ليهم
سليم:شكرا يا عم......معلش معرفش اسمك
.....:انا عمك سعد
سليم:عاشت الاسامي يا راجل يا طيب
سعد:بص يا بنى ممكن تكون الفترة اللى انت بتمر بيها دى صعبة وبايخة،بس عوض ربنا كبير ولما تجربه هتضحك على سخافتك وإنك مكنتش قادر تستحمل إللى بيحصل،خليك صبور، عوض ربنا عظيم بس انت إصبر هتعيط من الفرحة لما يعوضك،
سليم:بس أنا عملت حاجات كتير وحشة فى حياتى
سعد:وإيه يعنى ربنا بيقبل التوبة يا بنى وفاتحلك أبوابه في كل الوقت ومستنيك إنك تتوب وترجع عن اللى انت فيه يا بنى ،عن إذنك أنا بقا يا بنى علشان العشا بتأدن وهروح علشان أصلى
سليم بإبتسامة:شكرا
سعد:الشكر لله يا بنى
"لحظة بس كده حابة أقول حاجة للناس اللي مبتصليش وللى بيصلو اوقات وأوقات لاء
ربنا حرم الجنة على إبليس علشان بس رفض إنه يركع لآدم عليه السلام تخيل بقا انت ياللى مش راضى انك تركع لربنا سبحانه وتعالى مش راضى تركع للى خلقك، هيحصل فيك إيه، الصلاة مش هتاخد منك خمس دقايق والله، ياريت تصلوا وتلتزموا بيها
نرجع للرواية تانى "
رجع سليم إلى المنزل وهو يفكر في ذلك الكلام الذي قاله له سعد ذلك الرجل الطيب ليقرر أن يبعد عن ذلك العالم المظلم الذي دخله دون أن يعلم كيف ولكن بعد أن ينتقم
_________
فى اليوم التالى
ماريا:هاااى الفيسبوك رجع تانى يا ولاد
ماريا:والله يا جماعة مش عارفه السوشيال ميديا دى لو إختفت من حياتنا هنعمل ايه من غيرها
عشق:معاكى حق،إحنا من غير النت كنا شبه الضفادع المطلقة
ماريا:بس يا بت انتى وهيا ،ياااه الفيسبوك حبيبى رجع
عشق بضحك وهى تشير على ماريا:اهى دى اكتر واحده كانت هتنقهر دى يا عينى عاملة فيسبوك علشان تحب وتشقط من عليه
سيلين بضحك:صح يا ماريا يا حبيبتى انتى ليه سمتيه الحب إخلاص مش تعب وخلاص .
ماريا:بت منك ليها انتم هتحفلوا عليا ولا إيه
عشق:إحنا تعرفى عننا كده بردو
ماريا:ده انتم ابو كده مش كده بس
"لو معندكش صحاب يرخموا عليك ويحفلوا عليك ويخلوك تخرج عن شعورك معاهم يبقا انت معندكش صحاب اساسا 😂😂😂😂"
________
كان عمر يجلس في مكتبه ولكن دق الباب وتلاه دخول العسكرى يخبره بأن اللواء طاهر يرده
خرج عمر من مكتبه وإتجه إلى مكتب اللواء ثم طرق الباب فأذن له اللواء بالدخول، دخل عمر فقال له طاهر:عملت ايه يا عمر فى القضية
عمر:لسه شغال عليها يا فندم
طاهر:عمر أنا عايز القضية دى تنتهى في أقرب وقت يا عمر
عمر:حاضر يا فندم
طاهر:ربنا معاك يا بطل
عمر:متشكر جدا يا فندم عن إذنك ثم خرج من المكتب
عمر لنفسه:يووه طيب أنا هحلها إزاى دلوقتى.
ليتذكر بأن سليم قد أخبره من قبل بأنه يعلم من متورط في هذه القضية
عمر:انا لازم اروح له وأعرف منه كل حاجة يمكن يكون فى اى معلومة تساعدنى
خرج من القسم وركب سيارته وانطلق بها إلى منزل سليم
وصل عمر إلى منزل سليم بعد مرور خمسون دقيقة وصل إلى منزل سليم طرق على الباب ففتحت له ماريهان وقالت:اتفضل حضرتك عايز مين
عمر:سليم موجود
ماريهان:ايوة
عمر:طيب ممكن تقوليله عمر صحبك عيزك
ماريهان بإبتسامة:تمام إتفضل حضرتك إستنا جوة لحد ما اناديه
دخل عمر وذهبت ماريهان لمناداة سليم الذى خرج مسرعا ما أن علم أن عمر فى الخارج
سليم:فى إيه يا عمر
عمر:أنا كنت عايز أطلب مساعدتك في القضية اللى انا ماسكها إنت قلتلى قبل كده إنك عارف مين اللي متورط فيها صح
سليم:هوا من ناحية أنا عارف فأنا عارف كتير جدا
عمر:طيب هتساعدنى ولا إيه
سليم:بص يا عمر كل إللى أقدر إنى أقولهولك إن كل إللى متورطين في القضية دى فى طار بينى وبينهم فإبعد عنهم
عمر :إيه اللى إنت بتقوله ده يا سليم انا مش هسيبك تضيع نفسك تانى بسبب إنتقامك ده وحقك انا هجبهولك بس بالقانون يا سليم
سليم:للأسف جيت متأخر ولو إنت حابب تعرف مين اللي متورط من عيلة الحديدى فهيا تبقا رغد ،رغد الحديدى
عمر بصدمة :انت بتقول ايه إستحالة طبعا عمتى رغد تكون مشتركة في الكلام ده
سليم:للأسف دى الحقيقة
خرج عمر من منزل سليم وهو مصدوم ولا يعرف ماذا يفعل
________
ملاك: الو
محمد:الو
ملاك:وحشتنى يا محمد فينك
محمد:فى المستشفى يا حبيبتى
ملاك:طيب تمام أنا هجيلك
محمد:طيب تمام هستناكى
ملاك:مسافة السكة سلام
ثم أغلقت الهاتف وإرتدت ملابسها وذهبت إلى المشفى الخاصه به لتجده يقف مع دكتورة ما ويمزح معها
إقتربت منه وقالت:والله أجيبلكم شجرة وإتنين لمون أحسن
الدكتورة:مين حضرتك
ملاك بعصبية:ما تقولها يا محمد أنا مين
محمد:خلاص يا ملاك تعالى معايا
الدكتورة:هيا مين دى يا محمد
ملاك بعصبية:ابقا خطيبته يا عنيا
محمد:خلاص يا ملاك وأنا اسف يا دكتورة رنا
رنا: مكنتش اعرف ان خطيبتك لوكال اوى كده يا دكتور محمد
ملاك بغضب:مين دى إللى لوكال يا روح امك متحترمى نفسك يا بت إنتى
رنا:بت ،إيه ملافظك دى،ده إنتى شرشوحة اوى
إقتربت ملاك منها وقامت بجذبها من شعرها
إجتمع جميع من فى المشفى على صوت صراخ رنا
ليقوم محمد بشد ملاك بعيدا عنها
ملاك بغضب:سيبنى يا محمد أما أعرفها مين الشرشوحة دى
قام محمد بصفعها على وجهها
نظرت له ملاك بصدمة وقالت:
انت بتضربنى يا محمد.
محمد:ما إنتى لو كنتى محترمة نفسك ومحترمانى مكنتش ضربتك
ملاك بدموع:قصدك ايه ،قصدك إن أنا مش محترمة عن إذنك ،
ثم تركته وغادرت والدموع تنساب على وجنتيها ليصرخ محمد قائلا: كله يرجع مكانوا،ثم نظر إلى رنا وقال:وانتى مش عايز أشوف وشك هنا تانى
رنا :طيب وأنا مالى أنا ذنبى ايه
محمد:إللى يهين حد يخصنى كإنه أهانى إتفضلى ومش عايز أشوف وشك هنا تانى يلا
ذهبت رنا مسرعة بينما جذب محمد خصلات شعره بين يديه ثم أخرج هاتفه وأخذ يتصل بملاك ولكنها لم تجيب عليه
محمد:يووووووه بقا إيه إللى انا عملته ده.
ذهبت ملاك إلى منزلها وهى تبكى وصعدت إلى غرفتها وظلت تبكى بمفردها في الغرفة
__________
جلست سامية برفقة إبنها جاسر وقالت
سامية:جاسر يا حبيبى أنا عايزة أفرح بيك بقا
جاسر:حاضر يا ماما
سامية:طيب إيه رأيك في فريال بنت طنط فريدة بنت مؤدبة وأخلاقها عالية
جاسر بهمس:محترمة إيه دى كانت ماشية مع اتنين صحابى قبل كده
سامية:بتقول ايه يا حبيبى
جاسر:بقول يا ماما إنى بحب واحده معايا فى الجامعة ومستنى إنى أخلص الجامعة وهروح أتقدملها
سامية بفرحة:بجد يا حبيبى
جاسر:بجد يا روح قلبى
سامية:انت فرحتنى اوى يا جاسر
شرد جاسر فى حبيبته تلك الفتاة الرقيقة التى تخبأ وجهها وجمالها
ليقول:قريب اوى يا سيلين هتبقى معايا وفى حضنى .
_____________
ذهب عمر إلى أسد فى الشركة
وجلس معه في مكتبه
اسد:إيه ده معقولة عمر بيه مشرفنى
عمر:أسد أنا جايلك في موضوع مهم جدا
أسد:خير يا عمر فى إيه
عمر:أنا من فترة كده إستلمت قضية عن ناس بتشتغل في المافيا وسليم قلى إنه يعرف الناس المتورطين فى القضية دى ولما سألته قلى إن عمتك رغد مشتركة فى القضية
أسد:ما أنا عارف
عمر بصدمة:إيه
أسد:أنا عرفت الكلام ده من إسبوع يا عمر
عمر:طيب وهتعمل إيه
أسد:أنا هقولك هتعمل ايه
__________
فى اليوم التالى
كانت تدخل إلى الجامعة ولكن أوقفها صوت شاب يقول:إزيك يا مدام قردة
نظرت ماريهان خلفها لتجد تيم يستند على سيارته فقالت:إزيك يا أستاذ مستفز وبارد
تيم:تمام يا مدام قردة
ماريهان بعصبية:بطل تقولى مدام قردة دى
تيم:ليه يا مدام قردة
ماريهان:بطل يا مستفز
تيم:حاضر يا مدام قردة
إقتربت ماريهان من تيم ولكن أثناء إقترابها منه إلتوى كاحلها وكادت أن تسقط على الأرض ولكن أسرع تيم وقام بإمساكها من خصرها لتقع بين ذراعية وينظرا الإثنان فى عينان بعضهما البعض
" يا خلاثى عليهم وعلى جمالهم إنتم متخيلين الموقف نرجع تانى للرواية"
ظل ينظران إلى بعضهم وشرد كلا من هما فى عينا التانى لا يعلمون كم مر من الوقت على هذا الموقف ولكن إستيقظوا
من شرودهم على صوت تلك الحمقاء التى تدعى سوزى:إيه ده معقوله ماريهان
إبتدعت ماريهان عن تيم وقالت بإقتضاب:اه إزيك يا سوزى
سوزى :إيه ده يا بنتى بقالك فترة مختفية ،ثم أكملت بسخرية:وإيه اللبس اللي إنتى لابساه ده وأشارت على حجابها
ماريهان:عن إذنك يا سوزى ورايا محاضرة
سوزى:طيب على الأقل مش تعرفينا ثم أشارت على تيم
تيم:عن إذنك يا مدام قردة علشان ورايا شغل مهم ونبقا نتعرف بعدين يا انسة سوزى ثم ركب سيارته ورحل
ماريهان:عن إذنك أنا كمان يا سوزى علشان متأخرش على المحاضرة
ثم رحلت .
سوزى بغل: بقا إنتى كل شوية تتعرفى على واحد متريش وغنى كده ،بس أنا المرادى مش هسكت ولازم أوقعه هوا او أوقع محمد.
_____________
وجدت عشق وماريا وسيلين ماريهان تجلس على الطاولة تنتظرهم ليذهبو إليها لتقول ماريهان:إيه ده هيا ملاك مجتش ليه
سيلين:إيه ده هيا ملاك لسه مجتش
ماريهان:ايوة
ماريا:لحظة كده أرن عليها ظلت ماريا تتصل على ملاك ولكن لا يوجد رد
ماريا:مبتردش
عشق:طيب انا هتصل على أسد أسئله
اتصلت عشق على أسد الذى أجاب:صباح الورد والياسمين على عيونك الحلوين
عشق بضحك:صباح الخير يا شبح
أسد:شبح والله يا عشق إنتى ما ينفع معاكى الرومانسية خالص .
عشق بضحك:اه ما انا عارفة، المهم هيا ملاك فين
أسد:مش عارف ليه
عشق:أصلها مجتش لحد دلوقتي الجامعة وكده
أسد:مش عارف لحظة كده هطلع أشوفها.
صعد أسد إلى الأعلى وقام بطرق الباب ولكن لم يأتيه الرد ليفتح باب الغرفة ويجد ملاك مغشيا عليها على أرضية الغرفة
أسد :ملاااااااك
إقترب أسد منها ورفعها على ذراعية وخرج بها من الغرفة ،جائت والدته على صوت صراخه لتجد أسد يحمل ملاك وينزل بها السلم لتقول سمر بقلق:فى إيه يا أسد ومالها ملاك .وإقتربت من ملاك وقامت برفع وجهها إليها لتجدها مغشيا عليها
سمر بقلق شديد:مالها ملاك يا أسد ،أختك مالها
أسد:معرفش يا ماما لازم أطلع بيها على المستشفى ثم وضعها في السيارة فى الخلف وجلست والدته بجانبها بينما قاد هو السيارة وذهب مسرعا إلى المشفى الخاصة بصديقه.
_____
بينما عند عشق
دب الرعب في قلبها بعد سماعها لصراخ أسد لتقول بقلق:أسد ،يا أسد رد عليا يا أسد
سيلين:إيه فى إيه يا عشق
عشق:مش عارفه بس فجأة أسد صرخ بإسم ملاك ومفيش حد بيرد عليا
، أنا لازم اروح اشوف فى إيه
ماريهان:إستنى أنا هاجى معاكى
سيلين:وأنا كمان هاجى
ماريا:وأنا كمان
خرجت الفتيات من الجامعة وركبوا سيارة ماريهان وإنطلقوا إلى قصر أسد
وبعد
دقائق وصلوا إلى القصر لتنزل الفتيات ويسألوا عن ملاك لتخبرهم إحدى الفتيات بأن أسد وجدها مغشيا عليها في غرفتها فأخذها وذهب بها إلى المشفى
ماريا:طيب ما تعرفيش راحوا أنهى مستشفى
الخادمة:تقريبا كده راحو المستشفى بتاعة محمد بيه صاحب أسد بيه
عشق:أنا معرفش العنوان بتاع المستشفى
ماريهان:تعالى أنا عرفاه
سيلين:يلا
_______
وصل أسد إلى المشفى وحمل ملاك ودخل بها إلى المشفى وصرخ بهم لكى يأتو بطبيب إلى أخته وبالطبع أسرع جميع الأطباء إليه فهو أسد المنشاوى
خرج محمد من مكتبه على صوت صراخ بالخارج ليجد أسد يحمل ملاك بين يديه ليدب الرعب في قلبه، وخاف على صغيرته إقترب منهم وقام بأخذها من بين يدى أسد: ودخل بها إلى الغرفة وأجرى لها عدة فحوصات
___
وفى هذا الوقت وصلت عشق والفتيات إلى المشفى ليجدو أسد يقف امام إحدى الغرف وسمر تجلس على الكرسى تبكى
عشق بمواساة لسمر:ما تقلقيش يا طنط هتبقا كويسة
سمر ببكاء:يارب طمنى عليها والنبى يا رب
جلست باقى الفتيات يواسون سمر بينما ذهبت عشق إلى أسد ووقفت بجواره وقالت:ملاك هتبقا تمام إنشاء الله متقلقش إكتفى أسد بالإيماء لها
وبعد دقائق خرج محمد من الغرفة أسرعت سمر إليه وقالت طمنى يا محمد بنتى مالها، ملاك مالها يا محمد
أسد:فى إيه يا محمد ملاك مالها ما ترد علينا
محمد :ملاك عندها هبوط حاد وده أدى
للمضعفات في جسمها وأنا علقتلها شوية محاليل وشوية كده هتفوق وهتبقى تمام
سمر:الف حمد والف شكر ليك يا رب
وفى هذه اللحظة رن هاتف أسد
نظر أسد إلى الهاتف ليجد أن تيم هو المتصل ليفتح الخط ويقول:الو يا تيم
تيم:إلحق يا أسد البت هربت .......