رواية عشق الاسد
الفصل الرابع عشر
______بقلم🖊 أمل نبيل ______
فى الظلام
كانت بتجرى بأقصى سرعة عندها علشان تهرب منهم بس للأسف ما قدرتش انها تكمل و وقعت وأغمى عليها.
نزل تيم من عربيته وشاور للحراس بتوعه.
تيم:حطوها فى العربية.
الحراس:امرك يا باشا .
تيم مسك التليفون بتاعه واتصل على اسد.
اسد:الو يا تيم.
تيم:أنا لاقتها يا أسد.
اسد:تمام يا تيم عايزك تخفيها كويس المرة دى.
تيم: ماتخافش يا اسد المره دي مش هتعرف تهرب تانى.
اسد:وانا واثق من كده.
ت
يم: سلام دلوقتي.
اسد:سلام .
ويقفل تيم الفون ويركب عربيته ويمشى ويتبعه الحراس.
_________
سعيد كان قاعد بيشرب قهوته وفجأة جاله اتصال من رقم مجهول ليرد ويقول: الو
الطرف الآخر: أنا بقيت موجودة في مصر خلاص نفذ اللى اتفقنا عليه.
سعيد:كده بقا كل الشغل هيبقا تمام.
_________
بعد شروق الشمس بقليل استيقظت ماريهان ثم توضأت وبدأت في اداء صلاتها وبعد أن انتهت سمعت صوت احد من خلفها.
عشق:إيده هوا انتى بتصلى.
ماريهان بإبتسامة:ايوة بصلى اشمعنا سألتى السؤال ده.
عشق:اصل ولا مرة شوفتك بتصلى.
ماريهان: لاء أنا كنت بصلى على طول فى الاوضة ودى اول مرة اصلى في الصالة يمكن علشان كده دى اول مرة تشوفينى بصلى فيها.
عشق:يمكن.
ماريهان: طيب إيه مش هتصلى انتى كمان.
عشق بإستغراب:انا.
ماريهان:ايوة انتى روحى اتوضى علشان تصلى يلا .
عشق:بس انا عمرى ما صليت وكمان مش عارفة اصلى ازاى .
ماريهان:على فكره انا كمان كنت زيك كده بس وانا صغيرة كنت بشوف الدادة بتاعتى بتصلى ازاى واتعلمت منها.
عشق بحزن:بس انا للأسف مكنش عندى دادة ولا حتى عندى ام علشان تعلمنى.
ماريهان:مش انتى بس اللى مكنش عندك ام أنا كمان اتولدت معرفش امى ولا حتى شفتها كل اللى اعرفه عنها أن اسمها رغد مش اكتر ده حتى كنت كل لما بقول لبابا مافيش صور ليها اشوفها كان يقولى لاء مالهاش.
عشق:والله الواحد يشوف بلاوى الناس تهون عليه بلوته.
ماريهان بضحك:طيب يلا يا اكبر بلوة في حياتى اتوضى علشان اعلمك ازاى تصلى.
عشق:خلصا بس نصحى البت ماريا وسيلين كمان نكسب فيهم ثواب ويصلو معانا.
ماريهان :هروح اصحى سيلين وصحى انتى ماريا.
عشق:تمام.
راحت عشق اوضة ماريا لاقتها نايمة نوم عميق
*فى سابع نومه زى ما بيقولو *
عشق:ماريا....ميرو .....انتى يا بت.
ماريا بنوم:عايزة ايه يا بت.
عشق:قومى يلا علشان نصلى.
ماريا:خمس دقايق وهقوم يا ماما.
عشق:امك 😳😳😂😂طيب قومى يا كبد امك علشان متتأخريش على المدرسة.
ماريا:طيب هقوم خمسه بس خمسه.
عشق:يا بت قومى يخربيتك.
ماريا تململت في سريرها.
ماريا بنوم: ماشى هقوم اهو.
عشق:يلا بسرعة.
اعتدلت ماريا وجلست على سريرها.
عشق بضحك :اعدلى الإريل اللى على راسك ده يا بنتى
ماريا وهى تحدفها بالوسادة:بس يا عره يا صنف زبالة.
عشق: شكرا يا محترمة.
ماريا شافت الساعة ولاقتها لسه بدرى.
ماريا:ايه يا كلبة البحر عايزة ايه لسه بدرى.
عشق:قومى ياختى علشان نصلى.
ماريا: بس انا عمرى ما صليت.
عشق:me too ماريهان هتعلمنا يلا .
ماريا: طيب اطلعى وانا هطلع وراكى.
عشق:قصدك هتنامى تانى يلا يا بت .
ماريا قامت من على السرير.
ماريا:قومت اهو يا ريت ترتاحى بقا.
عشق: طيب يلا اتوضى وحصلينى.
طلعت عشق من الاوضة وراحت الصالة لاقت ماريهان وسيلين مستنيينهم.
ماريهان: فين ماريا.
ماريا:انا جيت اهو .
ماريهان: طيب يلا بصو انتو اول حاجة هتعملو...........
وقامت ماريهان بتعليمهم.
وبعد ما خلصوا.
سيلين:بجد اول مرة اصلى في حياتى .
ماريهان:سليم اخوكى هوا السبب انى اصلى واقرب من ربنا .
عشق: يلا يا مزة منك ليها علشان نجهز فطار ونفطر ونروح الجامعة حد فيكم يقوم يجهز الفطار بقا .
ماريا: أنا مش هفطر.
سيلين: ولا أنا.
ماريهان: وانا ماليش نفس .
عشق:طيب هقوم اجهز فطار على قدى .
وتروح عشق المطبخ.
ماريا:يارب تعمل حسابى معاها.
سيلين:هوا انتى مش قلتى انك مش جعانه.
ماريا:لاء انا قلت كده بس علشان كانت هتقولى قومى اعملى الفطار.
سيلين: وانا كمان.
ماريهان: وانا كمان قلتلها كده علشان ماتقوليش قومى جهزى الفطار.
ماريا:ده إحنا ابليس يتعلم مننا يا جدعان.
ماريهان: طيب هنعمل ايه دلوقتي أنا جعانه.
ماريا:يا بنتى عشق اكيد هتعمل حسابنا يعنى اكيد مش واطية للدرجة دى.
بعد دقائق عادت عشق وهى تحمل صينية عليها اكل .
عشق:يا خسارة يا ولاد كان نفسى تاكلو معايا بس للأسف ملكوش نفس.
ماريا: هوا ده كلو ليكى انتى بس يا عشق.
عشق:اه اصلى جعانه اوى ونفسى مفتوحة.
وبدأت عشق اكل الطعام بإستمتاع.
عشق:يا خسارة كان نفسى تدوقوه.
ماريهان:ممكن ندوق يعنى نشوفه حلو ولا لاء.
سيلين:وانا كمان هدوق اشوف طعمه.
ماريا:هوا بصراحة حاسه ان طعمه مش حلو اوى بس هدوقه واقولك رأيى بصراحة.
واقتربت الفتيات وبدأو فى اكل الطعام بنهم شديد.
عشق بضحك:هوا ده اللى مالكوش نفس.
ماريا وهى تأكل: معلش بقا يا اختى استحملى.
عشق:كنتى قولى يا عرة منك ليها مش هعمل اكل وانا كنت عملت ليكم معايا يا عرر.
سيلين:ما خلاص يا محترمة.
عشق: طيب يلا علشان نغير ونروح الجامعة.
سيلين:أنا هروح بعد الجامعة مع جاسر .
ماريا:الله يسهلو.
عشق:هتروحى ليه.
سيلين:عاملى مفاجأة بمناسبة الفلانتين.
ماريا:اه يا محنو.
ماريهان:وانتى يا عشق هتروحى مع اسد.
عشق:مش عارفة والله بس اكيد ايوة.
ماريا:وانتى يا ماريهان مافيش حد تروحى معاه ولا ايه.
ماريهان: لاء يا حبيبتى وانتى.
ماريا: هنبقا فى وش بعض النهاردة.
ماريهان: بلا فلانتين بلا بتاع.
ماريا:أنا بحس إن فى حد بيحبنى بس مكسوف يقول مفكرنى مرتبطة.
ماريهان:نفس الاحساس.
عشق:روحوا شوفوا حد ارتبطوا بيه يا سناجل.
ماريا:بس يا بابا.
ماريهان: تصدقى فكره هكتب على ضهرى رقم تليفونى وجنبه بدور على كراش يا ولاد الحلال.
عشق:اتريقى يا كلبة منك ليها اتريقوا.
ماريا: اومال نعمل ايه يعنى.
سيلين:قومو البسوا علشان نغور عالجامعة.
عشق:مش عارفة ليه حاسه ان فى حاجة وحشة هتحصل.
ماريا:يا لهوى على احساسك يا عشق اللى زى الزفت ده متحسيش يا بابا.
ماريهان: انا هقوم ألبس وقوموا انتو كمان.
________
رغد كانت قاعدة مع تسنيم و رائد على السفرة وكانت سرحانه جامد.
تسنيم: مالك يا ماما.
رغد:....
رائد:مالك يا رغد فى اى..يا رغد.
رغد بإنتباه:ايه فى ايه.
تسنيم:مالك فى ايه بقالى كتير بنادى عليكى.
رغد:كنت سرحانه شوية.
تسنيم: كنتى سرحانه فى إيه.
رغد بزعيق:يووووه قلت سرحانه شوية مش لازم تستفسرى يعنى.
وقامت رغد وسابتهم ومشيت.
رائد:متزعليش يا تسنيم ممكن تكون في حاجة مدايقاها مش أكتر.
تسنيم:أنا بس سألتها مش أكتر مكنش في داعى انها تزعقلى كده يعنى.
رائد:خلاص بقا يا حبيبتى متزعليش.
تسنيم:ماشى يا بابا همشى أنا علشان الكلية بتاعتى.
رائد:ماشى يا حبيبتى سلام.
تسنيم: سلام.
وتمشى تسنيم ويروح رائد لرغد .
رائد:فى ايه يا رغد مالك زعقتى كده ليه.
رغد:رائد أنا مش فاضية للكلام ده دلوقتى إبعد عنى.
رائد:انت مالك بتتكلمى كده ليه ده إنتى بقيتى نكد اوى.
رغد:أنا نكد يا رائد .
رائد:ايوة بقيتى نكد انتى فيكى حاجة مش طبيعية من ساعة ما رجعت وانا ملاحظها عليكى.
رغد:مافيش حاجه انت اللى بيتهيألك
رائد:لاء مش بيتهيقلى يا رغد عن إذنك.
وسابها ومشى.
________
لورين:يا عمررررر ...يا عمرررررر.
عمر بصدمة: ايه ده هوا فى ايه.
سام:الحقنى يا بابا هتموتنى.
عمر: سيبيه يا لورين يا حبيبتى وخلينا نتفاهم.
لورين: الواد ده لو محترمش نفسه أنا هسيبه متعلق كده طول عمره.
عمر:سيبيه ربنا يهديكى يا حبيبتى.
لورين:هوا انت شايفنى مجنونة علشان تقولى كده .
عمر وهو يلطم على وجه:احيه سيبى الواد هيموت.
لورين:ولو لازم توعدنى انه يبعد عنى ومش هيعملى حاجة تانى.
عمر:اوعدك يا لورين يا قمر انتى.
لورين:خليه يعتذر .
عمر:اعتذر يا سام .
سام:أنا اسف خليها تسيبنى بقا .
عمر:سيبيه بقا.
لورين نزلت سام بعد ما كانت معلقاه فى النجفة😂😂😂😂.
س
ام جرى على عمر وحضنه.
سام:ماتسبنيش معاها تانى يا بابا أنا بقيت بخاف منها.
عمر:والنعمه عندك حق يا بنى أنا عن نفسي خوفت.
لورين:ليه قدامك عفريته ولا عفريته.
عمر:فشر يا روحى.
لورين:بحساب.
عمر:يلا يا سام يا حبيبى علشان تروح الحضانة بتاعتك وانا الحق اروح شغلى بدل ما تتحول وتاكلنا دلوقتى.
لورين:بتقول حاجة يا عمر.
عمر:لاء خالص مباقولش.
لورين: بحسب.
سام:ابقى اجمعى بعد كده.
لورين: ولا...
عمر:يخربيتك اخرس بقا بدل ما ترميك من البلكونة المرادى.
لورين:أنا هروح البس علشان اروح الجامعة سلام.
عمر:احسن بردو.
سام:هيا معقولة في ناس بالشكل ده.
عمر:على اساس ان انت اللى ملاك يلا ياض ورايا.
_______
كانو بيتناولوا الطعام لتقول ملاك.
ملاك: هوا إنت هتروح تجيب الدهب انت وعشق امتى يا أسد
أسد:أنا المفروض انى اسافر النهاردة شرم الشيخ وهرجع بعد بكره يوم ما أرجع هنروح نجيب الشبكة.
ملاك:الله يسهلك يا عم رايح شرم.
عزت:أنا هروح معاك الإجتماع ده يا أسد .
أسد:تمام يا بابا.
سمر:ما تخليك انت يا عزت وأسد هيروح.
عزت:لاء هروح معاه وبالمرة اعرف الشغل ماشى ازاى لان الفترة الجاية أسد هيكون محتاج وقت فاضى علشان يجهز نفسه ويشوف هيعمل ايه وانا هشيل مكانه الشغل.
ملاك:طيب ايه يا بابا.
عزت:ايه.
ملاك:مش أنا دلوقتى المفروض انزل الشركة علشان أتدرب بقا .
عزت:لاء مش دلوقتى لسه بدرى على الكلام ده.
ملاك:ليه بقا.
عزت:لسه اما تخلصى كلية.
ملاك:ايه الظلم ده .
_________
البنات كلهم وصلوا الجامعة وكانو قاعدين مع بعض.
ملاك: يووه بقا امتى الواحد يخلص من التعليم ده ويرتاح.
عشق:لسه شوية كمان.
ماريهان: ده انتو هيطلع عنيكو.
لورين: الحمد لله فات الكثير ما بقا الا القليل.
سيلين:الله عليكى وعلى حكمك.
ماريا: الله عليكى بتقولى حكم انما ايه عجب.
لورين:هوا انتم يا جماعة مفكرين يعنى انى اى حد .
عشق:هتتغر فى نفسها بقا.
ملاك:ما تخديش مقلب في نفسك يا ماما.
لورين:بس يا بت منك ليها كاتكم القرف.
ماريا:اوبا ايه الصاروخ الأرض جو إللى جاى ده .
لورين:فين ده .
ماريا:وراكى.
عشق:ده جاى علينا يا بت.
سيلين:بس مز اوى بصراحة.
ماريهان: يخربيتكم بس ده قرب علينا.
الشاب:صباح النور يا فندم.
البنات:صباح الخير مين .
الشاب:ممكن اعرف مين ماريا.
ماريا:أنا اهو.
الشاب أعطاها بوكيه من الورود الحمراء.
الشاب:اتفضلى يا فندم.
ماريا :ايه ده ليا ميرسى خالص هتيجى تتقدم امتى بقا .
الشاب :نعم يا فندم 😳.
عشق:لاء متاخدش في بالك.
ماريهان:ممكن نعرف مين اللي بعته.
الشاب:للأسف اللى بعته مذكرش اسمه عن إذنكم. ويمشى.
عشق:الله الله ورد احمر.
ماريا:فى إيه .
عشق وهى تقلدها: وماليش فى الإرتباط الإرتباط مش فى دماغى.
ماريهان:مين اللي بعت الورد ده يا بت .
ماريا:والله ما أعرف.
سيلين:كداب يا صاحبى هات من الاخر وقول.
لورين بضحك: شكلك كده مرتبطة من وراهم.
ماريا: والله ما اعرف مين اللي بعته ومش مرتبطة.
ملاك:بس اللى بعت الورد ده ذوقه جامد.
سيلين:هوا مش المفروض ان أنا كمان ييجيلى بوكية ورد أنا كمان.
ملاك:والنبى يا حبيبتى محمد معبرنى حتى بمكالمة تليفون.
عشق:على اساس ان اخوكى اللى عبرنى يعنى.
ماريهان:يمكن الفلانتين لسه مجاش عندهم.
عشق:اتريقى اتريقى.
ماريهان: ومتريقش ليه يا حبيبتشى.
وبعد شوية ييجى شخص كمان ويكون جايب لماريهان بوكيه ورد احمر وأبيض.
ملاك:يا ترى مين اللي جايبلك انتى كمان.
ماريهان: بس يا بابا كده انتى وهيا علشان شكل الموضوع ده فى حاجة غلط .
ماريا:يمكن الكراش بتاعك جايبهولك .
ماريهان:اقسم بالله ما فى كراش ولا نيله.
لورين:لحظة كده فى ورقة اهى.
فتحت ماريهان الورقة دى لاقت مكتوب فيها Happy valentine day يا مدام قردة .
ماريهان بصدمة:هوا انت .
عشق:مين.
ماريهان: اكتر بنى ادم بكره.
عشق:بس هوا شكله بيحبك.
ماريهان: اسكتى والنبى.
سيلين:خلينا إحنا المرتبطين قاعدين زى خيبتها كده.
ماريا:والله فرحانه فيكم أحسن.
عشق:حد ياخد البت دي من هنا.
ماريا: جالى ورد وانتو لاء .
ملاك:يا شيخة إتلهى هوا إنتى عارفة مين اللي بعتهولك أصلا.
ماريا:يا بنتى انا معجبينى كتير.
سيلين:والله.
ماريا:عندك شك في كده.
سيلين:لاء خالص.
لورين:طب إيه مش هيجيلى بوكيه زيكو كده ولا إيه.
ماريهان: خودية اهو يا حبيبتى مش عيزاه.
لورين: لاء يا حبيبتى خليه.
ماريا: بس انا هموت وأعرف مين اللي جايبه بردو.
عشق:لما تموتى هتعرفى.
ماريا:no comment.
سيلين:الله يرحم.
عشق:بت يا سيلين مش اللى هناك ده جاسر.
سيلين:اه هوا بس مين البنات اللى حواليه دى كلها.
عشق:دول بيدوله ورد يا بت .
لورين: الواد هيطير منك يا معلمه.
ملاك:اوووبا ده فى واحده باسته يابت.
سيلين: ده يومهم مش معدى النهاردة.
ماريا: ايوة يا بت ما تسكتيش.
قامت سيلين وراحت عند جاسر.
سيلين: فى حاجة يا وزة منك ليها.
البنات:افندم.
سيلين:فى حاجة يا سكر.
البنت ١:احنا واقفين مع جاسر انتى مالك .
سيلين: لاء ده انا مالى ونص ياقمر .
جاسر: خلاص يا سيلين.
البنت ٢:هيا مين دى يا جاسر .
سيلين:أنا ابقا حبيبته يا عنيا.
البنات:عن إذنك يا جاسر.
البنت١:على فكره يا جاسر ذوقك بقا بلدى اوى.
ومشيت.
سيلين: كنت فرحان وانت واقف في نصهم كده وكل واحده فيهم بتديك ورد وهدايا صح .
جاسر: الله مش المعجبين بتوعى.
سيلين: وحياة امك.
جاسر :مالك يا قمر زعلان ليه.
سيلين: ومين قالك انى زعلانه.
جاسر:انتى مدايقة بس.
سيلين: بقولك ايه يا جاسر متستفزنيش.
جاسر مسك وسطها وشدها عليه.
جاسر :أنا عيزك تعرفى انى عمرى مهاشوف غيرك انتى خلاص قلبى بقا لحبك أسير .
سيلين: اومال ايه إللى كان بيحصل من شوية ده.
جاسر:يا بنتى إنسى.
سيلين: بنتك.
جاسر: انتى بنت قلبى.
عند عشق.
لورين:عليا النعمه الواد ده معلم.
ماريا: ده سكتها بكلمتين.
ماريهان: ده أنا اروح أتعلم منه بقا.
ملاك بصت لعشق.
ملاك:خلينا إحنا قاعدين كده .
عشق:اما نشوف أخرتها.
______
محمد كان في المستشفى بتاعته بيتابع المرضى لقا سوزى قدامه.
سوزى:محمد انت مش بترد على مكالماتى ليه.
محمد سابها ومشى لقاها مسكت إيده قدام الممرضين والمرضى والدكاترة اللى موجودين.
سوزى:محمد أنا بحبك انت ليه بتعمل معايا كده .
محمدشد إيده من إيدها .
محمد:إتفضلى إطلعى بره بدل ما أطلبلك الأمن.
سوزى: مش هطلع يا محمد انا بحبك.
محمد:اطلعى بره يا سوزى وسابها ومشى.
سوزى بصوت عالي: مهما يحصل يا محمد هتبقا ليا أنا وملكى أنا.
محمد مبصش ليها حتى وراح مكتبه.
سوزى طلعت بره المستشفى وكانت مدايقة جدا مسكت تليفونها واتصلت على رقم.
سوزى:أنا موافقة على اللى انت قلتلى عليه إيه المطلوب بقا دلوقتى.
الطرف الآخر: حلو يبقا كده إحنا الإتنين متفقين.
سوزى:بس زى ما إنت ما وعدتنى محمد يبقا بتاعى أنا وبس.
الطرف الآخر: وانا عند وعدى.
_______
رقية:تحب حضرتك اتفق مع مصمم حفلات معين.
أسد: عايز أحسن مصمم حفلات يا رقية فهمانى.
رقيه: حاضر يا فندم طيب بالنسبة للإجتماع اللى فى شرم .
أسر: هسافر النهاردة يا رقية.
رقيه:تمام يا فندم حاجة تانية.
أسد:لاء يا رقية إتفضلى وانا لو عوزت اى حاجه هطلب منك.
رقية:عن إذنك يا فندم.
أسد:وحشتينى اوى يا عشقى يا ترى بتعملى ايه دلوقتى.
_____
ملاك:يااه أخيرا خلصنا المحاضرات النهاردة.
عشق:والله انا إبتديت أكره التعليم.
ماريا: ولسه يا حبيبتى بعد القرارات اللى طارق شوقى كل شوية طالعلنا بيها دى هنكره أكتر.
لورين:ربنا على الظالم والمفترى.
ماريهان: هتروحوا ولا هتروحوا فين.
سيلين: أنا هروح مع جاسر وبعد كده هطلع على سليم.
ماريهان: طيب وانتى يا عشق انتى وماريا.
ماريا: أنا هطلع على الشغل.
عشق: وانا أسد كلمنى وقلى انه هيعدى عليا شوية كده ياخدنى علشان هنروح مشوار.
لورين: اوعدنا يارب احنا كمان بالمشاوير دى.
ملاك بضحك: مش هيحصل.
لورين:بس يا فقر.
ماريهان: يعنى هروح لوحدى طيب همشى أنا بقا سلام.
وكل واحده منهم مشيت.
جاسر هوا وسيلين خرجوا مع بعض.
واسد أخد عشق لانه عاملها مفاجأة.
وماريهان ولورين وملاك كل واحده راحت بيتها .
وماريا راحت شغلها.
______
ماريا وصلت المطعم وغيرت هدومها وبعدين حست ان فى حاجة غريبة وان كل زمايلها بيتكلموا مع بعض بطريقة ألغاز بس مديتش إهتمام بالموضوع اوى وبعد كده واحده منهم طلبت منها انها تروح وتشوف الزبون عايز ايه.
ماريا: اهلا وسهلا يا فندم نورتنا تحب تطلب إيه حضرتك.
...:أنا عايز أطلب منك إنك تتجوزينى.
ولف وشه ليها ماريا إتصدمت أول ما شافته ومكنتش مصدقة نفسها معقوله ده بيحصل.
معقولة إللى كانت حاطة فى دماغها إنه عمره ما هيبوصلها هيتقدملها .
أكيد ده حلم ومش حقيقة ايوة انا أكيد بحلم.
قطع حبل أفكارها صوت عمر.
عمر:تقبلى تتجوزينى يا ماريا.
ونزل على ركبته وطلع علبة من جيبه وفتحها وكان موجود في العلبة خاتم من الماس شديد الجمال.
ماريا كانت مش مصدقة وحاسة إن كل ده حلم ومش حقيقة.
عمر: أنا بحبك وبحبك من زمان اوى كمان.
ماريا: انت قلت إيه.
زمايلها: بيقولك إنه بيحبك يا ماريا.
ماريا:أنا سامعه بس كنت بتأكد .
عمر:تقبلى تتجوزينى يا ماريا وتكملى بقية حياتك معايا .
ماريا: ايوة موافقة.
أول ما ماريا قالت كده عمر حضنها وفضل يلف بيها وكل إللى كان موجود في المطعم كان فرحان ليهم جدا وبيسقف ليهم.
ع
مر نزل ماريا وكانو قريبين من بعض اوى.
عمر:أنا أسعد إنسان في الدنيا دى كلها يا ماريا أنا بحبك.
ماريا: وانا كمان بحبك❤❤❤🥺🥺.
*يا خلاثى عليهم وعلى جمالهم مين متخيل الموقف معايا *
عمر اول ما ماريا قالت كده حضنها جامد.
_________
سليم:ايوة يا روحى انتى فين.
تسنيم: أنا خلاص قربت اوصل الفيلا.
سليم:طيب انا عايزك تيجى كافية*****.
تسنيم:ليه يا سليم.
سليم: تعالى بس.
تسنيم:اوك تمام سلام.
سليم:سلام متتأخريش.
تسنيم:حاضر.
وراحت تسنيم الكافية لقت سليم قاعد مستنيها.
تسنيم:ايه يا سليم فى إيه.
سليم: وهيا فى واحده اول ما تشوف حبيبها تقوله في إيه.
تسنيم:عديها يا برنس بقا.
سليم: وربنا أنا حاسس اني قاعد مع واحد صاحبى.
تسنيم: واحد صاحبك ليه شايفنى بشنب ولا بدقن.
سليم:لاء شايفك قمر.
تسنيم بضحك:ناس تخاف ما تختشيش ماتجيش الا بالعين الحمرا.
سليم طلع هدية كبيرة.
سليم:Happy valentine day my love.
تسنيم بصدمة:ايه ده هوا النهاردة الفلانتين .
سليم:اه يا حبيبتى.
تسنيم: طيب قوم يلا بسرعة
سليم:فى إيه.
تسنيم طلعت تليفونها.
تسنيم:لازم نتصور علشان انزلها على الإنستا.
سليم:ايه يا رب البلوة اللى انت بلتنى بيها دى .
تسنيم:مش لازم تتكلم كتير .
تسنيم فتحت الكاميرا ووقفت جنب سليم.
تسنيم:اعمل بوز البطة يلا.
سليم بصدمة:نعم.
تسنيم: يلا يا سليم بقا.
سليم عمل بوز البطة 😂😂وتسنيم اخدت صورة بالوضعية دى.
تسنيم: اعمل قلب يلا.
سليم:الله يخربيت الإرتباط على سنينه.
تسنيم: لو مش عاجبك طلقنى.
سليم:هوا انا لسه حتى خطبتك .
تسنيم:بقولك ايه النهاردة لازم انزل صور وعايزة دبدوب كبير علشان اتصور بيه وعايزة ورد وشوكولاتات كتير.
سليم:كل ده علشان تتصورى.
تسنيم:عندك مانع.
سليم:لاء خالص يا حبيبتى اعملى اللى انتى عيزاه.
تسنيم: بقولك ايه أنا عايزة اتمشى شوية.
سليم:طيب تعالى نتمشى سوا.
تسنيم حضنته جامد.
تسنيم: شكرا اوى.
سليم:وهيا في واحده تقول لحبيبها شكرا يا هبلة.
تسنيم: خلاص يا كابتن اسفين.
سليم:يا رب صبرنى على ما بلتنى.
تسنيم: انت بتدعى على نفسك ليه يا روحى عايز تبقى صبار ليه وبعدين يا بنى انت ربنا بيحبك عارف ليه قول ليه.
سليم:ليه.
تسنيم:علشان ربنا إذا احب عبدا إبتلاه صح ولا لاء.
سليم:صح.
تسنيم:وانا اكبر بلوة في حياتك.
سليم بغمزة:واحلى بلوة في الدنيا.
تسنيم:مبحبش اتكلم عن نفسى كتير والله بحب اكون متواضعة.
سليم: طيب يلا يا هبلة قدامى.
_________
عشق: الله يا أسد بجد مفاجأة جميلة جدا.
أسد بإبتسامة: عجبتك.
عشق:دى تجنن.
أسد حضنها.
أسد: اهم حاجه إن ملكة الأسد تكون مبسوطة.
عشق :ملكة الأسد.
أسد:ايوة انتى ملكة الأسد.
عشق: ربنا يخليك ليا يا حبيبى وميحرمنيش منك ابدا.
أسد:ويخليكي ليا يا روحى.
عشق:بحبك.
أسد:وانا كمان بموت في...
قطع أسد صوت رنين هاتفه.
أسد:الو.
عزت:انت فين يا أسد.
أسد: خير يا بابا فى إيه .
عزت:إحنا لازم نروح شرم دلوقتى.
أسد: تلت ساعات وهكون عندك.
وقفل الفون.
عشق: خير يا أسد إيه إللى حصل.
أسد: مافيش يا حبيبتى بس لازم إنى أسافر شرم دلوقتى علشان فى إجتماع .
عشق:وهترجع امتى.
أسد:هرجع بعد بكره.
عشق:طيب يا حبيبى تروح وترجع بالسلامة.
أسد: هتوحشينى أوى.
عشق: وانت كمان.
ويقضوا باقى اليوم عادى فى سعادة وفرح مع بعض مين عارف فرحتهم دى هتدوم ولا هيحصل حاجة أصل أنا محدش يتوقعنى 😂😂😂
______
ماريهان :خلينى أنا قاعدة زى خيبتها كده كل واحده مقضية الفلانتين مع المز بتاعها وانا زى الموكوسة قاعدة باكل شيبسى وبتفرج على سندريلا يلا يمكن بعد صبرى ده كله يجيلى امير زى سندريلا....بس فى حاجة هموت وأعرفها هيا العرابة كانت جايبة فردة الجذمة بتاعة سندريلا كبيرة علشان كده وقعت من رجليها ولا ايه بالظبط.
سكتت شوية ورجعت قالت:ولا يكونش البت سندريلا هيا إللى سابتها علشان الأمير يلاقيها،تصدقى صح يا بت يا ماريهان معاكى حق أصل لو كانت وقعت من رجليها غصب كانت رجعت خادتها.
قطع عليها لحظة تفكيرها وتعمقها في حكاية سندريلا صوت رنين الجرس.
ماريهان:يووه مين البارد ده الله، يخربيتك يا اللى بترن الجرس فصيل .
راحت ماريهان تفتح الباب لاقت سماح قدامها.
سماح :معلش يا حبيبتى ممكن تجيبيلى راس توم أصل معنديش.
ماريهان: نعم.
سماح: نعم الله عليكى يا حبيبتى بقولك عايزة راس توم.
ماريهان:ثانية طيب.
دخلت ماريهان المطبخ.
ماريهان:ايه البرود ده جايه تخبط عليا وتخلينى مكملش تفكيرى علشان راس توم.
ماريهان خدت توم وطلعت إيديته لسماح.
سماح:تسلمى يا حبيبتى.
ومشيت وماريهان قفلت الباب ودخلت تكمل تفكيرها لاقت قناة الكرتون فاصل قلبت وجابت قناة تانية قناة توم وجيري ولاقت روبانزل شغال.
ماريهان: الله روبانزل بس يا خسارة فى الأخر.
ماريهان: انا عايزة اعرف ليه يوتجين قطع شعر روبانزل كله ما كان قادر يقطع لحد أخر ضهرها بس حتى علشان يكون عندها شعر.
وبعد شوية قالت.
ماريهان :طيب مش السحر كان في شعرها ازاى بقا موجود فى دموعها.
جرس الباب رن.
ماريهان: يخربيت كده طيب مش فاتحة المرادى.
بس فضل الجرس يرن جامد.
ماريهان:يوووه بقا ايه القرف ده.
وفتحت لاقت سماح تانى.
ماريهان:خير.
سماح: ممكن تجيبيلى شوية شطة يا حبيبتى.
ماريهان بتأفأف:حاضر .
وبعد شوية طلعت .
ماريهان: اتفضلى حاجة تانى.
سماح: لاء إنشاء الله يخليكى.
ماريهان: ماشى.
وقفلت الباب.
ماريهان :يا ساتر يا رب إيه الولية دى.
وتدخل علشان تكمل الكرتون لاقته خلص.
ماريهان:إيه الولية النحس دى كل ما تيجى الكرتون يا ييجى فاصل يا يخلص طيب اتفرج على إيه دلوقتى اما اشوف فيلم أجنبى بقا وخلاص .
الجرس رن تانى😂😂
ماريهان: يا لهوى أشد فى شعرى إيه الولية اللازقة دى أنا المره دي مش هفتح خليها ترن بقا فى الجرس براحتها.
الجرس فضل يرن وكان في تخبيط جامد على الباب.
ماريهان: ايه ده هيا ليه بتخبط كده،سيبيها تخبط ولا تتحرق.
التخبيط كان لسه شغال.
ماريهان: اما اقوم اشوف يمكن تكون مش هيا او فى حاجة مهمه.
ماريهان قامت تفتح الباب واول ما فتحت الباب لاقت قدامها تلت رجاله زى الحيطة كده بالظبط وزقوها ودخلوا يدوروا على سيلين.
ماريهان:انت مين انت وهوا.
الحيطة الاولى قصدى الراجل الأول:سيلين فين.
ماريهان:انت مين وبتسأل على سيلين ليه.
الرجل الثانى: يلا خلينا نقول لكامل بيه انها مش موجودة بدل ما يستنى ده كله.
الرجل الاول:يلا.
ويسيبو ماريهان وينزلوا ماريهان كانت واقفة مش فاهمه حاجه ومش عارفة إيه إللى بيحصل.
ماريهان:ايه الناس المتخلفة دى.
اما اروح اكمل الفيلم ولو وزير الداخلية ايجا علشان افتحله والله ما هفتحله المره دي .
_______
سيلين راحت الشقة لسليم ملاقتهوش رجعت تانى مع جاسر يتمشو شوية .
وهما ماشيين كان في مجموعة من الشباب واقفة وإبتدوا يعاكسو في سيلين.
الشاب الأول: بقولك ايه يا وحش الشقة فاضية والحاجة راضية.
جاسر: انت بتقول ايه يا ..
سيلين:خلاص يا جاسر خلينا نمشى من هنا.
الشاب التانى: ما تسيبهالنا وتاخد حقها.
سيلين: علشان خاطرى يا جاسر سيبك منهم ويلا.
الشباب قربوا عليهم وحاوطوهم .
الشاب الثالث:هوا انت ما بتسمعش يا روح امك مش قلنا لك سيبها.
الشاب الأول: سيبها يا روح امك بقا وامشى.
الشاب الرابع:ايه يا وحش خايف كده ليه.
جاسر:جرا ايه يا كابتن هوا روح امك بروح امك مافيش حاجه غير روح امك بروح امك.
ومسك جاسر الشاب الأول وفضل يضرب فيه وباقى الشباب مسكو جاسر بس جاسر قدر انه يضربهم وفى شاب منهم طلع مطوة من جيبه وراح غازز جاسر بيها.
سيلين بصراخ:جاسر جاسر.
الشباب اول ما شافو جاسر سايح في دمه طلعو يجروا.
سيلين فضلت تصرخ لحد ما لاقت سليم وتسنيم وكام واحد من اللى كانو بيتمشوا جريو عليها.
سليم: سيلين ايه إللى حصل.
تسنيم: جاسر.
سيلين بعياط:مش وقته يا سليم والنبى الحقه.
سليم: طيب اهدى طيب.
قرب سليم من جاسر وشاله هوا وإتنين تانيين وحطوه في العربية وسيلين وتسنيم ركبوا العربية وكانت سيلين بتعيط وخايفة على جاسر اوى.
_
______
عمر:أنا مش مصدق نفسي أنا حاسس اني بحلم.
ماريا بإبتسامة: لاء صدق.
عمر: انا عايز اتجوزك فى أسرع وقت.
ماريا:اما أخلص الكلية بتاعتى الأول.
عمر: بس إيه رأيك في بوكيه الورد.
ماريا: هوا إنت إللى كنت باعته.
عمر: ايوة أنا،وانا بردو اللى كلمتك من فترة.
ماريا :كلمتنى امتى.
عمر: بأمارة مديحة شواية.
ماريا بتذكر:ايه ده هوا كان انت.
عمر:ايوة انا.
ماريا: احسن علشان تبقا تعاكس بنات الناس تانى.
عمر: أحسن.
ماريا: ايوة.
عمر: طيب يلا يا اختى علشان اروحك.
ماريا:ماشى يا اخويا يلا.
عمر:ربنا يصبرنى على ما بلانى.
ماريا: بتقول حاجة سمعنى.
عمر:لاء مباقلش حاجة.
ماريا:بحسب.
عمر:ابقى إضربى بعد كده.
ماريا: يا لهوى على خفة الدم.
عمر:عارف ان دمى خفيف مش محتاج انك تقوليلى.
ماريا بتريقة:ماشى يا خفة.
عمر:طيب يلا بقا .
ماريا :يلا .
ويركبو العربية وينطلق عمر متجها الى منزل ماريا.
وبعد نصف ساعة وصل عمر ونزلت ماريا بعد ما ودعته وكانت ماريا مبسوطة جدا.
وطلعت الشقة.
______
محمد :ايه يا حبيبتى أخبارك إيه.
ملاك بإقتضاب: تمام.
محمد:مالك فى إيه.
ملاك:والله هما بيقولو إن النهاردة عيد الحب يعنى المفروض كنت تقضى اليوم معايا.
محمد:اممم وعلشان كدة انتى مدايقة.
ملاك: اه.
محمد: طيب إطلعى .
ملاك:أطلع فين.
محمد: إطلعى بره تحت.
ملاك: ليه.
محمد: إطلعى بره بس وانتى ساكته.
ملاك طلعت من اوضتها ونزلت كانت مامتها قاعدة لوحدها.
سمر:رايحة فين يا ملاك.
ملاك:طالعة لمحمد يا ماما.
سمر:ماشى يا حبيبتى.
طلعت ملاك لقت محمد واقف ساند على عربيته ومعاه ورد ودبدوب كبير.
ملاك فرحت جدا من جواها بس عملت نفسها الموضوع مش فارق معاها.
محمد: تعالى يا أختى يا اللى زعلانه.
ملاك: خير.
محمد:تصدقى انك بت نكد.
ملاك:ميرسى.
محمد حضنها وباس راسها.
محمد:أنا اسف والله عارف ان المفروض أقضى اليوم معاكى بس كان عندى شغل كتير جدا ومكنتش فاضى اطلعى يلا يا حبيبتى غيرى هدومك بسرعة علشان نخرج.
ملاك:تمام ماشى. وطلعت ملاك تغير هدومها.
_________
سليم وصل المستشفى وكانت سيلين بتعيط وسليم شال جاسر و الدكاترة دخلوه الاوضة ودخلوا وراه وبعض فترة دكتور طلع.
سليم:ايه اخباره يا دكتور.
الدكتور:الحمد لله الجرح مكانشى عميق و قدرنا اننا نوقف الدم.
سليم:شكرا يا دكتور.
سيلين: هوا انا ينفع اشوفه يا دكتور.
الدكتور:للأسف دلوقتى لاء بس بعد ما يفوق تقدرى تشوفيه براحتك.
ويمشى الدكتور.
سليم:أنا عايز اعرف إيه إللى حصل يا سيلين.
سيلين:أنا وجاسر كنا ماشيين سوا وبعد كده كان في شباب واقفة و فضلوا يعاكسو فيا جاسر ضربهم راح واحد منهم طلع مطوة من جيبه وراح غازز جاسر بيها .
سليم بعصبية:وانتى تمشى معاه ليه.
سيلين: انا وجاسر بنحب بعض.
سليم:الكلام ده مش عايز اسمعه تانى.
سيلين: يعنى ايه.
سليم:يعنى مش عايز اشوفك مع الواد ده تانى انتى فاهمه.
تسنيم:خلاص يا سليم.
سليم:اسكتى انتى كمان.
سيلين:انت بتزعق كده ليه.
سليم:قومى يا هانم انتى وهيا علشان نمشى .
سيلين:انا مش همشى وأسيبه لوحده يا سليم .
سليم:يلا يا سيلين.
وسحبها خلفه رغم اعتراضها.
تسنيم:استنى يا سليم.
سليم:اركبوا انتم الإتنين يلا.
سيلين بعياط:حرام عليك يا سليم .
سليم:تسنيم اتصلى على محمد او اسد ييجو ياخدوه كده كده ده قريبهم.
تسنيم:حاضر هتصل على محمد.
__________
محمد وملاك وصلو لنادى جميل جدا وقعدوا فيه.
ملاك:هوا ايه ده يا محمد.
محمد:ايه يا حبيبتى.
ملاك:هوا مش المفروض تعملى بارتى كده وتفاجأنى.
محمد:المره الجايه.
ملاك: وحياة امك.
محمد:بتسلم عليكي صح.
ملاك:مين دى .
محمد:امى.
ملاك:محمد بس هزار بقا.
محمد:حاضر يا ...
قطعه صوت رنين هاتفه أخرج محمد التليفون من جيبه لقاها تسنيم.
محمد:غريبة تسنيم بترن عليا.
ملاك:تسنيم مين .
محمد:تسنيم بنت عمتك.
ملاك:رد شوف يمكن يكون في حاجة.
محمد فتح التليفون.
محمد:الو يا تسنيم.
تسنيم:محمد جاسر اتعور هوا دلوقتى فى المستشفى بتاعتك روح ليه بسرعة.
محمد:اتعور ازاى او ايه اللى حصل.
تسنيم:روح وانا هبقا افهمك بعدين.
محمد قفل المكالمة.
ملاك:خير يا محمد فى إيه.
محمد:جاسر فى المستشفى.
ملاك:ليه ماله.
محمد:مش عارف لسه هروح اشوف يلا .
ملاك:تمام يلا.
_____________
أسد:هتوحشينى اوى يا حبيبتى.
عشق: خلى بالك من نفسك يا أسد.
اسد:مش عارف ليه حاسس ان فى حاجة هتحصلك او ممكن تبعدى عنى.
عشق: إنشاء الله مافيش حاجه هتحصل.
أسد: ماشى يا عشقى .
عشق:هنزل انا بقا ابقا طمنى عليك.
أسد: حاضر يا حبيبتى
نزلت عشق من العربية وطلعت الشقة لاقت ماريا وماريهان قاعدين جنب مع ومركزين فى حاجة مهمه في التليفون بتاع ماريهان.
عشق:السلام عليكم يا قوم.
ماريا وماريهان :لا رد.
عشق:انتم ما بترضوش ليه.
ماريا:يووه إسكتى بقا.
عشق:مالكم يا بت انتى وهيا فى إيه.
ماريهان:بنقرأ رواية.
عشق:وهيا الرواية تخليكم مش حاسين باللى حواليكم كده.
ماريا: دى مش اى رواية دى رواية لقاؤنا مجرد صدفة.
عشق:وايه المميز فيها يعنى.
ماريهان:الرواية دى جامدة جدا.
عشق:مين الكاتبة بتاعتها.
ماريا: امل نبيل.
عشق:اه انا بحبها جدا وعجبتنى رواية متمردة سكنت قلبى جميلة اوى.
ماريا:ولا عشق الاسد بجد تحفة.
ماريهان:اسكتو بقا عايزة اكمل الرواية.
عشق:طيب هخش أنا اغير هدومى.
ماريا:اوك.
_________
سيلين :والنبى يا سليم سيبنى اروح لجاسر حرام عليك.
سليم:خلاص يا سيلين انسى.
تسنيم: ما تسيبها يا سليم.
سليم:تسنيم اسكتى انتى.
سيلين: طيب ممكن اعرف انا عملت إيه غلط.
سليم وقف العربية ونزل منها وفتح العربية لسيلين.
سليم: انزلى.
تسنيم:فى إيه.
سليم: خليكى هنا يا تسنيم واحنا شوية وراجعين.
سيلين نزلت ورا سليم و بعدو شوية عن المكان اللى كانو فيه.
سيلين: هوا فى إيه يا سليم انت ليه بتعمل معايا كده.
سليم قرب منها وحضنها وباس راسها.
سليم: مش عايزك تزعلى منى يا هبلة بس انا مصدقت لقيتك يا سيلين ومش متخيل ان الاقى حد ياخدك منى تانى.
سيلين: بس انا وجاسر بنحب بعض.
سليم:يعنى مش بتحبيني والله هزعل.
سيلين: بعشقك مش بحبك بس انت كل اللى فاضلى يا سليم وأكيد مش هفضل طول العمر جنبك.
سليم:اومال انتى مفكرانى هسيبك لحد تانى ولا ايه.
سيلين: لاء يابا اوعى تكون مفكر انى علشان بنت هكون غلبانه ومنكسرة وهسمحلك انك تخلينى ابور جنبك لاء يابا فوق.
سليم:طيب يرضيكى يعنى انك تسيبى واحد قمر زيى .
سيلين:لو انت قمر فهوا قمرين.
سليم :وحياة امك.
سيلين:قلت حاجة غلط.
سليم: طيب غورى يا بت بقا.
سيلين:علشان خاطرى يا سليم خلينى اروحله.
سليم:روحى دلوقتى وانشاء الله بكره هاخدك ونروح سوا.
سيلين: وعد.
سليم: وعد.
وبعد كده راحو وركبوا العربية وسليم وصل سيلين وتسنيم وبعد كده روح بيته.
_________
لورين:إيه يا برنس راجع مبسوط كده ليه.
عمر:مالكيش دعوة يا بت انتى.
لورين: بت مش هرد عليك.
عمر:احسن بردو اومال سام فين .
لورين:نام.
عمر:طيب كويس هدخل انام أنا كمان وقومى نامى علشان عندك جامعة بكره.
لورين: طيب تصبح على خير.
عمر:وانتى من اهله .
__________
جاسر فاق وبص حواليه لقا ملاك ومحمد جنبه.
جاسر:أنا فين.
محمد:انت في المستشفى الف سلامه عليك.
ملاك:حصلك كده ازاى.
جاسر:هوا فى حد بره.
محمد:حد مين وبرا فين .
جاسر:مافيش اى حد.
ملاك:قصدك على مين.
جاسر:مافيش حاجه خلاص انا عايز امشى.
محمد:لاء تمشى فين .
جاسر:متحاولش معايا لان كده كده همشى.
محمد: ماشى يا جاسر.
وياخد محمد جاسر ويوصله وسامية إتصدمت لما شافت إبنها متعور وبعد كده جاسر قلها انه كان بيتخانق والجرح سطحى.
ويخلص اليوم وينام الكل وكل واحد فيهم جواه حاجة عايز يحققها.
_________
تشرق الشمس في يوم جديد ملئ بالأحداث والمفاجأت
إستيقظت الفتيات من نومهم وأدو فرضهم معا وإرتدوا ملابسهم وذهبو الى جامعتهم.
وما إن وصلوا إلى الجامعة ذهبت سيلين لترى إذا كان جاسر جاء الى الجامعة ام لاء فملاك أخبرتها بالأمس أنه خرج من المشفى ولكنها لم تجده.
عشق:مالك يا بنتى فى إيه.
سيلين:مافيش.
ماريا:لاء فى إيه الحكاية عمالة تدورى بعنيكى كده بتدورى على إيه.
ملاك:على فكره مش هييجى.
سيلين:هوا عامل ايه دلوقتى طيب.
ماريهان :هوا مين ده .
ملاك:جاسر ابن خالتى.
ماريا:ماله.
سيلين:كان فى شوية شباب واقفة و فضلوا يعاكسو فيا جاسر ضربهم راح واحد منهم طلع مطوة من جيبه وراح غازز جاسر بيها وجاسر اتعور ووديناه على المستشفى.
ماريهان :إنشاء الله هيكون كويس.
سيلين: يارب يا ماريهان يا رب.
_______
عمر اتصل على سليم.
سليم:الو يا عمر.
عمر:انا وصلتنى معلومات ان سعيد ورغد هيعملو صفقة جديدة وبطريقة غامضة وضامنين ان الصفقة دى هتتم.
سليم:أنا هحاول أعرف اى معلومات وأقولك يا عمر.
عمر: ماشى يا سليم.
________
سوزى:هنعمل ايه دلوقتى.
.....:هتروحى وتعملى اللى قولتلك عليه فى التليفون .
سوزى:تمام .
......:اهم حاجة تعملى اللى قلتلك عليه ده كويس جدا.
سوزى:متقلقش.
.......:طيب همشى أنا بقا علشان محدش يشوفنا واقفين مع بعض.
سوزى: تمام.
_________
رغد:أنا عيزاك تتخلص من عشق يا سعيد أنا عايزة أسد يكون لتسنيم عايزة أسيطر على كل حاجة.
سعيد:متقلقيش يا رغد الخطوة الجاية دى هتنفعنا اوى.
رغد:اتمنى.
سعيد:اهم حاجه بس ما تتصليش بيا لان الحكومة بقت عنيها علينا اليومين دول ولما نعوز حاجة هنتقابل هنا فى نفس المكان ده.
رغد:تمام همشى أنا بقا.
سعيد:ماشى سلام.
وتمشى رغد.
سعيد بغل:عايزة كل حاجة تكون بتاعتك مابقاش سعيد لو مأخدتش كل حاجة منك بعد كل اللى بعمله ليكى ده يا رغد عيزانى اطلع من المولد بلا حمص ده إنتى بتحلمى.
_________
البنات خلصو الجامعة وكانو واقفين عند البوابة.
ملاك:انا هروح لجاسر لو هتيجى معايا يا سيلين.
سيلين:تمام هاجى.
لورين: طيب انا همشى سلام.
لورين جات تمشى لقت عربية وقفت قدامهم ونزل منها شابين ضخام بسلاح وأخدو عشق وركبوها العربية و....