روايه عشق الصخر
بقلم شيماء عصمت
الفصل الحادي عشر ......
كريمة كملت كلامها بخوف ضاهر: عشق انا عايزة اقول ان انا فعلا اا وسكتت
عشق بتركيز: كملي ياماما سكتي ليه
كريمة بـ ارتباك ملحوظ: انا فعلا اا اه عايزة انام .. اه انا عايزة انام الوقت اتاخر
عشق بـ احراج: طب تصبحي علي خير هروح اوضتي
كريمة بـ توبيخ: انت هبله يابت مش قولتلك متتصالحيش بسرعة! رايحة تنامي فـ اوضة صخر ليه؟
عشق بنبرة علي وشك البكاء: اومال هنام فين؟!!
كريمة بحنيه: هنا جانبي وفـ حضني
عشق بـ سعادة طفولية وعيون بتلمع: بجد هنام معاكي ياماما
كريمة بدموع بتحاول تسيطر عليها: بجد ياعيون ماما تعالي .. كريمة فردت نفسها ع السرير بهدوء وفتحت ايديها لعشق انها تنام فحضنها وعشق لبت النداء بلهفة وشوق! احساس اتحرمت منه طول عمرها، عمرها ماجربته؟ بتحس ان كريمة زي امها فعلا!! بتعيش معاها اللي كانت بتتمني انها تعيشه مع والدتها الله يرحمها، نامت في حضن كريمة بسعادة مفيش كلام يوصفها!! كريمة بتلمس على شعرها بحنان لحد ماعشق راحت فـ سابع نومه .. كريمة بصه لـ عشق اووي وكانها بتشبع من ملامحها!! وكانها بتحفظها!! دمعة نزلت من عنيها مسحتها بسرعة واتنهدت بصوت حزين! مكسور!! ودعت من قلبها الايام اللي جايه تعدي على خير وان الحمل اللي شيلاه ينزل عن كتافها وترتاح لانها تعبت ... بس عشامها فـ ربنا كبير .. ويادوب عيونها بتروح فـ النوم سمعت خبط على باب اوضتها .. قامت بهدوء عشان عشق متصحاش وفتحتت الباب كان صخر
كريمة بهمس غاضب: خير
صخر: فين عشق ياامي؟! عندك!
كريمة: ايوه عندي وهتفضل عندي
صخر بغضب بيحاول يتحكم فيه: يعني ايه هتفضل عندك؟!
كريمة ببرود: واطي صوتك عشق نايمة
صخر: طب ياامي تعالي نتكلم في مكتبي
بمرور الوقت كريمة وصخر كانوا قعدين فـالمكتب
صخر: ممكن اعرف يعني ايه عشق هتفضل عندك؟! الكلام دا معناه ايه؟!
كريمة: اللي فهمته ياصخر عشق هتفضل عندي طول ما انت مبتحترمهاش طول ما انت مبتعرفش تسيطر على عصبيتك وغيرتك عليها طول ما انت بتهنها وتيجي عليها هتفضل عندي ومش هسمحلك ابدا تغلط فـ عشق حتى لو هطلقها من ياصخر
صخر بصدمة: حضرتك بتقوليلي الكلام ده ليا انا؟!
كريمة ببرود: اعتقد مفيش حد هنا غيرك!! فـ الكلام فعلا ليك انت
صخر: بس عشق مراتي والمفروض تبقى معايا و100مرة قولتلك ياامي بعد اذنك متتدخليش بيني وبينها انا جوزها وا
قاطعته كريمة بقوة وشراسة: وانا امها ياصخر عارف يعني ايه امها؟!! عشق بنتي ومش هسمح لاي حد بعد كده يجرحها حتي لو بكلمة هدمر اي حد هيحاول يأذيها وكملت ببكاء وانهيار: حتى لو الحد دا انت ياصخر كفاية اللي هي شافته
طول حياتها!! كفاية ضرب واهانه فيها!! كفاية انها اتحرمت مني! من امها! كفاية اللي عمله معاها ابوها! مش بعد دا كله تيجي انت وتكمل عليها مش هسمحلك ياصخر مش هسمحلك ابدا انا ماصدقت اني اشوفها انها تبقى معايا في بيت واحد اني احضنها واشم ريحتها اني اقدر احميها ياصخر
صخر بحزن قرب منها وضمها ، كريمة بكت فـ حضنة بـ انهيار بمرور الوقت كريمة كانت هديت شوية
صخر: طيب كفاية عياط حقك عليا انتي عارفة انا بحب عشق قد ايه!! لا مش بحبها انا بعشقها عمري مافكرت ااذيها انا بخاف عليها اكتر من نفسي! مش عارف بيحصلي ايه لما بحس بـالغيرة عليها ، بفقد اعصابي عقلي حرفيا بيروح مني بس اوعدك من اللحظة دي هحاول اسيطر على غيرتي هتحكم في اعصابي بس مش عايز اشوفك بالحالة دي تاني وكل واحد اذي عشق وعد مني هاخد حقها تالت ومتلت
كريمة بعياط: انا عارفة انت بتحبها قد ايه ياصخر بس قدر اني اتحرمت منها 22سنة! 22سنة ياصخر مشفتهاش فيهم غير صور معشتش معاها اول كلمة ليها ، اول خطوة تمشيها ، اول يوم مدرسة معشتش معاها حاجات كتييرة اوي ياصخر
صخر: الايام جاية كتيرة وباذن الله تعوضي كل حاجة فاتتك معاها وتعوضيها وتعوضك .. كل حاجة هتكون كويسة صدقيني
كريمة: مفيش حاجة هتكون كويسة ياصخر عشق لما تعرف اني امها هتبعد عننا كلنا حتى انت مش هتصدقنا عشان خبينا عليها من الاول وكملت برعب: ولو ناصر عرف اني عايشة مش قادرة اتخيل ممكن يعمل فيا وفـ عشق ايه
صخر بغضب: ناصر الـ**** دا اخر واحد ممكن تخافي منه او اشوف الرعب اللي فـ عيونك دا بسببه!! امي عشان خاطري اطمني انا موجود ولا مبقتيش بتثقي فيا
كريمة: انت الوحيد اللي بثثق فيه ياصخر دا انت ابن اختي الوحيدة الله يرحمها ويغفرلها انت سندي فـ الدنيا دي وربنا يعلم انا بحبك قد ايه انت ابني اللي مخلفتهوش
صخر بتنهيدة : الله يرحمها
كريمة: طب احنا هنقول لعشق امتي كفاية كدب لحد كده
صخر بتفكير: بعد حفلة الخطوبة
كريمة بخوف: تفتكر هتصدقنا ياصخر
صخر بأمل: هتصدقنا ان شاء الله ربنا هيقف معانا ، ودلوقتي بقا ياست الكل لازم تقومي تنامي ورانا بكره يوم طوييييل
كريمة: تصبح على خير
صخر : وانتي من اهل الخير
كريمة طلعت تنام وصخر قعد وسند راسه ع المكتب اتنهد بصوت مسموع وقال: ياترى ردت فعلك هتكون ايه ياعشق هتصدقي اللي حصل! لازم على ااقل اصالحك الاول قبل مااقولك الحقيقة ماهو مش هيبقي من
______________
صباحا في قصر السيوفي (يوم خطوبة عشق وصخر)
كانوا كلهم متجمعين بيفطروا
صخر بهمس لعشق: خلاص بقا يا عشق حقك عليا والله ماقصد اي كلمة من الكلام الاهبل اللي قولته ده ، انا حتي مش فاكر تلت تربع الكلام اللي قولتله
عشق بصتله ببرود وكملت اكل من غير ماترد
صخر بغيظ: على فكرة عيب اووي لما افضل اكلمك واحيلك وانتي مترديش عليه
وبردو عشق مردتش عليه
صخر بصوت عالي الكل سمعه: انتي يااابت
كريمة بتحذير: صخر احنا قولنا ايه
صخر بـ ابتسامه مصطنعة: انا بكلم مريم بس هي سرحانه
مريم بـ انتباه: نعم ياصخر عايز حاجة
صخر بغيظ: عايز سلامتك ياختي
مريم لعشق: هتلبسي ايه بليل ياعشق
كريمة: صحيح يابنتي هتلبسي ايه
عشق بحزن مخبياه: عادي ياماما هلبس اي حاجة من عندي
صخر بهيام وهو مركز في عيونها: مين دي اللي تلبس اي حاجة؟!! عشق هانم حرم صخر السيوفي اكيد مش هيحصل
بص لـ كريمة وكمل بهدوء: بعد الفطار هنزل انا وعشق لاكبر بوتيك فيكي يامصر وست البنات تختار اللي هي عايزاه
عشق بغيظ: ومين بقا اللي قالك اني هروح معاك في حته
صخر بثقه: امي .. صح ياماما
كريمة بحنيه: ايوه ياعشق لازم تروحي تجيبي اللي يعجبك ياروحي ومتنسيش الكلام اللي قولتهولك امبارح
مريم بفضول: قولتلها ايه
كريمة: اقولك ومتزعليش! لما تكبر هبقى اقولك
مريم: يووووه بقا على فكره انا كبيرة وكبيرة جدا كمان
صخر بتريقه: ماهو واضح
مريم بزعل: حتى انت ياابيه
صخر قرب وباسها من راسها: روح ابيه انتي وكمل وهو قاصد يغظها: بس بردو لسه صغيرة
مريم: طب وسع كده بقا انا زعلانه منك وريني هتصالحني ازاي
صخر: امممممم بقا انتي زعلانه مني فـ انا بقول ناجل موضوع الفون اللي انتي عايزاه
مريم وهي بتحضنه: مين دي اللي زعلانه؟!! انا لا خالص دا انا بهزر معاك ياقلبي
_______________
بمرور الوقت عشق فعلا راحت مع صخر لاكبر مكان لبيع الملابس ذات الماركات العالمية عشان تختارلها فستان
سوزان صاحبه المحل: اهلا صخر باشا المكان نور بحضرتك
صخر بهدوء: متشكر سوزان هانم اللي طلبته حصل
سوزان بعملية: طبعا يافندم كل شيء جاهز ناقص بس الهانم تختار اللي يناسبها وبصت لعشق وكملت: اتفضلي معايا ياهانم
عشق بصت لصخر بتوتر دي اول مره تدخل مكان زي ده! اول مره اصلا تختار حاجة تلبسها!! دايما نريمان كانت هي اللي بتجبلها لبسها وممنوع اصلا تعترض علي حاجة!!
صخر بطمئنان: روحي معاها انا هستناكي هنا واي حاجة هتقسيها هشوفها عليكي وكمل بهمس و وقاحة: انتي اصلا من غير حاجة قمر
عشق دبدبت في الارض زي الاطفال ودا خلى سوزان بصتلها بتعجب عشق اتحرجت وراحت معاها
الوقت بيمر وعشق جربت فساتين كتيييير اووي بس صخر كل شوية يطلع عيب في واحد اللي يقولها لا قصير دا طويل واسع اوي لا دا ضيق اووي ، وهكذا لحد ماوصلت لمرحة انها هتضربه
عشق بغيظ: انا مش هجرب حاجة تانية انا تعبت والفستان دا عجبني ومش هغيرة

صخر بغيرة: الفستان دا بالذات لااا
سوزان انسحبت بهدوء وسابتهم يتكلموا براحتهم
عشق بحيرة: ليه ان شاء الله الفستان طويييل وبكم ومقفل اهو
صخر: دا مقفل دا اومال الرقبة دي انا شايفها ازاي
عشق باحراج: علفكره انت بتتلكك
صخر قرب منها وبيملس على خدودها برقة: بصراحة اه انا مش متخيل ان ممكن حد غيري يشوفك وانتي قمر كده، شبه الملايكة ياعشقي
عشق بخجل ذايد عن حده: علفكره انا زعلانه منك لو سمحت متكلمنيش
صخر ضحك من قلبه وبصوت عالي على طفولية عشق حسسته و كانها بنت بتشتكي من ابوها ، ضحكة خطفت قلب عشق، حست ان قلبها بيرفر مع صوت ضحكتة
صخر بهيام: انا اسف ياعشق اسف من كل قلبي علفكره انا عمري ما اعتذرت من اي حد الا انتي، انتي غير اي حد ياعشق خليكي عارفة ومتاكده انك بالنسبالي غير الناس دي كلها انتي في كفه والدنيا كلها فـ كفه تانية
كلامة خلها تحس انها فـ دنيا غير الدنيا ، حست اد ايه هو صادق في كلامة مبيكذبش ابدا ، فاقت من اللي هي فيه
عشق بـ ارتباك : المهم هلبس الفستان دا ولا ايه انا حبيته اووي
صخر بمكر: بس بشرطين
عشق بغيظ :لا والله هتتشرط عليا كمان
صخر ببرود: خلاص انتي حرة شوفي فستان غيرة
عشق: يووووه قول شروطك خليني اخلص وكملت بهس: دا نت رخم
صخر سمعها بس معلقش: اول حاجة تسامحيني ع اللي حصل امبارح
عشق: والتاني
صخر: افهم من كده انك سامحتيني
عشق بضيق: سامحتك بس لو عملتها تاني ياصخر صدقني مش هسكتلك
صخر بتسلية: هتعملي ايه يعني
عشق بمكر: وقتها هتعرف
صخر بصلها بأعجاب شديد ودا احرجها جدا: المهم الشرط التاني والاخير عايزك زي الشاطرة كده تبوسيني
عشق بذهول: ابوسك!! صخر انت اتجننت؟!! لا طبعا مش هيحصل علي جستي الكلام دا مفيس حد هيبوس ولا هيتباس يلا نروح
انت بجد قليل الادب! انت بقيت وقح كده ليه؟!!
صخر وهو بيحضنها اووي وهي بتقاومة: دا انا وقح وقليل الادب ومتربتش معاكي انتي وبس ياعشقي
عشق: ابعد يابني ادم هتموتني
صخر: بوسيني الاول
عشق باحراج وخجل شديد: صخر لو سمحت كفاية كده ابعد عني
صخر وهو مركز في عيونها اللي بتهرب منه: بوسيني وهبعد وعد
عشق بأستسلام: طب غمض عيونك
صخر بـ انتصار غمض عيونة ، عشق مسكت وشه برقة وقربت منه جدا بقى حاسس بسخونه انفاسها ومره واحده عشق مسكت خده بسنانها وعضته بكل قوتها صخر من الصدمة بعد عشق عنه بعنف نوعا ما وفتح عيونه بصدمة واتكلم بذهول: ايه اللي انتي عملتيه دا؟!!
عشق ببراءة: مش انت قولتلي بوسيني؟!! بوستك اهو عايز ايه تاني
صخر بيتنفس من انفه بيحاول يهدى عشان متعصبش عليها، منظرة قلق عشق جدا وخافت ليضربها!!
صخر: احسنلك تروحي تغيري هدومك ويلا نمشي
عشق بنرة اوشكت علي البكاء: يعني مش هاخد الفستان 😔💔
صخر بغيظ: هناخدة ياختي بس عارفة لو بعدتي عني لحظة واحدة واحنا في الحفلة هنفخك ياعشق عارفة يعني ايه هنفخك؟!!
عشق همست بغرور: ولا تعرف تعمل حاجة
صخر: بتقولي حاجة؟!
عشق: انا!! لا خالص
_____________
بمرور الوقت عشق وصخر روحوا البيت
اتفاجئت عشق بان صخر مجهزلها فريق كامل يهتم بشعرها والميكاب بتاعها وكل حاجة هي ممكن تحتاجها واتفاجئت اكتر بشكل القصر والتحضيرات اللي اتعملت عشان الحفلة .. القصر كان روعة ومتزين بالورد وحاجة خيال
________________
اما بقى عند صخر فكان في الوقت اللي عشق بتجهز فيه كان بيطمن ان كل التجهيزات تمام ومعاه علي
علي بشك: انت فيك ايه
صخر: مفيش حاجة في ايه ؟!
علي: يابني انا عارفك كويس فيك حاجة مش طبيعية! انت ومراتك زعلانين من بعض؟
صخر بـ ابتسامة خفيفة: كويس انك مقولتش اسمها كنت طلعت اللي فيا على جتتك
علي: ههههه تمام متتهربش مالك ياصخر
صخر بتنهيدة: انهارده هنقول لعشق كل حاجة
علي: مش بدري اووي ع الحكاية دي ياصخر؟! عشق لسه محبتكش! متعلقتش بيك وللاسف لما تعرف هتسيبك
صخر بتملك: عشق لا يمكن تسبني مش هسملحلها اصلا انا تسبني، بس لازم اقولها وخصوصا انها لسه محبتنيش زعلها مني دلوقتي اهون وااقل كتير لو كانت بتحبني، لانها لما
تحبني وتعرف الحقيقة انا متاكد انها لا يمكن تسامحني هتحس اني كنت بخدعها وبمثل عليها الحب وانا بحبها بجد ياعلي مقدرش اتخيل حياتي من غيرها
علي: خير ان شاء الله متقلقش كله هيبقى تمام
صخر: باذن الله
علي: وماما كريمة عاملة ايه؟!
صخر وهو بيبص على كريمة اللي بتشرف ع الطباخين: اقدر اقولك انها مرعوبة بس بتحاول متبينش .. اكتر حد خايف عليها هي ياعلي انا مش متخيل هي لو جرلها حاجة انا هعمل ايه!! كريمة حافظ مش خالتي وبس لا امي اللي مخلفتنيش دا تعويض ربنا ليا عن امي اللي ملحقتش اشبع منها وماتت!
دي اللي وقفت جانبي وسهرت الليالي وشجعتني لحد مابقيت صخر السيوفي انت مش متخيل انا بحبها قد ايه! عمرها عاملتني على اني ابن اختها اطلاقا دايما شيفاني ابنها خايف من عشق علي كلامها اللي متاكد هيجرح امي وخايف على عشق لما تعرف ان كريمة امها
واقف في النص مش عارف اتصرف ازاي قلقان الامور تخرج عن سيطرتي
علي بتشجيع : خليها على الله كل حاجة هتكون كويسة باذن الله .. ارمي حمولك على الله
صخر: ونعمة بالله
علي: قعدنا نتكلم وحضرتك لسه ملبستش اطلع اجهز يابيه وانا ههتم بكل حاجة هنا! وقولي صحيح انت عازم صحافيين؟
صخر: لا مفيش صحافيين هيدخلوا الحفلة بس في صحافيين هيكونوا بره الفيلا ،انا هطلع اجهز بقا
بقلم شيماء عصمت
هنروح هناك نعمل ايه؟! احنا مش معزومين ولا عايزة صخر السيوفي يطردنا قدام اللي يسوى واللي ميسواش؟
دا اللي قالته نريمان لـ مايا بنتها
مايا ببرود: لازم نحضر الحفلة دي عايزة اشوف بيعاملها ازاي واصلا ميقدرش يطردنا قدام رجال الاعمال واكيد هيكون في صحافين ومتنسيش اننا اهل العروسة فـأكيد هنكون موجودين ولا ايه
نريمان: عندك حق بس بما اننا اهل العروسة فـ ناصر لازم يحضر الحفلة دي ولا وجودنا هيثير الشك بس هنقنع ناصر ازاي
مايا بمكر: تؤتؤتؤ ايه يامامي انتي كبرتي ولا ايه؟! ومبقاش ليكي تأثير خالص على اونكل ناصر؟!
نريمان: فشر مين دي اللي كبرت؟! ناصر هيحضر الحفلة يعني هيحضرها بمزاجة او
مايا: او
نريمان بمكر: او بمزاجة بردو
مايااا هههههه
دمه سمم
روايه عشق الصخر
الفصل الثاني عشر ......
ناصر: يعني تفتكري لازم نروح
نريمان بدلع ماكر: طبعا لازم نروح وزي ماقولتلك اكيد الحفلة هتكون مليانه رجال اعمال وطبعا الكل هيتمني يشتغلوا معاك ودا بعد ما يعرفوا انك حمى صخر السيوفي ووقتها تقدر ترجع كل حاجة خسرتها من اخر صفقة عملتها ما صخر السيوفي والبطاعة اتحرقت وزي مانت عارف الشرط الجزائي كان قد ايه؟! وانت ممعكش ياناصر عشان كده جوزت عشق لصخر او الاصح انك بعتها ليه!
ناصر بحقد: مش ندمان ابدا اني بعتهالوا صدقيني حتي لو كان معايا مبلغ الشرط الجزائي كنت بردو عرضت عليه يتجوزها قصاد انه يتنازل عن فلوسه
نريمان بمكر : قد كده بتكره عشق دي حتي بنت حبيبة قلبك! كريمة!! لسه فاكرها ولا نسيتها
ناصر: عمري ما نسيتها ولا هنساها لسه فاكر كل تفصيلها! ضحكتها وطريقة كلامها، صوتها حبي ليها، جوازي منها وكمل بغضب وكره: بس اللي فاكره اكتر خيانتها ليا لسه صوزتها وهي فـ حضن واحد تاني مش مفرقاني! الموت رحامها مني ومن اللي كنت هعمله فيا واللي عملته فـ بنتها واللي لسه هعمله فيها! بتكفر عن ذنب امها
نريمان بشك: ناوي على ايه ياناصر
ناصر بـ ابتسامه مصطنعة: ناوي علي كل خير
_______________
في غرفة كريمة عشق كانت خلاص جهزت
كريمة وهي بتحضن عشق بحنان امومي وعيون دامعة: بسم الله ما شاء الله ولا حول ولا قوة الا بالله زي القمر ياعشق عيني بارده عليكي ياحبيبتي ربنا يحميكي من العين
مريم: بجد شكلك حلوو اوي ياعشق والفستان رهييييب بجد تحفه عليكي
عشق بـ ابتسامة متوترة: بجد شكلي حلو؟!
كريمة بحنان: حلو وبس؟! دا انتي تقولي للقمر قوم ونا اققعد مكانك تجنني ياعشق وكملت بمرح: انا لازم ابخرك اخاف للتصابي بالعين
عشق بضحك: مش للدرجادي ياماما
قطع كلامهم صوت خبط على الباب
كريمة: مين
صخر من ورا الباب: انا المنامين (عسل ياخواتي 😂❤)
عشق ومريم ضحكوا
كريمة بـ ابستامة: اتفضل
صخر بهدوء: خلصتوا ولا لسه المعازيم ابتدوا يـوصلوا وااا .. اتجمد مكانه لما عيونه وقعت على عشق .. عشقه! حرفيا خطفت انفاسه ، كانت شبه الملايكة .. كريمة مسكت مريم من ايديها وخرجوا بره الوضة بحجة استقبال الضيوف
صخر قرب من عشق وقال بـ انبهار: بسم الله ما شاء الله جمالك هيموتني فـ يوم ياعشق ،
انتي جميلة لدرجة انك متكونيش حقيقة عشق بصت للارض بخجل ذاد عن حده ، صخر بنعومة رفع راسها عشان تبصله وقرب وباس راسها ، عشق قلبها كان هيطلع من مكانه، كلامة ونظراته ليها بيخلوها تحس بمشاعر عمراها ما عاشتها ، امان وراحة واطمئنان مشاعر كتيرة وحلوه بتحساها فـ وجود هو وبس ، صخر ابتسمت ليه ابتسامه صافية، اببتسامة من قلبها وقالت بخجل: شكرا ياصخر
انتبهت ان مخبي حاجة ورا ظهره وبفضول قالت:هو انت مخبي ايه
صخر ضحك بصوت عالي ودا احراجها وكسافها جدا
صخر بـ ابتسامه: اممم دي هديه لـ واحده كده بس ايه زي القمر جمالها انهارده خطف قلبي خطف كده! عارفة هي مين؟؟
عشق بهمس وخجل : مين
صخر بعبث: اكيد امي طبعا
عشق بصتله بغيظ وغضب وكانت هتمشي بس مانعها
صخر بضحك: خلاص متزعليش اوي كده دي ياستي هديه ليكي انتي هو في حد خاطف قلبي غيرك
عشق بخجل ذاد عن حده: صخررر
صخر بعبث: عيونه
عشق باستسلام: انت قليل الادب
صخر بضحك: عارف ، طلع علبه من ورا ظهرة وفاتحها قدام عشق
صخر: اممممم ايه رايك
(صورة العقد موجودة ف جروبي الخاص وع الوتباد 😂❤)
عشق بـ انبهار: الله جميل جدا ياصخر ورقيق اووي بس للاسف مش هينفع اقبله
صخر بتعجب: ليه بقا ان شاء الله
عشق بتوضيح: لان لو قبلتها لازم اجبلك هديه فنفس مستوى هديتك والعبد لله مئشفره
صخر: مئـ ايه!! مئشفرة؟؟ ايه الكلام ده وبعدين بطلي عبط هي اصلا مش هديه بالمعني الحرفي دي ياستي شبكتك ولا هو فيه خطوبه من غير شبكة؟!!
عشق بخجل :لا مفيش بس دي شكلها غاليه اوووي ياصخر افرض ضاعت مني او اتقطعت او حصلها حاجة هعمل ايه انا ساعتها
صخر بهيام وهو بيبوس ايديها ما بين كل كلمة: فداكي الدنيا باللي فيا يا عشقي
عشق حست بخجل شديد من كلامة ونظراته وبصت في الارض
صخر وهو ملاحظ حالتها طلع علبه صغيرة من جيبه وفتاحها وبمرح قال: هتلبسي دا كمان ولا هتعمليلي محاضرة؟
عشق ضحكت بهدوء: لا مش هعمل محاضرة بس دا كتير اوي ياصخر بجد كتير
صخر بتاكيد: مفيش حاجة تغلى عليكي وبطلي كلام ويلا عشان البسهملك
مسك ايديها ولبسها (الخاتم والدبلة
عشق بخجل: حلوين جدا ياصخر زوقك جميل
صخر: طبعا مش اختارتك
عشق ابتسمت بخجل: طب ايه مش هننزل ولا هنبات هنا؟!
صخر :هننزل يالمضة يلا
نزلوا الحفلة الكل انبهر بجمال ورقة عشق وطبعا انذهلوا بضخر اللي اول مره يظهر قصاد اي حد سواء رجال الاعمال او الصحافين
بمرور الوقت الكل كان بيرحب بعشق وصخر جو الحفلة كان حلو وصخر طول الوقت ماسك عشق مسبهاش لحظة
عشق بهمس: انا مش هتوه على فكره ماسكني طول الوقت كده ليه
صخر: دا شرطي من الاول وقولتلك مش هسيبك بدل هتلبسي الفستان ده
عشق بغيظ: انت بتعاندني صح؟
صخر بحنية: ابدا والله وبعدين الطبيعي انك تكوني واقفه معايا طول الوقت دي خطوبتنا ولا نسيتي
عشق: اوووف بقا
صخر: متنفوخيش وانتي زي القمر كده
عشق: طب تعال نرقص
صخر: قولي والله!
عشق بمرح: والله والله
صخر بـ ابتسامه مكر: لما المهرجان دا يتفض هرقصك بس ايه على واحده ونص 😉
عشق بغيظ: بجد بجد انت قليل الادب عارف يعني ايه قليل الادب
صخر ببرود: يعني ايه
عشق بغضب: يعني ماما كريمة معرفتش تربيك
اتفاجئت بـ صوت كريمة اللي انضمت ليهم هي ومريم وعلي
كريمة بحزن مصطنع: اخس عليكي ياعشق انا معرفتش اربيه
عشق بـ ارتباك: لا ياماما انا مقصدش اا انا يعني اا
كريمة بتاكيد: بس معاكي حق انا فعلا معرفتش اربي الولد ده
صخر: ولد!! ايه ياامي مش انا كبرت علي ولد دي ولا ايه؟!
كريمة: ايه
عشق: فراج بانيه
صخر: ايه؟
عشق: شيبسي وكراتيه
صخر بغيظ: لا والله
عشق: اه والله
مريم وعلي وكريمة ضحكوا عليهم قاطعهم
صوت عشق
عشق بصدمة: بابا
كريمة اتجمدت مكانها ودموعها لمعت فعنيها النهاية! كلمة اترددت جواها عشق هتبعد عنها تاني! هتتحرم منها! بصت لصخر حرفيا برعب
صخر بصلها بعجز .. لو كان في احتمال واحد فالميه ان عشق تصدقهم وتسمعهم فـ دلوقتي راح
عشق بـ استغراب من حالتهم: صخر هو فيه مالك؟ مالك ياماما انتي وشك اصفر كده ليه
هو انت ياصخر عزمت بابا ولا هو جاي من نفسه دا كمان معاه نريمان ومايا؟!! في ايه ياجماعة حد يرد عليا؟! صخرر
صخر بتوتر: ها لا انا معزمتهمش مش عارف ايه اللي جابهم
كريمة بهمس: الحقني ياصخر انا اا مكملتش كلامها واغمى عليها
عشق ومريم فنفس الوقت : مامااا
صخر لحقها قبل ماتقع على الارض شالها بين ايديه وطلع بيها على اوضتها وحاول قدر الامكان يداري وشها عن ناصر عمران وعيلته
❤🕊]
______________
في غرفة كريمة ، صخر حطها بهدوء على السرير وبيحاول يفوقها بس للاسف مفيش اي استجابة منها
علي بتوتر: اتصل بالدكتورة ياصخر
صخر بغضب: اتصل يابني ادم مستني ايه
مريم بـ بكاء: ماما مالها ياابيه ايه اللي حصالها
صخر قرب منها وضمها بحنان: متخافيش ياحبيبتي هي كويسة هتلاقي بس ضغطها وطي ولا حاجة اهدي متخافيش
ضم عشق كمان لحضنه وبيحاول يطمنهم
بص لعلي وقال بغضب وصوت واطي: مش عايز اي حد في الفيلا ياعلي ، اي حد! اعتذر من كل الموجودين خلاص الحفلة انتهت ، وشوف الدكتورة دي اتاخرت كده ليه
علي بهدوء: حاضر بس اهدي انت شوية انت كده بتخوفهم زيادة (يقصد مريم وعشق)
_________________لا حول ولا قوة الا بالله
اما في بيت ناصر عمران كلنوا مجتمعين في الصالون
ناصر بغضب: فضلتي تزني وتزني عليا عشان نروح الحفلة وفي الاخر ايه اللي حصل رحنا وجينا على الفاضي؟!
نريمان بغيظ: وهو انا يعني كنت اعرف ان ده هيحصل؟ دا احنا يادوبك دخلنا من هنا الهانم امه اغمى عليها من هنا ولا كانها مستنيانا!!
مايا بتفكير: فعلا يامامي عندك حق ولاكانها مستنيانا!! غريبة اووي اللي حصل يعني ازاي مامت صخر تعبت فجأة كده
ناصر: ولا غريبة ولا حاجة! ست كبيرة واغمى عليها الله اعلم عيانه عندها ايه! بطلوا رغي بقا انا طالع انام
نريمان بـ ابتسامه صفرة: تصبح على خير ياحبيبي شوية وهحصلك
ناصر بصلها بسخرية وسابهم وطلع اوضته
مايا لـ نريمان: مامي مش الاصول اننا نروح نزور مامت صخر
نريمان بمكر: صح ياقلبي واحنا بنموت في الاصول ههههههههه
❤🕊]
______________
بمرور الوقت الدكتورة كانت موجودة وبتكشف على كريمة وفعلا ضغطها كان واطي جداا ودا اللي سبب الاغماء
صخر طلب من مريم تروح اوضتها ترتاح وعلي بلغه ان صرف المعازيم ومبقاش في حد وبعد ما اطمن علي ماما كريمة روح بيته
____________
صخر: ادخلي نامي ياعشق انا هفضل معاها متقلقيش
عشق بدموع: هي حصلها ايه ياصخر انا مش هستحمل لو جرالها حاجة انا ماصدقت اني الاقي واحده تبقي زي ماما انا بحب ماما كريمة اوي ياصخر انا صحيح معرفهاش من مده كبيرة بس حبتها جدا معقول هنحرم من امي تاني
صخر باس ايديها ومسح دموعها واخدها في حضنه: ممكن متعيطيش ماما هتكون كويسة انتي سمعتي الدكتورة قالت ايه هي بس ضغطها علي يعني الموضوع بسيط وباذن الله هتقوم كويسه واحسن من الاول قام من مكانه ووقفها معاه ودلوقتي بقا حبيبتي لازم تنام وترتاح عشان تصحي الصبح فايقه كده ممكن!
عشق بتنهيدة: ممكن
اخدها وراح بيها لاوضته واستنها لما غيرت هدومها ونايمها على السرير واستنا لما راحت في النوم وقام غير هدومه وراح على اوضه والدته
______________ استغفر الله العظيم من كل ذنب عظيم
كريمة ابتدت تهلوس وتقول كلام مش مترابط
كريم: عشق .. لا استني ... انتي بنتي .. متخدهاش .. لا لاااااا
قامت مفزوعة من ع السرير
صخر ضمها: اهدي ياامي انا جانبك اهدي
كريمة بـ انهيار: عشق فين ياصخر بنتي راحت فين! اخدها صح راحت معاها وسابتني ياصخر ااااااه
صخر مسك وشها بين ايديها: ماما فوقي عشق فأوضتي مراحتش في حته اطمني ياحبيبتي عشق هنا
كريمة ببكاء: بجد ياصخر عشق هنا بجد معرفتش حاجة؟ ناصر عرف اني عايشة
صخر بهدوء: لا ياامي معرفش اساسا هو مشافكيش ممكن تبطلي عياط بقى
كريمة بـ انهيار: انا تعبت ياصخر تعبت مش قادرة استحمل اكتر من كده عشق لازم تعرف اني امها انهارده قبل بكره مش هفضل عايشه في الرعب دا كتير مش هفضل مرعوبة من انها تعرف من حد غيري اني امها عشق لازم تعرف لازم تعرف ومني انا اني امها
بصدمة: مين دي اللي ام عشق؟!
كريمة شهقت بصدمة وبصت لمريم بـ انهيار
صخر قام وبيقرب منها: انتي ايه اللي مصحيكي دلوقتي روحي نامي
مريم: صخررر انا مش عيله صغيرة هتقولي روحي نامي فـ هقولك حاضر وبصت لامها بصدمة: الكلام دا حقيقي! عشق تبقى اختي؟! وبصوت عالي كملت: رررردي عليااا انتي ساكته لييييه
صخر بغضب مسكها من ايديها: انتي اتجننتي ازاي تكلمي امك كده وبعدين ماانتي عـ
قاطعته بصراخ بعد ما خلصت دراعها من بين ايديه: انت تسكت خالص انت باي حق بتكلمني بالطريقة دي لتكون فاكر نفسك ابويا ولا حاجة!! انت مجرد اخويا من الاب وبس
فمتعش الدور اوي كده!! انتوا ازاي تخبوا عني وعنها انها اختي وانتي يا ماما ازاي تكذبي كذبة زي دي ازااااي؟! ازاي وانتي عارفة انها بنتك وحته منك تخلي صخر يتجوزها بالطريقة دي؟؟ طب ليه سبتيها السنين دي كلها؟؟ انتي ساكته ليه ردي عليا فهميني
كريمة كل اللي بتعمله انها بتبكي مش قادرة تتكلم ولا تتدافع عن نفسها
صخر بغضب: وطي صوتك داا انتي تخطيطي كل حدودك فـ احترمي نفسك
مريم: انا محترمة غصب عن اي حد ومـ
قطع كلمهم صوت تكسير كلهم بصوا لمصدر الصوت بصدمة!! كانت عشق واقفة متجمدة قدام باب اوضة كريمة ، دموعها مغرقه وشها