روايه عشق الصخر
الفصل الثالث عشر ......
صخر بغضب: وطي صوتك داا انتي تخطيطي كل حدودك فـ احترمي نفسك
مريم: انا محترمة غصب عن اي حد ومـ
قطع كلمهم صوت ازاي بيتكسر كلهم بصوا لمصدر الصوت بصدمة!! كانت عشق واقفة متجمدة قدام باب اوضة كريمة ، دموعها مغرقه وشها
قبل الوقت دا بدقايق ، عشق صحيت من النوم عطشانة مسكت كوباية الماية وكانت لسه هتشرب سمعت صوت دوشة جاية من اوضة كريمة فـ قررت تروح تطمن عليها ، وصلت لاوضتها وكانت لسه هتدخل بس اتجمدت مكانها لما سمعت صريخ مريم والكلام اللي بتقولة ، الدنيا لفت بيقا ، الكوباية وقعت من ايديها واتكسرت مليون حته زي قلبها اللي انكسر
فاللحظة دي!! معقول كريمة تبقى امها الحقيقية؟! وصخر ابن زوج امها!! معقول امها لسه عايشة لغاية دلوقتي! طب قدرت تسبها طول الفترة دي! ازاي؟! وليه الكل مفكر انها ميته!! دموعها بتنذل زي الشلال ومش قادرة تسيطر عليهم بصت لكريمة بوجع وقهر .. كسروا قلبها وعارفها انها خسرت عشق ودا خلاها تبكي بـ انهيار تام 💔 صخر حاول يقرب من عشق ويفهمها بس في ثانية كانت بتجري مش من الاوضة وبس لا من القصر كلة!!
صخر وقف ثواني مش عارف يعمل ايه ، حرفيا عقلة عجز عن التفكير مش دي ابدا الطريقة اللي كان ناوي يعرفها بيها كل حاجة
مش دي ابدا
اتفاجئ بصوت علي وهو واقف برة الاوضة وبيغض بصرة: صخر انتوا كويسين صخرررر
صخر طلع برة الاوضة وقفل الباب
صخر باستغراب: انت جاي دلوقتي ازاي! فيك حاجة!
علي بقلق: انتوا اللي فيكوا حاجة انا كنت عندي في البلكونة وصوتكم كان عالي جدا ودلوقتي لقيت عشق بتجري برة القصر قلقت وجيت انتوا كويسين
صخر بصدمة: عشق خرجت برة القصر؟! هي مراحتش اوضتها
مستناش يسمع رد علي وجري يدور على عشق زي المجنون
طلع بره القصر لقى الحراس موجودين ولكن بوابة القصر مفتوحة
سألهم بلهفه: شفتوا عشق هانم
واحد من الحراس بتوتر وخوف: ايوه ياباشا لسه طالعه من القصر حالا وكنا هنبلغك بس حضرتك اا
قاطعه صخر بغضب: لو حصلها حاجة هموتكوا انت فاهم هموتكم
سابهم وركب عربيته وابتدء يدور عليها اما علي فحاول يحصله بس ملحقش فـ فضل في القصر وهو مش فاهم حاجة
___________
اما عشق فكانت ماشيه تايه لا هي عارفة راحة فين ولا جاية منين بعدت عن قصر صخر تماما وماشية فالشارع الرئيسي دموعها بتنزل بدون ارادتها وفي مليون سؤال جواها مش
لاقيه ليهم اجابه ، هتموت من كتر التفكير! ليه كل ده بيحصلها؟ ليه كريمة بعدت عنها كل ده؟!! قعدت على رصيف في الشارع بتبكي بـ انهيار بتكلم نفسها بقهر ووجع: يارب، يارب انا ليه بيحصل فيا كده؟ ليه امي تتخلي عني وتروح
تربي ابن مش ابنها؟! ليه ابويا عمره ماحبني ولا اهتم بيا؟ ليه ابقى وحيده كده معقول انا وحشه لدرجة ان يحصل فيا كده معقول يارب استحق كل اللي حصلي ده؟!! انا تعبت يارب تعبت ومش عارفة اعمل ايه ولا اروح لمين ولا حتي اتصرف ازاي! يارب قويني انا مليش غيرك يارب
وانهارت تماما في العياط
اما عند كريمة بصت لمريم وقالت بصراخ وانهيار: ليه كده يامريم ليه عملتي كده ليه يابنتي فهميني! ليه المسرحية دي كلها ماانتي عارفة من الاول ان عشق بنتي وانها اختك! هو انا مش قولتلك كل حاجة؟!! قصدك ايه من اللي عاملتيه ده؟ عايزة تبعديها عني ليه يامريم ليييييييه
دفنت وشها بين ايديها وكملت عياط
مريم قربت منها وبدموع قالت: ماما انا كنت
قاطعتها كريمة: اطلع بره يامريم عايزة ابقي لوحدي
مريم برجاء: ياماما اسمعيني ارجوكي انا والله مقـ
كريمة بصراخ حاد: قولت برررررره
خرجت مريم برة الاوضة وهي منهارة من العياط مكنش اقصدها ابدا اللي هما فهموه نزلت للصالون لقت علي موجود ومن غير تفكير ولا وعي رمت نفسها في حضنه وعيطت بصوت عالي جداا
علي بصدمة من انها حضنته: مريمم فيكي ايه وبتعيطي كده ليه؟!
مريم بشهقات عاليا وكلام متقطع: انا ممـ مكنش قصدي دا اا كله يحصل ماما زعلت مني وصخر كمان زعل بس انا نيتي مكنتش كده ابدااا
علي خرجها من حضنه وقاعدها ع الكنبة وقعد جنبها واتكلم بهدوء: طب ممكن تبطلي عياط وتفهمينش ايه اللي حصل؟! عشان انا فعلا مش فاهم حاجة
ابتدات مريم تحكي له كل حاجة
_____________
اما عند صخر فكان راكب عربيته وبيدور على عشق بجنون .. حرفيا بجنون .. هو متاكد انها ملحقتش تبعد عن القصر بس خوفه انها تكون ركبت اي موصله وبعدت عن المنطقة خالص
صخر بخوف عليها وعضب من اخته: ياترى انتي فين ياعشق ليه توجعي قلبي عليكي بالشكل ده انا مصدقت انك تبقي معايا مصدقت انك تبقي قدامي يارب احفظها على مالاقيها انا
قطع كلامة مره واحده لما لمحها وهي قاعدة على رصيف الشارع ، ركن عربيته ونزل منها بلهقة ورعب كان متملك منه .. قرب عليها واطي بقي في ستواها وبوجع قال: عشق
رفعت عيونها تبصله ويارتها مابصتله .. عيونها حمرا زي الدم من كتر البكا قلبه اتكسر وروحه اتسحبت منه من شكلها! مكسورة وحزينة وضعيفة بالشكل ده! قرب اوي وكان هيضمها بعدت اوام وكانه افعى هتعضها، نظرات الكره فعيونها قتلته دبحت قلبه المتيم بعشقها
همس اسمها بوجع برجاء انها تسمعه: عشق
ردت بجنون اتملك منها وهستيريا عياط: متنطقش اسمي مره تاني بعد كده انت عايز مني ايه ارحمني بقا من اول مره شوفتك فيها وحياتي اسوء من الاول دلوقتي عرفت انت ليه اتجوزتني!! طبعاا ترد جميل الست اللي ربتك! مش كده؟ الست اللي رمت بنتها اللي من لحمها ودمها وراحت تتجوز
وتخلف وتربي ابن مش ابنها تعيش حياتها بعيد عن بنتها! ازاي في ام تعمل كده؟! عارف للحظه كنت هقول انها مش حنينه!! قاسة وجاحدة عشان كده رمت بنتها! بس ازاي اقول كده بعد ماشوفتها بتعاملك وتعامل مريم بأمومية خالصة؟! اكيد العيب فيا انا! لا اب عمره حبني ولا ام سألت عليا! ام رمتني واتخلت عني!! تعرف حاولت ادور ليها على اي مبرر والله العظيم
حاولت ادورلها عن مبرر بس ملقتش؟! ايه اللي ممكن يخلي ام تسيب بنتها؟! تبعد عنها 22 سنه؟ ايه اللي يخلي اب يبيع بنته؟ يكرها!! يخلي مراته تعذبها وتضربها وتحرمها حتي من الاكل! ليه يقولها ان امها ماتت عارف وصلت لايه؟؟؟
بقهر رد: لايه
ببساطه مؤلمة: انها خانته!! اني مش بنته! انا بنت حرام ياصخر مش كده
صخر بغضب حاول يسيطر عليه : ايه اللي انتي بتقوليه ده انتي مش فاهمة حاجة ياعشق تعالي نروح وانا وماما هنشرحلك كل حاجة في حاجات انتي مش عارفاها متتسرعيش في حكمك ياعشق
ردت وكانها مسمعتش الا كلمة بس من كلامة: انا وماما كان نفسي دايما اقول الكلمة دي حتى كلمة ماما كنت محرومة منها بصتله ودموعها مغرقة وشها: وانا صغيرة لما كنت بقول عايزة ماما كنت بضرب تخيل كنت بضرب عشان عايزة امي زي باقي الاطفال
كنت بسمع علطول وانا في المدرسة من البنات اللي تقول انا وماما اتفرجنا امبارح علي فيلم حلو اوي! انا وماما اشترينا لعب وعرايس تحفة! انا وماما عملنا الاكل لبابي انا وماما انا وماما!! طول الوقت بيقولوا انا وماما حكايتهم كانت حلوه اووي مبهجة كده فكنت لما اروح اسال بابا ببراءة جدا: هي فين ماما يابابا انا عايزاها .. عارف كان رده ايه
صخر بوجع عليها: كفاية ياعشق تعالي نروح
كملت بـ انهيار وكانها مش سامعاه: كان رده دايما صريخ وضرب وحرمان من الاكل لحد مره ما حرقني علي رجلي فاكره كويس قالي ايه وقتها: لو سمعتك جبتي سيرتها تاني هدبحك ياعشق انتي سامعه هدبحك .. من وقتها معدتش اسال حرمت
صخر بقهر: كفاية كده ياعشق عشان خاطري قومي نروح
قامت من ع الارض وبعصبية شديدة بعدت عنه: انت ملكش خاطر عندي
قرب منها خطوة فرجعت خطوطين
صخر بهدوء مصطنع وهو ملاحظ حالتها: عشق قربي هنا العربيات ماشية وراكي اهدي وتعالي نروح
بغضب قالت وهي بتبعد عنه اكتر: ملكش دعوة بيا انا مش هرجع معاك اناا
صخر بصراخ وهو بيقرب منها بيحاول يلحقها: عششششق
في ثانية واحدة حست بحاجة قوية خبطتها وطارت فالهواء ومرة واحده اترزعت فالارض بعدها الدنيا اسودت في عيونها وفقدت الوعي
______________
في قصر السيوفي عند علي ومريم
مريم حكت لعلي اللي حصل
علي بهدوء: ليه عملتي كده يامريم
مريم بحزن: انت كمان مش هتفهمني
علي بحنيه: بالعكس انا اكتر واحد هيفهمك انا عايز اسمع اسبابك مش اكتر!!
مريم بدموع: ماما من وانا صغيرة معرفاني ان ليا اخت بس ولا هنعرف نروحلها ولا هي هتعرف تجيلنا الاول مكنتش فاهمة اوي كنت لسه صغيرة! فاكرة وانا في تالته اعدادي لما صممت اعرف ليه عمري ماشفت اختي وقتها قدام اصراري ماما فهمتني ليه مينفعش نشوفها وقتها زعلت جداا علي ماما دايما كنت بحسها حزينة وكان في حاجة نقصاها
واخيرا فهمت ايه اللي ناقصها حلولت على قد ما اقدر اعوض غياب عشق عن ماما طبعا منجحتش لان كل ابن او بنت وليه معازة خاصة عند والدته بس بقيت اقرب لماما طول الوقت
معاها بشغلها دايما معايا عشلن متفكرش كتير وتتعب قلبها من شهر تقريبا قالتلي ان عشق هتيجي وتعيش معانا وقتها كنت هموت من الفرحة بجد كنت فرحانه اوووي بس بعدها سألت ازاي هتيجي تعيش معانا؟! هي عرفت انك ليه عايشة
ياماما؟!! صخر رد عليها وقالي لا انا هتجوزها وقتها اتصدمت هيتجوزها ازاي!! وقتها حكالي خطته وانا اعترضت تماما لان بالطريقة دي هيجرح عشق اضعاف مضعفه ولما تعرف الحقيقة مستحيل تسامحه او تسامح ماما! بس قالي متقلقيش وهو
هيحل كل حاجة بصراحة مقتنعدش انه هيقدر يحل اي حاجة لان الموضوع مكلع اوي ومش ناقص اصلا بس صخر نفذ اللي فدماغه واتجوزها وغصب عنها ياعلي عشق مضت علي قسيمة جوازها من غير ماتعرف انت متخيل!! وقتها
استحقرت ابوها جداااا دا لا يمكن يكون اب اساسا!! لما عشق جت هنا علي قد فرحتنا على قد ماكنا مرعوبين من اللحظة اللي تعرف فيها الحقيقة وخصوصا ماما رعبها كان اضعاف مضعفة انا قصدت اسمع عشق بعد اللي حصل في الحفلة واللي حصل لماما بعد ما شافت ناصر عمران والخوف والرعب
اللي حست بيه قررت اقول لعشق كل حاجة عايزة امي ترتاح جايز اكون اتسرعت او قولت الحقيقة بطريقة غلط بس والله مقصدتش اي حاجة وحشه والله ياعلي ما قصدت اازي اي حد وخصوصا عشق وماما وصخر دول كل حاجة في حياتي
علي كان لسه هيرد عليها بس قطع كلامة رنه موبايله
بص لـ مريم وبتوضيح قال: دا صخر استني هرد عليه
علي: الو ايوه ياصخر لقيت عشق
صخر:__________
علي بصدمه: بتقول ايه طب انتوا فاي مستشفى
صخر: __________
علي: طيب اهدي ان شاء الله هتكون كويسة انا جايلك حالا سلام
مريم بخوف: في ايه ياعلي صخر في المستشفى ليه
علي بزعل: عشق عملت حادثة وهي حالة في المستشفى
بنتتتتتتي: ودي كانت صرخة كريمة اللي كانت ليه نازله من اوضتها ، علي جري عليها يلحقها قبل ماتوقع
مريم ببكاء: عشق جرالها ايه ياعلي انا السبب والله ماكنت اقصد اي حاجة من دي تحصل
علي: اهدي ياماما كريمة دي مجرد حادثة صغيرة خير ان شاء الله
كريمة بلوعة: وديني عن بنتي ياعلي عايزة اشوفها
علي: حاضر حاضر
________________
اما في المستشفى
الدكتور: البقاء لله
صخر: _______
روايه عشق الصخر
الفصل الرابع عشر ......
صخر بقهر: كفاية كده ياعشق عشان خاطري قومي نروح
قامت من ع الارض وبعصبية شديدة بعدت عنه: انت ملكش خاطر عندي
قرب منها خطوة فرجعت خطوطين
صخر بهدوء مصطنع وهو ملاحظ حالتها: عشق قربي هنا العربيات ماشية وراكي اهدي وتعالي نروح
بغضب قالت وهي بتبعد عنه اكتر: ملكش دعوة بيا انا مش هرجع معاك اناا
صخر بصراخ وهو بيقرب منها بيحاول يلحقها: عششششق
في ثانية واحدة حست بحاجة قوية خبطتها وطارت فالهواء ومرة واحده اترزعت فالارض بعدها الدنيا اسودت في عيونها وفقدت الوعي
صخر اتمسمر مكانه وهو شايف جسمها مرمي ع الارض والدم بيطلع من كل حاه فجسمها ثواني وكان مقرب منها بجنون ورعب اتملك منه ضمها بين ايديه .. ايديه اللي غرقت دم
بمجرد ما لمسها .. الناس اتجمعت حواليه الكل واقف يتفرج .. وهو حاضنها ومش واعي ابدا للي بيحصل حواليه عقله مش مستوعب اللي حصل ولا عارف ازاي تعامل معاه .. الدموع لمعت في عنيه احساس انه هيخسرها كسره!
حاول يسمع نبضات قلبها بس مفيش .. قلبها وقف!! صخر بهستريا ورعب: متسبنيش ياعشق متسبنيش خليكي معايا مش هقدر اعيش من غيرك انا اسف ياحبيبتي انا اسف مكنش لازم اكذب عليكي من الاول مكنش لازم ااذيكي انا كمان فوقي ياعشق فوقي ياعمري كله وفوقي خليكي معايا
قربت ست كبيرة فالسن من الواقفين وهزته بهدوء صخر بصلها بضياع
الست بشفقة: قوم يابني الحقها ووديها لاي مستشفى اجمد كده ده مش الوقت اللي تنهار فيه قوم يابني ربنا ينجيها
وكانه كان مستني حد يفوقه من اللي هو فيه قام وشال عشق بين ايديه وجري بيها على عربيته .. ركبها فالكرسي الخلفي في العربية والست ساعدته وركبت معاه عشان تمسك عشق وركب هو وبمعجزة حاول يسيطر علي اعصابة عشان يقدر يسوق العربية ومشي باقصى سرعة
_______________
بمرور الوقت كان وصل المستشفى وعشق دخلت العناية المركزة ، صخر شكر الست اللي ساعدته وهي استاذنت ومشت بعد ما دعت لعشق بالشفاء العاجل .. اتصل بـ علي وقاله ع اللي حصل لعشق وطلب منه يجيله .. صخر كان زي المجنون وكل الافكار السودا بتهاجمه ومش سيباه .. كل ما الوقت بيعدي بيقلق ويخاف على عشقة اكتر قعد على الارض بضعف وحط وشه بين ايديه وبيدعي ربنا من كل قلبه انها تكون كويسة
علي وكريمة ومعاهم مريم وصلوا المستشفى واتوجهوا علطول للعناية المركزة اتفاجؤ بمنظر صخر اللي تقريبا هدومه مليانة دم كريمة قلبها مستحملش واغمى عليها
مريم بصريخ: مامااااااااا
علي بسرعة راح يطلب دكتور لـ كريمة
صخر رفع راسه واتفاجئ بـ والدته واقعة على الارض قام بسرعة يروح لعندها .. الممرضين اخدو كريمة لـ اوضة عادية والدكتور دخل يكشف عليها
مريم بتبكي بندم وغداب ضمير مكنتش تتخيل ان دا كله يحصل وبسببها معقول اذت امها واختها من غير ماتقصد
علي قلبه كان وجعه عليها واتمنى يقرب ويخدها في حضنه ويطمنها بس لا وقته ولا مكانه ابداا قرب من صخر وبقلق قال: انت كويس
صخر بضعف صدم مريم وعلي: عشق هتروح مني ياعلي
علي اخده فحضنه بـ قوة .. صخر بالنسباله مش صاحب وبس دا اخوه وسنده فالدنيا دي متاكد لو لقدر الله عشق جرلها حاجة هتكون نهاية صخر!!
علي بهدوء بيحاول يطمنه: هتكون كويسة صدقني دلوقتي الدكتور يطلع ويطمنا عليها
يادوب خلص كلامة والدكتور فعلا كان طالع من العناية
صخر بلهفه جري عليه: طمني يادكتور
الدكتور باسف: البقاء لله
صخر بجنون مسك الدكتور بهمجية : انت مجنون البقاء لله فمين بالظبط!! عشق كويسة مفيهاش حاجة انت فاهم عشق عايشة
علي بيحاول يخلص الدكتور من ايدين صخر اللي بيخنقه لدرجة ان الدكتور مش قادر يتنفس واخير عرف يخلصه من ايدين صخر
الدكتور بيشهق وبيحاول ياخد نفسه وبخوف من هيئة صخر قال: اهدي يااستاذ اانا .. مقصدش .. استاده عشق انا اقصد حاله تانية خالص اهدى لو سمحت اهدى
صخر اخد نفس عميق وبص للدكتور بغصب: ثانية واحده ومش عايز اشوف الخلقه دي تاني عشان لو شوفتك تاني صدقني هزعلك
الدكتور في ثانية فعلا كان اختفى من قصاد صخر اللي كان واضح انه مبيهددش ع الفاضي
علي: ممكن تعقل بقى وكفاية جنان
مريم قربت من صخر ولسه هتتكلم قاطع صخر باشارة من ايديه وقال: مش عايز اسمع صوتك ولا حتى اشوفك لاني لو اتكلمت هزعلك اوي بطريقة متتخيلهاش
مريم دموعها نزلت زي الشلال وحست انها خسرت صخر .. حست بضياع ووحده عمراها ماحست بيهم .. علي بصلها بأسف ولسه هيكلم صخر بس سكت لان دا مش الوقت اللي يتكلم معاه لازم الاول يطمن على عشق وامه
الدكتور طلع من اوضه كريمة وقال بعملية: هي حاليا كويسة بس عندها انهيار عصبي وكمان ضغطها كان واطي جدا ادتلها حقنة مهدئة وعلقتلها المحاليل اللازمة ساعتين تلاته بالكتير وهتكون فاقت عن اذنكم
الكل اطمن على كريمة وفاضل عشق
مريم دخلت قعدت في اوضة كريمة وعلي وصخر وقفين العناية المركزة
صخر ساند ع الحيطة جنب باب العمليات وبيدعي ربنا بينه وبين نفسه
همس بخوف: اتاخروا اوي ياعلي
علي:خير ان شاء الله كل تاخيرة وفيها خيرة
مفيش دقايق والدكتور خرج ومعاه الممرضين ساحبين عشق على الترول (سرير متنقل)
صخر جري يطمن على عشقه دخل مع الممرضين اللي حطوا سرير عشق في اوضة عادية .. صخر مسك ايديها وبص للدكتور وبستفسار قلق قال: حالتها ايه يادكتور
الدكتور بعملية: متقلقوش هي حاليا نايمة من مفعقول البنج ومش هتفوق دلوقتي وللاسف ايديها اليمين انكسرت و دماغها من الخلف اتخيطت اربع غرز دا غير الخدوش والكدمات اللي فجسمها غير كده هي كويسة
صخر ضحك بغلب ووجع من اخر جملة قالها الدكتور
علي اخد الدكتور وطلعوا بره الاوضة وسابوا صخر مع عشق لوحدهم
صخر قعد علي كرسي جنب سرير عشق ومسك ايديها وباسها كتير جدا بيبصلها اووي وكانها مش مصدق انها دلوقتي معاه
صخر بيكلمها بهمس وكانها صاحيه وبتسمعه:
حمدلله علي سلامتك ياقلب وعمر صخر .. كده ياعشقي تخوفيني عليكي بالشكل ده!! مهما اقول مش هقدر اوصفلك احساسي كان ايه وانا شايفك غرقانة فدمك!! روحي انسحب مني ياعشق!! انا من غيرك هموت .. والله العظيم هموت مش
كلام وخلاص لا.. اه لو تعرفي انا بحبك قد ايه!! او حتى من امتى! مش هتصدقي .. كنتي لسه طفله بضفاير قاعدة حزينة في جنينة قصر ناصر عمران وقتها كان عندي بتاع 13 .. 14 سنة وانتي حولي 6 سنين كنت مع والدي الله يرحمه فاكر وقتها مكنتش عايز اجي معاه لما قالي تعال نطمن على بنت ماما كريمة
بس بعد ماشوفتك اول مره .. بقيت استنى بفارغ الصبر اننا نروح ونشوف من بعيد من ساعتها وانا مجنون بيكي ياعشق .. ياوجع قلبي من بعدك عني وقربك مني .. الاتنين نار بالنسبالي نار بتحرقني كل يوم وكل ساعة وكل دقيقة فتحي عنيكي وارحمي قلبي المتيم بيكي
وكأنها الكلمات السحرية اللي صحت الاميرة النائمة .. عشق فتحت عنيها وهي حاسه بوجع رهيب فكل جسمها
عشق: انا فين
صخر بسعادة: حمدلله على سلامتك ياست البنات
عشق بتوهان: هو ايه اللي حصل
صخر بهدوء: حادثة بسيطة وربنا نجاكي منها
ثواني وعشق ابتدات تفتكر اللي حصل
بصت لصخر بغضب وسحبت ايديها من بين ايديه: اطلع بره
صخر: عشق اسمعيني انتي مش فاهمة حاجة في حاجات كتير منتش عارفاها
عشق بدموع: ومش عايزة اعرفها انتوا كلكم كدبين كلكم ومهما تقول ومهما اعمل عمري ماهصدقك ياصخر عمري انا قولتلها قولت لكريمة هانم اني اكتر حاجة بكرهها الكذب قولتلها اني مش بسامح اي حد يكدب عليا ورغم كده كدبت بدل المره 100 مرة مش قادرة اصدق قد ايه كنت غبية وحبتها!! بس خلاص دلوقتي بكرهها وبكرهكك ومش عايزة اشوف اي حد فيكم .. طلقني ياصخر
صخر بغضب من طلبها للطلاق: انتي اكيد اتجننتي واضح ان الخبطة اثرت على دماغك طلاق انامش هطلق ولحد ما اموت هتفضلي على ذمتي ياعشق ودا اخر كلامة عندي
قال كلامة وطلع بره الاوضة بل بره المستشفى كلها
عشق بصراخ: هطلقني غصب عنك هخلعك ياصخر سااااامع هخلك خلصت كلامها ودخلت في هستريه عياط
_______________
قدام المستشفى
صخر صخر انت يابنى استنى
صخرزوقف بزهق وبص لعلي: افندم
علي: رايح فين يابيه وسايب مراتك مرمية في المستشفى اللي يشوفك من ساعة واحده بس مايصدقش انك تمشي وتسيبها بالسهولة دي ايه يعني اتعصبت عليك او حتى طلبت الطلاق؟ علفكره رده فعلها طبيعية جداا
صخر: شششششش ايه لوكلوك لوكلوك افصل شوية وبعدين مين قالك اني هسيبها وامشي
علي بتريقة: اومال انت رايح فين يابيه؟ دا حتي مامتك مسألتش عليها
صخر بنفاذ صبر: اولا انا لسه مطمن علي والدتي من الدكتور قبل مااخرج من المستشفى وبلغني انها فاقت وضغطها اتظبط .. ثانيا انا رايح اجيب هدوم لمراتي وعارف ان دا رد فعلها الطبيعي .. ثالثا ودا الاهم انت مالك ياعلي ابعد عني السعادي عشان مطلعش اللي فيا عليك .. تمام
علي بهدوء: تمام ياباشا متنساش تجبلنا اكل وانت جاي
صخر بغيظ: صبرني يارب .. اطلع يابني خليك معاهم فوق وخلي بالك
علي بـ ابتسامه: هيصبرك ان شاء الله
صخر مردش عليه وركب عربيته واتجهه ع القصر بتاعه
______________
اما في اوضة كريمة مريم كانت بتبكي بـ انهيار وبتكلم مامتها بس هي مش بترد عليها
مريم بدموع:ردي عليا ياماما انا اسفه والله سامحيني مكنتش اعرف ان دا كله هيحصل والله ياماما انا كنت عايزة عشق تعرف عشان انتي تستريحي وتتطمني متخيلتش للحظه واحده ان كل ده هيحصل بردو مش هتردي عليا انتي كرهيني زي صخر مكرهني
كريمة بصوت مبحوح ودموع مبتقفش: زعلانه منك اوي يامريم بس عمري ما اعرف اكرهك سواء انا او صخر .. شوفتي ايه اللي حصل بسبب تسرعك كنا هنخسر اختك!! تخيلي لو عشق بعد الشر كان حصلها حاجة اكتر من اللي
حصلها كنا هنعمل ايه انا كنت هقدر اسمحك!! ولا صخر ولا انتي حتى هتقدري تسمحي نفسك؟ يابنتي لازم قبل ماتعملي اي تصرف تفكري فيه بدل المره اتنين وتلاته مش حاجة خطرك في دماغك تنفذيها واللي يحصل يحصل
مريم قامت حضنتها وبعياط قالت: متزعليش مني ياماما بالله متزعلي انا اسفه والله مااقصد ازعل اي حد فيكم سامحيني
كريمة ضمتها: مسمحاكي يابنتي مسحاكي بطلي عياط وجعتي قلبي اكتر ماهو موجوع
_____________
في اوضة عشق كانت لسه بتبكي حاولت تقوم عشان تمشي من المستشفى بس اول مااتحركت صرخت من الوجع وعيطها ذاد اكتر عشق لنفسها: منك لله ياصخر كل دا بسببك يارتني لا
شوفتك ولا عرفتك .. مش مكفية كله اللي عمله فيا لا وايه اول مااقوله مش عايزه اشوف وشك يسيبني ويمشي وانا في الحالة دي! واحد معدوم الاحساس اما وريتك ياصخر مبقاش انا .. هخليك تلف حوالين نفسك بس استني عليا
________________
بمرور الوقت صخر كان وصل للقصر اخد شاور وغير هدومه واخد هدوم لعشق وطلب من سعدية تجهزله اكل عشان ياخه معاه
خلص ولسه هيطلع من القصر بس اتفاجئ من اللي شافه