رواية عشق الاسد
❤رواية عشق الأسد ___❤
❤___ بقلم🖊 امل نبيل ___❤
❤____ الفصل السابع عشر ____❤
سليم كان قاعد فى مكتب شركته بيشرب قهوته دخلت السكرتيرة عليه.
السكرتيرة بإحترام:صباح الخير يا فندم.
سليم:صباح الخير.
السكرتيرة:فى واحد بره بيقول انه ابن عمتك واسمه كمال وعايز يدخلك.
سليم: دخلية.
السكرتيرة :حاضر يا فندم.
السكرتيرة طلعت وسليم ابتسم ابتسامة شر وبعد شوية كامل دخل المكتب لقا سليم حاطط رجل على رجل وبص لكامل ببرود وابتسم ابتسامة شيطانية وقام من مكانه بهدوء وقرب من كامل ومسكه من ياقة قميصه جامد.
سليم: انت جتلى بنفسك بقا علشان نخلص القديم والجديد.
وضربه فى وشه جامد.
كامل مسك وشه ومسح الدم اللى نزل من بقه.
كامل:اه يا تور.
سليم مسك كامل تانى علشان يضربه بس كامل مسك ايده وضربه على وشه.
كامل:ما تهدى بقا يا حيوان انت.
سليم:انت بتضربنى انا يا ابن الك....
كامل :ما تخرس شوية بقا امسك الورق ده.
كامل طلع ملف فى ورق واداه لسليم.
سليم باستغراب:ايه ده.
كامل: الشركات والفيلا وكل حاجة بقت باسم سيلين أنا عارف انك مستغرب دلوقتى وبتقول ازاى هوا كان عايز ياخد كل حاجة ودلوقتى جاى يقول انها بقت باسم سيلين.
سليم:أنا فعلا مش فاهم حاجة.
كامل:انت بعد ما سافرت امى معاملتها مع سيلين اتغيرت اوى و امى كانت بتفكر انها تقتل سيلين بعد ما سافرت وتاخد
الورث طبعا أنا كنت خايف على سيلين وقلتلها انتى لو قتلتيها كل حاجة هتروح لسليم وقلتلها
تستنى لحد ما سيلين تكبر وتبقا تاخد بعدها اللى هيا عيزاه وهيا وافقت على طول انا طول الوقت ده حاولت انى ادور عليك وبعدها بفترة عرفت
انك انضميت لعالم المافيا شهرين بس صحابك ساعدوك انك ترجع عن الطريق ده وعرفت باللى حصلك بعدها فمكنش ينفع انى اقولك على حاجه فى الوقت ده وللاسف كنت بعامل سيلين بطريقة
وحشة علشان امى ما تشكش فيا بس ابويا كان بيعاملها حلو وبعد كده سيلين هربت من البيت لما عرفت باللى امى هتعمله فيها وانا كنت مراقبها وكنت
عارف مكانها من اول يوم بس طبعا مقولتش لحد وكنت ببعت حراس موثوق فيهم علشان يحرسوها بس من بعيد وكنت مستنى اليوم اللى ييجى علشان اسلمها كل املاكها.
سليم بعدم فهم:ازاى وانت بعت ناس علشان تخطفها وليه كنت عايز تبوظ شغلى .
كامل: انا كنت عارف ان سيلين مش البيت فى الوقت ده وامى كانت ابتدت تشك فيا علشان كده بعت ناس عملوا انهم
بيدوروا عليها خصوصا لما عرفت ان المساعد بتاعى امى مشغلاه معايا علشان ينقلها كل حاجة بعملها وكان لازم ابان انى بحاول انى ابوظ شغلك
يا صحبى بس ربنا اللى يعمل انت وسيلين تبقولى انتو أكتر من اخواتى ومافيش حد بيأذى اخوه .
سليم ضرب كامل بالبوكس فى وشه تانى.
سليم:ده علشان بس خبيت عليا.
وحضن كامل .
كامل: انت ياض اهبل يعنى بتضربنى وبعد ما تضربنى بتحضنى

سليم: طيب هتعمل ايه دلوقتى مع امك لما تعرف .
كامل:أنا وقت ما كنت بدير الشغل بتاع اختك كنت ابتديت أأسس شغل خاص بيا انا والحمد لله فتحت الشركة اللى كنت بحلم بيها طول عمرى واشريت فيلا ليا وفيلا ليهم.
سليم:بس انت المفروض ليك نص الورث ده يا كمال المفروض تاخده.
كامل: ولا أنا ولا انت لينا فيه حاجة كل ده بتاع سيلين.
سليم: بس انت اللى كنت داير الشركة ومخلى بالك من كل حاجة.
كامل:بنت خالى وكنت بساعدها فيها ايه يعنى،همشى أنا بقا دلوقتى علشان عندى مشاوير مهمه أوى وهبقا ارجعلك.
سليم :مع السلامة يا صحبى.
______
لورين:أحلى صباح على احلى رجالة.
ماريهان: ايه اللى اخرك كده.
لورين:العربية بتاعتى عطلت بس كامل ساعدنى و صلحهالى.
ماريا بخبث:مين كامل ده .

لورين:لاء مش اللى فى دماغك الشمال ده.
ملاك:وانتى عرفتى منين ان دماغها شمال 😂😂.
لورين:اصل هما نفس التفكير يا اختى😂😂😂.
ميرنا كانت قاعدة قلقانه وحاسة إن فى حاجة هتحصل وكانت قلقانة على مايكل لانه متصلش عليها.
ميرنا: طيب عن إذنكم اصل إفتكرت مكالمة مهمه اوى لازم أعملها.
ملاك:اه صح يا عشق كنت هنسى ابقى اتصلى على اسد علشان عايزك ومش معاه رقمك الجديد.
ميرنا:تمام.
ميرنا مشيت و راحت مكان مافيهوش بنات او ولاد كتير واتصلت على مايكل.
مايكل:الو يا ميرنا.
ميرنا: الو يا مايكل.
مايكل: فى حاجة ولا ايه .
ميرنا: لاء اتصلت اشوف بس فى اى حاجه جديده ولا ايه.
مايكل:ابوكى عايز ينزل مصر.
ميرنا: ليه.
مايكل:ابوكى من ساعة ما عرف انك نزلتى مصر وهوا قلقان عليكى وخصوصا بعد اللى جاك عمله معانا بقا قلقان عليكى اكتر.
ميرنا:تمام يا مايكل.
مايكل: خلى بالك من نفسك.
ميرنا: سلام.
وقفلت المكالمة وجات ترن على اسد افتكرت انها مش معاها رقمه.
ميرنا: يوووه طيب اعمل ايه دلوقتى اتصل على رغد اخده منها وخلاص.
ميرنا اتصلت على رغد.....
______
رغد كانت بتكلم فى سعيد وفجاة ظهر عندها اتصال من ميرنا.
رغد:بقولك ايه يا سعيد اقفل دلوقتى علشان ميرنا بترن عليا.
سعيد:طيب بقولك ايه ابقى كلميها علشان تشوف سلمى فين واسأليها هنقتل عشق دلوقتى ولا لاء.
رغد:ماشى اقفل من عندك طيب.
سعيد:ماشى خمسه كده وهرن تانى.
رغد فتحت المكالمة.
رغد:ازيك يا بوص اخبارك ايه.
ميرنا:رغد كنت عايزة رقم اسد ابن اخوكى.
رغد:ليه يا بوص.
ميرنا:انتى هترغى معايا كتير اعملى اللى قلتلك عليه.
رغد: الرقم ٠١٠******** اهو يا بوص.
ميرنا: تمام.
رغد:انا كنت عايزة اطلب منك طلب .
ميرنا:قولى.
رغد:كنت عيزاكى تدورى بس على سلمى بنت سعيد لانها اختفت مره واحده كده واحنا كنا مفكرينها في مهمه بس للاسف طلعت مش فى مهمه ولا حاجة.
ميرنا:ربنا يسهل.
رغد:طيب هتعملى ايه مع عشق دى هتقتليها ولا ايه.
ميرنا متعرفش ايه اللى حصلها لما سمعت باسم عشق.
ميرنا:محدش يقرب منها انتو فاهمين سلام.
وقفلت التليفون.
رغد:يا مسهل ونخلص منكم انتو الاتنين.
______
اسد كان قاعد فى مكتبه هوا وتيم وجاله تليفون من رقم مجهول.
اسد:ده رقم غريب.
تيم:طيب ما ترد وتشوف مين.
أسد فتح التليفون.
اسد:الو.
ميرنا:الو يا اسد.
اسد:مين.
ميرنا:انا عشق يا اسد.
اسد :اه ازيك يا حبيبتى عاملة ايه.
ميرنا:انا كويسة ملاك قالتلى انك عايزنى .
اسد:انا كنت عايز اقابلك النهاردة.
ميرنا:خير فى حاجة.
اسد:هوا لما واحد يكون عايز يقابل حبيبته وخطيبته لازم يكون فى حاجة.
ميرنا:لاء مش قصدى تمام هقابلك امتى.
اسد:ايه رأيك تقابلينى بعد شوية .
ميرنا :تمام اقابلك فين.
اسد :تقابلينى فى *******.
ميرنا: تمام.
وقفلوا المكالمة.
اسد:عايزك تعمل اللى قلتلك عليه يا تيم.
تيم:انا هعمل كده وهقول لماريهان الحقيقة النهاردة.
اسد:ياريت تقولها كل حاجة مره واحده يا تيم علشان لما تاخد الصدمات تبقا مره واحده فاهمنى.
تيم:انا كنت هعمل كده.
اسد:طيب خلينا نكمل بقا الشغل.
تيم:تمام.
________
فى الجامعة نلاقى اربع بنات واقفين مع خمس ولاد.
ساندى: بقولك ايه يا سوزى هوا مش انتى وماريهان كنت صحاب اوى ايه اللى حصل دلوقتى.
خالد:صحبتها تاب عليها وبعدت عقبالها.
سوزى:وانتو مالكم نبقا صحاب ولا لاء ايه اللى حشركم.
نهى:أنا الصبح شايفاها نازلة من عربية واحد انما ايه مز الصراحة.
مصطفى:بس بصراحة اتلمت على شوية بنات صواريخ.
نهال:ايه الملفت اللى فيهم احنا اجمل بكتير.
خالد: يا نهال يا حبيبتى هنا اجمل بكتير مافيش وجه مقارنة بينكم اساسا.
احمد:يا بابا انتم جمالكم ده كله مكياج.
صالح: انتم تقريبا لو شلتو المكياج ده هتبقو شبهنا.
احمد:علشان كده ما تقارنوش نفسكم بيهم.
سوزى لنفسها بغل: والله لوريكم هعمل ايه.
_________
البنات فى اخر اليوم بعد ما خلصو الجامعة واقفين قدام البوابة.
ميرنا: طيب انا همشى علشان هروح لاسد.
ملاك:طيب انا هروح.
لورين:وانا كمان هروح.
سيلين:انا هروح يلا يا ماريهان.
ماريهان: لاء اصل انا
......:اصل ماريهان هتيجى معايا أنا.
كلهم بصو على صاحب الصوت لقوه تيم .
ماريا بهمس لملاك:دى هتحلو.
ماريهان:معلش يا بنات مضطرة انى اروح معاه مش هتأخر .
سيلين: الله يسهله يا عم .
ماريهان: ما بلاش تفكيرك المنحرف ده وخلى دماغك دى تسلك شوية.
تيم:يلا.
ماريهان: تمام يلا .
ماريهان ركبت العربية بتاعة تيم ومشيو والبنات فضلو مع بعض.
سيلين: تصدقو يا عيال لايقين على بعض اوى.
ماريا:بجد كابل جامد.
ملاك:طب سلام بقا هنمشى احنا.
وكل واحده منهم مشيت.
_______
عشق كانت فى الأوضة قاعدة على الأرض بتعيط وبتفكر ايه اللى ممكن يحصلها وايه اللى هيحصل لاختها وياترى اختها عارفة الحقيقة ولا متعرفش فجأة الباب فتح وسعيد دخل من الباب.
سعيد بص ليها من فوق لتحت .
سعيد: يا خسارتك فى المرمطة يا جميل بس هنعمل ايه حظك النحس هوا اللى وقعك في طريقنا.
عشق ببكاء وخوف:انت عايز منى ايه.
سعيد قرب منها ومسح دموعها.
سعيد:تؤ تؤ وفرى دموعك دى لبعدين.
عشق:ابعد عنى.
سعيد:ابعد ازاى بس ده انا مصدقت.
عشق بعياط:سيبونى حرام عليكم انتو عايزين منى ايه.
سعيد:من ناحية عايزين منك ايه فا احنا عايزين كتير اوى منك .
عشق: حرام عليك سيبنى انت عايز منى ايه.
سعيد بخبث ونظرة خبيثة :عايزك يا قمر هكون عايز ايه.

*بصة سعيد لعشق بالظبط😂😂*
عشق بصراخ :ابعد عنى الحقنى يا اسد.
سعيد بضحكة شريرة: 😈😈😈اسد مين دلوقتى.
عشق ضربته برجليها.
سعيد: اه يا بنت الك**.
سعيد بغيظ راح مسكها من شعرها وشدها وقفها.
سعيد:بقا انتى يا زبالة تضربينى أنا .
سعيد بغيظ ضربها بالقلم وقعها على الأرض ونزفت دم من بقها ومناخرها.
سعيد قرب منها جامد.
عشق:اسددد الحقنى ابعد عنى.
سعيد:هبعد عنك دلوقتى بس مش هسيبك اصلك عجبتيني ودخلتى دماغى ومش هصبر عليكى كتير.
سعيد سابها وطلع بره الاوضة وعشق فضلت تعيط وتنادى على أسد وكان في أسئلة كتير بتدور فى دماغها.
ياترى اسد هيلحقها.
ياترى سعيد ده هيعمل فيها.
يا ترى أختها عارفة الحقيقة ولا متعرفش.
_______
تيم كان سايق العربية وماريهان قاعدة جنبه.
ماريهان: تقدر تقولى إحنا رايحين فين دلوقتي.
تيم:إحنا هنروح مكان نقعد فيه علشان عايز احكيلك على حاجات مهمه جدا.
ماريهان:ايه رأيك نروح على الكورنيش.
تيم: الكورنيش 😳😳.
ماريهان:بليز والنبى.
تيم :تمام هنروح.
ماريهان بفرحة:هااااااااى ميرسى ميرسى يا قمر.
تيم حس ان قدامه طفلة مش واحده كبيرة عاقلة.
تيم وماريهان نزلو من العربية بعد ما وصلو.
ماريهان: انت كنت عايز تقول ايه.
تيم مكانشى عارف يجيبها ازاى او هيقولها ايه.
ماريهان:يا كابتن انت روحت فين.
تيم:ماريهان أنا عايز اقولك ان انتى امك عايشة مش ميتة.
ماريهان: انت بتقول ايه انا امى ميتة ومن زمان جدا كمان.
تيم:لاء امك مش ميتة امك عايشة وانتى قابلتيها قبل كده امك تبقى رغد المنشاوى ام تسنيم وكمان ليكى اختين واحده من الاب و واحده من الام.
ماريهان بصدمة :ايه اللى انت بتقوله ده ازاى.
تيم:للاسف دى الحقيقة امك تبقا رغد المنشاوى وابوكى يبقا سعيد العامرى وليكى اختين تسنيم الحديدى وسلمى العامرى .
ماريهان وهيا لسه بصدمتها:لاء انت اكيد بتكدب مش بتقول الحقيقة.
تيم :لاء مش بكدب ودى الحقيقة فعلا.
ماريهان:طيب ازاى.
تيم: سعيد ورغد اتعرفوا على بعض بسبب شغلهم الزبالة ده والعلاقة بينهم بقت قريبة ولان جوز رغد مكانشى بيجى مصر كتير رغد وسعيد بقو يروحو لبعض كتير وفى يوم حصلت بينهم علاقة وكنتى انتى نتيجة العلاقة دى للأسف رغد خبت حملك على الكل وعلشان هيا مكتشفتش إنها حامل فيكى غير فى الشهر السادس مكنش ينفع انها تعمل عملية اجهاض ولما انتى اتولدتى بعتتك لسعيد .
ماريهان بانهيار: يعنى انا دلوقتى بنت حرام يعنى كل الوقت ده وانا امى عايشة ومفكرتش حتى أنها تسأل تطمن عليا لاء وكمان ليا اختيين ومكنتش اعرف عنهم حاجة.
الناس كلها بصت عليهم .
تيم:اهدى يا ماريهان مينفعش كده.
ماريهان بعياط:يعنى انا دلوقتى بنت حرام ،قلى انك كنت بتكدب عليا والنبى.
تيم :للأسف مش بكدب عليكى.
ماريهان فضلت تعيط وانهارت تيم اخدها في حضنه واستغرب نفسه جدا من اللى عمله ده.
تيم :خلاص بقا يا ماريهان اهدى.
ماريهان :اهدى بعد ايه بعد كل اللى عرفته ده .
تيم: انا اسف انى قلتلك.
ماريهان بعدت عنه ومسحت دموعها.
ماريهان:لاء ما تتأسفش انت ملكش ذنب فى اللى حصل.
تيم :ولا انتى كمان ليكى ذنب.
ماريهان كملت بعياط:فى حاجة كمان ولا خلاص كده.
تيم: أنا عايز مساعدة منك يا ماريهان.
ماريهان بعياط :مساعدة ايه.
تيم:عشق.
ماريهان: مالها.
تيم:عشق يوم ما اتخطفت أسد حب انه يعرف مين اللي عمل كده احسن يكون حد من اعداءه ولما راجع الكاميرا اللى كانت قدام الجامعة لقا ان العربية اللى كانت واخده عشق مشيت من اتجاه تانى وموقفتش وعشق لما رجعت رجعت بعدها بثوانى وكان من طريق مختلف تماما.
ماريهان:وايه المطلوب منى.
تيم:المطلوب منك انك تعرفى عشق بتعمل او بتكلم مع مين اى حاجه تقولى عليها يمكن نقدر نوصل لحاجة.
ماريهان: توصلوا لحاجة زى ايه مثلا ما عشق موجودة اهى.
تيم:وممكن ما تكونش دى عشق ويكون حد تانى.
ماريهان:تمام.
تيم :بس مش عايز حد يعرف بالموضوع ده.
ماريهان:ماتقلقش.
تيم: طيب يلا علشان اوصلك.
________
فى نهاية اليوم الكل رجع بيته ومحمد كان قاعد مع والدته فجأة جاله اتصال من رقم مجهول محمد بعد عن امه ورد على المكالمة لقا صوت سوزى.
سوزى:لو مبعدتش عن ملاك وبقيت ليا أنا يبقا تنسا حبيبة القلب خالص.
محمد:انتى بتقولى ايه.
سوزى:افتح الواتس وشوف الرسايل اللي مبعوتالك من الرقم ده سلام.
وقفلت التليفون.
محمد فتح الواتس لقا صور ليه هوا وسوزى مع بعض وهما قريبين جدا محمد اتصل على الرقم ده لقاه اتقفل.
محمد:اه يا بنت الك**.
________
ماريهان رجعت البيت ودخلت اوضتها وفضلت تعيط وبعد كده اتوضت وصلت وفضلت تدعى ربنا وهيا بتعيط بحرقة.
________
فى عصر اليوم التالى.
كانت ماريا وسيلين وميرنا وماريهان قاعدين فى الصالة.
ماريا:مالكم قاعدين زى الضفادع المطلقين كده ليه.
سيلين: عيزانا نعمل ايه يعنى.
ماريا:ما تفرفشو وتهيصو كده بدل الكآبة دى.
ميرنا:وبعد ما نعمل كده .
ماريا:غورو ده انتم عيال هم وربنا.
سيلين: مالك يا ماريهان.
ماريهان: ماليش أنا تمام.
ماريا:ما تبطلوا برود بقا واضحكوا وهزروا ايه اصله ده.
ماريهان بحزن تحاول ان تدارية:طيب يلا نعلب لعبة.
ماريا:لعبة ايه.
ماريهان:هقول اغنية واخر حرف تكملو بيه اغنية جديدة تمام.
سيلين:تمام.
ميرنا: مش فهماها.
ماريا:بصى يا عشق ماريهان هتقول اغنية تمام واخر حرف هتقوله اللى بعدها هيجيب بيه اغنية جديدة.
ميرنا:اممم تمام.
ماريهان: حب عمرى نسيته وفاتنى عشت مع واحده تموتنى .
سيلين:حرف الياء يابتاع السكر يا مسكر يا مسكر.
ماريا: الراء اممم رقت عيناى شوقا ولطيبة زرفت عشقا فأتيت إلى حبيبى فإهدأ يا قلبى ورفقا.
ميرنا:حرف الاف اجدع صحاب صحابى من صغرى دول اللى يمشو معايا دول اغلى ناس هما الاساس واقولكو ايه قضينا اجمل وقت فى حياتنا دايبين فى بعض بحكياتنا بفرحتنا بلمتنا نروح ليه.
ماريهان: حرف الهاء هات سجارة جارة خد سجارة جارة هات الولاعة لعا خد الولاعة لعا وقت الفراغ فراغ نعمل دماغ دماغ ونضحك هأهأ ونزعل لأ لأ طب مسا مسا مسا طب تانى مسا مسا.
سيلين:حرف الالف اصحابى فى الشدة اتنين فى المصلحة يبقم الفين وابكى يا قلب وابكى يا عين على اللى راحو ومش راجعين.
ماريا:نور عينى قلبى من جوه يلاغينى وغيرو منى ولما اجى اقوله اقابلك يدلع يدلع.
ميرنا: لاء مش عارفة اغانى بحرف العين.
ماريهان:عايم فى بحر الغدر شط الندالة مليان في قلوب ماليها الشر والبر مالو امان ييجى الخسيس منكم .
سيلين: حرف الميم ممنوع حد يقرب منك اه ياوحش الكون يا سابق سنك.
ماريا:كاف كده كده يا قلبى ياحته منى يا كل حاجة حلوة فيا.
ميرنا:اندال اندال اندال والله مافيكم جدعان بس اشهدلكوا رجالة كلكوا لما بتحضر نسوان طب بصو الخطة الجاية انا هشترى مركبة فضائية وهزامل فضائيين مهو اصل صحابى مش صافية النية.
ماريهان: تسمحو ازا بتسمحو هالقمر ما بقا تجرحو لو زعل أنا بصالحو حبيبى .
سيلين:بقولكو ايه يا مطربين بدل ما احنا قاعدين نغنى ايه رأيكم نقوم نذاكر حرف فى ام المنهج اللى عندنا ده علشان منشلش مواد.
ماريا:انا الحمد لله وبإذن الله اكتر واحده هتشيل مواد.
ماريهان: طيب بقولكم ايه انا هقوم اذاكر بقا.
ماريا وسيلين: واحنا كمان.
ميرنا مسكت تليفونها وفضلت تقلب فيه.
ماريا: طيب بالنسبة للاخت عشق دى معانا ولا ايه حكايتها.
ميرنا:روحو انتم ذاكرو وانا هبقا احصلكم.
كل واحده فيهم راحت تذاكر بس بعد كده ايجت مسج لماريهان على الماسنجر فتحتها لاقت واحد باعتلها.
ازيك يا مزة .
الو.
ماريهان ضحكت.
ماريا:مالك يا بت بتضحكى على ايه.
ماريهان: واحد باعتلى بيقولى ازيك يا مزة.
ماريا:ورينى كده.
ماريهان :امسكى.
ماريا:طيب ردى عليه.
ماريهان:لاء انتى اتهبلتى.
سيلين:ردى عليه ياصحبة.
ماريهان: هبعتله انت مين.
ماريا:اشطا ابعتى.
ماريهان: ده بيقولى انتى بنت ولا ولد الصراحة.
ماريا:قوليله انا بنت .
ماريهان:الحقى يا بت ده طلع عنده ١١ سنه.
ماريا: قوليله أنا عندى ٢٣سنة كبيرة عليك.
ماريهان: ده بيقولى امك ايه.
ماريا: ايه.
ماريهان: بعتلى قصدى اسمك ايه.
سيلين:قوليله اسمى رشدى 😂.
ماريهان بضحك:يا نهار ضحك يا ولاد ده بيقولى اسمك غريب اوى انتى اجنبية صح😂😂.
ماريا :قوليله اه اصل بابا من مصر وامى من مرسى علم.
ماريا:يالهوى يا بت ده بيقولك نتجوز ونسافر بره ايه الهبل ده .
ماريهان: بيقولى انتى حاطة صورة ولد ليه فى الصورة الشخصية بتاعتك.
ماريا :قوليله دى صورة حبيبى كنت حطاها لما كنت عايشة في مرسى علم بس سافرت وجيت القاهرة هنا ومعرفناش نكمل.
ماريهان:بعتلى بيقولى انا ارجل منه حطى صورتى انا بغير عليكى انتى فاهمه قوليلى بحبك.
سيلين:قوليله بحبك.
ماريهان:بعتلى يقولى قوليها بصوتك علشان اصدق.
سيلين:ابعتى بس خشنى صوتك شوية.
ماريهان:استغفر الله العظيم استعنا على الشقا بالله.
ماريهان: ده بيقولى انتى مال صوتك تخين كده ليه انتى بتشربى سجاير 😂😂😂 .
ماريا بضحك :يا لهوى على الضحك طيب قوليله لاء بشرب معسل.
ماريهان بضحك: بيقولى انا عايز اتجوزك ونعيش فى شقتى انا كسيب اوى انا بكسب حلو من التوكتوك اللى شغال عليه فى بلدى انا ابويا غنى وعنده ارض بنزرع برسيم وفول حراتى😂😂😂.
ماريا:قوليله لاء أنا كنت مفكره كورن فليكس😂😂😂.
ماريهان :بيقولى اه ابن الهبلة.
سيلين:قوليله اه ايه .
ميرنا: مالكم بتضحكو على ايه.
ماريا:بنضحك على واحد اهبل.
سيلين:تعالى انتى كمان.
ماريهان:بيقولى اه هجيبلك الكونو بليكس اللى انتى بتقولى عليه ده .
ماريا :كونو بليكس مين يا اهبل 😂😂.
ميرنا: قوليله فى هايبر عندكم تجيبلى منه.
ماريهان:بيقولى لاء احنا بنزرع كل حاجة حدانا ده عمى عنده ارض كبيرة اوى لدرجة اننا بنزرع فيها بقدونس 😂😂😂.
ماريهان:قوليله بقدونس ايه يسطا طيب مش مهم أنا عايزة خاتم دهب 😂😂.
ماريهان:بيقولى انا هجيبلك اى حاجه ده انا كسيب اوى ده انا بكسب ٥٠ جنية فى اليوم 😂😂.
ماريا:وافقى يا بت ده الواد غنى خمسين جنية 😂😂.
ماريهان:بيقولى هروح اكل واجى.
سيلين: قوليله هتاكل ايه.
ماريهان: مردش.
ميرنا بضحك:اسمه ايه.
ماريهان: اسمه اسامة.
ماريا :طيب ابعتيله رد عليا يا اوس اوس😂😂.
ماريهان:بيقولى هاكل ملوخية وشوربة وكوشرى 😂😂😂.
ماريا: 😳😳😳😳😂😂😂.
سيلين ابعتيله الصورة دى يا بت .
*قصدها على الصورة دى *

ماريهان: الحقى يا بت ده بيقولى انا بحب الفيلم ده اوى اللمبى تمنية جيجا نبقا نتفرج عليه انا وانتى واحنا قاعدين على السطح 😂😂.
ماريا: قوليله بصراحة يا اوس اوس انا عندى سر.
ماريهان: بيقولى سر ايه انطقى.
ميرنا: قوليله أنا حامل في اربعة موافق تتجوزنى والخلفة بالنص 😂😂😂.
ماريهان: اكيد لاء مش هبعت كده.
ماريا:يلا بقا ابعتى.
ماريهان:طيب استنو.
سيلين: بعت ايه.
ماريهان: بيقولى من مين يا خاينة.
ماريا بضحك جامد:ابعتيله متظلمنيش يا اوس اوس 😂😂😂.
سيلين وابعتيله انا عندى سر اكبر.
ماريهان: بيقولى سر ايه انا مصدوم 😂😂.
ماريا :قوليه انا مش بنت.
ماريهان:بيقولى اومال ايه.
ميرنا :قوليله انا نجمة بحر😂😂.
ماريهان: بيقولى يعنى ايه.
ماريا:قوليله عارف سبونج بوب .
ماريهان:بيقولى الأصفر 😂😂.
ماريا :هوا معلمهم بالألوان 😂😂قوليه اه الاصفر مش كان ليه واحد صحبه اسمه بسيط قوليله أنا نجمه شبه بسيط كده 😂😂.
ماريهان: بيقولى ايوة وانا مالى انتى حامل من مين 😂😂😂.
ماريا بضحك: جماعة أنا خلاص معنتش قادرة 😂😂😂😂.
سيلين:قوليله انا ولد مش بنت بصراحة.
ماريهان: ببقولى انتى ولاد 😂😂.
سيلين:يا عينى ده طلع فاشل حتى فى المفرد والجمع😂.
ميرنا: ابعتيله أنا gay .
ماريهان:بيقولى يعنى ايه علشان أنا بصراحة مش بفهم فرنساوى 😂😂.
ماريا:قوليله ده مش فرنسى ده لغة مرسى علم.
ماريهان:بيقولى اه لغة بلاد برا يعنى 😂.
ماريا:قوليله اه .
ماريهان:بيقولى طيب انا عايز نتجوز علشان تسفرينى بلاد برا 😂😂.
ماريا :ابعتيله..
ماريهان بضحك:وعليا النعمه ما هبعت حاجة تانية كفاية كده😂😂.
ميرنا:يا نهار ابيض عالضحك يا جدعان ايه ده😂😂.
سيلين:ياريت فى منك كل يوم يا اوس اوس 😂😂😂.
ماريهان:يلا بقا ضحكنا وهزرنا واتريقنا على الواد كل واحده ترجع مكانها وتكمل اللى كانت بتعمله.
كل واحده فيهم مشيت وبعد كده بصو لبعض وضحكوا كلهم مره واحده😂😂😂😂.
_________
فى مطار القاهرة وعلى ارضية الفضاء الواسعة الخاصة بالطائرات تحط عجلات احدى الطائرات الخاصة ...
توقفت الطائرة اخيرا ليفتح باباها ويطل هو بجبروته وهيبته
ووسامته التى ما زال محتفظا بيها ظهر شخص عبارة عن كتلة من الوسامة المتحركة.
ونزل من الطائرة وكان في انتظاره الكثير من العربيات السودا والحراس وطلعت زوجته من بعده وركبت السيارة وذهبو معا إلى....
_______
ملاك كانت فى اوضتها لابسة بجامة مرسوم عليها رسومات كرتونية وعاملة شعرها كعكتين صغننين ومشغلة اغنية Fire ل BTS وحاطة السماعات في ودانها وعمالة ترقص
وتتحرك بجنون على صوت الموسيقى .

وامها خبطت على الباب وهيا ولا هنا.
سمر دخلت الاوضة لاقت بنتها بتتنطط وبترقص
سمر :ربنا يعوض عليا عوض الصابرين يا رب.
ملاك كل ده مش حاسه بأمها خالص.
سمر:ملاك مللللااااككككك.
ملاك حست ان فى حد بينادى وشالت السماعة .
ملاك:هوا فى حد بينادى.
سمر من وراها:اه انا يا روح امك.
ملاك بخضة:ايه ده يا ماما بسم الله الرحمن الرحيم مش تبقى تخبطى بعد كده خضتينى.
سمر :وحياة امك .
ملاك:خضتينى والله.
سمر :طيب يلا علشان الأكل جهز.
ملاك:لاء ماليش نفس هبقا أكل شوية كده.
سمر:مش هعيد الكلام التانى انجزى.
ملاك :طيب روحى وانا جايه وراكى.
سمر:مسافة ثوانى والاقيكى ورايا انتى فاهمه.
ملاك:طيب طيب.
_________
لورين كانت قاعدة على الس رير فى اوضتها وماسكة تليفونها
بتدور فيه على حاجه واستمر البحث ده لأكتر من نص ساعه لحد ما قامت تتنطط على السرير وتصرخ.
لورين بفرحة: لاقيته لاقيته لاقيته .
سام دخل عليها من غير ما يخبط .
سام :هوا ايه ده اللى لاقتيه.
لورين:نزلت من على السرير.
لورين:وانت مالك ياض.
سام:معاكى حق أنا ماليش.
لورين:انت عايز ايه.
سام:أنا كنت جاى اقولك انى مش عارف احل مسألة في ال Homework بتاعى.
لورين :ليه الفشل واصل معاك لدرجة انك مش عارف تحل مسألة.
سام :بلاش تتكلمى انتى على الفشل علشان يعتبر انتى أكتر واحده فاشلة في للحياة.
لورين: ابقا اوصل بس لمستوايا وتعالى كلمنى.
سام :لسه بدرى علشان اوصل لمستواكى.
لورين: علشان تعرف بس.
سام:اصلى هحتاج انى انزل كتير اوى علشان اوصل لمستواكى 😂😂.
*يالهوى يا لورين قصف جبهتك😂😂*

لورين: اه يا ابن روز طيب والله لأوريك وطلعت تجرى ورا سام والخدم بيضحكو على جنونهم هما الإتنين.
لورين وهى بتنزل السلم ورا سام:خد يلا هنا يلا وانا هوريك مستوايا خد يلا.
وطلعت تجرى ورا سام فى الجنينة وبعد كده دخلو الفيلا وهى بتجرى خبطت فى عمر.
عمر:الله يخربيتك ما تتهدى بقا شوية.
لورين: اسفين يا كابتن.
وبصت عليه لاقته متشيك وعلى سنجة عشرة😂.
لورين:اومال انت رايح فين كده.
عمر:اتصلت على ماريا وقلتلها تقابلنى وهنخرج شوية أنا وهيا.
لورين: الله يسهلو يا عم.
عمر:ما بلاش فقرك ده .
لورين:اتكل يبا على الله يلا.
عمر:اعقلى شوية يا ماما.
لورين:حاضر حاضر.
وبعد ما عمر مشى لورين فضلت تدور على سام وملاقتهوش.
لورين:والله يا كلب البحر لأوريك بس لما اشوفك تانى.
وطلعت اوضتها ومسكت الفون وفتحت فسيبوك ودخلت على أكونت حد معين وفضلت تقلب في الصور.
لورين :يخربيت جمال امك معقولة في قمر كده يا جدعان ايه الحلاوة دى
بس المشكلة ان اسمه مش لايق على شكله المفروض كانو يسموه قمر حلاوة وسيم مش كامل
يلا ما علينا طيب أبعتله أد ده دلوقتى ولا أنا اعمل ايه أنا هبعتله وأمرى لله بقا.
وبعتت لورين طلب صداقة لكامل.
لورين: خلينا بقا قعدين لحد ما نشوف هتقبله ولا لاء يا استاذ كامل.
_________
سيلين:الله يسهلك يا عم رايح تتفسحى.
ماريا:اخرسى يا بت.
ماريهان:محدش قدك يا عم وربنا.
ماريا: بس يا عره منك ليها كاتكم القرف.
سيلين: ماريا يا حبيبتى هوا انتى بتتعاملى مع عمر ازاى على كده.
ماريا:بتعامل معاه زى ما بتعامل معاكو كده.
ماريهان:يبقا الواد ده مش هيطول صدقينى.
ماريا: طيب اخرسى يا حيوانة منك ليها واتلمو شوية.
ماريهان: بس حلو اللى انتى لابساه ده .
ماريا:ميرسى ميرسى.
كانت ماريا لابسة فستان بحملات رفيعة ابيض بحزام من النص ابيض لحد الركبة ولابسة جذمة بيضا .
ماريا: همشى أنا بقا سلام.
ميرنا: استنى.
ماريا:ايه.
ميرنا ادت ماريا سلسه جميلة جدا.
ميرنا: البسى دى هتكون جميلة جدا عليكى.
ماريا حضنت ميرنا جامد.
ماريا:ربنا يخليكى ليا يا عشق وميحرمنيش منك ابدا.
ميرنا:حبيبتى.
ماريا:سلام بقا .
ومشيت.
ماريهان: يوم ما اجى اخرج انا كمان تجبيلى سلسلة بس انا بقولك اهو.
ميرنا:حاضر.
سيلين: بنات انا هقوم اجهز اكل حد هياكل.
ماريهان: أنا.
ميرنا: وانا.
سيلين: اشطا.
وقامت دخلت المطبخ وابتدت تجهز الاكل.
عند ماريهان وميرنا بره.
ماريهان كانت بتفكر ازاى تتكلم مع عشق وتعرف ايه اللى بيحصل.
ماريهان: هاتى تليفونك كده يا عشق.
ميرنا:ليه.
ماريهان: اصل عايزة اتفرج على اليوتيوب وتليفونى فصل شحن.
ميرنا بشك:امسكى.
ماريهان: ميرسى.
ماريهان اخدت التليفون وجات علشان تفتح الرمز ماعرفتش.
ماريهان: الباسورد ايه.
ميرنا:هاتى افتحه.
ميرنا: فتحته.
ماريهان اخدته وايجت تدخل على الصور لاقتها مقفولة برمز جات تدخل على المكالمات لاقتها مقفولة برمز بردو.
ماريهان: ايه ده انتىقافله التطبيقات برموز ليه.
ميرنا: اليوتيوب من غير رمز.
ماريهان:معلش اصلى دوست بالغلط على الصور لاقتها مقفولة برمز فافتكرت الكل مقفول.
ميرنا:لاء.
_________
عند ملاك كانت قاعدة على السفرة مع مامتها بياكلو لاقو الخدامة جاية عليهم.
الخدامة: ملاك هانم فى حد باعتلك الظرف ده.
ملاك:طيب حطية هنا.
سمر:مين اللي بعته.
ملاك:هنعرف شوية كده بعد ما اخلص اكل.
سمر:ما انتى كنتى بتقولى مش هاكل.
ملاك : هوا انتى قاعدة تحسبى عليا لقمتى ولا ايه يا سمر.
سمر :مش هرد عليكي.
ملاك :طيب .
بعد ما خلصو اكل الخدم اخدو شالو السفرة وملاك اخدت الظرف وطلعت
اوضتها وحطت الظرف على التسريحة وشغلت اغانى وفضلت ترقص وبعدين افتكرت الظرف
وراحت علشان تفتحه وتشوف فى ايه وبعد ما مسكته تليفونها رن .
ملاك: الو يا تسنيم.
تسنيم:أنا تمام انتى فين.
ملاك:أنا فى البيت هكون فين .
تسنيم:طيب ايه رأيك تكلمى البنات ونخرج بكره.
ملاك:اشطا هكلمهم.
تسنيم: خلصا ابقى ردى عليا بقا.
وقفلو المكالمة وملاك سابت الظرف على التسريحة وكلمت البنات وقالتلهم ووافقو على طول.
________
سيلين حطت الأكل على النار وجاسر اتصل عليها وطلعت بره المطبخ وراحت اوضتها علشان تكلمه وفضلت اكتر من تلت ساعة تكلم فيه ونسيت الأكل وبعدين شمت ريحة حاجة بتتحرق طلعت تبص فى ايه لاقت الأكل اتحرق طلعت تجرى على المطبخ وقفلت فى وش جاسر.
ماريهان وميرنا طلعو على ريحة الأكل اللى اتحرق.
ميرنا:حرقتى الأكل شاطرة يا ختى.
ماريهان:هتأكلينا أكل محروق بقا ولا ايه.
سيلين:بس يا خفة منك ليها.
ماريهان:هتبقى ست بيت فاشلة.
سيلين: فى إيه يا بت انتى وهيا انتو هتحفلو عليا ولا ايه.
ماريهان: لاء خلاص.
_________
ويخلص اليوم وينام الكل علشان يستعدو ليوم تانى ملئ بالأحداث والمفاجأت.
تانى يوم الصبح ملاك صحيت وغيرت هدومها و راحت علشان تحط
بعض من المكياج الخفيف افتكرت الظرف فتحته
ولاقت حاجة خلتها مصدومة 😳😳😳😳😳😳😳