رواية عاصفة القدر الجزء الثاني
الرابعة عشر
بقلم إيمان المهدى
فهد. مفاجأة مش متوقعة صح يا نور .... مبروك يانور على تحديد جوازك انت والصياد بتاعك
نور بعصبيه انت ايه جايبك هنا
فهد جاي اقولك انك مستحيل تتجمعى انت ومراد مع بعض موتى قبل ما اخلى الصياد الفقير ياخد حاجة انا عينى عليها .
نور بغضب. انت عايز منى ايه
فهد عايزك يانورى
نور دا ف احلامك يافهد وبعدين خلاص كل الاعيبك انكشفت ومش هتقدر تفرقنى انا ومراد تانى حبنا بقا اكبر منك ومن عاليا واكبر حتى من القدر ذاته لان مراد مش أدهم الصياد البسيط لأ انا هتجوز إبن عائلة آل سليمان وريث القصر الذهبى وصاحب إمبراطورية آل سليمان ومش ضعيف زي ما انت فاكر. مع أنه عمره ما كان ضعيف حتى لما كان أدهم البحيرى فإياك تفتكر أن ممكن يخليك تهزمه أو تهزم حبه
فهد. كان بيلف حول نور ويصقف بإيده. ايه القوة دى كلها يانور. للدرجاتى مقويه قلبك بالإسمه مراد دا بس للأسف. ولا حتى مراد سليمان يقدر ياخدك منى.
انا هربت من السجن عشان انتقم منه واخدك غصب بعد ما اقهره عليكى
نور. مش هتقدر يافهد. وهنكتب كتابنا. وقبل شهر هنكون مع بعض وانت بقا مكانك السجن لانه اتعمل لأمثالك
فهد. وماله. وانا هسبكوا تكتبوا الكتاب وتبقى مراته وقبل ما يلمس شعره منك هخدك عشان القهر ال هيحس بيه وقتها هيبقى
مضاعف لانك مش هتكونى مجرد حبيبته. انت هتكوني مراته وشرفه شوفى بقا إحساسه ايه وواحد غيره هو ال ....
نور بإشمئزاز. انت انسان مقرف وقذر ومكنتش فكراك بالحقارة دى. صدقنى نهايتك هتبقى وحشه اوووى يافهد وهتبقى على ايدى
فهد مع أن أشك ان ال زيك تقدر تعمل كدا بس اتمنى اموت على إيديك ياقمر كلها أيام وتكونى بين احضانى وسابها وخرج بسرعة قبل ما حد يلاحظ وجوده.
نور كانت ف صدمة كانت فاكرة ان خلاص القدر بقا ف صالحها وان العقبات ال مرت بيها هي ومراد والعيله اوشكت على الانتهاء بمجرد زواجهم كل صعب هيبقى سهل بس للأسف الأصعب كان ف جوازهم لأن فهد خبيث الدرجة ان ممكن فعلا ينفذ تهديده وياخدها من مراد. كانت بتدور ف الغرفة زي المجنونه بتحاول تفكر طيب هتقول لمراد وتحكيله عن مقابلتها بفهد وتهديده ولا تسكت خوفا عليه من أي تهور ممكن يفرقهم
نور بدموع. أعمل ايه ياربى. واقدر اساعد نفسى ازاي مسكت الفون وحاولت تكلم يوسف وكل مرة لونه مشغول وبغضب ماترد بقا يا يوسف حتى انت
يوسف كان مشغول بمكامله بيحجز تذكرة سفر لانه خلاص قرر يبعد نهائى عن نور ويسيبها تكمل حياتها أول ما قفل جاتله مكاملة نور اختار بين الرد وبين رفض المكالمه بس أخيرا رد عليها.
نور. يوسف انت فين دورت عليك ف كل المشفى مش موجود
يوسف. ف حاجة يانور
نور. أه يا يوسف محتجالك ضرورى. قولى انت فين أجيلك
يوسف. أنا جاي على المشفى خليكى
نور ارجوك متتأخرش
يوسف. حاضر
صفحة حكآيآت إيمى
بقلم إيمان المهدى
مروة اخدت سهى وراحت قصر البحيرى سانت على مامتها وبابها. ومحبتش تعرفهم بخبر زواج مراد ونور عشان عارفة ان مراد عايز يقولهم بنفسه ويفاحئهم اذتأذنت مامتها واخدت مايا وخرجوا البنات الثلاثه على السوق يشتروا فساتين الفرح ويكملوا باقى مستلزمات سهى مروة قالت لمايا على خبر زواج مراد ال فرحت جدا واتصلت بأخوها باركتله واتمنت ليه السعادة مع نور.
بعد أقل من ساعة كان يوسف قاعد مع نور ف كافتيريا المشفى.
نور بتوتر وخوف واضح على ملامحها لاحظها يوسف
يوسف بقلق. مالك يانور. فيه حاجة حصلت شكلك متضايقه
نور. فهد. جالى هنا ف المشفى
يوسف بإستغراب. فهد ... مين فهد
نور بضيق. فهد يا يوسف حكتلك عنه قبل كدا
يوسف بمحاولة للتذكر. نور فهد دا ال كان عايز يتجوزك صح
نور ايوه هو زفت
يوسف. بعدم تصديق. معقول طيب ازاي مش قولتيلى انه أتمسك على ذمة قضايا كتير وان اتحكم وخلصتى منه ومن ابوه دا
نور. هرب يايوسف. وقدرى ان هرب مخصوص ينتقم من مراد عشان هو كشفه وبلغ عنه وكمان عشان ياخدنى منه
يوسف ياخدك ازاي يعنى هو جنان وخلاص
نور. فهد مش مجرد شخص مجنون. دا انسان ميعرفش ربنا.ابليس ف حد ذاته وكل ال يهمه ان يحصل عليا مش حبا فيا قد ما إنتقام من مراد وان يقهره عليا
يوسف.معقول الدرجة دى طيب انتى حكيتى لمراد
نور لأ مش هقدر أحكيله خايفة لو حكيتله يتهور ويأذيه أنا مش هقدر اخسره تانى مراد لو عرف الزفت دا ناوى على ايه مش هيكفيه موته
يوسف. هو عايز ايه بالظبط احكيلى ال حصل بالتفصيل. نور حكاتله كلام فهد كله.
يوسف. معقول بيفكر بالقذارة دى. يعنى ازاي
بيحبك. وهو عايزك تتجوزى غيره ويقرر يخطفك ويأذيكى لمجرد ان ينتقم من مراد ف مراته. أنا كدا فهمت للأسف ال زي فهد دا. انتقامه. أكبر بكتير من حبه ليكى
نور. حب فهد يعرف يحب
يوسف. أه. بيحبك. بس امتلاك. هو عايزك وبس شايفك من ممتلكاته. بس ف نفس الوقت عارف أنك اكتر حاجة هتقهر مراد ومش بس كدا هو عايز يكوى قلبى بجمر يعنى لو فكرة يلمسك وانت مراته دا ف حد ذاته بيكوى قلبه عليكى وان مش قادر يحمى مراته ولا شرفه. فكدا يبقى فهد عمل ال نفسه فيه. حصل عليكى. وموت مراد بالحيا
نور. ببكاء. مش عارفة أعمل ايه يايوسف أنا مش قادرة افكر.
يوسف بتفكير. نور احنا ممكن نكلم محمد هو وكيل نيابه ومراد بالنسباله يبقى اخوه ال اتربوا سوا واكيد هيساعدنا بعيد عن مراد
نور. محمد أه هيساعدنا بس مستحيل يكذب على اخوه وهيحكيله أنا مش عايزة حد يعرف من العيله عايزة فهد يتمسك واخلص منه بعيد عن ادخل وجه القلب والخوف تانى لعيلتى أنا ما صدقت ان الأمور اتصلحت
يوسف. طيب والعمل يانور
نور خليط بس جمبى محتجاك داعم ليا زي ما كنت دايما
يوسف. أنا جمبك يا نور من غير ما تطلبى بس لازم حل ولازم نبلغ عن فهد وعن تهديده ليكى يمكن نقدر نساعد ف انه يتقبض عليه تانى
نور بتفكير. فيه شخص ممكن يساعدني
يوسف. مين.
نور. الظابط باسم. دا نفس الظابط ال اخوه كان صاحب محمد وال قتله ابوفهد وكمان يعرفنى ويعرف كل حصلنا أنا ومراد من ورا فهد وابوه وهو ال قبض عليهم أكيد هيساعدنى لانه بيكره فهد جدا ولوقلتله ميحكيش لمراد مش هيتكلم
يوسف كويس جدا بس أنت عارفة مكانه حاليا او حتى رقم تلفونه
نور للأسف لأ بس أكيد هو على تواصل مع مراد لانهم اتصاحبوا وقت ما كانوا بيحاولوا يوقعوا يسرى ...
أنا هحاول أجيب الرقم من فون مراد
بعد كام ساعة خرجت نور من المشفى لتجد مراد ف انتظارها.
مراد بإبتسامة حب. اتأخرت عليكى.
نور كانت بتحاول تكون طبيعة لا ياحبيبى أنا لسه يادوب مخلصه
مراد بقلق. مالك يانورى
نور. مفيش حاجة يامراد هكون مالى
مراد. متخبيش عليا وتحاولى تبانى طبيعيه أنا فاهمك يانور
نور. ابدا أنا بس يمكن قلقانه من الجواز والتحضيرات وكدا
مراد. بحب. معقول تقلقلى وانا جمبك يا نورى ومسك كف ايديها وقبلها طول ما أنا جمبك مستحيل تخافى او تقلقى أنا روحى فدا أي قلق ولو بسيط يا نورى ويالا اضحكى بقا خلينا نفرح يا قلبى ونعوض من ال فاتنا
نور ضحكت وجواها زعل من نفسها انها مش قادرة تحكيله وخوف عليه نفسها لو سبب ياخدها ويهرب بيها لأبعد نقطه على الأرض يمكن تقدر تبعد عن القدر ال دايما ملاحقهم بعواصفه
نور خرجت من تشتتها وابتسم بحب. هنروح عند طنط عبير
مراد. بإبتسامه. لأ هنروح الأول نختار شبكتك وفستان كتب الكتاب وبعدين اعملى حسابك كل يوم نخرج بعد الشغل نجيب ال ناقصنا
نور بحب ماشى ياحبيبى لو كدا كلم مروة هى خرجت مع مايا وسهى يختاروا فساتين لو ايه موجودين نروحلهم يختاروا معايا
مراد اوك. وكلم مروة عرف مكانهم وقالها تنتظرهم وهما جايين
بعد شويه كان مراد ونور وصلوا وبيسلموا على مايا وسهى. مايا ألف مبروك يا حبيبى مبروك يانور وأخيرا هتتجمعوا. مراد ونور الله يبارك فيكى يا حبيبتى
شخهر مبروك يادكتورة. نور. تسلميلى ياسهى وياريت ترحمينا وبطلى الألقاب دى أنا خحظرتك قبل كدا براحتك بقا هخلى حسام بتصرف معاكى
مراد وانا بقا روحت فين عشان حسام يزعلها
نور. أنا قلت يزعلها مراد انت بتهديدها بيه نور ملكش فيه يامراد دى حوارات بنات. سهى بضحك خلاص مش هقول غير نور وبس بطلوا خناق
مراد. مين قال بنتخانق احنا بنجب تخزى العين عنا
سهى بضحك بقى. ماشى يامستر مراد ربنا يسعدكم يارب
مراد بهزار. مستر مين. مفيش فائدة فيكى وانا ال بدافع عنك. بس أنا بنفسى ال هشتكيكى لحسام
مايا بهزار. يابنى إرحم البنت انت ونور كدا هتفكر أخويا متحوش متصدقيش ياسهى حسام طيب جدا وبيحبك اووى
سهى عارفة مفيش أطيب من قلب حسام
مراد يابختك يا حسام. وغمز لنور ابقى اتعلمى هااا
نور. أنا بردوا يامراد دا معدش بيدلعك قدى
مروة. انتوا عاملين زي القط والفار وانا معنديش طولة بالك متخلصى يا جوليت. عايزة اروح أنا من الصبح بلف معاهم لما رجلى نفخت.
مراد. هههههه معلش يا حبيبتى يالا بينا
دخلوا وفضلوا كتير يدورا على فستان لكتب الكتاب لحد ما مراد اختار فستان سيمبل ورقيق طويل وبأكمام وطلب من نور تقيسه. شويه وخرجت كان شكلها جميل جداً قرب منها. وبحب تعرفى أنك شبه الحوريات يانورى
نور. وانت شفت الحوريات فين يا حبيبى
مراد يخربيت الفصلان.
نور بضحك. عشان بتقولى اتعلمى هااا. بس قولى بجد حلو عليا
مراد. جميل جداً بس أنت ال محلياه ياقلبى
نور. ربنا يخليك ليا ياحبيبى
مايا جميل جدا يانور مبروك عليكى
مروة فعلا رقيق وشكله تحفه سهى بصراحة طالعة قمر يانور. وهتغطى عليا كمان.
نور متقوليش كدا ياحبيبتى دي ليلتك ربنا يفرحك
سهى بتكلم جد ماشاء الله الفستان جميل وانت محلياه بجمالك
مرادشكلى هنغيره نور ايه يامراد أنت ال مختاره
مراد البنات بتتغزل فيكى أعمل أنا ايه ف الناس ال هتكون ف الفرح اداريكى ازاي من عيونهم
مروة. مالك ياروميو تعدى يابنى شويه محدش هيخطفها ابقى لبسها خمار على وشها
مراد. فكرة بردوا
مروة. يا عينى يامراد دا لسعت على الآخر. ضحكزا كلهم وخرجوا. ومروة روحت عشان اتأخرت على زين ونور خافت يضايقوا سميرة ووصلت سهى ف طريقها ومايا فضلت مع مراد يختاروا الشبكة وبعدها راحوا على قصر البحيرى استقبلتهم عبير ومحمود ومحمد بحب وفرحوا انهم حددوا فرحهم باركولهم وقضوا اليوم مع بعض. وآخر اليوم كان نور قدرت تاخد رقم الظابط من فون مراد.
سميرة شافت شبكة بنتها والسعادة ال كانت على واضحه عليها هى ومراد. باركت ليهم وطلبت منهم ان من بكرة هيبدأوا ف تجهيز الجناح والعمال هيشتغلوا من بكرة ويفتحوا الجناحين على بعض
نور وانا هنام فين ياماما ومراد هيروح فين. هو كمان
مراد. لوكدا نامى ف قوضه الضيوف وانا هنام مع نور. وقرب من بنته وشالها. ايه رأيك يا قلب بابا هنام ف حضنك شهر كامل
نور ص. لا يابابى انا هنام مع طنط نور عشان بتحكيلى بتلعب معايا قبل ما انام
مراد. بسرعة كدا بعتينى
نور أنا كمان عايزة انا مع حبيبه قلبى واخدتها من مراد.
مراد. اتفقتوا عليا
نور. أه وبصت لنور مش يالا بينا نطلع نلعب ونسيبه يدور على مكان ينام فيه
مراد دا القصر الذهبي يعنى مفيش اكتر من الغرف فيه.
وبص لسميرة عجبك كدا بيتفقوا عليا وانت كمان هتحرمينى من قوضتى
سميرة بضحك. ربنا يخليهم ليك ياحبيبى
نور طلعت ببنت مراد وفضلوا يلعبوا ويهزروا لحد ما نور ص. نامت اتسحبت نور لغرفتها. قبلها مراد. نامت
نور أه ياحبيبى. أنا بس هاخد شاور واروح لها
مراد. مش مهم نامى ف قوضتك النهاردة.
نور. لأ أنا وعدتها مينفعش اخاف بوعدى معاها لازم ابنى بنا ثقة.
مراد. تعرفى كنت بحلم بكل دا ان نتجمع ونور تبقى حضننا بس بس كنت دايما خايف من القدر يكون معاكس لأحلامى. لكن الحمد لله العذاب انتهى يانورى.
نور بحب وكان جواها قلق. أه يا حبيبى انتهى. يالا ادخل ارتاح انت كمان تصبح على خير
دخلت قوضتها وسندت على الباب واتفتحت بالبداية بصوت منخفض خوفا ان مراد يسمعها حاولت تتماسك دخلت اخدت شاور وخرجت صلت الفروض ال عليها وليست بيجامة وقبل ماتخرج فونها رن اتفاجئت برقم غير ظاهر ردت بعد ما رن لتانى مرة
نور الووو.
ازيك يانورى وحشتينى
نور مين
فهد لحقتى تنسى صوتى ياقمر
نور. انت ايه مفيش فيك فائدة ابعد عن حياتى يافهد
فهد. مستحيل ياقلبى لان حياتك ملكى لوحدى. واه صح الفستان كان حلو جداً عليكى وتفاصيل جسمك كانت جميلة فيه بصراحة
مش مصدق نفسى ان الجمال دا بعد أيام هيكون ف حضنى وملكى
نور انت حيوان وقذر
فهد تؤ تؤ مش عيب تقولى كدا ياقمر. يالا اسيبك دلوقتى لان بجد شكلك
بالبيحامه وشعرك مبلول جننونى واللون الأزرق عليكى تحفة ياحبيبتى. وقفل معاها وهى عندها
ذهول. ازاي شايفها وهى ف قوضتها ازاي عارف التفاصيل دى كانه معاها ف القوضه كانت بتتلفت
حواليها زي تالمجنونه وف الآخر رمت نفسها ف الأرض وفضلت تبكى لساعات.