روايه عشق الصخر
الفصل التاسع عشر ......
❤❤
بمرور الوقت كانوا وصلوا القصر والكل كان نايم .. عشق دخلت تعمل الاكل وطلبت من صخر يستناها في الجنينة
عشق وهي بتشم ريحه الاكل: الله الله شيف يابت ياعشق دا صخر هيتهبل من حلاوة الاكل
اخدت الاكل وطلعت عند صخر
صخر ببتسامة: ايه دا لحقتي تخلصي؟! دا انتي بقالك يجي 10دقايق بس
عشق بمرح: نحن نختلف عن الاخرين .. وبقولك ايه خاف علي صوابعك لـ تاكلهم من جمال وحلاوة وطعامت الاكل
صخر: ياسيدي على التواضع
عشق بغرور مصطنع: دي اقل حاجة عندي
كشفت الاكل وهنا كانت الصدمة
صخر بصدمة: ايييه دا
عشق بفخر: اندومي
صخر: انـ ان ايه
عشق : اندومي انت فقدت النطق من جمال المنظر ولا ايه
صخر: لا وانتي الصادقة من بشاعة المنظر استغفر الله العظيم يارب ايه دا يابنتي
عشق بغيظ: اندومي ياصخر ايه متعرفهوش
صخر بتريقة: لا والله محطليش الشرف وشاور ع الاكل بتقزز: انما ايه الحاجات السودة اللي ع الوش دي .. الله الله وايه الاخضر دا كمان
عشق بتوضيح: الاسمر ده زعتر اما الاخضر دا فلفل اخضر مش محتاجة زكاء
صخر باستغراب : وانتي حطاهم ع الاندومي ليه
عشق وهي بتغرفله في الطبق: عشان دا التاتش بتاعي بس صدقني هتنبهر
صخر بشمئزاز حاول يداريه: انا مبهور فعلا .. وكمل بستغراب: ايه الكور البيضة دي كمان
عشق: يوووو بيض ياصخر بيييض
صخر بصدمة: يا ماشاء الله كل ده في الاندومي!!
عشق ادتله طبق واخدت طبق وابتدت تاكل بتلذذ .. بصت لصخر اللي بيبص لطبق بصه معجبتهاش
عشق: انت بتبص للطبق كده ليه خلي بالك دي نعمة ربنا .. دوق بس وانت هتتعيلي
صخر: والله العظيم خايف ادعي عليكي .. وبعدين انا عمري ما كلت الاندومي ده .. ايه رايك نسيب اللي انتي عملاه ده ونطلب دليفري
عشق سابت الاكل وبصتله بحزن: قول ان طبخي معجبكش بلاش حجج واعزار ياخسارة ياصخر ياالف خسارة داانا عملتلك الاكل ده من جوه قلبي دي تكون جزاتي!
صخر: ايه يابنتي الدراما دي كلها خلاص هاكل بس لو حصلي حاجة ذنبي في رقبتك
ابتدا ياكل في الاول كان مقروف بس بعد كده لقاه حلو فعلا وابتدا ياكل .. وبعد ماخلصوا
عشق بفضول: ها ايه رايك
صخر بجدية: بصراحة ومن غير زعل يجنن تسلم ايدك ياحبيبتي .. ختم كلامة وهو بيبوس ايديها
عشق بخجل: بجد عجبك
صخر بتاكيد: بجد عجبني رغم اني في الاول كنت
عشق كملت: مقروف منه صح .. بس دا يعلمك متحكمش على حاجة من غير ماتعرفها وتجربها
صخر وهو بيقوم وبيقومها معاه: عندك حق ياابله عشق يلا نطلع نام بقى لحد اليوم كان متعب
عشق: عندك حق
❤❤❤
__________________
صباحا في شركة السيوفي
علي وصخر وصلوا الشركة وقاعدين في مكتب صخر
صخر: انت مالك فيك ايه مش مظبوط من يوم حادثة عشق
علي بشرود: مريم
صخر باستغراب: مالها؟ انا قولتلها انك طالب ايديها ومستني ردها .. غيرو
علي: مريم في واد لافف عليها
صخر بغضب: انت اتجننت ياعلي انت بتقول ايه
علي بهدوء خارجي: زي ما سمعت ياصخر ومش هتصدق مين الواد ده
صخر: مين ابن ال*****
علي: سيف مهران
صخر بغضب حارق: ال**** ابن ال**** المرة اللي فاتت انت اللي نجته من تحت ايدي اما المرادي بموته ياعلي بموته
علي: وتفتكر لما تموته ايه اللي هيحصل! هتتسجن ومامتك مش هتستحمل ودا غير اللي هيحصل في عشق ومريم اهدي كده خلينا نعرف هنخلص من ازاي عشان البيه مش بيلف على مريم وبس
صخر بنفاذ صبر: اخلص ياعلي في ايه كمان
علي:البيه متفق مع نريمان ومايا زهران الله واعلم على ايه بس انا مش مستريح
صخر كان لسه هيرد بس قاطعه رنين تليفونه
صخر: انتي بتقولي ايه اهدي انا جايلك حالك
علي: في ايه ياصخر
صخر: امي وقعت من على السلم وعشق ودتها المستشفى
_____________
في المستشفى .. عشق قاعدة قدام سرير كريمة اللي نايمة من تاثير البنج
عشق للدكتور: هي حالته ايه يادكتور
الدكتور بعمليه: هي الحمدلله كويسة والواقعة جزعت رجليه مش اكتر دا غير ان حالتها النفسية سيئة جدا انصحكوا انكم تخلوا بالكم منها وبلاش تتعرض لاي زعل
قال كلامة وخرج .. وعشق انهارت في البكاء كل ماتفتكر منظر كريمة وهي بتقع على السلم قلبها ببوجعها اكتر .. بصت لكريمة وقالت بهمس: ماما .. ماما انتي سمعاني
كريمة فتحت عيونها وقفلتها كذا مره من تاثير النور وبتوهان قالت: انا فين
عشق: في المستشفى .. انتي كويسة
كريمة مسحت دموع عشق: انا كويسة متعيطيش
عشق عياطها ذاد وبقى شهقات عالية وقامت حضنت كريمة: كنت هخسرك من تاني .. المره دي مكنتش هستحمل .. انا بحبك اوي ياماما بحبك فوق ماتتخيلي .. طول عمري كنت بحلم بس اني اشوفك حتى لو مره واحده .. كنت زعلانه منك شوية بس عمري ماكرهتك .. انا ممكن اعمل اي حاجة عشان بس تكوني بخير
كريمة ببكاء: وانا كمان بحبك اووي يانور عيني البصه في وشك عندي بالدنيا واللي فيها .. روحي اترديتلي لما ضميتك ياعشق .. سامحيني يابنتي سامحيني علي بعدي عنك بس والله كان غصب عني سامحيني
عشق: مسمحاكي ياماما مسمحاكي
احم احم .. انتبهوا لصوت صخر
كريمة: تعال ياصخر واقف عندك ليه ياحبيبي
صخر ضمها وبحنان قال: انتي كويسة ياست الكل
كريمة: الحمدلله ياحبيبي اطمن
صخر: انتي كويسة ياعشق
عشق بضعف: الحمدلله
صخر: الدكتور قالكم ايه
عشق شرحتله حالت كريمة وبعد ما اطمنوا عليها روحوا
____________
الايام بتعدي وعشق مع كريمة طول الوقت قربوا من بعد اكتر وعلاقتهم اتحسنت اكتر واكتر .. حتى مريم وعشق علاقتهم بقت احسن مايكون
___________
صخر طلب من علي يخلي سيف تحت عينه دايما
___________
في مجهول دايما بيتصل بعشق .. ياترى بيتصل ليه؟!!
___________
مريم سيف بيلحقها فكل مكان بتروحوا وقررت انها تروح لعلي تقوله لانها خايفة تقول لصخر وهي ضامنه رده فعله
__________
نريمان ومايا وسيف لسه بيخططوا وناوين ع الشر
_________
في يوم علي كان في الشركة واتفاجئ بمريم طالبه تقابله دخلها مكتبه وطلبلها حاجة تشربها
علي بهدوء: مريم بقالك ساعة قاعدة بتاكلي في ضوافرك في ايه
مريم بتوتر: مفيش .. انا .. هقوم اروح .. عن اذنك
وقف قدامها مناعها تمشي: اكيد مش جيالي عشان تشربي عصير وتروحي فيكي ايه
مريم بخوف: هقولك بس متقولش لصخر
علي: مش هقوله
مريم: وعد
علي ببتسامة: وعد
مريم: في شاب ملاحقني في كل مكان سواء في المدرسة او الدروس وحتى النادي وبصراحة هو بيعاكسني بس انا والله مابرد عليه خالص حاسه انه ممكن يخطفني وخفت اقول لصخر
علي: وقولتلي انا ليه
مريم بزعل حاولت تداريه: اسفه لو ازعجتك
علي بتوضيح: مش دا قصدي يامريم انا عايزة اعرف ليه قولتيلي انا بالذات كان ممكن تقولي لماما كريمة او حتى لعشق ليه انا
مريم بخجل: عشان بثق فيك وعارفة انك مش هتخلي اي حد يأذيني
علي: ليه
مريم بخجل وارتباك: عشان بتحبني
علي بمشاكسة: وانتي بتحبيني
مريم بمكر طفولي: طبعا مش اخويا الكبير
علي: اخوكي الكبير تمام قومي اوصلك يااختي
مريم بصتله بغيظ وسكتت .. على ابتسم على طفولتها
_________^^
في قصر السيوفي في اوضة عشق وصخر
عشق: صخر
صخر: روحه
عشق: شكرا ياصخر
صخر باستغراب: على ايه
عشق بامتنان: علي اهتمامك بامي واختي .. على انك واقف جانبي .. على انك بتذاكرلي بعد مابترجع من الشركة وانت تعبان وهلكان .. شكرا عشان اتجوزتني .. اني اتجوزتك دي احسن حاجة حصلتلي في حياتي
صخر بذهول من كلامها: عشق انتي كويسة ولا انا بحلم ولا ايه
عشق قربت منه جدا وبصدق قالت: انت احسن حاجة حصلتلي في حياتي ياصخر .. انا عايزة افضل مراتك مش عايزة تطلقني ابدا .. انا بحبك
روايه عشق الصخر
الفصل العشرون ......
❤❤
في قصر السيوفي في اوضة عشق وصخر
عشق: صخر
صخر: روحه
عشق: شكرا ياصخر
صخر باستغراب: على ايه
عشق بامتنان: علي اهتمامك بامي واختي .. على انك واقف جانبي .. على انك بتذاكرلي بعد مابترجع من الشركة وانت تعبان وهلكان .. شكرا عشان اتجوزتني .. اني اتجوزتك دي احسن حاجة حصلتلي في حياتي
صخر بذهول من كلامها: عشق انتي كويسة ولا انا بحلم ولا ايه
عشق قربت منه جدا وبصدق قالت: انت احسن حاجة حصلتلي في حياتي ياصخر .. انا عايزة افضل مراتك مش عايزة تطلقني ابدا .. انا بحبك
صخر بتحذير: انا لو طلعت بحلم هزعل وهجيب ناس تزعل
عشق ضحكت برقه سرقت قلبه: انت مبتحلمش ياصخر .. انت صاحي
صخر: حاسس اني هبان اهبل اووي .. بس اقرصيني
عشق ارصته بعنف الي حد ما .. بس صخر متوجعش تقريبا .. فكره ان عشقه حبته لا وكمان اعترفت بالحب ده .. شيء كان يأس انه يحصل .. انتظر سنين عشان يسمع الكلمة دي ومنها
هي بالذات .. ضمها بشوق .. بحب وبلهفه .. شالها ولف بيها .. بيضحك بصوته كله فرحان وسعيد مفيش كلمة توصف شعوره .. اخير بطل يلف بيها وقف وحاوط وشها بين ايديها وبحب
العالم كله قال: انتي العشق ياعشق .. انتي نور عنيا .. نبض قلبي .. انتي كل حاجة واي حاجة .. بحمد ربنا الف مره انك موجوده فحياتي ومعايا وفحضني وتحت سقف بيتي .. انا بـ حـ بـ ك .. عارفة يعني ايه
عشق دموعها نزلت من قوة مشاعره: عارفة وفاهمة .. انا اتعلمت الحب منك ياصخر .. اتعلمته لما شوفتك بتعامل اختك ومامتك ازاي .. مامتك اللي هي مرات ابوك بس انت شايلها في عيونك .. اتعلمته من حنيتك عليا .. من حبك ليا .. من علاقتك بـ علي .. بأختصار انت الحب ياصخر
صخر دفن وشه في رقبتها واتنهد بصوت عالي وكأنه كان بيجري في طريق طويل مكنش باين له ملامح لكنه واخيرا وصل للنهاية السعيدة
عشق حاوطته باديها وبهمس قالت: سامحني لو زعلتك في يوم .. حتى لو بكلمة .. عمري ماقصدت ازعلك ابدا .. انا بس بحب اعاندك .. مش بيقولوا القط مبيحبش الا خناقه
صخر بمشاكسه: ههههه وياترى انا القط ولا خناقه
عشق ببتسامة: انت حبيبي
صخر: ياالله .. قوليها تاني
عشق بتهرب: هي ايه
صخر: حبيبي .. ياحبيبي ياحبيبي ياحبيبي
عشق: ههههه مالك قلبت على محمد رمضان كده ليه
صخر: يمكن اعجب
عشق بهيام: انت علطول عاجبني ياصخر
صخر: مش عارف اصدق ان اللي بيحصل دا بجد وخصوصا انك متغيرة بقالك يومين تلاته
عشق: قرصتك عشان تتاكد انك مبتحلمش اعمل ايه تاني
صخر: حبيني
عشق بخجل وارتباك بعدت عنه: يلا بقى عشان ننام الوقت اتاخر
صخر مسكها من ايديها وبص في عيونها اووي وكأنه بيدور على الصدق جواهم: في سؤال محيرني ومن غير ماتهربي .. ليه قولتيلي دلوقتي انك بتحبيني ياعشق .. في حاجة مخبيها عليا ..و ازاي عرفتي اصلا انك بتحبيني وامتى حبتيني
عشق بصدق: بعد ماعرف ان امي تبقى كريمة .. وجودك جانبي في الوقت ده غير نظرتي ليك تماما حسيت اني بحبك من وقتها اما ليه قولتلك دلوقتي فده عشان حسيت اني عايزة اقولها .. كده جاوبتك ننام بقا
صخر مسك ايديها: استني استني استني عندي ليكي هدية
عشق بستغراب: هدية! وبمناسبة ايه؟
صخر ببتسامه: اعتبريها هديه بمناسبة اعترافك بحبك ليا
عشق بهيام:ان كان كده ماشي
صخر اتجه للدولاب وخرج منه عليه وكانت فيها السلسلة .. وكانت عبارة عن سلسله بسيطة جدا فيها دلايه على شكل قلب .. لبسها لعشق .. وبحنان سال: عجبتك
عشق بحب: تجنن
صخر ببتسامة حنونه: ننام بقا
عشق: ننام
____________
في مكان مجهول بعيد عن قصر السيوفي .. في شقه على النيل .. كانت نايمة جانبة في وضع اقل ما يقال عنه انه وضع مخل ومخجل .. سالته بمكر
:يعني بكره اخر يوم في المهله اللي ادتهالها
_بالظبط كده
:طب لو منفذتش هتعمل ايه
_هتبقى هي اللي جابته لنفسها وساعتها هنفذ اللي هددتها بيه
:لسه نريمان ومايا فاهمين انك معاهم
_ بضحكة كلها شر: ههههه مشفتش اغبى من الاتنين دول .. ولا البت مايا دي .. هي فرسه صحيح بس بمخ عصفورة بس امها عقربة بصحيح
:المهم خلي عينك في وسط راسك لازم نخلص من عشق وفي اقرب وقت ممكن
_بفحيح قال: متقلقيش كل حاجة هتكون زي مااحنا عايزين بالظبط
_____________
❤❤
اما في بيت ناصر عمران .. الكل مجتمعين بيتعشوا
ناصر بهدوء: نريمان ايه رايك نزور عشق بكره
نريمان بصت لمايا بتورتر ورجعت بصت لناصر: اشمعنى بكره يعني هو في حاجة حصلت وانا معرفش!
ناصر بستغراب: لا محصلش حاجة وبعدين مش اتفقنا ننتقم منهم ولا كان كلام وخلاص
نريمان بتوتر حاولت تتحكم فيه: ايوه هننتقم طبعا بس هنستفيد ايه لما نروحلهم
ناصر: عشان ننتقم لازم نقرب منهم ونعرف كل تفاصيل يومهم عشان نعرف نضرب ضربتنا
نريمان: بس ياناصر
قاطعها بعند وهو بيقوم: دا اخر كلام عندي هتيجي معايا اهلا وسهلا مش هتيجي يكون احسن بردو
قال كلامة وطلع اوضته .. مايا بتوتر: هنعمل ايه يامامي بكره اهم يوم .. لو اونكل ناصر شاف كريمة كل حاجة هتنتهي
نريمان بتفكير: بفكر احطله منوم بكره في الفطار وبكده امنعه من مرواحه لقصر السيوفي
مايا بفرحة: ايوه كده يامامي احب دماغك وهي شغاله
_____________
تاني يوم الصبح
كالعادة صحى الصبح بدري بص في الفون الساعة لسه 6:30 صباحا .. بص جانبه ملقاش عشق .. افتكر انها ممكن تكون في الحمام .. قام من على السرير واتجه للحمام خبط اكتر من مره بس محدش بيرد .. القلق اتمكن منه .. فتح الباب بس ملقاش
عشق!! .. نزل بسرعة يدور عليها في القصر كله .. في المطبخ والجنينة .. مسبش مكان الا اما دور عليها فيه .. بس للاسف ملقهاش .. جري على اوضة كريمة وجواه امل تكون هناك .. خبط على الباب مره وراء مره لحد مافتحت كريمة
كريمة بنعاس: خير ياصخر بتخبط عليا بدري اووي كده ليه انت وعشق كويسين
صخر الدنيا لفت بيه عشق مش فالقصر كله .. معقول تكون مشيت ..طب مشيت ليه وازاي؟؟ .. مليون سؤال في دماغه ومش لاقي اجابه .. جري من غير مايرد وراح لحراس القصر ان كانوا شافوا عشق طلعت وكانت الاجابة لا .. ملقاش قدامه انه يراجع كاميرات المراقبة .. وخلال دقايق كان قاعد بيشوف شراط تسجيل الكاميرات في الكام ساعة اللي فاتوا .. مفيش دقايق وكان شايف عشق وهي بتخرج من الباب الخلفي للقصر .. لوحدها وبـ ارادتها!!
_____________
قبل الوقت دا بكام ساعة بس .. صحيت من النوم او بمعنى اصح كانت عامله نفسها نايمة .. بصت لصخر الي نايم جانبها وضممها بتملك .. قامت من غير متعمل اي صوت .. غيرت لبسها ومش بس طلعت بره غرفة نومها بل من القصر كله من الباب الخلفي
وحاليا بقلها كام ساعة ماشية في الشوارع ومش عارفة هي رايحة فين ولا بقت فين! دموعها بتنزل بدون اردتها مكنتش ابدا عايزة تسيب صخر وتمشي وخصوصا بالطريقة دي .. معقول بعد ماتحبه القدر يبعده عنها .. محستش بنفسها الى والدنيا بتلف بيها ووقعت اغمى عليها
_____________
بعد فترة متعرفش قد ايه .. فاقت بسبب رائحة نفاذة .. فتحت عيونها بالعافية اتفجئت بوش بنت قريب منها اووي .. قامت بسرعة مفزوعة
البنت بهدوء: اهدى متخافيش
عشق بخوف: انا فين وبشمئزاز قالت: وايه الريحة دي
البنت برفعة حاجب: انتي فين! فانتي بيتي اما بقا الريحة فـ دي ريحة ال**** ياحبيبتي .. ايه اول مره تشميها؟ 😏
عشق بأرتباك: مقصدش والله بس الريحة نفادة اووي
البنت بجدية: ولا يهمك قوليلي بقا ايه اللي جايبك هنا وعلى الصبح كده
عشق ببكاء: انا عايزة اروح
البنت وهي بطبطب عليها: انتي اسمك ايه طيب
عشق: عشق
البنت: عاشت الاسامي ياعشق .. اسمك حلو زيك
عشق: مرسي وانتي اسمك ايه
محسبتك (مسك)
عشق: اتشرفت بمعرفتك
مسك: الشرف ليا قوليلي بقا ايه اللي رماكي على هنا
عشق محستش بنفسها غير وهي بتحكلها كل حاجة عن حياتها .. يمكن ارتاحتلها او كانت محتاجة تتكلم مع اي حد .. ختمت كلامها وهي بتقول بدموع: كان لازم اسيب صخر وامشي من البيت زي ما الحيوان سيف ما طلب والا كان هيقول لـ بابا ان امي لسه عايشة
مسك بجدية: غلطانة ياعشق كان لازم تحكي لجوزك وتقدرية وزي ماعرفت ان جوزك واحد تقيل في البلد فاكيد كان هيقدر يحميكي من الواد الصايع ده .. وكمان زمان امك هتمود ياولداه من القلق عليكي
عشق بعند: لا انا مغلطتش انا كنت بحمي امي مش اكتر وبعدين انا قلت لماما اني هسيب البيت لفترة بسيطة وفهمتها كل حاجة
مسك: والله انتي بت خايبة ايه الهبل اللي انتي فيه دا .. ياختي استرجلي فنفسك شويه كده .. طول مانتي طرية كده هيكلوكي .. انشفي كده وروحي لجوزك واحكيله كل حاجة وهو هيقدر يتصرف
عشق: واضحي بامي يعني انا يستحيل اا
قاطع كلمها صوت كسر الباب الشقة اللي هي فيها .. واتفاجئت بصخر والحرس اللي معاه
مسك بردح : يالهووووووي انت مين ياجدع انت وهو وازاي تتجرء وتخدل بيتي كده طب ومن نبى النبي نبي لكون مصواته ولمى عليك امه لا اله الا الله
عشق برعب ورتباك: صخر
مسك سكتت وعرفت ان دا جوز عشق
صخر قرب من عشق ورفع ايده