#الإختيار الصحيح#
الحلقة السادسة والثلاثون
حتي الاربعون
بقلم زينب سعيد
في دبي
في المستشفي التي يرقد بها حسام تدخل صوفيا الغرفة بغرور تجد حسام نائم وسلمي تجلس بشرود حتي أنها لم تنتبه لها.
صوفيا بسخرية:سرحانة في أيه يا حلوة.
سلمي ببرود:ميخصكيش يا طنط.
صوفيا بجنون وعصبية أيقظت حسام من غفوته فزعا من صوتها:نعم يا أختي مين دي إلي طنط.
حسام بخضة:في أيه مالك يا صوفي.
صوفيا بجنون:السلعوة بتاعتك بتقولي يا طنط.
سلمي ببرود:أما أقولك أيه وأنتي شكلك معدية 60.
صوفيا بجنون:أنا عديت 60ليه شايفاني مكحكحة ولا مركبة طقم سنان يا حلوة.
سلمي بالامبالاة:والله أنتي أدري يا روحي.
صوفيا بجنون:ما ترد يا حسام بيه شوف البلوة إلي أنت جايبها بتقول أيه.
حسام بسخرية :أرد أقول أيه ما أنتو ما شاء الله مش ساكتين ناقص تجيبو بعض من شعوركم.
صوفيا بعصبية:يعني حضرتك مش شايف بتقول أيه.
سلمي ببرود:أنا قولت حاجة مش لازم أحترمك يا طنط.
صوفيا بجنون بردو بتقولي يا طنط ما تقول حاجة يا حسام.
حسام بنفاذ صبر:خلاص يا سلمي قوليلها يا صوفي.
سلمي ببرود:حاضر يا صفية.
صوفيا بصدمة:صفية مين مين قالك الاسم ده.
سلمي ببرود :مش ده إسمك الحقيقي بردو.
حسام بعصبية:تعرفوا تسكتوا بقي أنتو أتجننتو.
سلمي ببرود:هي إلي بدأت.
صوفي بعصبية:هي إلي أستفزتني الاول.
حسام بهدوء:صوفي ممكن تروحي البيت ترتاحي.
صوفي برقة وهي تغادر:حاضر يا بيبي باي.
حسام بهدوء:باي.
لينظر لسلمي بنصف عين وهي تنظر بسخرية لهم:عرفتي منين أن أسمها صفية يا سلمي.
سلمي بتوتر خفيف:من نهي مرات صاحبك.
حسام بهدوء:تمام.
...............................
في شقة مازن
خالد براحة:ياه بصراحة مكنتش متخيل أن اليوم ده يعدي كان قلبي هيقف النهاردة لحسام يعرف حاجة.
نهي بهدوء :أه والله عندك حق وكمان سلمي في الآول ماكنتش طيقانة ومتخشبة كده ماهديتش غير لما شافت خالد مالك يا مازن ساكت ليه قالتها وهي تنظر لزوجها الصامت تماما .
مازن بهدوء:مفيش بسمعكم.
خالد بنفي:لا شكلك مش طبيعي شكلك مخبي حاجة علينا.
مازن بهدوء:مش مطمئن حسام سألني النهاردة عنك.
خالد بهدوء :ده إلي قلقك كده طبيعي يسألك عني ليكون أفتكرته ولا حاجة في الفرح كبر دماغك منه.
مازن بهدوء:خالد حسام ده تعبان يعني متفتكرش نفسك ذكي معاه لا ده أنت لازم تحطه في إعتبارك.
خالد بمكر:أطمن هو إلي مش قدي.
مازن بهدوء :ناوي علي أيه يا خالد.
خالد بخبث:علي كل خير بإذن الله وشهر واحد والطلاق هيكون تم.
مازن بإستفهام:أزاي يا خالد متخوفنيش عليك.
خالد بهدوء :متخفش أنا عارف هتصرف أزاي أنتو كتر خيركوا لغاية كده وخليكم بعيد.
مازن بنفي:لا طبعا مش هسيبك يا خالد لما أشوف أخرتها معاك.
خالد بضحك:ميت فل وعشرة.
نهي بهدوء :مش مرتاحة ليك يا خالد.
خالد بضحك:حتي أنتي يا نهي ده أنا غلبان.
نهي بضحك :بس لما بتحط حاجة في دماغك يبقي يا ساتر أستر منك.
خالد بهدوء :في الحق ولا مش في الحق.
نهي بهدوء :في الحق طبعاً.
خالد بهدوء :يبقي كده تمام أتفقنا.
مازن بهدوء:المهم تخلي بالك من نفسك بس ده المهم عندي.
خالد بهدوء :خليها علي الله.
مازن بهدوء:كله علي الله بإذن الله.
........................................
في مصر في شقة الحجة سعاد.
تجلس سعاد مع أبنتها عبير وأحفادها الصغار :شوفتي يا عبير أخيرا سمر ربنا كرمها بصراحة فرحانة ليها جدا بنت حلال وطيبة وتستاهل كل خير ربنا يحميها ويقومها بالسلامة.
عبير بإبتسامة:اه والله عندك حق يا ماما ربنا يقومها بالسلامة هتروحلها إمتي.
سعاد بهدوء :بإذن الله بكره هتيجي معايا.
عبير بهدوء :بإذن الله يا أمي جاية معاكي لما الولاد يروحوا الحضانة.
سعاد بإستفهام:طيب ما يجوا يلعبوا مع جوري.
عبير بهدوء :لا يا أمي معلش نور كل مرة بتقعد تتخانق مع العيال وتقول بيضربوا بنتي علي أيه قلة القيمة بقي.
سعاد بهدوء :يا بنتي دي أختك وأنتي الكبيرة يا بنتي أستحمليها عشان خاطري.
عبير بهدوء :حاضر يا أمي هستحمل عشات خاطرك بس بصراحة بنتك دي شيطانة ربنا يهديها.
سعاد بهدوء :أيوة يا بنتي أدعيلها عشان عيالها.
..............................
في شقة الحج علي
يجلسون يشاهدون التلفاز في صمت تام كل منهم في عالمه نور وحطتها مروان وصدمته ممن كان يريد أن يتزوجها سميرة وقلبها من أن تخبر سمر مروان بالإتفاق القديم قطع هذا الصمت:مالك ساكتين كده ليه مالك يا مروان.
مروان بهدوء:مافيش حاجة شوية مشاكل في الشغل مش أكتر يا بابا .
الحج علي بهدوء:يمكن وأنتي يا نور ما أسكت الله لكي حسا وأنتي يا سميرة.
نور بهدوء:مافيش حاجة يا عمو بس مش جاي علي بالي حاجة أقولها.
سميرة بهدوء:مافيش حاجة ياحج هقول أيه لو كان في حاجة كنت قولتها بس زي ما قولتلك زعلانة عشان سمر مرضيتش تنزل معايا.
الحج علي بهدوء:متزعليش يا سميرة وبصراحة ده أفضل وبعدين كان هيبقي الشغل كتير علي نور .
نور بهدوء:ميرسي يا عمو والله انت الوحيد إلي مقدر تعبي.
سميرة بعصبية:تاني يا نور مش قفلنا الموضوع ده.
الحج علي بنفاذ صبر:مروان عايزك شوية بره أهو نشم شوية هواء بدل وجع الدماغ ده.
مروان بهدوء:حاضر يا بابا.
ليغادر مروان ووالده تاركين سميرة ونور يتبادلون النظرات المشتعلة.
سميرة بعصبية:أنا خلاص جبت أخري منك يا نور ياريت تعقلي شوية وتكبري عقلك أكتر من كده أنا راحة أوضتي تغادر بعصبية تحت نظرات نور النارية:كفاية بقي أنا إلي تعبت وجبت أخري منكم عيلة تشل لتمسك هاتفها وارن علي أحد الأرقام:ألو أيوة يا حسام عامل أيه مال صوتك حادثة لا محدش قالي حاجة هما بيعبروني أصلا المهم أنت كويس طيب أنا محتجاك أوي مافيش زهقت منهم بجد ما أنت معرفتش سمر حامل وطايريين بها كأن محدش هيخلف غيرها غيرانة أنت كمان هتقولي غيرانة أوف خلاص ماشي تمام لما تخرج من المستشفى كلمني طمني عليك وبعدين نتكلم مع السلامة لتغلق الهاتف بعصبية وتضعه علي المنضدة بضجر:لما نشوف أخبرتها معاكم أيه عشان أنا بجد زهقت منكم كلكم.
.........................
في البلكونة
يجلس الحج علي مع مروان يتحدثون بصوت منخفض .
الحج علي بهدوء'ممكن بقي أعرف مالك يا مروان.
مروان بسخرية:طلع عندك حق الهانم إلي كنت هتجوزها أتجوزت واحد عنده ٥٠سنة أرمل وعنده أحفاد بس غني طلعت كلبة فلوس هي كمان للدرجة دي يا بابا أنا ما بفهمش في الناس أنا بجد تعبت من كل حاجة.
الحج علي بهدوء:مروان هي خلاص موضوع وأتقفل أنساها وعيش حياتك يا بني هي صفحة وأتقفلت أنت تزعل لو كنت أتجوزتها فعلاً قوم أغسل وشك وفوق وأتوضي وصلي ركعتين يا أبني شكر لله بعد ما ربنا نجاك منها علي خير قوم.
مروان بهدوء: حاضر يا بابا ليقف لينفذ كلام والده.
ليزفر الحج علي بنفاذ صبر :أه يا مروان هلاقيها منك ولا من ققلقي علي أختك سلمي ولا من مراتك وأمك ومن زعل أخوك من مراته أنا تعبت منكم يا عيلة غم.
.............................
في شقة أيمن .
تجلس سمر تتابع التلفزيون بملل ليفتح باب الشقة ويدخل أيمن بهدوء:السلام عليكم.
سمر بإبتسامة:وعليكم السلام أجهزلك الغدا.
أيمن بسخرية:ده أيه الرضا ده عملالي أكل كمان لا كتر خيرك كلت بره الحمد لله زي كل يوم من ساعة سمو البرنسس ما بطلت تعمل أكل المهم أنتي كويسة.
سمر بهدوء:الحمد لله أيمن ممكن ننسي إلي فات ونبدأ من جديد مش عشاني عشان الطفل إلي جاي وملوش ذنب في حاجة يجي يلاقي أبوه وأمه في مشاكل أيمن أحنا طول عمرنا بنتمني الطفل ده من زمان.
أيمن بهدوء:أنتي إلي وصلتينا لكده يا سمر مش أنا قومي أتغدي وأجهزي عشان نروح للدكتور وسيبي كل حاجة الأيام كافية أنها تداويها.
سمر بهدوء:حاضر يا أيمن هقوم ألبس.
أيمن بهدوء:قلت تأكلي الأول وبلاش عند علي الأقل عشان الطفل إلي خايفة عليه ده .
سمر بهدوء:حاضر يا أيمن.
لتتغادر سمر لتناول طعامها وتتجهز لموعد الطبيب.
.............................
في دبي في المستشفي التي بها حسام.
يغلق هاتفه بعد مكالمته مع أخته وينظر لسلمي بسخرية :مبروك.
سلمي ببرود:الله يبارك فيك علي أيه.
حسام بسخرية:سمر حامل .
سلمي متظاهرة بالفرحة:أنت بتتكلم جد عرفت منين.
حسام بهدوء:من نور أكيد مش ههزر في حاجة زي دي.
سلمي بهدوء:ربنا يقومها بالسلامة.
لينظر لها حسام بشرود ويحدث نفسه:مش عارف مالك يا سلمي شاكك أنك بدبري لحاجة أتقلبتي مرة واحدة وبقيتي تتظهري دائماً بالبرودة وكأنه ما فيش حاجة فرقة معاكي يا تري مالك بس مش مرتاح حاسس إن حد بيحركك بس مين يا تري.
.................................
في دبي في فيلا ضخمة.
تجلس صوفيا تقرأ مجلتها ببرود فجأة يرن هاتفها لترد بغرور:ألو أيوة أنا صوفيا مين معايا لتتسع إبتسامتها مش معقول مش مصدقة بصراحة أنك تفكر تكلمني نتقابل أكيد موافقة وقت ما تحب أوك بأي لتغلق الهاتف بإبتسامة تنير وجهها مش معقولة بس يا تري عايز مني أيه أويس طيب والوقت حسام هعمل فيه أيه لازم أروح ليه بكره المستشفي خلاص أروحله بدري وبعدين أجيب أجهز نفس وأروح علي معادي مش لو كنت واقفا كان زمانك مكان الزفت حسام ده.
#الإختيار الصحيح #
الحلقة السابعة والثلاثون
في عيادة النساء والتوليد.
تجلس سمر وأيمن بعد تبادل التحية مع الطبيبة ثم يجلسون أمام الطبيبة لتتحدث بعتاب:بقي كده يا مدام سمر بقالك أد أيه مجتيش المتابعة.
لتنظر سمر أرضا تهربا من نظرات أيمن لها لتنظر الطيبة الأيمن:كده ينفع يا بشمهندس طيب هي لو كسلت أنت تكسل بردو.
أيمن بأسف وهو ينظر لسمر بسخرية:معلشي يا دكتور عندي أنا دي أتفضلي ليمد يده بالتحاليل لها.
لتمسك الطبيبة التحاليل بعملية تتفحصها لتنظر لهم بإبتسامة:أيوة كده ألف مبروك ليكم.
أيمن بهدوء:الله يبارك في حضرتك.
سمر بهدوء:الله يبارك فيكي.
الطبيبة بتفحص:مالكم بصراحة متوقعتش خالص الحالة بتاعتكم دي أنا حاسة أنكم مش فرحانين.
أيمن بإبتسامة:يعني يا دكتور أحنا متابعين معاكي بقالنا أد أيه ونفسنا في الخلفة دلوقتي لما يجي هنزعل الفرحة بس لسه مأثرة علينا
الطبيبة بعملية:الفرحة بإذن الله لما البيبي يجي وينور الدنيا .
أيمن بإبتسامة:بإذن الله.
الطبيبة بعملية:يلا يا مدام سمر علي الكشف.
لتقف سمر بهدوء لغرفة الكشف يتبعها أيمن والطبيية.
....................
في المستشفي في غرفة حسام.
مازال حسام علي وضعه وسلمي تجلس معه بضجر وملل.
سلمي بنفاذ صبر:ممكن أروح البيت أخد شور وأغير هدومي أنا من ساعة الحدثة وأنا قاعدة معاك.
حسام ببرود:لا بكرا بالكتير هخرج وتعملي إلي أنتي عايزاه
سلمي بعصبية:الدكتور لسه مكتبش خروج لسه لحضرتك وأنا قرفانة.
حسام ببرود :معلش أستحملي وأعصر علي نفسك ليمونة.
سلمي بعصبية:ما الهانم التانية بتيجي تشوفك وتمشي أشمعنا أنا.
حسام ببرود:ممكن تهربي مثلا ومترجعيش أو ممكن تقابلي حد مثلاً وتلعبي بديلك.
سلمي بتوتر :أهرب أروح فين ولا أقابل مين أنا مش فاهمة حاجة.
حسام بسخرية:تقابلي ألي قالك مثلا أسم صوفيا الحقيقي.
سلمي بإرتباك:قصد نهي وهقابلها أزاي.
حسام بأبتسامة صفرا:هو أنا مقولتلكيش أنا نهي وجوزها ميعرفوش أسم صوفيا الحقيقي.
سلمي بهدوء:أنا مش فاهمة قصدك أيه
حسام ببرود:مش مهم المهم أنا عارف أن بقول أيه كويس.
سلمي بالامبالاة:طيب كويس.
يفتح باب الغرفة وتدخل صوفيا الغرفة بعجرفتها المعتادة تحت نظرات سلمي الساخرة:هاي يا بيبي.
حسام بهدوء:هاي صوفي أتأخرتي ليه.
صوفيا بهدوء:عادي يعني راحت عليا نوما.
حسام بهدوء:تمام أقعدي واقفة ليه.
صوفيا بسرعة:معلش يا بيبي خارجة أنا وصحابي مش عايزة أتأخر عليهم .
حسام بهدوء:مش ملاحظة أن خروجاتك كتيرة يا صوفيا الفترة دي.
صوفيا بملل:يعني أعمل أيه وحضرتك قاعد هنا علي الطول ولسه تعبان فبخرج أغير جو مش أكتر.
حسام بهدم إقتناع :المهم تكوني مبسوطة.
صوفيا بإبتسامة:أه مبسوطة يا روحي همشي بقي عشان أتأخرت عايز حاجة.
حسام بهدوء:لا يا حبيبتي سلامتك .
لتتغادر بمكر تحت نظرات سلمي الساخرة .
سلمي بهدوء:حسام ممكن أسألك سؤال .
حسام بهدوء:أتفضلي.
سلمي بإستفسار:كان فين عقلك وأنت بتتجوز واحدة زي دي وكمان قد أمك .
حسام بهدوء:أديكي قولتها قد أمي يعني كلها شوية وتموت والفلوس دي كلها تبقي بتاعتي.
سلمي بسخرية:في داهية الفلوس ألي تخليك تعمل كده.
حسام بهدوء:بكره لما تتمتعي بالفلوس دي معايا مش هتقولي كده.
سلمي ببرود:تبقي بتحلم لو أنا هفضل علي زمتك ده علي جثتي حتي لو أطريت أموت نفسي وأرتاح منك.
حسام بهدوء:هنشوف يا سلمي والأيام دول.
سلمي بسخرية :أيوة كويسة أنك عارف أن الأيام دول.
.......................
في مصر في غرفة الكشف.
ترقد سمر علي سرير الكشف وبجوارها أيمن والطبيبة تقوم بفحص سمر وتجري لها السونار:تمام جدا أنتي في الشهر التاني.
أيمن بلهفة :طيب هو كويس.
الطبيبة بعملية :أيوة بخير أطمئن.
سمر بلهفة :هو ينفع أشوفه.
الطبيبة بعملية:أه طبعا بس هو لسه مش باين هو الكيس الصغير ده ده الجنين قالتها وهي تشير علي موضع الجنين.
لينظر سمر وأيمن بلهفة وإشتياق .
سمر بلهفة:هو بنت ولا ولد.
الطبيبة بضحك:لسه بدري أوي وبعدين أنا عندي ليكم مفجأة حلوة بس لما أتأكد منها.
أيمن بلهفة :خير يا دكتورة قولي.
الطبيبة بعملية:لا لما أتأكد منها الآول أبقي أقول لحضرتك.
سمر بهدوء :أهم حاجة أنه يبقي كويس بس مش أكتر.
الطبيبة بعملية :لأ هو بخير هكتبلك علي الأدوية إلي محتجاها الفترة دي وكمان أسبوعين تنورونا مش هوصيكم الراحة التامة والنفسية تكون تمام.
أيمن بهدوء :بإذن الله يا دكتور.
سمر بهدوء :تمام يا دكتور شكرا لحضرتك جدا.
الطبيبة بعملية :ده وجبي يا حبيبتي.
أيمن بهدوء وهو يقف :تمام يا دكتور السلام عليكم.
الطبيبة بهدوء:وعليكم السلام.
.........................
في شقة مروان.
تجلس نور بملل تشاهد التلفاز ليلفت نظرها مروان الصامت تماما رلا يتحدث منذ عودته من العمل لتغلق الهاتق وتلتفت له :مالك يا مروان.
مروان بإنتباه:نعم يا نور بتقولي حاجة.
نور بسخرية:بقولك مالك شكلك مش عاجبني.
مروان بهدوء :مافيش زي ما قولتلكم شوية مشاكل في الشغل.
نور بسخرية:مش عارفة مصدقاك ليه.
مروان ببرود:والله دي مشكلتك أنت مش مشكلتي تصبحي علي خير قالها وهو ينهض مغادرا إلي غرفته لينام
نور بغل :وأنت من أهله مشاكل في الشغل أقطع دراعي يا مروان إن مكان في حاجة حصلت معاك أنت والعقربة إلي كنت عايز تتجوزها عليا يا مروان الكلب صبرك عليا بس لما أخلص من سمر الآول وبعدين أفضالك.
..................
في الأسفل في شقة الحج علي.
يجلس يحتسي الشاي مع زوجتة أمام التلفاز.
الحج علي بهدوء :شوفتي كرم ربنا يا سميرة أهي سمر حامل خلاص كان لازمته أيه بقي كل إلي عملتيه معاها.
سميرة بهدوء :خلاص يا علي كنت غلطانة يا سيدي بلاش تنبش في الماضي.
الحج علي بهدوء :علي رأيك أنا هقوم أنام عايزة حاجة تصبحي علي خير.
سميرة بهدوء :سلامتك يا حج وأنت من أهله.
............................
في سيارة أيمن.
يقود أيمن السيارة بهدوء وينظر لسلمي التي تستند علي زجاج السيارة برأسها فيتحدث لها بهدوء:سؤال واحد بس عايز أعرف أجابته منك وأوعدك مش هتكلم في الموضوع ده تاني.
سمر بهدوء :أتفضل يا أيمن سمعاك قالتها وهي تعتدل في جلستها وتنظر له بهدوء.
أيمن بهدوء :ليه بطلتي تروحي للدكتورة وكدبتي عليا أنك ماشية علي علاجك وبتتواصلي معاها فون.
سمر بهدوء :لأنه كنت يأست يا أيمن قلت خلاص ملوش لزوم أضيع فلوسك علي الدكاترة وأسيبك للي تستهالك وتجبلك عيال.
أيمن بهدوء :تعرفي يا سمر مهما عملتي عمري ما كنت هطلقك ولا هتجوز عليكي حتي لو كنت هعيش عمري كله معاكي من غير أولاد.
سمر بدموع:سامحني يا أيمن غصب عني كنت غبية ماكنتش عارفة أنا بعمل أيه.
أيمن بهدوء :موافق أسامحك بس لو عرفت أنك كدبتي عليا في حاجة تاني مستحيل أسامحك فيها.
سمر بإرتباك:في حاجة تانية يا أيمن بس سامحني مش هقدر أقولك عليها والله ما هخبي عليك أي حاجة تحصل تاني بس أوعدني متزعلش مني.
أيمن بهدوء :ماشي يا سمر إلي فات مات وأدفن وأحنا ولاد النهاردة.
سمر بإبتسامة:ربنا يخليك ليا ويبارك فيك يا حبيبي أنا والبيبي.
أيمن بضحك :ويخليكي ليا أنتي وهو يا أم البيبي صحيح هنسميه أيه لو ولد ولو بنت نفسك في ايه.
سمر بهدوء :بص خلي الأسامي دي لما يجي أو تيجي بس يجوا بالسلامة.
أيمن بهدوء :يارب يا حبيبتي.
.............................
في دبي في أحد الكافيهات الشهيرة.
تجلس صوفيا بتوتر تنظر في ساعتها بملل أوف فينه ده أتأخر كده ليه.
ليقطع حديثها من يأتي من خلفها بمرح :متأخرتش ولا حاجة يا صوفي أنت إلي جاية بدري عن معادك.
صوفيا بلهفة :أخص عليك خضتني أخبارك أيه أنت وحشني أوي.
هو بهدوء:أنا تمام الحمد لله أخبارك أنتي أيه.
صوفيا بعتاب:الحمد لله بردو معاملتك النشفة دي معايا.
هو بهدوء:صوفي قولتها ليكي قبل كده مش أنا إلي أبيع مبدأي عشان الفلوس وأتجوز واحدة زي أمي.
صوفيا بعصبية :أوف أنت جاي تحرق دمي وبعدين خلاص أتجوزت واحد بفلوسي إلي أنت رفضها والموضوع أنتهي.
هو بهدوء :كويس أنك عارفة أنك أشترتيه بفلوسك يا حلوة.
صوفيا بملل:خير أكيد مش جايبني نتكلم عن جوزي.
هو بمكر:لا أحنا فعلا جايين نتكلم عن البيه جوزك.
صوفيا بملل :ماله يعني.
هو بخبث:أنتي عارفة حسام أتجوزك ليه ولا لا أكيد عارفة طبعا.
صوفيا بملل:اه عارفة ليه عشان فلوسي عايز تقول أيه تاني.
هو بضحك:عايز أقولك تفتحي عينك حسام مش باقي عليكي يا حلوة وقريب قوي هيخلص منك عشان يبقي هو الملك صاحب الفلوس دي كلها.
صوفيا بجنون :أنت بتقول أيه.
هو بهدوء :بقول إلي هيحصل حسام بيدبر أنو يخلص منك خدي بالك من نفسك ومن أكلك وشربك وتشوفي ناس تثقي فيهم هما إلي يخدموكي.
صوفيا بصدمة:قصدك أيه أنه عايز يقتلني.
هو بهدوء :مع الأسف أه عشان تصدقي هقولك إثبات صغير هو مش كان عايزك تغيري الدكتور بتاعك وتروحي لواحد تاني أفضل.
صوفيا بصدمة:أنت عرفت منين.
هو بهدوء:أنا أعرف حاجات كتير محدش يعرفها غيري فكري كويس لو حبه تحطي أيدك في إيدي وتنتقمي من حسام رقمي معكي مستني منك تليفون سلام ليغادر وهو يبتسم بخبث ويمشي بثقة وغرور فهو يعلم جيداً أن صوفيا سوف تتصل به قريباً.
بعد مغادرته ظلت صوفيا تنظر في آثره بشرود أنت عرفت ده كله أزاي أه يا حسام الكلب بقي عايز تموتني ماشي يا حسام جبت أخرك معايا.
الحلقة الثامنة والثلاثون
في دبي في فيلا صوفيا.
تجلس في غرفتها بشرود تام تفكر ماذا تفعل مع حسام فهي لا تثق به نهائياً تعرف جيدا أنه يعشق الأموال ولهذا السبب تزوجها وتعلم جيدا أنه تزوج سلمي لأنه كان يريد إذلال أخواتها لكن لا يفرق معه إنجاب طفل بتاتا فحسام لا يهمه غير نفسه فقط تتنهدت بنفاذ صبر ثم تقف وتذهب إلي سريرها لعل النوم ينسيها حقيقة حسام البشعة.
……………….
في المستشفي .
ينام حسام بسكينة تحت نظرات سلمي الساخرة فكيف ينام بهذه الراحة والسكينة بعد ما فعله بها تنهدت بألم ثم وقفت بهدوء وذهبت المرحاض وأغلقت الباب خلفها بهدوء ثم أخرجت الهاتف الذي أعطاه لها خالد بهدوء وضغط علي زر الإتصال وتحدثت بصوت منخفض:ألو أيوة يا خالد أنا تمام الحمد لله مش عارفة أخرج من هنا حسام شاكك فيا أصل بصراحة صوفيا غاظتني وأحنا بنتخانق قولتله صفية فسألني عرفت منين من نهي رجع بعدها قالي أن نهي متعرفش أسمها الحقيقي طيب أعمل أيه أنا خائفة جداً مش مرتاحة وخلاص هنخرج بعد بكره بجد يعني هانت حاضر هخلي بالي من نفسي سلملي علي مازن ونهي لا شكرا عايزة سلامتك محمد رسول الله لتغلق الهاتف ثم تعيد إخفائه من جديد لتفتح الباب وتخرج بهدوء لتتفاجئ.
حسام بهدوء: سلمي.
سلمي بإرتبك :نعم أيه إلي صحاك.
حسام بهدوء : قلقت مش أكتر أتأرختي ليه في الحمام وليه واخده شنتطتك معاكي بتعمل أيه في الحمام.
سلمي بتوتر:خدت الشنطة عشان خوفت الممرضة تدخل ولا حاجة وتسرق حاجة.
حسام بهدوء:تمام هتفضلي واقفة كتير متقعدي.
سلمي بهدوء:حاضر لتذهب إلي الأريكة الموضوعة وتجلس عليها بإهمال.
ليغمض عينه بهدوء ويفكر في سلمي ليحدث نفسه:أه يا سلمي يا تري بتدبري أيه قلبي حاسس أن خالد الزفت أفتكرني وقال لأخوه بس أولي هتتواصلي معاهم من غير فون وطالما شنتطك معاكي يبقي معاكي فون يا سلمي كشفتي نفسك يا سلمي الصبر حلو بس أقوم أقف علي رجلي وهندمك علي اليوم إلي فكرتي فيه يا سلمي تغدري بيا فربنا يغيب ظني عشان مش هرحمك لو طلع كلامي صح.
………………...
في مصر في شقة الحج علي
تجلس نور تطعم أبنتها الصغيرة أمام التلفاز ليدق جرس الباب لتقف بملل تفتح الباب لتجد أمها وأختها لتنظر لهم بسخرية :أهلا أتفضلوا عاش من شفكم.
عبير بسخرية ده المفروض أحنا إلي نقولك كده يا حبيبتي آخر مرة شوفناكي في فرح حسام من ثلاثة شهور طيب بلاش أنا أمك ذنبها أيه يا نور هانم.
سعاد بهدوء:خلاص يا عبير أزيك يا نور عاملة أيه يا بنتي وجوري عاملة أيه.
نور بسخرية:بخير كان ممكن تيجي تطمني عليها لو وحشاكي بلاش أنا يلا أتفضلوا مش هنفضل واقفين عادلي الباب.
عبير بسخرية:والله كويسة أنك فاكرة أننا لسه واقفين علي الباب.
نور ببرود:معلشي يا حبيبتي من الفرحة نسيت أنكم لسه علي الباب.
سعاد بهدوء: خلاص يا بنات بس بقي أنت كبار مش صغيرين وياريت تحترموا أني واقفة وسطكوا.
عبير بهدوء:ما أنتي شايفة يا أمي المعاملة بتاع الهانم كأننا مش أهلها.
نور بسخرية:أنتو شايفين أنكم أهلي أنتو جايين لسمر هانم تباركوا ليها علي الحمل كنتي سألتي فيا يادوب كلمتني في التليفون وقولتي مبروووك وست الدكتورة بنتك عاملة أيه معبرتنيش أصلا.
عبير بعصبية:هو جنابك بتسألي فيا أصلاً ولا بتعبريتي يا هانم بدل ما ترمي غلطك عليا بصي نفسك الاول يا حبيبتي.
يقطع شجارهم مجئ سميرة من حجرتها بهرولة علي أصواتهم :في أيه مالك يا عبير يا بنتي في أيه يا سعاد واقفين علي الباب ليه.
سعاد بهدوء:مافيش حاجة يا سميرة أنت عارفة نور وعبير لما يشوفوا بعض.
سميرة بعتاب:كده ينفع يا نور دي أختك الكبيرة
عيب كده.
نور بغيظ:هي إلي بتجر شكلي.
عبير بهدوء:أنا بردو المهم أزيك يا خالتو عاملة أيه.
سميرة بهدوء:الحمد لله يا حبيبتي أزيك يا سعاد عاملة أيه يا حبيبتي.
سعاد بهدوء:الحمد لله يا حبيبتي مبروك لسمر ربنا يقومها بالسلامة يارب.
سميرة بهدوء:يارب يا حبيبتي مجبتيش الولاد معاكي ليه يا عبير.
عبير بهدوء:في الحضانة يا خالتو مرة تانية بإذن الله.
سميرة بهدوء:بإذن الله يا حبيبتي.
سعاد بهدوء:جوري فين.
سميرة بهدوء:قاعدة جوة بتتفرج علي الكرتون.
سعاد بهدوء:طيب هروح أشوفها لتدخل سعاد لتجد حفيدتها جوري تجلس تشاهد التلفاز ببراءة
لتحدثها بإبتسامة:قلب تيته يا جوري أيه القمر ده.
لتركض الصغيرة لها بفرح :تيتة.
سعاد بفرح:قلب ونور عيون تيته وحشاني يا جوجو.
جوري ببراءة:وأنتي كمان يا تيتة.
عبير بمرح:وخالتو بيرو موحشتكيش يا جوري.
جوري ببراءة:لا وحشتيني كتير فين صحابي.
عبير بضحك:في الحضانة يا قلبي المرة الجاية عجبهم معايا عشان يلعبوا معاكي.
جوري ببراءة:ماشي يا خالتو.
كل هذا تحت نظرات نور المشتعلة.
سعاد بهدوء:أمال سمر فين.
سميرة بهدوء:فوق في شقتها مش حابة تنزل هنا عشان الحمل مايبقاش تقيل علي نور.
سعاد بهدوء:أصيلة ربنا يحميها.
عبير بهدوء:طيب يلا يا ماما نروح نشوفها عشان منتأخرش.
سميرة بهدوء:تمشوا فين يا عبير أنت هتتغدوا معانا ومافيش أعذار.
سعاد بهدوء:معلش يا سميرة بس عشان الولاد في الحضانة وهنروح نجبهم لسه.
سميرة بهدوء:بسيطة عبير تروح تجبهم وتيجي علي هنا.
عبير بهدوء:معلش يا خالتي مرة تانية.
سميرة بهدوء:والله ماينفعش كده والحج هيزعل.
سعاد بهدوء:مرة تانية بإذن الله هتطلعي معانا.
سميرة بهدوء:أه هاجي معاكم أطمن عليها نور.
نور بغيظ:نعم يا خالتو.
سميرة بهدوء:هتيجي معانا أنتي وجوري.
نور بغيظ:لا يا خالتو مش قادرة وخلي جوري معايا عشان هغيرلها.
سميرة بهدوء:ماشي يا حبيبتي يلا أحنا.
ليذهب ثلاثتهم لأعلي بشقة سمر تحت نظرات نور الحاقدة.
………………………...
في منزل خال سمر.
يجلس خالها مع زوجته يحتسون الشاي لتتحدث الزوجة:بقولك يا حج مش هنروح نبارك لسمر.
زوجها بهدوء: لأ هنروح طبعاً نبارك ليها يجهز مبلغ كده عشان ناخد ليها زيارة حلوة وأحنا راحين.
الزوجة بهدوء:عندك حق لازم ناخد حاجة عليها القيمة لحماتها تتكلم زي عادتها.
زوجها :ياريت يكون ربنا هداها بحمل سمر.
الزوجة :يارب يا أخويا .
…………………...
في أحد مواقع الإنشاء
يقف أيمن مع صديق له يتناقشون في المبني الذي يتم إنشاؤه.
سامي بهدوء:كده بقي التصميم كويس ياريت يخلص بقي علي خير.
أيمن بهدوء:يارب يسمع منك ربنا مش عايزين لخبطة تاني من العمال.
سامي بهدوء:بإذن الله خير هو خالد هيرجع إمتي.
أيمن بهدوء:والله ما أعرف بس تصدق قاطع بيا جدا ربنا يرجعه بالسلامة.
سامي بهدوء:يارب فعلا سفر خالد عامل فراغ لينا كلنا.
أيمن بهدوء:أهو يغير جو شوية وهيجي.
سامي بهدوء:عندك حق والله الواحد عايز ياخد يومين أجازة ولا حاجة يلا أنا ماشي عايز حاجة.
أيمن بهدوء:لا مع السلامة يا حبيبي.
………………...
في شقة أيمن.
تجلس سمر مع حماتها ووالدة نور وعبير.
سمر بإبتسامة:والله نورتينا يا خالتو وأنتي يا دكتورة عبير محبتكم دي فرحتني جدا .
سعاد بهدوء:وأحنا عندنا كام سمر يعني عشان تيجي نشوفها ونبارك ليها ألف مبروك يا بنتي ربنا يتمملك علي خير ويقومك بالسلامة يا بنتي يارب .
سمر بإبتسامة:تسلمي يا خالتو يارب.
عبير بإبتسامة وهي تمد يدها بعلبة مخملية:ده نورك يا سمر وأحنا عندنا كام سمر يا روحي مبروك ليكي وتقومي بالسلامة إن شاء الله أتفضلي يا قمر دي هدية بسيطة مني أنا وماما.
سمر بحرج:ليه كده بس تعبتوا نفسكوا.
سعاد بعتاب:أخص عليكي يا سمر وأحنا عندنا كام سمر ده أنتي بنتي إلي مخلفتهاش.
سمر بهدوء:والله ربنا يعلم معذتك عندي قد أيه والله حضرتك في مقام أمي الله يرحمها.
سعاد بهدوء:تسلمي يا بنتي الله يرحمها يا حبيبتي طيب يلا يا عبير عشان منتأخرش.
سمر بلهفة:راحين فين بس أنت لحقتو تقعدوا لما تمشوا .
عبير بهدوء:معلش يا سمر مرة تانية عشان معاد الحضانة بتاع الولاد.
سمر بإبتسامة:حاضر عشان خاطر الولاد بس.
سعاد بهدوء وهي تنهض هو وأبنائها المغادر مع السلامة يا حبيبتي ربنا يقومك بالسلامة.
سمر بهدوء:تسلمي يارب.
سميرة بهدوء وهي تنهض لإيصال أختها : عايزه حاجة يا سمر أنا نازلة.
سمر بهدوء: شكراً تسلمي ليغادروا إلي الأسفل.
………………….
في دبي في فيلا صوفيا.
تمسك هاتفها وتطلب أحد الأرقام:ألو الحمد لله أخبارك أنا موافقة هتنفذ إمتي تمام نتقابل بكره في نفس المكان مع السلامة.
……………...
في مكان آخر
يغلق الهاتف وعلي وجهه إبتسامة نصر :الحمد لله هانت أوي يا حسام الكلب كنت متأكد أن صوفيا مش باقية عليك وعايزة تخلص منك خلاص وقتك معايا قرب يخلص .
رواية الحلقة التاسعة والثلاثون
في دبي في شقة مازن
يجلس هو وزوجته وأخيه .
مازن بهدوء:عملت أيه في موضوع سلمي ياخالد.
خالد بهدوء :تمام هانت خلاص أطمئن.
مازن بهدوء:بردو مش عايز تقولي هتعمل أيه وبتخرج كل يوم تروح فين.
خالد بهدوء :متخفش يا مازن لو أحتجتك هقولك لو مش هقدر بردو أخلص الموضوع ده هطلب مساعدتك هو أنا ليا مين غيرك.
مازن بهدوء:كويس أنك عارف أننا ملناش غير بعض يا خالد فمن حقي أخاف عليك أنت أبني مش أخويا.
نهي بهدوء:خالد ياريت تقولنا أنت بتعمل أيه طمنا عليك.
خالد بهدوء :أطمنوا أنا بخير متقلقوش ثقوا فيا بس وإن شاء الله خير.
مازن بهدوء :بإذن الله يا حبيبي عشان عايز أفرح بيك وأشوف عيالك.
خالد بهدوء :وده أيه علاقته بموضوع سلمي.
مازن بسخرية :خالد قولتها ليك قبل كده أنت أبني قبل ما تكون أخويا وأنا عارف أن سلمي هي البنت إلي بتحبها مشوفتش نظرتك كانت بتبقي أزاي لما كنا بنتكلم عنها.
خالد بضحك:للدرجادي أنا مفضوح وأنتي يا نهي لحظتي أنتي كمان.
نهي بضحك:بصراحة لا بس مازن هو إلي قالي.
خالد بهدوء :أيوة هي يا مازن وبردو لو ماكنتش هيا كنت هساعدها تتخلص من حسام الكلب.
مازن بهدوء:إن شاء الله تخلص منه علي خير أطمن.
خالد بهدوء :يارب عايزين حاجة أنا خارج ورايا مشوار مهم.
مازن بهدوء:بردو مش هتقولي بتخرج تروح فين.
خالد بهدوء :كل شيء في وقته حلو يا أبو لارا يلا السلام عليكم.
مازن ونهي :وعليكم السلام.
نهي بهدوء وهي تنظر لزوجها الذي ينظر لآثر أخيه :أطمن يا حبيبي خالد عاقل وهيعرف يصرف أموره.
مازن بحزن :خايف عليه حبه يعميه ويأذي نفسه.
نهي بهدوء:أطمئن خير إن شاء الله أدعيله أنت بس.
مازن بهدوء: حاضر يا نهي هطمن وأدعيله.
…………………..
في مصر في شقة أيمن.
تقف سمر في المطبخ تعد طعام الأفطار يقطعها دخول أيمن وهو مرتدي ملابس عمله :صباح الخير يا حبيبتي.
سمر بإبتسامة :صباح الفل والياسمين.
أيمن بمرح:ده أيه الرضا ده كله.
سمر بمكر :قلت أدلعك شوية قبل ما البيبي يجي وينور حياتنا.
أيمن بضحك:لا والله بقي كده ماشي يا ستي بس لو جت بنوتة أنا هدلعها أنا كمان يا قلبي عشان نبقي متفقين.
سمر بضحك:ماشي يا حبيبي يلا ساعدني نخرج الفطار بره.
أيمن بهدوء :ماشي يا حبيبتي ليخرجا طعما الأفطار سويا.
……………...
في الأسفل في شقة الحج علي.
الحج علي بهدوء:سميرة أنا بفكر أكلم أيمن يبقي ينزل يقضي معانا هو وسمر كله جمعة أيه رأيك.
سميرة بلهفة :موافقة طبعا بس ياريت يوافقوا بس أنت عارف أيمن لما يعند في حاجة.
مروان بهدوء:هكلمه أنا كمان يا بابا بعد إذنك لما يلاقينا كلنا مصريين أكيد هيوافق ولا أيه رأيكم.
سميرة بلهفة :تمام كلموا بكره علي طول.
الحج علي بهدوء: بإذن الله أكلموا بكره .
نور بغل:بس أعملو حسابكوا أنهم لو وافقوا ونزلوا أنا مش هشتغل لوحدي سمر هانم تساعدني غير كده هطلع شقتي أنا تعبانة.
مروان بعصبية:لمي الدور يا نور بلاش شغل الجنان بتاعك ده.
الحج علي بهدوء:هي عندها حق يا مروان وتعمل إلي هي عايزاه هي كمان علي وش ولادة وبعدين لو هينزلو نبقي نجيب أكل جاهز في اليوم ده فاهمين خلاص الموضوع ده أتقفل.
سميرة بغيظ من نور:تمام يا حج بس لو نزلوا سمر هتدخل من نفسها تطبخ من غير ما نطلب منها إذا كان رفضوا ينزلوا نأكل سوا وأجيب واحدة لشغل البيت رفضت قالت أنا هشيل بيتي يعني واحدة غير ما هتصدق تخلينا كلنا نخدمها.
نور بغل:وأنا يا خالتو مش مسؤولة أخدم حد.
الحج علي منهيا النقاش:خلاص الموضوع خلص وياريت نقفل كلام بقي وتخليكوا في أكلكوا.
……………...
في دبي في المستشفي.
يجلس حسام علي تخته بعصبية شديدة وهو يمسك هاتفه بعد أن أغلقت صوفيا الهاتف معه وأخبرته أنها لن تأتي له اليوم.
لتنظر سلمي له بسخرية:مالك مضايق كده ليه.
حسام بعصبية:سلمي تعرفي تخرسي خالص أنا مش ناقصك لما أشوف أخرتها معاكي أنت وهي أنا بجد قرفت.
سلمي بعصبية:أيه هي الهانم تعصبك تطلع عصبيتك عليا أوف أنا نازلة أشرب حاجة في الكافتريا بعد إذن حضرتك طبعا.
حسام بعصبية:أتفضلي روحي مكان ما أنتي عايزة متصدعنيش ونص ساعة وتكوني هنا فاهمة ولا لأ.
سلمي بغيظ :فاهمة لتغادر صافعة باب الغرفة خلفها بعنف لينظر لها حسام لها بتوعد ماشي يا سلمي حسابك معا أنتي والهانم التانية أقف علي رجلي بس وأعرف أيه إلي غيركم كده أنتو الأتنين التانية بقت مش طيقاني وببتهرب مني وجنابك بقيتي قوية وفردتي جنحاتك يا ست سلمي.
……………...
في الكافتيريا تجلس سلمي تحتسي فنجان القهوة بهدوء وتمسك بهاتفها وتدق على رقم خالد:ألو أيوة يا خالد أنا الحمد لله تمام أيمن والجماعة في مصر عاملين أيه هحاول النهاردة أكلمهم لازم أتكلم من فونه عشان ميعرفش أن معايا فون تمام مع السلامة لتغلق الهاتف وتقف للرجوع إلي الغرفة مرة آخري.
………………..
في دبي في أحد الكافيهات الفاخرة.
ي
غلق خالد هاتفه ويضعه بجيبه بعد إنتهائه من مكالمة سلمي لينظر أمامه بإبتسامة :نورتي يا صوفي.
صوفيا بغرور :أكيد طبعا شكلك جاي من بدري.
خالد بهدوء :أه حبيت أشرب فنجان قهوة عقبال ما تيجي تشربي أيه.
صوفيا بهدوء:أي عصير فريش لينادي خالد للجرسون ليمليه الطلب ثم ينظر لصوفيا مرة آخري.
لتتحدث صوفيا
بهدوء:هنعمل أيه يا خالد.
خالد بهدوء :هقولك ليملي عليها خطته بس كده يا ستي أيه رأيك.
صوفيا بغل:وأنت بتساعد سلمي ليه يا خالد.
خالد بهدوء :سلمي تبقي أخت أعز أصدقائي يا صوفيا.
صوفيا بسخرية:ماشي يا خالد مع أني مش مقتنعة بكلامك بس موافقة عشان أنتقم من حسام بس.
خالد بهدوء :يبقي متفقين هو هيخرج بكره مش كدا.
صوفيا بسخرية:حتي دي عرفها.
خالد بسخرية:شوفتي مبضيعش وقت.
صوفيا بهدوء:ماشي يا خالد هبدأ آول لما يخرج أنفذ.
خالد بهدوء :تمام يلا سلام ليغادر الكافيه وهو يتذكر معرفته بهوية زوجة حسام ولم تكن غير صوفيا رفيقة والدة أحد رفقاته القدامي بدبي وطالما كانت تحاول أن تتحدث معه حتي أنها طلبت منه أن يتزوجها أكثر من مرة وأنها ستؤمن له حياته هو وأخيه لكنه رفض لأنه ليس بالرجل الذي يضحي بحياته من أجل بعض الأموال ليبتعد عنها ويسافر لمصر لزيارة بلده الحبيب ليري سلمي هناك ويقرر بعدها الإستقرار في مصر وينسها نهائيا لكنه لن يكن يدري أنها ستتعرف علي صديق أخيه الجديد الذي تعرف عليه بواسطة صدقه المقرب أحمد الذي تعرف علي حسام من خلال عمله وتتزوجه صوفيا ويصبح هو من يدير شركتها ويتحكم بها وبأموالها فبعد أن عرف من هي ومدي تعلقها به قرر أن يطلب منها المساعدة بعد أن علم تخطيط حسام الدنئ للتخلص منها من صديقه الذي يعمل طبيب بأحد المستشفيات الكبري والذي كان يعرف بصلة حسام بأخيه مازن فأخبره أنه يطلب منه علاج يشل حركة الجسم في أسرع وأنه سيجلب له مريضة للفحص الشامل وبعدها يكتب له هذا العلاج في سرية تامة مقابل الرقم المالي الذي يطلبه فربط خالد الأحداث ليخطط بالإيقاع بينه وبين صوفيا لكي توافق أن تساعده بعد أن تعلم مخططته الدنئ ضدها للإستيلاء علي أموالها.
…………….
في المستشفي.
تجلس سلمي بهدوء علي أحد المقاعد لتحاول محادثة حسام:حسام.
حسام بالامبالاة :نعم.
سلمي بهدوء:عايزة أكلم ماما وبابا وأخواتي بعد إذنك.
حسام بهدوء:طيب ثم يجلب هاتفه ويعطيه لسلمي أتفضلي طبعا مش محتاج أقولك أنك متتكلميش في أي حاجة من إلي بتحصل هنا مجرد تطمني عليهم مش أكتر.
سلمي وهي تأخذ الهاتف:حاضر لتمسك الهاتف وتدق علي رقم والدتها ليأتيها الرد بعد ثوان ألو أيوة يا ماما وحشاني جدا وبابا وأخواتي وسمر ونور كلهم عاملين أيه أه عرفت من حسام أن سمر حامل أه عرف من نور ألف مبروك ليها بجد فرحانة ليها هي وأبيه جدا ومروان وجوري أخبارهم أيه محدش عندك ماشي يا ماما سلميلي عليهم كلهم وباركي لأيمن وسمر عقبال أما أجيب فون جديد ﻻن فوني بايظ مع السلامة حاضر الله يسلمك لتالق الهاتف وتعطيه لحسام أتفضل ماما بتسلم .
حسام بهدوء:وهو يأخذ هاتفه الله يسلمك.
……………….
في مصر في شقة أيمن.
يجلس أيمن مع أخيه ووالده وزوجته.
الحج علي بهدوء:أيه رأيك يا أيمن في إلي قولته
أيمن بهدوء :معلشي يا بابا خلينا كده أفضل عشان متحصلش مشاكل تاني.
مروان بهدوء :ده يوم يا أيمن متقولي حاجة يا سمر.
سمر بهدوء :إلي يشوفه أيمن أنا موافقة عليه.
الحج علي بهدوء :أيه يا أيمن هتكسف أبوك ولا أيه وبعدين مافيش حاجة تجيب مشاكل الأكل هنجيبوا جاهز عشان نتجنب المشاكل خالص.
سمر بهدوء :لأ طبعا يا بابا أنا لو أيمن وافق ونزل هعمل الأكل مفيش مشكلة عندي.
الحج علي بهدوء:لا طبعا أنا قولت كلمتي ولا أنتي ولا نور هتعموا حاجة وكله هيجي جاهز قولت أيه يا أيمن.
أيمن بهدوء :هقول أيه بعد كلامك يا بابا كلامك فوق رأسي من فوق.
الحج علي بهدوء:علي خيرة الله يا حبيبي.
……………….
في المستشفي في دبي.
في صباح اليوم التالي.
يجلس حسام علي كرسي متحرك وخلفه صديقه أحمد يمسك الكرسي المتحرك ويدفعه وبجواره صوفيا وسلمي إستعداد للرحيل من المستشفي.
صوفيا ببرود:هنروح علي الفيلا طبعاً.
حسام بهدوء :أكيد بس سلمي هتيجي معانا بعد إذنك طبعا.
صوفيا ببرود:زي ما تحب يا بيبي ده بيتك.
سلمي بهدوء:أنا عايزة أروح شقتي هقعد فيها
حسام بهدوء:لأ يا سلمي ومش عايزة مناقشة حجتك هجبهالك أطمني.
سلمي بعصبية :بس أنا مش عايزة أقعد عن حد .
حسام بهدوء:خلاص يا سلمي مش عايز كلام تاني في الموضوع ده فاهمة ولا لأ.
سلمي بغيظ :فاهمة.
أحمد بهدوء:نمشي.
حسام :يلا يا أحمد أسف تعبك معايا.
أحمد بعتاب:أخص عليك ده أحنا أخوات.
حسام بهدوء:ده العشم بردو يا حبيبي ليغادروا تاركين المستشفي إلي منزل صوفيا.
الحلقة الأربعون
في مصر في شقة مروان.
يقف مروان يجهز نفسه للذهاب لعمله لتدخل نور الغرفة :مروان.
مروان بهدوء:نعم يا نور عايزة حاجة.
نور بهدوء:أه أنا كنت عايزة أخرج النهاردة أشتري شوية حاجات للنونو وهسيب جوري مع خالتو.
مروان بهدوء:تمام الفلوس في الدرج خدي إلي أنتي عايزاه خدي بالك من نفسك ومتتأخريش.
نور بهدوء:حاضر يا حبيبي تمام.
مروان بهدوء :تمام ممكن تجيبي حاجة معاكي لسمر هدية عشان البيبي زي ما كانوا جايبين لينا.
نور بمكر:من غير ما تقول يا حبيبي هجبلها حاجة تنفع بنات وولادي هو أنا بردو أقدر أنسي سمر دي حبيبتي.
مروان بتعجب:تمام ربنا يهديكي يا حبيبتي ويكملك بعقلك.
نور بسخرية مستترة:طيب يا حبيبي مش يلا عشان ننزل نفطر.
مروان بهدوء :يلا أنا جاهز لينزلوا سويا لشقة والده لتناول طعام الأفطار معهم.
………………………...
في دبي في فيلا صوفيا.
يصلوا إلي المنزل بعد مغادرة المستشفي ليصعد حسام إلي غرفته بمساعدة أحمد والخدم .
صوفيا بهدوء:مرتاح كده يا حسام.
حسام بهدوء:أه مرتاح يا حبيبتي تسلمي.
أحمد بهدوء:طيب أستأذن أنا يا حسام عايز مني حاجة.
حسام بهدوء:لا سلامتك يا حبيبي ربنا يخليك.
أحمد بهدوء:تمام السلام عليكم .
حسام بهدوء:وعليكم السلام ليغادر أحمد لينظر حسام لصوفيا :فين سلمي.
صوفيا بهدوء:قاعدة تحت وخليت واحدة من الخدم تواصلها أوضتها.
حسام بهدوء:طيب كويس متشكر ليكي جدا يا صوفي تعبك معايا.
صوفيا بسخرية:تعبك راحة يا حبيبي.
حسام بهدوء:مالك يا صوفيا أيه إلي مغيرك أنتي مش عجباني أنا زعلتك في حاجة.
صوفيا بهدوء:أنت شايف أنك زعلتني في حاجة.
حسام بهدوء:لأ يا صوفيا أنا مزعلتكيش في حاجة عشان كده مستغرب أيه إلي مغيرك كده حتي مجتيش ليا المستشفي آخر يومين.
صوفيا بهدوء:قلتلك كنت تعبانة عشان كده مقدرتش أجي وبعدين كنت بكلمك فون أطمن عليك.
حسام بهدوء:تمام يا صوفي المهم أنك بخير ومش زعلانة مني.
صوفيا بتهكم:وهو أنت حد يزعل منك يا حبيبي بردو أنا راحة أوضتي أستريح عايز حاجة.
حسام بهدوء :تسلمي يا روحي سلامتك.
لتغادر صوفيا الغرقة لينظر حسام خلفها بتعقب :ما هو أكيد في حاجة أنا مش عبيط يا صوفيا أقلها أنك قاعديتني لوحدي بحجة أنا سلمي تشوفني كلامك مش مقنع حاسس أن حد بيحركك أنتي وسلمي.
…………………..
تجلس نور في أحد الصيدليات تتحدث مع رفيقة لها دكتورة صيدلنية:يعني يا مريم متأكدة من نتايجه.
مريم بهدوء:متأكدة طبعاً يا نور بس أزاي صاحبتك ده عندها القلب ومرحتش تعمل إجهاض عادي غند أي دكتور وهي معاها شهادة مرضية زي ما بتقولي.
نور بخبث:جوزها المفتري مش راضي يخليها تنزله عشان نفسه في العيل ومش فارق معاه حالتها فكلمتني أسألها الدكتور بتاعي يكتبلها حاجة بس قولت أنتي صحبتي فتفدينا أكتر من الدكتور لأن الدكتور أكيد هيرفض لو مش شافش التقرير الطبي بتاعها صح ولا غلط هو أنا إلي هقولك يا مريومة ولا أيه .
مريم بهدوء:للدرجادي في رجالة كدة ومراته مش فارقة معاه رينا ينتقم منه.
نور بمكر:أه يا حبيتي رجالة معندهاش دم المهم أنتي أخبارك أيه وجوزك وعيالك عاملين أيه.
مريم بهدوء الحمد لله يا حبيبتي بخير جوري عاملة أيه هتولدي إمتي.
نور بهدوء:أنا في السابع فاضل شهرين.
مريم بهدوء:ربنا يقومك بالسلامة يا حبيبتي أخبار سلفتك أيه لسه ربنا مكرمهاش.
نور بغل:لا لسه أدعيلها يا حبيبتي.
مريم بهدوء:ربنا يديها يا حبيبتي.
نور بغل:يارب يلا همشي أنا عايزة حاجة.
مريم بهدوء:لا سلمتك يا روحي لتغادر نور إلي منزلها تاركة صديقتها تكمل عملها.
……………………….
في دبي في غرفة سلمي في فيلا صوفيا.
تجلس سلمي بملل تشاهد التلفاز فمنذ أن أتت إلي هنا وهي تجلس في غرفتها ولم تخرج منها ولم يأتي لها سوا الخادمة التي جاءت لها بأغراضها من شقتها وأتت لها بالغداء لتغلق التلفاز وتقف في بلكونة غرفتها لتجد صوفيا تجلس في الأسفل وتتحدث في الهاتف فتزفر في ملل ثم تخرج من الغرفة عازمة علي الذهاب لحسام فهي تكاد تجن من الملل تود أن تخرج من هذا المنزل وتري الناس فمتذ أن تزوجته لم تخرج من المنزل بتاتا فكل ما تحتاجه كانت تطلبه بالهاتف ويأتي إليها.
…………………………..
في مصر في شقة الحج علي .
تجلس نور مع زوجها وإبنتها وحماها وحماتها توريهم الملابس التي أتت بها لمولدها ولإبنتها.
سميرة بهدوء :تسلمي أيدك يا بت يا نور الحاجة جميلة يلبسهم في الهنا إن شاء الله البدل ألوانها وأشكالها حلوة قالتها وهي تقلب في ملابس المواليد بين يديها.
نور بفرحة:بصي بقي علي فساتين جوري قالتها وهي تخرج الفساتين لتوريهم لخالتها.
الحج علي:تحفة يا نور تسلم إيدك يلبسوهم في الهنا.
نور بهدوء :تسلم يا عمو أيه رأيك يا مروان.
مروان بهدوء وهي يلاعب لوجي:حلوين ماشاء تسلم أيد يا حبيتي.
نور بهدوء:ربنا يخليك يا حبيبي شوفوا بقي دول وقولولي رأيكم في دول قالتها وهي تخرج من أحد الحقائب بورت وكوفرتا باللون الزهري.
سميرة بسرعة:يا بنتي جبتيهم ليه ما أنتي عندك جداد كنتي وفرتي فلوسهم لحاجة تانية مهمة.
نور بمكر:بس دول مش ليا يا خالتو دول لسمر جيباهم للمولود وجبت اللون الزهري عشان سمر بتحب اللون ده.
سميرة بسعادة:أيوة كده هي نور بنتي حبيبتي إلي أنا مربيها ربنا يخليكي يا حبيبتي وييارك فيكي ويكملك بعقلك.
الحج علي بهدوء:هو ده الصح يا بنتي ربنا يخليكم لبعض وميحرمكوش من بعض أبدا.
مروان بهدوء :تسلم أيدك يا نور.
نور بهدوء :دي هدية بسيطة يا جماعة وسمر زي أختي وأبنها أبني.
الحج علي بهدوء:أيوة يا بنتي هو ده الصح ربنا يكملك بعقلك.
نور بهدوء :تمام هقوم أنا أطلع شقتي أطلع الحاجة بتاعة جوري والنونو وهدية سمر خليها هنا يا خالتو لغاية ما نبعتها ليها.
بعد إذنكم لتغادر تحت نظراتهم المتعجبة من تصرفاتها .
الحج علي بهدوء: بصراحة أنا مستغرب نور جدا يلا المهم ربنا يهديها .
مروان بهدوء:أنا إلي طلبت منها تجيب يابابا بس متخيلتش هجيب حاجة حلوة كده قولت مش هتهتم وهتجيب أي حاجة.
سميرة بهدوء:نور كويسة لكن مشكلتها أنها فاكرة أن كل الناس بتكرهها حاولت أنقعها كتير أن تفكيرها ده غلط لكن ما فيش فائدة فيها ربنا يهديها لجوزها وعياله
الحج علي بهدوء:يارب.
مروان بهدوء: يارب يا أمي هطلع أنا وهاخد جور معايا عايزين حاجة سلامتك يا حبيبي.
………………………..
في دبي في فيلا صوفيا في غرفة حسام.
يدق الباب وتدخل سلمي الغرفة بهدوء:أزيك يا حسام عامل أيه.
حسام بهدوء:كويس الحمد لله مرتاحة هنا ولا لأ.
سلمي بسخرية:يعني لو مش مرتاحة هتسبني أمشي من هنا ولا أيه.
حسام ببرود:لأ طبعاً بس بطمئن عليكي يا حبيبتي.
سلمي بسخرية:آطمئن أنا بخير أنا عايزة أخرج أتمشي أن خلاص هتجنن من الحبسة دي.
حسام بإبتسامة:تمام يا سلمي تقدري تخدي السواق وتخرجي وتروحي مكان ما أنتي عايزة.
سلمي بصدمة:أنت بتتكلم جد.
حسام بهدوء:أكيد طبعاً من حقك تخرجي وتغيير جو يا حبيبتي طالما بتسمعي الكلام يبقي خلاص براحتك.
سلمي بهدوء:ماشي يا حسام شكرا أنا مش هبعد هروح أغير جو مش أكتر.
حسام بهدوء:براحتك مع السلامة.
سلمي بفرح:الله يسلمك مع السلامة.
لتتغادر سلمي تحت ضحكات حسام الساخرة مهو لازم تخرجي يا حلوة عشان أعرف بدري لأخيه ومين بيحركك يا قلبي هههههههه.
…………………………….
في دبي في شقة مازن في غرفة خالد يجلس علي فراشه يتحدث مع صوفيا.
خالد بهدوء:مش هوديكي للدكتور غير لما أعرف ناوية علي أيه يا صوفيا ممكن تهدي عشان نعرف نتكلم يوه أفهمي أنتي تهميني زي سلمي وعايز أساعدك زيها لكن أفهم أنتي بتفكري تعملي أيه خلاص زي ما تحبي هاخد ليكي ميعاد عنده وتروحي ليه وقت ما تحبي ماشي يا صوفيا مع السلامة ليغلق معها الهاتف ويتنهد بملل أوف كنت ناقصك كمان أنتي كمان يا صوفيا.
…………………………..
في مصر في شقة أيمن.
يجلس أيمن مع زوجته يشاهدون التلفاز سويا ليرن جرس الباب ليقف أيمن ليفتح الباب وتذهب سمر لترتدي إزدالها بسرعة ليفتح أيمن الباب ليجد خال سمر وزوجته ويحملون عدة حقائب ليرحل بهم أيمن بحفاوة: أهلاً وسهلاً نورتنا أتفضلوا ليدخلوا ويضعون الحقائب علي الأرض.
خال سمر بهدوء:الله يسلمك يا أيمن يا أبني عامل أيه وحشني والله كده بردوا متسألش عني الفترة دي.
أيمن بهدوء:غصب عني كنت واخد علي خاطري منك شوية.
زوجة خال سمر:ليه كده يا أيمن يا أبني ده أحنا أهل حد يزعل من أهله.
أيمن بعتاب:وزعلان من حضرتك كمان يعني توافقوا سمر علي الجنان بتاعها ده قدر ما كنتش حامل وأصرت ومشيت من هنا وأنفصلنا كنتوا هتبقي فرحانين.
زوجة خالها:والله يا أبني اتخنقت معاهم بس أقول أيه بقي محدش يقدر عليه ولا علي بنت أخته في نشوفية الدماغ.
خالها بهدوء: وبعدين يا أيمن أن كنت واثق أنك مش هتسبها تمشي وكان لازم أوفقها عشان أخليها تعرف معزتها عند ك وتعقل شوية شعري ده يا أبني مشابش من شوية كنت عارف أنك هتيجي.
أيمن بهدوء:ثقة حضرتك فيا دي وسام علي صدري تسلم يا خالي.
لتخرج سمر من غرفتها وترحب بخالها وزوجته : أهلاً يا خالي أهلاً يا مرات خالي نورتنا والله أخباركم أيه .
خالها بهدوء وهو يحتضنها:بخير طول ما أنتي بخير يا بنتي ألف مبروك يا بنتي ربنا يقومك بالسلامة.
زوجة خالها وهي تجلبها بحضنها:ألف مبروك يا بنتي ربنا يكملك علي خير.
سمر بهدوء:تسلموا يارب أتفضلوا أستريحوا ليجلسوا في أماكنهم لتنظر سمر للحقائب الموضوعة علي الأرض ثم تنظر لهم بعتاب:كده ينفع يا خالي تعبتوا نفسكوا ليه هو أنتو غرب.
خالها بهدوء:حاجة بسيطة يا حبيبتي ده لو عليا أجبلك نجمة من السماء .
زوجته بهدوء:كلفنا نفسنا أيه هو أحنا عندنا كام سمر.
سمر بهدوء:تسلموا يارب ربنا ميحرمنيش منكم بعد إذنكم لتنهض إلي المطبخ وتعد كاسات العصير وتقدمها لهم ثم يجلسون سويا يتحدثوا في عدة مواضيع جانبية إلا أن غادروا إلي منزلهم.
………………………...
في دبي في فيلا صوفيا في غرفة سلمي
تجلس سلمي علي سريرها بعد أن أجهزة للخروج تتحدث علي الهاتف مع خالد :أيوة أنا أستغربت أنه وافق أني أخرج لكن المهم أني أخرج أغير جو تمام ماشي مع السلامة سلملي علي نهي وأستاذ مازن.
…………………………...
في مصر في شقة مروان.
تجلس نور في غرفتها في شرود ندتام تخطط لشئ ما يقطع شرودها دخول مروان الغرفة :مالك يا نور سرحان في أيه.
نور بهدوء:ما فيش حاجة.
مروان بهدوء:طيب تهدي الهدية لسمرإمتي.
نور بهدوء:أيه رأيك يوم الجمعة لما نتجمع كلنا.
مروان بهدوء:فكرة حلوة أنا مبسوط جدا بتغيرك يا نور.
نور بمكر: شكراً يا حبيبي أوعدك أني أتغير للأحسن .
مروان بإبتسامة:بإذن الله يا حبيبتي جوري بره بتتفرج علي الكارتون أنا هنام عايزة حاجة.
نور بهدوء:لا شكراً تصبح على خير.
مروان بهدوء:وأنتي من أهله ليذهب مران إلي سريره لينام تاركاً سلمي تكمل مخطتها الدنئ.