الفصل التاسع
بقلم صابرين علاء
انا وفهد قلبنا وقع ف رجلينا للحظات حسينا ان الراجل دا ممكن يكمل الشغل اللي جهاد
معملهوش
الشيخ كمل وقال،،،، والله ما انتو طالعين من هنا الا لما تحضرو فرح
ابني الليله القبليه كلها فرحانه وانتو لازم تشاركونا فرحتنا،،،،،،
انتو ضيوفنا ولسه مأخدوش واجبكم
فهد اتنهد وقال معلش انا مش هقدر اقعد
هنا،،،،،، انا مش واخد على جو الصحرا ولا الجو الحر دا،،،،،،
دا غير ورايا شغل كتيير ف مصر 🇪🇬
لازم اسافر النهارده
الشيخ عقد حواجبه وقال انت بتقولي لا،،،،،، انا شيخ القبيله وامري مطاع
انت عايز تخالف قوانينا،،،،،
فهد كان لسه هيتكلم روحت قطعت عليه
ااااا لا طبعا ياشيخ هو ميقصدش
هو عايز يقولك انه هيكون مبسوط
جدا لما يقضي يومه هنا ف وسطيكم ف المناخ اللذيذ دا والخيم الشيك
دي والغنم اللي ماشي حوالينا دا
كل حاجه عندكم تحفه وتجذب
احنا هنقعد معاك اكيد دا شئ يشرفنا
الشيخ مشي و
فهد قالي واات،،، انتي بتقولي ايه
انا مقولتش كدا
قولتله بس اسكت لايحبسك ف بيت
الادب،،،،،،
قالي وات،،،،
قولتله،،،،،، بلا وات بلا ذات اقعد
ساكت،،،، بكرا نمشي
♡♡♡♡♡♡♡♡♡♡♡♡♡♡♡♡♡♡♡
شذى كانت معديه من جنب اوضه
قالت الله الباب دا شكله حلو اوي
ياترى دة باب اوضه مين،،،،،
وقعدت افكر
ادخل ولا مدخلش،،،،،وف الاخر قررت
اني ادخل،،،،،
الله،،،،، الاوضه دي شكلها حلو اوي،،،،
تحفه بجد،،،،، طول عمري كنت اتمني
افرش اوضتي بمبي واحط عرايس
باربي ف كل حته،،،، ايوا انا مهما كبرت صغير هههههههه
وفجأه شافت صوره بنت متعلقه عالحيطه واسمها مكتوب موده
شذى قالت،،،،،، هي دي موده،،،،،،،،
اخت فهد ومراد،،،،، ياربي قد ايه
هي جميله وملامحها برئيه،،،،،،
قربت من الصوره وحطت اديها عليها
وفجأه شافت كارت ميموري محشور ف البرواز،،،،
قالت،،،، اي دا،،، كارت ميموري
ياترى مين اللي شايله هنا ف المكان
دا بالذات ايه شغل المخابرات دا،،،،،،
بس ياترى في ايه،،،،،،
جت نهال وقالت بتعملي ايه عندك
هنا يا شذى،،،،، دي اوضه موده الله
يرحمها،،،،،،،
شذى قالت انا اسفه ياطنط بس
بصراحه شكل الباب شدني ف حبيت
اني اظخل واتفرج عليها ومكنتش اعرف انها اوضه موده،،،،،
انا بجد بعتذر،،،
نهال قربت منها وقالت متعتذريش
ياحببتي محصلش حاجه علشان دا كله عادي،،،،، انتي بنوته ودا شئ طبيعي تنجذبي لاي حاجه شكلها حلو
وموده كمان هي اللي مختاره كل حاجه على زوقها،،،،، الله يرحمها
كانت هاديه ورقيقه اوي،،،،،،،
شذى قالت الله يرحمها،،،،،
طيب بعد اذنك ياطنط انا هاروح اذاكر تؤمريني بحاجه،،،،
نهال قالت لا ياحببتي روحي ربنا معاكي بس اوعديني انك لما تخلصي نقعد نشرب مع بعض فنجان قهوه ف الجنينه
ونسمع مزيكا هاديه
شذى قالت ياخبر ياطنط دا انا كنت هنام منك امبارح
نهال قالت هههههه ماهو دا نتيجه لهدؤ الاعصاب اللي حسيتي بيها امبارح اما كل فتره كدا بحب اعمل جلسه هدؤ مع نفسي،،،
شذى قاطعتها،،،، ااااا طب معلش
ياطنط ممكن اروح اذاكر وان شاء،
الله هنقعد مع بعض باليل ونتكلم
براحتنا عن اذنك
شذى مشيت من قدامها بالعافيه وراحت على اوضتها وقفلت على نفسها وجابت ريدر من شنطتها وحطت فيه الكارت وشافته
وكانت الصدمه،،،،،،،،
نهال ف الفديو بتقول،،،،،،
ثروت الجبالي مش ممكن هنقدر نستولى عليها الا اذا فهد مات
ومحدش فيهم يعرف اني مش امه
الحقيقيه واني مرات ابوه،،،،،
انا من سنين طويله اتجوزتك
وخلفت منك اولادي وانت سبتني
واجبرتني ادخل حياه فارس وبالفعل عملت كل اللي انت عاوزه وكانت النتيجه ان قدرت انجح ف مهمتي واخلص من شمس ام الاولاد ومحدش قدر يوصلها ولا يعرف عنها اي حاجه لحد دلوقتي
كانت قاعده مع واحد بس وشه مش باين خالص بس كان لابس خاتم في فص اخضر
ومتكلمش ولا كلمه واليو خلص على كدا
شذى قفلت الاب توب وقالت
يعني ايه،،،،،، يعني نهال مش هي نفسها ام الاولاد،،،،،، اومال مين امهم
الحقيقيه وراحت فين،،،،،،، نهال دي طلعت مجرمه،،،،، طب مين الشخص
اللي وراها دا،،،، مين دا اللي اتجوزته وفين عيالها دول،،،،،
انا مش فاهمه حاجه........
طيب اخبي الكارت دا فين بصت
على المادليا اللي ف اديها كان فيها.دبدوب قطن وسوسته صغيره وقالت باااااس انا هاشيلك هنا علشان تفضل معايا عالطول ومحدش يشك فيك،،،،،،
♡♡♡♡♡♡♡♡♡♡♡♡♡♡♡♡♡♡♡
جه الليل بسرعه على القبيله
وبدأ العرس يبدأ والاغاني تشتغل
فهد قال للشيخ،،،، ياسلام عالجمال
تعرف ان احلى حاجه ان الاعراس عندكم مختلفه اوي،،،،وزي مابنشوف
على قناه وناسه
قعده عربي،،،،، ومطربين ماسكين عود
والبنات جوا ف الخيمه يعني جو
جميل جدا،،،،،
الشيخ قاله لا انت ماشوفتش المفجأه
اللي هاتيجي كمان شويه،،،،،
احنا عازمين عبد المجيد عبد الله
وهايجي ويعني ويجاملني كمان
لانه صاحبي من زمان وعشره سنين
فهد قاله بجد،،،،،، لا دا انتو كدا عايزين ضرب نار بقى هههههههههه
اما ف الخيمه كنت قاعده مع العروس وبزوقها وبعملها الميكب قالت،،،،،،
بااااس كدا ياست الكل بقيتي من احلى العرايس،،،،
حنين العروسه قالت تسلم ايدك انا بجد مش عارفه اشكرك ازاي على وقفتك جمبي دي،،،،،،، بجد انا فرحانه
اوي،،،،،، حاسه اني شبه ممثلين الخليج،،،،، انتي ميكب ارتست ولا ايه
قولتلها لا انا بحب الميكب وبحب اجرب اساليب جديده ديما لاني بحب
التغيير بس تعرفي ولا مره جربت
الميكب البدوي،،،،،، انا بصراحه حاساه
واووو خصوصا رسمه العيون المسحوبه نفسي اوي اجربها على شكلي
حنين قالت بس كده من عيوني يا احلى البنات،،،،،، انا هاعملهولك،،،،،،
تعالي اقعدي
قولتلها بس اسكتي العروس مينفعش
تتعب نفسها لحد احنا بس اللي نتعبلها الليله ليلتك وكل بنت بتحلم
بيها،،،،
قالتلي طيب ماشي،،،،،،
ياروح،،،،، روح،،،
روح جت قالتلها،،،، روح اعملي للضيفه الميكب بتاعنا هي نفسها فيه
وهي بصراحه تعبت لينا.،،،،، وانا لازم
اخليها زي القمر اليوم ونخلي فهد زوجها يخطفها لبعيد
قولتلها ههههه ياشيخه هو في بس ابعد من كدا،،،،،، ههههه هانروح فين تاني هنطلع المريخ ولا ايه
روح قالت مش بعيد تطلعي القمر كمان طالما معاكي حبيبك وعشقك
تعالي يالا اقعدي،،، لا متقعديش قدام
المرايه الا لما تخلصي،،،،،
بعد شويه روح خلصت المكياج
قولت خلاص افتح،،،،
روح قالت تعالي بس اقفي قدام
المرايه وفتحي،،،،،،
وقفت قدام المرايه وفتحت عيوني
هاااا اي دة،،،،،، مين دي،،،،،،
حنين قالت معرفتيش نفسك صح
قولتلها لا دا انتو بجد فنانين ومواهب مدفونه
معقوله الميكب بيغير للدرجادي
لا وكمان شغلكم دقيق جدا بالرغم من ان الادوات مش كتيره
روح قالت الجمال هو اللي بيسحر
وانتي جميله لواحدك يا فاتن ومن
غير اي حاجه انتي قمر انا يادوب بس ظهرت ملامح وشك ورسمت عيونك مش اكتر،،،،،
قولتلها تعرفي انا نفسي اغني اغنيه
لاانصب خيمه حتى العين وابعد عن المدينه حاسه اني شبهها اوي ههههه
كلهم ضحكو علي برائتها وخفه دمها
دخلت الخاله وقالت يابنات الفنان
عبد المجيد عبد الله وصل وهيغني
دلوقتى تعالو اسمعوه،،،،،،،،
خرجو كلهم وقعدو وبدأو يسمعو الاغنيه وكانت كلامتها جميله جدا ومست قلب فهد وفاتن
تنتظر كلمه احبك،،،،، شايفك مشغول
فيها،،،، كل شي بوقته حلو ليش مستعجل عليها بكرا هي اللي تجيك
وتمر كل لحظه عليك انت بس طولي بالك وكل شئ بوقته حلو،،،،،،
فهد كان بيبص على فاتن وبيقولها
بعينه،،،،،،،، ياريت تفهمي ان كل كلمه
حب شايلها ف قلبي ليكي يافاتن
وفعلا كل شئ ف وقته حلو انا بس مستني اما اتأكد من مشارعي
ناحيتك وصدقيني مش هبطل اقولهالك،،،،،،، بس اصبري وكل شئ
ف وقته حلو،،،،،،،
وفاتن كانت بتقول ف سرها،،،،،
يانهار ابيض شوف الفال دا ناقص
عبد المجيد يروح يحطها ف بؤقه
ويقوله روح والنبي قولهالها،،،،،
خلص العرس والكل راح خيمته الا انا
روحت قعدت على البحر شويه
غصب عني دمعه نزلت من عيوني
فهد لحقها ووقعت ف ايده
قالي،،،،،،، ليه بتبكي،،،،،،
قولتله مافيش،،،،،
قالها انا عارف انتي ليه زعلانه
انا اسف يافاتن،،،، انا حرمتك من
فرحه ليله الدخله اللي كل بنت بتحلم بيها،،،،،،
قولتله والله،،،، طب كويس انك عارف
ان كل بنت بتتمنى اليوم دا
اليوم اللي تسلم نفسها لجوزها وتكون فرحانه وهي ف حضنه،،،،،،
بس انت هتعرف حاجه زي دي منين
ما انت واحد غني بقا وفرحان بفلوسك وعمال كل يوم تقضي
ليلتك مع واحده شكل،،،،،،،،
فهد قالها،،،،، والله وانتي لما جيتي
طلبتي مني فلوس،،،،،، كنتي بتطلبي على اساس ايه،،،،،، اتقابلنا اكتر من
مره وف ظروف زي الزفت كنتي عاوزاني افهمك ازاي
اتعرفتي على عمي ف اول يوم جيتي فيه الشركه معرفش امته وازاي
وقدرتي تخليه يقنعني اشغلك عندي
لا وف نفس اليوم جيتي طلبتي مني
سلفه،،،،،،، كل دا ومش عاوزاني افهمك غلط،،،،
قولتله عندك حق،،،،، بس ربنا مقالش كدا،،،، مش كل اللي تشوفه بعينك
بيكون صح،،،،،، اوقات كتير العين
بتخدع زي السحر،،،،، اليوم اللي
شوفتني ف البار مع زين انت لاحظت انه كان بيحاول يعتدي عليا
واني انا مكنتش موافقه وربنا بعتك
ليا ساعتها علشان تنقذني منه
وبردو لما صحتني ف اوضه البواب
كان بردو ملعوب من زين وبنت
صحبتي من البار هي اللي جرت رجلي على هناك بحجه الشغل
لانها عارفه كويس ان ظروفي صعبه
معرفش ساعتها ايه اللي حصل لانه خدرني بس اللي متأكده منه ان
ربنا بعتك ليا بردو علشان تنقذني
وانت كنت اول راجل يلمسني يافهد
فهد قرب مني ومسح دموعي
وقالي،،،،،،، صدقيني يافاتن انا
اليوم دا الفرحه مكنتش سايعاني
اتأكد انك شريفه فعلا ومش زيهم
زقته وبعدته عني وقولتله لا يافهد
انت طلبت مني ليله اول ماطلبت منك الفلوس من غير حتى ماتعرف
انا محتجاهم ليه،،،،،،
انت عارف انا كنت عايزة الفلوس دي ليه،،،،، حاولت تسألني ولو حتى من باب الشفقه،،،،،، اخويا كان مرمي ف المستشفى وبين الحياه والموت
وانت بكل برود ساومتني،،،،،
ساومتني على نفسي وشرفي،،،،،،
وافقت اني اضحي علشان اخويا
ميضعش مني زي ما ابويا وامي ماتو
فهد قالها،،،،، فاتن سامحيني،،،،
انا عمرى ف حياتي ماطلبت ما اعتذرت لحد ولا حسيت بالندم على حاجه عملتها زي كدا،،،،،،
فاتن انا،،،،،،،،،
كان هيقولها بس سكت،،،، معرفش ايه
اللي منعه كان نفسي يقولهالي ساعتها
وانا كنت حضنته وقولتله مسمحاك
لانك روحي،،،،،، بس عاند وسكت
كنت مستنياها منه بفارغ الصبر
بس كمل كلامه وقال انا اسف،،،،
سبته ومشيت،،،،،،،،،
♡♡♡♡♡♡♡♡♡♡♡♡♡♡♡♡♡♡♡
مراد رجع البيت وكان حاسس بإرهاق وتعب قابلته نهال وقالت
ها يا يمراد طمني ياحبيبي وصلت
لحاجه،،،،،
مراد قالها،،،،، مع الاسف يا امي
اتصلت بيهم ف الهند وقالو ان فهد
مشي امبارح ومش عارفين هو
راح على فين بالظبط انتي عارفه فهد طول عمره صعب وعنيد ومحدش قدر يوصل لدماغه
نهال قالت،،،،، طيب روحت الشركه
اكيد هو عاملك توكيل اوي اي حاجه
علشان لو هو مش موجود ف اي وقت انت تسد مكانه
مراد قال مع الاسف يا امي معمليش اما توكيل بسبب الظروف اللي مرينا بيها اخر فتره والخلافات اللي كانت بينا وعلشان دراستي كمان
بس تعرفي طلع عامل التوكيل لمين
قالتله لمين اكيد للمستشار القانوني
للشركه،،،،،
مراد قالها لا فهد عامل التوكيل ليكي
انتي يا امي،،،،، فهد طلع بيثق فيكي
جدا،،،،، وانا بردو،،،،
التوكيل بس واقف على امضاء منك
انتي،،،،،،
نهال مسكت التوكيل وكانت فرحه
الدنيا كلها فيها بقت تقول ف نفسها
ياااه،،،،،، قد طلعت مغفل يافهد
عاملي انا توكيل عام بكل الممتلكات
قد كدا انا كنت بارعه ف التمثيل
وقدرت اخليك تثق فيا من محبتي
المزيفه،،،،، كويس ان تعبي مارحش
عالفاضي ومن بكرا هقدر انفذ خطتي
بسهوله جدا
راحت قالت،،،،،، ايوا بس دي مهمه
صعبه اوي ومسؤليه كبيره عليا
ياريت انت اللي تاخد التوكيل دا يامراد
مراد قال مينفعش يا امي من هنا
لحد اما فهد يرجع ان شاء الله انتي اللي هتستلمي كل شئ بخبرتك
وامانتك كل حاجه هتبقى تمام،،،،،،
اتفضلي امضي
وقدملها القلم ولسه هتمضي جت
شذى وكبت العصير على الورق
مراد قالها.،،،، ايه اللي انتي عملتيه دا انتي مجنونه،،،، ازاي عملتي كدا
شذى قالت انا اسفه اوي،،،، مكنش قصدي
نهال قالت خلاص ياحبيبي مش
مشكله مستر هاني المحامي يقدر
يطلع غيره،،،،،،
مراد قال،،، مافيش مشكله كان في نسخه تانيه ف الشركه فهد كان عاملها سبحان الله دا زي مايكون
قلبه كان حاسس انا هاروح اجبها
واجي
نهال قالت لا يامراد مالهوش لزوم
تتعب نفسك انا كدا كدا رايحه الشركه بكرا ان شاء الله كنت هشوف
كذا حاجه
هبقى امضي التوكيل هنالك،،،،
وياريت ياشذى لو تنتبهي بعد كدا
وتبصي قدامك محدش عارف ايه
اللي ممكن يحصل
وخدت بعضها ومشيت
شذى قالت،،،،،، مراد ارجوك انا عاوزه
اكلمك ف موضوع مهم ،،،،،،،
مراد قال بعدين ياشذى ارجوكي
انا دماغي فيها مليون حاجه وبالي
مشغول جدا على فهد مش عارف ليه
اختفى مره واحده كدا،،،،،،
عدى الليل وجه الصبح على فيلا
الجبالي
نهال صحيت من النوم ولبست وجهزت علشان تروح الشركه
وجالها تلفون قالت،،، كنت عارفه انك
هتباركلي،،،، بس ياريت الحظ يساعدنا
وفهد يفضل مختفي كدا وياريت لما يظهر يكون يموت،،،،،،
نحزن عليه شويه وبعدين نضحك برتحتنا
راح قالها طب ومراد
قالتله ايه مراد،،،، مراد دا اطيب
من اخوه بكتير يعني مهما حصل
احنا نقدر نسيطر عليه مراد من غير فهد ضعيف وسهل نكسره
المهم اننا نخلص من فهد عالاخير
وبعدين باي دلوقتي علشان اروح
وامضي التوكيل
قفلت معاه وراحت ااشركه
مستر هاني،،،،، اتفضلي يافندم التوكيل
اهو،،،،، وتقدري من بعده تمشي كل
الشركه وفلوس البنوك وجميع الممتلكات
نهال مسكت القلم ولسه هتمضي
الباب فتح مره واحده
ونهال بصت بصدمه كبيره
🌹 🌹🌹🌹🌹🌹🌹🌹🌹🌹🌹🌹