Ads by Google X

القائمة الرئيسية

الصفحات

فاتنة زادتني عشقا كامله بقلم صابرين علاء جميع فصول الرواية من الاول حتي الاخير

فاتنة زادتني  عشقا الفصل الاول


رواية  فاتنه زادتني  عشقا 

الفصل الاول

بقلم صابرين علاء

كان محاوطني  بكل جسمه وبيحاول يعتدي عليا ويقولي 

فاتن انا عايزك تباتي ف حضني الليله 

،،، انا مستعد ادفع عمري كله علشانك


حاولت ازقه بعيد عني ومش قادره

رجع قالي ليه بتزقيني وبتبعديني عنك 

انا كنت بشوفك هنا ف الاوتيل الصبح 

وكنت باجي علشانك ولما قالولي انك نازله البار النهارده انا ماصدقتش نفسي 

فاتن،،،انتي جميله جدا،،،،،،فاتن انا عارف 

ان ظروفك وحشه،،،،خليكي عشيقتي 








وانا اخدك من النار اللي انتي عايشه فيها 

هاخدك لجنتي،،،،، هاخليخي ملكه الكل 

هاتلعبي بالفلوس لعب هالبسك الماز

هاعيشك عيشه القصور والسرايات 


قولتله  الله يلعنك يا اخي انت وجنتك،،، 

وفلوسك ربنا ينتقم منك هو انا كل ما اروح مكان الاقيك فيه 

انت عايز مني ايه يا اخي سيبني ف حالي بقا 


زين مسك فيا اكتر وقالي  اسيبك ازاي،،،،،،انتي لازم تبقي ليا النهارده سواء بمزاجك او غصب عنك،،،،،، انا حاولت معاكي كتيير بس شكلك عنيده 

تعالي معايا 


لاقيته مسك ايدي الاتنين وكتفهم وبدأ ياخدني غصب عني ويدخلني علي اوضه 

من الاوتيل وفجأه 

جه واحد طول بعرض وقف ف وشنا 

واتكلم بصوت مرعب وقال انت واخدها علي فين 

زين قاله وانت مالك،،،،، البنات ماليين 

البار روح دورلك علي واحده،، وابعد عني السعادي 


قاله هي مش قالتلك مش عاوزه هو ايه

بالعافيه،،،،،، 


زين قاله اه بالعافيه الحريم كلها تحت رجلي لا ليهم مشاعر عندي ولا احاسيس 

انا واخدها من البار بفلوسي 

وهاعمل فيها اللي انا عاوزه بردو بفلوسي 

واوعي من وشي احسنلك انت مش عارف 

انت بتكلم مين،،،،،، انا اقدر امحيك من علي وش الارض بفلوسي 


قاله طظ فيك انت وفلوسك،،،،، ابعد عنها 

والا هاحرقك بفلوسك اللي انت فرحان بيها 


زين قاله وانت تطلع مين انت بقي 

يا جبار انت.؟!!!! ياللي واقف قدام زين الحريري وبتتكلم كمان ومش عاجبك 


قاله بصوت مرعب انا وحش السياحه يازين ياحريري ابعد عن البنت علشان تخصني 








قالها و بعد عن النور واحده واحده وبدأت ملامح وشه اللي كلها جبروت وقسوه تظهر 

زين لونه اتخطف ووشه جاب الوان اول ماشاف وشه 

زين سابني وبعد عني اول ماشافه وقاله 

مكنتش اعرف انك هنا يا وحش السياحه 

انا اسف،ياوحش ،،،،،، شكلها تخصك،،،،، 

انا ماشي،،،،،، اتمنالك ليله سعيده 

وبصلي وقالي ببرود 

وقعتي ف يد من لا يرحم يا فاتن 


فضلت واقفه مكاني وشده بلوزتي علي صدري وفضلت ابص عليه بإعجاب بشكله وبهيبته بس كنت مستغربه اوي الحزن اللي باين علي وشه 

و فضل باصصلي شويه وقالي،،،،،،،،، 

ايه،،،،،، لما شوفتيني غيرت رأيك 

باب الاوضه وراكي خطوه واحده بس 

ممكن تاخدك ل حضني ،،،،، 


شديت الجيب القصيره اللي كنت لابساها علي رجلي ورفعت التوب علي صدري 

ومشيت من قدامه 


روحت علي البار اللي ف النيت كلاب 

سميره قالت اي دا يابنتي كل دا تأخير 


قولتلها اعمل ايه بس الزفت اللي اسمه زين 

جه ورايا وراسه الف سيف يقضي الليله معايا 

قالتلي ياخبر هو مبيزهقش الصبح كنتي شغاله ف الكافيه وبقي يجيلك كل يوم ولما اتنقلتي البار انتهز الفرصه بردو دا ايه البرود دا،،،،، طب  وعملتي ايه؟؟!! 






قولتلها الحمد لله ربنا بعتلي نجده من عنده،،، واحد اول مره اشوفه قاله بشجاعه 

لو مبعدتش عنها انا هاحرقك بفلوسك اللي انت فرحان 😃 بيها دي 

اه لو شوفتيه ياسميره،،،،،، راجل طول بعرض يسد عين الشمس،،،،، بس شكله 

صعب،،،،،، صوته لواحده كأنها اسد 

وقوته ف صوته كأنه رعد يرعب ويخلي الكل يخاف 


سميره قالتلي اي دا كله حيلك حيلك 

دا بقي حب من اول نظره دا ولا ايه

واسمه ايه المز دا بقي 


كنت لسه هاقول علي اسمه فجأه جه زين 

وقعد قدامي وقالي،،،،، 

الحظ ساعدك المرادي،،،،، لكن مش كل مره تسلم الجره يا فاتن قلبي ومسيرك

هاتيجي ف حضني برده  ولو ليكي ضهر 

اتحامي فيه واللي اتحاميتي فيه النهارده مش هايعرفك تاني لان مافيش واحده 

فضلت معاه يومين 


بدون مقدمات لاقيت نفسي برمي كاس 

الخمره ف وشه،،،، معرفش جبت الجرأه دي منين 

قولتله لو كنت فاكر اني ماليش ضهر تبقى 

غلطان انا ليا ربنا، اللي اقوي منك ومني ومن الكل،،،وانا مش خايفه منك انت فاهم ،،،،،، واللي تقدر عليه اعمله 


المانجر مهاب جه وقال 

انا اسف يا زين باشا،،،،،،حالا هاتجيلك 

ازازه شامبانيا هديه من الاوتيل واعتذار مننا علي اللي حصل 

ورجع بصلي وقال  فاتن،،،،، اسبقيني علي مكتبي،،،،،،، 


سميره قالتلي،،،،،، يعني كان لازم تعملي كدا 

،،،،،، ربنا يستر وميرفدكيش 





♡♡♡♡♡♕♕♕♕♕♕♕♡♡♡♡♡♡

في مكان تاني كان وحش السياحه فهد الجبلي  خلص ليلته من بنت 

وقالها،،،،،،،، غوري من وشي،،،،، 


قالتله كدا ياباشا مش هاين عليك حتي تاخدني ف حضنك وتقولي معلش 


فهد قالها انتي جيتي هنا بمزاجك ولا غصب عنك،،،،، 

قالتله طبعا بمزاجي 


قالها خلاص يبقي غوري من وشي احسنلك ورمي الفلوس ف وشها 

والبنت قامت من قدامه 


وفهد قام ولبس هدومه وخرج 

وقال للهاوسكيبنج 

البنت اللي جوا دي مش عاوز اشوفها تاني 

والاوضه تتنضف وبكرا تكون عندي واحده جديده،،،،،،،، 

فهد مشي من قدامها بكل جفا وجبروت 

والبنت قالت روح ياشيخ ربنا يذلك و

ينتقم منك علي كل اللي بتعمله دا 


♡♡♡♡♡♡♕♕♕♕♕♕♕♡♡♡♡♡

وف نفس الوقت كنت  ف مكتب المانجر 


مهاب قالي  انتي النهارده اتخطيتي حدودك اوي انتي ازاي تعملي كدا من امته بنتعامل مع الزباين بقله الذوق دي 

انا قولتلكم قبل كدا ان الزبون مهما يعمل هو علي حق 


قولتله يامستر مهاب زين الحريري دا من احقر رجال الاعمال كل شويه يقرب مني 

ويطلب حاجات زباله زيه 







مهاب قالي ببرود طب ماتديله،،،،،، اديله اللي هو عاوزه وخدي اللي انتي عايزاه 

هو انتي عاوزه تفهميني ان مافيش راجل دخل حياتك قبل كدا وانك مستيه الامير 

اللي ياخدك بفستانك الابيض 


اتصدمت وقتها وقولتله وفيها ايه لما احب 

واستني الامير اللي يخطفني علي حصانه 


مهاب قالي طب ولما انتي شريفه اوي كدا 

ايه اللي شغلك ف الاوتيل عندنا 


قولتله انا اشتغلت هنا علشان ظروفي 

وعمري ماهابيع نفسي لحد حتي لو كان

معاه مال قارون بذات نفسه 


مهاب قالي طالما عامله فيها شريفه 

ييقي اطلعي برا انتي مطروده ومالكيش 

باقي حساب عندنا 

وشارلي بإيده علي الباب برااااااا


طلعت بسرعه ومن غير حتي ما اغير هدومي مشيت بهدوم الشغل 


فهد نزل تحت ولسه هايخرج من باب 

الاوتيل 





كنت واقفه قدامه وبحاول افتح الباب 

لانه مش راضي يتفتح لفيت  ولقيته ورايا  وفجأه 

صرخت عاااااااااااااااااااااااااا


فهد فضل واقف قدامي وعاقد حواجبه 

ومن غير كلام فتح الباب وسبته ومشيت 


وهو كمان ركب عربيته ومشي بسرعه 


♡♡♡♕♕♕♕♕♡♡♡♡♕♕♕♕


في مكان تاني كانت شذا اخت فاتن ف المعمل 

شذا قالت مراد بص شوف التركيبه دي كدا 

انا متحمسه جدا،،،،، وحاسه انها هاتنجح 


مراد قالها وانا كمان نفس احساسك 

البارت بينزل كل يوم على صفحتي الكاتبه صابرين علاء. 

شذا قالت عارف يا مراد كان حلم بالنسبالي 

اني ادخل طب ولما اتعرفنا علي بعض ف سنه اوله كنت ديما بتشجعني 






مراد قالها طبعا وادينا وصلنا وكلها كان شهر ونتخرج وزي ما وعدتك هاوفي 

وهانتجوز ونبدأ حياتنا ف هدؤ 


شذا قالت ازاي عايزنا نبدأ حياتنا وانت مش عاوز تحكيلي حاجه عن عيلتك واهلك 

او تقولي اي حاجه عن ماضيك 

مراد انت ازاي بتعتبرني حبيبتك وانت مش عايز تحكيلي اي حاجه عن حياتك اللي فاتت،،،،، مراد انا حتى مامتك معرفهاش 

مراد قام وقف وقالها مالكيش دعوه بأهلي 

شذا انتي عايزاني انا ولا اهلي،،،،، 

شذا انا حبيتك ومسألتش عن اي حاجه ف حياتك ودا لاني عايزك انتي وماليش دعوه بأي حاجه تانيه 


شذا قالتله ايوا يامراد بس احنا مش عايشين لوحدنا ف الدنيا في اهل وفي عيله،،،،، في صحاب وفي جيران ازاي عايزنا ننسي كل دا 


مراد قام ونزل تحت رجلها وقالها 

انا ماليش دعوه بحد يا شذا،،،،،،، انا من زمان وحيد وقافل علي نفسي بالضبه 

والمفتاح وكانت حياتي ضلمه وانتي جيتي نورتيها،،،،،، شذا انا بحبك واعتبرتك كل شئ ف حياتي حبي وحضني وهمي 

انتي اللي رجعتي املي تاني ف الدنيا 


شذا نزلت هي كمان لمستواه  وقالتله 

وانا كمان يامراد انا مستعده احارب الدنيا 

كلها علشانك،،،،،، بس قولي ايه حكايتك

احنا من ساعت ما اتعرفنا علي بعض ف الجامعه 

وانت مش عايز تحكيلي عن اي حاجه تخص ماضيك 





قالها وبحزن علشان ماضيا دا ممكن يكون سبب ف بعدك عني،،،،،، بلاش نخسر بعض 

علشان ماضي،،،،،،،، 

ماضي منقدرش نغير فيه حاجه 

اصبري عليا يا شذا وهاتعرفي كل حاجه 

ف وقتها،،،،، شذا انتي مش واثقه فيا 


شذا اتنهدت وقالت  اه طبعا ياحبيبي واثقه فيك ثقه عمياء، خلاص يا مراد   وانا مستعده اصبر عليك يامراد خلاص متزعلش 

الدكتور دخل عليهم وقال جرا ايه ياولاد 

خلاص خلصتو ولا لسه يالا قومو روحو 

خلاص المعمل هايقفل علشان الوقت اخر 


مراد قال ماشي يادكتور احنا مروحين اهو 

يالا بينا ياشذى 

حطو اديهم ف ايدين بعض ومشيو سوا 


♡♡♡♡♡♡♕♕♕♕♕♕♡♡♡♡♡


دخلت شقتي وانا مش طايقه نفسي رميت المفاتيح ولقيت البيت هادى قولت انادي علي اخويا  

حسام،،،،،،،، حسام انت فين ياحبيبي 

مش باينلك حس ليه ياشقي 


دخلت عاالاوضه بتاعته واتصدمت لما لاقيته واقع علي الارض 

حسام،،،،،،،،، حسام مالك فوق ـ،،،،،، 

حساااااااااااااام 


جت شذا وكشفت عليه وقالت 

حالته خطر يا فاتن لازم ناخده عالمستشفي فورا،،،،،،، 


قولتلها اخوكي ماله ياشذا دا احنا مالناش غيره ف الدنيا دا انا بتبهدل واتمرمط علشان اربيه واعلمه واخليه راجل يحمينا ويحاجي علينا بعد ابوكي وامك 







شذا قالتلي مش وقته،،،،، مش وقت الكلام دا يافاتن لازم نلحقه بسرعه انا هاتصل 

ب مراد 

قولتلها لا مراد لا متكلميش حد انا وانتي هانصرف 

قالتلي طب روحي غيري هدومك

دي،،،،،،، مينفعش تمشي معانا كدا انتي ليه 

مغيرتيش ف البار 


قومت بسرعه زي المجنونه غيرت هدومي وروحت معاهم علي اقرب مستشفى 


الدكتور كشف عليه ولما خرج 

شذا قالت مالك يادكتور باصص ف الأرض 

ليه،،،،،، ولونك مخطوف،،، اخويا جراله حاجه 

قولتلها،،،،،، استني بس يا شذا لما نشوف هايقول ايه 

الدكتور،قال ،،،،،،،،  مع الاسف اخوكي 

عنده ثقب ف القلب ولازم ضروري يعمل 

عمليه ف اسرع وقت 






قولتله طيب وقد ايه تكلفه العمليه يادكتور 


قالي مش اقل من 120 الف جنيه دا غير 

غير الغرفه والرعايه اللي هايكون فيها 

يعني الموضوع مش اقل من 150 الف ج 


شذا قالت طيب ينفع ننقله مستشفى عام 


الدكتور ينفع اكيد بس المستشفى العام 

هايكون في دور ولتزم تستنوه والله اعلم 

دوره هايجي امته 

لازم تتصرفو ف الموضوع بأسرع وقت 

ضروري العمليه تتعمل اخر الاسبوع 

بعد ازنكم 


حسيت اني ف ورطه اخويا بيضيع مني 

وانا مش عارفه اعمل ايه 


شذا قربت مني وقالتلي هانعمل ايه يا فاتن 

لازم نتصرف ف الفلوس دي ف اسرع وقت 

والا حسام هايروح مننا دي وصيه بابا وماما علينا،،،، 

االبيدج الاصليه الكاتبه صابرين علاء. 


قولتلها،،،،،، متقلقيش ان شاء الله ربك هايفرجها،،،،،، يلا نمشي 


وروحنا البيت انا وشذا ودموعنا علي خدنا من كتر الزعل 

سميره اتصلت بيا كنا ساعتها قرب الفجر 

رديت عليها ايوا ياسميره خير 


قالتلي ايه يافوفا عامله ايه،،،،،، 

مهاب عمل ايه معاكي انا سألته وهو مردش 

خوفت لايكون رفدك 


قولتلها اطمني رفدني 


قالتلي ياخبر،،،،،، وهاتعملي ايه دلوقتي 

هاتصرفي علي اخواتك ازاي،،،،،، 

انتؤ محتاجه للشغل جدا الفتره دي خصوصا ان شذى لسه ماتخرجتش علشان تساعدك 


قولتلها والله ماعارفه اعمل ايه يا سميره 

دا غير ان حسام اخويا ف المستشفى 

وبين الحياه والموت 

وقت احكيها علي اللي حصل 





قالتلي طب اسمعي،،،،،، في شركه سياحه 

طالبين بنات سكيرتاريه بنات ويكون شكلهم حلو مرتباتها جميله جدا 

وشغل بسيط وسهل خالص،،،، انا سمعت بالموضوع بالصدفه،النهاردةف البار ،،،،،، بس في مشكله 


قولتلها مشكله ايه؟؟ 


قالتلي صاحب الشركه مش بيشغلهم عنده اكتر من سنه،،،،،، وبعدعا بيمشيهم 

وهم دلوقتي طالبين 


قولتلها مش مشكله ياستي سنه سنه 

بس المهم اشتغل الفتره دي بأي طريقه 


سميره قالت ربنا يعينك ياحببتي،،،، 

عالعموم بكرا تروحي الشركه الساعه 

7 الصبح خالي بالك لو اتأخرتي الفرصه هاتضيع،،،،،،، 

طيب اكتبي عندك العنوان اهو 


قفلت معاها ولاقيت عنيا بتقفل لوحدها من كتر التعب ونمت عالطول ماحستش بنفسي 


♡♡♡♡♡♡♡♡♡♡♡♡♡♡♡♡♡♡

تاني يوم صحيت من النوم لاقيت الساعه 

قولت بتنهيده  الحمد لله لسه مجتش سبعه 

لسه في وقت يادوم البس واجهز ملفي 

علشان استلم شغلي الجديد،،،،،، 

يارب وقفني فيه ويكون باب رزف خير 

وحلال ليا 






قومت اتوضيت وصليت وقولت 

يااارب اقف جمبي انا ضعيفه وماليش غيرك،،،، يارب احميني من ولاد الحرام 

واكفيني شرهم،،،، ووقفلي ديما ولاد الحلال اللي يقفو جمبي ويساعدوني 


لبست واخدت ملفي وروحت عالعنوان 

اللي ادتهولي سميره 

كانت زي فيلا ومافهاش حد 

دخلت وقولت،،،،،، ياللي هنا،،،،،، 

في حد هنا،،،،،، غريبه اوي دا المفروض ان هي دي الشركه اللي قالتلي عليها سميره 

بس انا مش شايفه لا مواظفين ولا حاجه 

خالص 

وفجأه واحد ظهر ف وشي شكله امن 

قولتله لو سمحت هي مش دي شركه 

الحريه للسياحه؟؟؟؟ 

قالي ايوا هي،،،،،،،، انتي جايه تقدمي علي وظيفه سكرتيره صح 


قولتله ايوا،،،،،،، ياتري التقديم بدأ ولا انا جايه بدري 


قالي ايوا طبعا التقديم بدأ من بدري خشي جوه بسرعه قبل مايفوت الاوان 


الراجل كان كلامه غريب قولتله 

بس هو لسه بدري اعتقد،،،،،، الساعه لسه مجتش سبعه 

قالي لا مش مهم،،،،،، المهم تلحقي الوظيفه  

اتفضلي جوا يالا 


دخلت جوا وفجأه 






وفجأه الباب اتقفل عليا لواحده طلع الكتروني 

اتخضيت ولفيت حواليا مالقتش حد وكنت 

خايفه اوي قولت بضعف 

مين،،،،،،، مين اللي قفل الباب،،،،، 

مين اللي هنا،،،،،،،، 


حسيت اني ف خطر ساعتها وفجأه ظهر لي بشكله وجبروته 


قولت بخوف،،،،،، انت؟؟؟!!!! 


وبدأ يقرب مني وشكله كان سكران وفعلا يخوف 

قولتله انت عايز مني ايه؟؟؟؟!!!!! 


                      الفصل الثاني من هنا

تعليقات

‏قال Unknown
أين تكملة القصة